السكه شمال بقلم / لولو_محمد ( كامله )

الجزء السابع

((((((((((((((السكة شمال ))))))))))
#لولو_محمد
الحلقه السابعه
مازن / هي اول مره يا زياد متافورش بقي و سبني انام
زياد / انت هتقوم و لا اغرقك بالميه دي و احميك
مازن / ياريت والله انا مكسل استحمي
البنت تدخل تبوس مازن من خده
البنت / ابقي كلمني بقي
مازن / اكيد يا قلبي مانا سجلت رقمك المرادي
................................
البنت / سلام  ....سلام يا زيزو
زياد / سلام
البنت تمشي
زياد / يا قلبي يا قلبي
مازن / امال اناديلها بايه مانا مش فاكر اسمها اصلا
زياد يمسك موبايل مازن يلاقيه فاصل
مازن / متحاولش انا مسجلتش رقمها و مش هسجله
زياد / طب ليه
مازن / اسجل رقمها ليه اذا كانت بتجيلي لحد عندي و منغير مطلبها يعم كبر مخك بكره تيجي لوحدها
زياد / قادر
........................
في الكليه
مرام / و تيته مشيلانا و مامنانا اهو مجاش اصلا هي مصدقتنيش
محمود / ممكن تهدي انتي متعصبه كدا ليه
مرام / منمتش كويس بزاكر للفجر مش عارفه اركز خالص
محمود / مرام انا عارف انه مش وقته بس امبارح تيته سالتني سؤال
مازن و زياد يعدوا و مازن لابس نضاره شمس يروحوا يقفوا وسط شلتهم
مرام / شوفت قله الزوق و لا حتي قال السلام عليكم
محمود / يفرق معاكي فايه
مرام / ميفرقش
محمود / طب استني ثواني
محمود يروح ناحيه مازن قاعد و باصص فالارض
محمود / صباح الخير
انس / ازيك يا حوده هتقعد جنبي فالكويز احنا بقينا حبايب هاه
محمود / تيته بعتالك دي يا مازن
مازن يرفع راسه و يبتسم و ياخدها و يفتحها يلاقي تورته مقطعه و شوكه يمسك الشوكه و يدوقها
محمود / عن اذنكوا
مازن / شكرا يا محمود معلش انا مطبق مش مركز معاك
محمود / و لايهمك عادي عن اذنكوا
محمود يمشي
لبني / مفقوسه اوي تيته بعتالك دي
مازن / يبصلها
لبني / هي فاكره ان مازن هيبص للجربانه دي
مازن يقوملها
مازن / اقسم بالله كلمه كمان عنها و لا حتى زياد
زياد / ايه ايه روق تعال تعال
زياد يشد مازن بعيد و نيفين متابعه اللي بيحصل
مازن / انا مستحملها عشان خاطرك بس لكل شئ حدود يا اخي تعملك حساب زي مانا عاملك
زياد / متديهاش انت بس ايدك اللي بتوجعك و ترجع تقولها متمسكنيش منها
مازن / قصدك ايه انت كمان
زياد / بص يا مازن كلنا واخدين بالنا و لولا اللي حصل الصبح انا كنت صدقتهم انك بتحبها
مازن / هو يوم باين من اوله بص يا زياد انا ملومش عليهم اللوم علي اخويا اللي لحد النهرده مش فاهمني انا بتاع بنات اه بس ليا حدود انا مبوسخش واحده نضيفه
زياد / انت صح حقك عليا يلا ندخل
مازن / يلا
................
