السكه شمال بقلم / لولو_محمد ( كامله )

الحلقه ١٢٥

(((((((((((((السكة شمال ))))))))
#لولو_محمد
الحلقه 125
مازن / انا الانسان الوحيد فى الجروب اللى تحت اللى مطمن انى يوم مهقع هلاقى اللى يسندنى و يخاف عليا انت كدا كدا بتقبض مرتبك ايه يجبرك تجيلى و انا فعز خنقتى تطمن عليا و تفك عنى ايه يجبرك توجهنى للصح انت معاك بطاقه انليمتد و مع كدا عمرك مسرقتنى مع انى مسامحك انت لو مستحملنى بس عشان الفلوس فانا اكيد عازرك انا نفسى محدش يستحملنى بس انا بقى مقدرش استغنى عنك يا شريف و لا استحمل عليك الهوى
شريف يبص لمازن يلاقى عنيه مليانه دموع ياخده فى حضنه
مازن / اللى الكلب ده عايرك بيه يشرفك مش يعيبك اى حد فمكانك كان هيعمل اكتر من كدا انا لو مكانك هعمل اكتر من كدا فك انت ارجل منه و من عيلته كلها فاهم و لا لا
شريف يهز راسه
مازن / انا وعدت مرام انها هتنبسط هنا ساعدنى بقى انفذ وعدى بليز
...............................
شريف يهز راسه مازن يشاورله يلا و يمشى يفتح الباب
شريف / مازن
مازن يبصله
شريف / انا مش معاك بس عشان الفلوس
مازن / عارف و عارف ان كل الكلام اللى انت قولته لمرام انت متقصدوش انا بس كان لازم ارد عليه عشان الشيطان ميزرعش بزرته بنا
شريف يبتسم
مازن / تعال ابقى فضى هدومك بعدين
مازن يفتح الباب يلاقى صافى و مرام واقفين يتسنطوا يتخضوا اول ميفتح الباب
مازن / هههههههههههههههههههه شايف يا عم مش قادرين يسيبوك زعلان و يمشوا بزمتك مش مكسوف من نفسك
شريف يبتسم و يطلع يقفل الباب مازن و مرام يسبقوا بخطوتين و مرام حاضنه ايد مازن يبصلها
مرام / بحبك على فكره
مازن يسحب ايده و يحضنها و صافى و شريف ماشيين وراهم فى صمت
صافى / بيقولوا مازن ضربه جامد
شريف يبصلها
صافى / زمانه بيعيط دلوقت لاونكل متحت
شريف يدحك و يكتمها تزغده
صافى / ايوه كدا فكها
......................................
فى الناحيه التانيه
انس / ياعم دا الواحد كان بيعوم فى البيبى ايه القشطه دى يا جدع
شادى / ههههههههههههههه انت لسه شوفت حاجه دانت يادوب لسه واصل انا معاهم هنا بقالى اسبوع
انس / هههههههههههههههههههههه طب متلاغينى باى حاجه يا عم
زياد يدخل
زياد / شادى فين شهاب
شادى يقوم يقف
شادى / مشوفتوش استنى هكلمه عالموبايل
انس / هو فى ايه
زياد / اتخانق مع مازن و مازن ضربه
شادى / انت بتهزر ينهار اسوح طب ليه عمل ايه اكيد عاكس مرام انا قولتله البت دى خط احمر
زياد / مرام مين لا طبعا هو لو كان قرب من مرام كان زمانه عايش اصلا دا كان زمانا بنصلى عليه دلوقت شتم شريف بس
شادى / لا بسيطه
انس / هو ايه اللى بسيطه دا زمان مازن شايط دلوقت
زياد / مازن حلف مهو بايت فيها لا هو و لا الفوج الروسى بتاعه
انس / نعم يا خويا يعنى ايه دى تطير فيها رقاب دى لا بقولك ايه يا زيزو ابوس ايدك شوف حل بقولك ايه
زياد / اشوف حل فى ايه يا حمار انت و انا مالى و انت يا طور انت كمان مدام انت و شادى هنا مكلمتنيش ليه تقولى
شادى / مش فاهم يعنى هو انا لازم اديك خطه بتحركاتى انا و شهاب مثلا عادى يعنى و بعدين بقولك ايه مازن بق و انت عارف كلمتين هيهدوه و ينفض
زياد / انت عبيط يا شادى بقولك شتم شريف
شادى / هو يعنى كان شتمك انت مين شريف يعنى حته المرمطون بتاعه متصدعنيش بقى يا زيزو و خلينى اركز فى اللحم الابيض المتوسط اللى وراك ده
زياد / جاتكم القرف انا غلطان اصلا انى بكلمكوا اوعوا
زياد يمشى
انس / قال الروس يمشوا قال
بنت تطلع مالمايه تقعد عالكرسى جنبهم و تنشف نفسها بالبشكير انس يبصلها و يسبلها
انس / هاى
البنت تبصله من فوق لتحت و تقوم تمشى
شادى / هههههههههههههههههههههههه احسن احسن
انس / اتوكس
............................
