السكه شمال بقلم / لولو_محمد ( كامله )

الحلقه ١٠٦

((((((((((السكة شمال))))))))
#لولو_محمد
الحلقه المئه و سته
مازن / هو احنا هنبات هنا مش هنروح هناك
مرام / و نسيب الناس دى كلها
مازن / الناس دى احنا مش فارقين معاهم صدقينى وجودنا زى قلته
مرام تاخد طبق و تقطع حته بالشوكه و تاكلها لمازن فبقه
مازن / حاضر هسكت
مرام / ههههههههههههههههه
مازن يبص يلاقى محمود باصصله و بيغلى ينفخ
مرام / مالك
مازن / كارهنى
..............................
مرام تبص على محمود يبص الناحيه التانيه
مرام / تيته بتقول ان خالو الله يرحمه كان بيعمل كدا مع بابا الله يرحمه
مازن / الله يرحمهم
مرام / بس كل ده هيتغير بعد الجواز هتبقوا اعز اصحاب
مازن / يا ستى انا لا عاوزه يحبنى و لا يكرهنى هو بس يطلعنى من دماغه
مرام / متبصلوش انا احلى منه والله
مازن يسيب الطبق و يبصلها
مازن / ينهار ابيض ينهار ابيض هو فى فحلاوتك يالهوى جننتينى
مرام / ههههههههههههه ..شششش هتودينا فداهيه
مازن / انتى بتخافى تروحى هناك ليه دى جميله اوى
مرام / بجد
مازن / دانا علاطول هناك
مرام / ههههههههههههههه لا مدام كدا بقى اجى ازورك
مازن / معاكى هتبقى جنه
مرام / بطل بقى
محمود يسيب الطبق و يمسك ايد مروه و يطلعوا البلكونه و اسعد متابع مراته تمسك ايده و تغمزله يتنهد و يسكت و يهزلها راسه و مديحه متابعه و متوتره
...............................
فى شقه سميحه
سميحه / ياربى كان يوم طويل و صعب
مرام / تعبتى و لا ايه
سميحه / طبعا طول القاعده و انا حطه ايدى على قلبى
مرام / ههههههههههههههههههه
سميحه / انتى بقى تعالى هنا و قوليلى مالك فيكى ايه حساكى عاوزه تقولى حاجه
مرام / بصراحه اه بس انتى تعبانه خليها لبكره
سميحه / ابدا قولى
مرام / ايه رايك لو اتجوزنا فى الاجازه
سميحه / اشمعن انا كنت فاكره انى اتفقت مع مازن خلاص هو كلمك فى حاجه
مرام / لا مكلمنيش بس
سميحه / بس ايه
مرام / تيته هو اصل .. بصراحه يعنى
سميحه / ايه يا مريومتى هتخبى على تيته فى حاجه حصلت
مرام / والله مش بخبى و لا حاجه هو الفكره يعنى انى خايفه يعنى مش خايفه بس مازن يعنى بصراحه كدا انا خايفه مازن يغلط
سميحه / انتى بتقولى ايه
مرام / مش عارفه بس دايما بحس انه مش عارفه بس مش عارفه يا تيته مش عارفه اشرحلك والله هو مطلبش منى حاجه و لا عمل حاجه بس انا حاسه انه مش مرتاح
سميحه / ههههههههههه مطبيعى مبيقاش مرتاح متجوز قمر زيك و بينام لوحده لازم ميبقاش مرتاح و يقعد يتقلب فى السرير كدا زى نومه العازب امال يعنى
مرام تبتسم
سميحه / بصى يا مرام اللى انتى عوزاه انا هبقى معاكى فيه حتى لو قولتى هتجوز بكره هاجى معاكى ان شالله بالهدمه اللى عليا انا كل اللى يهمنى فى الدنيا انك تكونى مبسوطه و انا عمرى مشوفتك مبسوطه زى مبشوفك مع مازن امال انا بحبه ليه ابن الايه خطف قلبى و قلبك
