السكه شمال بقلم / لولو_محمد ( كامله )

الحلقه ١٢٦

((((((((((((((السكة شمال ))))
#لولو_محمد
الحلقه 126
فادى / ايه النظام يا انوس
انس / دى حته تحتانى يا عم متملاش العين مش سكتى اصلا
زياد / من جهه مش سكتك فهى مش سكتك خالص دى حلقتلك بالموس يا معلم لمعتهالك عالاخر ههههههههههههههههههههههههه
انس / ياعم احنا جايين ننبسط و البحر مليان و لا ايه يا شادى
شادى / على رايك يا عم دا الواحد بعد معينه خدت عالروس بقى يشوف باقى البنات قراميط يا اخى
.................................
مارينا / فادى اغنيتى قوم ارقص معايا
فادى / قشطه يا قلبى قومى
مروان / استنوا احنا جايين معاكوا يلا يا سوزى
فادى و مارينا و سوزى و مروان يقوموا
زياد / فرجينيا جميله الجميلات تحب تتفضل و تتكرم عليا بالرقصه دى
لبنى / ههههههههههههههههههه يلا
زياد و لبنى يقوموا
انجى / كامل بليز ممكن ترقص معايا الاغنيه دى بس بليييييييز
كامل يبص على مونى
مونيكا / قوم معاها
كامل ياخد انجى و يرقصوا
هانيا / بقولك ايه يا انوس متيجى تحرك رجليك بدل مانت قاعد كدا تندب بختك دا حتى المصرى يوكل
انس / هى بقت كدا قومى
هانيا / ههههههههههههههههههه يلا 
هانيا تقوم ترقص مع انس و يفضل عالترابيزه شادى و مونيكا و شريف شادى يستاخر جنب مونيكا
شادى / تحبى ترقصى
مونيكا / لا ميرسى
شادى / ليه بس دا حتى كامل حبيبى و مش هيدايق
مونيكا / هو انت مش واخد بالك انى مالقراميط و لا ايه
شادى / ههههههههههههه ينهار ابيض دانا وحش اوى لا دانا لازم اصالحك بقى
شريف يقوم يزق شادى و يقعد فى النص و يبتسمله
شريف / متخف يا شادى قالت لا خلاص
شادى / و ماله يا شيكو طبعا عن اذنكوا
شادى يقوم
مونيكا / كان بيرضع ايه ده
شريف / غالبا زيت فرامل
مونيكا / ههههههههههههههههههه
مازن و مرام و صافى يدخلوا و صافى لابسه الجمب سوت عليه حزام فضى عريض و كب منغير بدى و كوليه فضى مغطى منطقه الصدر و رافعه شعرها لفوق و فى خصله من كل جنب نازله على وشها
مازن / هو احنا اتاخرنا اوى كدا الكل باعونا و قاموا
مونيكا / احسن خلي المكان يبقى اهدى
شريف / انا هقوم اجيب حاجه نشربها بدل القاعده الناشفه دى 
صافى / هاجى اساعدك
شريف و صافى يمشوا
مازن / ههههههههههههههههههه اذكى اخواته قولى يا مزتى عاوزه ايه
مونيكا / مستغناش يا قلبى بس المرادى عاوزه من مرام
مرام / انا ؟؟ اؤمرى طبعا
مونيكا / بابا يا مرام زعلان اوى
مازن / و مرام مالها بالموضوع ده
مونيكا / يا مازن انتوا غلطتوا و هو حاسس انك بتعانده و انا و ماما و زياد عمالين نزن عليه طول الوقت و انت اصلا مش حاسس حتى معاملته ليا انا و ماما و زياد اتغيرت عشان عارف اننا موافقين و بيقول ان كلنا اتفقنا عليه
مرام / يا مونى و الله
مونيكا / مرام لو بتحبينى لو بتحبى مازن لو لينا ذره غلاوه عندك راضى بابا
مرام / موافقه طبعا ياريت انا اتمنى بس ازاى
مونيكا / لما ينزل مصر روحيله و اتكلمى معاه هيتعصب شويه بس والله بابا طيب اوى
