السكه شمال بقلم / لولو_محمد ( كامله )

الجزء التاسع

(((((((((((السكة شمال ))))))
#لولو_محمد
الحلقه التاسعه
مازن / انت كويس
زياد / هبقي كويس انت عامل ايه
مازن / مدايق
زياد / و هتقولي انك زعلان منى و لا هتروح لنورا تشتكيلها مني
مازن / مش ده اللي حصل
زياد / لسه زعلان
مازن / لا
زياد / طب يلا نخرج
............................
مازن / لا انا راجع تعبان مالطريق و هروح الكليه الصبح
زياد / محدش فينا رايح الكليه بكره هتتملي كلاب بتهوهو عاللي حصل
مازن / يبقي لازم حد يخرسها
زياد / براحتك انا خارج
زياد يجي يمشي مازن يمسك ايده
مازن / انا و انت اخوات
زياد / و الباقي علاقات 
مازن يحضن زياد
مازن / انا اسف اني اتكلمت مع نورا فحاجه تخصنا
زياد / و انا اسف اني زعلتك مالاول بس انت عارف ان يهمني مصلحتك
مازن / عارف
زياد / اطلع ارتاح و انا هخرج بقي
مازن / ماشي
مازن يطلع فوق و يترمي عالسرير
//////////////////
مازن / الكلاب هتبقي كتير هههههههه بيفكر فالكلاب الاهبل و ناسي الديناصور الكبير اللي مستنيني والله اعلم هيعمل اية لما يشوفني بكره بس لازم اروحلها لازم اعرف كانت عوزاني ليه ... ايه الاوفر ده ماكلمها فالتليفون و اخلص  ..... لا طبعا فالظروف دي وش لوش احسن علي الاقل لما تمسح بيا الارض متقفلش السكه هههههههه.... ياتري كانت عوزاني ليه .... كانت بتبصلي امبارح فالسكشن و كانت لطيفه جدا و هي بتكلمني ....... لا دا اكيد السكون اللذي يسبق العاصفه ......مالك يا مازن متنشف كدا دي حته بت ......بس مش اي بت تسلم الايد اللي لطشت والله كان نفسي اكون موجود هههههه.... مبسوط اوي بكره التاني هيرن علي خدك انت
//////////////////
تليفون مازن يرن يتخض و يرد
مازن / الو
انس/ ايه يا عم مخاصمنا و لا ايه
مازن  / و انا اقدر يا شله الفساد و الفشل
انس / حبيبي البت يسري بتاعه عين شمس هنا فاكرها
مازن / اووووووف يخربيت الغرا
انس / بتسال عليك
مازن / لو اديتها رقمي هقتلك
انس / ههههههههه تدفع كام
مازن / متعدل يلا
انس / بصراحه عاوز الياخت بتاعك يومين
مازن / ههههههههه ماشي عاوزه امتي
انس /دلوقت لو ينفع
مازن / ينفع هو يغلي عليك
انس / حبيبي يا ميزو سلام
مازن / سلام ... الجزمه قفل قبل مقوله سلام
التليفون يرن تاني
مازن / احلي رنه دي و لا ايه
صوت بنت / وحشتني جداااااااا
مازن / انتى اكتر هتيجي امتي
البنت / الاسبوع الجاي
مازن / بدرى كدا
البنت / اقعد لو عاوز اصلا هاجي اسبوع واحد بس
مازن / تنوري
البنت / اخبار المزز ايه هخلي كام واحده تغير المرادي
مازن / ههههههههههههههههه اخبار بابا ايه
البنت / معرفش لسه مرجعش من روسيا وماما هتسافرله و انا قولت انزل مصر احسن
مازن / احسن والله
البنت / فيك حاجه متغيره
مازن / شويه مشاكل كدا بس نستها لما سمعت صوتك
البنت / قولت الكلام ده لكام واحده قبلي
مازن / ههههههههههههههههه مش فاكر بس هقولك بحبك عمري مقولتها لغيرك تنفع
البنت / امممممم تنفع
مازن / يا شيخه
البنت / هههههههههه امال زيزو فين اتصلت عليه كتير مبيردش قولت تلاقيه مشغول مع العقربه بتاعته
مازن / لا متخانقين
االبنت / عمري مصدق تلاقيها حركه هو انا مش عرفاها
مازن / انسيهم
البنت / بدايق اوي منه مش عارفه ازاي لاغي شخصيته كدا ازاي سامحلها تستغله كدا و لا ماما بجد هموت بتحبها اوي
مازن / بتحبها عشان زيزو بيحبها زي بالظبط مهتحب تعيس الحظ اللي هتحبيه
البنت / اخرس هو يطول ابصله
مازن / لا ميطولش و لازم يفهم انها مش سهله هو اي حد كدا ياخد اختي و يمشي
البنت / هههههههههههههههههه و ما القلب الا للحبيب الاولي
مازن / ايوه انا يعني
البنت / اووف لازم اقفل خارجه اعمل شوبينج مع صحابي و شكلهم وصلوا تحت
مازن / هاف فن
البنت / سلام
البنت تقفل و مازن يرمي الموبايل جنبه و ينام مبسوط
.........................