فى اللوبى
صافى / هههههههههههههههههه لا و يوميها الكعب بتاعى اتكسر و فضلت اللوق لما فالاخر قلعت الشوز و مشيت لحد اوضتى حافيه
مازن / فاكر انا اليوم ده لا و حافيه بس برده ماشيه على طراطيف صوابعها كانها لابسه الهايل بالظبط
شريف / خلينا نتكلم فى المهم الاول الشوز اللى اتكسر ده كان جيمى شوز
مازن / مقولنا شو يا بنى ادم
شريف / اركن انت اما نشوف الكعوب اللى بتتكسر دى
صافى / لا كان شانيل
شريف / شوفتى يا مرام البراندات دى اسامى عالفاضى فلوس فالارض و لا العيب منك انتى
شهاب يدخل مازن يقوم يقف فوشه زياد يدخل فى نفس اللحظه و يفصل بنهم
مازن / انت لسه هنا بتعمل ايه
شهاب / تليفون عشانك
مازن يبص للموبايل فى ايد شهاب زياد ياخده منه
زياد / الو ... مين
زياد يدى لمازن التليفون
زياد / معالى وزير السياحه عمر باشا الطوخى
مازن ياخد التليفون و يروح فجنب و شهاب يبص على شريف و صافى بابتسامه انتصار
...............................
ناحيه مازن
مازن / ايوه حضرتك بس الاول حضرتك عرفت عمل ايه
عمر / يا مازن اى كان اللى عمله نحاسبه عليه مش تطرد الفوج الروسى مالفندق
مازن / انا مطردتش حد هو اللى عاوز يمشيهم
عمر / مهو المرشد بتاعهم يا مازن مازن احنا فوضع صعب و السياحه زى مانت شايف و مينفعش نزعل الروس مننا
مازن / و المطلوب حضرتك
عمر / عدى اليومين دول لحد مالفوج يمشى و اوعدك انى هشدلك ودانه بنفسى
مازن / اوامر معليك
عمر / انا كنت متاكد انك مش هتكسفنى ابقى عدى عليا نشرب قهوه مع بعض
مازن / اكيد معاليك
عمر / مع السلامه
مازن يقفل الموبايل و يرجع يقف قدام شهاب و شهاب واقف منفوخ
مازن / معالى الوزير طلب منى اقفل الموضوع و انت عارف انى مقدرش ارفض للباشا طلب
شهاب يبتسم ابتسامه انتصار
مازن / تنور انت و الوفد الروسى اللى معاك الريزورت و اتمنى ليكوا اقامه ممتعه
الكل واقف مستغرب و شهاب بيبص على شريف مازن يضرب بوكس يوقعه فى الارض
زياد / الله الله الله
مازن / انا اسف يا شهاب بس الباشا مقالش اى تعليمات على سلامتك هنا فتعمل حسابك انى فالرايحه و الجايه كل مهلمحك هحط عليك فانا لو منك ادارى
شهاب يقوم يمسح الدم من مناخيره
شهاب / والله لدفعك تمنه غالى
مازن / اكتب السعر اللى يعجبك و فوت عالحسابات نورتوا الريزورت يلا يا شباب نتغدى
الكل يمشى مع مازن و صافى تبص على شهاب من فوق لتحت و تمسك فى ايد شريف و تمشى و زياد واقف مع شهاب
زياد / بتلعبها غلط يا صاحبى
شهاب يبصله زياد يبتسمله و يسيبه و يمشى
....................................
