السكه شمال بقلم / لولو_محمد ( كامله )

الحلقه ١٤٤

((((((((((السكة شمال ))))))))))))))
#لولو_محمد
الحلقه 144
مرام / مش هتقدر فى ناس هيجوا يباركولها مش هينفع يجوا هنا
مازن / و لو اقنعتها
مرام / الناس هتقول عنى ايه
مازن / ملعون ابو الناس شيليهم من دماغك
مرام / مقدرش مش عايشين فى الدنيا لوحدينا
مازن / انا و لا الناس يا مرام
مرام / انت بتقول ايه يا مازن
مازن / انا و لا الناس
......................................
مرام تفتح الباب عالاخر و تدخل جوه مازن يدخل وراها
مازن / انا و لا الناس يا مرام
مرام / انت يا مازن طبعا انت يا عبيط
مازن / خلاص متمشيش
مرام / متصعبهاش عليا بقى ايه شغل العيال ده بقى .. مازن ..حبيبى .. احنا كدا كدا هنبقى مع بعض طول الوقت هنفترق بس وقت النوم بالظبط زى ماحنا هنا
مازن / لا مش زى هنا مش زى هنا ... انا لما بقلق بالليل بقوم ابص عليكى لما تروحى بقى هعمل ايه
مرام تبتسم
مازن / ايه ؟
مرام / مكنتش اعرف انك بتعمل كدا
مازن يبص الناحيه التانيه تضربه بوكس بدلع فكتفه
مرام / على فكره انا كمان كنت بعمل كدا
مازن يبصلها تبتسم يبتسم
مرام / انا بحبك .. و صدقنى صعبه عليا زى مهى صعبه عليك بالظبط
مازن / طب اجى انا معاكى
مرام / تعال
مازن / بجد
مرام / اكيد تيته وحشاك يعنى و هتيجى معايا تسلم عليها و اهو تبقى تقولها رايك فى الحاجات اللى اشترتها
مازن / ههههههههههههههههههههه
مرام / بحب دحكتك دى اكتر من اى حاجه تانيه فى حياتى ارجوك متحرمنيش منها
مازن يشدها على حضنه و هى بصاله و مبتسمه
مازن / كنتى شيفاها مستفزه قبل كدا
مرام / جدا مستفزه جدا بتخلينى عاوزه اعمل حاجات مش عاوزه اعملها
مازن / ههههههههههههههههههه حاجات ايه دى
مرام / امممم الحوار كدا رايح فى سكه مبحبهاش
مازن يحك مناخيره فخدها
مازن / و انا بموت فيها
مرام / ههههههههههههههههههه
مازن / قولى بقى بتخليكى عاوزه تعملى ايه
مرام / مش فاهمه بتتكلم عن ايه هههههههههههههههههههه
مازن / و لما اوريكى وشى التانى
مرام / انا بعشقك فكل الوشوش
مازن / بالراحه عليا انا مش قدك
مرام / هههههههههههههههههههههههه
مازن / متمشيش يا مرام
مرام / تاخد بوسه و تسبنى امشى
مازن / اه .. لا ..ايه ؟؟... لا
مرام / هههههههههههههههههههههههههههه بحبك يا مجنون انت
مازن / قلبى يا ناس مش قادر خلاص
مرام / ههههههههههههههههههههههههههههههه
.............................
