السكه شمال بقلم / لولو_محمد ( كامله )

الحلقه ٦١

(((((((السكة شمال ))))))))))))))))
#لولو_محمد
الحلقه 61
مازن / اه هى دى بصى انا عايش لوحدى
مرام / كنت حاسه كمل يا حبيبى كمل
مازن / اكمل ايه
مرام / لا كمل
مازن / لا مش هكمل هو ايه اللى كنتى حاسه كنتى حاسه بايه
مرام / عايش لوحدك و عاوز حد يسليك و تعالى افرجك عالاوضه و سكه ماما بتموت و نفسها تشوفك قبل متموت دى و كدا لا على فكره مش هيحصل
مازن / ههههههههههههههههههههههههه
مرام / ادحك ادحك
مازن / انتى اللى دماغك شمال انا مكنتش هقول كدا خالص و بعدين ايه جو الافلام القديمه اوى دى بس مش هزعل منك انتى لسه متعرفنيش انا مبدحكش على بنت عمرى و لا باخد من حد حاجه غصب عنه انا مش احمد
مرام / ماشى كمل كنت بتقول ايه
.........................
مازن / المهم ما علينا انا بقى يا ستى مدى نسخه مالمفتاح لشريف عشان يدخل يصحينى يجبلى حاجه يحط حاجه كدا يعنى و زياد عشان بيتعصب مالوقفه عالباب او انه يطلب مالبواب يفتحله و من هنا نفهم انى مدى نسخه للبواب عشان يبعت حد ينضف الشقه و انا مش موجود
مرام / هههههههههههههههههههههههه و ياترى الكلام ده هيستمر بعد الجواز بقى ان كنت ناوى عالجواز يعنى
صمت
مازن / انتى مستفزه على فكره
مرام / ههههههههههههههه بتعلم بسرعه من الاستاذ
مازن / ماشى بصى يا ستى اولا و ثانيا و ثالثا و لحد اخيرا شوفى بتعرفى تعدى لحد كام انا مش هجيب خالى و اختى و نيجى عندكوا عشان نلعب معاكى صلح مثلا احنا جينا عشان انا جد و عاوز اتجوزك ماشى
مرام / معلش يعنى انا مينفعش اكون نايمه فبيتى وواخده راحتى و الاقى حد بيفتح عليا الشقه حتى لو اخوك يعنى
مازن / انتى مش هتعيشى فى الشقه دى اصلا انتى هتعيشى فى الفيلا عند خالو و لا نستى و بعدين اكيد يعنى انا مش هرضى ان حد يدخل عليكى يعنى خصوصا لو نايمه وواخده راحتك غيرى يعنى
مرام / انت قليل الادب
مازن / يارب ... يابنتى مانا هبقى متنيل متجوزك ايه مالك
مرام / عادى يعنى فى ايه
مازن / هههههههههههههههه مفيش
مرام / اول مره قابلنا شريف كان رسمى اوى فالكلام معاك او عنك محستش ابدا انكوا صحاب من زمان
مازن / هههههههههههههههههههه اصل ده اسلوبه لما بيتقمص منى بيقلبها رسمى
مرام / و كان زعلان ليه
مازن / مش فاكر هبقى اساله هو مبينساش قلبه اسود اوى هههههههههههههههههه
مرام / و انت قلبك ابيض
مازن / مع حبايبى اه ابيض مع غيرهم بقى اجارك الله الا هو انا مش هاخد فرصتى و اسال بقى
مرام / لا
مازن / هههههههههههههههه ماشى
مرام / عاوز تسال فى ايه
مازن / هههههههههههههههههه اسال يعنى
مرام / اسال بس لو السؤال معجبنيش مش هجاوب
مازن / لا مش هسال الاحسن انى استغل الوقت فانك انتى تعرفينى
مرام / مانت متعرفنيش مش يمكن بعد مغير رايي و اقبل دا لو حصل يعنى انت تغير رايك و ترفض لما تعرفنى
