السكه شمال بقلم / لولو_محمد ( كامله )

الحلقه ١٨٦

(((((((((السكة شمال ))))))))))))))
#لولو_محمد
الحلقه 186
مرام / هتوحشيني لبليل
صافى / شكرا شكرا اوى
صافى تحضن مرام و مرام تشاورلها و تمشي مع مازن صافى تبص لشريف لسه نفس الزهول على وشه و نفس الفرحه فعنيها
شريف / انا لسه مش مستوعب انك قدامى
صافى / انا قدامى اسبوع واحد بس ربنا وحده اللى يعلم  انا اخدته ازاى اصلك وحشتني اوى الفتره اللى فاتت فاول لما مازن عرض عليا سبت كل حاجه و جيت
شريف / هو انتى لازم تروحى الفندق دلوقت مينفعش تفضلى معايا شويه
صافى / ينفع طبعا ينفع ياريت تحب نروح فين
………………………..
شريف / معرفش بس اى مكان نكون فيه سوا تعرفي تعالى عندى البيت ماما مش هتصدق لما تشوفك
صافى / هى كمان وحشاني اوى هى و البنات يلا بينا
شريف / لا استني بس دول مش هيخلونى اقعد معاكى خالص
صافى / ايه رايك نروح نفطر في اي حته و بعدين نروحلهم
شريف / ماشي يلا
……………………
فى الكليه
محمود / اتاخرتوا كدا ليه المحاضره كانت هتفوتكوا
مرام / دا مازن كان طاير والله كنت حاطه ايدي على قلبي لنعمل حادثه
مازن / عيب عليكي
مرام / المهم عدت و لحقنا
محمود / شريف عمل ايه لما شافها صحيح
مرام / طار من الفرحه طبعا بس انت ليه حجزتلها في فندق مش كانت جت عندى احسن
مازن / بس يا ماما
مرام / انا بتكلم جد
مازن / تيجي عندك فين و انا اروح فين و لا هو ان جت صافى طير يا مازن
مرام / هههههههههههههههههه دانت مشكله
محمود / المهم ناويين على ايه في الاسبوع ده في برنامج و لا هيمشي بركاوى
مازن / بركاوى اى كان البرنامج اللى هيتحط اكيد كان هيبوظ فعلى ايه بقي المهم كلمى صافى شوفي هتعملوا ايه بالليل عشان لو فكستلك اجى انا نخلص الريبورت بتاع النهرده ده
مرام / تفكس مين دانا كنت فكست دماغها دى وحشاني جدا استني اما اكلمها
مرام تتصل بالتليفون غير متاح
مرام / غير متاح معقول الكلبه دى لحقت قفلت تليفونها
محمود / يمكن فصل و لا حاجه
مرام / يمكن المهم انا جعانه جدا ملحقتش افطر
مازن / طب يلا عالكافتريا
....................
فى مطعم
صافى بتاكل كشري و شريف متابعها
صافى / انت مش هتصدق الاكل المصري ده واحشني قد ايه
شريف / كنت فاكره بيطخن
صافى / و انا كنت فكراك بتحب المقلوظين
شريف / ههههههههههههه
صافى / ساعات الواحد مبيعرفش قيمه الحاجه الا لما بتبعد عنه طول مالاكل ده كان قدامى مكنتش نفسي بتروحله بحبه لو اتعرض عليا هاكله بس مبروحلوش لكن لما سافرت بره وحشني اوى كل حاجه فمصر وحشتني خصوصا اخر فسحه لينا سوا النيل و الهرم و كل حاجه عملناها يوميها حتى سهرتى عندكوا في البيت وحشتنى اوى و اكتر حاجه افتقدتها الزحمه اللى عملناها في السرير لما نمنا كلنا جنب بعض تعرف كنت بجيب مخدات كتير اوى و املا السرير و احشر نفسي في النص بس برده مكنتش ببقي مبسوطه
شريف / و اديكي رجعتى
صافى / لو عليا مكنتش سافرت و لو عليا مرجعش
شريف / و طموحك
صافى / تعرف انا سافرت كتير و لفيت الدنيا كنت ببقي فرحانه اوى و ساعات مكنتش ببقي عايزه ارجع بس المرادى العكس و انا في الطياره كنت ببص مالشباك على مصر و هى بتبعد عنى واحده واحده كنت زعلانه اوى لاول مره مصر توحشني اوى كدا
شريف / صدقيني مصر كانت وحشه اوى من غيرك
صافى / و دلوقت احلوت
شريف / اوى
صافي تبتسم
صافى / انت مبتاكلش ليه
شريف / الاكل مبيتبلعش
صافى / ليه دا طعمه حلو اوعى يكون المكان ده مش نضيف
شريف / لا لا لا خالص هو بس فى كلام محشور فزورى ساده
صافى / ههههههههههههه خضيتني يا شيخ .... طب متقوله
شريف / مش حاسس انه مكان مناسب
صافى / امممم تحب نروح مكان تانى
شريف / لما تاكلى مش انتى قولتى الكشري وحشك
صافى / شبعت اقولك تيجي نشرب قصب
شريف / ههههههههههه تعالى
صافى تطلع وايب و تمسح بقها و ايديها و تلم شنطتها و تقوم و شريف يحاسب و يركبوا العربيه و يمشوا
.....................
