السكه شمال بقلم / لولو_محمد ( كامله )

الحلقه ٣٨

((((السكة شمال ))))))))
#لولو_محمد
الحلقه الثامنه و الثلاثون
مرام / حكمت علي اساس ايه
محمود / مانتى شايفه كلو بيبات عند كلو و الحياه سبهللى عالاخر
مرام / مره قريت ان الصح و الغلط نسبي يعنى لو انت اتربيت فالصعيد غير القاهره غير امريكا غير السعوديه كل بلد الصح و الغلط فيها بيفرق
محمود / نوعا ما صح بس احنا مبيحكمناش الصح و الغلط بيحكمنا الحلال و الحرام هى نيفين قالتلك ايه لما كلمتك المره اللى فاتت من ساعتها و انتى مش مظبوطه بس افتكرى انى قولتلك ان سكه العيال دى سكه شمال ماشى
................................
مرام / قولت يا محمود قولت 
محمود / قولت يا محمود ؟؟ ماشى
محمود يبص لمرام و يبص قدامه
........................
فى كافيه
ماهى / الله المكان ده تحفه بجد مصر وحشتنى اوى
مازن / كويس انه عجبك
ماهى / مالك يا مازن انت زعلان منى
مازن / لا مش زعلان
ماهى / انت عارف بابا يا مازن صدقنى انا كمان مدايقه اوى ماللى حصل و حاولت كتير اصلح الوضع بنكوا بس اعمل ايه
مازن / انتى مكبره الموضوع ليه حقه على فكره و انا مش زعلان منه
ماهى / على فكره انا متصلتش باونكل امبارح اشتكيله و لا حاجه
مازن / عارف ان زياد اللى اتصل
ماهى / بس انا زعلانه انك مجيتش امبارح زى موعدتنى انا فضلت مستنياك كتير اوى
مازن / مقولتلك حصلت ظروف معرفتش اجى
الوايتر يجيب المينيوز ماهى تبص فيها مازن يطلع موبايله و يلعب فيه
ماهى / انا مش جعانه ممكن اخد عصير فريش ايه رايك
مازن / اللى تحبيه انا عن نفسى هاخد قهوه عشان مطبق من امبارح و على اخرى بصراحه
ماهى / اوك اورانج جوس و قهوه مظبوط ... شكرا
الوايتر يمشى
ماهى / احكيلى بقى ايه سر التغير الرهيب اللى حاصلك ده
مازن / متغيرتش و لا حاجه انا زى مانا بالظبط
ماهى / يا سلام بقى تسيب اللجنه مخصوص عشان تشوفنى و دلوقت سايبنى عشان تزاكر ده مش تغير
مازن / يادى الخنقه
ماهى / ايه ؟؟؟
مازن/ خسرت الجيم لعبه مؤرفه بجد يعنى استغفر الله العظيم حقيقى مشوفتش كدا
ماهى / دا وقت لعب يعنى متسيب الموبايل ده و تكلمنى
مازن / بس كدا من عنيا ادى الموبايل كنتى بتقولى ايه بقى
ماهى / مبقولش الا مين مرام دى صحيح
مازن / زميلتى فى الكليه
ماهى/ اه مانا خدت بالى يعنى بس اصلى و انا جايه اسلم عليك شوفتكوا بتتكلموا و كان شكلكوا متعصبين كدا مش فاهمه يعنى
مازن / متاخديش فبالك
ماهى / انا كلمت بابا امبارح على فكره و قولتله على اللى انت بتعمله و بجد فرق معاه اوى و هو اللى قالى اجى اراضيك و قالى انك لو استمريت عالوضع ده و مطلعش فيلم من بتوعك هو هيغير رايه فيك
مازن / لا مهو انا زهقت برده
ماهى / بصراحه ليك حق يا راجل ده انا اتخرجت و عملت الماستر و انت لسه فالكليه
مازن / معلش
ماهى / مازن انت مش مبسوط انى جيت
مازن / انا كنت واضح معاكى مالاول انا ففتره امتحانات و مش فاضى و مش رايق
ماهى / بس انت
مازن / انا يوم مسبت اللجنه سبتها عشان مونيكا على فكره كانت معاكى لو فاكره يعنى و اه احنا مش مخطوبين و الاهم بقى انى مبفكرش ارتبط دلوقت
