السكه شمال بقلم / لولو_محمد ( كامله )

الحلقه ٩٥

(((((((((((((السكة شمال )))))))))))
#لولو_محمد
الحلقه الخامسه و التسعون
مرام / على فكره انا معايا تمنهم
مازن / عارف و عارف انك معاكى تمن الاربعه كمان بس انتى مراتى و ملزمه منى
مرام / لما ابقى فبيتك
مازن / حتى لو فين انتى مراتى و لو فجحر العفريت و بطلى الحساسيات دى متبقيش هبله و تعالى يلا اما اخدك افسحك قبل معسكر الدراسه
مرام / بشرط
مازن / اتفضلى
مرام / انا اعزمك
مازن / ماشى اعزمينى
مرام / ماشى
صافى ترجع و الهدوم فى شنط تديهالهم
صافى / نورتينى يا احلى عروسه
...........................
مازن / اسمعى الكولكشن الجديد مرام تشوفها قبل متتعرض عشان والله لو عجبنى حاجه تانى و قولتى محجوز
صافى / خلاص بقى ميبقاش قلبك اسود كدا
مازن / ماشى يلا سلام يا مزه
صافى / سلام يا ميزو
مازن يشيل الشنط و يمشى هو و مرام يفتح العربيه و يدخلها و يركب
مازن / ها يا قلبى تحبى تعزمينى فين
مرام / هو انت علاطول بتهزر معاها كدا
مازن / بيقولوا الراجل يخلى الكل يغير من مراته مش العكس واضح انى مش شايف شغلى كويس مش كدا
مرام / على فكره انا فاهمه يعنى انت اتربيت كدا لكن انا اتربيت كدا غصب عنى بكره اتعود
مازن / و مين قالك انى عاوزك تتعودى انا عاوزك كدا بطبعك الحامى ده
مرام /هتعبك
مازن / واحده واحده هتعود انا هو فى احلى من ان حبيبتى تغير عليا يا ناس
مرام / على فكره دى مش غيره دى كرامه
مازن / طبعا طبعا انا متاكد من ده
مرام / ايوه يعنى الناس تقول عليا ايه
مازن / مثلا يعنى احنا هنهرج و لا ايه
مرام / صحيح بكلم مين نسيت استاذ و رئيس قسم الاستفزاز و حرق الدم
مازن / هههههههههههههههههههه تعرفى ان عدد العضلات فوشك اللى بتستخدميها و انتى بتكشرى اكتر منها و انتى بتدحكى عارفه ده معناه ايه
مرام / لا
مازن / يعنى كل تكشيره من وشك الحلو الصغنن ده هتخليكى تعجزى اسرع و تكرمشى اكتر عن كل دحكه هتدحكيها
مرام / حقك طبعا مش عاوز تعيش مع عجوزه مكرمشه زيي
مازن / لا عاوز بس عاوز تجاعيدك تبقى بسبب الدحك مش بسبب الزعل عاوزك علاطول فرحانه مش عاوزك تفكرى فبكره و لا تشيلى الهم سبيلى انا الموضوع ده تعرفى بفكر لما ناخد الاجازه اخدك و افسحك فسحه تنسيكى اسمك
مرام / هتودينى فين
مازن / مش عارف لسه بس اوعدك انى هحط كل تركيزى فالموضوع ده
مرام / لا دلوقت حط كل تركيزك فى المزاكره و لما ناخد الاجازه ابقى اعمل فيا كل اللى انت عاوزه
مازن / اعمل فيكى كل اللى انا عاوزه انتى قد الوعد ده
مرام / الله مش انت عاوز تفسحنى
مازن / لا دى حاجه و دى حاجه تانيه خالص
مرام / اهو مازن قليل الادب هيطلع اهو
مازن / هههههههههههههههههههه هو انا قولت حاجه طب دانا غلبان و مكبوت و طالع عينى طب دانا بقى حالى يصعب عالكافر يا شيخه
مرام / ههههههههههههههه يا حرام
مازن / اه والله شوفتى
مرام / تصدق صعبت عليا
مازن / طب حنى عليا باى حاجه حسنه قليله تمنع بلاوى كتيره اتصدقى عليا باى كلمه حلوه
مرام / ههههههههههههههههههه بس بقى
مازن / تعرفى انك فعلا بتاخدى ثواب عالحاجات دى
مرام / حاجات ايه