فى الشركه فى مصر
محمود / انا راجعت الحسابات اللى هى مديهانا سعر المتر اللى هى متفقه مع حضرتك عليه اقل مالسعر اللى فالفواتير و لما سالتها قالت الماتيريال غليت و لما طلبت فواتير الماتيريال اللى هى اشترتها قالت خلاص مش معاها و عدلت الفواتير اللى ادتهانى بالسعر القديم و حاسبتها عليه
صفوت / طب والله برافو عليك انا مبسوط منك اوى كنت عارف انها مش هتقدر تدحك عليك ههههههههههههه بقولك خد يا محمود الملف ده قبل متروح وورينى هتقدر تعمل فيه ايه لو فى اى مشكله قابلتك كلم استاذ خيرى فى شؤن العاملين هو هيساعدك و يوصلك لاحسن واحد فى الشركه يحللك المشكله دى شريف كان بيعمل الحاجات دى هوا بس طبعا هو قديم هنا انا عاوزك تتعلم و تتجدعن كدا و تثبتلى انك شاطر و اشطر منه كمان
محمود / تحت امر حضرتك
صفوت / عدى عالحسابات هيدوك كريدت كارد انليمتد عشان تقدر تمشى الشغل اللى هينطلب منك و بما انك لسه متعلمتش السواقه فالشركه هتسلمك عربيه بسواق
محمود يبصله باستغارب
صفوت / انا عاوز الشغل ده يتم فى اسرع وقت احلام مرام عندنا اوامر يا محمود
محمود يبص فى الورق و يهز راسه و يبتسم و يطلع بره و هو عمال يبص فى الورق يقابل سعد
سعد / خير ياسطى كان عاوزك فى ايه
محمود / هيدينى عربيه بسواق و كريدت كارد اصرف منه
سعد / والله الناس دى مش عارف نوعهم ايه دانا لو منهم ارفدك بعد كسفتك السوده
محمود / كان اهون من انى اتعامل معاهم و انا عينى فى الارض كدا مازن واخدنى بالحضن و هو عارف انا بعمل ايه
سعد / عشان تبقى تسمع كلامى بعد كدا
محمود / مرام عاوزه تبنى مسجد و تجدد المستشفى و دار الايتام و تبنى مدرسه
سعد / والله بت جدعه و اصيله و فيها الخير
محمود / عاوزك تساعدنى فى الموضوع ده انا لازم اعمله حلو جدا و يرجعوا يلاقونى انجزت اى حاجه فيه هعتبر ده اعتزار على الله بس مرام تسامحنى عالاحراج اللى سببتهولها
سعد / كلمتها
محمود / كلمتها احرجتنى زياده مانت عارف مرام بقيت اقول يا ارض انشقى و ابلعينى
سعد / انتوا اخوات يا عم و الحاجات دى بكره تفتكروها و تدحكوا عليها المهم انت معاك حق احنا عاوزين نشوف مهندس شاطر ناخده و نطلع عالدار يظبطهالنا و كمان عاوزين حته ارض كبيره فى المنطقه يتعمل عليها المسجد و المدرسه و عاوزين نروح المستشفى نتكلم مع حد مالاداره و نشوف ايه النواقص و نكمله
محمود / اهو ده تفكير كويس و بعدين هنا فى الشركه فى مهندسين كتير و سهل نلاقى ناس تساعدنا ننجز فى اسرع وقت صفوت بيه قالى اروح لواحد فى شؤن العاملين اسمه خيرى هيظبطلنا الناس اللى تشتغل معانا
سعد / اه بس دا اكيد زمانه روح دلوقت
محمود / خلاص احنا نخليه لبكره و النهرده نطلع لعم فاروق بتاع القرص
سعد / ليه يا عم انت مش قايلى انك معزوم عند مروه
محمود / لا يا جدع مرام هنا عوزانا نروح نساعده نشوف نقدر نعمله ايه و نساعده فاحنا هنروح نتكلم معاه و نشوف نقدر نساعده ازاى
سعد / فكره ممتازه يلا بينا
................................