ماهى / اااااااااااه قول كدا بقى انت ادايقت عشان قولت قدام الهانم انى خطيبتك على العموم انا ممكن اتصل بيها اعتزرلها و اوضحلها سوء التفاهم ده
مازن / لا متقلقيش انا هعرف اوضحه كويس
ماهى / على العموم انا مجبتش حاجه من عندى اونكل ابراهيم هو اللى قالى امبارح انك بتزاكر و عاوز تنجح عشان بابا يوافق عليك و تقدر تسال لبنى لو مش مصدق 
مازن / لا ازاى مصدق طبعا و لبنى بقى قالتلك ايه عن مرام بقى
ماهى / مقالتليش حاجه
مازن / يا شيخه شوفى و انا اللى ... صحيح ان بعض الظن اثم
ماهى / قالتلى انها بتساعدك فى المزاكره عشان تنجح و انك اتغيرت كتير من ساعه معرفتها و اثرت عليك
مازن / انا عاوز انام
ماهى/ دلوقت هيجيبوا القهوه
مازن / اصلى صدعت اوى
ماهى/ الماده الجايه اخر ماده صح
مازن / اه
ماهى / كويس يعنى هتلحق البارتى بتاعه يوم السبت
مازن / بارتى ايه دى
ماهى / اللى هعملها بمناسبه الفيلا الجديده بتاعتى
مازن / مبروك
ماهى / الله يبارك فيك مع انى مش مبسوطه بيها ابدا
مازن / ليه بس كدا
ماهى / انت فاكر يعنى انى مكنتش اقدر اجيبها من زمان انا جبتها عشان كنت فاكره اننا خلاص انا ببقى مبسوطه اكتر و انا معاك
ماهى تمسك ايد مازن يسحب ايده الوايتر يحط العصير و القهوه
ماهى / ادى القهوه جت اهى يا سيدى عشان تفوقلى بقى
مازن / ماشى
ماهى / تعرف بفكر نطلع سهل حشيش الجو هناك تحفه اليومين دول اخبار الريزورت بتاعك ايه
مازن / معرفش هبقى اسال خالو
ماهى / اهو دى حاجه تانيه بابا بيدايق منها اوى يا مازن يا حبيبى
مازن يدلق القهوه عالترابيزه
ماهى / خير خير هخليهم يجيبولك واحده تانيه
مازن / ماهى بصى انا فعلا مش قادر ممكن نتكلم وقت تانى
ماهى / طبعا يا حبيبى مفيش مشكله
مازن يقوم و يحط فلوس عالترابيزه
مازن / تعالى اوصلك الفيلا مش انتى لسه قاعده هناك برده
ماهى / مازن انت بتتهرب منى
مازن / وقت تانى بجد مش قادر يلا
ماهى تقوم مع مازن و يمشوا و هى بتبصله بديق
.............................
فى شقه مازن
مازن /انت بتدحك يا شريف انا جبت اخرى اقسم بالله
شريف / مهو بصراحه مش معقول ابدا كميه العكوسات دى انت اكيد حد عاملك عمل
مازن يبصله و هو متعصب
شريف / خلاص خلاص هتكلم جد بس الاول انت عندك استعداد تزعل ابوك
مازن / انا مش هتجوز البتاعه دى لو على جثتى انت مش متخيل يا شريف دى بارده لاقصى حد لوح تلج يعنى هتشلنى او هتجلطنى او مش بعيد ... مش عارف بس بجد مش هستحملها
شريف / طب متنهى الحوار ده و تحط النقط عالحروف
مازن / ياعم المشروع الزفت اللى بابا داخله مع ابوها ده مكتفنى تعرف انا لما ابوها هزقنى ارتحت كنت سعيد عارف كنت طاير كدا عشان جت منهم بس شوف بقى ربنا عشان اوصل لمرام لازم افلح و انجح و لو نجحت هلبس فماهى
شريف / ههههههههههههههههه ياعينى يابنى تصدق صعبت عليا
مازن / اما جتلى حته فكره بس هتخسرنى وقت كتير اوى مع مرام
شريف / هتعمل ايه
مازن / سبنى بس ارتبها فدماغى و لو مشيت هبقى ضربت كل العصافير اللى عالشجره و منغير و لا طلقه
..................................