في المحاضره
الدكتور / انا عارف ان معظمكم جاي عشان الكويز النهرده فكل واحد يطلع ورقه و قلم و يحل الكويز عشان اللي وراه حاجه يعملها و العدد يخف و نعرف نشتغل
زياد/ هههههههههه والله دمه خفيف
مازن / هي علبه تيته فين
زياد / تيته مين
مازن يقوم يطلع بره المدرج و الدفعه كلها باصه عليه
الدكتور / و ادي اول واحد مستعجل ربع ساعه و مش هستلم اي ورقه بعدها
……………………
بره المدرج
مازن يروح مكان مكان قاعد ميلاقيش العلبه يدور يمين و شمال عامل معدي
مازن / مشوفتش علبه هنا
العامل / لا والله مشوفتهاش
زياد يطلع مالمدرج
زياد / انت ايه مشكلتك
مازن / انا ضيعت العلبه
زياد / متضيع و لا تروح فداهيه انت عارف انا دفعت كام عشان اجيب الكويز ده عشان انت تطيره فثانيه كدا
مازن / طظ
زياد / طظ
مازن / بص انا مش طايق نفسي دلوقت سبني لوحدي شويه
زياد / بص هناك و فوق
مازن يبص يلاقي نيفين و انس خارجين مالمدرج ماسكين ايدين بعض و بيدحكوا سوا
زياد / انت بتخسر
مازن / مبروك عليه عن اذنك
مازن يمشي و هو عمال يدور لبني تدخل
لبني / مازن عارف هو بيعمل ايه مازن مبيخسرش
زياد / مش ده مازن اللي نعرفه
لبني / و انا عارفه هرجعه تاني ازاي
.....................
عند انس
نيفين / ميرسي علي حل الكويز
انس / اي خدمه مالك بقي يا ستي فيكي اية
نيفين / انس انا الفتره اللي فاتت كانت صعبه اوي عليا
انس / عارف و بجد انا اسف اوي علي اللي حصل
نيفين / حتي لو مازن دفع لرنيا حتي لو كانت هي اللي فرضت نفسها عليك
انس / مكنش المفروض اضعف و اخونك عارف و بقولها لنفسي كل يوم
نيفين / انا الفتره اللي قضيتها مع مازن
انس / انا عرفت غيرك و انتي عرفتي غيري خالصين خلينا ...
نيفين / لو سمحت متقاطعنيش
انس / انا بس عاوزك تعرفي اني لسه بحبك و مستعد
نيفين / انس لو سمحت
انس / اسف اتفضلي
نيفين تتنهد
نيفين / مازن قدملي خدمه العمر لما بعد و طلب منى انى اختار انا من ساعتها و انا بفكر انا عاوزه ايه و ياتري مين اللي هكون سعيده معاه و راجعت طول السنه و نص اللي عشناهم سوا و اكتشفت انى مش هقدر اكمل فالجو ده تانى
انس / نيفين
نيفين / مازن معاه حق انا مش فير معاك انا اسفه يا انس بس انا مش هقدر اسامحك و مش هقدر اكمل معاك تانى عن اذنك
انس/ نيفين نيفين استنى
نيفين / انس ارجوك افهم انا اتغيرت كتير فالسنه و نص دول انا وحشانى نيفين القديمة و لو ده هيريحك انا مش هرجع لمازن الحقيقه انا مش هدخل فاي علاقه جديده الفتره دي عن اذنك
نيفين تمشي زياد و لبني و نورا يدخلوا
نورا / مش قولتلكوا قالتلي انها مياله لمازن اكتر هارد لك يا انس
انس / علي فكره بقي هي قالتلي انها مش هاتدخل فاي علاقه الفتره دي 
نورا  / تلاقيها بتقول كدا عشان مازن سابها و نفسها يجري وراها و لا حاجه
لبني / لا لا لا نيفين اذكي من كدا نيفين عارفه ان مازن مش هيبصلها تاني فقررت تنسحب بالباقي من كرامتها
انس / قصدك يعني عشان مرام
زياد / مازن اكدلي ان مرام مش سكته خالص
لبني / طب بما ان الجيم ده خلص و مازن كسب ايه رايكوا نلعب لعبه جديده برهان اعلي
انس / لا انا باس انا خسرت جامد اوي الجيم اللي فات
نورا / اعرف الجيم الاول و بعدين اقرر
لبني / تمام اسمعوا
......................
