السكه شمال بقلم / لولو_محمد ( كامله )

الحلقه ٨٥

(((((((((((((السكة شمال )))))
#لولو_محمد
الحلقه الخامسه و الثمانون
ممدوح / انا عمرى وعدتك بحاجه و خلفت
ماهى / لا
ممدوح / خلاص اسمعى كلامى و هتشوفى
ماهى / ماشى
ممدوح / حبيبه دادى انا ميهمنيش فى الدنيا اللى سعادتك و لو طلبتى نجمه مالسما هجيبهالك بس ارجوكى اهدى
ماهى / اوك يا دادى اوك
ممدوح يبوس ماهى تبتسم من تحت الدرس
.................................
بعد فتره فى الكليه
محمود / والله الدكتور ده بيستهبل يخلص اربع شباتر فى محاضره انا مفهمتش منه حاجه
مرام / ولا انا بس هنعمل ايه هنشوف بقى فى السيكشن يمكن نفهم حاجه مالمعيد
محمود / على الله كلو على الله
مرام / صحيح سمعت اشاعات كدا انك هتروح النهرده تشترى الشبكه بقيت بسمع اخبارك بالصدفه
محمود / مانا بقيت بقابلك صدفه برده
مرام / انت اللى اخترت نبقى كدا مش انا
محمود / انا ؟؟
مرام / ايوه انت
مازن يدخل
مازن / صباح الخير
محمود / اهلا
مازن / ممكن ثوانى يا مرام
محمود يمشى و مرام تبص يمين و شمال
مازن / انا حفظت
مرام / مبروك
مازن / هاجى انا و خالو بالليل
مرام / مش فاضيين النهرده هنشترى شبكه محمود
مازن / والله طب مش تقوليلى اباركله
مرام / اديك عرفت
مازن / مين سعيده الحظ
مرام / جارتنا مروه بنت المعلم اسعد
مازن / اه افتكرتها بنت كويسه
مرام / اه و بتحبه وى
مازن / محمود ذكى خد اللى بتحبه اعملى زيه
مرام / الناس بتبص علينا
مازن يقرب
مازن / و ايه الجديد
مرام / ابعد شويه
مازن / هشوفك بالليل سلام 
مرام / قولتلك انى
مازن يمشى و ميسمعلهاش محمود يرجع
محمود / ها لسه شايفه ان انا اللى اخترت الطريقه دى
مرام / يلا يلا
محمود / يلا
............................
بالليل فى الحاره
مرام و سميحه و مديحه و محمود نازلين يلاقوا اسعد و مروه و مامتها واقفين يسلموا على بعض
اسعد / انا هاخد الستات معايا و انت يا محمود خد البنات معاك فى تاكس و نتفابل فى الصاغه
محمود / تمام يلا بينا
محمود ياخد مرام و مروه و يتمشوا لناصيه الحاره مازن يدخل بسرعه و يركن العربيه قدامهم و ينزل
مازن / اسف عالتاخير الطريق واقف
محمود / بتعمل ايه هنا
مازن / جاى اوصلكوا مبروك يلا
مازن يفتح الباب اللى ورا مروه تركب ووراها مرام محمود واقف مصدوم يركب و هو بينفخ مازن يقفل الابواب و يسوق
مازن / ها هتروحوا فين بالظبط
محمود / امشى وراهم و انت ساكت
مازن / ماشى ازيك يا مروه ازيك يا مرام
مروه / الحمد لله
مرام / الحمد لله
مروه توطى على مرام و يتوشوشوا
مروه / هو مش كنتوا سبتو بعض
مرام تبتسم و تبص مالشباك
مروه / ماشى ماشى
مرام / بس
مروه / حاضر
..............................