فى شقه مرام
مرام بتتكلم فى التليفون و محمود قاعد متابع
مرام / خلاص والله اخر ماده
احمد / مرام ممكن اتكلم معاكى بصراحه
مرام / اكيد طبعا اتفضل
احمد / بصى انتى طبعا شيفانى زنان و تصرفاتى مش منطقيه بس الحقيقه ان فى حاجه مهمه اوى انتى متعرفيهاش
مرام / خير
احمد / مازن ... انا و هو كنا دفعه واحده اول مدخلنا الكليه طبعا بصى الجو بنا مكنش كويس يعنى والدى ووالده كانوا بينافسوا بعض فى الشغل و المنافسه دى اتنقلت لنا فكل حاجه فالدراسه فالصحاب مازن طبعه انه بيحب ياخد كل حاجه لنفسه حتى لو مش عاوزها المهم انها تكون معاه
مرام / اسفه انى بقاطعك بس انا ايه علاقتى بالموضوع ده
احمد / هههههههههههههههههه انتى فظيعه علاطول مستعجله كدا بصى يا ستى طبعا انتى عارفه شريف
مرام / اه بيشتغل مع مازن
احمد / ههههههههههههههههه هو ده اسمه شغل يا ستى شريف كان دفعتنا و كان صاحبى انا و مازن فنفس الوقت و كانت ظروفه وحشه فانا خليته يجى يشتغل معايا فى الشركه فى الحسابات و كان بياخد مرتب كويس بس للاسف شغله كان بدا ياثر على علاقته بمازن هو فهم انى شغلته عشان ابعدهم عن بعض فقدمله وظيفه بمرتب عالى جدا الحقيقه انى لانا و لا شريف و لا مازن نفسه عارفين ايه هى وظيفه شريف بالظبط غير انه يبعد عنى
مرام / اااه
احمد / الموضوع موقفش عند كدا مازن اعلنها حرب عليا مفيش اى حد كويس عندى الا لما اتقدمله اوفر مره و اتنين و عشره من شركات مازن عشان يسيب الشغل و يروح يشتغل عنده
مرام / و انا ..
احمد / انا لما كلمتك و طلبت منك تيجى تشتغلى معايا كان عشان انا عارف انك خامه كويسه بس لما رفضتى تمضى العقد و شوفت مازن يعنى معاكى خفت عليكى انا عارفه كويس
مرام / بص حضرتك انا كنت بساعد مازن يعنى حاجه زى كورس مراجعه دا كل الموضوع لكن انا اديت لحضرتك كلمه و انا اتعودت دايما انى احترم كلمتى
احمد / دا اللى يهمنى انا بس كنت بوضحلك انا ليه مهتم بيكى و بسال عنك كتير يعنى عشان متفهميش الموضوع غلط
مرام / لا متقلقش حضرتك
احمد / تمام انا مش هعطلك روحى كملى مزاكره و اشوفك بقى فى الشركه زى متفقنا
مرام / باذن الله مع السلامه
مرام تقفل محمود يحط ايده على خده و ينفخ
محمود/ خير المرادى
مرام / خايف ان مازن يكون قدملى عرض احسن منه و لغيت اتفاقى معاه زى معمل مع شريف زمان و مع موظفين كتير اوى من شركته
محمود / هو اه مازن واطى و يعملها بس هيستفاد ايه يعنى
مرام / بيقول منافسه بينهم
محمود / و انتى ايه اللى هيدخلك فالجو ده اصلا
مرام / بص لو مازن اخر حد فى الدنيا انا مش هشتغل معاه و انا عملت سيرش على شركه الذهبى و بجد سمعتهم فى السوق جامده جدا و حتى لو مشتغلتش فيها مجرد اسمهم فى السى فى بتاعى هيفرق جدا
محمود / دى حقيقه للاسف مش هقدر انكرها
مرام / يبقى خلاص عاوز ايه بقى
محمود / مش عاوز غير سلامتك والله اتفضلى حلى
مرام / هحل 
.............................
