السكه شمال بقلم / لولو_محمد ( كامله )

الحلقه ١٢٤

((((((السكة شمال ))))
#لولو_محمد
الحلقه ١٢٤
صافى / ممكن تستنانى هنا عشر دقايق
شريف / اكيد خدى راحتك
صافى تدخل جوه و تقفل الباب و تفتح الدولاب و تطلع فستان طويل ماكس و تقلع الجيب و تلبسه فوق المايوه و تطلع لشريف يتفاجئ و يبتسم
صافى / اتاخرت ؟؟
شريف / لا خالص بالعكس مكملتيش تلت دقايق اصلا بس ليه يعنى ؟
..................................
صافى / ايه بلاش
شريف / تهمنى راحتك
صافى / و انا كمان تهمنى راحتك ممكن ننزل بقى
شريف / اتفضلى
شريف ينزل مع صافى
.......................
فى فيلا الراجل اللى مشغل مجدى
مجدى / يا باشا انا برده الراجل بتاعك و عمرك مطلبت منى حاجه و انا قصرت رقبتك مينفعش اخرتها تجيب حته عيل تركبه على كتافى
الراجل / انت بقيت كرت محروق يا مجدى خلاص الحكومه عرفت كل حاجه عنك و عينها عليك و لولا انى فضهرك كان زمان كل الملفات القديمه اتفتحت افتكر انى حزرتك ماللعب مع مازن و انت مسمعتش الكلام و اوعى تفتكر انه بينسى يعنى هيفضل حاطك فى دماغه لحد ميخلص منك زى معمل مع الدهبى
مجدى / يا باشا ان كان على توفيق فوالله اتربى خلاص
الراجل / توفيق دا مشكلتك انت مش مشكلتى اسمع يا مجدى لو الحاجات اللى بديهالك مش ماليه عينك بسيطه نشوف غيرك يشتغلها لكن شغل مالتقيل مش هيحصل و لعلمك انا مبعملش ده عشان عنيك انا بعمل ده عشان انا عارف كويس ان الحكومه مرقباك و عينها عليك فقولت اخليهم يتلهوا فيك بعيد عن العمليات الكبيره بتاعتى
مجدى / يعنى ايه
الراجل / متتخضش اوى كدا انا برده حاميك مهو لو اتمسكت و دعبسوا وراك هتتفتح الملفات القديمه و ساعتها هضطر انى اكلم حبايبنا عشان يلموا الليله و حبايبنا انت عارفهم اكتر منى
مجدى يمسك رقبته
مجدى/ لا و على ايه الطيب احسن يا باشا اللى تجود بيه معاليك
الراجل / الشغلانه دى تخلص النهرده يا مجدى تقب و تغطس و تخلصلى الحوار ده
مجدى / امر جنابك يا باشا بالاذن انا
الراجل يشاور لمجدى يمشى
..........................