تاني يوم فالكليه
مرام قاعده فالمدرج و محمود جنبها بيبص يمين و شمال كل اتنين بيبصولهم و يتودودوا و فجاه الكل يبص للباب مازن داخل يروح يقعد ورا و عنين الكل معاه
محمود / مازن جه
مرام / خدت بالي
محمود / هتعملي ايه
مرام / عشان تروح تفتن عليا لتيته تاني
محمود/ انا بخاف عليكي
مرام / و انا مش صغيره
محمود / لا صغيره انا اكبر منك باربع شهور و تلتاشر يوم
مرام / يا راجل
محمود / يعني اعرف اكتر منك ب .... احسبيها انتي بقي رقم كبير
مرام / ههههههههههههه
مازن عينه عليهم يدخل اربع عيال و يروحوله
الاول / دا مكاني
مازن يبصله و يرجع يبص قدامه الاول يشده مالجاكت
الاول / انا بكلمك
مازن يقوم يقف و يعدل هدومه و يسيب المكان و يقعد ورا فاضي التانى يروحله
التانى / دا مكانى
مازن يبتسم و يقوم يقف
مازن / من عنيا
مازن يجى ينزل عشان يطلع بره المدرج التالت يسد عليه الطريق مازن يخبطه بالراس فمناخيره يقع و يدحرج عالسلم و يرفع رجله لورا يضرب التانى فصدرة بالبياده يقع فالارض الاول يجي يضربه بوكس يمسك ايده و يشدها و يمسك راسه من ورا بايده التانيه و يخبطها فالبنج و يبص للرابع يسيب المدرج و يطلع يجري
مازن / انا قولت كدا برضه
مازن ينفخ و يعدل هدومه و ينزل يوصل لباب المدرج و الكل بيبص عليه يبصلهم يلاقي اتنين بيقوموا صاحبهم و يتوجعوا و يوطى براسه يحييهم و يطلع يقابل الدكتور داخل
مازن / صباح الخير يا دكتور 
مازن يمشي و الدكتور يدخل و العيال تقوم تطلع بره
الدكتور / هو ايه اللي بيحصل هنا بالظبط
................
في المكتبه بعد ساعتين
مازن قاعد بيلعب عالموبايل مرام ترزع الكتب عالترابيزه جنبه يبصلها
مازن / كنت مستنيكي
مرام / الفلوس دي بتاعتك
مرام تطلع الفلوس و تحطهاله عالترابيزه مازن يبصلها
مرام / مفيش حد قليل الزوق دخل بتنا يعمل الحركه دي غيرك
مرام تيجي تمشي مازن يمسك ايدها تبصله بغضب يسيبها
مازن / احنا جينا علي غفله و دبسناكوا انا قولت
مرام / انت متقولش حاجه خالص ايه جيت لقيتنا رابطين حجر مالجوع و لا شايف هدومنا مقطعه مستنين حسنتك
مازن / انا
مرام / انت العيب مش عليك العيب علي مامتك اللي واضح من اخلاقك انها ضيعت وقتها عالشوبينج و الكوافيرات و سابتك للخدامه تربيك
مرام تمشي تروح تقعد مع محمود و سعد فجنب و مازن واقف بيبص عليهم ثواني و ياخد حاجته و يمشي
سعد / مكنش المفروض تدخلي والدته فالموضوع
مرام / شوفت مسكنى ازاي
محمود / انا كنت هقومله بس سعد
سعد / ياخي اتلهي هي ايدك خفت مالمره اللي فاتت و لا كنت نايم الصبح و مشوفتش اللي حصل
مرام / ممكن توطوا صوتكوا احنا فمكتبه خلونا نخلص يا نمشي
..................
