السكه شمال بقلم / لولو_محمد ( كامله )

الحلقه ٤٥

(((((((((((((((السكة شمال ))))))))))
#لولو_محمد
الحلقه 45
مونى / سورى متزعلش كنت بهزر معاك والله مقصدش هو انت فى زيك و لا زى حنيتك انت بس لو تبطل الحاجات اللى بتعملها دى و تركز فى مستقبلك والله يا ابيه والله والله مهيبقى فى منك
مازن / طب انا وحش و منفعش اب العيال الغلابه دول هيبقوا لا اب و لا ام مهو لازم حد عدل يا مونى
مونى / طب وهتعمل ايه
مازن / هعمل ايه يعنى هعومها شويه لحد ميمضوا العقود او ربنا يفرجها من عنده و هما اللى يرفضونى ادى اخره المزاكره و اللى بناخده من وراها عاجبك كدا
مونى / ههههههههههههههههههههههههههه معلش معلش انشف كدا امال اسد يا مازن فى ايه
مازن يبصلها و يدحك و ياخدها فى حضنه
..................................
فى اوضه ماهى
لبنى / بيتهيالى الفستان الاحمر احلى و كمان لما يعكس على وشك لما مازن يتقدملك واو بجد كانك مكسوفه و كدا ايه رايك
ماهى / تفتكرى ؟؟؟ كنت بفكر فى الاسود
لبنى / لا لا الاسود مفتوح خالص و ممكن مازن يعلق تعليق يدايقك طب ليه بقى
ماهى / تعليق ايه مازن اوبن مايند ملوش فالهبل بتاع المتخلفين ده
لبنى / اه دا لما كنتوا صحاب لكن دلوقتى هتبقى مراته يعنى انتى عارفه الراجل الشرقى بقى و بعدين هنروح بعيد ليه انتى مبتشوفيش زيزو بيغير عليا قد ايه و بعدين يابنتى مبيبقاش تخلف دى بتبقى غيره يا هبله انتى بتاعته لوحده
ماهى / ايوه بس الاسود كان مرفعنى
لبنى / على اساس انك محتاجه على العموم انا قولت رايى و انتى بقى براحتك بس دى لحظه العمر و هتبقى متصوره فى الفرح و انتى حره بقى
رساله توصل لماهى على الموبايل
لبنى / ايه مازن و لا ايه ايوه يا عم مش قادر على بعدك الحبه دول
ماهى تقرا الرساله و شها يقلب
لبنى / فى ايه يا ماهى مالك
ماهى / هى نيفين حامل من مازن
لبنى / ايه الهبل ده مين اللى قالك الكلام السخيف ده ورينى كدا
ماهى / انا سالتك سؤال نيفين حامل
لبنى / لا طبعا
ماهى / امال ده ايه
لبنى تبص
ماهى / دى صوره تحليل حمل و معاه وصل كشف دكتور نسا و انتى قولتيلى انها الاكس بتاعته
لبنى / يا بنتى دا كان حوار تانى خالص مازن ملوش دخل فيه خالص
ماهى تسيب المكان و تمشى و لبنى تكلم نفسها بسخريه
لبنى / يا خساره مشيت قبل مقولها ان البيبى نزل و مكنش بيبى مازن اصلا بس يلا هعمل ايه يعنى مانا اكيد مش هعرف اجرى بالهيلز الجديده بتاعتى دى بس ممكن امشى ... يا ماهى يا ماهى
.....................................
