السكه شمال بقلم / لولو_محمد ( كامله )

الحلقه ١٧٤

((((((((((السكة شمال ))))))))))))))))))))
#لولو_محمد
الحلقه 174
شريف / كلمتك كتير قبل كدا مكنتيش بتردى
صافى / كنت بسيبه سايلانت عشان مشغوله و لما كنت بشوفه كان بيبقى الوقت مش مناسب انت عارف ان فى فرق توقيت و كدا اكيد مش هتصل بيك الفجر مثلا
شريف / كنتى اتصلى مكنتش هدايق والله
صافى / انا بعتلك هديه بما انك مجبتش سيرتها تبقى لسه موصلتش
شريف / عالشركه و لا عالبيت
صافى / عالبيت ايه ده انت فى الشركه صح ؟؟ بتعمل ايه فى الشركه لحد دلوقت
......................................
شريف / بتفحت هههههههههههههههههههه هعمل ايه يعنى مانتى مش متخيله كميه الشغل بعد وفاه صفوت بيه الله يرحمه و مازن زى مانتى عارفه اكيد هياخد وقت على ميفهم الشغل بيمشى ازاى
صافى / عاش يا وحش
شريف / ههههههههههههههههههههههه
صافى / اخبار العروسه ايه
شريف / بطلى استظراف بقى هلاقيها منك و لا منهم مكنش فى عروسه اصلا انتى عارفه انى مليش فى الجو ده
صافى بخبث / خساره مع انها كانت حلوه
شريف / انتى احلى غيرى السيره دى بقى
صافى / اممممم طب اتكلم فى ايه يعنى
شريف / فى النيولوك بتاعك مثلا و قد ايه حلو عليكى مثلا
صافى بتوتر / نيولوك ايه بس مقولتلك الموديل مجتش و اضطريت يعنى اعمل الفوتوسيشن مكانها الله
شريف/ برده ميمنعش انه حلو عليكى
صافى / ميرسى
شريف / كنتى بعتالى هديه من لندن هاه ؟
صافى / لا لندن ايه من مصر
شريف / يا شيخه ازاى
صافى / اه طلبتها اونلاين و كتبت عنوان بيتك و دفعت بالفيزا و بس الموضوع مش معجزه يعنى تحب ابعتلك واحده تانيه دلوقت عالشركه
شريف / و لزمتها ايه المصاريف يعنى لما اروح هشوفها
صافى / اممممم ماشى
شريف / طب مش هتغششينى اى حاجه عنها طيب يعنى مهديلى المفاجاه عشان متصدمش
صافى / لا مش هحرق المفاجاه انا
شريف / ماشى اخبار الدراسه ايه
صافى / تمام صحيح فاكر ادم اللى حكيتلك عنه
شريف / و دا يتنسى ماله
صافى / عرفنى على صاحبه دار الازياء اللى كان بيتمرن فيها و عجبها شغلى جدا و عرضت عليا ابقى موديل فى الديفيله الجديد بتاعها
شريف / كويس
صافى / لا مش كويس انا رفضت اصلا
شريف / كويس برده بس ليه ههههههههههه
صافى / هو ايه ده
شريف / عديلى بس قوليلى رفضتى ليه
صافى / لاسباب كتير اوى اولا انى نفسى اكون فاشون ديزاينر اكتر منها موديل يعنى فاكر لما قولتلى ان الموديلينج وظيفه عمرها قصير اوى
شريف / فاكر
صافى / انا جايه هنا عشان ادرس الفاشون دا غير ان الديزاينات اللى هنا متنضمنش يعنى انا فى مصر بنقى اللى يناسبنى اللى عارفه انه هيليق عليا و يضيفلى لكن عمرى مشتغلت عند حد فاهم
شريف / فاهم
صافى / افرض ادتنى فستان مش مناسب مثلا اعمل ايه ساعتها
شريف / احسن برده حتى القلع و اللبس ممكن يخلوكى تستهوى
صافى / استهوى هههههههههههههههه المهم انا اتفقت معاها اتمرن تحت ايدها فتره كديزاينر جنب الدراسه و برده هحضر الديفيليه عشان اتعلم اكتر
شريف / كويس
صافى/ شكلك مبسوط
شريف / الله مش بكلمك
صافى / طب انت مش هتروح بقى
شريف يبص حواليه
شريف / والله انا خلصت ممكن اروح عادى بس مش هاين عليا اقفل معاكى
صافى / لا اقفل و روح و بعدين ابقى كلمنى لما تشوف المفاجاه بقى ... دا طبعا لو عجبتك
شريف / هتعجبنى مش منك اكيد هتعجبنى
صافى تبتسم و تشاورله باى
شريف / سلام
شريف يقفل و يقوم يلم حاجته من عالمكتب و يمشى
.............................
