السكه شمال بقلم / لولو_محمد ( كامله )

الحلقه ٨٤

(((((((السكة شمال )))))))
الحلقه الرابعه و الثمانون
سميحه / مش هقولك زيه هو مجبرش حد على حاجه و لا دحك عليهم عشان هو غلطان بس هقولك انه تاب نساعده و لا نسيبه يرجع للى هو فيه
مرام / مهو لو رجع يبقى متابش
سميحه / انا هسالك سؤال واحد و مش هستعجل على جوابك هسيبك تفكرى براحتك مع نفسك عشان انا عودتك مدخلش فى قراراتك انتى كبيره و عارفه الصح مالغلط و عارفه اكتر مصلحتك فين
مرام / اتفضلى
سميحه / هتبقى مبسوطه مع مازن اكتر و لا منغيره
.................................................
مرام / يا تيته
سميحه / متجاوبيش اقعدى فكرى مع نفسك و شوفى سعادتك فين انا مش عاوزه غير انى اشوفك مبسوطه... ساعدينى اقوم اغسل ايدى و انام
مرام تقوم تقوم سميحه سميحه تخش الحمام و مرام تشيل الحاجه من عالارض و تدخل المطبخ
................................
فى شقه مديحه بعد فتره
مديحه / لولولولولولولولولولى
محمود / بس بقى يا ماما
مديحه / بس انت لولولولولولولولولولولى
باب الشقه يخبط محمود يروح بفتح يلاقى مرام و سميحه
سميحه / فى ايه يا مديحه فرحينى معاكى
محمود / المعلم اسعد وافق على خطوبتى من مروه بنته و هنروح انا و ماما نتفق عالتفاصيل و نقرا الفاتحه بكره بالليل
مرام / الف مبروك والله فرحتلك اوى
محمود / كتر خيرك
مرام / قولتلك ان مروه بتحبك
محمود يبتسم و ينزل
مرام / ماله ده
سميحه / تلاقيه اتكسف هههههههههههههههه ياختى شباب اليومين دول بقوا بيتكسفوا اكتر مالبنات
مديحه / و انا بختى فابنى ايه مقولكوش خيبه
مرام / ههههههههههههههههه هو المحترم دلوقت بقى خايب
مديحه / بقولك يا مرام عوزاكى تعملى حاجه حلوه ناخدها معانا و احنا رايحين
مرام / بس كدا من عنيا هوا
مرام تروح شقتها
سميحه / الف مبروك يا مديحه مروه بت طيبه و بنت حلال و هتسعده
مديحه / المهم انها شرياه و اهلها كمان شارينه
سميحه / معاكى حق ربنا يتملهم على خير
...................................
فى الكليه
اريج / متنسوش يا بنات كلكوا معزومين على خطوبتى
بنت / الف مبروك عقبال الفرح هتعملوه فين
اريج / عندنا فالبيت تعالوا بقى عشان نهيص و نخربها
مرام تعدى
اريج / ثوانى ثوانى
اريج تجرى على مرام
اريج / مرام مرام
مرام تقف
اريج / انا عارفه انك زعلانه منى وواقفه فصف شريف
مرام / دى حياتك و انتى حره فيها مليش انى احكم عليكى
اريج / يعنى هتيجى الخطوبه
مرام / بصراحه لا مش هقدر
اريج / كدا على العموم براحتك عن اذنك
اريج تمشى و مرام تدخل المدرج محمود يشاورها تروح تقعد جنبه
مرام / حجزتلى يعنى كنت فكراك مخاصمنى
محمود / انتى اللى مخصمانى
مرام / و هو فرق معاك يعنى و حاولت تصالحمى
محمود / انتى عارفه انى مظلوم عارفه انى عمرى ماذيكى انتى عارفه
مرام / بس صعب عليا برده اللى انت عملته
محمود / تعالى ننسى اللى فات تعالى نرجع زى مكنا مكنش فى قوه فالكون تقدر تفرقنا فاكره لما ضربتى مازن عشانى فاكره لما وقفتيله فاكره لما قولتيلى لو خيرونى بينك و بينه هختارك ايه اللى غيرك ايه اللى حصل خلانى اخسرك
مرام / مفيش حاجه فى الدنيا هتخلينى اخسرك انت اخويا يا محمود
مازن يدخل المدرج و يبص على مرام و محمود و عين مرام معاه لحد ميرج ورا و يقعد و يبتسملها تبص قدامها
محمود / هترجعيله
مرام / معرفش
محمود / يعنى ممكن
مرام / انا طلبت مهر لو دفعه هرجعله
محمود / و ايه بقى المهر ده بقى ان شاء الله
مرام / الدكتور جه اسكت اسكت
.................................
