السكه شمال بقلم / لولو_محمد ( كامله )

الحلقه ٧٤

((((((((((((السكه شمال )))))))
#لولو_محمد
الحلقه الرابعه و السبعون
محمود / عاوزك ترفعى راسى انا مراهن عليكى
مروه / لا باذن الله هشرفك
محمود يبتسم و صمت
مروه / اخبار الكليه ايه
محمود / كويس باذن الله هروح بكره
مروه / علاطول كدا انت محتاج ترتاح
محمود / لا انا بقيت كويس
.........................
مروه / الحمد لله
الست و مديحه يدخلوا
مديحه / اما مروه عامله حته كيكه تسلم ايدك يا ست البنات
مروه تبتسم بخجل مديحه تروح تقعد جنب محمود و تزغده بالراحه و هى مبتسمه يبتسم و يبص الناحيه التانيه عالبرواز
...................................
فى الشركه
صفوت / اولا احب اشكركوا كلكوا على تلبيه الدعوه و انكوا اهتميتوا و جيتوا
واحد / احنا منقدرش نتاخر عليك يا صفوت باشا
صفوت / دا من زوقك يا منير باشا المهم انا فر قرار مهم جدا خدته هو طبعا قرار شخصى بس انتوا بما انكوا شركائى فى المجموعه فليكوا طبعا الحق انكوا تعرفوا
الباب يتفتح و مازن يدخل و وراه مرام
مازن / مساء الخير اسفين عالتاخير
صفوت / اهلا اهلا تعالوا .. طبعا انتوا عارفين مازن
مازن / اهلا
مازن يبص على زياد قاعد لابس بدله يشاورله يمسك ايد مرام و ياخدها و يروحوا يقعدوا
راجل 1/ اهلا مازن شكلك اتغير كتير من اخر مره شوفتك فيها
مازن يبتسم
صفوت / اعرفكوا عالوجه الجديد معانا فى المجموعه مرام نور الدين عروسه مازن
مرام تبتسم بخجل و هى مش فاهمه
راجل 2/ الف مبروك اخيرا لا بس عرفت تنقى
مازن يبتسم
صفوت / انا قررت انى هنقل كل الاسهم بتاعتى باسم مرام
مرام / ايه ؟؟؟
زياد يتعدل فى قاعدته و يبص باستغرب
صفوت / انا شايف ان مرام هى انسب واحده انها تدير الشغل من بعدى
زياد / مبروك
صفوت / مرام هى الاولى على دفعتها و كل الدكاتره فى الكليه بيشكروا فيها و كمان انا هعلمها كل حاجه فى الشغل
مرام / انا اسفه يا خالو بس انا مش شايفه ان ده قرار سليم
صفوت يبتسم
صفوت / دا غير انها هتكون مرات مازن و ام عياله مفيش حد هيكون قلبه عالشغل و المجموعه اكتر منها
مرام / مازن موجود
صفوت / لو كنت اقدر اعتمد على الباشا كنت كتبتله من زمان بس الحاجه الوحيده العدله اللى مازن عملها فى حياته هو ارتباطه بيكى
مازن يدحك و مرام تبصله
مازن / ايه دى حقيقه
مرام / انت هتسكت عادى يعنى
مازن / ايه المشكله يعنى انا موافق جدا على كلامه
مرام / عن اذنكوا
مرام تقوم مازن يقوم وراها
مازن / عن اذنكوا
زياد / ههههههههههههه عن اذنكوا
زياد يقوم وراهم
................................