فى عربيه مازن
مرام / طب فين المشكله طيب
مازن / ان شريف نفسه عزيزه عليه هو بيسحب احتياجاته بس حتى لو فى شهر سحب زياده لاى ظرف الشهر اللى بعده بيلم ايده فى المصاريف هو كدا من يوم مشتغل هنا و هو كدا
مرام / بس دا حرام على فكره
مازن / طب اعمل ايه طيب مانا كلمته كتير جدا
مرام / طب قوله مثلا ان ده اوفر تايم عشان الفتره دى الشغل تقيل عليه
مازن / مش هيرضى جربت
مرام / طب جرب اى حاجه
مازن / ههههههههههههههه زى ايه اى حاجه دى
مرام / هو انا لازم اقولك كل حاجه متعرفش تعمل حاجه لوحدك
مازن / ربنا ميكتبها عليا و يخليكى ليا
مرام / امين
مازن / ايه ده مفيش و يخليك ليا او اى حاجه كدا
مرام / ههههههههههههههههههه لا ازاى و يخليك ليا طبعا
مازن / هههههههههههههه بعد ايه بقى بس يلا خلينى انا الكبير امين يا ستى 
مرام / ههههههههههه المهم خلينا فى حوار شريف بجد الموضوع ده مضايقنى جدا ازاى انسان يبقى فيه كل الصفات دى و حياته تبقى كدا ازاى يعمل معاك كل الحاجات الحلوه دى و انت عارف انه محتاج و مش قادر تساعده
مازن / عشان هو هيرفض المساعده
مرام / عندى فكره جامده
مازن / قولى
مرام / ايه رايك نشوف محل تحت البيت عندهم و نفتحه صيدليه و نخلى شيماء تشتغل فيها كانها بتتمرن يعنى و كدا تجيب مصاريفها
مازن / مش هيرضى
مرام / ليه بقى
مازن / هو اصلا مرضاش انها تتمرن و قالها ابقى اشتغلى فى التكليف بتاع الحكومه
مرام / ايوه عشان متشتغلش عند الغرب لكن دلوقت هتبقى الصيدليه بتاعتهم فين المشكله بقى
مازن / معرفش
مرام / طب حاول فى الموضوع ده
مازن / استنى هتخلى الصيدليه بتاعتهم ازاى مهو هيرفض الحكايه دى برضه الصيدليه دى برده هتحتاج مبلغ كبير و اكيد هو معهوش حتى نصه
مرام / يووووه انت كل حاجه تقفلها فى وشى كدا
مازن / مش لازم بتاعتهم انا افتحها و هى تمسكها او اى حاجه كانه اى مشروع بس برده تبقى بتاعتى مش مشكله و يطلعلها منها مرتب محترم ايه رايك
مرام / مانت طلعت بتعرف تفكر اهو امال كان فين ده
مازن / هههههههههههههههههه طلعت بعرف تصدقى انا اتفاجئت بالموضوع ده
مرام / ههههههههههههههههه
مازن / مقولتلكيش انا عالاوضه لما ركبت شكل الاوضه اتغير خالص مرضتش اصورها قولت لازم تشوفيها بعينك
مرام / مانا شوفتها انا اللى نقتها و لا نسيت
مازن / اه بس انا طلبت منهم يعملوا تعديل صغنتوت قد كداهون
مرام / تعديل ؟؟ منغير متقولى تعديل ايه دا بقى ان شاء الله
مازن / يعنى سرير 180 سم حسيته كبير شويه
مرام / يا سلام مهو تقريبا كان قد اللى فى اوضتك
مازن / هذه نقره و هذه نقره اخرى
مرام / ههههههههههههه طب اشرحلى وجهه نظر سيادتك يعنى اكون فى الصوره عشان افهم
مازن / انا خليتهم يخلوه 150 بس الراجل حلفلى مليون يمين انه مينفعش يصغر عن كدا