مرام / هههههههههههههههههههههه
سميحه / انا عارفه انه بيحبك و انه هياخد باله منك و هيصونك انا عارفه ان مازن ده تعويض من ربنا عن كل اللى شفناه انا مش عاوزه مالدنيا الا سعادتك يا قلب تيته
مرام / بجد يا تيته
سميحه / بجد يا روح قلب تيته
مرام / انا هروح اكلمه بقى
سميحه / روحى كلميه بقى
مرام تبتسم و تطلع بره و تقفل الباب على سميحه و تتكلم فى التليفون
مازن / قلبى يا ناس وحشتينى
مرام / بحبك
مازن / لا مسمعتش قولتى ايه
مرام / بحبك و بموت فيك كمان
مازن / حبينى زى مانتى عاوزه بس بلاش تموتى و لا حتى فيا
مرام / ههههههههههههههههه
مازن / قلبى فرحان مش كدا
مرام / جدا
مازن / هعوز ايه مالدنيا اكتر من كدا ياربى
مرام / هههههههههههههه تعرف انا كنت بتكلم مع تيته فى ايه
مازن / فى ايه يا ست البنات
مرام / فيك و عنك
مازن / خير
مرام / انا استاذنت تيته نتجوز فى الاجازه بعد الامتحانات علاطول
مازن ساكت
مرام / الو
مازن / معاكى
مرام / امال مالك سكت ليه انا كنت فكراك هتتنطت مالفرحه
مازن / بس انا كنت اتفقت مع تيته خلاص ايه اللى خلاها تغير رايها
مرام / هى مغيرتش مانت عارفها مدام احنا عاوزين نعمل حاجه بتسيبنا نعملها
مازن / مش عارف يا مرام
مرام / انا مش فهماك انت طول الوقت بتزن عالفرح و انا جوزك انا جوزك دلوقت مش عارف
مازن / لا طبعا عاوزك النهرده قبل بكره لا امبارح كمان بس تيته نفسها تشوفك دكتوره فى الجامعه دا حلمك يا مرام و حلمها
مرام / انت حلمى يا مازن
مازن / و انتى كمان يا مرام و صدقينى صعب عليا اوى اللى هعمله ده بس خايف يحصل اى حاجه تنشغلى بيا بحمل اى ظروف معرفش
مرام / هههههههههههههههه خلاص خلاص نخلينا زى ماحنا
مازن / انا عارف انى هقفل معاكى و هفضل اضرب نفسى بالجزمه لحد اجازه نص السنه
مرام / هههههههههههههههه يعنى اعملك ايه يعنى والله بعمل كل ده عشانك
مازن / الله الله البت شمعه تحترق يا ولاد قال يعنى الهانم منفسهاش تبقى معايا
مرام / اكيد نفسى طبعا اصل بصراحه شغل التليفونات ده مبيكفنيش
مازن / لا قلبى ميستحملش الكلام ده قولى كمان
مرام / هههههههههههههههههههه بحبك و بتوحشنى و عوزاك علاطول جنبى
مازن / بصى امسحى بقى كل الكلام اللى قولته ده و باذن الله الفرح اخر يوم فالامتحانات
مرام / ههههههههههههههههههههههه
مازن / لما هاجى بكره هتكلم مع تيته و على اساس كلامى معاها هنحدد تمام
مرام / تمام
مازن / حبيبى على عينى اقفل بس روحى نامى شويه ارتاحى عشان تعرفى تركزى بكره
مرام / حاضر تصبح على خير
مازن / و انتى من اهله
مرام / هتوحشنى لحد بكره
مازن / لا كدا كتير والله كدا كتير احمدك و اشكر فضلك يارب
مرام / ههههههههههههههههههههه انت مفيش حاجه بتعجبك ابدا
مازن / لا لا دا كدا مليون فل و تمنتاشر انا عاوزك كدا علاطول زيدينى عشقا زيدينى يا احلى نوبات جنونى انتى يا قلبى و عقلى و كل الحاجات
