السكه شمال بقلم / لولو_محمد ( كامله )

الحلقه ١١٦

(((((السكة شمال ))))))
#لولو_محمد
الحلقه ١١٦
مرام / اقصهولك
مازن / حرام عليكى
مرام / مانا هديهولك هو انا هرميه
مازن / و هى ايه قيمه التاج منغير الاميره اللى لبساه يا مزتى
مرام / طب سبنى انام بقى والله مقادره افتح عينى بقي
مازن / طب متنامى
مرام تغمض و مازن يلعب فى شعرها تفتح
مرام / انت مش هتقوم من هنا صح
مازن / لا
..........................
مرام / هاخد على كدا
مازن / خدى
مرام / مانت مش هتبقى علاطول موجود
مازن / هبقى متخافيش
مرام / و لما تيته ترجع
مازن / هاجى انام معاكوا هناك مانا خلاص ادمنتك هعمل ايه بقى
مرام تبصله و هى مبتسمه
مازن / ايه ؟
مرام / توعدنى
مازن / بايه
مرام / انك علاطول هتبقى موجود
مازن / اوعدك اصلا مش هقدر ابعد حتى لو عاوز بس توعدينى انتى انك عمرك مهتبعى عنى
مرام / اوعدك طبعا
مازن / اه يا تيته اه ماللى بتعمله فيا حفيدتك اه
باب الاوضه يخبط مرام تقوم تتعدل
مازن / اهدى متخافيش فى ايه انا هشوف مين اهدى
مازن يروح يفتح الباب و سادد الفتحه بجسمه و بعدين يقفله تانى
مرام / فى ايه
مازن / شريف تحت بصى هنزل اقتله و ارجعلك ماشى
مرام / هههههههههههههه بالراحه عليه
مازن / عشان خاطرك انتى بس
مرام تشاور لمازن باى يرجعلها
مرام / هههههههههه انت رايح فين
مازن / انتى مش شاورتيلى تعال
مرام / ههههههههههههههههه يابنى انا بشاور باى مش تعال
مازن / طب مانا رايح باى اهو
مازن يطلع بركبته عالسرير مرام تنزلهاله
مرام / شريف مستنيك يابنى عيب كدا
مازن / على شريف و معرفه شريف صبرنى يارب
مرام / ههههههههههههههههه
مازن يبوس راسها و يمشى
..............................
تحت فى اوضه المكتب
مازن يدخل يلاقى شريف قاعد متوتر
مازن / مالك يابنى فى ايه
شريف / انا جبت اخرى على فكره
مازن / من ايه فى ايه احكى
شريف / محمود ده انا مش فاهم يعنى هو فاكرنا عبط و لا ايه حكايته هو بجد فاكر نفسه اخوها
مازن / عمل ايه طيب فهمنى
شريف / مسك الحسابات و الارشيف فلاهم و دلوقت عاوز يشتغل فى مكتب خالك فى السكرتاريا
مازن / خليه و اه اديله مفتاح الخزنه
شريف / انت هتجننى
مازن / هههههههههههههههههههههه يا شريف هو انت يعنى مش فاهم هو بيعمل ايه ريحه
شريف / مهو عشان انا فاهم مش فاهم انت ليه ساكتله
مازن / عشان الورد
شريف / و ياريته مقدر ده
مازن / هو مش جاى ينخور ورايا خليه ينخور لحد ميتاكد ان كلو تمام هو احنا بنعمل حاجه غلط يابنى
شريف / لا
مازن / خلاص نقلق ليه ماللى ينخور ينخور خليه يطمن
شريف / و هو هيسكت كدا يعنى
مازن / بص يا شريف مرام نايمه فوق تفتكر فى حد فالدنيا يقدر يغير الحقيقه دى
شريف يبصله
مازن / كبر مخك و سيبه يتسلى
شريف / عملتو ايه امبارح فى الفيلا عند لبنى صافى حكتلى عالحفله اللذيذه اللى اتعملت عليك
مازن / مرام حكتلى برده
شريف / انا كنت عارف ان وش الحنيه ده مش جاى لله و للوطن يعنى
مازن / برده هقولك ان مرام نايمه فوق فمفيش حاجه يابنى هتفرق معايا والله
شريف / حاسس انك بتلمح لحاجه
مازن / لا خيالك ميروحش لبعيد مش قبل فرح و زفه و فستان و كدا
شريف / ههههههههههههههههه ياعينى يابنى
مازن / انت بتقول فيها دانتوا هتلمولى بعد كدا