مرام / ههههههههههه 150 سم دا سرير تيته 160 حد يعمل كدا يابنى طب مكنت جبت سرير اطفال و خلاص
مازن / والله فكرت فيها بس قولت لازم اعمل حساب للزمن يعنى لما بطنك تبقلظ قدامك كدا هندحرجها عالارض يعنى و لا هنجيب كرسى نسندها عليه مهو لازم نعمل حسبها فى السرير
مرام / هى مين دى
مازن / بطنك الله
مرام تبص الناحيه التانيه و هى بتدحك بخجل
مازن / مسالتنيش يعنى صغرت السرير ليه يعنى
مرام / و مش هسال انا خلصت من بطنى اللى هنام و اسندها عالكرسى جنبى دى اما هسال عن غيرها
مازن / ههههههههههههههههههه طب اسالى
مرام / مش هسال انا
مازن / و انا هجاوبك
مرام / انا مسالتش
مازن / بس عاوزه تعرفى الاجابه
مرام / انت مش خلاص قصيت السرير و ركب خلاص امرى لله هعمل ايه يعنى
مازن / تنامى فيه هتعملى ايه يعنى غير كدا
مرام تبص مالشباك
مرام / مثلا
مازن / المهم بقى انا قصيت السرير ليه
مرام / يا سيدى مش عاوزه اعرف والله معاوزه اعرف اسكت بقى
مازن / ايه المعامله القاسيه دى
مرام / انت هتستهبل عليا يا مازن فاكرنى هبله صح
مازن / لا فشر يا روحى انا متاكد
مرام / ههههههههههههههههههههه وحشنى جنانك يا اسمك ايه
مازن / مازن و بيدلعونى يقولولى ميزو مز المزاميزو
مرام / ههههههههههههههههههههه ماشى يا ميزو
الحزن يظهر على وش مازن
مازن / الله يرحمه اول واحد قالهالى و الكل قالها بعده
الدحكه تروح من على وش مرام و تحاول تلم الموضوع
مرام / الله يرحمه مقولتليش بقى صغرت السرير ليه
مازن / هاه اه عشان متعرفيش تهربى بعيد عنى
مرام / و مين قالك انى عاوزه اهرب مش يمكن انت اللى تحب تخلع
مازن / تؤ مش انا حتى لو جه يوم و اتخانقنا مينفعش نبعد نتخانق نتخاصم نقطع فى شعور بعض بس اخر الليل تنامى جنبى و فحضنى عشان نتصالح تانى
مرام / يعنى مفيش نوم عالكنبه
مازن / مفيش
مرام / مفيش قمص
مازن / مفيش
مرام / مفيش نكد
مازن / مفيش بيت مفيهوش مشاكل بس زى مقولتلك نولع فى بعض بس اخر الليل ننام فى حضن بعض و نتصالح حتى لو متصالحناش منبعدش تفضل المسافه بنا صغيره منسبهاش توسع و لا نسيب الخلاف يزيد اراضيكى مره و تراضينى مره و لا انتى شايفه ايه
مرام / انا شايفه انها فكره حلوه اوى
مازن / شوفتى عشان تعرفى انى بفكر فى كل حاجه
مرام / طبعا دانت حتى عملت حساب بطنى لما تبقلظ هنعمل فيها ايه
مازن / هههههههههههههههههه امال اسيب عيالى يناموا فى الارض
مرام / عيالك
مازن / ههههههههههههه خلينا ناجل حوار العيال ده لبكره عشان للاسف وصلنا
مرام / متيجى شويه
مازن / ياريت بس الوقت اتاخر و بكره ورايا سفر
مرام / ابقى طمنى عليك
مازن / اكيد انزلى يلا اما اوصلك
مرام و مازن ينزلوا مالعربيه مازن يمسك ايدها و يوصلها لحد البيت تطلع يقفل البوابه و يرجع يحيى الرجاله اللى عالقهوه اللى متابعينه و يمشى
..............................
