السكه شمال بقلم / لولو_محمد ( كامله )

الحلقه ١٦٤

((((((السكة شمال ))))))))))))))))
#لولو_محمد
الحلقه 164
شريف / انا عارف قول لنفسك قلبتها دراما و الواحد بقى اسامه منير فى نفسه عمال يقول كلام كبير متعرفش جاى منين
مازن / ههههههههههههههههه
شريف / متروحلها
مازن / اروح لمين ؟؟ اروح دلوقت ؟؟
شريف / اه دلوقت روح خبط عالباب مرام هتفتحلك تقولك ايه ده انت جيت شهقه يا مجنون بتعمل ايه هنا هيهيهيهي تقوم تيتيه سميحه صاحيه ايه ده مازن فى ايه يا حبيبى عاوز حاجه تقوم انت قايلها انا اسف يا تيته بس مرام وحشتنى شويه قولت اجى اطمن عليها تقوم مرام تتكسف ووشها يحمر و تلاقى عنيها اتحولت قلوب و فى فراشات بتطير حواليها و تنزل ستاره النهايه و الجمهور يسقف و اتعشت على كدا ... بتبصلى كدا ليه
مازن / انا عاوز بق مالبتاع اللى موصلينهولك ده شكله بيعمل دماغ حلوه اوى
شريف / مش كدا برضه ههههههههههههههههههههههههه
مازن / ههههههههههههههههههههههههههههه
........................
فى شقه مرام
باب الشقه يتفتح بالراحه و مازن يدخل راسه بشويش و شايل كيسه و يبص يمين شمال مفيش صوت يدخل و يقفل الباب وراه بالراحه و يروح يفتح الاوضه بالراحه يلاقى سميحه نايمه و مرام مش موجوده يستغرب و يسمع صوت فتح باب الحمام يقفل الباب على سميحه و يروح ناحيه الحمام مفيش حد يدخل المطبخ يلاقى مرام لابسه كاش بتنجانى قصير و رابطه شعرها بفوطه و بتحط حله عالبوتجاز مازن يتسحب و يحضنها من ضهرها ترجع راسها و تديله بالدماغ و تسحب السكينه من عالرخامه و تلفله تلاقي مازن ساند عالحيطه و مناخيره بتجيب دم ترمى السكينه و تجرى عليه
مرام / حبيبى انت كويس حقك عليا والله مكان قاصدى مكنتش اعرف انه انت حقك عليا يا قلبى حقك عليا
مرام تنزل فيه ضرب بالكفوف على جسمه و هو منكمش فى نفسه لحد مينزل يقعد فى الارض تنزل تقعد جنبه
مرام / اه يا جزمه يا متخلف كدا تفزعنى كدا قلبى وقع فى رجلى يا بتاع انت حرام عليك يا اخى
مازن / منك لله يا شريف عليك و على شورتك السوده قتلتى الرومانسيه فى مقتل يا شيخه
مرام / عليك و على رومانسيتك فى حد يعمل كدا تفزعنى كدا انا اش عرفنى انه انت يعنى
مازن / لا ما شاء الله عليكى ياختى قلب خسايه اتفزعتى دانا اللى معدتش نافع بصى كدا وشى باظ و لا وضعه ايه
مرام / وسع كدا ورينى
مرام تبص على مناخيره و تقوم تجيب بكره مناديل المطبخ و ترجع تقعد على ركبها قدامه تانى
مازن / و يقولك جنس ناعم قال
مرام / مش عجباك انا هاه مش عجباك
مرام تضغط بالمنديل جامد على مناخيره
مازن / دا ايه تعذيب كفار قريش ده بالراحه
مرام / متنشف ياله مالك طرى كدا ليه خلينى اكتم الدم
مازن / بكاشك ده
مرام تبص على نفسها و تطلع تجرى على الاوضه و تقفل الباب سميحه تصحى
سميحه / فى ايه يا مرام
مرام / مفيش حاجه يا تيته مازن جه بره فهشوف حاجه اللبسها عشان افتحله
سميحه تبص فى المنبه جنبها
سميحه / دلوقت