شريف / معلش معلش شده و تزول
مازن / اخبار صافى ايه
شريف / مالها هى مش كانت مع مرام فى النادى و قابلتها
مازن / هههههههههههههههههههههههه اه و بعد مسابتنا كلمتك ادتك التقرير فى ايه يا شريف هتخبى على اخوك
شريف / والله مفى حاجه يا مازن احنا مجرد اصدقاء مش اكتر و بعدين هى خلاص هتسافر يعنى فالحوار كدا كدا منتهى
مازن/ هو ده بقى اللى موترك
شريف / اعمل فيلم بقى و عيشه
مازن / ههههههههههههههههه اخبار اريج ايه
شريف / و انا مالى بيها
مازن / فسخت خطوبتها النهرده الصبح عرفت؟؟
شريف / لا ليه
مازن / جرا ايه يا شريف كانت مساله وقت مش اكتر ماحنا عارفين كل حاجه
شريف / لا بس اكيد فى سبب يعنى اتحجج بحاجه مخلعش فجاه كدا منغير ميديها مبرر انت اصلا عرفت ازاى
مازن / مهو لما تقعد تلت ساعات مبتعملش حاجه فى الشركه عشان زياد يرتاح هتفتح الفيس و تقلب فى حاجات ملهاش تلاتين لازمه فيقع فى ايدك البوست و تشوفه
صمت
شريف / انا هروح انام بقى و انت الله يعينك و يصبرك
مازن / ههههههههههههههه هى بقت كدا
شريف / نقول ايه ذنب ناس بيخلصه ناس
مازن / شمتان فيا يا واطى ماشى ماشى يلا روح
شريف / سلام
شريف يمشى و مازن يطلع فوق يلاقى مرام نايمه يدخل يعدلها الغطا و يطفى النور و يقفل الباب وراه و يدخل الاوضه التانيه يتكلم فى التليفون
مازن / مساء الخير يا تيته ازيك
سميحه / حبيبى عامل ايه
مازن / صحيتك
سميحه / لا يا حبيبى كنت صاحيه خير يا قلبى طمنى عليك و على مرام
مازن / كويسين احنا جينا هنا عند خالو مرام اللى طلبت
سميحه / مفيش مشكله يا حبيبى اللى ترتاحوا فيه انا مطمنه عليها و هى معاك
مازن / تسلمى يا تيته بقولك انا متصل استاذنك اخد مرام السخنه الجروب كلو طالع و اختى جايه هى و خطيبها انا لسه مقولتش لمرام فكنت بفكر يعنى اخدها و نروح مصيف يعنى هتنبسط
سميحه / هههههههههههههههههه يا حبيبى انت مكلف روحك دولى عشان تستاذنى تاخد مراتك مصيف و لا لا
مازن / مراتى اه ماشى يا تيته ماشى
سميحه / ههههههههههههههههههههه يا قلبى يابنى والله صعبت عليا
مازن / عشان تعرفى انتى و بنتك عاملين فيا ايه
سميحه / و انا مالى يا خويا
مازن / هههههههههههههه ماشى يا تيته يعنى اخدها عادى
سميحه/  اللى تشوفوه لو هى عاوزه تروح روحوا و انبسطوا
مديحه تشد التليفون
مديحه / ازيك يا مازن و ازى مرام و ازى محمود
مازن / ازيك يا عمتى كلنا كويسين الحمد لله
مديحه / الحمد لله يا حبيبى ادينى مرام اسلم عليها
مازن / نايمه والله يا عمتى الصبح اخليها تكلمك
مديحه / المهم انكوا بخير اهم حاجه اطمنت عليكوا
مازن / لا اطمنى يا عمتى
مديحه / بقولك يا مازن يا حبيبى
مازن / اؤمرينى يا عمتى
مديحه / ميؤمرش عليك ظالم يا حبيبى كنت بقولك يعنى تعرض على محمود يجى معاكوا يعنى اخوكوا يعنى هو هيتكسف و هيرفض انتوا عارفينه نفسه عزيزه عليه اوى بس والله غلبان و طيب و يتيم
مازن / منغير متقولى يا عمتى محمود زى زياد بالظبط
مديحه / تسلم و تعيش يا حبيبى تسلم و تعيش انا هقفل بقى و اسيبك ترتاح
مازن / ماشى يا عمتى مع السلامه
مازن يقفل و يحط الموبايل عالكومدينو و يقعد عالسرير يفكر و بعدين يقوم يفتح الدولاب و ياخد بشكير و يدخل الحمام
............................
