السكه شمال بقلم / لولو_محمد ( كامله )

الحلقه ٦٨

((((((((السكة شمال ))))))
#لولو_محمد
الحلقه الثامنه و الستون
مازن / هعمل ايه فى ايه
مرام / محمود اخويا يا مازن مينفعش تبقوا قافشين على بعض كدا انا عارفه انه عصبى و ساعات كتير لسانه بيفلت منه بس والله قلبه ابيض
مازن ياكل التارت و كانه مش سامع و بعدين يبصلها مرام تتنهد
مرام / تحب تلعب زى مكنا بنزاكر انا اسال و انت تسال
مازن / لا انا حرمت اللعب معاكى انتى بتخمى بتغيرى القوانين على مزاجك و بتدحكى عليا
مرام / مش هدحك عليك اقولك اسال انت الاول ايه رايك
.......................
مازن / متاكده
مرام / بيتهيالى حقك تعرف عنى كل حاجه
مازن / امممم ماشى ابدا منين ابدا منين انتى قولتى انك كنتى مخطوبه
مرام / طبيعى تبدا من هنا اه كنت
مازن / حبتيه
مرام / لا ملحقتش الموضوع كان صالونات و يادوب قرينا فاتحه و اشترينا الشبكه و اتكلمنا مع بعض اربع مرات بالعدد و الخامسه فشكلت
مازن / يعنى ارتبطى بواحد مكنش فى ناحيته اى مشاعر
مرام / مانا مكنتش اعرفه و اكيد يعنى مكنتش هتجوزه الا لما احبه امال عملوا فتره الخطوبه ليه لحظه لحظه انا اللى عليا الدور اسال انت كدا اللى بتخم
مازن / هههههههههههه اسف اسف اتفضلى اسالى
مرام / هو سؤال غلس شويه
مازن / استر يارب
مرام / ههههههههههههههه لا متخافش مش هدخل فى الغريق علاطول
مازن / طول عمرك حنينه اتفضلى
مرام / الفيديو بتاع الحفله كان فيه صور ليا بيتهيالى انها قديمه صور من سنه اولى البلوزه الزرقه دى انا متاكده انى ملبستهاش غير فاولى بس لانها اتنتشت فى امتحانات اخر السنه
مازن يبتسم
مرام / جبت الصور دى منين انت مكنتش تعرفنى ساعتها
مازن / مش قولتلك اننا اتقابلنا قبل المشروع
مرام / اه لما كنت هتخبطنى بس
مازن / مش قولتلك برده انك كنتى بالنسبالى هوس
مرام / انت كنت بتصورنى
مازن يبتسم
مرام / ليه و بتعمل ايه بالصور دى و عاينها فين و مين تانى شافها و ناوى تعمل بيها ايه
مازن / حيلك حيلك دى اساله كتير اوى
مرام / انت مجاوبتش على ولا واحد و اصلا ازاى تجرؤ تعمل حاجه زى دى ازاى تصورنى منغير ماخد بالى مين اداك الحق
مازن / محدش شافها و لا حد يعرف عنها حاجه
مرام / بتاخدها ليه
مازن / عشان بحب اشوفها
مرام / مش من حقك
مازن / انتى ادايقتى كدا ليه انا مكنتش بعمل بيها حاجه
مرام / و مدام مبتعملش بيها حاجه بتاخدها ليه
مازن / معرفش اهدى
مرام تنفخ و تبص الناحيه التانيه مازن يتنهد
مازن / بصى انتى عارفه انى بحب التصوير و لما كنت بشوفك بتدحكى معرفش كنت بلاقى نفسى بصورك منغير محس بس والله محد شاف الصور دى و لا عملت بيها حاجه و لا حد يعرف حتى عنها حاجه
مرام / و ياترى بقى عملت ده مع كام بنت غيرى
مازن / و لا واحده
مرام / مش مصدقاك
مازن / و انا هكدب عليكى ليه مانا لو هكدب مكنت مقولتلكيش مالاول و قولت اى كدبه خدتها من اى حد و لا لقيتها و لا اى حاجه انا بقول الحقيقه
مرام تبصله
مازن / والله مكنت بعمل ده عشان اى حاجه وحشه انا عندى اخت على فكره و بفكر فيها قبل مبعمل اى حاجه
مرام / اه صح بدليل صحبياتك الكتير و سمعتك اللى زى الورد
مازن / طب كويس اننا اتكلمنا فى الجزئيه دى بقى اولا اه انا بعمل حساب جدا ان عندى اخت انا لا قولت لواحده بحبك و لا وعدتها بالجواز و لا دحكت عليهم فاى حاجه و مجبرتش اى واحده فيهم على اى حاجه كلو بمزاجهم و فى منهم اللى عملوا المستحيل عشان اصاحبهم و فى منهم اللى عملت ده عشان الفلوس و عندك ماهى مثلا انا بالنسبالها لقطه عشان تتصور معايا و تزود الفلورز بتوعها ببتوعى ثانيا كلهم كانوا شمال اصلا
مرام / و انت كنت ايه