مازن / اى حاجه بتعمليها لجوزك و معاه بتاخدى عليها ثواب اى كلمه اى نظره اى
مرام / يعنى انت لما بوستنى كنت بتكسب ثواب
مازن / اخيرا فهمتينى عشان تعرفى و عماله تقولى قليل ادب قليل ادب لكن انا كنت بعمل ده بنيه اخد ثواب مع حلالى
مرام / تصدق هعيط من التقوى و الايمان هعيط
مازن / مفيش فايده اقسم بالله جربت معاكى كل حاجه مفيش فايده
مرام / هههههههههههههههههههههه انت مصيبه
مازن / مصيبه حلوه و بتحبك على فكره
مرام / طيب
مازن / لله لله
مرام / اسرح
مازن / ههههههههههههه لله لله
مرام / روح
مازن / ههههههههههههههههه مفيش فايده يعنى
مرام / ايون
مازن / كدا بتجبرينى اسرق
مرام / جرب
مازن / بترجعى تزعلى
مرام / استنى استنى انا عارفه محل الايسكريم ده
مازن / ده طب استنى اركن و ننزل نجربه
مرام / ماشى على فكره حاجته حلوه اوى
مازن / ادى ركنه اهى استنى استنى تمام يلا
مرام / خليك فاكر انا اللى هدفع
مازن / ماشى يا ستى يلا
مرام و مازن يدخلوا
مرام / انا هاخد رز بلبن بالايسكريم و المكسرات و صوص النوتيلا جربته قبل كدا حكايه
مازن / تمام اجربه انا كمان
مرام تطلع المحفظه
مازن / هدفع مالكارد بتاعتك مهى معايا نسيتى و لا ايه
مرام / اه تصدق نسيت خالص دانا كنت هدوخ عليها لما اروح
مازن / لا متقلقيش كنت هديهالك اكيد يعنى
مازن يدى للكاشير الكارد و يعمل الاوردر و يروحوا يقعدوا على ترابيزه فجنب
مازن / اتفضلى الكارد عنيها بقى بدل متضيع منك و انتى مسطوله كدا
مرام / تمام
مرام تاخدها و تحطها فى شنطتها و مازن مبتسم
مرام / كنت بتكلم مع تيته امبارح فحوار زياد
مازن / اها
مرام / تيته مش مرتاحه بتقولى مينفعش تسبنى لوحدى فانا كنت بفكر يعنى اطلع معاهم ايه رايك
مازن/ هى فكره مش وحشه بس انا كنت ناوى اصلا اننا نسافر انا و انتى بعد شهر العسل علاطول لكن لو سافرتى دلوقت هتسبينى لوحدى لمين
مرام / ايه يا مازن هو انت صغير
مازن / اه منغيرك ببقى صغير و بتوه و مينفعش تبعدى عنى
مرام / طب متيجى معانا
مازن / ماشى يبقى نتجوز الاول و اسافر معاكى
مرام / انت بتحطلى العقده فى المنشار يعنى
مازن / لا بستغل الظروف ههههههههههههههههه
مرام / بجد بقى يا مازن اصلا عمتى مديحه قافشه مع تيته بسبب الموضوع ده
مازن / ليه
مرام / يعنى عمتى نفسها اوى و مصدقت و تيته خايفه عليا بتقولها انتى هتسيبى محمود راجل لكن مرام هسيبها لمين
مازن / اااااااااه جت فقلبى و رشقت لا انا ليا كلام تانى مع تيته لما نروح
مرام / بطل افوره بقى
مازن / لا يعنى ايه هسيبها لمين امال انا روحت فين
مرام / يا مازن بس انا فعلا هبقى لوحدى فالبيت
مازن / اجى اسليكى
مرام / صبرنى يارب
مازن / ثواب يعنى اخلصى انتى بس النيه و كلو هيمشى باذن الله
مرام / انت هتشلنى يا مازن
مازن / طب اسالى فيها والله هيقولولك انى صح
مرام / اقولك انا غلطانه ابقى اتكلم مع تيته و قولها بقى ثواب و مثوابش
مازن / هتكلم هو انا هخاف و لا ايه
مرام تبصله
مازن / ما ضاع حق وراءه مطالب
مرام تدحك و تبص الناحيه التانيه مازن يحاول يمسك ايدها تسحبها
مرام / الناس
مازن / الناس ؟؟
مازن يقوم يقف و يطلع القسيمه و يرفعها لفوق و مرام تدارى وشها مالخجل
