السكه شمال بقلم / لولو_محمد ( كامله )

الحلقه ١٦٥

(((((((((((السكة شمال )))))))))
#لولو_محمد
الحلقه165
فى شقه سميحه
مازن يفتح عينه يلاقى مرام نايمه جنبه و بتبص عليه و مبتسمه يبتسم
مرام / صباح الخير ايه النوم دا كلو
مازن / صباح النور و احنا امتى
…………………….
مرام / الضهر
مازن يبص حوالي الستاره مقفوله و النور خافت
مرام / قولى بقى كنت بتحلم بايه
مازن / ههههههههههههههههههه و عرفتى منين انى كنت بحلم
مرام / يسيبك مالاحلام ركز هنا معايا على ارض الواقع
مازن / هههههههه احلى واقع
مرام / على فكره مونى اتصلت بيك بس انا كنسلت و عملته صامت خفت انك تصحى
مازن / تعرفى انى مكلمتهاش من ساعه مسافرت مردتش حتى على تليفوناتها و لا تليفونات بابا
مرام / انت كنت مش فى المود بس دلوقت المود اتظبط كلمهم طمنهم عليك اكيد قلقوا جامد
مازن / قلقوا ؟؟ طب مونى يمكن لكن بابا كمان قلق عليا ؟
مرام / امال مش ابوك
مازن / تلاقيه بيسال خلصنا موضوع البيعه بكام و لا مش بعيد زياد يكون قاله انى خلاص شلت فكره الطلاق من دماغى و عاوز يتخانق معايا
مرام / لا ان شاء الله هيفاجاك المرادى و يطمن عليك و بعدين دا ابوك اعملها حسبه لله
مازن / بصى هو انا هدومى لسه فى الغساله عاوز اروح لشريف سايبه لوحده فى المستشفى و كدا ميصحش يعنى هو يستجدع معايا و انا استندل معاه كدا
مرام / لا ميصحش انا هقوم اروح عند محمود اجيبلك طقم من هناك و لا حاجه و انشر دول لحد متدبر ماشى
مازن / ماشى
مرام تبوسه من خده يبتسم و تقوم تلبس الاسدال و تفتح الباب و تقفله وراها تانى و تروح عند مديحه تخبط مروه تفتحلها تلاقى ام مروه و سميحه و مديحه قاعدين بيشربوا الشاى 
سميحه / صباح الخير نمتوا كويس
مرام / صباح النور
الست / نمتوا
سميحه / مازن جه بالليل بات عندنا
مديحه و الست يبصوا على بعض
مرام / انا هدخل اجيب حاجه من جوه عن اذنكوا
مرام تدخل اوضه محمود و تقعد تقلب فى الدولاب مروه تدخل وراها
مروه / ايه نقول مبروك و لا هتصيعى عليا
مرام / اصيع عليكى فى ايه
مروه / عماله تقلبى فبناطيل محمود ليه ماله بنطلون المز جراله ايه و على فكره مش هتلاقى حاجه تيجى فمازن اصله طويل
مرام / لا فى ده محمود لسه شاريه جديد و مقصروش
مروه / مقولتليش ايه اللى وسخ هدوم الحب
مرام / اتخبط فى مناخيره جابت دم و هدومه كلها اتبهدلت
مروه / يا لهوى من ايه
مرام / اللى حصل بقى
مروه / عشان كدا جالكوا طب مكان يطلع عالمستشفى و يكلم محمود لا استنى هو اصلا مش كان بايت فى المستشفى مع شريف
مرام / مروه اللى اعرفه قولته و اى حاجه تانيه فى دماغك اقسم بالله محصلت تمام لما تحصل اوعدك اعرفك و اعرف الحاره كلها خلاص عدينى بقى
مرام تاخد البنطلون و قميص و تطلع بره تلاقى مديحه بتكلم سميحه
مديحه / يا سلام و دا ينفع يعنى