بره القاعه
مرام / مينفعش مينفعش
مازن / ليه مهو فى الاول و الاخر ليكى
مرام / بعد الشر عنه انا مش عاوزه حاجه باسمى لو سمحت
مازن / هو اللى قرر ده دى فلوسه و شقاه و تعبه هو حر فيها
مرام / ايوه بس انا مش هقدر اشيل مسؤليه زى دى
زياد / مبروك يا مرام فرحتلك اوى
مازن يحضن زياد
زياد / كدا بيتهيالى بابا معدلوش حجه لما قال انك مش قد المقام
زياد يبص لمرام مش طيقاه
زياد / هروح بالليل الجيم متيجى
مازن / هشوف و اقولك
زياد / بقالك ياما مبتجيش و كمان الشله كلها هتبقى هناك و كلنا مفتقدينك هو ايه من لقى احبابه نسى صحابه و لا ايه
مازن / قولتلك هشوف
صفوت يطلع بره
زياد / تمام على تليفون بقى سلام
زياد يدخل جوه
صفوت / فى ايه يا مرام
مرام / انا اسفه يا خالو بس حضرتك
صفوت / دى فلوسى و انا حر فيها و فالاول و الاخر دى هتبقى فلوسك و فلوس عيالك
مازن / قولت كدا وربنا
مرام / حضرتك مش فاهم انا مقدرش اشيل مسؤليه زى دى
صفوت / انتى الوحيده اللى هتحافظى على كل ده انا لو اطول اكتبلك كل قرش عند مازن عشان اربطه بيكى اكتر هعمل كدا
مازن / والله معنديش مانع
مرام / و مين قالك ان ده هيربطنا ببعض وقت الفراق كل الحاجات دى مبيبقالهاش اى قيمه
مازن / مش عند كل الناس
مرام / عندى انا ملهاش اى قيمه انا مش فارق معايا ده بص يا خالو الفلوس دى بتاعه حضرتك و انت اكتر واحد هيحافظ عليها حضرتك حبيت تكتبها باسم مازن او حتى باسم اولادنا فى المستقبل دى حاجه ترجعلك بس انا مش هقدر ارجوك متحملنيش مسؤليه حاجه انا مش قدها ارجوك
صفوت / يا مرام انا بعمل ده
مرام / حضرتك بتعمل ده عشان بابا مازن يقبلنى عشان ابقى قد المقام زى مزياد قال
مازن / هو خانه التعبير
مرام / هى دى الحقيقه تتزوق متتزوقش دى الحقيقه بس انا مش عوزاه يقبلنى عشان معايا فلوس دى اهانه ليا 
صفوت / لا يا مرام انا مش بعمل ده عشان ابراهيم انا بعمل ده عشان انا شايفك اكتر واحده مناسبه
مرام / لو على مازن انا اوعدك انه هيجى الشركه و هيمسك شغله و هيبقى الابن اللى تتباهى بيه قدام الدنيا كلها
صفوت / منغير حاجه بتباهى بيه
مازن يبتسم
مرام / هو انا ممكن امشى
صفوت / اتفضلى يا ست الكل
مرام تبتسم و تمشى و مازن يحضن خاله و يمشى و راها
...............................
فى شقه مديحه فى اوضه محمود
مرام / و ادى يا سيدى المحاضره اللى فاتتك
محمود / شكرا
مازن / مالك انت كويس
محمود يبتسم من تحت الدرس و يبص الناحيه التانيه
مازن / انا همشى بقى عشان متاخرش
مديحه / مانت قاعد يا حبيبى
محمود يبص الناحيه التانيه كانه هيرجع
مازن / معلش مواعد الشباب هنروح الجيم سوا
مرام / لما تروح ابقى كلمنى
مازن / اكيد
سميحه / قومى وصليه يا مرام
محمود / اه يمكن يتوه و لا حاجه
مازن / ههههههههههههه خليكوا مرتاحين انا عارف السكه
مازن يطلع بره و مديحه وراه و معاها مرام
مازن / بقولك يا مرام شوفيلى مفاتيحى جوه كدا شكلى نسيتها
مرام تهز راسها و تدخل
مديحه / ميتهياليش جيت بيها
مازن يطلع الصوره من جيبه و يديها لمديحه