فى فندق فخم
صفوت و جميله بيتعشوا
جميله / انا عاوزه اشكر حضرتك جدا بجد حضرتك مش متخيل انا كنت خلاص قربت افقد الامل
صفوت / ليه بس الموضوع مش مستاهل على فكره
جميله / سهل على حضرتك تقول كدا .. الحقيقه كنت جايه مصر و راسمه امال كبيره اوى ... دادى الله يرحمه كان علاطول بيتكلم عن مصر و كان نفسه اوى يفتح شركه هنا و لما اتوفى كل اللى كنت بفكر فيه انى احققله الحلم ده صفيت كل حاجه هناك و نزلت و ياريتنى منزلت تقريبا مفيش حد اتعاملت معاه الا و حاول يستغلنى ون واى اور انوزر و يا كدا يا كل حاجه تقف
صفوت / للاسف دى حقيقه مش هقدر انكرها
جميله / تصدق يا صفوت بيه انا بقالى شهور بجرى على شويه تراخيص محامين و موظفين و مفيش حاجه بتخلص محتاجين موافقات بالهبل و كل حاجه منهم محتاجه كميه ورق رهيب و بتقف على حاجات فمنتهى التفاهه .. انا وصلت لمرحله انى قولتلهم لو عاوزين فلوس انا هدفع بس قولولى اعمل ايه .. و لولا انى قابلت حضرتك اكيد كنت صفيت و رجعت و ربنا يعوض عليا فى الخساره دى
صفوت / انا اسف جدا انك مريتى بالتجربه دى بس على العموم انا باسم المصريين كلهم باعتزرلك و اوعدك انى هقف جنبك لحد مالشركه تقف و تحققى حلم ولدك
جميله تمسك ايد صفوت يسحبها
جميله / بجد
صفوت / احم .. طبعا انتى زى بنتى بالظبط
جميله / دا شرف كبير ليا مع ان مستحيل يكون لحضرتك بنت فسنى
جميله تمسك كاس عصير و تشرب منه
........................
فى محل بدل
مازن يطلع مالبروفه لابس بدله شيك اوى و صافى و مرام و شريف قاعدين
صافى / حلوه اوى بس بيتهيالى التانيه كانت احلى
شريف / احنا بنضيع وقت كلهم زى بعض اصلا
مازن / مين اللى جابه معانا ده ايه رايك يا مرام
مرام / للاسف انا مع شريف كلهم حلوين
مازن / خلاص يبقى هاخد التانيه
مازن يدخل يلبس و صافى تروح ناحيه رف كله زراير و بروشات و تنقى عليه
صافى / ايه رايك يا مرام
مرام / لا متتعبيش نفسك انا جبتله خلاص
صافى / بجد
مرام / اه هستلمهم كمان يومين هبقى اوريهملك
صافى / تمام كدا فاضل البوكيه بتاعك و يبقى كلو تمام مش انتى عندك الفستان
مرام / لا مع مازن هو قالى انه معاه
مازن يطلع
مرام / مش فستانى عندك
مازن / ايوه فى شقتى البوكس زى مخدته منك بقفلته
صافى / طب تمام كدا مش فاضل اى حاجه
شريف / و انا تقريبا خلصت الجيست ليست
مازن / عملت زى مقولتلك
شريف / عملت حجزت اوبن ايريا للفوتوسيشن و الفرح و بالليل فى الحاره
مرام / مش فاهمه
مازن / اممممممم بصى يا مرام و منغير عصبيه للاسف اهل الحاره مش هينفع يكونوا فنفس المكان مع الناس اللى هعزمهم و دا مش عشان هما اقل منهم و لا عشان هما وحشين و لا لاى اسباب هتيجى فدماغك دا عشان محدش مالعالم المريضه اللى هضطر اسفا اعزمهم فى فرحى و اللى اهلى هيعزموهم يتعرضلهم بكلمه او يدايقهم
مرام / فهمت
