السكه شمال بقلم / لولو_محمد ( كامله )

الحلقه ٨١

(((((((((((((((السكة شمال )))))))))
#لولو_محمد
الحلقه الواحد و ثمانون
محمود / يعنى ايه يعنى انت مش قولت خلصت و بيدخلوها عالكومبيوتر
الراجل / ايوه بس انا قلبت الكشف تلت مرات ملقتش اسم مرام سلامه نور الدين خالص
مرام / ازاى يعنى
الراجل / مش عارف انا والله سالت كذا حد و دورنا فعلا على العموم ممكن تسالى دكتور مروان البنا هو اللى يقدر يفيدك
مرام تسيبهم و تمشى و سعد و محمود يروحوا وراها
.............................
فى شقه مازن
مازن نايم عالسرير و بيتكلم فى التليفون
مازن / الله يبارك فيك
شاب / متنسانيش فى الحلاوه بقى اول مره اجيبهالك صافى هاه
مازن / لا متخافش حلاوتك محفوظه طبعا مقولتليش بقى مرام عملت ايه
شاب / مرام نور الدين
مازن / ايوه يابنى مانا مديك اسمها ثلاثى
الشاب / بصراحه مش عارف اقولك ايه الكليه مقلوبه مالصبح ملهاش نتيجه
مازن يقوم يتعدل و يقعد
مازن / نعم ازاى
الشاب / دى طلع ملهاش ملف فى الكليه كلها بقولك الدنيا مقلوبه مالصبح محدش عارف ملفها فين حتى عالكومبيوتر كانها مدخلتش الكليه اصلا
مازن / طب اقفل اقفل اما اشوف العته ده اى جديد بلغنى
الشاب / حاضر
مازن يقفل و يتصل بشريف
مازن / انا جاى الشركه حالا مفيش موظف فى العلاقات العامه يمشى الا لما اوصل
مازن يقفل السكه و يقوم بسرعه يلبس و ينزل
............................
فى الكليه
مرام بتعيط و محمود و سعد جنبها
العميد / متقلقيش يا مرام رئيس الجامعه لسه قافل معايا و الموضوع ده هيتحل فى اقرب وقت المهم بس تجيبى الاوراق اللى طلبناها
مرام / طب ورق امتحانى كمان اختفى اللى لسه مرصود موجود و لا ده كمان اختفى
العميد / احنا فعلا طلبنا ورق الامتحانات بتاعتك عشان نرصدلك الدرجات بس الاول لازم ننجز فى موضوع الملف عشان ننزل اسمك تانى فى الكشوفات قبل النتيجه متظهر 
مرام / حاضر عن اذن حضرتك
مرام تطلع بره محمود يحصلها
محمود / هتروحى فين
مرام / عشان تروح تقولهم
محمود يمسك ايدها
مرام / سيب ايدى يا حيوان
محمود / انا مليش دعوه بكل ده انا عمرى مهاذيكى
مرام / ماهى اللى عملت كدا جتلى و قالتلى الانسان مجرد ورق و هى هتمسحنى انا طالعه عالسجل المدنى و يارب اللى فبالى يطلع غلط اوعى
مرام تمشى و تسيب محمود واقف مش طايق نفسه يمسك التليفون
محمود / الو
ماهى / مين معايا
محمود / انا محمود
ماهى / محمود مين
محمود / محمود مين ؟؟؟ محمود جار مرام ايه لحقتى تنسينى
ماهى / انت فاضى بقى و جاى تستظرف مرام مين دى كمان بقى
محمود / انتى هتستهبلى انتى وعدتينى وعدتينى انها مش هتتاذى و لا هيتلمس منها شعره
ماهى / مانا نفذت وعدى هو فى حد قربلها و لا حتى لمس شعرها
محمود / امال اللى بيحصل ده ايه
ماهى / اسمع يا محمود انت كنت كويس معانا فاحنا هنبقى كويسين معاك و نسيبك تشوف مستقبلك بس لو تحب تحصلها خلينى اسمع صوتك تانى
محمود ساكت و مصدوم
ماهى / اه قول لمرام انها لو عاوزه الملف بتاعها هى عارفه هتلاقيه فين هههههههههههههه سلام
............................