فى الصاغه
سميحه / اهلا يا مازن ايه المفاجاه الحلوه دى
مازن / مفاجاه ايه مانا قايل لمرام انى جاى معاكوا
مرام / كنت فكراك بتهزر
مازن / لا مبهزرش ... بقولك ايه يا تيته ممكن بعد منشترى الشبكه نروح علاطول عشان عاوز ادفع مهر مرام
مرام / بس اسكت
مازن / طب خلاص نحتفل الاول زى مكنتوا مظبطين و بعدين نروح اسمع
مرام / اووووف عليك
مرام تمشى
مازن / هى طلبت احفظ سوره النساء مهر و انا من يومها و انا مبعملش حاجه غير انى احفظها ممكن حد يسمعهالى بقى
سميحه / هههههههههههههه لما نروح هسمعهالك
مازن / وعد
سميحه / هههههههههه وعد
الناحيه التانيه مديحه و مروه و محمود و اسعد و مراته واقفين ينقوا الشبكه مرام تروح تقف جنبهم
مديحه / ايه رايك يا مروه فى الطقم ده
الست / حلو اوى بس شوفى ده كدا
مروه / ايه رايك يا محمود
محمود / الراى رايك انتى
مازن يروح يقف فى جنب يتفرج عالدهب و ينقى حاجه مرام تاخد بالها تروحله
مرام / بتعمل ايه هنا
مازن / ايه رايك
مرام / بقولك بتعمل ايه هنا
مازن / بنقى هديه مقولتليش ايه رايك فى الانسيال ده
مرام / مازن
مازن / عيون مازن
مرام / اتلم بقى
مازن / لمينى اتجوزينى و لمينى
مرام تبص الناحيه التانيه و تبتسم و تبصله تانى
مرام / و اخرتها
مازن / اخرتها خير بس انتى بطلى بقى
مرام / ماشى هسمعلك بس تعمل حسابك لو غلطت فى حرف واحد حرف واحد بس مشوفش وشك تانى
مازن / مش هغلط
مرام / ماشى
مازن / على فكره
مرام / نعم
مازن / مهما حاولتى و مهما انا حاولت طرقنا هتفضل تتلاقى فمتقعديش بقى تقولى مشوفش وشك و مشوفش قفاك دى تانى
مرام / انا مبسوطه النهرده و مش هسمحلك تستفزنى و لا تعصبنى و لا تنرفزنى
مازن واقف ساند عالكونتر و مبتسم
مرام / بطل بقى دانت مستفز
مرام تسيبه و تمشى مازن يدحك
مازن / هو انا عملت ايه طيب
...............................
فى مطعم فخم
مازن/ المكان ده احلى مكان بيعمل سى فود فى مصر
اسعد / يدوم العز يا استاذ مازن
مازن / مازن بس منغير استاذ احنا نسايب
مازن يبص لمرام تبص الناحيه التانيه
اسعد / بس متاخذنيش كانوا قالوا انكوا فسختوا الخطوبه
مازن / طلبوا مهر غالى اوى يا معلم استنيت لحد مجهزته و ان شاء الله اسده النهرده و نكتب الكتاب علاطول
مرام / مش وقته و لا ايه
مازن / ليه مكلنا متجمعين و بعدين انى لما طلبت ايدك طلبتها من المعلم و لا ايه
مرام / مش قصدى بس يعنى النهرده يوم مروه و محمود
محمود / خليه ياخد راحته مهو متعود ياخد كل حاجه لنفسه و لا ايه يا مازن باشا
مازن / ايه يا محمود بيه انا مباخدش اكتر من حقى
محمود / حقك صح طبعا
مرام / الله الريحه تجنن هو احنا مش هنطلب بقى و لا ايه
مازن / ازاى بس يا متر
..............................
فى شارع مرام مازن يركن العربيه و ينزل يلاقى مرام و سميحه و مديحه نزلوا
مازن / يلا
مرام / مازن الوقت اتاخر
مازن / مش ذنبى انكوا اتاخرتوا فى الاكل
مرام / خليها الصبح
مازن / لا دلوقت دلوقت
مرام / ايه شغل العيال ده
سميحه / تعال الصبح يا مازن
مازن / ماشى بس هجيب الماذون معايا
مرام / لما تبقى تسمع و متغلطش فولا حرف نبقى نتكلم فموضوع الماذون ده
مازن / مش هغلط انا مسمعها امبارح لشريف مره و النهرده قبل ماجى مرتين لما الواد طفش منى
مرام / يا بخته عارف يطفش
مديحه / شوفى البت و ردودها
مازن / عشان تعرفوا انا بعانى ازاى
مرام / و ايه اللى جابرك
مازن / بحبك
مرام ترتبك و تبص على سميحه و مديحه تسيبهم و تمشى
سميحه / هنستناك بكره راجع كويس
مازن يبتسم و يركب العربيه و يمشى و سميحه و مديحه يحصلوا مرام
.................................