مازن / معلش قوليها تانى كدا عشان حسيت للحظه انك قولتى لو حصل هل لو حصل دى عائده على انك لسه هتقبلينى يعنى و ممكن ترفضى
مرام / اكيد يعنى
مازن / ههههههههههههههه الكلام ده كان ينفع لو مكنتش مونى عرفت بس خلاص الفاس وقعت فى الراس و مونى مش بس عرفت دى حبتك كمان يعنى هتتجوزينى هتتجوزينى لاتقولى بقى تغيرى رايك و لا انا اغير رايي انسى يا ماما
مرام / انا كمان حبيتها خالص على فكره بت زى العسل و دمها خفيف خالص مش زيك خالص
مازن / لا زيي انتى بس اللى واخده عنى فكره وحشه
مرام / من افعالك
مازن / هتغير
مرام / محدش بيتغير
مازن / لا فى لو هو عاوز يتغير بيتغير
مرام / الطبع يغلب التطبع
مازن / انتى جمبى و كل مهنسى هتفكرينى
مرام / اوعدنى
مازن / بايه
مرام / انك هتكون انسان كويس انى مش هندم انى ارتبطت بيك انك هتحبنى بجد
مازن / اوعدك
مرام / بايه
مازن / اوعدك انى هكون انسان كويس و انى بحبك بجد و هفضل احبك و اوعدك كمان انك لو عرفتنى بجد هتحبينى زى مبحبك و اكتر
مرام / واثق من نفسك اوى
مازن / جدا
اذان الفجر ياذن
مرام / يا خبر انا سهرت كل ده
مازن / محستش بالوقت خالص
مرام / رغاى
مازن / هههههههههههههههههههههه ماشى
مرام / انا هقوم اصلى صحيح انت بتصلى و لا لا
مازن / يعنى
مرام / يعنى ايه يعنى بتصلى و لا لا
مازن / بصلى بس مش كل الفروض
مرام / ليه بقى
مازن / كسل والله مش حاجه بس لما بسمع الاذان بقوم اصلى
مرام / هينزلك درجات الموضوع ده فى تقييمى ليك
مازن / ممكن يتصلح
مرام / بتشرب سجاير
مازن / لا و لا عمرى جربتها و لا خمور و مخدرات و لا اى حاجه تضر بصحتى انا رياضى
مرام / هتعليك درجات دى بس مش هتغطى عالصلاه
مازن / طب اقفلى بقى و بطلى انتى رغى عشان نقوم احنا الاتنين نصلى
مرام / ماشى سلام
مرام تقفل سميحه تطلع مالاوضه
سميحه / انتى لسه صاحيه لحد دلوقت يا مرام
مرام تبتسم
سميحه / مازن ؟؟
مرام تهز راسه اه
سميحه تبتسم و تدخل الحمام
............................
تانى يوم الصبح
محمود / هو انا منعتك تركبى معاه متتفضلى انتى انا هروح مواصلات زى كل يوم
مرام / عشان خاطرى
محمود / عشان خاطرى عشان خاطرى عشان خاطرى انتى ليه مبتعمليش حساب لخاطرى انا انا مبطيقوش انتى حره فحياتك لكن انا تعملى فيا كدا ليه
مرام / بعمل فيك ايه يا محمود
محمود / انا ماشى لما الباشا يوصل ابقى سلميلى عليه سلام
مرام / براحتك انت حر انا الغلطانه اصلا
محمود يبصلها و يمشى
مرام / طظ فيك
محمود يبصلها تانى مقموصه
محمود / انتى عوزه تركبيه عليا جميله يعنى ده هيبسطك
مرام / لا بس احنا لسه يادوب قرايه فاتحه اركب معاه العربيه لوحدينا ليه
محمود / لا والله
مرام / براحتك بس والله مخصماك
محمود / الباشا هيتاخر
تليفون مرام يرن
مرام / وصل يلا بينا
محمود / اتفضلى ربنا يصبرنى عليكوا انتوا الاتنين انا عملت ايه فدنيتى بس ياربى عشان اتعاقب كدا
مرام تبصله
محمود / انتى هتبصيلى امشى بقى
.............................