عند مازن
مازن واقف عند باب المبني بيتكلم مع الحرس
الحرس / والله مشوفتها بس لو حد لقاها و سلمها هبلغك
مازن / شكرا
نيفين تدخل
نيفين / مازن ممكن ثواني
مازن / ممكن وقت تاني انا مش فالمود اسف
نيفين / باين عليك بس انا مش هاخد من وقتك كتير
مازن / اتفضلي
نيفين / بص يا مان فالاول انا عاوزه اشكرك انك فوقتني من اكبر وهم كنت عايشاه فحياتي مرتين
مازن يبص باستغراب
نيفين / متستغربش انا كنت فوهم طول الفتره اللي قضيتها مع انس انا اه كنت متعلقه بيه بس احنا ففتره مراهقه و مشاعرنا مش مظبوطه و و كمان بما انه كان اول شاب فحياتي كانت سبب اني اتعلق بيه اوي و اني اعمل اي حاجه و اتنازل عن اي حاجه عشان العلاقه تستمر بس بسببك فقت و عرفت ان الموضوع ميستاهلش و غصب عني حاولت املا الجرح بيك و دخلت معاك فعلاقه
مازن يبص ورا نيفين يلاقي مرام معاها العلبه مازن يسرح
//////////
مازن /العلبه ... نهار اسود دي مع مرام ... جهز نفسك ياعم جتلها عالطبطاب ..... هتعمل ايه يعني تحمد ربنا ان العلبه مضاعتش .... انا اصلا مطلبتش منهم يدوني حاجه ....انا هعتزر و اشرحلها اللي حصل و هي اكيد هتقدر ..... هو فارق يعني حوار اهبل علي علبه بكام يعني العلبه ..... لا بس شكلها مش زعلان .... طب ده معناه ايه ....هي بصالي مستنيه نيفين تخلص رغي .... نيفين
//////////////
نيفين / و انا بشكرك تاني عن اذنك
نيفين تمشي مازن يروح لمرام تديله العلبه
مازن / انا   انا كنت مطبق و بعدين شديت معاهم و لما دخلت المدرج
مرام / انا شوفت اللي حصل
مازن / بجد
مرام / العلبه اهي اتفضل
مازن / بجد .... لحظه انتي بتعامليني كويس ليه
مرام / هههههههه حاضر اخر مره عن اذنك عشان ورايا سكشن سلام
مازن / سلام
مرام / صحيح
مازن / ايون
مرام / العلبه متستاهلش انك تسيب امتحان عشانها
مازن / عرفتي من
مرام / سعد سمع زياد و هو بيتخانق معاك علي باب المدرج عن اذنك
مرام تمشى و مازن بيبص عليها و يسرح
///////////////
مازن /  احساس غريب اوي النهرده اول مره تبتسملي عاده كانت بتجبني من فوق لتحت فمنتهي الاحتقار هو صحيح السنادي اول مره انا و هي نكون فسكشن واحد مع كدا عمرنا متكلمنا حتي لو نسيت نفسي و طلبت منها حاجه هتديهاني منغير حتي متبصلي طبعا لو كنت اعرف ان سي مصطفي معيد الهنا هيسيب دحيحه الدفعه و يحطني معاها فمجموعه واحده كنت اديته كف يفوقه اي شخص طبيعي هيكره مرام البنت الدحيحه اللي بتسال كتير و عاوزه تفهم كل حاجه و بتجاوب علي كل الاسئله و تخلي شكل الدفعه كلها وحش و بتقول عني انا مستفز ههههههههههه بس انا عمري مكرهتها بالعكس اسالتها كانت بتثبت فدماغي اكتر من المحاضره و السكشن نفسهم مش عارف فيها ايه بس مختلفه مختلفه اوي نهار اسود السكشن
////////////
مازن يجري عالسكشن
..............