فى شقه محمود
محمود بيكلم مروه فى التليفون
مروه / انت مش متخيل انا فرحانه قد ايه بصراحه حاسه انى بحلم
محمود / تدوم عليكى الفرحه يارب
مروه / تعرف بيتهيالى مش هعرف انام للصبح من كتر الفرحه
محمود / طب و المدرسه و الدروس لا اسمعى انا محبش البنت الخايبه انا بقولك اهو
مروه / مين دى دانا هاكل الكتب اكل
محمود / ايوه كدا تعجبيني و لو عوزتى اى حاجه هساعدك
مروه / بجد
محمود / اكيد
مروه / خلاص انت تدينى الدرس بعد كدا بدل مرام ايه رايك
محمود / بس كدا تؤمرى درس خصوصى كمان
مروه / ربنا يخليك ليا
محمود / و يخليكى ليا يلا روحى نامى بقى عشان تصحى بدرى
مروه / هتكلمنى لما تصحى
محمود / حاضر هكلمك
مروه / سلام
محمود / سلام
....................................
فى شقه سميحه
مرام و سميحه بيصلوا الفجر يسلموا
سميحه / انا هقوم اقرا الورد بتاعى جوه
مرام / و انا هحضر الفطار
سميحه / ماشى
مرام تقوم تقوم سميحه و تيجى تدخل المطبخ تجيلها رساله واتس
مازن / صباح الخير صحيتى و لا لسه نايمين
تبص فيها و متردش
مازن / اهلا صباح الخير صليتى الفجر و لا لسه
مرام متردش
مازن / هنلعب اللعبه دى تانى خليكى فاكره هتخسرى
مرام متردش
مازن يبعت ريكورد اوديو تجيب الهاند فرى و تلبسها و تسمع مازن بيغنى
مازن / بحبك وحشتينى بحبك و انتى نور عينى لو انتى مطلعه عينى بحبك موت لفيت قد ايه لفيت ما لقيت غير فحضنك بيت و بقولك انا حنيت بعلو الصوووووووت
مرام تشد الهاند فرى من ودانها بسرعه و تقعد تدحك يجيلها اوديو تانى
مرام / حرام والله
مرام تحط الهاند فرى و تسمع مازن بيغنى تانى
مازن / كداب مغرور قال مش بيحبنا بيلف و يدور و يلوع قلبنا غرقان فى بحر هوانا يابا و عيونه حلوه و كدابه قال ايه عامل نسينا يابا هااااااايه
مرام تشد الهاند فرى من ودانها تانى
مرام / تستاهلى عشان عاوزه تسمعى تستاهلى جزمه
توصل رساله من موبايل شريف
شريف / ابوس ايدك ردى عليه انا مخطوف هنا من امبارح و مصدقت سابنى انام دلوقت عمال يغنى ارحمى امى العيانه و ردى عليه هطرش
مرام تدحك بصوت عالى سميحه تطلع من جوه مرام مبتسمه و مش قادره تدارى
سميحه / فى ايه يا مرام
مرام / مفيش يا تيته
سميحه / مازن
مرام / اه مازن
سميحه / الواد بيحبك و عمل اللى طلبتيه ملوداه ليه بقى
مرام / اقولك ايه بس يا تيته
سميحه / فى واحد يعمل كل ده عشان يلعب بواحده طب يعمل ايه اكتر من كدا عشان يثبتلك انه بيحبك يعنى
مرام / ميعملش يا تيته خلاص هيجى و نشوف
سميحه / ماشى انا هدخل اكمل اللى كنت بعمله و هسيبك تكملى اللى كنتى بتعمليه ربنا يسهدك يا بنتى و يبعد عنك ولاد الحرام
مرام / امين
سميحه تقوم تدخل جوه مرام تبص فى الموبايل تلاقى تلت رسايل
مازن / صحيتوا نيجى دلوقت و لا نستنى شويه .... لو مردتيش هلبس و اجى .... ذنب شريف فرقبتك
مرام تتصل بمازن يرد فاول رنه
مرام /  ايه الازعاج ده عالصبح
مازن / حوبى احلى صباح ده و لا ايه
مرام / تصدق معاك حق انت زنان اكتر من انك مستفز انا مشوفتش كدا و ايه صوتك ده متغنيش تانى الناس بتقطع شراينها بره
مازن / اتجوزينى و انا مش هغنى تانى
مرام / و انا عشان انقذ الناس اضحى بنفسى
مازن / مدى اخلاق الفرسان يا مرامى