مازن / فاحنا الفرح هيبقى لحد الساعه تسعه لاهلى و من تسعه لحد مربنا يسهل لاهلك
مرام / تمام مفيش مشكله
مازن / جهزى بقى الليست بتاعتك عشان نبعتلهم الدعوات
مرام / طب ليه اهلى يبقوا فى الحاره ليه مليش قاعه انا كمان ان كنت رضيت فكتب الكتاب فدا عشان انت فرضتها عليا لكن ليه مينفعش فرحى يبقى زى مانا عاوزه ؟؟؟ انا عاوزه قاعه ماللى فيها الارض بتنور دى حتى لو تحت بير السلم بس انا مش عاوزه فرحى يبقى مسرح فى الشارع
مازن يروح ناحيه مرام
مازن / انا اسف  لا طبعا مش قصدى حقك عليا فاتتنى دى معلش انتى قولى انتى نفسك فى ايه و انا هعمله عاوزه قاعه و دانس فلور حاضر اى فقرات معينه مغنى معين رقاصه شوفى انتى نفسك فى ايه و انا هعمله اى كان انا هعمله
مرام / امممم زى مقولت انا عاوزه قاعه مش مهم مواصفاتها المهم الارض اللى بتنور دى و عاوزه تورته كبيره اوى و شكلها حلو
مازن / بتكتب يا شريف
شريف / اسف
شريف يطلع نوته صغيره و يكتب
مرام / مش مهم المطربين دى جاى و خلاص و لا مش عاوزه رقاصه انا ممكن تنوره ممكن فنون ممكن ايه ؟؟؟؟ ممكن ...انا عاوزه عشا مش اوبن بوفيه كل واحد قدامه طبق فيه وجبه مش مهم هى ايه ان شالله حته جاتوه و حاجه ساقعه بس لو فيها ساندوتش مش هقول لا يعنى
مازن / احسن وجبه
مرام / امممم عاوزه ايه ؟؟ عاوزه ايه ؟؟ اه هو ينفع نعمل للبنات فساتين زى بعض
صافى / اعتبريه حصل هاتيلى المقاسات و قبل الفرح الورشه عندى تكون مخلصهملك
مرام / احلى صافى فى الدنيا
مازن / و ايه تانى يا قلبى
مرام / مفيش حاجه تانيه فى دماغى دلوقت
مازن يبص لشريف
شريف / اعتبره حصل
مرام / خساره يا صافى انك مش هتكونى معايا فى اليوم ده
صافى / مش هسافر الا لما اتاكد ان كل حاجه هتبقى تمام
مرام / والله انتى اجدع حد قابلته فحياتى
شريف / طب نلغى الوجبه بقى و نخليها حته جاتوه بايته و ساندوتش بسطرمه مقدد و كيس بست بدل الكانز و نلغى حجز سهل حشيش للهونيمون و نخليها جمصه عشان تبقى ست صافى تنفعها
الكل يبص لشريف و يدحكوا 
مرام / و تهون عليك اختك يا شيكو 
شريف / متحاوليش انتى جرحتينى جرح عميق اوى اوى يا مرام
مرام / امممم كدا خلاص بقى يلا ملكش نصيب فى العشا اللى كنت هعزمك عليه اكيد الجرح عميق اوى و هياخد وقت عشان يلم
شريف / لا انا جروحى بتلم بسرعه ملكيش دعوه انتى
مازن / ههههههههههههههههههههههه صبرنى يارب صحيح بخصوص الجيست ليست اتاكدت انك مش ناسى حد
شريف / عيب عليك انا عمرى قصرت رقبتك فى الحاجات دى 
مازن / اه كويس انى ضيف على ليسته معازيم مرام حد ...كان اسمه ايه ؟ كان اسمه ايه؟... اه سامح شكشك باين بتاع البريزنتاشن اياه ده فاكره ..طلع معرفه مرام عيب اوى منعزمهمش
مرام ملامحها تتغير و تبص على شريف تلاقيه طلع النوته و بيكتب تتنهد
..............................