مرام / هقوله يمشى يعنى
سميحه / لا طبعا بيته و مطرحه اقوم اشوفه يكون عاوز حاجه
مرام / لا يا تيته خليكى ارتاحى انتى انا هشوفه
سميحه / طيب طيب
مرام تطلع بجامه و تلبسها و تطلع مالاوضه تلاقى مازن خارج مالحمام تروحله و هى كيوته
مرام / عامل ايه
مازن / نعم
مرام / انت عامل ايه الدم وقف
مازن / مين حضرتك
مرام / متبطل رخامه بقى الله
مازن / لا مهو من جهه هبطل فانا هبطل العمر مش بعزقه
مرام / يا سلام يعنى احنا لوحدينا فى البيت و انا خارجه مالحمام الاقى راجل بيحضنى اسيبه
مازن / تقطعى امه
مرام / طب والله العظيم اتفزعت فزعه جامده اوى
مازن / اخص عليا
مرام / مناخيرك ورمت هروح اجيبلك كيس لحمه مالفريزر تحطه عليها عشان تخف
مرام تدخل المطبخ يدخل وراها تفتح الفريزر و تطلع كيس لحمه ياخده و يحطه على مناخيره
مرام / بس ايه المفاجاه الحلوه دى ... يا لهوى انت سبت شريف لوحده فى المستشفى
مازن / هو اللى صمم طول عمره بيعزنى ابن الايه قالى هتتفاجئ بس انا الغلطان برده مكنش المفروض اهزر مع الاسد
مرام / هههههههههههههههههه مخلاص بقى
مازن / بس سيبك انتى تستاهل والله
مرام / هى ايه دى اللى تستاهل
مازن / العلقه تستاهل انما ايه الكاشات الجامده دى مكنش معاكى فى الفيلا ده
مرام / جديد حلو عليا
مازن / و هو فى حاجه فى الدنيا وحشه عليكى بس الحمد لله انك غيرتيه كدا ارحم شويه
مرام / ههههههههههههههههههههه وحشتنى خفه دمك اوى
مازن / معرفتش انام فى المستشفى بعتنا جبنا حراسه على باب اوضه شريف و صمم انى اجىلك قالى انى مش هعرف انام فى حته تانيه غير هنا قولت اجى
مرام / انا كمان مش عارفه انام خالص حتى قمت خدت دش مايه دافيه قلت يمكن جسمى يحل و انام
مازن / طب هنعمل ايه
مرام / امممم هنام هنعمل ايه يعنى
مازن / ايوه بس فين
مرام / هنشيل الترابيزه دى نركنها فى جنب و نفرش فى الارض و اجيب مخدات و ننام فى الصاله سوا استنى تعال
مرام تروح تمسك طرف الترابيزه مازن يسيب كيس اللحمه عالعسكرى و يروح يرفع قدامها و يحطوها فى جنب مرام تدخل الاوضه تفتح الدولاب و تطلع بطانيه ملفوفه فى ملايه تشيلها و تطلعها بره و تدخل تانى تجيب لحاف قطن من بتاع زمان ملفوف فى ملايه تانيه
سميحه / فى ايه يا مرام
مرام / بفرش لمازن يا تيته متاخديش فى بالك نامى انتى و ارتاحى
سميحه / طب خدى ملايه نضيفه و خداديه من الدولاب
مرام / هعمل كدا
مرام تطلع بره تلاقى مازن فرد البطانيه عالسجاده تحط اللحاف فوقيها
مرام / و لا اجدعها سرير ثوانى و جايه
مرام تدخل جوه تجيب كوفرته و ملايه و مخده و خداديه و تطلع تفرد مع مازن الملايه
مرام / انا جبت خداديتى معايا دا لو مكنش يدايقك يعنى 
مازن / ههههههههههههههه و انا جبت بجامتى معايا ان مكنش يدايقك يعنى
مرام / خش غير فى الحمام و هات دول اما اغسلهم عالصبح يكونو نضفوا مالدم