بعد فتره
قدام مكتب الدكتور مرام بتبص فملزمه مع محمود مازن و شلته يدخلوا
مرام / لا كدا صح متعدلهاش
مازن / صباح الخير
محمود / صباح النور
نورا / ازيك يا مرام
مرام / الحمد لله
نيفين /انا في كام حاجه مش فهماها في البروجكت ممكن تشريحيهالي علي ميجي دورنا
مرام / مفيش مشكله عن اذنكوا
مرام تاخد نيفين و يروحوا فجنب
زياد / امال سعد مجاش و لا ايه
محمود / لا فالطريق لسه
زياد / تمام هنعد هناك نستناه
محمود / مازن ثواني
مازن / ايوه
محمود / انا عارف ان مش انت اللي حالل البروجكت بس لما الدكتور هيسال جوه
مازن / متشغلش بالك
محمود / براحتك
مازن / انا هقعد هناك
تليفون مازن يرن
مازن / ايوه يا قلبي جهزتي حاجتك
بنت/ انا فالمطار وصلت
مازن / بتهزري انتي قولتي هتوصلي بكره
بنت / لا انا قولت لزياد ان معاد الرحله اتغير قلت اكسب يوم زياده
مازن يبص لزياد
مازن / انا جايلك
البنت / لا انا زياد بعتلي العربيه بالشوفير هيروحني انا عارفه ان عندك امتحان بس قولت اطمنك عليا
مازن / متاكده
البنت / ايوه ركز انت بس سلام
مازن / اوك خدي بالك من نفسك و اول متوصلي البيت كلميني سلام
مازن يقفل و يروح لزياد
مازن / ايه حركات العيال دي انت ليه مقولتليش ان موني جايه النهرده
زياد / برده !!! عشان تتكرم علينا و تحضر الزفت ده و نخلص مالبروجكت ده 
مازن / صبرني يارب
زياد / اوفر اوي
مازن / انا مش طايقك
زياد / ههههههههههههههه و لسه لما تشوف جبنالها ايه هتكرهني اكتر
مازن / متحاولش
مازن يرجع يقعد جنب محمود و مرام عينها عليه
نيفين / غريبه انه هيحضر انا قولت هيعمل زي معمل قبل كدا و يمشي
مرام / بتتكلمي عن ايه
نيفين / موني انتي مسمعتيهوش و هو بيكلمها
مرام/ و انا مالي اصلا خلينا نركز ممكن
مجموعه تخرج من جوه و يدخل مازن و محمود و انس
نيفين / كويس انهم هما اللي عليهم الدور انتي اصلك متعرفيش موني بالنسباله ايه
مرام / بصي لو مش محتاجاني اشرحلك حاجه ممكن اقوم اروح اصلي علي ميجي دوري
نيفين / لسه ماذنش علي فكره
مرام / علي متوضي هتكون اذنت عن اذنك
مرام تاخد حاجتها و تقوم نورا تروح تقعد مكانها
نورا / كنتوا بتزاكروا مرضيتش اجي اعطلكوا اخباراتك
نيفين / تمام و انتي
نورا / مفتقداكي جدا
نيفين / هانت فالاجازه بقي نبقي نكاتش اب
نورا / اوك ايه النظام جاهزه للشفوي و لا زي حلاتي مكبراله
نيفين / لا ده و لا ده اللي قبلنا بيقولوا انه سالهم فالماده فكل اللي خدناه قبل كدا و انا مش محضره غير الحل بتاع البروجكت بس و مش كلو كمان الجزء بتاعي بس
نورا / هههههههههههههههه انتي مالك واخده الموضوع جد كدا ليه دول ١٥ درجه مش الفاينال يعني
نيفين / عادى يعنى
نورا / شكلك مش فالمود
نيفين / نورا هو انا ممكن اسالك سؤال بس فالتوب سيكرت
نورا / اكيد
نيفين / هو في حاجه بين مازن و مرام
نورا / هههههههههه
نيفين / وطي صوتك هتفضحينا
نورا / سورى سوري مقدرتش اقاوم بس لا طبعا انتى بتهزري نو واى اصلا ايه اللي جاب الفكره دي فدماغك اصلا
نيفين / يعنى معرفش
نورا / متحطيش فدماغك
نيفين تهز راسها
..........
