السكه شمال بقلم / لولو_محمد ( كامله )

الحلقه ١٠١

((((((((((السكة شمال )))))))))
#لولو_محمد
الحلقه مئه وواحد
مازن / قولتلك قبل كدا متجيبيش سيره الموت تانى لو سمحتى
مرام / كنت فكراك مبتخافش منه
مازن / ايوه دا كان زمان لما كانت حياتى لوحدى اللى تخصنى لما مكنش عندى حد اخاف عليه و لا مسؤل منى انا لا هستحمل انك تتاذى و لا ان يجرالك حاجه خصوصا لو بسببى
مرام / كلو مقدر و مكتوب محدش بيعيش اكتر من عمره و انا مش خايفه اه امبارح اتخضيت بس دلوقت مش خايفه و انا معاك مببقاش خايفه مش بيبقى فارق معايا حاجه و لا فارق معايا حد انا مش هحط راسى فى الرمل و استخبى من عيل سيس زى ده متخفش بقى معاك راجل الله
مازن يبتسم
مرام / لا دانت مستقل بيا اوى على فكره بكره تيجى معايا النادى عشان تشوف مراتك و هى .. هى ايه بقى
مازن واقف مبتسم و بيتفرج عليها و هى بتقلده
مرام / انا قولتلك بحبك عاوز ايه اكتر من كدا عشان متخافش الله
مازن / ممكن بوسه تشجعنى شويه
..............................
مرام / بعينك
مازن / اليمين و لا الشمال
مرام تسيبه و تمشى يمشى وراها
مرام / الله جيت ورايا يعنى متخليك مستخبى
مازن / انتى بلوه على فكره
مرام / بس بلوه حلوه صح
مازن / احلى بلوه فالدنيا
مرام و مازن يمشوا و هما مبسوطين
......................
فى مكتب صفوت
شريف يفتح المكتب و احمد يدخل و شريف يقفل الباب وراه
صفوت / تعال يا احمد اقعد
احمد / اول مكلمونى ان حضرتك عاوزنى سبت اللى ورايا و اللى قدامى و جيت
صفوت / هههههههههههههههههههه دا على اساس ان كان فى اى حاجه وراك جرا ايه يا احمد امال لو مكنش اخبار مكتبك عندى اول باول
احمد / ماشى يا باشا اؤمرنى حضرتك طلبتنى ليه
صفوت / شيل مرام و مازن من دماغك و حركات العيال دى
احمد / يا باشا عيب مازن اخويا و مرام دى اختى حركات عيال ايه و اشيل مين
صفوت / بجد ؟؟ طيب اسمع بقى التسجيل الجميل ده
صفوت يفتح الموبايل
صوت احمد / بطمن عليك بعد امبارح مدام جت فى الصاج مش مهم تتعوض مش كدا
صوت مازن / كنت عارف انك وراها
صوت احمد / و عارف برده انها قرصه ودن مش اكتر لو كنت عاوز اخلص منك كنت خلصت
صوت مازن / اما انا لو شفتك قسما بالله
صوت احمد / هى مرام واقفه زعلانه ليه انتوا اتخانقتوا و لا مقولتلهاش انك هتقعد عالقهوه تلعب مع الرجاله بس تعرف اللون الابيض بيليق على مرام اوى عقبال متلبسهولك يا ميزو هههههههههههههههههه
صوت احمد / شاورلها مالك واقف متنح كدا ليه
صوت احمد / الاذيه مفيش اسهل منها يا مازن
صوت مازن / و مدام انت عارف كدا بتستفزنى ليه
صوت احمد / انسى و انا هنسى و خلينا زى مكنا
صوت جرس الشقه
صوت احمد / متخافش عليها اوى كدا اللى بيعمل مبيهددش يا ميزو انا بس بثبتلك انى لو عاوز هوصل
صفوت / انت فاكرنى بسجلك زى معملت مع ماهى لا يا قلبى انا سجلتلك خلاص اعتراف ماهى مع المكالمه الظريفه دى
احمد / منغير اذن نيابه ملهاش تلاتين لازمه
صفوت / هههههههههههههههههههههه الكلام ده لو كنت هروح اعمل بيها محضر ايه يا احمد هو احنا تلامذه احنا البلد فوق
احمد /حبيبك اللى بدء
صفوت / عيب عيب اوى تكدب و انت قاعد قدامى