مازن يهز راسه و يدخل المطبخ يلاقى الكيس فى الارض ياخده و هو بيدحك و يدخل يغير فى الحمام مرام تدخل تروق المطبخ و تطلع برام بشاميل من التلاجه ترش على وشه شويه مايه و تحطه فى الفرن يسخن مازن يدخل عليها لابس بجامه بنطلون و تيشيرت نص
مازن / بتعملى ايه
مرام / بسخنلك مكرونه تتعشى
مازن / لا الوقت متاخر هتتعبنى
مرام تطلعها من الفرن
مازن / بس ممكن ادوق يعنى
مرام / هههههههههههههههههههه
مرام تناوله شوكه
مازن / امممممم بحلاوه اللى عملاها
مازن ياخد شوكه تانيه و يحطها على بق مرام تاكل و هى مبتسمه تروح تجيب شوكه و تاكل معاه و يطلعوا الصاله مازن ينام و مرام تدخل الحمام تحط الهدوم فى الغساله و تدورها و تروح تنام فى حضنه
مرام / انا فرحانه اوى انك هنا
مازن / و انا كمان
مرام تشبك صوابيعها فى صوابع مازن و يبصوا لبعض
مرام / خليك هنا معايا علاطول خليك جنبى
مازن / هنعيش هنا؟؟
مرام / عشان الارض يعنى على فكره
مازن / لا لا لا مقصدش انا اقصد لما يبقى ربنا موسعها علينا ليه نزنقها
مرام تلزق فيه اوى يدحك
مرام / و هى الزنقه وحشه
مازن / اتلمى يا بت هتودينا فى داهيه
مرام / هههههههههههههه انت مين و عملت ايه فجوزى قليل الادب
مازن / ههههههههههههههه تيته هتصحى كدا
مرام / تصحى انا عاوزه الدنيا كلها تصحى انا عاوزه اصرخ بعلو صوتى و اقول للدنيا كلها انى فرحانه حبيبى جنبى انا فرحانه
مرام تقوم تقعد مازن يشدها لحضنه تانى
مازن / هههههههههههههههههههه تعالى هنا
مرام / بتحبنى ؟
مازن / بعشقك
مرام / ايوه بقى
مازن / بتحبينى
مرام / بعيش بيك
مازن / قلبى يا ناس
مرام / شوفت مرضتش اقول بموت فيك عشان بتدايق قولت بعيش فيك و كدا ايه رايك فيا بقى
مازن / هههههههههههههههههه عسل فكرتينى بمحمد هنيدى فعندليب الدقى لما كان بيشرحلهم المقامات و هو بيغنى
مرام / انا احلى
مازن / ههههههههههههههههههههه طبعا
مرام / تعرف انا فرحانه اوى انا حاسه ان مش عارفه اثبت فى مكانى عاوزه اقوم و اتنطت و ارقص و اجرى و ادحك و اهزر و اصرخ انا فرحانه اوى تعرف انا عامله زى اللى شاربه حشيش انت شربت حشيش قبل كدا
مازن / هههههههههههههههههه و لا حتى سجاره
مرام / و لا كان نفسك تجرب
مازن / لا انا رياضى قولتلك السجاره دى هتخسرنى كتير و انتى جربتى قبل كدا
مرام / كان نفسى زمان لما كنت بشوف مثلا ناديه لطفى و هى مسيبه شعرها و لابسه الفستان القصير و قاعده حاطه رجل على رجل و لابسه الكعب كدا و بتشرب السيجاره كان نفسى ابقى حلوه زيها كدا جميله اوى ناديه لطفى بس عمرى ماتجرات اعملها على فكره
مازن / ليه
مرام / خفت .. خفت اجرب معرفش ابطل خفت تيته تزعل خفت
مازن / على فكره بالنسبالى انتى احلى من مليون ناديه لطفى
مرام / بحب عنيك اللى بتشوفنى حلوه دى
مرام تحط راسها على صدر مازن و تحضنه اوى و مازن مبتسم
مازن / مش عاوز ابوظ اللحظه دى بس انا مش مظبوط
مرام تقوم تقعد و تبصله
مازن / انا مخنوق و تعبان انا مش انا