فى المطعم
صافى / ايه رايك يا مازن
مازن / فكره حلوه جدا
انس يدخل هو و شادى يقعدوا فوسطهم
شادى / هو ايه اللى حصل ده يا جماعه
زياد / متاخدش فبالك يا شادى
شادى / لا يا مازن برده ميصحش يعنى تعمل كدا و لعلمك لولا ان شهاب عامل حساب للعيش و الملح كان عملك محضر دانت مخرشمه خالص
مازن يقوم يقف و الكل بيبص عليه يروح ناحيه شادى و ياخده من ايده و يطلعوا بره انس و زياد و شريف يبصوا لبعض و يجروا ورا مرام تيجى تقوم صافى تمسكها
صافى / خليكى هنا احسن
مرام تبصلها صافى ترفع كتافها هنعمل ايه
لبنى / انا مش فاهمه ايه اللى جرالنا مبنخلصش مالمشاكل
مرام / فتره و هتعدى
لبنى / ياريت لحسن الواحد جاب اخره
.............................
بره
زياد / اهدى يا مازن شادى ميقصدش
شادى / يا مازن فى الاول و الاخر احنا صحاب مع بعضينا و عشره عمر و شهاب يعنى مش جديد عليك بيطلع يطلع و ينزل على مفيش
مازن / على نفسه مش عليا
شادى / يا سيدى و انا هجيبهولك يراضيك
مازن / يادى النيله مقولت مش عاوز قولت و لا مقولتش
انس / يا ميزو مهو انت لازم هتشوفه دا مرشد الفوج يعنى لازم هيكون معاهم طول الوقت و بعدين كفايا اوى شكله وسطيهم
شادى / ياعم دا السياح هروه اسئله عن وشه اللى انت خرشمته
مازن / شادى انا جعان و مش فايقلك عاوز ايه مالاخر اعتزار مبقبلش انا لو منه كنت خدت الجروب و روحنا اى حته تانيه هو مصمم يحتك بيا بقى يستحمل
زياد / شريف
شريف يبصله
زياد / لو شهاب جه يعتزرلك تنهى الموضوع
مازن / و شريف ماله
زياد / مكل ده بسبب شريف اصلا و لا هننسى
انس / يا جدعان يراضى اللى يراضيه بس انهو الموضوع احنا لسه اول يوم هو احنا جايين ننبسط و لا نتخانق و لا ايه يا شيكو
شريف / انا مش فارق معايا اصلا و لا يعتزر و لا نيله يبعد عنى يبقى كتر خيره
شادى / اتحلت صباح الخير يا جارى انت فحالك و انا فحالى ايه يا ميزو فكها بقى
مازن يبص لشريف
زياد / مخلاص يا مازن بقى الراجل انضرب بدل المره اتنين و اتربى و بعتلك يعتزر عاوز اكتر من كدا ايه
مازن / مش عاوز يبعد عن وشى و خلاص
شادى / تمام يلا نتغدى بقى و لا ايه
شادى يدخل يملا طبق و يروح يقعد على ترابيزتهم
مازن / دا ايه البراشوت ده مبطيقهوش يا جدعان
انس / هناكل و هنخلع متقلقش
مازن / يعنى كل المطاعم اللى فالريزورت مفيش غير ده
زياد / متافورش بقى يا مازن اقولك خد مرام و روحوا اقعدوا على ترابيزه لوحدكوا
مازن يهز راسه و يدخل يشد مرام من ايدها و يقوموا
شادى / رايح فين يا حبيبى
مازن يقعد مرام على ترابيزه تانيه صافى تشيل طبقها و طبق مرام و تروح تقعد معاها و مازن يروح يشيل طبقه و طبق شريف و يروحوا يقعدوا الاربعه لوحدهم زياد و انس يروحوا يقعدوا مع باقى الجروب
هانيا / و دا من ايه يعنى
مارينا / سبيهم على راحتهم يا بنتى