مديحه/ ايه دى
مازن / بصى انا عارف ان مرام و محمود اخوات و متربيين سوا بس مرام دلوقت محجبه مفتكرش ابدا كان يصح انى الاقى دى فاوضته
مديحه / ايه ؟؟ اه دى اصلا كانت قبل ممرام تتحجب و احنا المفروض عنا كل الصور دى
مازن / انا مكنتش بدور انا لقيتها بالصدفه و انا مقولتش لحد عليها بس انا متاكد انك هتلفتى انتباهه بطريقه كويسه
مديحه تبص فى الارض و تهز راسها مرام تطلع من جوه
مرام / مش لقياها خالص
مازن / يمكن نسيتها فى العربيه تعبتك معلش
مديحه تمشى مرام تقرب من مازن
مرام / وزعتنى ليه
مازن يبتسم
مرام / خد بالك من نفسك
مازن / اقعدى زاكرى بقى و خلصى كل المزاكره و ياريت تنامى و ترتاحى عشان حجكك كلها تخلص عندى كلام كتير عاوز اقوله
مرام / كلام ايه
مازن يقرب مديحه تعدى يتعدل 
مازن / طب هكلمك لما اروح ماشى
مرام / ماشى
مازن و مرام يبتسموا لبعض و يمشى و تقفل الباب وراه و تدخل جوه
محمود / يا شيخه دانا كنت نسيتك
مرام / اسكتوا مش هتصدقوا اصلا اللى حصل النهرده
محمود/ معدتش تفرق انا اصلا مش قادر اصدق كل الهبل اللى بيحصل ده
مديحه / بس بقى خير يا مرام فى ايه
مرام / خالو صفوت عاوز يكتبلى كل اسهمه فى المجموعه
مديحه / بتتكلمى جد و بعدين
مرام / رفضت طبعا
سميحه / جدعه
مديحه / انتى بتشجعيها عالخيبه
سميحه / خيبه ؟؟
مديحه / ايوه الراجل عارف ابن اخته كويس بيامن مستقبلك
محمود / و مدام هو ابن كلب كدا هنجوزهاله ليه اصلا و لا هى بيعه و شروه يعنى
مديحه / لا بس دى ايد مازن اللى بتوجعه و كمان الفلوس دى هتعمل لمرام هيبه فوسط اهله
مرام / مش صح مازن الفلوس مبتفرقش معاه
محمود / عشان معاه فلوس لكن لو شحت فايده هتفرق و تفرق اوى
مرام / مش صحيح
محمود / يعنى لو خيروه بينك و بين الفلوس هيختارك ؟؟
مرام / ايوه هيختارنى انا
محمود / جبتى الثقه دى كلها منين
مرام / لان مازن بيحبنى
محمود / و قالها لكام واحده قبلك
مرام / و لا واحده
محمود / هههههههههههههه و صدقتيه متروحى تسالى نيفين مثلا انا متاكد انها هيكون لها راى تانى فى الموضوع
مرام / شكلك تعبان هسيبك ترتاح عن اذنكوا
مرام تمشى
سميحه / ليه كدا يا محمود
محمود / الواد ده ابن كلب و مش هيجى من وراه غير المشاكل انا محدش بيسمعنى بكره تيجى تعيطلك بكره يجرحها و يرميها
سميحه / شكلك فعلا تعبان تصبحى على خير يا مديحه اشوفك الصبح
مديحه / و النبى انا مكسوفه منك
سميحه / متتكسفيش هو برده بيتكلم من خوفه عليها مهى فالاول و الاخر اخته
محمود يبص الناحيه التانيه
سميحه/ تصبحى على خير
سميحه تمشى و مديحه تقفل الباب و تروح تقعد جنب محمود و تطلع الصوره و تقعد تقطعها بالراحه و محمود متابع و ساكت
مديحه / مش ليك و لا كانت و لا هتكون ليك و لا انت فارق معاها اصلا انساها و لو فى صور تانيه زى دى مكمرها هنا و لا هنا انا لو منك اقطعها عشان لو حد تانى لقاها مش هيحصل كويس
مديحه تقوم و محمود يحدف البرواز على اخر دراعه بغل
......................................