احمد / و اللى حصل زمان
صفوت / اللى حصل زمان سيبه زمان و اللى حصل امبارح هنسيبه امبارح
احمد / و هو المطلوب خلصنا مش فيلم هو
صفوت / قدامك اسبوع تصفى شغلك فى مصر و تسيب البلد
احمد / افندم
صفوت / صفى شغلك اللى خايف عليه فى مصر و اهرب قبل محبسك
احمد / تصدق يا باشا خفت لا والله خفت اقولك خليهم يتفضلوا زى محضرتك قولت احنا مش تلمذه احنا البلد احنا اللى بنعرف نمشى البلد و البلد دى بتمشى بالفلوس و احنا الحمد لله معناش اكتر منها ديتها حته قرشين هنا و لا هنا و محامى شاطر هخرج
صفوت / لا مانا هحط قرشين فوق القرشين بتوعك و اشترى المحامى الشاطر بتاعك و اخليه يبيعك و كمان هحط فوقيهم قرشين هنا و لا هنا كمان عشان اضمن انك متخرجش و فوقيهم قرشين كمان عشان اضمن ان كل يوم تقضيه فالسجن يبقى نعيم بالنسبالك
احمد قاعد ساكت
صفوت / اللى يرش حبيبى بالميه ارشه بالدم خلاصه الكلام عاوز الموضوع يتلم سيب البلد و انسى مازن و انسى مرام و السى دى بتاعك ده هيتحط جنب اخواته القدام و يا دار مدخلك شر بس يكون فعلمك قسما عظما لو فكرت بس تلمس شعره من مازن و لا مراته و لا اى حد يخصه لجيبك لحد عندى تبوس رجلى عشان ارحمك و برده مش هرحمك وصلت يا حماده
احمد يسيب المكان و يفتح الباب يلاقى تلاته بودى جارد واقفين يبص لصفوت
صفوت / متخفش دول حراسه شخصيه ليك عشان اطمن على سلامتك لحد متسيب البلد
احمد يمشى و البودي جردز وراه شريف يدخل
شريف / مازن هيزعل اوى ان المشهد ده فاته
صفوت / يبقى يشوفه مالكاميرات
شريف / كبير من يومك يا باشا
صفوت يبص لشريف و يبتسم
.....................................
فى شقه مازن
مازن يفتح باب الشقه يدخل هو و مرام يجى يقفله
مرام / سيبه مفتوح
مازن / اللى يريحك تعالى هوريكى حاجه
مازن يدخل عالمطبخ و مرام وراه يفتح غساله الاطباق
مازن / تراااااا
مرام / هههههههههههههههههه انت بتغرينى بقى
مازن / لا و مش بس كدا ثوانى
مازن يفتح تقفيله المطبخ و يطلق حلل تيفال و صوانى تيفال و صوانى بيتزا تيفال و طاسات تيفال
مازن / معدلكيش حجه جهازك كامل من كله و لا ليكى اى طلبات تانيه
مرام / مكنليش طلبات اولانيه اصلا عشان يبقى فى تانيه ايه مش هتورينى الاوضه و لا رجعت فى كلامك
مازن / لا طبعا تعالى
مازن يروح يفتح الباب الاوضه ضلمه يايد النور مرام تدخل تلاقى اوضه فاضيه فيها مكتب كبير عليه لاب و طابعه و فى الجنب تريدمايل تبص عالحيطه تلاقى صوره كبيره لمازن و مامته و هو صغير تبص وراها تلاقى صور كتير ليها محطوطه جنب بعض مازن يروح يفتح اللاب تظهر صوره مرام و مازن بتاعه الخطوبه و الصور بتتغير ليهم سوا
مازن / دى خلوتى لما بحب اقعد مع نفسى او ابعد عن الدنيا و الناس باجى هنا اقعد معاكى لوحدينا مفيش مخلوق دخل الاوضه دى قبلك المكان ده اخر مكان جمعنى بامى الله يرحمها فمبوسخوش محافظ عليه نضيف
مرام سرحانه فى الصور اللى عالحيطه
مرام / انت جبت الصور دى كلها منين
مازن يشاور على صوره صوره
مازن / دى سرقتها من عندكوا اول مره كنت فيها عندك و دى و دى و دى مالنت على صفحتك و دول خدتهم بنفسى فى الخباثه و دول مالحفله و دول  من النت برده لقيت معمولك فيهم منشن و دى بقى