فى اوضه مرام
مرام نايمه تليفونها يرن تصحى ترد
مرام / الو
محمود / كنتى نايمه و لا ايه
مرام / لا صحيت ازيك اخبار الشركه و الشغل ايه
محمود / كويس كنت بكلم ماما و عرفت انك روحتى عند صفوت بيه الفيلا
مرام / اه كدا احسن
محمود / ليه عملولك حاجه حد كلمك
مرام / لا والله بالعكس كانوا لطاف جدا معايا و استقبلونى كويس بس لانا و لا مازن كنا مرتاحين هناك يعنى مراه باباه موجوده و كدا
محمود / مرام احنا صلحنا كل حاجه هنا لو فى حد كلمك لو فى اى حد
مرام / بطل توترك ده مفيش حاجه كل حاجه كويسه متخفش و مازن معايا و لا انت خايف تبات لوحدك ههههههههههههههههه
محمود / خفه
مرام / متيجى نتغدى سوا بكره
محمود / استاذنتى مازن
مرام / مش هيقول حاجه
محمود / لا برده
مرام / محمود انت مش هتبطل الحساسيه الزياده دى امتى بقى هتقبل مازن
محمود / يعنى اعمل ايه اكتر من كدا يعنى مش دى الاصول يا بنتى و لا انا اطب عليه و احرجه يعنى
مرام / لا يا سيدى مش هتطب عليه و لا تحرجه انا عزماك انت رايح تطمن على اختك و محدش له عندك حاجه و اللى يكلمك كلمه اردلك انا عليه بعشره
محمود / اه صح
مرام / يعنى ايه اه صح
محمود / روحى كملى نوم انا اطمنت عليكى خلاص و اصلا انا صاحى من بدرى اوى و طول اليوم بمقق عينى فورق و قرف لما صدعت
مرام / شكلك محتاج فنجان قهوه من بتوعى قول بقى كدا مش قادر تبعد عنى
محمود / طب مطبعا مش قادر ابعد عنك دانا من يوم موعيت عالدنيا و انتى جنبى فجاه كدا ياخدك و يمشى
مرام / هههههههههههههههههههه سنه الحياه ايه كنت هتخللنى جنبك و لا ايه
محمود / النصيب يلا تصبحى على خير
مرام / هكلمك بكره اكد عليك تيجى عالغدى
محمود / ربنا يسهل يلا سلام
مرام / سلام
مرام تقفل السكه و تقوم تلبس الروب و تحط طرحه على راسها و الموبايل فى ايدها و تروح اوضه مازن متلاقيهوش تبص يمين و شمال و تيجى تمشى باب الحمام يتفتح و مازن يطلع
مازن / ايه المفاجاه الحلوه دى ايه اللى صحاكى
مرام / محمود
مازن / ماله خير فى حاجه
مرام / لا كويس كويس مفيهوش هو كان بيطمن علينا كلم عمتى و قالتله انى جيت هنا فكان بيطمن يعنى و انا بعد اذنك يعنى عزمته بكره عالغدى معانا
مازن / دا بيتك يا قلبى تعملى اللى يعجبك
مرام / هو محرج يكون عندك شغل او خالو صفوت مرتب لحاجه يعنى انت عارفه
مازن / انا هكلمه بكره و اعزمه بنفسى
مرام / ربنا يخليك ليا يا احلى مازن فى الدنيا
مازن / طب و احلى مازن ده ملوش مكافاه و لا ايه
مرام / انت هتهيص و لا ايه مكنش طلب طلبتو منك يعنى
مازن / هههههههههههههههههههههه لا مش ههيص بس انا بقى عندى ليكى مفاجاه
مرام / خير