مرام / واخده بالى بس قولى اعمل ايه اكتر من كدا عشان افكك و ابسطك قولى و الله هعمل اى كان اللى هيبسطك هعمل
مازن / كفايا انى اشوف دحكتك الحلوه دى
مرام دحكتها مالودن للودن بخجل و مازن بيبصلها و سعيد
مازن / بس انا سايب شريف لوحده فى المستشفى ايوه هو اللى صمم انى اجى بس دا عشان هو جدع لكن انا ايه
مرام / عاوز تروحله
مازن / مرام انا جيت عشان انا بحبك عشان انتى فى التليفون حسستينى انك مش واثقه فى حبى ده عشان انا عارف انى خنت ثقتك فيا
مرام / مش صحيح
مازن يبصلها
مرام / انت مخنتش ثقتى فيك و لا ثانيه انا كنت عارفه انك هترجع انا حلمت بيك بتراضينى انا بس مكنتش قادره استنى تيجى مكنتش قادره ابعد عنك و لو حتى لحظه فكره انك مش فحياتى مش مقبوله انا معرفش انت عملت فيا ايه و لا عملت كدا ازاى بس اى كان انا سعيده انك عملته اعمل كمان قرب منى اكتر املكنى اكتر انا مش عاوزه اكتر من كدا
مازن يعدى ايده بالراحه على خده تمسكها و تبوسها من كفه
مرام / انا عارفه انك تعبان اللى حصل مكنش سهل على اى حد فينا و لو انا محستش بيك مين هيحس مين هيقدر تعبك و ضعفك مين
مازن / ربنا يخليكى ليا و ميحرمنيش منك
مرام / و يخليك ليا اقولك حاجه
مازن / قولى
مرام / انا مكنتش زعلانه انك هتسبنى على قد مكنت زعلانه انك هتسيب مصر هنا حتى لو سبتنى ممكن اشوفك لما توحشنى هجيلك ابص عليك من بعيد و اشوفك صحيح مش هقدر اترمى فحضنك و اشتكيلك وجعى بس على الاقل هشوفك
مرام تعيط مازن ياخدها فى حضنه
مرام / اوعى تعمل كدا تانى اوعى تسبنى تانى اوعى حتى تفكر فيها لو بتحبنى لو ليا ذره غلاوه عندك اوى تبعد عنى و لا لحظه واحده
مازن / حقك عليا حقك عليا عمرى مهعمل كدا تانى حقك عليا سامحينى
مرام تمسح دموعها و تبتسم
مرام / احنا هنقلبها نكد و لا ايه لا انا فرحانه و مش هسمح لاى حاجه تضيع الفرحه دى خلاص اللى فات مات و احنا ولاد النهرده و انت هنا جنبى خلاص مش هنتكلم فى اى حاجه تانيه خلينا نتكلم فى الحاجات اللى بتفرحنا و بس خلينا نحب فى بعض نحضن بعض خلينا ننام خلينا ننام فى حضن بعض
مازن ياخد مرام فى حضنه و يناموا تانى
مرام / انا بحبك يا مازن
مازن / و انا بحبك يا مرام
مرام / مازن لو تحب انا ممكن عادى اجى معاك من بكره شقتك عادى انا الفرح و الفستان و الحاجات دى معدتش تفرق معايا المهم نبقى سوا
مازن / يفرقوا معايا انا يا مرام يفرقوا اوى معايا مش بعد معشمتك بفرح و لا فى الاحلام مش بعد موعدتك
مرام / مش فارق معايا والله معدش يفرق معايا
مازن / فارق معايا قولتلك فارق معايا النظره اللى هشوفها فعنيكى فكل فرح هتشوفيه بكره بعده حتى لو بعد مليون سنه هيجى يوم و هيبقى نفسك تبقى زى كل البنات انتى مش اقل منهم انتى احسن منهم كلهم مينفعش تبصى لحد
مرام / تفتكر شكلى هيبقى عامل ازاى بعد مليون سنه
مازن / ههههههههههههههههههههه نامى يا مرام نامى
مرام تحضن مازن اوى يبوس راسها و يحضنها و يناموا و هما مبتسمين
...........................