مازن يبصلها
مرام / هما كانوا شمال و انت ايه
مازن / انا معرفتش بنت محترمه فحياتى انا مبوسخش واحده نضيفه كلهم كانوا مصاحبين قبلى واحد و اتنين و تلاته و تانى انا موعدتهمش باى حاجه و بعدين معلش يعنى البنت هى اللى بتحط الحدود لاى علاقه هى اللى بايدها تحدد ان كانت محترمه و لا لا
مرام / انت مقتنع باللى انت بتقوله اصلا و لا بتقنع بيه نفسك عشان متحسش انك بتعمل حاجه غلط هتقوله لربنا يعنى انا راجل و هى سمحتلى و هى بنت و كدا
مازن / انتى فيمنست بقى
مرام تبصله
مازن / بتدافعى عن حقوق المراه و تطالبى بالمساواه و كدا
مرام / يا مازن مش انا اللى بقول ربنا انت غلطان زيك زيهم ان كانوا شمال فانت كمان شمال زيهم
مازن يبصلها
مازن / لنفترض انك صح
مرام / انا صح
مازن / لنفترض انك صح و انا شمال احمد بقى تقولى عنه ايه
مرام / الشمال درجات و لا ايه
مازن / هههههههههههههههههههههههههههه
مرام / انت بتدحك انت مستفز اوى انا بغلى و انت بتدحك
مازن / بتغلى ليه اصلا الموضوع مش مستاهل
مرام / انت بتاخد كل حاجه ببساطه كدا
مازن / و انتى بتهولى كل حاجه كدا
مرام / مفيش فايده فيك انت انسان بارد و مستفز و خنيق اوووف عليك انا ماشيه
مرام تيجى تمشى مازن يمسك ايدها تقعد 
مازن / اسف اسف خلاص حقك عليا بصى انتى صح انا غلطت بس انا مقدرش اغير الماضى كل اللى اقدر اعمله انى اصلح اللى جاى انا اتغيرت بسببك و عشانك انا من ساعه مدخلتى حياتى و قربت منك و انا مفيش بنت تانيه قدرت حتى تلفت انتباهى انا غلطت و توبت خلاص
مرام / و انا ايه يضمنلى انك مش هترجع للى كنت فيه
مازن / مش هيحصل عشان انا بحبك انا عمرى محبيت غيرك و لا هحب انا مش هخونك مش هخون مراتى
مرام تبصله مازن يمدلها ايده
مازن / ساعدينى اكون انسان كويس ساعدينى
مرام تبصله
مازن / هتسبينى ارجع للى كنت فيه هتسبينى اغرق
مرام / انت لئيم اوى
مازن / اعملك ايه بقى هههههههههههههههههه
مرام / انا مش قادره اصدق انى اديتك ايدى اللى بتوجعنى بنفسى عشان تمسكها
مازن / سلامه ايدك يا قلبى
مرام تبصله يبتسم
مرام / متدحكش .. انت اصلا مستفز
مازن يبصلها و يبتسم و بعدين يبص بسرعه و يكمل التارت و مرام قاعده بتنفخ
مازن / هو مين اللى عليه الدور يسال
مرام تبصله و هى بتنفخ
مازن / هسال انا عندك الجراءه تقوليلى ايه مشاعرك ناحيتى
مرام / بكرهك و مش طايقه ابصلك هى دى مشاعرى
مازن / مناخيرك طولت يا بينوكيو ههههههههههههههههه
مرام تبصله و هو بيدحك باستفزاز
مرام / بطل غلاسه بقى
مازن / دورك اسالى
مرام / اشمعن انا و متقولش الكلمتين بتوعك دول الكليه مليانه بنات و فيهم بنات كتير حلوين و احلى منى
مازن / مش بالجمال لو عالجمال فانا لفيت الدنيا و شوفت بناتها مش بس الكليه بس ولا واحده منهم شدتنى و لا واحده كانت عنيها بتلمع اوى كدا لما تبصلى
مرام عينها فعينه
مازن / شخصيتك عجبانى اوى هى فيها عيوب كتير بس جميله اوى
مرام / و ايه هى عيوبى
مازن / هو مش دورك بس هجاوب ههههههههههههههههههههه
مرام تنفخ مازن يبتسم 
مازن / الزمن ده مش عاوز الطيبين اللى زيك البت الجدعه اللى ترمى نفسها فالنار عشان اهلها و صحابها اللى زيك بياخدوا على دماغهم جامد اوى محدش هيعمل معاكى كدا
مرام / و انت هتعمل معايا كدا هترمى نفسك فى النار عشانى
مازن / حصل و فتحت جرح قديم مش هيجبلى غير المشاكل
مرام تبصله و بعدين ملامحها تقلب حزن و تبص عالناس
مرام / صعب عليا اقول ان معاك حق و صعب اكتر انى اقول ان اللى عشته الفتره اللى فاتت وجعنى اوى و بيجبرنى اتغير بس انا مش عاوزه اتغير مش عاوزه اشوف الناس وحشه الناس مش كلها وحشه و مش عشان فى كام واحد وحشين تبقى الدنيا وحشه الدنيا لسه بخير و هتفضل بخير