مازن / انا كلمت تيته و قولتلها انى هاخدك مصيف و هى قالتلى براحتكوا ايه رايك
مرام / امممم دى مفاجاه حلوه جدا خصوصا انى عمرى مطلعت مصيف لا طلعت بس يعنى دا من زمان اوى .. اوى
مازن / احنا فيها هاخدك و نسافر و نتفسح و ننبسط اهو يمكن تحنى عليا و تكافئينى باى حاجه
مرام / هنروح فين هاه اسكندريه مارينا فين هاه
مازن / السخنه
مرام / حلوه ؟؟
مازن / جدا بس الجونه احلى بس هخليها للهونيمون بما انه اسبوع يتيم قبل الدراسه بس لما نتخرج بقى هاخدك و نلف الدنيا حته حته
مرام / يا سيدى يا سيدى
مازن / هههههههههههههههههه اهم حاجه عندى تكونى مبسوطه
مرام / منغير حاجه انا مبسوطه و انا معاك
مازن / قلبى يا ناس
مرام / يلا تصبح على خير بقى
مرام تيجى تمشى تلاقى مازن ماسك ايدها و باصصلها و مبتسم
مرام / نعم
مازن / هو انتى لازم تنامى هناك
مرام / امممم و اخرتها بقى
مازن / خليكى معايا والله هحاول ابقى مؤدب
مرام / هتحاول
مازن / بكل طاقتى
مرام / ههههههههههههههههه و انا ميخلصنيش اعزبك يلا تصبح على خير و نام هصحيك الصبح بدرى
مرام تيجى تمشى مش عاوز يسيب ايدها و ابتسامته تزيد
مرام / يا ربى
مازن / فاكره لما كنت بايت فى اوضه محمود و انتى دخلتى الاوضه
مازن يقرب من مرام
مرام / قصدك لما قولت انى غزاله صغيره و دخلت عرين اسد
مازن / مانتى فاكره كل حاجه اهو
مرام / اااااااااااه طب انت فاكر بقى الغزاله يوميها عملت ايه فى الاسد
مازن يمسك ايدين مرام الاتنين ورا ضهرها و تبقى فى حضنه مرام تبص الناحيه التانيه و تدحك
مازن / فاكر
مرام / لسه مستهون بالغزاله انت صح
مازن / الغزاله طيرت عقلى
مرام / مهو انا لو وريتك غزالتك ممكن تعمل ايه هتعيط
مازن / هههههههههههههههههههه لا و على ايه من خاف سلم بكره الغزاله تجيلى لوحدها ملفوفه لفه جاتوهات
مازن يسيب مرام و يروح يقعد عالسرير
مرام / بكره بقى تصبح على خير
مرام تشاور لمازن و تسيبه و تمشى
مازن / بتربى و ربنا بتربى
...............................
تانى يوم فى المطبخ
مازن يدخل يلاقى مرام واقفه هى و بنتين كمان
مازن / صباح الخير
مرام / اهلا صباح النور ايه صحاك
مازن / انتى بتعملى ايه بدرى كدا
مرام / بحضرلك الفطار انت و خالو عشان تنزلوا الشركه اديت الشيف النهرده اجازه
مازن / طبعا هتعملى كدا
مرام / الحقيقه كان نفسى اديله باقى الاسبوع بس انا مش عارفه هنسافر امتى
مازن / كلمت محمود و اكدت عليه يجى
مرام / بجد يا حبيبى
مرام تبص تلاقى البنتين باصيين تتكسف
مرام / طب روح انت اقعد مع خالو و انا هجيبلك الفطار
مازن / احم ماشى هستناكى
مازن يمشى و مرام ترجع تقف مع البنات
.......................