مرام / ماشى لو ده هيحل الموضوع هروح
مازن / هو ايه اللى ماشى لا مش هيحصل
مرام / يا مازن هى معاها حق هو له حق يزعل
مازن / لا ملوش
مرام / هو ابوك و لازم يبقى راضى عن جوازنا يا مازن صدقنى اكتر حاجه بتمناها من ربنا دلوقت ان علاقتك بباباك تتصلح و انه يوافق على جوازنا
مازن / هيهينك تانى يا مرام انتى نسيتى عمل فيكى ايه المره اللى فاتت
مرام / عادى ياما بيحصل بين الاهل بص هو كدا كدا خلاص انا و انت فعلا بقينا امر واقع و هو اكيد هيجى عليه يوم و يقبله بس بلاش نحسسه انه غصب عنه بلاش نحسسه اننا لوينا دراعه
مونيكا / ايوه هو ده والله اللى انا بحاول اقوله هيتعصب شويه بس فالاخر هيتقبل الموضوع
مازن / يا جماعه هو انتوا هتعرفوا ابويا قدى
مونيكا / مهو ابويا انا كمان يا مازن
زياد و لبنى يرجعوا
زياد / ايه يا قلبى هتفضلى طول الوقت قاعده و لا ايه قومى تعالى
زياد يشد ايد مونيكا يقومها ترقص معاه
لبنى / ايه انا جيت عزول فى النص و لا ايه متقوموا ترقصوا
مرام / مبعرفش معلش مش مشكله 
لبنى / امممم مش مشكله تمام على العموم هسيبكوا و اقوم اشوف اى حاجه اعملها خدوا راحتكوا
لبنى تقوم
مازن يروح يقعد جنب مرام و يلزق فيها
مازن / متيجى اعلمك
مرام / قدام الناس
مازن / امممم ماشى
مرام / لما نطلع اوضتنا ابقى علمنى براحتك
مازن / هى فين اوضتنا دى قوليلى عليها و انا اخدك و نطلعها هوا
مرام / هههههههههههههههههههه تعرف انا انبسطت اوى لما عرفت انك بدلت مع صافى
مازن / على عينى والله بس صدقينى مش هنخلص منهم و مالتلسين و تلقيح الكلام فقولت على ايه اخدها من قصيرها احسن
مرام / عارفه و عشان كدا عجبتنى
مازن / عجبتك فدى بس
مرام / عاجبنى فكل حاجه
مازن / بقولك ايه
مازن يقرب من مرام
مرام / نعم
مازن / متيجى نطلع اوضتى نرقص انا و انتى لوحدنا
مرام / بس انا مبعرفش ارقص زيهم كدا
مازن يقرب اكتر يلزق فمرام 
مازن / امال بترقصى ازاى
مرام / عادى بلدى
مازن / دا عز الطلب
مازن يعدى ايده حوالين مرام
مرام / مازن الناس
مازن / تحبى اطلعلهم القسيمه تانى و لا ايه.. الرز بلبن ..محل الايسكريم
مرام / هههههههههههههههه
انس يدخل يقعد جنب مازن بالظبط مازن يتعدل
انس / ميزو حبيبى اخوك محتاجك
مازن / عاوز ايه يا ارزل خلق الله
انس / بقولك ايه شايف البت الروسيه اللى هناك دى
مازن / مالها
انس / حلقالى مالصبح و اخوك قلبه بيوجعه تعال اشقطهالى
مازن / انت عبيط يا انس
انس / اه لامؤاخذه يا مرام دا هيترجملى بس هو الوحيد فينا اللى بيعرف روسى و البت شكلها مبتفهمش انجليزى زى اخوكى يا مرام
مازن / غور من وشى يا انس
انس / ياعم هو فى ايه انا بس عاوز اعرف رقم اوضتها كام و الباقى عليا
مازن / لو مقومتش من قدامى يا انس دلوقت
انس / لا و على ايه عن اذنك
انس يقوم و مازن ينفخ
مازن / فصلنى الجزمه كنا بنقول ايه
مرام / تعرف لما ببص يمين و شمال و بشوف البنات اللى ماللين المكان و انت سايبهم و قاعد جنبى بتغر اوى فنفسى