فى الشركه عند احمد
احمد قاعد عالمكتب بيدحك هو ماهى
ماهى / دا طلع عبيط اوى ههههههههههههههههه
احمد / لا بس البت لبنى دى طلع دماغها سم
ماهى / بصراحه عجبتنى
الباب يتكسر و مازن يدخل احمد يقوم يقف و يدوس على زرار مازن يروح لاحمد و يخبط راسه فى المكتب يقع فى الارض
مازن / اهلا بالحبايب متجمعين فى جهنم ان شاء الله
ماهى تاخد شنطتها و تطلع تجرى مازن يمسك احمد من هدومه و يرفعه عالمكتب و يخنقه
مازن / مش هتتهد الا لما تموت صح مش هتتهد
مازن يضرب احمد بوكس بايده التانيه
مازن / ورحمه ابويا لدفعك تمن اللى عملته غالى اوى اما خليتك تشحت اما خليتك تبيع اللى وراك و اللى قدامك مبقاش انا
احمد وشه يزرق مازن يسيبه يقع فى الارض و يفضل يكح
مازن / متخلينيش اجيلك تانى
الامن يدخل مازن يسيب المكان و يمشى احمد يعافر عشان يقوم يقف و يقعد يصرخ
احمد / كلكو مرفودين كلكوا مرفودين يا كلاب ماشى يا مازن ماشى
...........................
فى السجل المدنى
مرام / يعنى ايه اسمى مش عندك امال البطاقه اللى فايدك دى لزمتها ايه
الموظفه / انا متاكده ان فى مشكله فى السيستم ممكن تروحى مكتب المدير يمكن يقدر يساعدك
مرام تاخد منها البطاقه و تطلع بره سعد يقابلها
سعد / ها يا مرام
مرام / سيبونى فى حالى
مرام توقف تاكس و تمشى
///////////////////////
ماهى / انا اللى بيقرب من حاجه بتاعتى بمسحه من على وش الدنيا حرفيا
احمد / اخص عليكى يا مرام و ساعتها مين يساعدك تخرجى ماللى انتى فيه
ماهى / الواحد مننا مش اكتر من شويه ورق و الورق بيتقطع او يتحرق
احمد / اشوفك بعدين يا مزه
/////////////////////////////
مرام تعيط
.......................
فى الشركه
مازن يدخل و هو مش طايق نفسه يقابل شريف و يمشوا لحد مكتبه
شريف / متقلقش كل الناس شغاله فى الموضوع و باذن الله هتتحل فى اسرع وقت اصلا نص الموظفين فكل القطاعات اللى اختفى منها ورق يخص مرام اتحولوا للتحقيق و باذن الله هنوصل لحاجه
مازن / عاوز كشف بكل الشغل اللى احمد مقدم عليه و اللى ماسكه
شريف / جاهز على مكتبك
مازن يبصله
شريف / قولتلك ان احمد عمل حاجه
مازن / و ماهى كمان
شريف / ماهينور الشربتلى
مازن / ايوه كل الشغل اللى مسكاه هى و ابوها
شريف / اعقل انت كدا هتحارب ابوك
مازن / معدش يفرق
شريف / اهدى كدا و متتسرعش نخلص من احمد الاول و بعد كدا نفوق لماهى متحاربش كلو فوقت واحد تخسر
مازن / مش فارقه
مازن يمشى صفوت يقابله
صفوت / كنت عارف انك هتيجى تعال ورايا
صفوت يدخل مكتبه ووراه مازن يلاقى ماهى
مازن / انتى بتعملى ايه هنا
صفوت / اهدى يا مازن ماهى جابت الملف بتاع مرام
مازن يبصلها
ماهى / انا جبتلك الملف من احمد انا كنت هناك عشان اجيبهولك
مازن / لا يا شيخه
ماهى / والله يا مازن انا جريت لما شوفتك متنرفز كدا خوفت منك بس انت لو كنت استنيت كنت جيبتهولك بنفسى بس انا خوفت
مازن يبص لماهى من فوق لتحت
مازن / عملتوا كدا ازاى
ماهى / انا مليش دعوه احمد هو اللى عمل كل حاجه
مازن / لو فاكره ان خالو هيحميكى منى هنا تبقى غلطانه انا بايع الدنيا النهرده فانطقى بالزوق اكرملك