فى شقه شريف
تقى / ماما متعرفيش المفاجاه اللى شريف عاملهالنا
الست / لا بس باين انها حاجه حلوه
شيماء تطلع من جوه
شيماء / طلعت الكيكه من الفرن و خلصت المواعين
الست / شاطره شوفى بقي لو فى اى حاجه و راكى خلصيها قبل ماخوكى يجي و انتى يا مقصوفه الرقبه اخوكى قال لو جه و لقاكى مخلصتيش الواجب مفيش مفاجاه
تقى / مانا شغاله فيه اهو
الباب يتفتح و رؤي تدخل
الست / اتاخرتى ليه
رؤي / والله طلعت مالكليه على هنا هو فى ايه مفاجاه ايه اللى ابيه عاملهالنا
الست / و لا اعرف خشي غيرى هدومك على مسخنلك تاكلى و خلصي اللى وراكى و لما اخوكى يجى هنعرف
رؤى / انا كنت متفقه مع صحابي نخرج و انتى وافقتي
الست / عاوزه تخرجى اخرجى انا مش قافله الباب بس لو فاتتك المفاجاه مليش دعوه
رؤى / طب اعرف هى ايه مش يمكن متعجبنيش
شيماء / متحاوليش محدش فينا عارف بس شكلها حاجه حلوه اوى
رؤي / اما نشوف رؤى تدخل جوه و الست تدخل المطبخ و شيماء تقعد جنب تقي تساعدها في الواجب
.................
عالنيل
شريف و صافى بيتمشوا
صافى / فى المطعم مش مناسب و في محل العصير مش مناسب و بقالنا ساعه ماشيين و لسه مش لاقيين المكان المناسب
شريف / مهو انتى لو كنتى قولتى انك جايه كنت عملت حسابي
صافى / فانت بتردهالى انك تموتنى مالفضول لا شابو يا شريف حقيقي برافو
شريف / ههههههههههههه انا بقالى فتره طويله اوى فى موضوع واحد بس فى حياتى ... موضوع انا الوحيد اللى شايفه مستحيل او زى متقولى كدا حلم بعيد صعب احققه
صافى / مفيش حاجه اسمها مستحيل انت لو فكرت فى حياتك كلها هتلاقيها مجموعه من المستحيلات بتتحقق ورا بعض منغير متفهم اى ده او ازاى بيتحقق تعرف انا الفتره اللى فاتت و انا هناك كان عندى وقت طويل اوى افكر
شريف / بتفكرى فى ايه
صافى / بفكر فى حياتى و برحمه ربنا بيا بفكر فى كل حاجه كنت فكراها وحشه كل مشكله مريت بيها فى حياتى و انها كانت فى الحقيقه نعمه لو مكنتش حصلت مكنتش هبقى هنا دلوقت يا ترى حياتى كانت هتبقى عامله ازاى لو مكنتش مريت بالتجربه المؤلمه دى و حياتى كانت مشيت زى مكانت ماشيه
شريف / معاكى حق بس اللى انا بتكلم فيه حاجه تانيه خالص
صافى / امممم طب عروستى
شريف يبصلها
صافى / اعملك ايه يعنى الله
شريف / ههههههههههه انا اقصد ان فى حاجات الواحد لازم يفكر فيها بعقله و يركن قلبه على جنب
صافى / افندم لا طبعا اوعى تعمل كدا
شريف / انتى اصلا عارفه انا بتكلم عن ايه
صافى / اى كان صدقنى لو لغيت قلبك هتندم
شريف / عملت كدا مره لغيت عقلى و نسيت كل حاجه و فالاخر خدت اكبر خازوق فى حياتى ... تعرفي انتى معاكى حق انا لو مكنتش خدت الخازوق ده مكنتش هبقي هنا دلوقت ... فاكره زمان لما كنت بقولك انى مبؤمنش بالصداقه بين واحد وواحده و ان الاسم الوحيد ليها هو استهبال
صافى / اه بس انا كنت فاكره انك غيرت رايك من زمان
شريف / انا كل يوم معاكى بتاكد انى كنت ... صح