عالبول
مازن واقف بيتكلم مع كامل فى جنب  و لبنى بتدهن لزياد الصن بلوك على ضهره و مونى قاعده جنب مرام و انجى بيتكلموا
انجى / طب والله خاصمتهم
مونى / كان نفسى اوى احضر كتب الكتاب مازن بعتلى الصور كنتى تجننى و بعتلى كمان صورك و انتى مودل بصراحه له حق ميوريش الصور دى لحد
لبنى / صور ايه
مونى / مرام حضرت فوتوسيشن مع صافى و مازن صورها بكام فستان كدا و طالعه فيهم وهم
لبنى / معقول يا مرام
مرام / يعنى قولت اجرب بصراحه كنت فاكره الموضوع صعب بس عادى يعنى اى واحده ممكن تعمله
لبنى / ان كان عالموديلينج فاى بنت حلوه ممكن تعمله المهم الكاميره مان
زياد / ترو
لبنى / خلصت يا زيزو ادهنلى بقى
لبنى تقوم تقف زياد يفتحلها سوسته فستان قصير تقلعه لابسه تحتيه بكينى احمر و تقعد مكانه و يدهنلها مرام باصه عليهم
مونى / الجو حر جدا النهرده مش كدا
انجى / اكيد خدتى خلاص على جو لندن بقينا هنا حر مش كدا
مازن و كامل يرجعوا
مازن / تصدقى مخاصمك
مونى / و لا اقدر ابدا ليه بس
مازن / انتوا حددتوا معاد الفرح
زياد / انت بتقول ايه
كامل / والله لسه كلام مفيش حاجه اكيده
مونى / يادوب كامل كلم بابا اننا نعمله فى اجازه نص السنه
مرام / معانا يعنى
مازن / مع مين يا حوبى دا كان زمان امال محمود شغال فى الفيلا بيعمل ايه
صافى و شريف يدخلوا
صافى / سورى عالتاخير
لبنى / انتى غيرتى ليه مش هتنزلى و لا ايه
صافى / الجيب وقع عليه كاتشب قولت اغير احسن
لبنى / اوك
زياد / ايه حوار محمود و الفيلا ده صحيح
مازن / احنا هنتجوز لما تيته ترجع علاطول و بنظبط التوب فلور فى الفيلا بحيث انه يبقى جناح كبير اعيش فيه مع مرام
زياد / مبروك يا معلم فرحتلك جدا
مارينا / طب مش تقول يابنى على الاقل اعملكوا الويدنج موفى
مازن / احنا فيها لما نطلع فوق اجيب اللاب و ابعتلك الصور و انتى ظبطينا بقى
مارينا / دانا هتفرغلكوا انتى مش متصوره انا مستنيه اللحظه دى قد ايه
مازن / و اهى جتلك ورينى المواهب بقى
فادى / عارفه لو طلع احلى من بتاعنا
مازن / هيطلع يا فادى عشان انا احلى منك
فادى/ مغرور اوى عاجبك فيه ايه ده
مرام / كلو
مازن / كبسه
فادى / ماشى يا عم حقك امال مروان فين
مازن / مشوفتوش يمكن راح ورا انس مانت عارف
زياد / مش هتنزل و لا ايه
مازن / نازل طبعا بس انا لسه مدهنتش
زياد يناول مازن الصنبلوك مازن يقلع التيشيرت و يدهن كتافه و ايديه و وشه و يناول مرام تدهنله ضهره
مرام / خلصت
مازن / انا هسيبك عشان عارف انك مع مونى و صافى تمام
مرام / المهم تنبسط
مازن / ماشى يا قلبى
مازن يبوس ايدها و ينزل مرام تروح تقعد وسطيهم
فادى / ايه يا شريف مش نازل و لا ايه
شريف / لا مش هنزل هعمل مكالمه تليفون للبيت عن اذنكوا
شريف ياخد جنب و صافى تروح تقعد جنب مرام مرام توطى عليها
مرام / هو الكاتشب وقع على الجيبه امتى بالظبط يا صافى
صافى تبصلها مرام تبصلها بطرف عينها بخبث
صافى / عاوزين نبقى ننزل انا و انتى نجيب مايوهات مقفوله شويه
مرام / و ماله ننزل عقبال الحجاب