فى الفيلا
زياد / والله كنت قربت انسى شكلك
مازن / تبقى اول واحد انا متنسيش يابنى
زياد / هههههههههههههه دا على اساس انى واحده مالمزز بتوعك
مازن / ههههههههههههههه لا انا زوقى احلى من كدا بقولك عامل ايه
زياد / يعنى من بعد ما ماهى شرفت و انا حاسس بملل رهيب
مازن / يا راجل ليه كدا
زياد / جيرلز ستاف حاجه قرف
مازن / ههههههههههههههههه خد على كدا بكره يتفقوا علينا
زياد / الله
مازن / ايه
زياد / لا بس مستغربك هو اللى انا فهمته صح
لبنى و ماهى ينزلوا من فوق
مازن / ايه يا مزز مزعلين زيزو ليه
لبنى تبص لمازن باستغراب ماهى تروح تقعد جنب مازن يمسك ايدها و يقعدها
ماهى /  برده مخصماك
مازن / مانا جيتلك اهو خلاص بقى
لبنى / اخبار المزاكره ايه يا مازن
مازن / اتخنقت اقسم بالله بس اعمل ايه عشان الورد
مازن يبص لماهى تبتسم
لبنى / على العموم هانت اخر ماده
مازن / مش قادر استنى انا بفكر اول مناخد الاجازه اسافر اغير جو فاى حته افصل بيها عن الدنيا اعمل دماغ تنسينى القرف اللى شوفته فى المزاكره و الامتحانات دى خالص
زياد / ايوه بقى يا ميزو يا جااااااااامد بس متنساش تحط خطوبه مونيكا فخطتك لحسن تكون ناسيها و لا حاجه
مازن / لا مش ناسى طبعا بقولك ايه يا لبنى زياد كان بيقولى ان من ساعه مماهى جت و انتى وحشاه اوى
لبنى / ههههههههههههههه هو قالك كدا
مازن / متقوموا تقعدوا مع بعض شويه انا متاكد ان عنده كلام كتير اوى عاوز يقوله
زياد / ههههههههههههههههههههههه وحشتنى يابن اللذينه
لبنى / يلا يا زياد
لبنى و زياد يقوموا و لبنى بتبص على مازن بغل
مازن / انا مخاصمك على فكره 
ماهى / يا سلام و المفروض بعد المقابله البارده بتاعتك تكون انت اللى مخاصمنى 
مازن / لا لا لا مبحبش اسلوب قلب الترابيزه ده متمسكيش فرد الفعل و تسيبى الفعل
ماهى / و ياترى الفعل كان حوارك مع بابا و لا حوارى مع مرام 
مازن يرفع صابعين و يحركهم
ماهى / هى تهمك اوى كدا
مازن / على فكره للعلم بس مش اكتر انا مكلمتش مرام من ساعتها و مش هكلمها لان مصلحتى معاها خلصت هى كانت بتساعدنى عشان ازاكر و اخر ماده احنا قفلناها قبل الامتحانات اصلا فمش محتاجها
ماهى / الحمد لله
مازن / بس اسلوبك فالكلام معجبنيش اللى هو انت زعلان اتفلق اى كان اللى بابا قاله طظ المهم ان اللى انا عوزاه هو اللى يمشى
ماهى / لا طبعا مش كدا
مازن / باباكى شتمنى قدام اهلى و اهلك
ماهى / يوووووه مخلاص بقى دلوقت كل حاجه هتتغير هتنجح و تتخرج و تمسك شغلك و ساعتها مش هيبقاله اى حجه عشان خاطرى بقى يا مازن
مازن / اعمل ايه عشان خاطرك ارمى كرامتى فى الزباله
ماهى / انا متاكده انك لما هتقابله فى خطوبه مونيكا هيراضيك
مازن / بس لو ده محصلش
ماهى / لا هيحصل صدقنى بابا مبسوط اوى بالتغيير اللى حصلك يا مازن
مازن / انتى عامله ايه هنا مع لبنى
ماهى / عادى يعنى
مازن / من امتى العادى ده انا قولت هاجى الاقيكوا شادين فشعور بعض هههههههههههههههه