صفوت / مازن لو سمحت تهدى
مازن / مانا هادى و بسال بهدوء اهه متنطقى يا بت
مازن يمسك ماهى من شعرها و شريف و صفوت يحوشوه عنها
ماهى / اوعى تفتكر انى هسكت انا هدفعك تمن اللى انت عملته ده غالى اوى انا هبيكك عليها و بكره تشوف
ماهى تمشى و شريف و صفوت ماسكين مازن
صفوت / خد الملف ده يا شريف و اديه للناس بتوعنا يرجعوه مكانه و انت اهدى كدا و اقعد
شريف ياخد الملف و يمشى
مازن / انت مسمعتش قالت ايه
صفوت / سمعت و سجلت كمان
مازن يبص لخاله يشاورله على كاميره فى مكتبه فوق يبتسم
صفوت / مش انت لوحدك اللى ليك فى التصوير يا ميزو
مازن يدحك
صفوت / هبعت نسخه لابوك و نسخه لابوها و مش بس كدا دانا هروقهم بالفيديوهات دى
مازن / و ابعت نسخه لاحمد و عيلته
صفوت / و ماله لو ده هيهديك و يريحك هعمله بس اقعد و اهدى
مازن / معلش يا خالو انا مش فالمود دلوقت انى اقعد مع حد انا مروح
صفوت / احسن برده روح و ابقي طمنى عليك
مازن يهز راسه و يمشي صفوت يمسك التليفون و يتصل بحد و هو بيروح يقعد عالكرسى
.............................
فى شقه مرام
محمود يضرب الجرس سميحه تفتح
محمود / ازيك يا تيته
سميحه / الحمد لله يا حبيبى تعال ادخل
محمود / هى مرام روحت و لا لسه
سميحه / لا هى مش كانت معاك فى الكليه
محمود / اه كانت معانا بس ... اصل
سميحه / فى ايه يا محمود متتكلم انتوا اتخانقتوا تانى
محمود / لا بس اصل
سميحه / متنطق يابنى وقعت قلبى حرام عليك مرام بنتى مالها
محمود / اهدى يا تيته هحكيلك حاضر والله هحكيلك
..................................
فى شقه مازن
مازن بيتكلم في التليفون
مازن / لا انا روحت خلاص
شريف / طب اجيلك و لا اعمل ايه
مازن / عاوز تيجي تعال بس انا هقعد احفظ
شريف / صحيح كلمتها تطمنها و لا ايه الوضع
مازن / انت عبيط و لا ايه افرض مكنتش عرفت باللي حصل اقلقها عالفاضي و بعدين اكيد يعني لو كان في حاجه حصلت تيته كانت هتكلمنى
شريف / على فكره في حاجه حصلت و نسيت اقولك عليها
مازن / خير
شريف / محمود و مرام قافشين جامد سمعتها بتقوله اللي يبيع اخته عشان شويه فلوس ميبقاش اخ بس مش عارف التفاصيل
مازن / مانت قولتلى قبل كدا 
شريف / معرفش بقولك ايه كبر مخك يا خبر النهرده بفلوس بكره يبقي ببلاش اقفل و روح احفظ يلا سلام
مازن / سلام
مازن يقفل تليفونه يرن ينفخ و يرد
مازن / ايوه يا بابا ازيك
ابراهيم / عامل ايه ازيك
مازن / كويس الحمد لله خير
ابراهيم / خالك بعتلى فيديو خناقتك مع ماهى
مازن / حضرتك عارف هما عملوا ايه
ابراهيم / كل ده عشان حته بنت لا
مازن / على العموم احنا ادينا الفيديو و نسخه مالورق للمحامى عشان يعمل بلاغ باللى حصل و انا متاكد ان الموضوع مش هيعدي بالساهل
ابراهيم / اعقل يا مازن و عقل خالك متضيعش كل اللى عملته بلعب عيال
مازن / مستقبل مرام مش لعب عيال يا بابا
ابراهيم / عالعموم ممدوح بيه جنبي و عاوز يكلمك انا متاكد انه هيقنعك
مازن / بابا لو سمحت الموبايل هيفصل هشحنه و ارجع اكلم حضرتك
ابراهيم / ولد يا مازن
مازن يقفل المكالمه و يقفل الموبايل و يقعد يحفظ
....................