مازن يبتسم و مرام بتبصله فعنيه
مرام / مش عشان واحد زى احمد او واحده زى هايدى و اهلها تبقى الدنيا كلها كدا هى مش غابه و انا مغلطتش مع احمد هو اللى غلط
مازن يهز راسه ايوه بالراحه
مرام / هو انا غلطت ؟؟
مازن / لا مغلطتيش
مرام / بس انت حزرتنى منه انا مسمعتش كلامك كنت بدافع عنه لما تيته كانت بتتكلم كنت بقول ان انت الوحش و هو الحلو انا قولت عنك انك اسوء من برغوت على كلب جربان
مازن يستغرب و بعدين يفتح فى الدحك
مازن / ههههههههههههههههههههههه
مرام / انت بتدحك على ايه ايه الاستفزاز ده انت عاوز تنقطنى انا شتمتك
مازن / بيقولوا ما محبه الا من بعد عداوه
مرام / بس انا و انت عمرنا مكنا اعداء
مازن / عارف و عارف انك كنتى بتدافعى عنى كتير كمان و عارف ان اى كلام وحش قولتيه عنى مكنش من قلبك
مرام تبصله باستغراب و تسكت يبتسم فى هدوء
مازن / الجو حلو اوى النهرده
مرام تبتسم
مرام/ فعلا
مازن / قومى عشان السيكشن كمان ميروحش علينا
مرام تبص فى الساعه و تلم حاجتها و تقوم
مازن / تقديرك مينفعش ينزل و الفتره اللى فاتت لازم نعوضها سوا انا مينفعش اكون سبب فى انك تهملى دراستك
مرام تبتسم و يمشوا
..............................
فى كافيه فامريكا
نورا تدخل تلاقى الشاب قاعد
نورا / سورى اتاخرت
الشاب / و لا يهمك
نورا / ها يا سيدى ايه حكايتك بقى
الشاب / احم بصى انا
نورا / اسمعنى انا مش جايه امريكا عشان ظروفى فمصر صعبه و بجرى على اخواتى و مامتى العيانه و ابويا العاجز انا فمصر كنت بركب اغلى العربيات و بعيش ففلل و بلبس براندات بس انا رميت كل ده و جيت هنا عشان اعيش فى هدوء بشتغل لاول مره فحياتى عشان اجيب مصاريفى عشان مش عاوزه فلوس اهلى مش عاوزه يكونلى اهل اصلا مش عاوزه يكونلى صله باى مخلوق على وش الارض مش عاوزه اكون علاقات خصوصا معاك
الشاب يبصلها باستغراب
نورا / انا مش عيله صغيره انا فاهمه كويس انت هنا ليه انت بقى قولت انك فالغربه و اننا مصريين زى بعض فايه يعنى اما تتسلى شويه و بما انى فامريكا ابقى كانى امريكيه هنقضيها و اهو احسن من الامريكيه اللى لو عملت معاها اى مشكله هترحلنى و اهو كمان من ريحه بلدى و كدا مش كدا
الشاب / لا انا
نورا / انا ان كنت عاملتك كويس فده مش معناه اى حاجه انا عملت ده عشان مترجعش تقول المصريين بياكلوا بعضهم فى الغربه غير كدا
الباب يتفتح و سعيد و اتنين شباب يدخلوا و هما بيدحكوا نورا و سعيد يبصوا لبعض يستاذن من صحابه اللى يروحوا يقعدوا بعيد و هو يروح يسلم على نورا
سعيد / ازيك ايه الصدفه الحلوه دى
نورا / الحمد لله و انت ازيك و ازى عروستك
سعيد / كويسين هنتجوز كمان شهرين
نورا / والله مبروك
سعيد / عقبالك
نورا / ميرسى
سعيد/ انا كنت عرفت من مستر عزام انك جيتى بس
نورا / ايوه
الشاب يقوم يسلم على سعيد
الشاب / على الزناتى فيديو جايم بروجرامر
سعيد / اه اهلا سعيد الموجى دكتور اطفال
الشاب / اهلا اتفضل
سعيد / مره تانيه .. سعيد انى شوفتك
نورا / و انا كمان
سعيد يبتسم و يمشى و هو و نورا بيبصوا لبعض
على / احم
نورا تبصله
على / انا على الموجى فيديو جيم بروجرامر بشتغل فشركه برمجه و مش بحاول اتسلى و لا اقضى وقت بالعكس انا اصلا اخر انسان عالكوكب ممكن يكون عنده وقت انا قاعد دلوقت كل دقيقه بتتحسب عليا تاخير فى شغلى عشان عندى ديد لاين لازم اسلم فيه البروجكت اللى شغال عليه
نورا / انا اسفه اوى انا لازم امشى عن اذنك
نورا تقوم و تمشى و سعيد و على بيبصوا عليها على يحاسب و يبتسم لسعيد و يمشى
...................................