فى المكتبه
مرام / ياربى الصيف داخل علينا بعياله باين هفطس
محمود / خلى حاجتى هنا هروح اجيب مايه مالكافتريا و اجى
مرام / هاتلى معاك ازازتى خلصت
محمود / تمام
محمود يمشى و مرام تطلع ورقه و تعملها مروحه و تهوى ماهى تدخل تشد كرسى و تقعد مرام تبصلها
ماهى / قالولى ان اللى عملته فيكى مكفاكيش
مرام / ايه عندك اكتر
ماهى / ياما فى الجراب يا حاوى
مرام / انتى عاوزه ايه
ماهى / اخرجى من حياته احسنلك صدقينى عندك اللى يزعلوا عليكى و اللى تزعلى عليهم
مرام / رجعنا للتهديدات تانى واضح انك مختيش بالك انها مبتاكلش معايا ديتها ايه هروح لمازن و اعيطله هيجيبلى حقى تالت و متلت
ماهى / لما وشك الحلو ده يروح فحادثه تفتكرى هيبصلك
مرام / هيعملى تجميل هيرجعنى اجمل مالاول مازن مش هيستخسر فيا حاجه
ماهى / تاخدى كام و تخلعى
مرام / ايوه كدا بقى بداتى تتكلمى فى المفيد
ماهى تطلع دفتر الشيكات
ماهى / ميه الف جنيه كويس
مرام / اخص اخص اخص دا مازن منتصر
ماهى / نص مليون جنيه كويس
مرام / يعنى انا هسيب المليارات دى كلها عشان نص مليون خليكى كريمه ادينى عرض مرفضوش
ماهى / عشره مليون كويس
مرام / دولار
ماهى / افندم
مرام / عشره مليون دولار اكتبى لحامله
ماهى / موافقه بس تخرجى من حياته نهائى و ان حاول يكلمك تصديه اتفقنا
مرام / اصرف الشيك و اعد الفلوس بنفسى و ساعتها هسيبلك الكليه بحالها لو حابه
ماهى تكتب الشيك و تديه لمرام
مرام / ميرسى
ماهى تقوم و تسيبها و مرام ماسكه الشيك و قاعده تبص عليه محمود يجى بينهج يدى لمرام ازازه الميه مرام تحط الشيك فشنطتها
..............................
فى فيلا احمد
احمد / انتى ايه مبتتعلميش قولتلك مليون مره تصبرى لما نشوف طريقه ناخد بيها الفيديو اللى ليكى عنده الدنيا كلها مقلوبه و انتى رايحه تحطى مصيبه تانيه على راسنا
ماهى / مصيبه ايه مخلاص خدت الشيك و بكره تصرفه و كل واحد يروح لحاله
لبنى / غبيه اصلا كان المفروض تصوريها و هى بتاخد الشيك عشان نورى مازن انها باعته بالفلوس و ساعتها هيحتقرها و مش بعيد ينتقم منها بنفسه
احمد / اولع فنفسى و لا اعمل ايه بدل منفكر فطريقه تخرجنا مالورطه اللى احنا فيها لسه بنفكر فمرام و مازن
لبنى / مرام هى الورطه لو خلصنا منها كل مشاكلنا هتتحل مازن هيرجع زى زمان و السوق هيفضالك هيتلهى فالبنات و الهلس و هيشيلك من دماغه هيبطل يحاربك فى السوق و مش بعيد لما مازن ينتقم منها على اللى عملته ده تجيلك تركع تحت رجليك عشان تنجيها منه