مرام / اسمها قلبى و عقلى و كبدتى و فشتى 
مازن / ايوه صح كبدتى و فشتى ايوه هى دى
مرام / ههههههههههههههههههه يلا هسيبك تحلم بيا بقى تصبح على خير
مازن / دا لو عرفت انام
مرام / هههههههههههههه حاول
مازن / مش عاوز اقفل
مرام / و لا انا
مازن / خلاص خلينا كمان شويه
مرام / خلينا
مازن / تعرفى بفكر بكره بعد الكليه اروح
مرام / مش هتروح فحته عشان هتيجى تزاكر
مازن / حاضر يا ابله الناظره مع انى كنت هروح اجيبلك هديه
مرام / امممم هتجبلى ايه
مازن / لا مفاجاه
مرام / خلاص نزاكر الاول و بعدين هاتلى اللى انت عاوزه ايه رايك
مازن / ماشى
مرام / مش هتقولى عالمفاجاه بقى
مازن / هههههههههههههههههههههههه
مرام / ايه
مازن / بحبك يا مجنونه
مرام / والله كنت عاقله لحد محبيتك
مازن / ندمانه ؟؟
مرام / عمرى انا عمرى مكنت مبسوطه قد دلوقت عمرى مدحكت من قلبى زى دلوقت
مرام تتنهد
مازن / للدرجادى
مرام / ناوى تعمل فيا ايه تانى
مازن / ناوى اسعدك و اخليكة اسعد واحده فالدنيا ناوى اعيش معاكى كل يوم كانه احلى يوم فحياتك ناوى اجيب الدنيا كلها تحت رجليكى و احققلك كل اللى بتحلمى بيه و بتتمنيه ناوى اكون سندك و ضهرك و امانك ناوى احبك لاخر يوم فعمرى
مرام / و ايه كمان
مازن / انتى عاوزه ايه كمان
مرام تغنى
مرام / مش عاوزه غيرك انت والله بحبك انت دا الحب كلو انت و انت الناس كلها
مازن / لا مهو كدا همشى فى الشارع ابوس و احضن فى الناس سبيلى اوضه واحده فاخر برج من عقلى يحفظ هيبتى وسط الناس مش كلو بيطير كدا حرام
مرام / ههههههههههههههههههههههه
اذان الفجر
مرام / و ادرك شهرزاد الصباح فسكتت عن الكلام المباح
مازن / كم انت قاسى يا صباح
مرام / ههههههههههههههههه قوم صلى و ادعيلى و انا هدعيلك
مازن / هدعيلك سلام
مرام / سلام
...............................
فى الكليه تانى يوم
مازن و مرام قاعدين على سلم مرام تفتح شنطتها و تطلع منها علبه فيها فطاير بالجبنه
مرام / معرفتش انام عملتها دوق بقى و قولى رايك
مازن / ههههههههههههههههه اكيد هتعجبنى
مازن ياخد واحده و ياكلها
مازن / الله تحفه يخربيت جمالها
مرام / ههههه الف هنا
محمود يدخل
محمود / صباح الخير ... بقولك ايه يا مرام متقومى تسلمى على صحباتك البنات بيشتكوا انك لازقه طول الوقت لمازن و مش عارفين يكلموكى
مرام تبصله و محمود باصص لمازن
مازن / قومى يا مرام
مرام تبص لمحمود و تبص لمازن و ترجع تبص لمازن
مازن / قومى
مرام تقوم و مازن ماسك العلبه بياكل منها
مازن / خير يا حوده
محمود / شريف اتصل بيا قولت ابلغك انت وش لوش بدل مبلغه يبلغك و الكلام يطير فى النص
مازن / احسن برده خير
محمود / اوعى تفتكر ان الفتافيت اللى بترميهالى هتعوضنى عن اللى انت خدته منى
مازن / البتاعه دى رهيبه تاكل ... بص يا محمود انا مخدتش منك حاجه و لا برميلك حاجه و عيب اوى اللى انت بتعمله ده