سميحه / انتى مكبره الموضوع ليه يا مديحه
مديحه / يا حجه الناس هتتكلم
مروه / هيتكلموا عن ايه يا ماما هو مش جوزها
الست / لا يا مروه دا حياله كتب كتاب
مرام / هو فى ايه
الست / يا مرام يا حبيبتى احنا خايفين عليكى كان بات هنا مع محمود و لا اى حاجه
مرام / انا بس عاوزه افكركوا ان لولا اللى حصل كان زمانكوا بتصبحوا عليا هناك و لعلمكوا انا امبارح قولت لمازن ان مش فارق معايا فرح و لا حاجه و نروح بيتنا و هو رفض و قالى لازم نعمل اكبر فرح عشان انتى هتتجوزى فى العمر مره فلازم يبقى زى محلمتى بيه
مروه / والله عداه العيب
مرام / جوزى تعبان و ملوش حد ياخد باله منه اهله مسافرين و خاله الوحيد و اللى ليه فمصر مات و صاحبه الوحيد فى المستشفى اعمل ايه اقوله روح بات هناك بعيد و لا اخد بالى منه
مديحه / يا مرام مكلنا هنا اهلك و احنا مقولناش نروحه قولنا بس يبات مع اخوه رجاله فى بعض
سميحه / يعنى نصحيكوا قرب الفجر عشان نخلى مازن يبات عندكوا و بعدين يا كبدى الواد نام عالارض فى الصاله فرشناله اللحاف و نام فى الارض
الست / و دا قدر على نومه الارض بعد الريش نعام ينام عالارض
مرام / عن اذنكوا
مرام تاخد الهدوم و تمشى
سميحه /  على الله ميكونش سمع كلامكوا و ادايق احنا مصدقنا بدا يفوق من صدمه موت خاله دا كان طول الفتره اللى فاتت متعلقله محاليل
الست / متاخذنيش يا حجه هما عرفوا مين القاتل
سميحه / اه عرفوا و راحوا امبارح عملوا بلاغ فى النائب العام
مروه / و ضربوا شريف صاحبه بالمطوه فى جنبه و سرقوا مسدس مازن و كان فيلم
سميحه / كل ده عدى على خير الحمد لله
الست / هو ان جيتى للحق مازن واد جدع بس يعنى اديكى شايفه يا حجه ضرب نار و مشاكل و قتل و قرف و احنا ناس غلابه على قد حالنا ملناش فى السكه دى يا حجه
سميحه / هنعمل ايه بس نصيبنا كدا بكره ربنا يصلح الاحوال
الست / امين يا حجه امين والله بدعيلهم صبح و ليل يا حجه
سميحه تبتسم
................................
فى المستشفى عند شريف
مرام تدخل و مازن وراها
مرام / ايه الاخبار عامل ايه دلوقت
شريف / احسن كتير ... مالك ياسطى اتخبطت فى حاجه و لا اتخانقت و لا حصل ايه
مازن / مسمعش حسك
مرام / ليه هو اللى قالك تفزعنى كدا دانا كنت هموت مالخضه 
شريف / ليه انت عملت ايه
مازن / مهى شورتك السوده مش قولتلى فاجئها
مرام / هى دى مفاجاه اطلع مالحمام الاقى راجل بيتسحب فى الشقه
شريف / انا قولتلك خبط خبط و بعدين فى بيتها يعنى مدام محدش غريب اللى علم عليك خلاص مش مهم
مازن / طبعا حقك تتنفخ و تتكلم عشان فى السرير عالعموم ليك قومه و ساعتها هظبطك
شريف / يا راجل بقى انت خلاص راحت عليك واحده قد ركبتك علمت عليك
مرام / انت هتسخنه عليا و لا ايه و بعدين مين دى اللى قد ركبته انت هتالس عليا و لا ايه