ماهى / بلدى اوى
مازن / معلش استحملى ههههههههههههههههههه
ماهى / انت قولت انك مخلص الماده دى صح
مازن / مخلصها اه بس دا ميمنعش انى عاوز اراجع هشوفك بعد الامتحان
ماهى / انت هتمشى و لا ايه
مازن / انتى عاوزه ايه اقعد و اضيع كل اللى عملته و لا امشى شويه عشان ربنا يكرمنى
ماهى / خلاص تمام امشى بس تعمل حسابك هخلى الموبايل جنبى كلمنى لو فضيت فاى وقت
لبنى و زياد يدخلوا مازن يمسك ايد ماهى يبوسها و يبتسم
زياد / ايه شكلنا جينا فوقت مش مناسب بس احنا جوعنا ايه مجوعتوش
مازن / لا انا لازم امشى انا كنت جاى عشان نور بس خلاص كلو تمام مش كدا برده
ماهى / تمام
ماهى تبتسم مازن يبص للبنى
مازن / خدى بالك منها اليومين دول عشان هاجى اخدها يلا سلام
مازن يمشى لبنى تحط ايدها حوالين كتف ماهى و هى مبتسمه
لبنى / فعنيا طبعا
................................
اخر يوم فى الامتحانات فى الكليه
مازن / انا كنت متخيل انى هلاقى ماهى مستنيانى هنا لما اطلع ماللجنه
لبنى / للدرجادى
مازن / لا بجد هى فين
لبنى / راحت للكوافير تعمل شعرها و هتستناك فى شقتك عملالك مفاجاه
مازن / اموت انا فى المفاجات هههههههههههههههههههه استاذن انا بقى يا جماعه عشان عيب اسيبها مستنيه
مازن يمشى
زياد / هههههههههههههههه يخربيت دماغه
لبنى / من امتى يعنى الهبل اللى بيعمله ده
زياد / من امتى مازن بيتاخر على واحده مستنياه يعنى 
لبنى / لا انت فاهم قصدى كويس مازن جارر ناعم اوى مع ماهينور يا زياد
زياد / مانتى عارفه الحوار هتلاقى مازن بيحاول يرضى بابا باى شكل يعنى
لبنى / يعنى ايه هيتجوزها بجد
زياد / وفيها ايه يعنى انتى عارفه جوازه مازن من ماهى هتفيدنا قد ايه
لبنى / هتفيده هو لكن هتضرنا احنا
زياد / ليه ان شاء الله
لبنى / هتفضل طول عمرك تبص تحت رجليك
زياد / لولا حبيبتى بلاش جو النكد ده بليز بقى
لبنى / ماشى يا حبيبى هفهمك طنط لو فاكره ان جواز ماهى من مازن هيكبر المجموعه بتاعتنا تبقى غلطانه هو هيكبر فعلا بس مجموعه مازن و اونكل صفوت و حتى لو احنا استفدنا فدا يا حبيبى هيبقى وضع مؤقت جدا لحد مبعد عمر طويل والدك يتوفى ساعتها كلو هيروح لمازن تفتكر بقى ماهى ساعتها هتسيب علاقتك بمازن زى مهى بحر تسحب منه زى مانت عاوز و لا هتقرفنا بقى كل شويه كاننا بنشحت منها
زياد / مازن ميعملش كدا
لبنى / اه مازن ميعملش كدا بس للاسف ماهى تعمل و ساعتها هتبقى مراته و مش بعيد ساعتها تكون جابتله بيبينوا صغير تاكل بيه عقله و تقنعه ان ابنه الننوس اولى بالفلوس دى فهمت
زياد / لو كدا بقى مازن عمره مهيتجوز
لبنى / لا مش قصدى يعنى انا اقصد اننا لازم يوم ممازن يتجوز نبقى ضامنين مراته دى فجيبنا باى شكل عشان نضمن ان مصلحتنا معاه ماشيه يعنى يا واحده مننا يا واحده نقدر نسيطر عليها ماهى بقى لا مننا و لا هنقدر نسيطر عليها
زياد يبص للبنى و يبص الناحيه التانيه
......................................