صافى تبص لمرام بصدمه مرام تاخد موبايلها و تروح تقف فى جنب
مرام / صباح الخير
محمود / صباح النور
مرام / عامل ايه
محمود / الحمد لله و انتى وصلتوا بالسلامه
مرام / اه وصلنا بقالنا حبه حلوين كنت جيت دا فى ناس كتير اوى هنا مونى و خطيبها و اخته و مازن و اصحابه كلهم و زياد و لبنى و صافى و شريف ليله دا حتى بالصدفه لقينا ناس مازن مبيطقهمش كمان ربنا مش حارمنا من حاجه هههههههههههههههههه
محمود / انا اسف
مرام / موضوع و اتقفل يا محمود
محمود / خلينا نقفله صح على الاقل
مرام / اتفضل
محمود / انا عارف انك زعلانه منى بس انا والله بعمل ده عشانك
مرام / و انا مطلبتش منك تعمل اى حاجه عشانى يا محمود انت احرجتنى قدام مازن و اهله
محمود / انا اسف
مرام / على فكره مازن مقاليش اى حاجه و مكنش عاوز يقول و بالعكس لما انا زعلت كان بيدافع عنك و يقول انك بتحاول تحمينى و تطمن عليا بس مش بالطريقه دى
محمود / معاكى حق
مرام / محمود انت غالى عندى اوى انت اخويا بس لازم تفهم ان مازن جوزى
محمود / عارف
مرام / تمام اخبارك و اخبار مروه ايه
محمود / تمام انا يادوب لسه مروح هغير هدومى و اروحلهم اتغدى معاهم و اخدها نتفسح و نشترى شويه حاجات
مرام / ربنا يسعدكوا انا هقفل بقى و اسيبك تشوف اللى وراك
محمود / تمام خدى راحتك سلام
مرام تقفل و ترجع للجروب متلاقيش غير انجى بتدهن صنبلوك
مرام / امال فين الباقيين
انجى / كلنا نزلنا المايه هيلعبوا فولى بول و صافى هناك مع شريف هتعوزى حاجه انا نازله
مرام / لا خدى راحتك انجى تنزل و مرام تبص على مازن يشاورلها تبتسمله
.................................
ناحيه شريف و صافى
صافى / طب والله جدعان انا اصلا كنت عاوزه اقولك تجيبها معانا
شريف / مستحيل طبعا انتى بتهرجى
صافى / و فيها ايه يعنى مهى معاك
شريف / انا اختى مش زيكوا يا صافى مقدرش اجيبها فى الجو ده وسط الناس دى
صافى / هو احنا وحشيين اوى كدا
شريف / لا والله مقصدش بس بصى على مرام كدا قاعده لوحدها بتلعب فى الموبايل لا عمرها هتندمج و لا هتعرف تنبسط وسطينا و كمان انتى بتعرفى تتعاملى مع الجروب السمج ده بتعرفى تحطى كل واحد عند حدوده لانك عرفاهم هى مش هتعرف و ساعتها هتقلب بنكد
صافى / بس
شريف / بصى يا صافى انا لو شايفك وحشه اقسم بالله مكنت وقفت معاكى الوقفه دى و لا كلمتك عن اهلى
صافى تبتسم
شريف / تقى بتقول لماما باعتنا اسكندريه و رايح هو السخنه
صافى / دى الصغيره صح
شريف/ اخر العنقود لماضه السنين مطلعه روحى بس دمها زى العسل
صافى / شوفتها بس ملحقناش نتكلم اوى
شريف / هبقى اعرفك عليها مره ... لما تبقى ترجعى يعنى اجازه او كدا
صافى / و مالك بتقولها كانى مش هرجع
شريف / هو اللى بيروح بيرجع يا صافى
صافى / اه ممكن يرجع عادى اصل فالاول والاخر دى بلدى يا شريف اهلى و اصحابى و حبايبى و شغلى كلهم هنا
شريف / تيجى بالسلامه
صافى / و بعدين يعنى احنا معدناش زى زمان دلوقت ممكن نتكلم فيديو كول فاى وقت يعنى اكيد مش هوحشك اوى يعنى ... و لا انا مش هوحشك خالص يعنى
شريف / ههههههههههههه لا هتوحشينى اكيد