شريف / هو انا اجرؤ و بعدين فى مثل بيقول احترس من كل من اقترب من الارض و انتى بسم بالله ما شاء الله فاضلك شبر و نص و تلزقى فيها
مرام / على فكره مراتك بتتهزا
مازن / ايه ده بجد
مرام / ايوه و لو سمحت هاتلى حقى
محمود يدخل
محمود / كتبولك خروج يلا عش.... ايه ده انتوا هنا
مرام / ازيك يا محمود
مازن / على فكره انا خدت البنطلون و القميص دول من دولابك
محمود / ميغلوش عليك المهم كتبو خروج يلا نلم الحاجه
مازن / نويت على فين لسه مش عاوز تروح عالبيت و تقول لاهلك
محمود / هيروح عندى فى الييت هيخليه عندى لحد ميقف على رجله و نطمن عليه
مازن / و ليه مش عندى
محمود / مش هتفرق بس يعنى عندى الجو احسن شويه مرام موجوده هى و تيته و امى فلو اخواته يعنى قررنا نقولهم هيبقى الوضع اسهل انهم يجوا عندنا لحد ميقرر هيقول لامه امتى
شريف / انا شايف انه اقتراح مناسب
محمود / و بعدين تيته طلبت منى اجيبلك كنبه تتفتح سرير تتحط فى الصاله انت نفسك يا باشا مش مروح
مازن / و هو حد يكره يعيش معاكوا تمام عالبركه
مرام تروح تجيب كيس و تلم الادويه و الحاجه من جنب شريف
زياد يدخل و وراه لبنى لابسه لبس واسع و طرحه الكل يبصلها باستغراب
زياد / ايه ده انتوا ماشيين و لا ايه ... الحمد لله اننا لحقناكوا اصل لبنى صممت اول حاجه تعملها اول مخرجت من المستشفى انها تيجى تطمن عليك عامل ايه يا بنى
شريف / الحمد لله كتبولى خروج اهو
مرام / شكلك حلو اوى يا لبنى
لبنى / بجد
مرام / جدا لايق عليكى جدا
لبنى تبص لمازن يبتسملها تبتسم
لبنى / عرفتوا مين اللى عمل فى شريف كدا
مازن / لسه معرفناش مين اللى وراه بس اكيد هنعرف هيروح فين يعنى
لبنى / فكرتوا فى شهاب كان بيخطط هو و احمد ياذوه بس للاسف ملحقتش احزره
زياد / انتى متاكده يا لبنى
لبنى / ايوه متاكده شهاب كان بيتخانق مع احمد عشان احمد رجع فى كلامه و قاله مش هيحتك بمازن عشان مازن دلوقت ضعيف بعد موت خاله
زياد / و بصراحه بيتهيالى هو اكتر واحد كارهك و نفسه يعلم عليك يا شيكو بعد اللى حصل فى السخنه
مازن / هنخلى عينا عليه شكرا عالمعلومه يا لبنى
لبنى / العفو
زياد / احنا هنستاذن بقى عشان يادوب اروح لبنى البيت لسه خارجه مالمستشفى و كدا و كمان عشان شيكو كمان يروح هتعوزوا حاجه
مازن / شكرا يا زيزو
زياد و لبنى يمشوا
محمود / دا فجاه كدا
مرام / ربنا اللى بيهدى حد يكره
محمود / لا منكرهش بس يعنى مش من اقصى الشمال لاقصى اليمين مره واحده و لا انت ايه رايك يا شيكو
شريف / مليش راي و الله لو ناويه تكمل اتمنالها الخير محطه و هترجع فهى كدا كدا مش فسكتى و اختفظ برايي لنفسى عشان مكنش انا السبب فرجوعها و لا ايه
مرام / و الله عين العقل طب ايه انا لميت كل حاجه مش هنمشى و لا ايه
..................................