فى شركه احمد
باب المكتب يتفتح و ماهى تدخل احمد يقوم جرى يسلم عليها
احمد / لما قالولى انك هنا مصدقتش نفسى
ماهى / ليك حق متصدقش انا نفسى مش مصدقه
احمد يبتسم و ماهى تقعد و هو يقعد قدامها
احمد / سمو الملكه تحب تشرب ايه
ماهى / لا لا انا اصلا زعلانه منك اوى
احمد / منى انا ازاى بس
ماهى / بقى حته بت زى دى تعصى عليك
احمد يبصلها باستغراب
ماهى / ايه فاكرنى مش عارفه ههههههههههههههه مالاخر كدا انا عارفه انها مجرد تسليه و حليت فعنيه مخصوص لما بداتوا تتخانقوا عليها و لو عليا هعمل زى كل مره هقف بعيد و اتفرج على مازن و هو بيلعب بالمزه لحد ميزهق و يرميها على اخر دراعه لا هتكون الاولى و لا الاخيره و فى الاول و الاخر هيرجعلى
احمد / اه بس دا خطبها
ماهى / هههههههههههههههههههههههههههههه متبقاش ساذج اوى كدا مازن مش اهبل عشان يجرب نفس السكه اللى انت مشيت فيها و فشلت
احمد / امال جيالى ليه
ماهى / عشان التوقيت مدايقنى يعنى مينفعش الناس تقول انه ساب ماهينور الشربتلى عشان الشحاته دى تعرف لو واحده كلاس والله مكنت اهتميت بس دى ايوووو بصراحه زوقكوا بلدى اوى
احمد / برده مش فاهم انتى جيالى ليه
ماهى / تعرف يا احمد ان مازن لسه محتفظ بالفيديو بتاعك اللى كنت بتعيط فيه فالكليه و هو مقلعك قدام الدفعه كلها و نازل فيك ضرب عنده فى شقته 
ملامح احمد تقلب
ماهى / ايه مالك انت يعنى مش عارف مازن اهو الفيديو الابيض ينفع فى اليوم الاسود
احمد / انتى عاوزه ايه بالظبط
ماهى / انا عاوزه مصلحتك هات و خد انت هتدينى البت دى و انا هديك الفيديو و بالمره ترد لمازن القلم و تعلم عليه مره من نفسك
احمد / و انا يعنى معرفش اجيبه انا لو عاوز ...
ماهى / لو كنت تعرف كنت جيبته انا و انت عارفين كويس انك متقدرش على مازن الصراحه محدش يقدر و عشان كدا بمووووت فيه بس انا و انت و الحبايب لو حطينا ايدنا فايد بعض هنقدر
احمد / و هو حبايبه كتير و الف من يحب يخدم
ماهى / بالظبط
ماهى و احمد يبتسموا
.......................................