مازن يشاور على صورتها اللى لقاها فى اوضه محمود و يسكت
مرام / انت جبتها منين دى قبل الحجاب قبل الجامعه اصلا و منزلتش عالنت سكت ليه جبتها منين
مازن / صدقينى كان نفسى اللاقى اكتر بس للاسف ملقتش
مرام / تعرف انا مش لاقيه كلام اقوله
مازن يقعد عالكرسى و يحط رجله عالمكتب و مرام مبتسمه
مازن / انا بقى بقعد هنا و ابصلك و اكلمك
مرام / فى ايه
مازن يقوم و يروح يقف جنبها
مازن / فكل حاجه كنت بحكيلك كل حاجه بشكيلك همى و افضفضلك و ساعات برده كنت بتخانق معاكى     
مرام / معايا انا ؟؟ ليه
مازن / عشان معذبانى
مرام / انا !! اخص عليا
مازن / ايوه اخص عليكى
مرام / بس كان ممكن تصورهالى لما قولتلك عادى يعنى
مازن / بتهزرى و اضيع على نفسى لمعه عنيكى دى مستحيل طبعا
مرام / تعرف الحيطه دى ناقصها ايه
مازن / ايه
مرام / صوره لينا دلوقت سيلفى
مازن / بس كدا يانهار ابيض يانهار ابيض
مازن يجيب الموبايل و ياخدها فى حضنه تبصله يلقط الصوره و يوريهالها
مرام / بتخم انا مكنتش جاهزه
مازن / بالعكس طالعه حلوه جدا
مرام / طب هات انا اصورنا
مازن يديها الموبايل
مرام / غمض
مازن / ليه
مرام / هسرقك يعنى غمض الله
مازن يغمض مرام تبوسه من خده و تطلع تجرى يطلع يجرى وراها يلحقها قبل متطلع من باب الشقه و يمسكها و يشيلها
مرام / هههههههههههههههههه نزلنى اوعى سيب
مازن / مش قبل مترجعى اللى سرقتيه منى جوه
مرام / مش هتكلم غير قدام المحامى بتاعى
مازن / هتعترفى بالزوق و لا اوريكى وشى التانى
مرام / بريئ يا بيه
مازن / احنا هنكدب من اولها مش سرقتى منى بوسه جوه رجعيها
مرام / هههههههههههههههههه شوف و انا اللى كنت فاكره هتقول سرقتى قلبى و عقلى و كبدتى وفشتى
مازن / هههههههههه لا مالحاجات دى ربنا يعوض عليا فيها مش هترجع حتى لو عملت اللالى بس البوسه ممكن ترجع و انا مش هسيب حقى
مرام / طب مانت كمان سرقت منى بوسه قبل كدا كنت اتكلمت خلاص دى قصاد دى
مازن / لا دى مش قصاد دى بصى ايه رايك انا ارجعلك اللى سرقته و انتى ترجعيلى اللى سرقتيه و نبقى خالصين
مرام / انت هتفضل شايلنى كدا كتير
مازن / متغيريش الموضوع مش هنزلك الا لما اخد حاجتى و اديكى حاجتك انا راجل حقانى
مرام /  ههههههههههههههههه يا سيدى انا مسامحه فحقى
مازن / انا بقى مش مسامح
مرام / خلاص خليك واقف انا عن نفسى مرتاحه اوى هنا
مرام تهز رجليها و هى مبتسمه و بتبص لمازن
مازن / بقولك هوريكى وشى التانى
مرام / مبخافش انت فاكرنى لوحدى طب دانا متجوزه حته راجل قربلى انت كدا بس و هتشوف هيعمل فيك ايه
مازن / هيعمل ايه يعنى هيقتلنى
مرام / بعد الشر نزلنى بقى والله جعت
مازن / يا خبر ابيض يا خبر ابيض دانا حالا هعملك احلى اكل
مازن ينزل مرام و يجى يدخل جوه تمسك ايده
مرام / لا خلينا نروح اصلا تيته هتزعل لما تعرف اننا جينا هنا
مازن / ليه
مرام / انت عارف هتقولى مكنش ينفع تروحى قبل الجواز و الناس و مش الناس
مازن / بس
مرام / انا عارفه اننا متجوزين بس انت كمان فاهم قصدى و هى معاها حق
مازن / و مدام انتى عارفه انك بتعملى حاجه غلط عملتيها ليه
مرام / عشان ... عشان ...