احمد / و انتى فاكره مرام دى تفرق معايا انا فكرت فيها بس عشان مازن عاوزها لكن يوم مهيرميها انا نفسى هقرف ابص عليها
لبنى / والله زيك مش عارفه شايف فيها ايه
ماهى / اصلا مش هيقدر يعمل حاجه معانا متنسوش ان اونكل ابراهيم فصفنا
لبنى / متعتمديش اوى عليه مازن اعلن على ابوه الحرب بخطوبته من مرام و صفوت بيه فصفه
احمد / يبقى نخلص منه
لبنى / افندم
احمد / نخلص من صفوت
لبنى / احمد فوق مش وقت هزار نخلص منه ازاى نقتله يعنى
ماهى / حادثه عاديه
لبنى / انتوا عارفين مازن ممكن يجراله ايه لو خاله مات عارفين ممكن يعمل فينا ايه لو عرف ان لينا يد فى الموضوع دا اقربله من خياله دا روحه فيه
احمد / مفيش حاجه ممكن تكسر مازن و تجيب مناخيره الارض غير اتنين خاله و حبيبته
لبنى / يبقى مرام لكن خاله لا
احمد / و ماله نبدا بمرام و بعدين نفضى لسى صفوت
ماهى / هتعملوا ايه دلوقت
لبنى / لازم نلاقى طريقه نعرف بيها مازن اللى مرام عملته
تليفون ماهى يرن
ماهى / دا مازن
لبنى / ردى ردى و اتسهوكى
ماهى / تمام
احمد / استنى مترديش
لبنى / ليه
احمد / انتى ناسيه عمل فيها ايه مترديش و اتقلى خليه يتصل تانى و متنسيش تتقمصى
لبنى / صح صح
مازن يتصل تانى ماهى ترد
ماهى / افندم اؤمر
مازن / اوعى تفتكرى ان اللى بتعمليه ده هيسكتنى و هيخلينى انسى اللى عملتيه تبقى واهمه فلوسك دى يا هانم تعمليها مراكب ورق و ترميها فى البحر
ماهى / فلوس ايه
مازن / ايه يا ست الكل محولتليش النهرده عشره مليون دولار فى حسابى
ماهى / ايه ؟؟
مازن / على العموم اللى بيروح مبيرجعش يا ماهى انا عندى افرقهم عالغلابه و لا تطوليش منهم مليم ياريتها كانت طلبت منك اكتر عشان تتوجعى فيهم اكتر
ماهى / مازن انا
مازن / ياترى ابوكى القيحه هيقول ايه لما يعرف انك ضيعتى عشره مليون دولار فى الهوا سلام يا هبله
ماهى تقفل السكه و تحدف الموبايل على اخر دراعها و هى بتصرخ
ماهى / يا بنت الكلب
احمد / فى ايه ايه اللى حصل
ماهى / هقتلها والله لاقتلها والله لاقتلها
لبنى / ايه اللى حصل
ماهى / حطت الفلوس فى حسابه بنت الكلب
لبنى / كنت متاكده انها مش ساهله
التلاته بيغلوا و يبصوا لبعض
.......................................