فى اوضه مونى
مازن / اصلا انا عملت كل اللى اقدر عليه بس هى اللى دماغها شمال اعملها ايه يعنى
مونى / امممم فعلا حاجه تدايق بس انا شايفه انك عملت اللى عليك فعلا بس مش شايف انها غريبه شويه انك تكون شاغل نفسك بالموضوع ده للدرجادى
مازن / تقصدى ايه
مونى / و لا حاجه بس هى هى نفس البنت اللى اتكلمنا عنها لما كنت فى مصر و لا ده تشابه اسامى
مازن / مونيكا
مونى / حبيب مونيكا
باب الاوضه تتفتح و ماهى تدخل و هى شايطه ترزع مازن قلم على وشه يقف ساكت مونيكا تسرخ و تحط ايدها على بقها
مازن / قسما بالله الحركه دى لو كانت جت من راجل مكان خرج من هنا حى انتى ايه اتجننتى
ماهى / انا اللى اتجننت انا ؟؟؟ انت فاكرنى ايه هبله
مونى / لا مجنونه مهو واحده بتتصرف كدا تبقى اكيد مجنونه
ماهى / اخرسى و اعرفى انتى بتكلمى مين
مازن / انتى اتجننتى بجد انتى ازاى تكلمى مونيكا كدا اطلعى بره و انا ليا حساب تانى مع ابوكى
ماهى / دادى ؟؟ انت هتشتكينى انا لدادى اصلا هتكلمه بانهى وش بعد ميعرف بالقرف اللى انت عملته ده
ماهى تطلع الموبايل و تديه لمازن يبص فيه
مازن / قرف ايه انا خلاص جبت اخرى و معدتش قادر استحمل فاض بيا انتى فاكره نفسك ايه
لبنى تدخل بتنهج
لبنى / اوه يا ربى يا بنتى اهدى انتى فاهمه غلط
مازن / ااااااااااه لا قولوا كدا بقى
لبنى / استنى بس يا مازن انا هشرحلها يا بنتى والله مازن ملوش دعوه بالموضوع ده خالص و بعدين انتى هتصدقيها دى بتحاول توقع بنكوا
ماهى / انتى قولتيلى انها الاكس
لبنى / ايوه بس البيبى ده مش ابن مازن ده ابن انس و انس هو اللى خدها للدكتور تنزل البيبى و هو اللى دفع والله
مونى تحط ايدها على بقها تانى مالصدمه
لبنى / هى عملت كدا لما عرفت انك اتخطبتى لمازن غارت صدقينى
ماهى تبص لمازن و تبص للبنى و تفكر
مازن / اطلعوا بره انتوا الاتنين اطلعوا بره
مونى / هى مين اللى كانت حامل و نزلت البيبى
مازن يبص لمونى
مازن / حوار ميخصناش
مونى / انا بجد معدش قادره استحمل القرف ده
ماهى / مازن انا
مازن / بلا مازن بلا زفت لو سمحتوا انتوا الاتنين اطلعوا بره انا عاوز اتكلم مع اختى شويه
لبنى / مازن بجد انا مليش دعوه باللى حصل والله انا حتى حاولت اشرحلها هى مسمعتنيش هى اصلها شافت نيفين فى الكوافير
مونى / نيفين ؟؟؟
مازن / اطلعوا بره بقى انتوا ايه ارحمونى امشوا بره
لبنى / تعالى يا ماهى لما يهدى ابقى صالحيه تعالى دلوقت
ماهى / مازن حبيبى بجد انا اسفه اوى
لبنى تشد ماهى بره و تقفل الباب مونى تقعد عالسرير مصدومه مازن يروح يقعد جنبها
مونى / عشان تبقى تصدقنى لما اقولك ان القرف و العك اللى بتعملوه ده
مازن / انا مليش دعوه هما الاتنين مع بعض يصطفوا انا مالى
مونى / انا بجد مش مصدقه