مازن / عشان ؟؟
مرام / عشان انا بحبك
مازن يبصلها و يبتسم
مرام / عشان كنت عاوزه اشوف الاوضه عاوزه اعرفك اكتر عاوزه اقرب منك اكتر انا عاوزه اعيش لو باقى فعمرى يوم واحد عاوزه اقضيه معاك انا معرفش انت عملت فيا ايه انا عمرى مكنت كدا انا حتى الافلام و المسلسلات الرومانسى عمرى محاولت حتى اشوفها لا تركى و لا هندى و لا حتى كورى مبحبش اشوفها بس معاك انت عشتها معاك انت بعيش
مازن / كان فين الكلام الحلو ده من زمان
مرام / معرفش متكسفنيش بقى
مرام تبص فى الارض مازن يبتسم
مازن / و انا كمان على فكره معاكى بعيش تعرفى النهرده بجد احلى يوم فحياتى
مرام تبتسم
مازن / هقفل الاوضه و اجى عشان نروح نتهزق سوا
مرام تدحك مازن يدخل يقفل الباب و يرجعلها يمشوا
........................
فى شقه نيفين
السفره مليانه اكل و نيفين و مامتها و بنت كمان بيرصوا السفره و يجهزوا كل حاجه
الست / روحى يا نيفين نادى لبابا و قوليله الاكل جاهز
نيفين / حاضر
نيفين تطلع بره تلاقى تلت رجاله قاعدين بيدحكوا منهم اتنين عرب و ابوها
نيفين / الغدى اتحط اتفضلوا
ابوها / اتفضلوا اتفضلوا من هنا اتفضلوا
الاتنين الرجاله التانين يقوموا وواحد منهم يبتسم لنيفين تبتسمله و تحيه براسها و يدخلوا اوضه السفره و تفضل نيفين واقفه مكانها
صوت ابوها من جوه / يا نيفين تعالى
نيفين تدخلهم
ابوها / ابو طلال حلف مهو واكل غير و احنا كلنا موجودين تعالى اقعدى اقعدى يا ام نيفين اقعدى يا نهى اقعدوا اقعدوا
ابو طلال يعدل الكرسى اللى جنبه لنيفين تقعد
نيفين / ميرسى
ابوها / طول عمرك جنتل مان يا شيخنا ... ان شاء الله بعد الاكل ننزل هننزل نروح الاهرامات و افرجكوا مصر بقى حته حته
نهى / الله
ابوها يبرقلها تقعد ساكته 
ابو طلال / باذن الله نروح كلنا و بعدها عازمكم على اجمل سهره لحد الصبح راح اسهركم سهره تحلفون بيها طول العمر
ابوها / طول عمرك ابو الكرم بس بقول نخلينا مع بعض احسن و اهدى
ابو طلال / والله ابدا اخد على خاطرى و ارجع
ابوها / و احنا نقدر برده خلاص ابو طلال امر يبقى الكل لازم يتنفذ
ابو طلال بيبص على نيفين قاعده ساكته تحس بيه تقوم تغرفله حمامه فى طبقه
ابو طلال / تسلم الايادى
نيفين تبتسم و تبص فى طبقها و تاكل بالراحه
............................