هانيا / مدام مش مرتاحين وسطينا جم معانا ليه
شادى / متشغليش بالك مانتى عارفه مازن يطلع يطلع و ينزل على مفيش
لبنى / مين ده اللى بينزل على مفيش مازن لما بيطلع مبينزلش الا لما بيجيب عليها واطيها ان كنت ناسى يا شادى افكرك
شادى / مش قصدى يا لبنى انا اقصد انه قافش دلوقت لكن نصايه ماكس و هتلاقيه فك عالاخر
لبنى تهز راسها و تقوم
زياد / على فين يا قلبى
لبنى / هجيب عصير يا بيبى اجيبلك
زياد / ياريت يا حوبى
لبنى تبتسم و تمشى و هى بتنفخ
......................................
فى شقه مروه
ام مروه / والله فيها الخير
مروه / و امتى هيرصفوا الحاره و ينضفوها بقى يا محمود
محمود / بكره هكلم حد يخلصلنا الموضوع بس المفروض فى اسرع وقت
مروه / دى الحاره هتتغير خالص
محمود / امال و لسه لما البيوت كلها تدهن و تتظبط دى هتبقى منطقه تانيه خالص
الست / بس والله احسن حاجه انك هتاجر محل لعم فاروق دا راجل غلبان و بيجرى على يتامى
محمود / ايجار ايه بس دانا هجيبله محل تمليك يعمله مخبز و هجهزهوله على اعلى مستوى
مروه / يا سلام و ليه يعنى تمليك
محمود / و ليه لا دا راجل غلبان و بيجرى على يتامى الله يعينه
مروه / اه بس محل ايجار هيفى بالغرض لكن التمليك ليه دا مش بعيد يبيعه و يضيع فلوسه اللى بيجى بالسهل بيروح بالسهل
محمود / يبقى عملنا اللى علينا و يستاهل اللى يجراله بقى بصى الواحد يعمل الخير و يرميه البحر
الست / اصيل و ابن اصول من يومك و الله الواحد مش عارف اللى زيك راحو فين
محمود يبتسم
..................................
فى اوضه مرام
مرام / مش كنا خرجنا جبنا المايوهات ديسكو ايه اللى هسهر فيه على اخر الزمن
صافى تطلع من جوه لابسه فستان
صافى  / ايه رايك
مرام / مش شايفه انه قصير شويه انا بقول اللبسى طويل من دلوقت احسن بدل متطلعى تغيرى ههههههههههههه
صافى / على فكره انتى رخمه
مرام / هههههههههههههههههههههههه
صافى / بس انا معييش حاجه مناسبه انا كل لبسى كدا
مرام / طب متشوفى حاجه من عندى
صافى / لا انا هخلينى كدا
مرام / هو ابه المشكله يا صافى
صافى / المشكله انى مش عوزاه يبقى مدايق بس فنفس الوقت مش عاوزه الموضوع يتفهم غلط
مرام / مهو ده السؤال على فكره ايه المشكله فشريف
صافى / انا مسافره يا مرام انا رايحه لندن هناك كل الناس بتلبس زيي كدا
مرام / مدى فرصه تبقى مميزه برده ايه مشكله شريف
صافى / شريف كشريف زى الفل بس انا و شريف زى الزفت فهمتى
مرام / ههههههههههههههههه ليه
صافى / كدا مينفعش لازم يبقى فى حاجات مشتركه بنا لازم يبقى فى توافق فكرى احنا مفيش احنا زى التلج و النار لو اتحطينا على بعض واحد فينا هيموت التانى