مازن / دا على اساس ايه هى كانت قديسه يعنى مهى بنت شمال زيها زى اى واحده رخيصه و بعدين دا حوار بنها و بين انس و انتى كنتى عارفه انها مصاحبه انس و صدقينى انا حاولت اساعد بس هو ابو الطفل و رفضه هعمل ايه المفروض اشيله انا يعنى
مونى / انا بجد مش هقدر ابص فوش الحيوان ده تانى
مازن / حقك و صدقينى انا و هو شدينا مع بعض جامد بس
مونى / خليه يمشى ميحضرش خطوبتى لو سمحت
مازن / حاضر اللى يرضيكى حاضر
مونى تبص لمازن
مازن / و غلاوتك عندى يا مونى اللى مفى اغلى منها فى الدنيا كلها مليا اى دعوه بالموضوع ده من اوله لاخره انتى عرفانى هرمى ابنى هقتله انتى عرفانى
مونى تهز راسها
مونى / انا بجد مدايقه اوى
مازن / والله لولا انك مدايقه انا كنت زرغطت
مونى تبصله باستغراب
مازن / ايه افراج انتى مختيش بالك ماللى حصل و لا ايه
مونى / افراج من ايه
مازن / انتى متخيله انى ممكن اتجوز واحده ضربتنى بالقلم على وشى
مونى / انت اللى عملت كدا انت اللى بعتلها الرساله
مازن / لا طبعا و انا هفضح نيفين ليه
مونى / و هى هتفضح نفسها يعنى بجد مش مصدقه انها ممكن تعمل حاجه زى دى هى الناس جرالها ايه
مازن / الله اعلم هى اللى فضحت نفسها بقى و لا الحيه الكبيره هى اللى فضحتها
مونى / يولعوا فبعض يارب
مازن / بعيد عننا يارب لحسن انا خلاص والله
مونى / هههههههههههههه خدك بيوجعك
مازن / اه اوى بوسيه بقى عشان يخف
مونى / بعينك
مازن / قاسيه
مونى / هههههههههههههههههههههههه
مونى تبوسه من خده يبتسم
................................
فى اوضه ماهى
ماهى / انا مش قادره اصدق انى عملت كدا معقول ياربى
لبنى / انا قولتلك و قعدت انادى عليكى و انتى ابدا روحتى زى الطور الهايج و زعقتى فيهم
ماهى / هو انا زعقت بس
لبنى / امال عملتى ايه
ماهى / انا ضربت مازن بالقلم على وشه
لبنى / اووووه نو انتى اكيد اتجننتى و منقتيش الا النهرده اكيد عمرك مهتلحقى تصالحيه و لا المصيبه بقى لو راح اشتكى لاونكل ممدوح يا خبر يا خبر
ماهى / مانا معزوره برده
لبنى / هتعملى ايه يا ماهى يعنى هتقوليله اصل جاتلى رساله من واحده مفيهاش غير صوره تحليل حمل و تزكره كشف عند دكتور نسا دى اى حد اهبل ممكن يفبركها اصلا
ماهى / معرفش بقى و بعدين بصراحه اصلا انا كان مالى تبقى حامل و لا تتزفت متولع انا مالى
لبنى / الله متقولى لنفسك امال عملتى الهبل دا كلو ليه
ماهى / معرفش بقى بجد غباء اعمل ايه يا لبنى اعمل ايه
لبنى / اقولك احنا نروح لزياد و نحكيله و انتى عارفه زياد ليه دلال قد ايه على مازن طبعا مش قد مونيكا بس للاسف انتى حتى مونيكا بهدلتيها
ماهى / خلاص اطلبى زياد شوفيه فين بسرعه يمكن يعرف يلم الموضوع قبل الحفله بكره
لبنى / هكلمه
...............................