فى محل الفيديو عند نورا
نورا بترص سيديهات على يدخل نورا تتنهد
على / مساء الخير
نورا / اهلا يا على ازيك
على / فى حفله الشركه عملاها اخر الاسبوع بمناسبه اطلاق اللعبه الجديده طبعا اللى انا كنت شغال عليها و كنت يعنى لو فاضيه و تحبى يعنى تيجى معايا هتنبسطى اوى ان شاء الله و انا كمان اكيد هكون مبسوط اوى
نورا / انا اسفه اوى يا على بس انا عندى شغل و انت عارف
على / انا اول مره اتكرم فى حياتى اول مره يعنى
نورا / هيكرموك
على / بيقولوا
نورا / هى اخر الاسبوع
على / يوم السبت
نورا / تمام حاضر هاخد اجازه
على / بجد
نورا / مش هتتكرم كل يوم يعنى
على / انا متشكر اوى متشكر بجد انا مبسوط اوى انا هسيبك تكملى شغلك بقى انا .. انا هاخد الفيلم ده
نورا / تمام
على ياخد السى دى و يروح يحاسب و يشاورلها و يمشى و هى مبتسمه
.................................
فى شقه مديحه
مازن / انا حكيتلك عشان لو عاوزه تزعقى لحد تزعقيلى انا و هى مش موجوده
سميحه / ههههههههههههههههههههه بس انا لا هزعقلها و لا هزعقلك
مازن / بجد امال مرام زعلانه و شايله الهم ليه
سميحه / تعرف يا مازن انا عمرى متعبت فى تربيه مرام مفتكرش حتى ان انا اللى ربتها من صغرها و هى زى مانت شايف كدا لما كانت بتوقع حاجه حتى لو بق ميه تجرى تجيب القماشه و تنضفها و ترجع كل حاجه مكانها بس برده بتفضل مدايقه طول اليوم انها وقعتها مش عشان خايفه ازعقلها انا عمرى مزعقتلها هى زعلانه عشان غلطت هى عارفه الصح مالغلط
مازن / بس احنا مغلطناش
سميحه / عارفه بس الناس مش عارفه انت و هى ستر و غطا على بعض لكن لناس مش هتستركوا و لا تغطيكوا يا مازن الناس كل همها تكشف الستر ده
مازن / انا عمرى مفكرت فى الناس عمرى معملتلهم حساب
سميحه / بس انت مش عايش لوحدك
مازن / محدش هينفعنى كلهم عاوزين الفلوس اللى معايا و خلاص انا مش مهم ياخدوها
سميحه / و انت فاكر انهم بعد مهياخدوها هيسيبوك فحالك مش هيحصل
مازن / يعنى هو الفكره فى الفرح خلاص يا تيته نعمل الفرح فالاجازه و ننقل كلنا عندنا فى الفيلا ساعتها بقى
سميحه / انت فاكر ياض انت انى منفسيش اشوف اليوم ده طب دانا بدعى ربنا كل يوم يطول فعمرى لحد مشوف مرام بفستان الفرح
مازن / ربنا يديكى طوله العمر يا تيته استنى هوريكى حاجه
مازن يطلع موبايله و يفتح على صوره مرام بفستان الفرح
سميحه / بسم الله تبارك الله الله اكبر الله اكبر قلبى يا ناس
مازن / حلوه اوى صح
سميحه / دا يوم صافى صح
مازن / اه انا اشتريته و عينه عندى تعرفى فى موديل اتصورت بيه صدقينى يا تيته لو قولتلك انه على مرام حاجه تانيه خالص مرام هى اللى محلياه
سميحه تبص لمازن و تبتسم
مازن / جوزينا يا تيته عشان خاطرى