صافى تقف و شريف يبصلها
شريف / انا عارف ان اكيد لا ده المكان و لا الوقت و لا دى الطريقه الصح بس
صافى / ايه
شريف / صافى انا خايف اخسرك
صافى / ليه بتقول كدا
شريف / عشان انا تعبت مالاستهبال انا مش عاوز نبقي صحاب تانى
صافى تدمع و بتبصله بصمت
شريف / تتجوزينى يا صافي
صافى تحاول تتكلم الكلام يتحشر فزورها متعرفش ترد
شريف / بصي انا عارف انى اتعديت حدودى و ان ظروفي و اهلى 
صافى / ايوه
شريف / ايوه ايه
صافى / ايوه موافقه
شريف / انتى بتتكلمى جد
صافى تبتسم
صافى / هو مش باين عليا للدرجادى و لا ايه
شريف / يمكن انا اللى عمرى متخيلت انى محظوظ اوى كدا خصوصا بعد رد فعلك
صافى / لا انا بس اتفاجئت يعني كنت متوقعه تقولى الاول بحبك كدا يعني فانت فاجئتني و قولت نتجوز علاطول فاتفاجئت
شريف / قولتلك تعبت مالاستهبال المهم بما ان الحمد لله المرحله دى عدت على خير  و منغير اى خساير ماديه او بشريه
صافى / ههههههههههههههه
شريف / انا لما احب امشى رسمى اكلم مين
صافى / تتقدملى يعنى
شريف / اكيد
صافى / هتكلم مامى طبعا هتكلم مين يعنى مانت عارف ان مليش غيرها
شريف / طب و مامى دى هسافرلها تركيا و لا هكلمها فيديو كول و لا هتنزل مصر
صافى / امممم بص ادينى الاول فرصه اكلمها انا و نشوف
شريف / تمام دلوقت الكلمتين اللى كانوا محشورين فزورى الحمد لله راحوا ممكن اكل بقى عادى
صافى / هههههههههههههههههههه
شريف / صافى
صافى / ايه
شريف / انتى متاكده انك مش محتاجه وقت تفكرى
صافى / ايه ده انت رجعت فى كلامك و لا ايه والله انط من هنا انا قرفت
شريف / لا انتى بتقولى ايه انا مقصدش كدا خالص
صافى / امال انت بتقول كدا ليه
شريف / انا بتكلم عليكى انتى
صافى / اه قول بقى كدا انت بتحب البنت اللى تتقل عليك و تتعبك لكن اللى تمشى معاك دوغرى تفتكرها وقعه و مدلوقه و كدا صح
شريف / انا مقولتش كدا خالص انا اقصد انتى عارفه انتى داخله على ايه انتى عارفه ظروفى عامله ازاى انتى مش هيجى يوم و تحسى انك اتسرعتى مش هتندمى مش هتحسى انك ظلمتى نفسك
صافى ساكته و بتفكر
شريف / انتى هترجعى فكلامك و لا ايه
صافى / الله هو لا كدا عاجب و لا كدا عاجب مانا قولت موافقه منغير تفكير معجبكش بفكر برده مش عاجبك
شريف / هههههههههههه اسف اسف فكرى
صافى / هفكر
شريف / طب هتردى عليا امتى
صافى / انت غبى يا شريف متقفلنيش منك بقى مانا رديت و قولت موافقه الله عاوزنى اقولك انى واقعه خلاص يا شريف انا واقعه تحب نطلع عالماذون عشان اثبتلك دانت غريب اوى
شريف / طب بالراحه طيب
صافى تبص لشريف و هى متنرفزه تلاقيه مبتسم
صافى / انت المفروض تدخل موسوعه جينيس لاسوء بروبوزال فى التاريخ انت اصلا دمرت فكرتى عن البروبوزولات كلها فورت دمى اتفضل اعزمنى على رز بلبن بقي اروق اعصابي
شريف / هههههههههههههههه رز بلبن بس دانتى تؤمرى اتفضلى
.....................