فى فيلا ابراهيم فى دبى
ابراهيم / ياريتنى مسافرت ياريتنى مسبته لوحدها عرفت تسحره تانى عرفت تلف عليه تانى قدمتهولها على طبق من دهب غبى غبى
فريده / ابراهيم اهدى بس اعصابك يعنى انا الحق عليا انى قولتلك
ابراهيم / لفت عليه تانى دحكت عليه تانى و انا اللى قولت هخليه يسيب مصر كلها عشان تخرج من حياته انما ابدا اللى زى دى مش سهله
فريده / اسمع اتصل بيه و اطمن عليه و متفاتحوش فموضوع مرام خالص هى دى السكه اللى بتدخله منها سابوك ابوك مش بيحبك خالك الوحيد اللى كان بيسال عليك و مات انا اللى بقيالك انا اللى بحبك كل واحد فى الدنيا نفسه يتحب انت اولى منها بابنك قرب منه و صاحبه كلمه و حبه و فهمه انك ميهمكش فى الدنيا غيره اسمع كلامى مره واحده فى حياتك يا ابراهيم جرب
ابراهيم / يعنى عوزانى اتصل بيه اباركله انه رجع للحيوانه بتاعته
فريده / ابدا و لا تباركله و لا يباركلك اطمن عليه بس قوله عامل ايه صحتك عامله ايه اخبارك و لو حاول يفتح اى حوار تانى او يتكلم عنها او عن البيع قوله انا متصل اطمن عليك انت و بس كل ده ميهمنيش المهم عندى انت حسسه انه مش لوحده حسسه انك فضهره و انك هتسد مكان صفوت و اكتر و انك بس كنت سايبه عشان صفوت موجود لكن دلوقت انت قلقان عليه و انه ابنك الوحيد اللى ملكش غيره فى ايه يا ابراهيم انا اللى هعلمك تقول ايه امال وقعتنى ازاى يا راجل
ابراهيم يبصلها تروح تجيبله الموبايل
فريده / كلمه اسمع كلامى و كلمه اسمع كلامى تكسب صدقنى اكسبه فصفك تكسب
ابراهيم يبصلها و ياخد الموبايل تبتسم
.....................................
فى شقه مديحه
شريف ينام على سرير محمود و مرام تحط كيسه الدوا جنبه
مرام / هروح اعملك لقمه
شريف / معلش يا محمود حطلى موبايلى فى الشاحن فصل منى امبارح
مرام تمشى و محمود يجيب الشاحن و يحطه فى الفيشه جنب شريف و يوصل الموبايل
مازن / انا هعدى على شقتى اجيب هدوم و غيارات اكيد هنحتاج هنا اكيد مش هنقضيها برشطه على دولاب حوده
محمود / يا سيدى خد راحتك
مازن / اصيل يا حوده خد بالك منه بقى على مرجع
مازن يمشى
محمود / ها يا شيكو ناقصك اى حاجه هنا
شريف / لا ناقصنى ايه دا كدا اصلى اوى
..................................
فى المطبخ
مرام واقفه بتحط حله مايه كبيره عالبوتجاز مازن يخبط عالباب تجرى تتعلق فى رقبته و هما مبتسمين
مرام / حبيبى ... انا فرحانه اوى ان محمود اقنع شريف يبقى هنا كدا هتبقى جنبى كل يوم و كمان حلو حوار الكنبه اللى بتتفتح سرير ده كدا هتبقى نومه مريحه ملكش حجه
مازن / اى حته جنبك مريحه
مرام / تحب تاكل ايه انا هعمل لشريف رز معمر و فراخ مسلوقه انت تحب اعملك ايه
مازن / اكل معاه مفيش مشكله متتعبيش نفسك
مرام / و هو لما اعملك اكل يبقى ده اسمه تعب دا ياريت كل التعب يبقى عشانك والله ما هحس بيه
تليفون مازن يرن يبص و علامات الضيق تبان على وشه
مازن / ثوانى
مازن يروح فى جنب و يرد
مازن / الو
ابراهيم / ازيك عامل ايه احسن دلوقت
مازن / الحمد لله احسن كتير ازى حضرتك
ابراهيم / انا كويس انا عارف انى متصلتش عليك اليومين اللى فاتو معلش جيت لقيت الدنيا هنا بايظه و حاجه اخر قرف