عالناصيه
مازن راكب العربيه يشوف محمود و مرام جايين ينزل و يفتح الباب اللى جنبه و الباب اللى وراه و يقعد عالكابوت
مرام / صباح الخير
مازن / صباح النور
محمود / انا جاى غصب عنى
محمود يركب قدام و يرزع الباب مازن يقوم من عالكابوت و يمسك الباب لمرام
مازن / لحقتى تنامى حاجه
مرام تهز راسها لا
مازن / انا محاولتش اصلا لو كنت حطيت راسى عالمخده مكنتش هصحى و لا بالطبل البلدى
مرام / هههههههههههههههههههه
محمود يبص مالشباك
محمود / هى العربيه دى هتسوق نفسها و لا ايه
مرام تركب و مازن يقفل الباب و يروح يركب و يسوق و يمشى
..............................
فى الشركه عند احمد
شريف / صباح الخير نمت كويس امبارح
احمد / اخلص
شريف / عاوزين نلغى عقد مرام
احمد / دا بعينكوا مرام لو مجتش الشغل تانى
شريف / هتعمل ايه انت فاكرنا مرام هتخوفنا دانا و مازن سهرنا مع تلت محامين بنعدل فبنود العقد لا فى شرط جزائى و لا فى بتنجان هتلوى دراعها بايه ببند انها لازم تبلغك قبلها بتلت شهور و الا تاخد ممانعه من انها تشتغل عند اى حد تانى طظ يا احمد بيه مرام مش هتشتغل تانى
احمد يبص لشريف
احمد / ماشى يا اتش مبروك عليكوا مرام اخبار اريج ايه صحيح شوفتها امبارح و هى داخله الشارع عندكوا بصراحه قمر زوقك طلع جامد يا اتش
شريف يقوم و يسيب المكان و يمشى
احمد / اه و ابقى سلملى كمان على عريس شيماء كبرت بنت الايه و بقت عروسه
شريف يقفل الباب وراه
...............................
فى الكليه
الطلبه متجمعين حوالين مازن و مرام و بيباركولهم
مرام / والله جت فجاه حتى اسالوه
مازن / هى ان ماتخدتش كدا مبتمش
اريج / انت هتقولى العين فلقت الحجر
لبنى تدخل
لبنى / صباح الخير يا شباب .. مبروك يا مرام
مرام / الله يبارك فيكى عقبالك
لبنى / عقبالى ايه انتى مش شايفه الخاتم بتاعى و لا ايه
لبنى تحرك صابعها
لبنى / انا سبقتك دلوقت بقينا بتقولوا عنها ايه سلايف اه
مرام / ههههههههههه اه
لبنى / الله فين الخاتم بتاعك ... ايه يا مازن انت مجبتلهاش واحد و لا ايه
مرام / دى كانت قرايه ايه فاتحه بس
اريج / الله امال الطقم اللى لبستيه امبارح كان ايه
مازن / دى هديه مونيكا لسه هنزل انا و مرام ننقى شبكتها
لبنى / ههههههههههههه قولى كدا بقى على العموم ابقى خدها يا مازن عند مستر جوزيف بجد فنان انا بجيب كل مجوهراتى من عنده و ممكن تطلبى حاجه اسبيشل ديزاين يصممهالك مخصوص
مرام / مش مستاهله يعنى هى دبله كلاسيك و خلاص
اريج / يعنى تسيبى خاتم سولتير و تلبسى دبله كلاسيك
مرام / الدبله بالنسبالى كدا ممكن الخاتم اللبسه بدل المحبس لكن الدبله الكلاسيك اساسى
لبنى / انا لو منك انقى حاجه تقيله مدام عندى فرصه الاختيار محدش عارف بكره مخبيلك ايه
مازن / قصدك ايه
لبنى / المخده مبتشلش اتنين حلوين يا ميزو
زياد يدخل يحضن مازن 
مرام / معلش يا لبنى
لبنى / نعم
مرام / لو المخده مبتشلش اتنين حلوين مين الوحش فيكوا انتى و لا زياد
لبنى / يلا يا زيزو عشان نلاقى مكان نقعد
لبنى و زياد يمشوا
اريج / احسن ايه البت دى
شاب / انا بقول نقعد احنا كمان
بنت / الله امال محمود فين يا مرام
اريج / دخل يحجزلنا جوه
بنت / يا بختكوا طب يلا بينا احنا بقى
اريج / اسيبكوا بقى لحسن تقولوا عليا عازول و لا حاجه
الكل يدخل مرام تيجى تدخل مازن يمسك ايدها
مرام / ايه
مازن / بخصوص الشبكه
مرام / مالها
مازن / دى هديه العريس لعروسته مينفعش تكون دبله كلاسيك بس
مرام / اديك قولتها هديه و انا قولت اللى يعجبنى براحتك انت بقى ممكن ندخل بقى و لا هنفضل واقفين هنا و كل الناس بتبص علينا
مازن / ميبصوا و احنا بنعمل حاجه غلط
مرام / لا مبنعملش بس العين فلقت الحجر و انت لو مش شايف انى اتحسد عليك فانا متاكده انك تتحسد عليا
مازن / هههههههههههههههههههه ترو تعالى ندخل
............................