عالسفره
صفوت / دى فكره ممتازه جدا بس انا والله عندى مليون حاجه خليها مره تانيه و بعدين انتوا هتبقوا شباب فبعض هاجى اعمل ايه
مازن / جرا ايه يا صفصف دانت اصغر منى
صفوت / ههههههههههههههههههه وفر شويه البكش دول للمزه
مازن / مبتاكلش منهم
صفوت / يا راجل ليه عامله رجيم و لا ايه
مازن / دانا اللى خسيت النص خلينى ساكت
صفوت / هههههههههههههههههههه احسن احسن
مازن / شمتان فيا دى اخرتها
صفوت / لتكون صدقت يلا دانت فضلت يومين و كرشك يدلدل
مازن يبص على بطنه
مازن / لا فى ايه ايه الكلام ده
صفوت / ههههههههههههههههه
مرام تدخل هى و البنات شايلين الاكل يحطوه و مرام تقعد و البنات يمشوا
مرام / صباح الخير يا احلى خال فى الدنيا دوق بقى الفطار ده من ايدى
صفوت / ادوق ايه دانا هنسف الاكل ده
مرام / الف هنا
مازن / كنت لسه بقول لخالو يجى معانا بس اعتزر
مرام / امممم ليه بس يا خالو
صفوت / انتوا هتبقوا شباب مع بعض انبسطوا و بعدين انا كمان ورايا شغل كتير اوى
مرام / لما تيته تيجى ان شاء الله نبقى نسافر كلنا انا و حضرتك و تيته و عمتى و كلنا
مازن / و انا
مرام / لا انت خليك هنا هههههههههههههههههههه
صفوت / ايوه انت كل حاجه تحشر نفسك فيها
مازن / ايوه ايوه اتلموا انتوا على بعض و استلمونى ماشى ماشى صحيح مرام ادت الشف اجازه
صفوت / عالبركه يعنى هتعزمونى بره و لا مرام هتدلع كرشى
مرام / ههههههههههههههههههههه تحب تاكل ايه يا خالو اللى تقوله هعمله
صفوت / امممم اى حاجه غير المكرونه البشاميل
مازن / دا ليه كدا يعنى
صفوت / رخامه
مازن / شوفتيش خال كدا
مرام / بصراحه عمرى مشوفت خال احلى و لا احن و لا اطيب من خالو صفوت
مازن / هو فى ايه انا جوزك عل فكره و لعلمك مش واكل غير مكرونه و قفلت معايا على كدا
مرام / لا و انا مقدرش على زعلك خلاص متشيلوش هم بس بقولك ايه يا مازن متعزم شريف و صافى
مازن / و ماله  فكره حلوه برده
صفوت / هو ايه حكايتهم صحيح
مازن / والله يا خالو لسه مش عارفين خصوصا ان صافى هتسافر قريب و انا العلاقات عن بعد دى مبؤمنش بيها
صفوت / لا و الاكتر ان شريف لسه خارج من علاقه قريب و مفتكرش ان دخوله فعلاقه تانيه بالسرعه دى تصرف كويس
مرام / ليه يا خالو يعنى
صفوت / عشان هيبقى بيظلم نفسه و بيظلم البنت معاه الواحد لازم ياخد وقته يلم نفسه و يداوى جروحه لكن يروح يجيب واحده يفضى فيها همه و يطلع عليها عقده مينفعش دا رايي طبعا بس بما انى سنجل فاكيد رايي ده ملوش اى لازمه
مرام / صحيح يا خالو انت مش ناوى تغير الموضوع ده
صفوت / هههههههههههههههههههههه انا انسى يا ماما انا خلقت كالطير احلق فى السماء قفص ايه اللى ادخله برجلى انا هو انا اتجننت
مرام / سامع اللحق نفسك بقى
مازن / انا ادخل بس و بعدين نتكلم لكن انا موقفنى عالباب لا منى جوه و لا منى طاير
مرام / يا عينى و ايه اللى جابرك
مازن / فى عصفوره حلوه اوى جوه شغلانى يا تدخلنى ليها يا اخدها انا و اطير لكن لوحدى مينفعش
صفوت / و ايه كمان يا حنين
مازن / احنا ايه اللى جابنا هنا
مرام / هههههههههههههههههههههههههه
مازن / قلبى يا ناس
صفوت / قلبه يا ناس
مرام تبصلهم الاتنين و تضرب كف على كف و هى بتدحك
...............................