مازن / و لا يهمك المهم ظبط الدنيا
ابراهيم / ايوه ظبطتها طبعا لو كنت انت جنبى هنا حياتى كانت هتتغير كتير
مازن / انا اسف يا بابا بس انا مش هقدر اسيب مصر
ابراهيم / حقك طبعا الواحد مهما بعد عنها بيحنلها بس انا بالنسبالى مصر بقت مجرد مقبره كبيره مدفون فيها كل اهلى و حبايبى معدش باقيلى فيها غيرك
مازن / يمكن عشان كدا مش قادر اسيبهم
ابراهيم / مونى فلندن و انت فمصر الواحد خايف يموت لوحده يا مازن محدش يحس بيه
مازن / ربنا يخليك و يخلى طنط فريده و بعدين متقولش كدا يا بابا ربنا يديك طوله العمر
ابراهيم / سيبك منى المهم انتى كويس احسن دلوقت عرفت تلم نفسك كدا و تصلب طولك ابن ابرهيم منتصر متخلقش للرقده و الاكتئاب انت اقوى من كدا انت ابنى انت فاهم ابنى
مازن / الحمد لله يا بابا انا كويس
ابراهيم / نزلت الشركه و لا لسه فى مشاكل بتقابلك تحب ابعتلك حد من عندى يمشيلك امورك لحد متقف على رجليك تانى تحب ابعتلك حد يساعدك قولى محتاج ايه اوعى تفتكر انى عشان بعيد انت لوحدك انا جنبك هناك هنا انا جنبك
مازن / ربنا يخليك ليا يا بابا انا مش محتاج اى حاجه و متقلقش حضرتك انا همسك كل حاجه و ان شاء الله هخليك فخور بيا متقلقش
ابراهيم / انا فخور بيك من غير حاجه انا يمكن عمرى مقولتلك ده بس انت احلى حاجه حصلتلى فى حياتى يا مازن انت انا يمكن كنت بقسى عليك عشان كنت بحاول انشفك بس انا كنت مطمن عليك ان خالك موجود بس دلوقت معدش فى حد اعتمد عليه فى امورك من النهرده هتابع حياتك بنفسى هبقى جنبك و فضهرك
مازن / ربنا يخليك ليا
ابراهيم / لو احتجت اى حاجه كلمنى تمام
مازن / باذن الله
ابراهيم / مع السلامه
مازن / سلام
مازن يقفل يلاقى مرام واقفه و مبتسمه
مازن / دا بابا ... بيطمن عليا
مرام / كويس
مازن / بيقولى انى احلى حاجه فى حياته
مرام / مكدبش مانت احلى حاجه فى حياتى انا كمان
مازن يبتسم
مازن / ربنا يخليكى ليا يا قلبى بصى انا لازم امشى و هحاول متاخرش تمام
مرام / تمام هستناك عالغدى مش هاكل الا لما تيجى هعملك صينيه بطاطس باللحمه جنب الرز
مازن / تسلم ايدك سلام
مازن يجى يفتح باب الشقه مرام تزقه
مرام / انت رايح فين ان شاء الله كدا
مازن يبص على هدومه
مازن/ فى ايه مالى
مرام / هو ينفع زوج محترم ينزل قبل ميبوس مراته دى الاصول يا مازن بيه امال انا بوصلك لباب الشقه ليه
مازن / بس كدا
مازن يبوس مرام من خدها و يفتح الباب و ينزل و هى تدخل الحمام
.................................
عالقهوه تحت
توفيق قاعد بيشرب سيجاره و حاطت رجل على رجل مازن يعدى ميرميش السلام توفيق يبص على بلكونه مرام بتتفتح و تطلع شايله طبق غسيل و تنشر هدوم مازن
توفيق / غريب اوى مازن بيه ده
واحد / ليه يا تيفا
توفيق / الراجل لسه خاله ميت و الفرح اتاجل و المدام بتنشر بنطلونه
واحد / هههههههههههههههههههههههه
توفيق / بس الراجل معزور برده يا جدع
توفيق ينفخ دخان السجاره و ينطرها من صوابعه و يقوم
الراجل / على فين يا تيفا
توفيق يشاورله و يمشى بره الحاره
...............................