فى الفندق عند احمد
احمد / ههههههههههههههههههه
جميله / ووعدنى انه فى خلال اسبوعين ماكسيمم هتكون كل التراخيص و الموافقات على مكتبى خلصانه و قالى اى حاجه تحتاجيها انا تحت امرك
احمد / اموت و اشوف شكله لما يشوفنى داخل الشركه اللى هو مخلص ورقها بنفسه بعد مهو نفسه اللى بيعنى شركتى اشتراها بتراب الفلوس ابن الكلب
جميله / سورى يا احمد انت ايه يضمنلك انه لما يعرف مش هيجبرك تبيعاله تانى او المرادى ينفذ تهديده و يبلغ عنك
احمد / اخص عليكى يا جيجي و هو انا غبى عشان اغلط نفس الغلط مرتين هو لما يعرف مش هيلحق يعمل اى حاجه لانه هيكون قابل وجه كريم
جميله / يا حرام دا كان راجل طيب اوى بيقولى انتى زى بنتى
احمد / معندوش نظر .. بس انا عندى ههههههههههههههههههه
جميله / هههههههههههههههههههههههه
...............................
فى اوضه مازن فى الفيلا
مرام تخبط و تفتح الباب و تدخل تلاقى مازن عاللاب
مرام / ممكن ادخل
مازن / جيتى فوقتك تعالى
مرام تروح تتفرج تلاقيه عامل صورهم سوا و مظبط الخلفيه
مازن / هبعتهم ينطبعوا عشان تبقى بوسترات كبيره فى القاعه ايه رايك و لسه قافل مع مارينا بدات تشتغل على الموفى بتاعنا بعتلها معظم الصور الحلوه اللى عندى
مرام / كويس انا كنت عاوزه اتكلم معاك فى حاجه بس توعدنى متزعلش و لا تدايق
مازن / عشان هتمشى بكره يعنى لا خلاص مش زعلان هعمل ايه يعنى
مرام / لا الحقيقه دا موضوع تانى
مازن / خير يا بيبى فى ايه
مرام / سامح
مازن / ماله
مرام / مش معرفه قديمه زى مقالك دا كان خطيبى
مازن / طب و مقولتليش ليه
مرام / بصراحه معرفش هو انا فكرت اقولك بس معرفش اترددت اوى يعنى خفت تدايق او ترفده يعنى مش عارفه بقى هو اللى حصل
مازن / ادايق و ارفده ليه يعنى هغير منه مثلا
مرام / لا طبعا مش قصدى بس ده اللى جه فبالى وقتها و بعدين كدا كدا هيفرق معاك فى ايه يعنى مكل واحد فينا راح لحاله و لولا الصدفه دى مكنتش عمرى شوفته تانى هتفرق فى ايه
مازن / بالنسبالى متفرقش بس ايه اللى غير رايك و خلاكى تقوليلى دلوقت
مرام / لقيتك مركز معاه و هتعزمه
مازن / انتى مش عوزاه يحضر
مرام / مش فارق معايا يحضر او ميحضرش بس يعنى حسيت ان لا لازم اقولك بقى و اللى يحصل يحصل
مازن / ماشى مع انى اكيد كنت اتمنى انك تبقى صريحه معايا فى كل حاجه و متخبيش عنى حاجه بعد كدا
مرام / زعلت منى
مازن / و ازعل من ايه يا هبله .... لا استنى لا على فكره طلعت زعلان و لازم تصالحينى
مرام / هههههههه و اصالحك بايه بقى ان شاء الله
مازن / خليكى جنبى النهرده خلينى اشبع منك شويه قبل متمشى
مرام / دى مش فكره كويسه ابدا و جربناها و انا ....