فى امريكا
سعيد يخبط على شقه نورا تفتحله تتفاجئ بيه
نورا / سعيد ازيك
سعيد / ممكن لو سمحتى اتكلم معاكى
نورا / اكيد اتفضل
سعيد / مش هنا هستناكى تحت نروح نقعد نتكلم فى اى حته ممكن
نورا / اوك ثوانى هجيب الجاكيت و اجى معاك
نورا تجيب الجاكت من عالشماعه و تنزل مع سعيد
نورا / خير يا سعيد فى ايه
سعيد / وحشتيني ... صدقيني حاولت كتير بس مقدرتش
نورا / سعيد لو سمحت
سعيد / انا فسخت خطوبتى امبارح حرام اظلمها معايا حرام اكون معاها و انا عقلى و قكرى و قلبي مع واحده تانيه
نورا / مهو انا برده سبتك للسبب ده انا كمان مقدرتش
سعيد / و هتفضلي لحد امتى تحبى واحد محبكيش هتفضلي لحد امتى كدا
نورا / اسمع يا سعيد انا لاول مره عارفه انا عاوزه ايه و لاول مره اقدر اقف على رجلى لوحدى انا مش عاوزه اعمل حاجه غير انى ابعد عن الناس انا مش حمل علاقه تاني
سعيد / ادى لنفسك فرصه اخر مره
نورا / يا سعيد انا كنت واضحه معاك مالاول و لما سبنا بعض قولتلك انى هسيبك عشان مش قادره اكمل بحاول اتخيلك هو فكل لحظه بقارنك بيه علاطول لو مازن مكنش عمل كدا مازن كان هيقول كذا
سعيد / هو ساحرلك مازن ده فيه ايه يعني زياده عنى
نورا / بالنسبالي فيه كل حاجه حتى عيوبه بحبها انا هنا مش عشان انساه لانى عمرى مهقدر انساه انا هنا عشان ابعد عن امى و جوزها القذر
سعيد / دا اخر كلام عندك
نورا / انا اسفه يا سعيد
سعيد / هتعيشى باقى عمرك وحيده يعنى
نورا / كدا اريح ليا و للكل
سعيد / دا اخر كلام عندك
نورا / انا اسفه
سعيد يسيبها و يمشى و هى تدخل البيت تانى
................................
فى الشركه
مازن قاعد فى المكتب و مرام قاعده قدامه بيتكلم فى التليفون
مازن / انا لحد دلوقت عاملك حساب بس اقسم بالله حركه كمان هبلغ عنها و احبسها انا مسجلها صوت و صوره و انت شوفت بنفسك
ممدوح / ممكن بس تهدى عشان افهم الموضوع
مازن / حضرتك فاهمه كويس انا بعتلك الفيديو و تهديدتها و سكت عشان خاطرك و افتكرت انك هتلمها بس واضح انى غلطان و دى اخر مره هرجعلك
ممدوح / خلاص يا مازن اوعدك انى هتعامل معاها
مازن / ياريت عشان لو مقدرتش تتعامل معاها محدش يلومنى بقى على اللى هعمله مع السلامه
مازن يقفل السكه
مازن / تشربى ايه
مرام / انا ماشيه اتاخرت و ماشيه
مازن / كلمى تيته و قوليلها انك معايا هى مش هتقول حاجه
مرام / الحقيقه لا هتقول انا و تيته اتكلمنا و لولا اللى حصل النهرده انا مكنتش كلمتك تانى
مازن / للدرجادى
مرام / مازن احنا خلاص كل واحد راح فحاله مفيش اى مبرر اننا نتقابل او حتى نكلم بعض حتى توصيلك ليا البيت مبقاش مقبول عن اذنك
مرام تقوم مازن يقوم يجرى وراها و يمسك ايدها تشدها
مازن / انتى ليه بتعملى كدا
مرام / انا قولتلك مفيش نصيب انت ليه فارض نفسك عليا اوى كدا
مازن يقرب منها سنه
مازن / عشان انتى بتكدبى
مرام / مبكدبش و هكدب ليه اصلا
مازن يقرب منها سنه كمان 
مازن / ليه بتكابرى
مرام / مش فاهمه تقصد ايه
مازن يقرب سنه كمان
مازن / انتى بتحبينى زى مبحبك
مرام عنيها فعين مازن بالظبط و بتلمع
مازن / عنيكى فضحاكى
مرام ترتبك و تيجى تمشى مازن يمسكها تبصله
مرام / سيبنى
مازن / عمرى مهسيبك
مرام / هضربك
مازن / انا هدفع مهرك و اكتب كتابك و اتجوزك
مرام عنيها فعنيه و مش بترد تبلع ريقها
مازن / عشان انا لا عمرى حبيت و لا هحب غيرك لا هكون لغيرك و لا هتكونى لغيرى
مازن يسيب ايدها مرام تسيب المكان و تجرى و هو واقف مبتسم
.................................