فى شقه محمود
شريف قاعد عالسرير و بيتكلم فى التليفون فيديو مع صافى 
شريف / يا بنتى كاميره و فتحتلك مشى و مشبت قدامك ارقص يعنى عشان تصدقى انى كويس تصدقى انا الغلطان انى قولتلك اصلا
صاقى / و مدام انت كويس مروحتش على بيتك ليه قاعد عند محمود ليه مبتردش على تليفونك ليه
شريف / فصل والله العظيم فصل اغنيهالك موبايلى فصل يا صافى موبايلى فصل يا باربى موبايلى فصل و الله و مكنش معايا شاحن و اييييييييييييييييييييييييييييييييه طب اييييييييييييييييييييييييه
صافى / هههههههههههههههههههههه
شريف / انا كويس والله العظيم كويس طب تصدقى و تؤمنى بايه
صافى / لا اله الا الله
شريف / انا قلقان عالمطوه تكون هى اللى جرالها حاجه و لا بتاع
صافى / ايه البواخه دى
شريف / بواخه حقك لندن غيرتك خلتك تنسى شريف شريف اللى ياما ضحى عشانك
صافى / والله ؟
شريف / نسيتى بالسرعه دى نسيتى سندوتشات الكفته و الكبده و السجق اللى غرقان فى البصل نسيتى الايسكريم و الرز بلبن نسيتى لما فضلتك على نفسى و اديتك اخر حته فى الكيموكونو لما عرفت انك بتحبيها مع انى كمان بحبها حصل و لا محصلش
صافى / يابنى ارحم نفسك و ارحمنى ايه اللى انت بتقوله ده
شريف / ايه ده انتى كل ده ماثرش فيكى ايه ضميرك مات خلاص الانجليز بهتو عليكى اخص على دا زمن اخص
صافى / شريف
شريف / افندم
صافى / انت بجد كويس و لا بتقول كدا عشان تطمنى و خلاص
شريف / والله لو بعرف ارقص كنت قمت رقصت عشان اثبتلك انى كويس بس مبعرفش اعمل ايه
صافى / انت اصلا مش متخيل انا قلقت عليك قد ايه و مرام الجزمه دى تليفونها مقفول طول الوقت و مازن يا مقفول يا مبيردش و حاجه اخر استغفر الله العظيم بصراحه
صافى تبص لشريف تلاقيه مبتسم اوى
صافى / انت بتدحك على ايه دا ايه الاستفزاز ده بقى انا يطلع عينى هنا و انت مبسوط
شريف / لازم اكون مبسوط على فكره مهو اللى يلاقى واحده زيك تقلق عليه كدا و ميبقاش مبسوط يبقى يستاهل ضرب الجزمه
صافى / هههههههههههههههه
شريف / اخبار الدنيا عندك ايه
صافى / اتعرفت على جروب لذيذ اوى لاسعين بس دماغهم حلوه
شريف / ازاى يعنى
صافى / يعنى انت عارف جو الفنانين العباقره اللوان غريبه و ديزاين مش مفهوم جو الرن وايز جدا بس فنفس الوقت مش شغل سوق خصوصا سوقنا احنا يعنى فاهمنى
شريف / اه عارفهم اللى بيصمموا حاجات مبتتلبسش خالص دول
صافى / اه الجو ده بس هما بيعملوها باستايل شويه يعنى اللبس حلو و شكله حلو بس مجازفه انك تنزله السوق مجازفه كبيره جدا كمان
شريف / طب و انتى
صافى / والله لحد دلوقت ماشيه فى السايف صايد سواريهات بس فى المضمون اللى كنت بنفذه فى مصر نفس الخط ادم بيقولى انى محتاجه اتجرا شويه بس لسه خايفه
شريف / ادم !!!
صافى / اه معانا فى الجروب شغله حلو اوى و كمان تناسق الالوان عنده رهيب هو زيي كدا ملخبط مامته انجليزيه و باباه لبنانى بس العربى بتاعه زباله ههههههههههههههههههههههه
شريف مبتسم بس مبيدحكش
صافى / بصراحه انا محظوظه اوى انى اتعرفت على ادم هنا تعرف انه اتمرن عند واحده من اشهر دور الاذياء هنا فى لندن 
شريف / ربنا يوفقك المهم تاخدى بالك من نفسك بقولك انا هقفل دلوقت و هكلمك تانى بعدين ليا دوا و هينيمنى
.....................