مازن / انا وعدتك مفيش حاجه هتحصل
مرام / انت وعدتنى بس انا موعدتكش
مرام تبوس ايدها و تحطها على خد مازن و تمشى مازن يتصدم و يطلع يجرى وراها يلحقها قبل متقفل الباب يدخل و يمسكها و يزنقها فى الباب تقفله بضهرها
مرام / خضيتنى
مازن / ليه كدا ؟؟
مرام تبتسم بخجل و مازن مركز فى عنيها
مرام / مش فاهمه قصدك
مازن / بسيطه افهمك
مازن يحاول يبوسها تحط ايدها على بقه و تتحول نبراتهم لهمس
مرام / بلاش
مازن / ليه مش هزود
مرام / انا مش حجر
مازن / بيحصل ايه
مرام تبص فى الارض و بعدين تبصله تلاقيه باصص فى عنيها
مرام / روح اوضتك يا مازن النهار طلع و زمان خالو و صافى صحيو و دلوقت حد يخبط علينا
مازن يحرك ايده من على وسطها للمفتاح يقفله
مرام / و بعدين و اخرتها
مازن / متولعيش فيا و تمشى انا مش هسمحلك تمشى
مرام / غصب عنى
مازن / محدش يقدر يغصبك على حاجه محدش يقدر اسمعى لقلبك خليكى فى المكان اللى بيريحك
مرام / المكان اللى بيريحنى ؟؟
مازن / ايوه
مرام ترمى نفسها فى حضنه يحضنها اوى رجليها تترفع و تقف على طراطيف صوابعها و الاتنين مغمضين عنيهم كانهم فى بيحلموا
مرام / هو ده بيتى ده المكان الوحيد اللى برتاح فيه
مازن / يبقى متخرجيش منه ابدا
مرام / مش عاوزه مش عاوزه اخرج عاوزه افضل هنا علاطول عاوزه افضل اسمع لقلبك صوت دقاته بيطمنى بيخلينى احس بالامان فحضنك بس بحس انى عايشه كانى اتخلقت بس عشان اكون هنا
مازن / متسكتيش
مرام / الحمد لله انك مسمعتش كلامى لما قولتلك ابعد الحمد لله انك اتمسكت بيا اوعى تسمع كلامى اوعى تبعد اوعى تسبنى مهما حصل اوعى
مازن / عمرى
مرام / انت عملت فيا ايه كانك احتلتنى احتليت كل حاجه فيا عقلى و روحى و كيانى مبفكرش الا فيك بقيت بتجرى فدمى حتى احلامى من كتر مشوفتك فيها معدتش عارفه انا دلوقت صاحيه و لا بحلم انا اكيد بحلم دا حلم و هفوق منه صح
مازن / لا دا مش حلم بس اجمل من اجمل حلم
مرام / يبقى متخلينيش افوق مش عاوزه حد يصحينى
مازن / انتى متتصوريش انا استنيت اللحظه اللى اسمع منك فيها الكلام الحلو ده قد ايه حلمت بيها كتير بس عمرى متخيلت انها هتبقى حلوه اوى كدا
مرام / حلمت بيا
مازن / كل يوم
مرام / و انا كمان كنت بحلم بيك كنت بحلم بيك حتى من قبل معرفك كنت مستنياك كنت عارفه انك هتيجى
مازن / و جيت
مرام / لما بوستنى يوم كتب الكتاب معرفتش انام فضلت طول الليل سهرانه معرفتش انام .. قبلها ياما اتخيلتها بس الحقيقه كانت احلى مليون مره مالخيال رجلى مكنتش لامسه الارض معدتش قادره اكابر خلاص انت دمرت كل اسوارى ... اسوارى اللى قعدت ابنى فيها سنين انت بمنتهى البساطه دخلتها و احتلتنى
مازن / بتحبينى
مرام / انا بعشقك كلمه بحبك معدتش توصف احساسى ناحيتك معدتش كفايه عليك
مازن / سكتى ليه متسكتيش
مرام / اقول ايه