فى الكليه
مرام و مازن قاعدين فى الكافتريا و محمود بيتكلم فى التليفون بعيد و مرام بتحاول تتصل بحد
مرام / الكلبه لسه قافله تليفونها
مازن تليفونه يرن
مازن / شريف استنى ... ايه يا باشا الاخبار ... لا عادى ... بسيطه ... والله انت جدع ... حاضر ... سلام
مرام / فى ايه
مازن / فاكره حوار الريبورت اللى قولت هعدى عليكى نعمله ده
مرام / اووووف بقى
مازن / انسيه خالص عشان احنا معزومين عند مامه شريف النهرده
مرام / قولى ان اخيرا ابو الهول نطق 
مازن / هو مقالهاش صريحه فى التليفون بس طلب منى حاجه بتقول انه يا نطق يا هينطق
مرام / حاجه ايه دى
محمود يرجع
محمود / انا رايح الشركه هتيجوا
مازن / لا احنا باس ورانا مشوار مهم جدا و هنتاخر بالليل
محمود / خير
مازن / خير
..........................
فى شقه شريف
التليفون يضرب تقى تروح ترد
تقى / ايه يا ابيه مزنبنا من الصبح فى مفاجاه فى مفاجاه فى ايه
شريف / خلصتى واجبك
تقى / خلصنا كلنا خلصنا اللى ورانا وقاعدين مستنين الفرج والله لو مطلعت تستاهل
باب الشقه يتفتح و شريف يدخل ووراه صافى تقى تصرخ و تجرى تاخد صافى فى حضنها و الكل يطلع على صريخها شيماء و رؤى يصرخوا هما كمان و كلو نازل احضان و بوس و شريف واقف فى جنب
شريف / بس بس انا لو اعرف انكوا هتعملوا كدا مكنتش جبتها
الست / اخص عليك يا شريف كدا تخبى علينا كنا عملنالها لقمه و لا حاجه
شريف / والله مكنت اعرف
شيماء / وحشتينى موووووت مع انى مخصماكى
رؤى / ايوه انا لسه مكلماكى اول امبارح مقولتليش حاجه
شريف / يعنى المفاجاه وحشه خلاص ناخدها و نبقى نقولكوا تعالى يا صافى
الست / تروح فين مهياش منقوله من هنا يا حبيبتى يا بنتى انتى خسيتى كدا ليه تلاقى الساقعه بره فرهدتك
صافى / لا والله مخستش و لا حاجه
شيماء / اما انا عامله حته كيكه هتاكلى صوابعك وراها ثوانى اجبلك حته و اقولك هعملك معاها كبايه سحلب بقى لزوم الدفا
صافى / و لا بق ميه والله مفى مكان انا اصلى تقلت فى الاكل اوى النهرده لما حاسه انى على اخرى
تقى / سيبك انتى شوفتى الديزاينات الجديده
صافى / انا مش عاوزه اقولك كميه الاوردات اللى جتلى عامله ازاى
رؤى / متبطلى نفخ فيها بقى لحسن هتفرقع فى وشنا قريب اصلا انتى عدلتى كتير على الديزاينات بتاعتها انا شوفت الموديلات و شوفت الرسومات فى فرق كبير على فكره
تقى / اعداء النجاح
صافى / لا بس الكونسبت من الاصل بتاعها انا بس حطيت تاتشات صغيره مش اكتر
شريف / طب ايه جاهزين للمفاجاه و لا ايه
الست / الله هى مش صافى المفاجاه
صافى تبتسم
شريف / انا اتقدمت لصافى و هى وافقت
البنات كلهم يصرخوا و شريف يسد ودانه
شريف / الجيران هيطلبولنا البوليس يا مجانين
..........................