مازن / تعرفى لما ببص انا يمين و شمال و اشوف الرجاله اللى ماللين المكان و انتى فحضنى انا كدا بتغر اوى فنفسى
مرام / هههههههههههههههه يا سلام
مازن / والله انا بقى مش شايف و لا واحده من كل دول مش شايف غيرك انتى يا قمر
مازن يمسك مرام من دقنها تزق ايده و هى مبتسمه بخجل
مرام / بجد يا مازن بقى
مازن يتعدل فى قعدته
مازن / نعم يا روح قلب مازن بقى
مرام / فوسط المزز دول منفسكش يعنى يعنى تحن لايام الشقاوه
مازن / نفسى بصراحه
مرام / يا راجل طب و ايه اللى مانعك ان شاء الله
مازن / ههههههه اقولك ايه بس وعد اسود و منيل بستين نيله خدته على نفسى فلحظه شيطان كتفنى
مازن يتنهد و مرام تبتسم
مرام / للدرجادى
مازن / و اكتر بس تعرفى يستاهل
مرام / بجد
مازن / طبعا عشان كل يوم بيفوت شوقى ليكى بيزيد لحد مربنا يسهل و ساعتها قسما بالله لن ارحم احدا
مازن صوته يعلى و مرام تدحك بصوت عالى بشكل ملفت
مرام / ههههههههههههههههههههههههههه
مازن/ قلبى يا ناس
مونيكا و زياد يرجعوا و اغنيه دبكه تشتغل
مونيكا / قوم ادبك معانا
مازن / مش لازم
مونيكا / بلييييييز يلا
مرام تزقه يقوم يرقص معاهم
مونيكا / قومى تعالى
مرام / مره تانيه مش بعرف معلش
مازن يروح معاهم و كلهم يرقصوا
...................................
بره فى اللوبى
صافى قاعده جنب شريف ماسكه كاسه عصير و شريف ماسك واحده يخلصها و يحطها عالترابيزه جنب اتنين فاضيين عالترابيزه
صافى / اقسم بالله حاقده عليك انت بتودى فين
شريف / قل اعوذ برب الفلق فى ايه
صافى / تحب تاخد بتاعتى بالمره
شريف / لا يا ستى شكرا خلصيها انتى بس
صافى / روحنا جبنا لينا و ليهم عصير و بدل منرجعلهم جبتنى و قعدنا هنا و من ساعه مقعدنا و احنا ساكتين انا زهقت
شريف / يا بنت الحلال انتى مش شوفتيهم بنفسك قاعدين ازاى و بيدحكوا ازاى و بيبصوا لبعض ازاى عاوزه تبقى عازول ليه بقى
صافى / يعنى انت ضامن يعنى انهم جوه مرخموش عليهم طب كنا قعدنا على ترابيزه لوحدينا جوه
شريف / هو انا ممكن اسالك سؤال رخم
صافى / اتفضل
شريف / هو البرباطوس ده بتاع مرام
صافى / ايه بربا ايه ايه ده اسمه جمبسوت جمب سوت مخلصناش من جيمى شو عشان ندخل فى ال اسمه ايه
شريف / برباطوس سلوبت يعنى
صافى / جمب سوت شريف بليز اسمه جمب سوت و اه بتاع مرام
شريف / مختلف عليكى خالص على فكره
صافى / بجد !! احلى عليا و لا عليها بقى
شريف / عليها
صافى / صريح اوى ايه ده 
شريف / لو كنتى لبستيه زيها كان هيبقى عليكى احلى
صافى تبصله
شريف / صحيح يا صافى هو سؤال ارخم ماللى قبليه بس محشور فزورى
صافى / خد بلعه بشويه عصير يتبلع
صافى تبص الناحيه التانيه
شريف / هههههههههههههههههههه مانا شربت تلت كبايات و متبلعش
صافى / هوووف اسال
شريف / بالنسبه لشنطتك اللى قطمت ضهرى فى حطها فى العربيه دى و كانك حاطه فيها طوب و فالاخر تلبسى من مرام يا ترى ليه