قدام بيت مازن فالشارع
مرام ماشيه بتعيط
/////////////////
مرام /انا ايه اللى جابنى هنا .....انا عمرى مهطلب منه حاجه ....... بس هو الوحيد اللى يقدر يساعدنى اسيب البلد ..... بس انا مش عاوزه منه حاجه انا اصلا زعلانه منه ..... امال جيتيله ليه .... انا لازم امشي من هنا
////////////
تليفون مرام ترن تبصله بحزن
//////////
مرام / تيته ؟؟ ارد اقولك ايه .....اكيد زمانك عرفتي ... يا ترى انتى عامله ايه ..... هو انا ليه بيحصل معايا كدا .... انا تعبت بجد .... يارب بقي
//////////
التليفون يبطل رن
مرام / رجلي مجبتنيش هنا من فراغ ممشيتش كل المسافه دى منغير سبب
مرام تتصل بمازن غير متاح تبص يمين و شمال بحيره و ترجع تجرب تاني غير متاح تروح ناحيه البوابه بتقدم رجل و تاخر رجل
مرام / لو سمحت هو مازن منتصر موجود
خليفه / ايوه فوق بس منبه عليا لا حد يطلعله و لا حد يزعجه
مرام تبص لخليفه و تمشي بحزن بسمه تجرى وراها
بسمه / مرام ست مرام
مرام تبصلها
بسمه / ست مرام صح
مرام تهز راسها اه باستغراب
بسمه / انا عرفتك من صورتك و النت مازن بيه فوق انا هقوله انك هنا
مرام / ملوش لزوم
بسمه / دى ست مرام يابا خطيبه مازن بيه
خليفه / يا اهلا وسهلا يالف مرحب حقك عليا يا ست الكل اللى ميعرفك يجهلك
بسمه / اصل مازن بيه متخانق مع ابويا و حالف لو اى بنت طلعتله فوق هيقطع عيشه عشان كدا عاملك كدا
خليفه / اتفضلي يا ست الكل اتفضلي
مرام / لا معلش مش هينفع اطلع انا حاولت اتصل بيه غير متاح
بسمه / هطلع اناديهولك حالا
خليفه يحط كرسي لمرام و بسمه تطلع جري
خليفه / اتفضلي يا ست الكل
مرام / معلش انا هستني هناك شكرا
مرام تتمشي شويه بعيد و ثوانى و مازن ينزل بيجري
مازن / ازيك يا مرام مصدقتش بسمه لما قالت انك تحت عامله ايه .. مالك انتى كويسه
مرام / اه الحمد لله كويسه انت عامل ايه
مازن / بقيت كويس مالك
مرام / مفيش انا حاولت اكلمك
مازن / قافله شويه مشاكل كدا
مرام / اه اسفه
مازن / تحبى نروح فحته نتكلم يعني
مرام / لا ملوش لازمه عن اذنك
مرام تيجي تمشي مازن يسبقها و يوقفها
مازن / مرام استني انتى مجتيش هنا منغير سبب و بعدين انتى شكلك زعلانه اوى دا بسبب محمود ؟؟؟
مرام تبصله و عنيها تتملى دموع و بعدين تكتمهم
مرام / هو انا ممكن اطلب منك طلب
مازن / اؤمريني
مرام / انت عندك شركه شحن صح
مازن / اه
مرام / هو انت ممكن تساعدني انا و تيته يعني اقصد ممكن تحطنا على اي كونتاينر و تطلعنا من مصر
مازن يبصلها باستغراب
مرام / انا اسفه انا مكنش المفروض
مازن / ليه كونتينر مانا ممكن اطلعكوا بطياره فيرست كلاس ليه تبهدلى تيته يعني
مرام تبص في الارض و الحزن ماللي وشها
مازن / تحبي تسافرى فين