فى شقه شريف
شريف يدخل يشم ريحه غريبه
شريف / انا جيت
تقى تطلع تجرى
تقى / ميرسى اوى يا ابيه انا كان نفسى فيه اوى
شريف / نفسك فى ايه
تقى / الله هو مش انت اللى طلبت الاكل داحنا نسفناه
شريف / اكل ايه امك فين
تقى / كلهم نايمين الفسيخ كتم على نفسهم و ناموا هههههههههههههههههههههه
شريف / فسيخ ههههههههههههههههه
تقى / اه بس فسيخ ايه الافرانكا علبه كدا بلاستيك مليانه فسيخ بس معمول بالطحينه و الفلفل الالوان و الطماطم شكله كان حلو اوى البت شيماء صورته استنى اجيبلك صورته
تقى تجرى على جوه و شريف واقف مبتسم تقى ترجع تفتح توريله الصوره
تقى / باقى العلبه فى التلاجه مقدرناش نخلصها اساسا كان معاها بقى بيبسى و بصل اخضر و عيش بصراحه كانت معجنه هههههههههههههههههه بس البت رؤى بقى مخصماك عشان عملت الغدى و انت مقولتلهاش فالغدى بتاعها اتحط زى مهو فى التلاجه لبكره بعد ما تعبت فيه هههههههههههههه احسن احسن اساسا بكره كان دورى فى المطبخ هههههههههههههههههههههه ابيه ابيه مالك اجيبلك تتعشى
شريف يلعب فى شعر تقى و يدخل اوضته و ينام عالسرير بهدومه و يبتسم تقى تدخل تربع جنبه عالسرير ينام على جنبه و يبصلها
تقى / انا مستنياك عشان حاجه
شريف / قولى يا ست البنات
تقى / مش انت وعدتنى تعوضنى عن المصيف
شريف / اؤمرى
تقى / فى رحله طالعه الفيوم احنا شوفنا الاعلان بتاعها عالنت بس ماما مش راضيه بتقول ملهاش لازمه و انك اكيد عندك شغل و مش فاضى و مش راضيه خالص نطلع لوحدنا
شريف / انا فعلا مش فاضى خالص مازن مسافر يزور باباه يومين و كل الشغل عليا
تقى / مهى لسه اخر الاسبوع يا ابيه يوم الجمعه هيكون ابيه مازن رجع
شريف / بجد يا تقى عندى شغل و شغل كتير اوى كمان
تقى تبصله بحزن
شريف/ هى ماما متقدرش تروح معاكوا
تقى / معرفش هى مقالتش حاجه غير كدا
شريف / طب بصى مش هى لسه يوم الجمعه
تقى / مهو اخر معاد للحجز بعد بكره
شريف / طب هتكلم معاها لما تصحى لو ينفع والله هوديكوا هو انا يعنى غاوى احبسكوا
تقى تحضنه
تقى / انت احلى اخ فى الدنيا كلها
تقى تيجى تقوم شريف يمسكها
شريف / استنى هنا هو ايه خدتى غرضك و ماشيه مش تستنى يمكن عاوز منك حاجه
تقى / قول اؤمر اى حاجه
شريف / طبعا لحد مدفع فلوس الرحله و بعد كدا
تقى / اخص عليك يا ابيه انا بتاعه كدا برضه
شريف / يا بت
تقى / ههههههههههههههههه قول بقى عاوز ايه
شريف / هقولك بس تنفذى من سكات لا تقولى بقى ليه و لا تصدعينى تمام
تقى / تمام قول
..................................