سميحه / لما مرام كانت فثانويه عامه مرام كان نفسها اوى تبقى دكتوره و كانت بتحلم تكشف عالغلابه ببلاش و تجيب ادويه و توزعها لله و كانت بتزاكر و تتعب اوى و كنا طول الوقت بنقول الدكتوره مرام راحت و الدكتوره مرام جت و اول يوم فالامتحانات الجو كان حر اوى و اليوم كان طويل و ازازتها خلصت و قررت تشرب من الميه اللى فالمدرسه رجعت تعبانه و بتموت جرينا بيها عالمستشفى قالو فيرس ايه باين بتاع الكبد و حبيبه قلبى كانت بتزاكر و هى بتموت بسبب العيا و تروح الامتحان و ترجع و لما النتيجه بانت دخلت اوضتها و قفلت على روحها الباب مبتحبش حد يشوف دموعها و بعدين طلعت و قالت مش مهم حلم راح يتولد غيره انا هبقى دكتوره فى الجامعه و بدات ترسم خطه جديده لحياتها الموضوع ده مهم اوى بالنسبه لمرام مهم اوى بجد
مازن / انا مش هعطلها بالعكس هزاكر معاها و هريحها عالاخر مش هتعمل حاجه غير انها تزاكر و بس اقولك هخليها تكمل الماجستير و الدكتوراه و من اكبر جامعات اوروبا كمان و اقولك اكتر هفتحلها جامعه خاصه تدرس فيها بس جوزينا بقى ابوس ايدك يا تيته ابوس ايدك
مازن يقعد على ركبه فى الارض و يبوس ايد سميحه
سميحه / هههههههههههههههه استغفر الله يابنى بطل بقى الله
مازن / لو بتحبينى يا تيته لو بتحبى مرام عشان خاطرى عشان خاطرى 
سميحه / هههههههههههههه خلاص خلاص صعبت عليا بص لو جبت تقدير السنادى و هى حافظت على تقديرها هجوزكوا فى اجازه نص السنه بس توعدنى ان مفيش حاجه هتاثر على مرام فى الدراسه
مازن / لسه هستنى كل ده
سميحه / دا اخر كلام عندى مش عجبك تتجوزوا لما تستلموا شهاده التخرج
مازن / تصدقى انا دلوقت عرفت مرام طالعه مفتريه لمين
سميحه / هههههههههههههه يا قليل الادب
مازن / انا اصلا متربتش و ادى الشيكولاته اللى كنت جيبهالك انا اللى هاكلها لا هيبقى جواز و لا شيكولاته دا ايه الظلم ده و مش هديكى حته كمان
مازن يطلع شيكولاته من كيس جنبه و يقعد يحط رجل على رجل و ياكل فيها و سميحه بتدحك مازن يطلع واحده تانيه و يديها لسميحه
مازن / لا انا هطلع اكرم منك اتفضلى متغلاش عليكى
مرام تدخل
مرام / خيانه بتاكلوا الشيكولاته منغيرى
مازن / ازاى بس دانا كنت بدوقها بس لتكون مسمومه و لا حاجه
سميحه / ههههههههههههههههه عسل يا بن الايه
مرام / مسمومه؟؟؟ وسع هات
مازن / اتفضلى الكيس بحاله اهو
مرام / لعبنا كتير نزاكر بقى
مازن / داحنا هناكل الكتب اكل داحنا هنخربها مزاكره دانا هطبق على الكتب دى النهرده
مرام / يا سيدى يا سيدى ايه الهمه و النشاط دا كلو تتحسد
سميحه / انا و مازن اتفقنا لو جاب تقدير الترم ده دخلتكوا فى اجازه نص السنه
مرام / بقى كدا اتااااارى طيب اقوم انا بقى اجيب الكتب
مرام تقوم
مازن / صحيح يا تيته بالنسبه للعمره
سميحه / يا مازن بعد كل اللى حصل ده اخاف اسيب مرام لوحدها
مازن / يا تيته متقلقيش مانا هكون معاها و خالو و محمود مش هتكون لوحدها يعنى هو انتى هتخافى عليها و هى معايا
سميحه / عمرى انا والله يابنى صليت استخاره و اديك شايف الوضع
مازن / بصى يا تيته من بكره نبدا فى الاجراءات هو فى احلى من انك تزورى بيت ربنا
سميحه / خلاص يا مازن مدام انت شايف كدا امشى فى الموضوع
.....................................