فى المطعم
الشيف / انا مبسوط منك اوى يا مرام
مرام / مرسى اوى حضرتك متعرفش انا فخوره قد ايه ان حضرتك بتمرنى
الشيف / لا انتى حبه المجال و الطبخ فى الاول و الاخر نفس و مشاعرك بتبان جواه
مرام / دا حقيقى جدتى دايما بتقول كدا
الشيف / بكره باذن الله يوم المعجنات و انا سمعت انك شاطره فيها
مرام / يعنى بعمل كام حاجه على قدى
الشيف / خلاص تمام يبقى بكره تدوقينى بقى و انا هعلمك التكات اللى نقصاكى و كام صنف عليهم
مرام / ميرسى كتير اوى لحضرتك
واحد يدخل
الشاب / انسه مرام فى العربيه اللى هتوصل حضرتك بره
مرام / بدرى كدا معلش قوله ثوانى ... حضرتك هتعوز منى حاجه تانى
الشيف لا يا مرام اتفضلى
مرام تطلع بره تلاقى احمد واقف جنبها
مرام / مستر احمد حضرتك بتعمل ايه هنا
احمد / الشوفير بنته بتولد قولتله روحلها و انا همسك الشفت مكانك
مرام / هههههههههههههههه الف مبروك بس ليه حضرتك تعبت نفسك كان ممكن اركب اى حاجه و اروح احنا لسه بدرى
احمد / مانا قلت انتهز الفرصه دى و اخطفك فمشوار صغير
مرام/ على فين
احمد يفتح الباب و يشاورلها تركب مرام تركب
احمد / بحب فيكى انك مطيعه و بتسمعى الكلام
مرام تبتسم احمد يروح يركب و يمشى
....................................
فى دبى
انس / يعنى ايه محضرش
زياد / والله مليا دعوه يا انس مونيكا منشفه راسها و مازن بيقولى لم الليله عشان الفرح ميبوظش انت يعنى مش عارف مونيكا دلوعه قد ايه
انس / ايوه يعنى اصلا هى مالها تعرف انا لما هرجع مصر قسما بالله لورى نيفين درس
مازن يدخل
مازن / و مين قالك انها نيفين اصلا
انس / يا سلام و مين يعنى هتعمل كدا
مازن / معرفش بس نيفين اهبل من ان حركه زى دى تطلع منها
زياد / ايه يا ميزو مالك بتدافع عن نيفين بثقه اوى كانك عارف مين اللى عملها
مازن / قلبى عمره مكدب عليا يا زيزو و بيقولى مش هى اسمع يا انس انت فدبى عيش و انبسط و استمتع بالرحله لاقصى درجه و كلو على حسابى بس متحضرش الفرح
انس / و انا من امتى بقولك لا يعنى حاضر من عنيا بس نيفين بقى
مازن / مش نيفين يا انس مش نيفين اللى عملت كدا مش نيفين
زياد / عملت ؟؟؟ انت كمان متاكد انها واحده
مازن / الحركات القرعه دى متخرجش غير من واحده يا زيزو الا بقى لو عاوز تقنعنى ان فى واحد بيحب ماهى و هيموت عليها و عمل كدا عشان عاوز يوقع بينى و بين ماهى عشان ياخدها ليه
شريف يدخل
شريف / مساء الخير ازيكوا
مازن / عملت ايه عرفت رقم مين
شريف / اه رقم مصرى موبينيل و لما كشفت عليه لقيته بتاع واحده اسمها نعمات ابو المجد
انس / و تقولى مش نيفين
شريف / لا مش نيفين .. نعمات بتشتغل فى الاسبا الجديد بتاع مدام ميار
زياد / انت بتقول ايه يا متخلف انت
زياد يمسك فى شريف مازن يحوش
مازن / زياد فى ايه اهدى
انس / يعنى ست لبنى هى اللى عملت كدا
زياد / لبنى ملهاش اى دعوه بالموضوع ده اصلا انت لحقت تجيب كل ده ازاى انتوا مفبركين الموضوع ده و تلاقى الباشا هو اللى عمل الحركه دى و قال يضرب عصفورين بحجر الاول يخلص من ماهى اللى هو مدبس فيها و التانى يوقع بينى و بين لبنى اللى هو مبيطقهاش