فى الجيم
مازن يدخل يسلم على مجموعه شباب
زياد/ ايه خدت الاذن و لا ايه
مازن / دمك خفيف اوى
زياد / مش تباركوا لميزوا يا شباب خطب
شاب 1 / مبروك يا ميزوا ايوه بقى اخيرا
انس / كدا بقى الجو خليلنا خالص
بنت تعدى
انس / متعلوا التكييف ده يا جماعه الدنيا مولعه
مازن يضربه فكتفه
مازن / هتفضحنا
الشباب يضحكوا
زياد / ههههههههههههههههه ياعم سيبه مره من نفسه الا قولى اخبار مرام ايه
مازن / كويسه
مازن يشغل التريد مايل و يبدا يجرى
زياد / بس عجبتنى اوى لما رفضت الفلوس
مازن يبصله و يكمل جرى
زياد / لا حقيقى واحده غيرها كانت ريلت بس تفتكر دا كان امتحان من صفوت بيه
انس / بتتكلموا فى ايه
زياد / صفوت بيه خال ميزو قرر يكتب كل حاجه باسم مرام
انس / نعم ؟؟؟
زياد / بس مرام رفضت
انس / الحمد لله هو خالك ده ايه حكايته كارهك كدا ليه يابنى
مازن يحط الهيد فون فودانه و يجرى زياد يشدها
زياد / بنكلمك يابنى
مازن / اتكلموا فى حاجه مفيده ممكن
انس / هو فى اهم من كدا دى فلوسك
مازن / و هى يعنى لو راحت لمرام هتبقى فلوس الجيران مهى هتبقى مراتى
انس/ انت جد فالموضوع ده
مازن / اللى بيلعب مبيتجوزش يا انس
انس / هتتنازل عن حريتك و عيشتك بالبساطه دى دانت الملك
مازن / ياعم  و دى كانت عيشه
زياد / هههههههههههههههههههه البت تستاهل برده يا انس
مازن / هو انتوا جايين تتمرنوا و لا ترغوا
انس / لا نتمرن على العموم كلو مصلحه اعتزال مازن هيسيب الساحه فاضيه و الحياه هتحلو
زياد / صحيح يا مازن مش هتسالنى كنت بعمل ايه فى الشركه
مازن / بما ان بابا مجاش و كل المساهمين كانوا موجودين فانت كنت مكانه
زياد / و دا ملفتش نظرك لاى حاجه
مازن / لا
زياد / باباك مسكنى كل شغل المجموعه بتاعته فى مصر مع الكليه
انس / ايوه بقى دى عماله تحلو و تحلو مفيش حاجه لاخوك
زياد / ايه يا مازن رايك على فكره انا قولتله انك اولى منى بالحوار ده بس هو زعلان منك اوى
مازن / لا بالعكس انا اللى قولتله انك احسن منى و قولتله يعلمك الشغل كله عشان تمسكه من بعده
انس / ايه ده امال انت هتعمل ايه زياد يمسك شغل ابوك و مرام تمسك شغل خالك و انت ايه بقى
مازن / و انا هربى العيال ههههههههههههههههه
زياد / انت بجد مش فارق معاك و لا بتعمل كدا عشان مدايقش
مازن ينزل من عالتريد مايل
مازن / لا مش زعلان بالعكس انا فرحانلك جدا و لو عوزت اى حاجه انت عارف انى عمرى مهتاخر عنك و فعلا انت انسب واحد يمسك شغل بابا و متاكد انك هترفع راسه و تشرفه
زياد / بس دى فلوسك
مازن / و انا و انت ايه
زياد / حبيبى يا ميزو
مازن يروح ينام على بنش و يتمرن حديد تيجى بنت تتمرن على جهاز جنبه
البنت / عاش مازن
مازن يبتسم و ميردش و يكمل تقوم من عالجهاز و تروح تقف جنبه و تعدى ايدها على بطنه يقوم يقعد
البنت / انت مخاصمنى و لا ايه
زياد من بعيد / معلش اصله خاطب
مازن يسيب المكان و يمشى
انس / ههههههههههههههههه ايه يا عم محدش هيفتن عليك
زياد / هههههههههههههههه سيبه سيبه من خاف سلم
.....................................