مازن / مراتى يا جدعان ... القسيمه اهى دى مراتى ... متسبينى امسك ايدك بقى يا فوزيه الله
الناس تدحك يقعد جنبها و يلزق فيها هى عماله تغطى وشها بايدها
مرام / فضحتى
مازن / شكلك عسل و انتى مكسوفه كدا و خدودك حامره كدا
مرام / انت مجنون على فكره
مازن / و انتى سبتى فيا عقل
مرام / ابعد شويه
مازن / خلاص الكل عارف انك مراتى محدش له حاجه عندى
الراجل يجيب الرز بلبن مازن يقعد عدل و مرام بتبصله و تبتسم و تبص الناحيه التانيه بسرعه مازن يملا المعلقه و يحطها على بق مرام
مازن / خير صدقه لقمه يضعها الرجل فى فم زوجته
مرام تفتح بقها و تاكلها يملا غيرها
مرام / شايفه انك بتستغلنى كويس
مازن / انتى اللى فتحتيلى السكه لما قولتى سوره النساء كملت و عرفت حقوقك و حقوقى و ناوى استغل الموضوع لاقصى حد
مرام / طب و هو انا كمان ممكن استغلك
مازن يفتح بقه مرام تحطله المعقله مازن يبص حواليه يلاقى الكل متابعهم و مبتسمين
مازن / انا بقول ناخد اطباقنا و نكمل فى العربيه احسن
مرام تهز راسها موافقه و ياخدوا اطباقهم و يمشوا و الكل متابعهم
...........................
فى العربيه
مرام / انت مجنون عارف ده و لا لا
مازن / محدش له عندنا حاجه
مرام / حتى و لو ميصحش
مازن / بطلى تدى للناس اكبر من حجمهم و استمتعى بحياتك محدش هينفعك
مرام / مش الفكره بس الناس
مازن / انا و لا الناس
مرام / ايه ؟؟
مازن / لو هخار بينك و بين الناس هختارك انتى بقي هتختارى ايه
مرام / انت طبعا
مازن يبتسم
مرام / و عشان كدا هخاف مالناس هخاف يحسدونا
مازن / كدا كدا هيحسدونا فعلى الاقل نديهم سبب مقنع يحسدونا عليه
مرام / انت غريب اوى
مازن / لا نهائى انا بس فرحان حبتين
مرام / يارب علاطول
مازن / اممم تحبى تروحى فين بقي
مرام / نروح ايه رايك
مازن على وشه خيبه الامل
مازن / هنزاكر صح
مرام / ههههههههههههه يا عينى صعبت عليا امممم طب خلاص قولى اشجعك ازاى ايه رايك على كل فصل تخلصه اعملك حاجه حلوه
مازن / امممم حاجه حلوه زى ايه
مرام / اللى تحبه فادج كيكه تارت اى حاجه تحبها
مازن / ايه اكل لا مش عاوز دانا بقيت هعيط عالميزان بسببك
مرام / ههههههههههه انشف كدا اسد فى ايه
مازن / اسدك هيكرش
مرام / الراجل منغير كرش ميسواش قرش
مازن / اللى طلع المثل ده حد من اتنين يا واحده بتصبر روحها يا واحد كسول و طفس
مرام / ههههههههههههههههه مبتحبش الكرش انت
مازن / هو نوع واحد بس مالكروش اللى هحبه
مرام / و هو ؟؟
مازن / بتاعك يام ملوكه
مرام / هههههههههههههههه و بعد مجيب ملوكه افرض معرفتش انزله
مازن / لا مهو مش هيلحق ينزل انتى ناسيه مالك و لا ايه
مرام / ههههههههههههه دانت داخل على طمع ورا بعض كدا و لا البيه نفس فواد يشيل اسمه و الكلام ده
مازن / مين انا نهائى ليطلع زييى و يطلع عينى لا انا عاوز بت زيك كدا انا ناقص وجع قلب
مرام / اخص عليك دا مالك ده عسل سيد الرجاله بكره البنات تقطع روحها عليه
مازن مبتسم و باصصلها
مرام / فى ايه بتبصلى كد ليه هتغلط فابنى و اسكتلك و لا ايه
مازن / هغير منه كدا
مرام تبتسم
مازن / بحبك يا ام ملوكه
مرام تبص الناحيه التانيه و مازن يسوق العربيه و يمشوا
..........................