فى فيلا ابراهيم فى دبى
ابراهيم قاعد مع راجل كبير فى المكتب
ابراهيم / كدا تمام اوى بالنسبه لورق الدمج جاهز
الراجل / مش فاضل غير توقيع حضرتك و توقيع مازن بيه
ابراهيم / تمام سبهولى هنا و تقدر حضرتك تتفضل
الراجل / عن اذن حضرتك
الراجل يقوم يمشي و فريده تدخل
فريده / خلصتو اجتماعكوا السري انا خايفه فمره من المرات اكتشف انك كنت بتكتب وصيتك و لا حاجه
ابراهيم / هههههههههه دمك خفيف كلمتى زياد
فريده / ايوه هيوصل هو و مازن فى طياره بكره الصبح و اتفقت مع الشوفير يروح ياخدهم من المطار
ابراهيم / تمام كلمتى مونى
فريده / قولتلك مش هتقدر تيجى
ابراهيم / فاهم فاهم مع انى كنت اتمنى تكون موجوده
فريده / انا مش فاهمه ايه اللى يخليك تطلب منهم انهم يجوا فجاه كدا
ابراهيم / زياد كلمك و قالك مازن عامل ايه في الشركه
فريده / و هو مازن يعرف يعمل حاجه البركه في شريف لولاه مازن كان هيلبس في مشروع يخسره ملايين بس طبعا من حكم فماله فما ظلم الا حتى ما هان عليه يدى لشريف صحبه مكافاه شهر و لا حتى ربع يوم حتى
ابراهيم /شريف دا ولد فوق الممتاز صفوت الله يرحمه كان بيثق فيه جدا و كان بيشكر فيه جدا جدا كمان
فريده / مش موضوعنا شريف دلوقت فهمنى انت ناوى على ايه
ابراهيم / ناوى ادمج الشركتين خلاص صفوت مات جه الوقت اللى مازن يمسك فلوسه بنفسه و لحد متاكد ان مازن بقي مستعد انا لازم اكون فى ضهره مش ده كلامك
فريده / ايوه بس برده مش فاهمه انت ناوى على ايه و هتدمج الشركتين ازاى
ابراهيم / هى مونى ليها فى الشغل بتاعنا ده و لا حتى بتفهم فيه انا فكرت انى اسيلها نصيبها و اديهولها تعمل بيه المشروع اللى تحبه
فريده / انت ناوى تكتب كل حاجه باسم مازن طب و انا و زياد
ابراهيم / انتى ايه انتى مراتى هكتبلك مبلغ محترم نصيبك زيك زي مونى مش هاجى عليكوا يعني
فريده / انت بتعمل كدا ليه
ابراهيم / انا تعبت يا فريده و كبرت انا عشت عمرى كله بشتغل مستمتعتش بحياتى انا من يوم مصفوت مات و انا خايف هعمل ايه بالفلوس دى كلها لو انا مستمتعتش بيها تعرفي انا هاخدك و نلف الدنيا كل اسبوع فبلد هنعيش شبابنا من تانى
فريده / انت بتهزر صح بعد كل ده بعد كل اللى عملته عشانك هتدى كل حاجه لمازن عالجاهز و ترمينى انا و عيالى انت بتهزر صح
ابراهيم / انا مقولتش انى هرميكى انا بس هوزع ورثي فحياتى هديكى فلوسك فى ايدك تعملى بيها اللى انتى عوزاه و مونى كمان بحيث انى اسيب الشركه لمازن
فريده / و زياد
ابراهيم / ماله زياد مهو بيشتغل و بيلخد مرتب محترم و معاه كريدت كارد ان ليمتدد بيسحب منها زى ما هو عاوز و ساكن فى قصر و راكب عربيه احسن موديل ماله زياد ناقصه ايه زياد لعلمك بقي انا اكتر حاجه مطمنانى للموضوع ده علاقه مازن بزياد
فريده / و انت متخيل انك لما هتكتب كل حاجه لمازن علاقته بزياد مش هتتاثر لما هتحط ابنى تحت رحمه مازن علاقتهم مش هتتاثر لما تدى لمازن كل حاجه الحربايه اللى هو متجوزها دى مش هتخليه يقلب عليك انت شخصيا عشان تنتقم منك و من معاملتك ليها