صافى/ كنت هلبس فستان تانى على فكره كنت اولردى لبست و بعدين مرام قالتلى ان ده هيبقى احلى و انا مردتش ازعلها عادى يعنى
شريف / اه تمام
صافى / هو ايه اللى تمام والله هو ده اللى حصل
شريف / و انا والله مكدبتك
صافى / بحسب
صافى تخلص العصير و تحطه عالترابيزه و تبص الناحيه التانيه
شريف / ههههههههههههههههههههههه
صافى / انت بتدحك على ايه
شريف / اقولك
صافى / هو فى ايه متقول
شريف / اصلنا فى البيت اخواتى يعنى لما بيعملوا كحكه زيك كدا
صافى / كحكه انا عمله كحكه دا اسمه شنيون
شريف / شنيور حاضر
صافى تعمل بتعيط
صافى / شريف ارجوك اسمه شنيون شنيون شنيووووون
شريف / و اللى انتى لبساه بقى اسمه ايه
صافى / جمب سوت جمب سوت
شريف / استنى كدا اما اقلدك
شريف يضم شفايفه و يمد بقه لبره و يغمض عنيه
شريف / جمب سوت
صافى تدحك و تكتمها
صافى / انا بعمل كدا
شريف / اه بتعملى كدا
صافى / ما علينا نيفر مايند خلينا فى اخواتك لما بيعملوا .. كحكه ايه اللى بيحصل
شريف يحط رجل على رجل و يتعدل فى الكرسى و يفرد ضهره
شريف / كحكه ايه انتى فكرانى جاهل و لا ايه اسمه شونيور
صافى / هههههههههههههههههه لما اخواتك بيعملوا شونيور يا شريف بيحصل ايه
شريف يتعدل و يقرب منها
شريف / برزعهم على قفاهم
صافى تبص لشريف يهز راسه ايوه تعدل نفسها بعيد و تخلى وشها كله ناحيه شريف
صافى / اممم الحمد لله انى مش اختك
شريف / الحمد لله
صافى / شريف
شريف / نعم
صافى / انا جعانه
شريف / و انا كمان تيجى ننزل ناكل
صافى / ياريت
شريف / يلا
شريف يقوم و صافى تقوم معاه و يمشوا
...........................................
فى الديسكو
مازن ماسك مونيكا و عمال يرقص معاها و يلفها و يرجع ياخدها فى حضنه و الكل بيسقف و مبسوط و مرام متابعه و بتدحك شادى يدخل يقعد جنب مرام لزق و معاه كبايتين عصير مرام تبصله باستغراب يديها واحده
شادى / احلى كبايه عصير لاحلى قمر فى المكان كله ..ايه الجميل لوحده ليه
مرام / انا مش لوحدى
شادى / ازاى انتى قاعده لوحدك اهو و كلهم بيرقصوا هناك ايه مش بترقصى معاهم ليه تعرفى انى بعلم الرقص حلو اوى
مرام / على فكره يا شادى مازن حكالى كتير عنك
شادى / حبيبى مازن ده احلى ايام والله احلى زكريات يلاهوى
مرام /  مش عاوز تعرف حكالى ايه
شادى/ اى حاجه منك حلو قولى يا جميل حكالك ايه
شادى يمد ايده من تحت حوالين وسط مرام 
مرام / حكالى انه كسرلك ايدك دى قبل كدا
شادى ملامحه تقفل و مرام بترجع ايد شادى مكانها
مرام / انا بصراحه مصدقتوش و قولت معقول مستحيل يعنى فايه رايك اناديه و نشوف هيقدر يكسرلك ايدك دى و لا هتلمها
شادى / ايه انتى زعلتى و لا ايه انا بهزر معاكى
مرام / و ماله يا شادى مانا كمان بهزر معاك
مازن يرجع شادى يقوم و مازن بيبصله شادى يبتسم و يمشى مازن يروح جنب مرام
مازن / كان بيقولك ايه الحيوان ده
مرام / و لا حاجه يا حبيبى كان جايبلى عصير
مازن / ياما جاب الغراب لامه
مازن يرزع نفسه جنب مرام و عينه على شادى بغضب
...............................