فى شقه مرام
مرام قاعده بتزاكر عالترابيزه
سميحه / انتى مش هتنامى بقى و لا ايه
مرام / هخلص الجزء ده و انام
سميحه / الجزء ده برده ماشى على العموم انا هنام ابقى سلميلى عليه
مرام / هو مين
سميحه / الجزء ياختى
مرام / ماشى يا تيته ماشى خليكى فاكره
سميحه / هههههههههههههه تصبحى على خير
مرام / و انتى من اهله
تليفونها يرن
سميحه / يا عينى عالجزء و حلاوه الجزء
مرام تدحك و ترد
مرام / الو
مازن / وحشتينى
مرام / خلصت بدرى يعنى
مازن / افتحى النت
مرام / لا مش هتكلم فيديو انا
مازن / لا بس هنزل لايف عالفيس عاوزك تشوفيه
مرام / ليه يعنى
مازن / يلا بقى متبقيش غلسه
مرام / على فكره انا بزاكر و مش فاضيه
سميحه من جوه / يا عينى عالتقل و حلاوه التقل
مرام / عيب بقى يا تيته
سميحه / نمت خلاص
مرام / كويس ... نعم
مازن / افتحى الفيس
مرام / حاضر خلاص اما نشوف اخرتها سلام
مرام تقفل الكتاب و تفتح الفيس و تقعد حاطه ايدها على خدها يجيلها نوتيفيكاشن مازن لايف
مازن / هاى شباب تحياتى ليكوا و لكل الناس اللى هيجوا كمان شويه اولا انا بعتزر جدا عن اللايف ده ارجوكوا سمحونى عالجريمه اللى هعملها فحقكوا بس بعملها لهدف نبيل انا جاى اغنى
مرام تدحك
مازن / بغض النظر عن جنون الفكره بس هى جت كدا بقى انا عاوز اغنى و عاوز اهديها لخطيبتى و اللى هيبقى معاها مليون حق انها تخلع و تسيبنى و الحقيقه عازرك هههههههههههههه احم احم استر يارب احم و ادى موسيقى عشان ندخل فى المود
مازن يشغل موسيقى
مازن / و انا بين ايديك تهت فمكانى و نسيت معاك عمرى و زمانى و الوقت فات وياك ثوانى قربنى ليك سبنى اعيش احساسي بيك بتحدى العالم كله و انا ويااااك و بقول للدنيا بحالها ان انا بهوااااك و انت حبيبى و قلبى و روحى معاك قربنى ليك سبنى اعيش احساس هواك بتحدى العالم كله و انا وياك و بقول للدنيا بحالها ان انا بهواك و ان انت حبيبى و قلبى و روحى معاااااك قربنى ليك سبنى اعيش احساس هواااااك ... سورى نشزت هههههههههههه لا بس هكمل برده الجزء الجاى مهم انا عشقى ليك عشق القمر للنجمه و الليل و السهر انا شوقى ليك فوق الخيال فوق احتمال كل البشر انا عشقى ليك عشق القمر للنجمه و الليل و السهر انا شوقى ليك فوق الخيال فوق احتمال كل البشر  من يوم لقااااك حلوه الحياه بتحدى العالم كله و انا ويااااااك و بقول للدنيا بحالها ان انا بهواك و ان انت حبيبى وقلبى و روحى معاك قربنى ليك سبنى اعيش احساس هواك ... اتحدى بيك كل الوجود وياك اكون او لا اكون انا مش هعيش منغير هواك انا قلبى عاشق للجنون ... هو فى جنون اكتر من كدا انا اسف جدا والله استحملونى ... من يوم لقااااك حلوه الحياااااه بتحدى العالم كله و انا وياااااك و بقول للدنيا بحالها ان انا بهواااااااك و ان انت حبيبى و قلبى و روحى معااااك قربنى ليك سبنى اعيش احساس هوااااك ...انا اسف اقسم بالله ههههههههههههههههه محدش يعملى بلوك خلاص مفيش غنا بس انا الدبله مديقانى اوى فالصابع ده ممكن يعنى لو مفيش مانع انقلها فى الصابع ده
مازن يقلع الدبله من ايده اليمين و يلبسها فى ايده الشمال
مازن / يلا سلام اشوفكوا اللايف الجاى
تليفون مرام يتعمله نوتيفيكاشنات كتير ورا بعض تبص معمولها منشن كل شويه حد جديد يعمل منشن من دفعتهم تليفونها يرن مش عارفه ترد ووشها احمر و بعدين ترد
.............................