بعد شويه
محمود و مازن و انس يطلعوا محمود يروح ناحيه مرام و وزياد يروح لمازن
مازن / عاوزين حاجه
زياد / روحت كلمتنى و روحت اهدى بقي
مازن / انا مش امتحنت عاوز ايه بقي
زياد / استنى خمسه
مازن / ليه يعني
زياد يبص للبنى تنفخ و تروح ناحيه مرام
مرام / انت بتتكلم جد
لبني / مرام ممكن ثانيه
مرام منغير متبص / لا
لبني / مرام ... انا اسفه علي اللي حصل فالكافتريا
مرام تبصلها
لبني / انا كنت بهزر معاكي بس هزاري كان سخيف و لما انفعلتي انا كمان انفعلت و بدل موضحلك سوء التفاهم الموضوع كبر
مرام / هو انتي ناويه علي ايه بالظبط
لبني / مرام النهرده اخر يوم هتضطري تتعاملي فيه معانا قولت اوضح اللي حصل و اعتزر لاني فعلا غلطت
مرام / و اكتشفتي انك غلطتي النهرده بالتحديد
لبني / لا بس انا قولت اعتزرلك قدامهم كلهم و متجمعناش من يوميها ذات ايز ال
مرام تبصلها
زياد / مطلوب تعمل ايه اكتر من كدا يعني دي عمرها معملتها مع حد
مرام / و انا مطلبتش منها تعملها
محمود / خيركم من يبدا بالسلام يا مرام و زي مقالت كدا كدا مش هنتعامل تاني
مرام تبص لمحمود و تبص لمازن يهز راسه بالراحه لا
مرام / تمام مفيش مشكله
لبني / عشان اتاكد انك سامحتيني لازم تقبلي عزومتي النهرده عندنا فالفيلا عاملين بارتي صغير بمناسبه مجي موني كلنا هنكون هناك هتنبسطي اوي
مرام / انا اسفه مش هينفع
لبني / عشان تيته يعني يا ستي لسه بدري نخلص و روحي استاذنيها و هبعتلك الشوفير بالعربيه يجيبك و كاعتزار مني هبعتلك فستان تحفه و الكوافيره بتاعتي هتخليكي و لا سندريلا
مرام / علي قد مالعرض مغري بس انا برده مضطره ارفض مش هينفع انا مليش فالجو ده
لبني / احنا مش جينا عندك و كلنا عيش و ملح و انا اعتزرتلك تحبي اجي استاذنلك من تيته بنفسي بصي من هنا لبليل فكري براحتك
زياد / دورنا يا لبني
لبني/ ايه ده خرجوا بسرعه اوي عن اذنكوا
لبني و سعد و زياد يدخلوا مازن يروح ناحيه مرام
مازن / متجيش
مازن يمشي مرام تبص لمحمود
محمود / انا كمان مش مرتاح
مرام / مكنتش هروح اصلا هو انا طيقاهم اصلا بلا هم قولي  بقي الدكتور سالك في ايه تاني
................
في الفيلا
مازن يدخل معاه بوكيه ورد بنوته حلوه اوي تنزل من فوق تجري عليه تحضنه يديها الورد
موني / دا عشاني الله دا حلو اوي
مازن / وحشاني جدا
موني / عملت ايه فالامتحان
مازن / عيب عليكي
موني / ياخوفي
مازن / لا المرادي كنت مزاكر بجد
موني / مش انا قولتلك جرب يمكن تحبها
مازن / هي مين دي
موني / المزاكره يا مازن
مازن / هههههههههه لا مفتكرش
موني / انت مش قولتلي ان زياد و لبني متخانقين
مازن / كانوا
موني / كنت واثقه انها مش هتسكت
مازن / هو انتى جايه تتكلمى معايا عنها
مونى / انت متغير المرادى ايه جو جديد مغلبك
مازن / لسه متخلقتش ياختى اللي تغلبنى
مونى / بجد !!!! طب ايه اخر الحوارات
مازن / حاليا سنجل
مونى / لا يا راجل
مازن / ههههههههههه متيجى اوريكى جبتلك ايه يا لمضه
مونى / يلا
..................
في الكليه
مرام / مش هروح الا لما اعرف النتيجه هما قالوا هتتعلق اخر اليوم
محمود / ايه الدماغ الصعيدى دى
مرام / اقسم بالله لو مخدت الدرجات دي لتشوف مرام عمرك مشوفتها فحياتك
محمود / انا فعلا بشوف كل يوم من ساعه مبدانا المشروع ده مرام جديده خالص معرفهاش
مرام / الناس دي حسستني اننا فغابه كل حاجه بالفلوس عاوز تقنعني ان هما اللي حلو البروجكت مازن خلص البروجكت قبليك ازي جاوب جوه بالمنظر ده ازاي نيفين و نورا حلوه ازاي
محمود / فاهمك
مرام / انا لو حقي اتاخد انا مش هسيبه
محمود / ممكن اسالك سؤال
مرام / اتفضل
محمود / لو انا كسبت انا و مازن و انس دي هتكون رده فعلك برده
مرام تبصله و تسكت
محمود / عشان انا عندي نفس المشكله انس و مازن حلو و جاوبوا جوه ازاي
مرام / انا اسفه
محمود / انتي مش خايفه الدرجات تروح منك انتي خايفه الدرجات تروحلهم انتي خايفه يتفوقوا عليكي
مرام تبص فالارض
محمود / انا فاهمك علي فكره و حاسس بيكي
...........................................