فى المطعم
صافى بتاكل هى و شريف
صافى / تعرف ان دى اول مره اكل بالليل فى حياتى
شريف / يا شيخه دانتى فايتك كتير اوى
صافى / لو صحيت الصبح بطنى بتوجعنى او ملقتش حاجه تخش فيا هحملك المسؤليه انت فاهم
شريف / و انا مالى بطلى حشر و انتى متطخنيش
صافى / بطلى حشر !! انت بتقولى انا بطلى حشر لا مش معقول انت حقيقى مش معقول
شريف / ماشى معاكى حق انا باكل كتير بس انتى عمرك شوفتينى اشتكيت لما هطخن دا لو طخنت يعنى هروح اشترى هدوم جديده اوسع نمره و لا اتنين و اعيش ملك و لا يهمنى الدور و الباقى بقى عاللى يفرق معاهم
صافى / طب يارب تفشول
شريف / هههههههههههههههههههههه
صافى / متيجى نرجعلهم بقى اكيد قلقوا علينا
شريف / حد اتصل بيكى و لا عبرك
صافى / لا
شريف / و لا انا يبقى مقلقوش
صافى / طب لو متصلوش
شريف/ انتى زهقتى منى ولا ايه
صافى / لا بس بصراحه خايفه تعدينى بشهيتك المفتوحه دى و ساعتها هروح فستين داهيه
شريف / انتى مكبره الموضوع ليه متنسى الحته التركى اللى فيكى دى و تركزى عالجانب المصرى على فكره الست لازم تبقى مالوظه
صافى / بعد الجواز اقلوظ براحتى لكن دلوقت اقلوظ ازاى يعنى و بعدين انا رقم واحد فشغلى هى الرشاقه يا شريف لو وزنى زاد اقعد فى بيتنا يا بابا
شريف / متقعدى يا صافى مش احسن مالقلع و اللبس و التصوير بتاعك ده
صافى / على فكره الموديلينج دى مش مجرد قلع و لبس و تصوير الموديلينج اتيديود
شريف / بغض النظر عن صبغه اليود بتاعتك دى بس هتشتغلى كام سنه يعنى فالبتاعه دى
صافى / صبغه يود !!! وات ايفر اه انا بعترف هى شغلانه سنها صغير بس سكه للفاشون ديزاينينج و دى بقى سكه عمرها طويل جدا ليه مبقاش فيوم مالايام كوكو شانيل مصر مثلا
شريف / من بقك لباب السما بس حاولى تركزى الفتره الجايه على تصميمات المحجاب شويه لحسن الواحد تعب والله
صافى / على فكره لبس المحجاب معدش مشكله زى الاول بالعكس كل يوم فى كولكشن محجبات جديد اشكال و اللوان و ممكن بتوست صغير فى الديزاين يقلب لمحجبات
شريف / زى البربطوس بتاعك
صافى / اممم مثلا يعنى
شريف / انتى بطلتى تصلحيلى ليه ..بالسرعه دى فقدى فيا الامل 
صافى / مش الموضوع هو الفكره انى بحاول اقبلك زى مانت انت مش صافى وهدان سو وات شريف مش وحش يعنى
شريف / كويس انى اتاكدت انى مش عشان مبلبسش جيمى شو و لا عارف الفرق بين الشنيون و الجمب سوت و لا بهتم بالاتيديود دا يقل منى فنظرك
صافى تبصله باستغراب و تبص الناحيه التانيه و هى بتدحك
شريف / تعرفى تقولى قميص نفيسه نشف و لا لسه منشفش عشر مرات ورا بعض بسرعه
صافى / و لا مره واحده حتى هههههههههههههههههههه
شريف / هههههههههههههههههه
.................................