فى شقه مرام
سميحه / يا بنتى افهم بس مستعجلين على ايه
مرام / انا وعدته انى هطلع مالامتحان عالشركه بس هدومى مكنتش مناسبه خالص اتبهدلت فى المواصلات و دا اول يوم ليا فى الشغل
سميحه / طب على الاقل كليلك لقمه
مرام / يا تيته والله مش جعانه لو جعانه كنت هقعد اكل و كمان مش عاوزه اتاخر عشان اروح بدرى
سميحه / امرى لله اعملى اللى انتى عوزاه
مرام / ها قوليلى بقى انهى طقم علي هيبقى احلى
سميحه / الازرق
مرام / انا بقول كدا برده تسلمى يا احلى تيته فى الدنيا
.............................
فى الشارع عند مرام
مازن يركن العربيه و يشيل بوكس هدايا و يدخل الشارع و يروح يسلم على مجدى
مجدى / اهلا اهلا بالباشا الكبير
مازن / ازيك يا مجدى ازيك يا توفيق و لا اقولك تيفا احسن
توفيق يهز راسه
مازن / بقولك ايه يا توفيق دى مفاتيح العربيه عاوزك تبصلى عليها بصه تمام سامع انك ميكانيكى شاطر
تيفا ياخد المفاتيح و يبص فيها
مجدى / لا اطمن دا توفيق ايده تتلف فحرير و لا اجدعها توكيل
مازن / انا سمعت كدا برده عشان كدا جتله
مجدى / متروح يا توفيق متعطلش الباشا
توفيق يمشى
مازن / ازيك يا مجدى اخبارك
مجدى / كل اللى انت طلبته منى حصل يا باشا
مازن / و انا متاكد بس انا جايلك فحوار جديد و عشان كدا وزعت توفيق
مجدى / رقبتى
مازن / فى واحد حبيبى عنده شركه شحن عاوزك تروحله تبص بصه عالعربيات اللى عنده عشان الراجل اللى بيتعامل معاه تاعبه و انا قولتله انك هتجيب مالاخر و متقلقش لو عجبه شغلك هيحلى بقك
مجدى / و منغير فلوس خالص دا كفايا انه حبيبك يا باشا
مازن / حبيبى يا حو انا هقوم بقى ابص بصه على حوده على متوفيق يظبطلى العربيه
مجدى / خد راحتك يا باشا
مازن يقوم يدخل البيت يلاقى مرام نازله عالسلم
مرام / ايه ده انت بتعمل ايه هنا
مازن / انتى رايحه على فين كدا
مرام / و انت مالك
مازن / احمد ؟؟ اوعى تكونى صدقتى حوار الشغل ده
مرام / ملكش فيه بقولك ايه محمود مش فوق فانا لو منك اللف و امشى
مازن / و مين قالك انى جاى لمحمود اصلا
...........................