صافى تبتسم
صافى / دا حلم حياتى يا شريف من و انا صغيره كان نفسى ابقى اكبر و اشهر فاشون ديزاينر و دلوقت جتلى الفرصه انى احقق الحلم ده
شريف / ربنا يوفقك
صافى / و انت ايه حلمك يا شريف بتحلم بايه
شريف / لو كنتى سالتينى السؤال ده زمان كنت هجاوب بس دلوقت معدش عندى ليه اجابه
صافى / ازاى
شريف / اصل انا معنديش وقت احلم .... الحلم فالزمن ده بقى رفاهيه مش مشروعه يا صافى
صافى / ازاى ليه بتقول كدا
شريف / باختصار عشان انا الوقت اللى هضيعه فى احلام انا واثق انها مش هتتحقق المفروض اركز فيه ازاى اصلح الواقع بتاعى الاول
صافى / اول مره اشوف الناحيه دى فيك بالعكس انا علاطول كنت بشوفك متفائل و سعيد و بتدحك ايه اللى جد خلاك حزين اوى كدا من جواك شيماء بكره ربنا يبعتلها الاحسن منه مش ده كلامك اللى انت قولتهولى يا شريف
شريف / ماما بتقول انها قافله على نفسها انا عارف انها اقوى من كدا و هتعدى المرحله دى بس انتى عارفه كويس قد ايه بتوجع انا سايبها لوحدها بتتوجع و قاعد مع شله محدش فيهم شايفنى اصلا
صافى / انا شيفاك
شريف / بجد شيفانى ازاى
صافى / شيفاك حاجه حلوه اوى يا شريف انت اجدع صاحب و احسن اخ ياريت كان عندى اخ زيك بتفكرنى كتير بدادى الله يرحمه
شريف يبتسم
صافى / اه والله حتى ساعات بحس ان فيكوا شبه من بعض يمكن مش باين اوى فالملامح بس فى الرياكشنات فى الهدوء اللى فنبره صوتك معرفش
صافى تبتسم
شريف / دا شرف ليا على فكره
صافى / انا مش من النوع اللى باخد عالناس بسرعه و لا مالنوع اللى بيثق فى الناس بسرعه بس انا يثق فيك يا شريف جدا كمان
شريف / شكرا و انتى كمان غاليه عندى اوى يا صافى انتى صحبتى الوحيده و بصراحه لسه مش مصدق ان ليا صاحبه بنت كنت علاطول بقول ان النوع ده من العلاقه المفروض يبقى اسمها استهبال يعنى ملهاش شكل تانى ادينا بنستهبل نفعت نحولها لحب تمام منفعتش خلاص خلينا نفضل مستهبلين لحد مربنا ينتعنا و نشوف هنعمل ايه
صافى / هههههههههههههههههههههههههههههههههه
شريف / للدرجادى
صافى / عليك تشبيهات فظيعه بجد بتدحكنى موت
شريف / طب يا ستى اى خدعه
شهاب يدخل
شهاب / ازيك يا شريف
شريف / اهلا
شهاب / بيتهيالى مازن بيناديك تقريبا عاوزك تجيبله كبايه مايه و لا حاجه
شريف يبتسم
شريف / حالا هروح اجيبهاله يلا يا صافى
شهاب / لا روح انت شوف شغلك و لما تخلص مازن هاتلنا اتنين عصير و انت راجع على متكلم مع صافى كلمتين
شريف / لا معلش هات لنفسك
شهاب / ليه كدا يا شيكو مانا هديك تبس كويس اوى و لا مازن محرج عليك متخدمش غيره
صافى / متحترم نفسك انت ازاى تكلمه كدا
شهاب / ايه يا قلبى اتحمقتى عشانه ليه اذا كان هو واقف زى الكلب المبلول ايه يا شيكو القطه كلت لسانك يا حبيبى
شهاب يحاول يزق شريف بايده شريف يمسك ايده و يشده و يديله بالركبه فى معدته يوقعه فى الارض
شريف / متختبرش صبرى و ادبى ماشى يلا يا صافى
شهاب / انت نسيت نفسك يا حيلتها و لا ايه نسيت لما كنت بتمسح الجزم فى الحفله نسيت لما احمد تف فى العصير و قالك تشربه لو كنت نسيت نفكرك