مرام / مرامك ؟؟
مازن / غرامى تنفع
مرام / انت بتكلمنى كدا و شريف جنبك
مازن / لا شريف دخل ينام
مرام / بعتلى رساله قالى انك خاطفه
مازن / اه عديت عليه جبته من قفاه عشان يقعد يسمعلى
مرام / ههههههههههههههههههههه مسكين شريف ذنبه ايه فكل ده
مازن / اسالى نفسك
مرام / يا سلام
مازن / وحشتينى
مرام / صحيح شريف عامل ايه
مازن / دكتوراه فى تغيير المواضيع بيقول انه كويس بس اكيد يعنى الموضوع مش سهل
مرام / هى متستاهلهوش
مازن / عارف و بصراحه كنت عارف ان ده هيحصل اصلا و قولتله و حذرته بس هو كان خفيف اوى معاها
مرام / و انت تقيل معايا ؟؟
مازن / هبقى انا و انتى كدا حموله زايده
مرام / صليت الفجر ؟
مازن / اه صليته
مرام / فطرت
مازن / مكسل اقوم احضر فطار الحقيقه انا مانتخ عالكنبه و مستمتع بالكلام معاكى
مرام / طب قوم روح المطبخ و كل حاجه
مازن / لا هخلينى جعان لحد مجيلك عشان تاكلينى فطار من عمايل ايديكى
مرام/ مليش مزاج اطبخ النهرده
مازن / ليه
مرام / متوتره شويه فى واحد كدا اعرفه عنده امتحان صعب حبتين و خايفه يفشل فيه
مازن يقوم يتعدل فى قاعدته
مازن / خايفه عليه
مرام / خايفه على نفسى اصل بصراحه لو فشل هيفضل يزن على فرصه تانيه و هيقرفنى
مازن / كم انتى قاسيه يا امراءه
مرام / ههههههههههههههههه
مازن / مش هفشل ان شاء الله انا سمعتها لشريف لدرجه انه قالى انه تقريبا حفظها
مرام / هنشوف
مازن / هتلبسى ايه النهرده
مرام / اشمعن
مازن / الله مش كتب كتابنا مش لازم تلبسى حاجه مناسبه
مرام / انت مستعجل على ايه
مازن / لو قولتلك هتقولى قليل الادب
مرام / انت قليل الادب
مازن / ههههههههههههههههههههههههه حتى لو مقولتش ايه الجباروت ده يا شيخه
مرام / اقولك مفيش كتب كتاب هخليه مع الدخله عشان تحترم نفسك
مازن / نعم ياختى هو ايه المشكله يعنى لو قولت انى نفسى اشوف شعرك تانى و هو نازل على وشه ايه العيب يعنى لما الواحد يلمس شعر مراته حبيبته و يبعده بايده عن وشها عشان يعرف يشوف لمعه عنيها و هى بتبصله لما يمسك ايديها منغير متسحبها عشان خايفه حد يشوفها لما ياخدها فى حضنه و يوشوشها فى ودنها بحبك ايه العيب فده ... مالك ساكته ليه
مرام / مفيش
مازن / هو انا لو بعتلك فستان هتلبسيه
مرام / هتلحق تشتريه
مازن / اشتريته فعلا و عندى هنا جوه شوفته و عجبنى ياما اتخيلتك لبساه عاوز اشوفه عليكى
مرام / و انت تعرف مقاسى منين
مازن / لا متقلقيش هتنبهرى
مرام / افرض معجبنيش
مازن / لا هيعجبك ان شاء الله
مرام / لسه مبداناش و عاوزنى اللبس على زوقك
مازن / و فيها ايه مانتى نفسك على زوقى مش انا اخترتك
مرام / على كدا بقى هتلبس على زوقى
مازن / لما تقوليلى بحبك الاول
مرام / انت بتخم
مازن / النهرده هتبقى مراتى هتقوليها
مرام / لا
مازن / ليه
مرام / عشان مش حساها
مازن / كدابه
مرام / لا مش كدابه
مازن/ سهل الكلام و انتى مش باصه فعنيا خلينا نعيد الحوار تانى لما نكتب الكتاب متاكد ان النتيجه هتختلف
مرام / الثقه المهوله دى جايبها منين
مازن / منك من ثقتك فيا انك هتتجوزينى انك هتكونى ملكى
مرام / مانت كمان هتكون ملكى
مازن / انا ملكك بقالى فتره طويله اوى يا مرام
مرام / انت هتيجى امتى
..................