فى الحاره بتاعه مرام
مرام ماشيه و فايدها بوكيه الورد و تروح مع مازن ناحيه البيت بتاعها يقابلهم راجل
الراجل / صباح الخير ازيك يا مازن يابنى
مازن / اهلا ازيك يا عم عبد الله اخبارك و اخبار علوه ايه
عبد الله / بندعيلك والله الواد استلم و مبسوط اوى ربنا يكرمك يابنى و يعمر بيتك و يوسع رزقك
مازن / انت تؤمر
عبد الله / الله يخليك الله يخليك
مازن و مرام يمشوا و مرام مبتسمه
مرام / انت عارف ان فى ناس كتير جابوا سيفيهات امبارح وواحده طلبت منى انك تمول مشروع ابنها
مازن / و ايه المشكله
مرام / يعنى انت مش مدايق
مازن / لا عادى بصراحه واخد على كدا تصرف طبيعى منهم يعنى
مرام / امبارح كنت مدايقه مكنتش عارفه اقولهم ايه خصوصا يعنى اننا
مازن / و دلوقت الوضع اختلف و تقدرى تساعديهم
مرام / بجد هتساعدهم
مازن / مش انتى عاوزه تساعديهم
مرام تبتسم و يطلعوا فوق
...............................
فى شقه محمود
مديحه / انت بتعمل فيا كدا ليه
محمود يبصلها
مديحه / انا ضيعت عمرى كله عليك عمرى مفكرت فنفسى طول الوقت بحلم بحاجه واحده بس انى اشوفك اكبر دكتور فى الجامعه كان نفسى تبقى دكتور بس للاسف ربنا ماردش و انت وعدتنى انك هتعوضنى و هتبقى دكتور فى الجامعه انت وعدتنى
محمود / مانا بزاكر ليل نهار عاوزه ايه اكتر من كدا
مديحه / عوزاك تركز انت رايح الجامعه تركز و تفهم و تتعلم و بس مش تتخانق و اوعى تتكلم انت مقدرتش تستحمل تعرف انهم رجعوا لبعض انا مكنش المفروض اقولك امبارح ان الموضوع باظ انا السبب عشمتك
محمود / و لحد ميكتبوا كتابهم لحد ميتجوزها و حتى بعد ميتجوزها هى مبتحبوش
مديحه / فوق لروحك انت بتقول ايه يابنى افهم هى اختارت اللى يسعدها اللى يعيشها عيشه مرتاحه اختارت اللى يحبها مش اللى تحبه هى اختارت صح اعمل زيها
محمود / والله يعنى اروح اشوفلى واحده غنيه اتجوزها هو ده الصح يعنى
مديحه / و ليه لا خد اللى تكبرك خد اللى تتسند عليها فوقت ضعفك خد اللى شرياك يا اهبل يابن الهبله
محمود / مروه صح هى دى اللى شريانى
مديحه / شرياك و اهلها يتمنولك الرضا ترضا
محمود / عشان يوم متخانق معاها تعايرنى و تقولى انا اللى عملتك و انا اللى سويتك صح
مديحه / و هى مرام مش هتعايرك مش هتقولك خدتك على فقرك و استحملت معاك مش هتقولك سبت المليونير و اختارتك
محمود يبصلها
مديحه / و بعدين انت مش قليل على مروه و ابوها انت هتبقى دكتور فى الجامعه و هتكتب كتب و تبيعها للطلبه و هتدى كورسات و هتكسب فلوس كتير و بكره تبقى احسن من مازن و اللى زيه انت بس محتاج تركز فى مستقبلك سيبك من مرام مش هتنفعك هى مش هتنفعك
محمود / يوووووه انا غلطان انى روحت اصلا انا ماشى
محمود يفتح باب الشقه يلاقى مرام و مازن فوشه طالعين عالسلم بيدحكوا يزقهم و يعدى بعنف
مرام / ااااه
مازن / انت عبيط يلا
محمود ميردش و يمشى
مازن / انتى كويسه
مرام / ايوه
مديحه تطلع عالسلم
مديحه / اهلا اهلا اتارى البيت نور
مرام / ازيك يا عمتى
مازن / ازيك يا طنط
مديحه / طنط ايه يا وله انا ماما دانت واخد الغاليه متيجوا تدخلوا اما انا عامله شويه مسقعه مقولكش مرام بتموت فيها
مازن / لا انا لازم امشى كنت بوصل مرام بس
مديحه / يادى العيبه بقى تيجى لحد هنا و تمشى منغير على الاقل متشرب حاجه متقوليله حاجه يا مرام
مرام / ادخل اقعد شويه اكيد تيته هتفرح اوى لما تشوفك هندهها و بالمره اجيبلك الورق
مازن يدخل مع مديحه مرام تروح تفتح شقتها
مرام / تيته ... يا تيته مازن هنا
سميحه تطلع من جوه و معاها كيس اسود
مرام / مازن عند عمتى
سميحه / كويس انا كنت مستنياه اصلا
مرام / خير
سميحه / لا خير خشى انتى بقى غيرى و سخنيله الغدى عملت حته صينيه بطاطس بالفراخ هياكل صوابعه وراها و حاولى تتاخرى عوزاه فكلمتين
..........................