فى الشركه عند زياد
لبنى / لا بس بصراحه فاجئتنى
زياد / ليه كنتى فكرانى مش هعرف امشيها و لا ايه
لبنى / لا طبعا يا حبيبى هو فى زيك انا بس مكنتش متخيله انك هتقدر تفهم كل حاجه و تسيطر بالسرعه دى
زياد / على الله بس نعجم الباشا الكبير
لبنى / ولا متعجبوش هيفرق معانا فى ايه
زياد / ازاى بس مهو كل ده زى مجه ممكن بكره يروح
لبنى / لانا و لا انت و لا ماما فريده هنسمح ان ده يحصل و لعلمك بقى انا عارفه ان ماما فريده هتقدر تقنع اونكل ابراهيم ان يكتبلك كووووول ده
زياد / عشم ابليس دانا اقنع مازن اسهل لكن ابراهيم بيه مستحيل
لبنى / اكيد هنلاقى طريقه المهم دلوقت لازم تعمل زى ما ماما فريده قالت لازم تنجح الترم ده باى شكل عشان ميبقاش حد احسن من حد
زياد / هعمل ايه اكتر من كدا دانا اتفحت
لبنى / حبيبى قدها نستحمل حبه لحد بس مناخد اللى احنا عاوزينه و بعدين انت عاوز مازن يبقى احسن منك و لا ايه عاوزهم يقولوا مرام خلت مازن يبقى كويس لكن لبنى عطلت زياد
زياد / مرام ... مش عارف البت دى حكايتها ايه كل ممشيلها فسكه تتقفل
لبنى / لا متقلقش السكه دى هتمشى و ان ممشيتش اكيد هنلاقى غيرها هو احنا هنغلب
زياد / عرفتى مازن بيعمل فاحمد ايه
لبنى / عرفت و للاسف العبيط بيلمنى على اللى حصل و لا البلوه التانيه دى كمان ابوها منعها تنزل مصر خالص و مش بس كدا دا بيساعد مازن و صفوت بيه على احمد
زياد / راجل غبى فاكر انه بكدا بيوصل الود مع مازن ميعرفش انه لما هيخلص من احمد هيضير عليه
لبنى / خليهم ياكلوا بعض مدام احنا تمام و بعيد عن الصوره خلاص خليهم يولعوا فبعض كلو فمصلحتنا فالاخر
زياد / على رايك اهو السوق يفضى
..........................