فى الكافيتريا
مونى / هى المحاضره خلصت و لا ايه
زياد / زهقت راجل ممل
مونى / اه طيب
زياد / كلمتى بابا
مونى / كلمته انت
زياد / عوزانى انا افتن على مازن و عليكى عشان فالاخر انا اللى ابقى وحش و انتوا اخوات و انا مش اخوكوا صح
مونى / عمر مازن معتبرك مش اخوه مازن يموت عشانك
زياد / صح بدليل امبارح
مونى / على فكره هنروح عند خالو صفوت نتغدى النهرده
زياد / مهواش خالك ماما ملهاش اخوات تروحى بمناسبه ايه
مونى / انت ليه كارهه اوى كدا الراجل عمره مرفضلك طلب و بيعاملنا زى بابا بالظبط و يمكن احسن
زياد / انتى الكل بيعاملك كويس لكن انا ... يلا مش مهم
مونى / هى لبنى فين
زياد / لسه فى المحاضره
مونى / دول خلصوا جايين اهم
لبنى و مرام و مازن يدخلوا مرام تسلم على مونى و تبوسها
مونى / وحشتينى من امبارح
مرام / و انتى كمان
لبنى / اللى يشوفكوا يقول انكوا صحاب من زمان ميعرفش انكوا اول مره تتقابلوا كانت امبارح
مونى / اه اول مره نتقابل امبارح بس مازن كان حكيلى عنها كتير حبيتها من قبل مشوفها
مرام تبتسم
مازن / انا هشرب قهوه حد عاوز حاجه اجيبهاله معايا
مرام / هاجى معاك
لبنى / سو كيوت شايف يا زياد مش قادرين يسيبوا بعض
مازن يبتسم من تحت الدرس و يروح مع مرام
مرام / كنت فاكره ان زمايلى هما المشكله ست لبنى هى المشكله
مازن / سيبك منها ها تاخدى ايه
مرام / انا هجيب لنفسى شكرا
مازن / افندم ؟؟
مرام / متجيب لنفسك
مازن / بصى
مرام / بص انت من هنا لحد بكره بالليل احنا لسه عالبر و كل واحد مسؤل عن نفسه و انا ملبستش الخاتم عشان لو رفضت انا هرجعهولك
مازن / اااااه طب هتقولى ايه لمونى بقى طب هتقولى ايه لزمايلك هتقولى ايه لاهلك فى الحاره
مرام / كلمتين و بس مفيش نصيب
مازن / من دلوقت لبكره بالليل فى حاجات كتير اوى ممكن تحصل اتفضلى هاتى اللى انتى عوزاه
مرام / شكرا عن اذنك
مرام تروح تطلب
مازن / رخمه
تليفون مازن يرن
مازن / ايوه يا شريف خير
شريف / تمام العقد اتفسخ و كلو تمام
مازن / مالك فى ايه
شريف / مفيش
مازن / قابلنى على خمسه كدا عند خالو فى الفيلا
شريف / تمام سلام
مازن / سلام
مرام ترجع
مرام / خير
مازن / مش عارف شريف واضح ان فى حاجه بس مش عاوز يقول
مرام / اه طب هتعمل ايه
مازن / قولتله يجيلنا عند خالو و لما اشوفه هكلم معاه و اعرف ماله
مرام / كويس يمكن قافش مع اريج و لا حاجه
مازن / يمكن ... صحيح عقدك مع احمد اتفسخ
مرام / مش الواجب برده نروحله بعيش و حلاوه
مازن / يؤسفنى اخيب امالك و اقولك انه خرج امبارح