محمود / انا برده اللى عيب
مازن / اه عيب عيب لما تبقى خاطب و عينك فى مرات واحد تانى تحب اوريك القسيمه مرام تبقى مراتى يا محمود و اللى عينه تتحط عليها اخلعهاله لا عمرها كانت بتاعتك و لا عمرها فكرت فيك و السبب الوحيد اللى مخلينى سايبك فحياتنا انها بتعتبرك اخ بس لو مش مكفيك الدور ده قولى و انا اخده منك زى مسبتهولك و اللى انت بتسميها فتافيت دى انا مش برميهالك انا بحاول ابلعك كاخ لمرام بس قسما بالله يا محمود قسما بالله لو عينك دى بصت على مراتى باكتر من كدا او خيالك طمع فيها قسما بالله لبكيهم عليك
محمود / انت قد كلامك ده
مازن يحط العلبه و يقوم يقف قدام محمود مرام ترجع جرى تمسك العلبه و تشد مازن بعيد و هما بيبصوا لبعض
مرام / فى ايه
مازن / زعلان بسبب موضوع العربيه عيل متخلف فاكر انى بتنطت عليه المفروض اللى زى ده فعلا الواحد ميهاديهوش بحاجه عدله اخره فرده شراب مقطوعه
مرام / عيب كدا
مازن / انا برده
مرام / هو بس كرامته
مازن / متعصبنيش انتى كمان انا مش شايف قدامى خلقه والله لولا انك ادخلتى لكنت وريته
مرام / عشان خاطرى دا عيل غلبان
مازن / مهو ده اللى مكتفنى عنه انى عارف قد ايه هو غلبان بس هو مش قادر يشوف ده مش قادر يفهم انى مش بسكتله ضعف
مرام / كفايا انا فاهمه عشان خاطرى
مازن / اما اشوف اخره خاطرك ده هيودينا لفين
مرام / مش مهم هنروح فين المهم هنكون سوا صح
مازن يبتسم
مرام / كمل فطارك
مازن / سد نفسى البعيد اووووف
مرام / خلاص بقى عشان خاطرى عشان خاطرى
مازن يهز راسه
..................................
فى شقه مرام
سميحه  / ههههههههههه انا لا غيرت رايي و لا وافقت و لا رفضت هى حياتكوا و لا حياتى مستقبلكوا و لا مستقبلى انتوا تاخدوا قراراتكوا مع بعض و تعيشوا حياتكوا مع بعض و انا عليا ادعيلكوا و اقول امين
مازن / ربنا يباركلنا فيكى و فدعواتك يا تيته بس برده نستفيد برايك بخبرتك
سميحه / رايى قولتهولك انما مقدرش اجبركوا عليه مينفعش تيجى تقولى عاوزين نتجوز و اقولها لا لانت صغير و لا هى صغيره
مازن / بس انتى من جواكى شايفه اننا نستنى احسن
سميحه / انا مقولتش حاجه
مازن / ههههههههههههههههههه ماشى يا تيته
سميحه / اقولك سر و لا هتفضحنى
مازن / فبير يا تيته خير
سميحه / مرام
مازن / مالها
سميحه / مش واثقه فيك
ملامح وش مازن تقلب
سميحه / كانت عاوزه تقدم الفرح عشان خايفه عليك تغلط و تخونها
مازن / بس انا مش هعمل كدا
سميحه / انا مقولتلكش حاجه انت طمنها و قولها الكلمتين دول بطريقتك
مازن / تمام
مرام تدخل
مرام / ها اجيب الشاى و لا ايه
مازن / هاتى هاتى و هاتى معاه فطيرتين من بتوعك الحلوين دول
مرام / ثوانى و اعملك
مرام تجرى عالمطبخ
مازن / هدخل اتكلم معاها
سميحه تهز راسها و مازن يقوم يدخل ورا مرام المطبخ يلاقيها بتحط الدقيق و تعجن