ابراهيم / لا طبعا انا مش هعمل اى حاجه الا لما مازن يطلق البنت دى
فريده / مهو ممكن يردها يدحك عليك و ياخد الفلوس و يردها هتعمل ايه بقي ساعتها
ابراهيم / مازن ما يعملش كدا
فريده / اصلا انت ازاى تفكر في كدا دا وقته يعني انت شايف ان مازن هيعرف يدير الشركه مش هيصعب عليك تعبك تشوفه بيغرق قدام عنيك مازن جايب صاحبه يديرله شركته تقوم انت تديله شركتك انت كمان عشان يغرقها
ابراهيم / مهو انا مش هسيبه لوحده هقف جنبه لحد ماتاكد انه يقدر يشغلهم و انا متاكد انه هيقدر
فريده / انا هتجنن انت جبت الثقه دى كلها فمازن منين و بعدين انت مش ليه قايل هتتقاعد و نلف الدنيا و نعيش شبابنا منين بقي و انت اللى هتدير الشركتين لحد ما مازن يقف على رجله انت بتشتغلنى ... لا انت عاوز تلاقي طريقه تحط ايدك بيها عالشركتين تكتب لمازن كل حاجه و فاكر انه هيسيبك تديرهم عشم ابليس مازن هياخد منك كل حاجه فعلا و هيخليك تحس انك الكل فالكل و فجاه يقلشك و تلاقي نفسك يا مولاى كما خلقتني و زى مرميته في المدرسه الداخلى زمان هيرميك هو كمان فى اعفن دار مسنين
ابراهيم / انتى متعرفيش مازن كويس
فريده / الادوار اتعكست يا ابراهيم طول عمرك شايف مازن على حقيقته و انا اللى بحاول احنن قلبك عليه دلوقت انت سرقاك السكينه و انا بفوقك مازن هيضيعك
ابراهيم / انا مش عيل صغير انا عارف انا بعمل ايه كويس
فريده / و لو مرضاش يطلقها
ابراهيم يبص لفريده
فريده / انت قولت ان كل ده بشرط انه يطلقها لو مرضاش لو قالك بحبها و الكلام الاهبل اللى قاله في مصر لو قالك خد انت كل حاجه و سبني اعيش معاها هتعمل ايه
ابراهيم / يبقي هاخد منه كل حاجه و هثبتله انها مش هتقعد معاه ثانيه واحده بعد كدا
فريده / تمام
ابراهيم / اى كان اللى هيحصل يا فريده لازم تعرفي انى مش هظلمك انا بحبك و مش هظلمك
فريده / انا متاكده انا كان كل خوفى عليك انت كدا كدا قولت انك هتسلمنى نصيبي لكن انت بقي فين نصيبك هتصرف منين
ابراهيم / ههههههههههههه لا يا ستى متشيليش همى انا عارف انا بعمل ايه كويس
فريده / و انا واثقه فيك انا هروح اتاكد انهم وضبوا الاوض عشان بكره كل حاجه تبقي جاهزه
ابراهيم / تمام يا قلبي
فريده تبتسم و تطلع بره و ابراهيم يروح يقعد يبص فى الورق
.................
فى فيلا زياد
زياد بيتكلم في التليفون
زياد / وحياه امه دا اكيد اتجنن بعد كل ده
فريده / اهدى يا زياد احنا لازم نستغل الموضوع ده لمصلحتنا
زياد / يعني ايه اهدى هو عاوز منى ايه يعني عاوزنى اعيش طول عمري مرماطون عند مازن و تقوليلي اهدى دانا اروح فيه فداهيه
لبني تنزل من فوق بتجري
فريده / مش هيحصل انا مش هسمحله المهم انت لازم تتصرف لازم تمنع مازن من السفر اعمل اى حاجه
زياد / ازاى و امتى
لبني / فى ايه؟
………………