فثانيه شهاب يلاقى نفسه فى الارض و مازن فوقيه غرقان مايه و نازل فيه ضرب لحد مالكل يشدوه من فوقيه
مازن / والله لربيك يابن الكلب انت نسيت نفسك يا بتوع الحشيش و ن كنت انت نسيت فكلنا فاكرين ياروح امك
شهاب / انا هدفعك تمن اللى انت عملته ده غالى اوى
مازن / اخرك هاته ياله
زياد / خلاص يا مازن اهدى السياح بيتفرجوا علينا اهدى
مازن / ارموه بره
شهاب / انت فاكرنى هقعد انا و لا الفوج بتاعى عندك ثانيه واحده بعد كدا لو دخلك سايح واحد من شركتى بعد كدا ابقى تف فوشى
مازن يتف فوشه
زياد / مخلاص بقى يا رجاله الناس تقول علينا ايه خلاص يا مازن تعال اهدى امشى يا شهاب بقى امشى يا اخى
فادى ياخد شهاب تحت باطه و ياخده و يمشى و زياد و مروان يشدوا مازن يقعدوه مرام تناوله كبايه عصير مازن يبص يمين و شمال على شريف مش موجود يقوم يلبس التيشيرت بتاعه و يمشى
مرام / هو رايح فين
مونيكا / معرفش
زياد / انا هروح اللحقه لحسن يروح يتخانق مع شهاب تانى
كامل / انا هاجى معاك
زياد و كامل يمشوا
مرام / عن اذنكوا
مونيكا / رايحه فين
مرام متردش و تمشى مونيكا تنزل المايه تانى مع البنات
........................
عند اوضه شريف
شريف بيلم هدومه و هو بيعيط و صافى واقفه عالباب بره بتخبط
صافى / طب بليز افتح و كلمنى شريف بليز كلمنى
ثوانى و مازن يوصل و يخبط عالباب ووراه يدخل زياد و كامل
مازن / شريف افتح عاوزك
مفيش صوت يبص لصافى يخبط تانى
مازن / افتح يابنى عاوزك بجد افتح .... افتح يا شريف متخلينيش اروح الريسبشن و اجيب المفتاح و لا اروح ليه مانا اكسر عليك الباب عادى يعنى
زياد / مازن اهدى ثوانى لو سمحت .. فى ايه ادوله بريك شويه ... اللى حصل مكنش شويه .. متضغطوش عليه اوى كدا
مازن / انا عاوز اطمن عليه
زياد / سيبه يفك مع نفسه شويه و بعدين اطمن عليه
مازن / انا رايح الريسبشن
مازن يمشى
زياد / اللحقيه يا صافى لحسن يقابل شهاب يتخانق تانى و انا هروح اشوف حل فى الفوج الروسى ده خليهم يمشوا من هنا بدل منتخانق تانى
صافى / فكره برده
كامل يجرى ورا مازن و صافى تتحرك و را مازن و بعدين ترجع لشريف و بعدين تجرى ورا مازن و زياد واقف يبص على اوضه شريف و هو مبتسم و يمشى الناحيه التانيه مرام تطلع مالاسانسير و تروح تخبط عالاوضه
مرام / شريف
شريف قاعد جوه عالسرير و مغمض و ساكت
مرام / افتح انا نفسى اتقطع روحت جرى عالريسبشن عشان اجيب رقم الاوضه و رجعتلك جرى افتح ادينى شويه مايه مالتلاجه حتى.... لو سمحت متقعدش لوحدك ... طب انت جوه صح ... انا عارفه انك جوه انا لو مكانك هعمل كدا اول مكان هروحه هدخل اوضتى و اللم حاجتى و اقعد اعيط
شريف يبص على الشنطه جنبه و يمسح دموعه
مرام / انت اقوى منى يا شريف انت اقوى منهم كلهم تعرف انا كمان حاسه زيك كدا من يوم مرتبطت بمازن و كل اللى حواليه عمالين يقلوا منى علاطول بيحاولوا يحسسونى انى قليله انى مليش قيمه و ان مازن ازاى بص لواحده زيي و جه عليا وقت و صدقتهم .... تخيل صدقتهم انى فعلا قليله و قليله اوى كمان ... بس مازن كان جنبى و انت و صافى كنتوا بتدافعوا عنى ... و انت كمان مش لوحدك انا و مازن و صافى جنبك اوعى تخليهم يقلوا منك او يهينوك ... على فكره هو عمل كدا عشان غيران منك و بصراحه له حق