فى شقه مرام
مرام بتكتب حاجه فالورق و سميحه فالبلكونه بتشتغل تريكو و مازن قاعد ساند ضهره عالكنبه و بيقرا حاجه ثوانى و يقفل الكتاب و يحطه جنبه و مرام لسه بتكتب يمد ايده و يشد التوكه من شعرها
مرام / انت بتعمل ايه
مازن / كدا احلى
مرام / عليك و على جنانك هتودينا فداهيه
مازن / هههههههههههههههه انا جوزك على فكره
مرام / يادى النيله مش هنخلص بقى انت جاى تزاكر و لا جاى تعمل ايه بالظبط هات التوكه دى
مازن / تدفعى كام
مرام / صبرنى يارب
مازن / يصبرك انتى خدى ياختى التوكه لميه
مازن يمسك الكتاب و مرام تلم شعرها و هى بتبصله شظرا و تكمل كتابه مازن ثوانى و يمد ايده و يشدها تانى و هو بيدحك
مرام / تصدق انا الغلطانه خليهالك
مرام تقوم تدخل المطبخ يبص على سميحه و يجرى وراها يلاقيها بتشرب ميه ساقعه مالتلاجه
مازن / صبيلى حبه
مرام / اتفضل
مازن / انا خلصت فصل على فكره فين الحاجه الحلوه بتاعتى
مرام / التلاجه مليانه خد اللى انت عاوزه
مازن / و ان مكنش اللى انا عاوزه فالتلاجه اعمل ايه
مازن يقرب من مرام
مرام / يادى النيله
مازن / هههههههههههههههه
مرام / تصدق و تؤمن بايه
مازن / لا اله الا الله
مرام / انت مش هتهدى الا لما احميك بالميه الساقعه دى افوقك
مازن / طب و لما هدومى تتبل و اقلعها هتعملى ايه
مرام / صبرنى يارب انت مجنون يا بتاع انت و لا انت قاصد تجننى و لا انت عاوز ايه بالظبط
مازن / انتى وعدتينى هتدينى حاجه حلوه على كل فصل اخلصه
مرام / امتحنك الاول اتاكد
مازن / و لما تتاكدى هتدينى
مرام / اه هديك فسنانك
مازن / اموت انا فيك يا خطر انت
صوت سميحه من بره
سميحه / مراااام
مرام / هتودينى فداهيه يخربيتك وسع كدا وسع
مرام تطلع بره
سميحه / انتوا فين
مرام / كنا بنشرب
سميحه / طب علقى على شاى دماغى مصدعه
مرام / حاضر يا تيته
مازن يطلع بره و مرام تدخل و سميحه تروح تقعد جنب مازن و تشده من ودنه
مازن / ااااااه ايه يا تيته
سميحه / وله اتلم و سيب البت فحالها ماشى
مازن / مراتى الله و بعدين هو انا عارف انيل حاجه هتبقى انتى و هى عليا دا ايه الهم ده
سميحه / هههههههههههههههههه اتجدعن و زاكر و انت تاخدها بيتك و ساعتها اعمل فيها اللى انت عاوزه
مازن / و انا اللى كنت فاكرك بتحبينى
سميحه / هههههههههههههههههههه بحبك و عشان كدا عوزاك شاطر مش عاوزه حد يقول كلمه عن جوز بنتى
مازن / لا متقلقيش هشرفك
سميحه / طب و مرام
مازن / يا حجه هو انا عارف امسك ايدها حتى دانا حالى بقى يصعب عالكافر و ربنا امال لو مكناش كاتبين الكتاب هتعملوا فيا ايه دا ايه الظلم ده دا حتى ميرضيش ربنا
سميحه / ههههههههههههههههه يابنى مقصدش انا قصدى ان محدش يتكلم عن مستواها و يقول قل لما عرفتك
مازن / حاضر والله حاضر هتلم حاضر و هخليها تزاكر و هشد ودانها لحد متجيب تقدير عالى كمان خلاص
سميحه / خلاص اما نشوف
مازن / طلعتى حما شريره يا تيته مخاصمك
سميحه / ههههههههههههههههههه الشاى يا مرام
مرام تطلع من جوه سميحه تاخد كبايتها و تدخل بيها البلكونه
مرام /احسن
مازن / شدتنى من ودنى هنا
مرام / يا عينى
مازن / اوف خالص بتوجعنى
مرام / معلش معلش
مازن / بوسيها عشان تخف
مرام / مش هتوب انت الا لما تحمرلك ودنك التانيه صح
مازن / فى الفرن و لا فالزيت ها ها ها اسف اسف
مرام / انت لا تطاق على فكره
مازن / و انتى كدابه
مرام / سبنى احل البتاعه دى عشان ابقى خلصت الجزء ده
مازن / احم ثوانى ثوانى احنا اتفقنا ان كل فصل اخلصه هاخد حاجه حلوه
مرام / امتحنك الاول و الحاجه الحلوه تبقى من المطبخ
مازن / و انا جاهز
مرام / الحاجه الحلوه من المطبخ
مازن / معنديش مانع ابوسك فالمطبخ
مرام / تصدق و تؤمن بايه
مازن / لا اله الا الله
مرام / انت مفى فايده فيك
.........................