مازن / لو كنتى قولتى انها خلصت مكنتش هخليكى تتعبى نفسك
مرام / اخص عليك و انا لما اعملك اللى انت بتحبه يبقى اسمه تعب طب ايه رايك انى بيبقى نفسى ابعتلك الاكل اللى مبتاكلوش معانا
مازن / قلبى يا ناس
مرام / بتتريق طب والله اللقمه اللى مبتاكل منها مبتعدى من بقى
مازن / و لا انا
مرام تبتسم و تعجن
مازن / انا اتكلمت مع تيته
مرام تبصله
مازن / اتفقنا اننا هنمشى عالخطه القديمه فاجازه نص السنه
مرام / تمام
مازن / اساعدك
مرام / لا خلاص خلصت متوسخش ايدك هسيبها تخمر شويه و بعدين اقرصها اهو هغطيها
مرام تغطى حله العجين بفوطه و تغسل ايدها
مرام / تعال بره مالحر 
مازن / لا انا عاوز استفرد بيكى شويه
مرام / الله بقى
مازن / فاكره لما قولتيلى انك بتخافى
مرام / دا كان زمان دلوقت انت جنبى اخاف من ايه
مازن يبتسم
مازن / انا بقى بقيت بخاف
مرام تمسك ايده
مازن / بخاف اخسرك عمرى مهعمل اى حاجه تبعدنا عن بعض و لا هسمح لاى حد يفرقنا مهما كان و مين ما كانت
مرام / عارفه
مازن / انا باكد بس
مرام / انا ثقتى فيك ملهاش حدود
مازن / جبتيها منين
مرام / من نظرتك ليا
مازن / ببصلك ازاى
مرام / معرفش اقلدها و لا اوصفها انا بس بحبها
مازن / خلاص خليكى قدامى العمر كله و انا اقعد ابصلك
مرام / معنديش ادنى مانع بس على الله متزهقش منى
مازن / لا مش هزهق متخافيش و لا عمرى هزهق و لا هبص لغيرك و لا حتى من باب خد فكره و اشترى بكره
مرام / دا لمصلحتك على فكره
مازن / عارف يا كبيره تعالى بقى مالحر ده بدل مهفطس
مرام / هههههههههههههههههه تعال
.............................
فى محل الفيديو عند نورا
الباب يتفتح و على يدخل نورا تتنهد على يروح يعبى افلام كتير و يروحلها
على / عاوز دول
نورا / حاضر
نورا تسجلهم
على / عاوز اتكلم معاكى
نورا / مش فاهمه اصرارك ده
على / عاوز اعرف اكتر عن حبيبك بتاع مصر عاوز اعرف فيه ايه مخليكى مش قادره تنسيه كدا
نورا / على ارجوك
على / احكيلى و سبيني اختار
نورا / مش هيفرق قرارك حتى لو انت اختارتنى انا مش هختارك و لو سمحت دا مكان شغل ارجوك
على / تمام يا نورا خلينا اصدقاء
نورا / معنديش وقت لاى حاجه غير الشغل
على / تمام مطلوب عندما فى الشركه سكرتيره قدمى و انا هضمنك و ساعتها هنلاقى وقت اطول نكون فيه سوا و فنفس الوقت شغل بمرتب كويس
نورا تبصله
على / قدمى
نورا تبص الناحيه التانيه على يحاسب و يمشى
.................................
فى شقه محمود
مرام / مفتاح عربيتك الجديده
محمود / دا على اساس انى بعرف اسوق يعنى
مرام / اتعلم و فيها ايه انا كمان هتعلم السواقه على فكره مش احنا طول عمرنا مع بعض اهو حتى هنتعلم السواقه مع بعض
محمود / و لحد امتى هنفضل مع بعض يا مرام
مرام / طول مانت علاقتك بمازن كويسه هنفضل مع بعض
محمود/ و المطلوب
.............................................