في الكافتريا
نورا / هو مازن مش هيفطر معانا
زياد / انسيه النهرده مش عارف ماله
لبني / هي نيفين خلاص مش هتقعد معانا تاني
انس / اديها شويه وقت و هتلاقيها رجعت زي مكانت
نورا / رن علي مازن يا زياد شوفه فين
زياد / ماشي ....... غير متاح
لبني / هي موني جايه مصر امتي
زياد / اجازه نص السنه كمان شهر
لبني / عاوزين ننزل نشوف هديتها عشان منتزنقش زي السنه اللي فاتت
زياد / تمام مفيش مشكله
.............
في السكشن
المعيد / و ده كان حل الكويز بتاع النهرده
باب السكشن يتفتح و مازن يدخل و عنين مرام معاه
المعيد / النهرده يوم مش عادي مازن باشا قرر يشرفنا و يحضر ههههههههه
مازن / متاخدش علي كدا هههههههههه
المعيد / طب اقعد اقعد
مازن يقعد ورا ثواني و مرام تبص ورا بالراحه عينهم تيجي فبعض
////////////
مازن / هو ايه اللي حصل دلوقت ده هي بتبص عليا ؟؟؟ يمكن مكنتش تقصد .... بس ليه بتبص ورا اصلا... بيتهيالي  عمرها مبصت ورا  ..... ركز يا مازن مدام حضرت ركز
///////////
مازن يركز ثواني و عينه تيجي علي مرام تاني يلاقيها بتبص ورا تانى محمود يخبط بالقلم علي ايدها تبصله و تنتبه للشرح مازن يتنهد و ياخد العلبه و يطلع بره السكشن و عين مرام معاه
.....................
في الكافيتريا
لبني / اصلا عادي مكل سنه بتعمل عيد ميلادها فالجونه يعني مش فكره حاجه ملل بجد
نورا / معاكي حق حتي نفس البروجرام و نفس البوفيه
انس / بس بتغير شكل التورته يا جماعه مهي بتحاول اهي
لبني / هههههههههه لا بس انا هروح برده
نورا / يابنتي ارحميها بقي
لبني / لا مانا لازم اتفرج علي فستانها السنادي سمعت انها جيباه من الفاشون ويك فباريس
نورا / وسعت منها اوي دي
لبني / مانا عشان كدا هروح
انس / مالك يا زيزو ساكت ليه
زياد / اتكلم اقول ايه
لبني / بيبي انت في حاجه مديقاك
زياد / لا يا قلبي مفيش بس انا مش شايف لازمه اننا نروح مدام متعزمناش
نورا / مطبيعي منتعزمش خصوصا بعد اللي حصل السنه اللي فاتت البت صعبت عليا بصراحه
مازن يدخل و يسحب كرسي و يقعد
انس / انت فين ياعم كلمناك غير متاح
مازن / مزيزو عارف اني سايبه فالبيت فاصل
نورا / كنت هاته انا معايا شاحن
مازن / خليه فاصل احسن انا حتي بفكر اغير النمره
انس / تاني ايه يابني
مازن / زن زن زن و بعدين يعني ملوش لازمه بلا قرف
انس / علي الاقل منتوهش من بعض
مازن / افندم ...طب مانا لقيتكوا اهو يا جدعان هو احنا لينا مكان فالكليه دي غير هنا لو مكنتش لقيتكوا هنا كنت هروح
زياد / كنت فين يا مازن
مازن / دخلت السكشن خمسه و طلعت ليه في حاجه
زياد / لا بس اصلنا دوخنا عليك
مازن / مالك يا زيزو هو حد دايقك و لا ايه
زياد / انت و عشان حته علبه تافهه بس واضح انك لقيتها
مازن / اه مهى مرام
زياد / مرام مرام مرام انت ايه مشكلتك
مازن يبص لزياد
مازن / بقولكوا ايه يا شباب متقومو تجيبولنا حاجه نشربها
انس / تمام عن اذنكوا
نورا / خدني معاك
انس و نورا يقوموا