فى شقه سميحه
مديحه  / عشره مليون دولار يا حوستى السوده هى الدنيا جرا فيها ايه
محمود / و هى دى فلوس بالنسبالهم دول شويه فكه
مديحه / لما دول فكه امال هما معاهم كام
سميحه / معاهم اللى معاهم ياريته مالى عينهم
مديحه / ياختى فدى عندك حق بس مرام هتعمل ايه بالفلوس دى
سميحه / ادتهم لمازن طبعا امال هتعمل بيهم ايه يعنى
مديحه / ياخيبتى ادتهمله ليه هو يعنى كان محتاجهم
سميحه / و هى يعنى مرام محتاجاهم
مديحه / لا بس مبلغ زى ده يلاهوى دا ينقالنا نقله تانيه يا حجه
سميحه / حد الله بنا و بين الحرام
مديحه / و ايه الحرام فالموضوع ده بس يا حجه هى كانت سرقتهم دا البت الهبله هى اللى ادتهملها بمزاجها
سميحه / عشان تبعد عن مازن
مديحه / مهى سابته يا حجه الله هو فى ايه
محمود / امال هى فين
سميحه / جوه من ساعه مرجعت قافله على روحها و كل مكلمها تقولى عاوزه اقعد لوحدى
مديحه / حقها دول عشره مليون دولار الا يعملوا كام بالمصرى دول يا محمود
سميحه / انا هقوم اعمل شاى عن اذنكوا
سميحه تقوم و مديحه قاعده تفكر فالفلوس
........................
فى شقه مازن
مازن قاعد يحفظ و بعدين يقفل المصحف و يدعك فى عنيه و ينفخ و يقوم يدخل المطبخ و يعمل قهوه و يسرح فعنين مرام و هى فعنيه و يبتسم و بعدين يروح للموبايل و يتصل بشريف
مازن / بتعمل ايه
شريف / كنت داخل انام عاوز حاجه 
مازن / متيجي تسمعلى
شريف / ياعم هو انا كل يوم هقعد اسمعلك اللى حفظته متخلص حفظ و اسمعلك مره واحده
مازن / تصدق انك عيل واطى
شريف / دى اخرتها طب تصدق وطينه بوطنيه بقى هدخل انام و سمع لنفشك بقى سلام
شريف يقفل
مازن/ ماشى يا كلب
مازن ياخد القهوه و يروح الاوضه يفتحها بالمفتاح و يدخل و يقفل وراه و يفتح اللاب خلفيته صوره مازن و مرام سوا يقعد عالكرسى و يسند رجليه عالترابيزه و يقعد يتفرج عالصور بتتغير و هو بيشرب القهوه لحد ميخلصها يطلع بره و يقفل الباب
...............................
فى دبى
ممدوح / اهلا و سهلا بالست هانم
ماهى / خير يا بابا قولتلى اجى بسرعه و عاوزنى فموضوع حياه او موت خير
ممدوح / انتى قوليلى
ماهى / مش فاهمه
ممدوح / بقى بنت ممدوح الشربتلى حته بت زى دى تدحك عليها و تاخد منها عشره مليون دولار انتى ايه عبيطه
ماهى تبص الناحيه التانيه
ممدوح / ايه متعلمتيش اى حاجه من ابوكى
ماهى / انت عاوزنى اسيبه يتهانا بيها بعد اللى عمله معايا
ممدوح / لا طبعا بس قولتلك سبينى اتصرف و انا هجيبهولك تحت رجليكى انتى اللى مش عاوزه تصبرى
ماهى / يا دادى اونكل ابراهيم عمره مهيقدر على مازن اصلا و لا يفرق مع مازن اصلا دا فسخ معايا راح خطب تانى يوم و اونكل ابراهيم مقدرش يمنعه
ممدوح / انا وعدتك من فضلك دلوقت تركزى فشغلك و الكولكشن بتاعتك و تنسى مازن خالص و انا هتعامل معاه
ماهى / ازاى
ممدوح / انا عمرى وعدتك بحاجه و خلفت
ماهى / لا
ممدوح / خلاص اسمعى كلامى و هتشوفى
ماهى / ماشى
ممدوح / حبيبه دادى انا ميهمنيش فى الدنيا اللى سعادتك و لو طلبتى نجمه مالسما هجيبهالك بس ارجوكى اهدى
ماهى / اوك يا دادى اوك
ممدوح يبوس ماهى تبتسم من تحت الدرس
.................................