مرام / كنت بقول كدا عليا انا و مازن تعرفى انا كنت ببعده عنى بكل الطرق حتى الكلمه الحلوه بستخسرها فيه تعرفى كان علاطول يقولى بطلى مكابره انتى بتحبينى انتى معجبه بيا و انا اقول لا مستحيل مغرور و اهو
صافى / سو سويت تعرفى انا هاخد حاجه من عندك هو مدايق و مش عاوزه ادايقه اكتر صح
مرام / الا صحيح يا صافى هو شريف ادايق ليه لما شافك الصبح
صافى / معرفش هو حتى معلقش لما غيرت كل اللى عمله بيقولى ليه
مرام / قولتيله ايه
صافى / قولتله عوزاك مرتاح
مرام / صافى هو لو شريف جه و اعترفلك بحبه هتعملى ايه
صافى / مش هيعمل
مرام / لو يعنى فرضا خلينا جاهزين لكل الاحتمالات
صافى / انتى عارفه ليه الكل متفاجئ ان مازن حبك انتى
مرام / اكيد عارفه عشان انا مش زيكم يعنى محجبه و جد و مش من عيله كبيره يعنى
صافى / لا عشان محدش كان مقتنع ان مازن جواه الراجل الشرقى ده لكن شريف راجل شرقى صريح يعنى عاوز واحده زيك مش زيي بصى انا صعب مستحيل ابقى زيك انا لو هبقى زيك لازم يكون عن اقتناع مش عشان ارضى شريف
مرام / معاكى حق فى الجزء الاخير ده بس معلش يعنى و انتى بقى مش مقتنعه بايه بالظبط فيا
صافى / مفيش والله هى بس مساله وقت مش اكتر يعنى اكيد هيجى وقت و اتحجب
مرام / طب ده شئ كويس يعنى انتى عارفه ان الحجاب فرض و كل حاجه صح مش كدا
صافى / ايوه عارفه
مرام / طب مستنيه ايه بقى
صافى / مش جاهزه يا مرام خطوه زى دى مينفعش تتاخد كدا عشان مرجعش فيه
مرام / دا شيطانك ده يا صافى على فكره الموضوع مبيتاخدش غير كدا و لعلمك انتى هتبقى قمر بالحجاب
صافى / معرفش متلعبيش فى دماغى مش دلوقت
مرام تتنهد و تقوم تفتح الدولاب و تطلع جمب سوت اسود كب و بدى و البانشو بتاعه اللى كانت لبساهم فى الحفله و تحطهم على السرير جنب صافى
مرام / انا عارفه انهم شافوه عليا قبل كدا بس انا متاكده انه عليكى هيبقى مختلف
صافى تهز راسها و تقوم تلبس
...............................
فى الديسكو
لبنى / امال مازن و الحبايب فين
شريف / صافى اتاخرت فى اللبس قالى اسبقه اتاكد ان الجو تمام و هو هيحصلنا
زياد / لا متقلقش انا ماكد على شهاب ميجيش و قولتله ان احنا هنا
شريف / و شادى
شادى يدخل مع انس
شادى / ميا مسا عالناس المشكويسه هههههههههههههههههههه
انس / امال الكينج فين
زياد / بيجيب مرام و نازل
شادى / ايوه بقى داحنا هنولعها يا معلم
البنت الروسيه بتاعه حمام السباحه تعدى انس يبصلها تبصله من فوق لتحت و تمشى
فادى / ايه النظام يا انوس
انس / دى حته تحتانى يا عم متملاش العين مش سكتى اصلا
زياد / من جهه مش سكتك فهى مش سكتك خالص دى حلقتلك بالموس يا معلم لمعتهالك عالاخر ههههههههههههههههههههههههه
انس / ياعم احنا جايين ننبسط و البحر مليان و لا ايه يا شادى
شادى / على رايك يا عم دا الواحد بعد معينه خدت عالروس بقى يشوف باقى البنات قراميط يا اخى
.................................