مرام / خرج ازاى
مازن يبتسم
مرام / استغفر الله العظيم يارب ... ثوانى
مرام تروح تجيب اتنين قهوه
مازن / الله جبتيلى ليه
مرام / عزماك فيها حاجه
مازن / ميزانك معوج و بمليون كفه و بتخمى فكل حاجه غشاشه شيتر شيتر
مرام / ههههه بالراحه على نفسك ليطقلك عرق و لا حاجه اولا القهوه دى بفلوسى
مازن / و اللى كنت هجيبهالك كانت بفلوس خالتى
مرام / لا خالك باباك مامتك عندك كام سنه انت
مازن / انا بشتغل على فكره نسيتى انا فوتجرافر بس الفرق انى بشتغل فور فن مش للفلوس لانى عندى فلوس بالهبل لو فضلت طول عمرى اصرف فيها مش هتخلص
مرام / قول ما شاء الله ما يحسد المال الا صحابه انا اقصد شركتك؟.. ديرها انزل الشركه مع خالك و ساعده خليك الابن اللى هو بيتمناه خليك الزوج اللى انا بتمناه
مازن / لكن اللى انا عوزه مش مهم عندكوا صح بسيطه بدل مكنت بفرح عريس و عروسه هاخد منهم فلوس هرميها فحسابى فى البنك و انا مش محتاجها و بعد الجواز انتى ممنوعه مالطبيخ و هتنزلى معايا الشركه هشغلك شغله مش على مزاجك اقولك لا انتى هتقعدى فالبيت تربى العيال
مرام تبصله
مرام / انت وعدتنى
مازن / بايه وعدتك بايه 
مرام / انى مش هندم انى ارتبطت بيك
مازن / كل ده عشان تمن فنجان قهوه تندمى عشان مين هيحاسب عالقهوه
مرام / مازن انت ليه مش قادر تفهمنى
مازن / طب معلش خدينى على قد عقلى و اشرحيلى وجهه نظرك لو مكنتش بالبدله و اقعد عالمكتب بالستاشر ساعه امضى فورق و اجتماعات و قرف منفعش مينفعش امارس حاجه بحبها
مرام / مقولتش لا بس
مازن / انتى بتحبى الطبخ دى هوايتك انا مقولتلكيش بطليها
مرام / لو لا قدر الله خالك جراله حاجه تقدر تقولى مين هيمشى الشغل ده
مازن / خالى اختار الشغل ده و انا بختارلى شغل تانى ايه المشكله
مرام / مفيش مشكله براحتك ممكن نروح نقعد بقى القهوه بردت اصلا
مازن / مرام
مرام / نعم
مازن / هو لما ربنا يكرمنا بابن هتبقى زى الامهات اللى عاوزين ولادهم دكاتره و مش مهم هما عاوزين ايه
مرام / دى حاجه و دى حاجه
مازن / ايه الفرق
مرام / معرفش بس اكيد هكون عاوزه ابننا دكتور او مهندس عوزاه احسن حد فى الدنيا زى مانا عوزاك احسن حد فى الدنيا عشان انا بموت نفسى كل يوم عشان اكون احسن واحده فالدنيا انت فاهمنى و لا لا
مازن / فاهمك
مرام / انت زعلت منى
مازن / لا
مرام / طب مبوز ليه
مازن يبتسم مرام تدوق القهوه
مرام / لا دى بتاعتك المظبوط انا بتاعتى الزياده و لا انت هتقرف تشربها بعد مدوقتها
مازن / عرفتى منين انى بشربها مظبوط
..........................