مازن / لبني مشي رجلك عشان متنملش
لبني تبص لزياد باصص لمازن و تنفخ و تقوم
زياد / بقينا لوحدنا
مازن / تاني مره تزعق فيا النهرده
زياد / انا عاوزك تفوق البت دي
مازن / البت دي ملهاش دعوه باي حاجه و بعدين انت ايه مشكلتك معاها متديهاش اكبر من حجمها علي الاقل قدام لبني و لا انت بتغير علي مرام.. بص لو الموضوع كدا اقسم بالله افرحلك هي احسن بكتير من لبني
زياد / اغير ايه انت عبيط هغير منك و لا هغير علي مرام
مازن / بص يا زياد انت اكتر واحد عارف ان ليا كود و بحترمه صح
زياد / اه عارف
مازن / يعني انت عارف كويس اني مستحيل هبص لمرام و بعدين مش كل شويه اقولك ان كل علاقتي بيها البروجكت الزفت ده
زياد / متتعاملش معاها تاني
مازن / انت بتتكلم جد
زياد / عاوز الصراحه يا مازن مرام بنت كويسه بس احنا مش كويسين هي عمرها مهتخلينا احسن الحاجه الوحيده اللي هتحصل ان هي تبقي زينا و هي مش هتعرف تكون زينا فهتدمر و بعدين
مازن يسرح
//////////////////
مازن / كانك قولت اللي جوايا انا و مرام مينفعش نكون سوا مش عشان مرام مش زينا عشان مش عاوزها تبقى زينا
///////////
زياد / و افتكر كويس نيفين كانت عامله ازاي اول مدخلت وسطينا و شوف بقت ازاي
مازن يسرح
////////////
مازن / نيفين !!! في فرق كبير بينها و بين مرام صحيح نيفين كانت محترمه و شاطره و بتزاكر و بتجيب تقدير بس هي كانت عاوزه تكون زينا هي بس مكنتش عارفه ازاي
/////////////
زياد / انت ساكت ليه انا بكلمك
مازن / معاك حق
زياد / انا عارف ان معايا حق
مازن / انت بس مكبر الموضوع مش كل بنت فالدفعه اتكلمت معاها تبقي عجباني و هصاحبها و هدخلها وسطينا الحوار كله حاجات بتيجي ورا بعضها اي تفسير ليها بقي غير حقيقتها دي مشكلتكوا انتوا مش مشكلتي و بعدين متقلقش عليا انا عارف حدودي فين كويس اوي انا مروح
زياد / مازن مازن انت يابني انا لسه مخلصتش كلامي
مازن يقوم ياخد العلبه و يمشي و لبني و انس و نورا يرجعوا
انس / شكله قفش جامد
لبني / مازن مبيزعلش من زياد
نورا / متنساش انه مكنش فالمود و مطبق
لبني / صحيح انت اتاخرت اوي عنده
زياد / مكنش جاي سهران طول الليل مع واحده كدا فعلي مصحيته و لبس و جه
لبني/ مين البنت دي
زياد / اذا كان هو مش عارف انا هعرف
نورا / تيبكال مازن
..............
في شقه مرام بالليل
سميحة بتتفرج عالتليفزيون و بتقمع باميه مرام تطلع مالاوضه
مرام / تيته هو انتي غيرتي مكان الصور بتاعتي مش لاقياها جوه
سميحة / هههههههههههه ايه يا زهايمر مانتي حطاها بايدك في درج العسكري اللي ناحيه المطبخ هناك الاسبوع اللي فات
مرام / ههههههههههه نسيت
مرام تروح تفتح الدرج و تقلب فيه تلاقي فلوس
مرام / من امتي بتحطي الفلوس هنا يا تيته
سميحة / فلوس ايه
مرام / دي
سميحة تقوم و تبص عالفلوس و تبص لمرام مرام ترمي الفلوس فالدرج و تدخل تجيب موبايلها
سميحة / استني بس
مرام / مين غيره حيوان يعمل حاجه زي دي
................................