فى المستشفى عند لبنى
زياد / صباح الخير يا قلبى صباح الخير يا طنط ازيك
ميار / الحمد لله انك جيت يا زياد انا ورايا مشوار مهم اوى و مش هقدر اسيبها لوحدها
زياد / لا متقلقيش عليها انا هفضل جنبها لحد مترجعى بالسلامه
ميار / ميرسى يا حبيبى عن اذنكوا
ميار تمشى و زياد يروح يقعد جنب لبنى
زياد / عامله ايه دلوقت
لبنى / احسن كتير كنت لسه بتكلم مع ماما انهم يكتبولى خروج بقى
زياد / استنى اما اطمن عليكى الاول بصى انا جبتلك ايه
زياد يطلع شنطه هدايه و يديها للبنى
زياد / روحت لمحل و جبتلك احلى و اغلى طرح عندهم قولت للبنت عاوز افخم حاجه لحبيبتى
لبنى تبصله
زياد / اى كان قرارك اى كان اللى هيريحك انا معاكى فيه حتى لو قولتى انك هتتنقبى انا معاكى فيه
لبنى / لا مش للدرجادى
زياد / و عديت كمان على اتيليه محجبات و جبتلك منهم احدث الكاتولوجات قولت قلبى طول عمرها عالموضه و انا اكيد مش هسمح لاى حاجه تغير الموضوع ده و لو تحبى تسافرى تركيا تعملى شوبينج قبل باريس انا معنديش مانع
لبنى / زياد
زياد / قلب زياد
لبنى / انا مش عاوزه اتقل عليك زياد انا مش عاوزه احس انى .. زياد احنا سبنا بعض
زياد / بس انا مش هقدر اسيبك يا لبنى خلينى متمسك بيكى صدقينى هنرجع لفى الدنيا كلها يا لبنى لفيها من شرقها لغربها صدقينى هنرجع لانك عمرك مهتلاقى اللى يحبك قدى و بعدين دى مرحله و هتعدى جت لمازن و جتلك قبل كدا هتعدى خليها زكرى حلوه ادلعى انبسطى متشيليش هم اى حاجه يا لبنى
لبنى تبتسم زياد يمسك ايدها تسحبها
زياد / ليه القسوه دى
لبنى / قولتلك هتحجب خلاص يا زياد معدش ينفع
زياد / و ماله اصبر شويه هى صعبه بس استحمل عشانك استحمل اى حاجه
لبنى / ليه
زياد / هو ايه اللى ليه
لبنى / تستحمل ليه انا سبتك متمسك بيا ليه بتعمل كل ده ليه
زياد / بحبك بعمل كل ده عشان بحبك عشان بحبك و لا عمرى حبيت و لا هحب غيرك يا لبنى
لبنى / ليه
زياد / هو الحب فيه ليه هو كدا شوفتك عشقتك نصيبى كدا نصيبى اللى بحبه و بحلم بيه
لبنى تبتسم
زياد / مقولتلكيش بقى فطرتى كويس انتى تعبانه و لازم تتغذى كويس انا مش هستحمل اشوفك تعبانه كدا تانى لازم تاخدى بالك من نفسك شويه تمام
لبنى / تمام
..................................
فى شقه سميحه
سميحه تفتح الباب تلاقى مازن و مرام نايمين عالارض فى الصاله تتسحب و تقفل الستاره و تضلم المكان و تحط الطرحه على راسها و تطلع بره الشقه و تقفل الباب بالراحه و هى خارجه و تروح عند مديحه تلاقى محمود بيفتح الباب
محمود / صباح الخير يا تيته لسه كنت جاى اخبط عليكوا
سميحه / الحمد لله انى سبقتك بقولك يا محمود
محمود / اؤمرى يا تيته
سميحه / متعرفش حد بيبع كنب من اللى بيتفتح سرير و ياخد بدالها الكنبه بتاعتى القديمه دى
محمود / لا معرفش بس اسالك
سميحه / عاوزه واحده النهرده ضرورى و مش مهم الفلوس من الف لعشره المهم تكون كويسه و مريحه
محمود / حاضر بس اشمعن
سميحه / امك صاحيه و لا نايمه
محمود / لا امى صاحيه بتحضر الفطار جوه بس انا لازم انزل عشان ورايا مليون حاجه النهرده
سميحه / ربنا معاك يا قلبى بس بالله عليك تشوفلى حوار الكنبه النهرده النهرده يا محمود تكون عندى
محمود / اول حاجه يا تيته متقلقيش انتى بس
سميحه تطبطب على محمود و تدخل و هو ينزل
..........................