مازن / انا يا زياد ؟؟
زياد / امال تفسرها بايه
مازن / انا لو عاوز اوقع بينك و بين لبنى مكنش زمانك تعرفها دلوقت و لو عاوزها تخرج من حياتك هخرجها و اقولك الاكبر يا زياد مش هخليك انت اللى تسيبها هخليها هى اللى تسيبك
انس / ايه يا شباب هى مالها سخنت منكوا كدا ليه اهدوا على بعض انتوا اخوات و بكره خطوبه اختكوا مش وقت الكلام ده
زياد يبص لمازن
مازن / انا بحبك يا اهبل و لا عمرى هعمل حاجه تاذيك او تدايقك انا مستحملها عشان خاطرك و مستحمل كل الهبل اللى هى بتعمله بس عشان خاطرك و اوعى تفتكر انى زعلان ماللى عملته زى مانت قولت خلصتنى من ماهى و انت يا انس حوار و خلص
انس / و ليه يتجاب اسمى يا جدع
مازن / حوار و خلص و مش هيخرج بره و لا هيتفتح تانى و لا حتى احنا هنتكلم فيه تانى خلصنا
انس / على اساس ان ماهى هتسكت و بكره و لا بعده ابويا هيعرف و ليلتى هتبقى طين
مازن / مش هيحصل و لما يحصل ابقى انكر مفيش فالورق اى حاجه تثبت و ساعتها ابقى اعمل اللى انت عاوزه بس صدقنى ماهى مش هتفتح بقها و لا تحكى لحد اللى حصل
زياد / واثق اوى
مازن / اللى ربى خير ماللى اشترى يا زياد اهدى بقى و نشوف هنعمل ايه دلوقت
زياد / فى ايه
مازن / هو ايه اللى فى ايه انت فاكر ان الغلطه الهبله اللى عملتها حبيبه القلب دى مش هتتكشف دانا محتاجتش اكتر من ساعه زمن عشان اجيب كل حاجه مبالك بماهى او ابوها
انس /انت مش لسه قايل مش هتقول
مازن / ياعم مش نعمل حسابنا
زياد / يا عم بسيطه نعمات تمشى مالاسبا
مازن / خلاص نفذ و انت يا انس اختفى بقى لاخر الرحله مشوفكش نهائى غير فالطياره
انس / ياعم فرح مين انا هنا عشان استجم اساسا
مازن / تمام اوى يلا طير انت
انس يمشى و زياد بيبص لمازن
زياد / انا هروح اتكلم شويه مع لبنى
مازن / تمام
زياد يمشى
شريف / هنضحى بالست صح
مازن / تستاهل عشان تبقى تفضح بنات الناس عشان قرشين
شريف / ميمكن عملوا العمله دى من وراها سرقوا موبايلها و لا اى حاجه
مازن يبص لشريف
شريف / سكت اسف
مازن / فى اخبار من مصر
شريف / لحد دلوقت مفيش اى حاجه
.......................
فى اوضه ماهى
زياد / والله كلمته كتير بجد مش طايق نفسه دا اتعصب عليا و زعقلى قدام شريف
لبنى / بتهزر
زياد / احلفلك بايه يعنى
ماهى / يعنى ايه
زياد / بصى يا ماهى عدى اليومين دول لحد مفرح مونيكا يعدى و لما ننزل مصر ابقى صالحيه
ماهى / انتوا بتهزروا انا قولت لكل صحابى ان مازن هيتقدملى بكره عارفين شكلى هيبقى ايه قدامهم لو ده محصلش متخيلين الاحراج اللى هكون فيه
لبنى / مش هيكون قد الاحراج اللى هتكونى فيه لو مازن قال لاونكل اللى عملتيه هتردى ساعتها تقولى ايه و بعدين انتى لما هتصالحيه الموضوع هيتلم لكن لو اونكل او اى حد ادخل عمره مهيتلم
ماهى / ياربى ايه النحس ده انا غبيه اوى مكنت دخلت رميت كلمتين و مشيت لازم يعنى