مازن / قولى انك بتحبينى قولى انى الوحيد اللى فقلبك قولى انك خلاص بقيتى بتاعتى و انك عمرك مهتسبينى قولى انك عوزانى زى مانا عاوزك قولى كل حاجه قولى خلي الروح ترد فيا خلينى احس انى عايش قبلك سنين طويله اوى يا مرام الاسم عايش بس منغير روح استنيتك كتير اوى استنيتك و مكنش عندى امل تيجى انتى اكتر بكتير مما كنت متخيل اكتر ماللى استحقه انتى كتير اوى يا مرام انتى احلى حاجه حصلتلى فدنيتى انتى الدنيا بالنسبالى و الدنيا مش كفايا عليا بقيت بدعى ربنا يجمعنى بيكى دنيا و اخره
مرام / و انا كمان بدعى زيك
مازن / اوعى تسبينى اوعى تسمحيلهم يفرقوا بنا اتمسكى بيا انا منغيرك اموت قوليها يا مرام متسكتيش
مرام / بحبك يا مازن
مازن / سمعاه
مرام / ايوه سمعاه و حاسه بكل دقه فيه
مازن / عمره متحرك غير عشانك كانه كان ميت من سنين و مصدق صحى
مرام / بيقول ايه
مازن / بيقول بحبك يا مرام بعشقك
مازن يمسك دقن مرام و يرفع عنيها لعنيه تبص لتحت
مرام / متبسنيش رجلى مش هتشيلنى بعدها مش هقدر اجرى و اهرب منك معدش فى مكان تانى استخبى فيه خلاص
مرام ترفع عينها لعين مازن يبوسها و يمشى و يقفل الباب وراه مرام تقعد فى الارض و هى مبتسمه كانها مش فوعيها
...............................
قدام اوضه مازن
صفوت خارج مالاوضه لابس يقابل مازن فى وشه
صفوت / كنت لسه جاى اصحيك كنت فين ...مرام مش كدا
مازن مبتسم
صفوت / اممم طب كان فى ورق مهم عاوزك تمضيه هتيجى الشركه و لا
مازن يهز راسه لا و هو مبتسم
صفوت / انا قولت كدا برضه عشان كدا اتصلت بشريف يجيبلك الورق هنا قولت يعنى مرام هتمشى بكره اكيد هتقضى اليوم معاها النهرده
ابتسامه مازن تزيد
صفوت / للدرجادى .. طب يا سيدى ربنا يسعدكوا
صفوت يخبط على كتف مازن و يمشى مازن يدخل اوضته و يحدف نفسه عالسرير و هو فمنتهى السعاده
..............................
فى اوضه مرام
الباب يخبط و صافى تدخل تلاقى مرام قاعده عالارض جنب الباب
صافى / مالك يا مرام قاعده فالارض كدا ليه
مرام تمسك ايد صافى و تشدها تقعد جنبها
صافى / انا عارفه اللمعه دى كويس احكيلى ايه اللى حصل
مرام / معرفش
صافى / هو ايه اللى متعرفيش
مرام / معرفش
صافى / دا الحاله خطر خالص .. ايه انادى مازن و لا ايه
مرام تهز راسها اه
صافى / للدرجادى .. احكى بقى ايه اللى حصل هنفجر مالفضول
صافى تهز مرام تغمض عنيها و هى مبتسمه
مرام / بس يا صافى سبينى
صافى / طب هتفضلى فى الارض كدا قومى
مرام / بيحبنى
صافى / و دى حاجه متاكده ان كلنا عارفينها و مفتكرش ان هو ده اللى خلاكى فرحانه اوى كدا
مرام / فى ايه احلى من كدا عشان افرح بيحبنى يا صافى
صافى / الله ... ربنا يسعدكوا يارب انا فرحانه اوى مش عارفه ليه بس انتى شكلك مبهج اوى حاسه انى هطير مالفرح
مرام / و انا كمان طايره لامسه السحاب
مرام ترفع ايدها لفوق
صافى / انتى حالتك خطر وشك احمر و ايديكى ساقعه تلج ايوه هو الحب بيعمل كدا فعلا
مرام / نفسى اسعده نفسى اخليه يبقى اسعد راجل فى الدنيا
صافى / عندى فكره حلوه هتفرحه
مرام تنتبه لصافى صافى تبتسم و تحرك حواجبها
...................................