فى شقه على
نورا قاعده بتزاكر و اسراء واقفه مواربه الباب و كل شويه تبص من وراه
نورا / هو فى حاجه بره
اسراء / اصل كريم جايب سعيد صاحبه يزاكر معاه
نورا / اه مهى طنط ماجده قالتلى مخرجش من الاوضه عشان كدا
اسراء / تكتمى السر
نورا / فبير
اسراء / بتؤمنى بالحب من اول نظره
نورا / يعنى
اسراء / اصل انا و سعيد بنكراش على بعض من زمان و مستنين اما يتخرج عشان يجى يكلم ابيه على
نورا / و مامتك عارفه
اسراء / لا طبعا اقولها ايه انا و ابن الجيران بنحب بعض
نورا / انا مش عارفه اقولك ايه
اسراء / انا قولتلك لانى عارفه انك حبيتى قبل كدا و هتحسى بيا لكن ماما اولد فاشون اوى بتاعه جواز الصالونات و كدا و انا بصراحه مش عاوزه اتجوز بالطريقه دى
نورا / بس انتى مش صغير شويه عالحب و الحاجات دى
اسراء / ههههههههههههههه دانتى اللى صغيره انا كل صحباتى فى المدرسه مانتمين و بعدين سعيد شاب كويس جدا و ابن الجيران و متربى معانا و صاحب ابيه كريم و اكيد لو كان وحش مكنش ابيه دخله البيت و لا ايه
نورا / طب جربى تتكلمى مع مامتك اسراء انتى عندك ميزه مكنتش عندى انتى مامتك موجوده و هتسمعلك
اسراء / موجوده اه لكن تسمعلى انسى و حتى لو سمعت دى ممكن تقوم الدنيا عليا و تحبسنى و تقلبها مناحه ماما مبتفهمش فى الحاجات دى دى لو دخلت عليا و شافتنى بتفرج على فيلم رومانسى بتقلبها نكد اقوم اقولها انى بحب و بعدين بقولك ايه انا قولتلك عشان نبقى صحاب لكن لو هتخنقينى و لا تفكرى تقولى لماما والله ت
نورا / انا مش قاصدى حاجه انا بس اديتك نصيحه و خلاص
اسراء / انا هروح الحمام شكلى ايه
اسراء تبص فى المرايه
اسراء /قمر .... عن اذنك
اسراء تطلع بره و تقفل الباب وراها و نورا تتنهد
.......................
فى شقه شريف
مازن و شريف واقفين بيتودودوا فى جنب و مرام و صافى باقى عيله شريف قاعدين يدحكوا
تقى / رومانسى اوى ابيه ده
مرام / عادى مش احسن من اللى اتجوزت بالتدبيس فى خناقه
مازن / سامع حد بيجيب فى سيرتى اؤمرى يا قمر
مازن يروح يقعد
صافى / لا و بعد مقوله موافقه قال ايه بيقولى فكرى نعم يعنى هو فى ايه
شيماء / اخص عليك كسفتنا
شريف / والله ... مش انتى اللى فضلتى تزنى قول يا شريف قول يا شريف قول يا شريف
صافى / و انا اش عرفنى انك هتقولى نتجوز انا قولت عندك مشاكل فى حوار شاغلك اى حاجه
مازن / لا و انتى الصدقه هو حس نفسه ادبس فقال يخلع بلطافه اللى هو ايه ده انتى وافقتى ليه ايه التدبيسه دى
شريف / انت جاى مع مين اصلا يلا يا حبيبى من هنا طريقك زراعى يلا
مازن /لا بجد انا لسه مش مصدق انها وافقت فى واحده عاقله تعمل فى نفسها كدا راجعى نفسك يا بنتى
الست / اخص عليك يا مازن طب هو فى زى شريف
مازن / يعنى هو فى زى صافى
الست / ولا انت جاى تركبنى الغلط و لا ايه طب دا صافى دى اللى فى القلب ربنا وحده اللى يعلم انا اتحايلت عليه قد ايه يفاتحها فى الموضوع واد يا شريف بزمتك مش لسه كنت بقولك اكلمها انا
مازن / و كمان بتتحايلى عليه هى بنتنا بايره و لا ايه قومى يا بت من هنا هو فاكرك ايه لا داحنا بنتنا غاليه اوى
صافى / قوم لوحدك انا مصدقت انه نطق و اه اعتبر نفسك ادبست
الكل يدحك
صافى / و تفكير مبفكرش عاجبك و لا مش عاجبك
شريف يروح يقعد جنبها
شريف / عاجبنى طبعا انا اقدر اقول غير كدا
صافى / بحسب يعنى والله اطلع عليك العرق التركى
شريف / لا كلو الا التركى و فى هذه اللحظه السعيده احب يعنى
شريف ينزل على ركبه و يطلع علبه فيها خاتم و دبله
شريف / و اعيد البروبوزال المنيل ده قدامهم كلهم و اطلبك يعنى يمكن بطريقه احسن شويه و لا انتى عاوزه يفط فى الشارع و ورد و بلالين و حركات و لا ايه
صافى تمد ايدها لشريف يلبسها الخاتم و يمدلها ايده تلبسه الدبله و صمت و فجاه الكل يزرغط الاتنين يتفزعوا و البنات يتلموا حوالين صافى يتفرجوا عالخاتم
الست / كدا مش فاضل غير اننا نحدد معاد الفرح
شريف / لسه الاول لما نكلم طنط مامه صافى هى اسمها ايه صحيح
صافى / اسمها عائشه
تقى / هو انتى كدا مش هتسافرى تانى خلاص
صافى تبص لشريف و الكل يبص لبعضه
...........................