فى المستشفى عند شريف
شريف ممدد عالسرير بياكل محمود يدخل
محمود / صباح الخير عامل ايه دلوقت
شريف / احسن كتير الحمد لله قولى ايه الاخبار
محمود / انا جيت مالبيت على هنا قولى انت ايه الاخبار
شريف / مفيش لسه الواد اياه معترفش مين اللى وراه و بدات اقلق لانهم قالولى انه مصمم انها كانت سرقه بالاكراه بس هو مسرقش منى حاجه و اكيد محدش بيسرق فمكان مكشوف كدا غير كدا الحمد لله الناس بتوعنا جمعوا كميه معتبره من الاسهم
محمود / بقولك متعرفش حد بيبيع كنب بيتفتح سرير تيته عاوزه واحده بتتفتح سرير النهرده ضارورى
شريف يبتسم
شريف / اعرف هخليهم يبعتوا واحده كويسه
محمود / انت تليفونك ده ثروه يابنى صحيح معرفه الناس كنوز
شريف / هههههههههههههههههه بكره يوم بعد يوم هتلاقى نفسك بتجمع نمر زيي كدا و تعرف كل واحد تستخدمه امتى و هتلاقى انت كمان رقمك عند الناس كلها و ربنا يقدرك على طلباتهم بقى مانت لازم تفهم ان العلاقات دى لازم تبقى رايح جاى عشان لما تحتاجلهم تلاقيهم
محمود / على رايك محدش بيعمل حاجه لوجه الله ... صحيح انا عديت عالدكتور و قالى انه هيبص عليك و يكتبلك خروج لو عاوز رايي كلم اهلك يابنى و مهدلهم اللى حصل عشان متدخلش عليهم كدا تفزعهم
شريف / و مين قالك انى هروح على تيته انا هروح على شقه مازن
محمود / شريف ... متاخذنيش يا خويا بس انت كدا غلطان الواحد ملوش الا اهله هما اللى يسندوك فوقت زى ده و بعدين مهما كدا كدا هيعرفوا
شريف / انت متعرفهمش يا محمود هيقعدوا يعيطوا و يولولو جنبى و بعدين انا امى عيانه مش هتستحمل منظرى داخل عليها متسند هستنى لما اقف على رجلى و ادخل عليها واقف و بعدين احكى الموضوع
محمود / انت ادرى بيهم طبعا امال مازن فين
شريف / انت مشوفتوش دا عندكوا من امبارح امال تيته عاوزه الكنبه ليه
محمود / لا مشوفتوش اصل تيته مبتقولش حاجه عكس امى كل اللى جواها بره كدا فى اى حته و لاى حد لما مقولكش ساعات بيبقى هاين عليا اولع فى نفسى
شريف / امك ست طيبه و بتحبك عاشت عليك
محمود / عارف والله و انا بحبها و مليش غيرها بس الكلام ده كان ينفع لما كانت حياتنا بسيطه زمان لكن دلوقت ... الحاره مليانه نسوان لتاته بيقعدوا كل يوم يتجمعوا و يجيبوا فى سيره اللى رايح و اللى جاى و من يوم ممرام اتخطبت لمازن و احنا بقينا فرخه بكشك قال يعنى جواز مرام هيخلينا نغرف فلوس و نديهم و انا مش عاوز امى تدخل فى السكه دى و كمان خايف تكون واحده منهم مدسوسه كدا و لا كدا عشان تعرف اخبارنا و انت عارف الستات ميتوصوش ميتبلش فى بقهم فوله
شريف / اه بس انت راجل و بيتبل عادى اتعلم بقى ايه اللى يتقال و ايه اللى ميتقالش و افصل البيت عن الشغل بص كل ده عادى فى الاول واحده واحده هتتعلم كل حاجه و هتلاقى الوضع اتسستم معاك
محمود / يارب .... اسعد كلمنى امبارح بيقولى يسيب الشغل هو كمان زينا و بيسال فى ايه قولتله يخليه هناك و يشتغل عادى مدام محدش كلمه و ملوش دعوه بحاجه اهو يبقى لينا عين هناك نعرف بيتكلموا فى ايه بيعملوا ايه
شريف / هههههههههههههههههههه فكره حلوه برده
محمود / و مالك بتقولها كدا يعنى
شريف / اصلى اكيد مش هسيب الشركه من غير ميبقى ليا عين و اتنين فيها يعنى
محمود / طبعا طبعا انت ايه مبتنساش حاجه كدا
شريف/ لا بنسى تصدق نسيت اخد الحبايه اللى قبل الاكل اخدها دلوقت بقى و لا اعمل ايه
محمود / مش عارف
.....................................
فى شقه سميحه
مازن يفتح عينه يلاقى مرام نايمه جنبه و بتبص عليه و مبتسمه يبتسم
مرام / صباح الخير ايه النوم دا كلو
مازن / صباح النور هو احنا امتى
…………………….