مرام / اى حته انا معدتش عاوزه اقعد فمصر انا زعلانه منها اوى عمرها مقدرتني و لا ادتنى حقي عمرها مخدت بالها منى مبقيه عليا ناس وحشين خليهم ينفعوها
مازن / مصر عملت كل ده
مرام تبص الناحيه التانيه و تمشى مازن يحصلها
مازن  / متهدى يا بنتى هو انا هجرى وراكى فى الشارع
مرام / انسى انسى سلام
مازن /كل ده بسبب محمود 
مرام تبصله
مازن / شريف حكالى بس طبعا ميعرفش الموضوع يعنى هو سمعك بتقوليله اللى يبيع اخته
مرام / عادى مجتش عليه بجمله الحاجات اللى الواحد بيتصدم فيها
مازن / و بجمله الحاجات اللى الواحد بيظلمها برده
مرام / انت بتدافع عنه انت حتى متعرفش اللى عمله
مازن / بس اعرف محمود و اعرف ان عمره ميبيعك ابدا اى كان اللى عمله عمله لمصلحتك عشان خايف عليكى
مرام / انت بتقول ايه دا هو اللى خلانا نسيب بعض
مازن / متعودتش اعلق اخطائى على شماعه غيرى
مرام / قصدك ايه
مازن / محمود مش السبب انا السبب طيشى السبب
مرام تبصله
مازن / هو كل اللى عمله انه قالك الحقيقه
مرام تطلع الموبايل و توريه صوره محمود و ماهى بتديله فلوس مازن يبتسم
مازن / الصور بتوريكى المشهد بعين اللى بيصور لكن مش الحقيقه كامله
مرام تبص الناحيه التانيه و هى متنرفزه و بعدين تبصله و تسيبه و تمشى
مازن يجرى وراها و يمسك ايدها و يشدها
مرام / سيب ايدى انت اتجننت
مازن / مانا زهقت مش هجرى وراكى فى الشوارع انا
مازن يفتح عربيته و يزق مرام جواها تيجى تفتح الباب يقفله تفتح الباب تقفله
مرام / نزلنى عاوزه امشى
مازن / بطلى عند نتكلم و بعدين هوصلك
مرام / مش عوزاك توصلنى نزلنى
مازن / مش بمزاجك
مرام تنفخ
مرام / ماشى اتفضل اركب
مازن يلف عشان يركب تفتح العربيه و تنزل مازن يجرى وراها و هو بيدحك يمسك ايدها
مرام / بطل بقى
مازن مبتسم
مرام / عاوزه اكون لوحدى مش طايقه نفسى و مش طايقه حد ماشى
مازن / اعرف مكان كويس بروحه لما ببقى زيك كدا بفش فيه غلى
مرام تبصله
مازن / هتخسرى ايه جربى يمكن يعجبك
مرام تبص الناحيه التانيه و ترجع تبصله تلاقيه مبتسم تسيبه و تروح تركب العربيه مازن يركب و يطلع بالعربيه
مازن / المهم كنت بقولك الصور مش دايما بتقول الحقيقه ممكن تكون كانت بتعرض عليه يبيعك و هو رفض انتى اتكلمتى معاه فى الموضوع مينفعش تحكمى عليه منغير متسمعى دفاعه
مرام / انت ليه بتدافع عنه دا عمره معاملك حلو
مازن / عشانك بدافع عنه عشانك عشان هو اخوكى و غالى عندك و اى حد هيفكر ياذيكى لازم الاول ياخد منك ضهرك اللى هتتسندى عليه لو وقعتى
مرام تبصله
مازن / محمود مبيحبنيش بس بيحبك انتى
مرام / واضح
مازن / انا عارف الاشكال دى كويس انا متاكد انهم ضحكوا عليه و خدعوه انا عارف انه ميعملش كدا و القرار فى الاول و الاخر ليكى
..............................