لبنى / النصيب بقى يا حبيبتى النصيب
زياد / اسمعى كلامى يا ماهى ابعدى بس اليومين دول و ابقى اجلى مع صحابك لاى سبب
لبنى / عندى سبب مازن مش عاوز فيديو البروبزال تبقى رجله مربوطه فيه و بيعرج و شكله مش هيبقى رومانتيك فقررتوا تاجلوها شويه عادى يعنى
ماهى / طب
لبنى / خلاص بقى يا ماهى مفيش وقت للكلام ده احنا كدا هنتاخر عالكوافير
زياد / صح روحوا الكوافير و ادلعى كدا و احلوى بحيث هو بقى لما يشوفك فى الفرح ينسى الزعل لوحده و يجى تحت رجليكى و يعمل البروبوزال
لبنى / اما فكره عبقريه
ماهى / امرى لله
لبنى / حاولى بقى تصالحى مونيكا بقى و تلطفى الجو معاها
ماهى / شور اكيد يعنى هحاول
لبنى / هروح اللبس بقى هقابلك فى الهول تحت
ماهى / اوك
لبنى و زياد يطلعوا مالاوضه
لبنى / اوف هم و انزاح
زياد / متفرحيش اوى كدا مازن عرف ان انتى اللى ورا الموضوع
لبنى / بتهزر ازاى
زياد/ جاب النمره و كشف عليها و طلعت بتشتغل عند مامتك
لبنى / جاب النمره منين
زياد / معرفش
لبنى / و عملت ايه
زياد / هعمل ايه قلبت الترابيزه و هو جر ناعم طبعا و الموضوع اتقفل على كدا معاه بس هو مش زعلان منك هو مبسوط انه خلص من ماهى
لبنى / مبسوط
زياد / اه
لبنى / امال كان بيمثل عليها و لا ايه
زياد / احنا مالنا مش خلصنا منها زى مكنا متفقين المهم بقى نقفل الموضوع ده على كدا و نيمه لحد مكل واحد يروح فحاله عشان الموضوع لو اتفتح دلوقت الفضيحه هتبقى عالفضائيات يا ست الكل
لبنى / اوك اوك انا هخلينى لازقه لماهى طول الوقت لحد مننزل مصر و لو حاولت تعمل اى حاجه همنعها
زياد / برافو عليكى اعملى كدا بالظبط
................................
فى مصر
احمد يركن العربيه عالنيل و ينزل يجيب كبايتين حمص الشام و يرجع
احمد / انا مجبتلكيش مشطشط خفت تكونى طريه و تبهدلينى
مرام / طريه ؟؟؟ لا دانت واخد فكره غلط عنى خالص
احمد / لا يا شيخه
مرام تمد ايدها و تاخد كبايه احمد
احمد / ههههههههههههه الحمد لله انك خدتى اللى فيها شطه اصل انا طرى و مبستحملش
مرام / ههههههههههههههههههههه
احمد / كلمى تيته و قوليلها انك هتتاخرى النهرده شويه عشان متقلقش
مرام / للاسف مينفعش انا لازم اروح فمعادى
احمد / بارتى كيلر فى ايه انتى مش واثقه فيا و لا ايه
مرام / لا طبعا والله مقصد كدا خالص بس انت عارف النظام عندنا
احمد / خليكى صريحه معايا انتى مش عاوزه تتعرفى عليا اكتر
مرام / بالعكس عاوزه
احمد / امال ايه ليه مصره يبقى فى حدود و حدود قويه اوى كدا
مرام / انا ؟؟
احمد / ايوه اولا مصره تقولى مستر احمد و اللقاب ثانيا رفضتى تلبسى الفستان اللى بعتهولك ثالثا
مرام / على فكره حضرتك فاهم غلط انا مش بحط قيود
احمد يبصلها
مرام / دا اسمه احترام بحترم حضرتك و بحترم نفسى و عمرى مفكرت ابدا ان دى ممكن تدايق حضرتك بالعكس الصح عمره ميزعل ابدا
احمد / اه بس انا بحاول اقرب منك
مرام / تقرب منى !!!!
.................................