شريف يقوم يقف ورا الباب
مرام / اى واحد فمكانه اكيد هيغير منك
شريف يفتح الباب
شريف / ليه يغير منى ليه ادينى سبب واحد
مرام / عشان انت راجل يا شريف ارجل منهم كلهم
شريف يبتسم بسخريه و يدخل يكمل لم فهدومه مرام تدخل و الباب لسه مفتوح
مرام / ايه حتى دى كمان شككوك فيها مين اول واحد مازن بيكلمه لما بيبقى فمشكله
شريف / بفلوسه يا مرام دا شغلى
مرام / لا مش حقيقى
شريف / لا حقيقى تعرفى معاكى حق مش حقيقى انا مباخدش الفلوس دى على شغلى انا باخدها صدقه
مازن يرجع بس يقف عالباب صافى تيجى تدخل يمنعها
شريف / مازن معتبرنى حاله من الغلابه اللى بيصرف عليهم بيتصدق عليا بفلوسه و الاسم شغل مين بياخد سكرتيره معاه مكان زى ده و يركبه عربيه زى دى و لا حتى يديله كارد انليمتدد زى بتاعى ده انهى شغل ده
مرام / انت اعز اصحابه
شريف / الصاحب مبياخدش من صاحبه نظير وقفته جنبه يا مرام
مرام / بس مازن بيحبك متخليهمش يوقعوا بنكوا
شريف / متقلقيش مفيش حاجه فالدنيا هتوقع بينى و بين مازن عارفه ليه عشان انا محتاجله امى و اخواتى محتاجين لفلوسه فمهما عمل و مهما حصل مش هسيبه
مازن / بس كدا
مرام و شريف يبصوا عالباب
مازن / صافى .. ممكن تاخدى مرام و تستنونا فى اللوبى تشربوا حاجه
مرام تروح مع صافى و يمشوا مازن يقفل الباب و يروح ناحيه الشنطه و يبص عالهدوم و شريف باصص الناحيه التانيه
مازن / مالك مبتبصليش ليه زعلان منى
شريف يبصله
مازن / انا مبمنش عليك بالعكس انت بتاخد اقل بكتير من حقك
شريف يدحك بسخريه
مازن / والله العظيم يا شريف لو طلبت مقابل صحبتك ليا اضعاف مرتبك لاديك انت اعز اصحابى ههه انت صاحبى الوحيد يا جزمه و امك دى زى امى بالظبط ربنا يخليهالك عرفت تربى طلعت راجل ستات كتير اوى ظروفهم احسن منها و مطلعين زى مانت شايف و اخواتك زى مونيكا بالظبط ضافر اقل واحده فيهم بمليون واحده ماللى ماللين البلد
شريف يجى يتكلم مازن يمنعه
مازن / انا الانسان الوحيد فى الجروب اللى تحت اللى مطمن انى يوم مهقع هلاقى اللى يسندنى و يخاف عليا انت كدا كدا بتقبض مرتبك ايه يجبرك تجيلى و انا فعز خنقتى تطمن عليا و تفك عنى ايه يجبرك توجهنى للصح انت معاك بطاقه انليمتد و مع كدا عمرك مسرقتنى مع انى مسامحك انت لو مستحملنى بس عشان الفلوس فانا اكيد عازرك انا نفسى محدش يستحملنى بس انا بقى مقدرش استغنى عنك يا شريف و لا استحمل عليك الهوى
شريف يبص لمازن يلاقى عنيه مليانه دموع ياخده فى حضنه
مازن / اللى الكلب ده عايرك بيه يشرفك مش يعيبك اى حد فمكانك كان هيعمل اكتر من كدا انا لو مكانك هعمل اكتر من كدا فك انت ارجل منه و من عيلته كلها فاهم و لا لا
شريف يهز راسه
مازن / انا وعدت مرام انها هتنبسط هنا ساعدنى بقى انفذ وعدى بليز
...............................