السكه شمال بقلم / لولو_محمد ( كامله )

الحلقه ١٤٥

(((((((((السكة شمال )))))
#لولو_محمد
الحلقه 145
صافى / الله ... ربنا يسعدكوا يارب انا فرحانه اوى مش عارفه ليه بس انتى شكلك مبهج اوى حاسه انى هطير مالفرح
مرام / و انا كمان طايره لامسه السحاب
مرام ترفع ايدها لفوق
صافى / انتى حالتك خطر وشك احمر و ايديكى ساقعه تلج ايوه هو الحب بيعمل كدا فعلا
مرام / نفسى اسعده نفسى اخليه يبقى اسعد راجل فى الدنيا
صافى / عندى فكره حلوه هتفرحه
مرام تنتبه لصافى صافى تبتسم و تحرك حواجبها
...................................
فى المكتب تحت
شريف / بس هو ده كل الورق
مازن / شكرا يا شيكو تعبتك معلش
شريف / خدت على كدا خلاص
مازن / ههههههههههههههههههه ماشى يا شريف
شريف / امال الجو هادى فين مرام و صافى يعنى
مازن / فوق فى اوضه مرام
شريف / ليه انتوا قافشين و لا ايه
مازن / لا ابدا هتلاقيهم بيرتبوا حاجه للفرح .. على فكره قالتلى
شريف / و انت طبعا عملت متفاجئ
مازن / هههههههههههههههههههههه
شريف / تيته جايه بكره خلاص بالسلامه
مازن / اه الحمد لله
شريف / هادى انت اوى .. و ده موترنى
مازن / ههههههههههههههههههههه ليه يعنى متعود تشوفنى بشد فشعرى مثلا
شريف / لا بس كنت متخيل مثلا انك هتبقى مدايق او متوتر ان مرام مروحه بس بالعكس انت فيك حاجه
مازن / حقك تستغرب انا نفسى مستغرب يمكن عشان اول مره افرح الكل مستغربنى
شريف / لا انا شوفتك فرحان كتير لما بتفرح مبتبقاش عارف تقعد على بعضك و بتبقى عاوز تقلب الدنيا و زى مبتكون زعلان بالظبط برده بتبقى عاوز تقلب الدنيا لكن انت هادى اوى هادى بزياده لدرجه تخوف
مازن / ههههههههههههههههههه لا متخافش
صوت خبط عالباب و الباب يتفتح و مرام و صافى يدخلوا مرام و مازن عنيهم تيجى فعنين بعض يقوم يقف و مرام تدخل و هى بتتحاشى عنيه اللى مركزه عليها مع ابتسامه على وشه
صافى / احنا خارجين رايحين الاسبا عاوزين حاجه
مازن / هاجى اوصلكوا
صافى / لا متتعبش نفسك اصل يومنا طويل و هنحتاج عربيه معانا فهناخد عربيتي
مازن / ليه
مرام / تيته جايه بكره هخلص و اروح البيت اوضبه و اشوف لو فى اى حاجه ناقصه اجيبها
مازن / لما تخلصى فالاسبا قوليلى اعدى عليكوا اوصلكوا .. انا اصلا فاضى النهرده موراييش حاجه 
مرام / خلاص تمام ماشى
مرام  و صافى يجوا يمشوا
شريف / مرام استنى تعالى كنا هننسى
مرام تقف شريف يفتح بوكس و يطلع علبه قطيفه مستطيله زى بتاعه الدهب
شريف / تعالى نقى دعوه الفرح دى عينات
مرام تمسكها و تقلب فيها و تستغرب و بعدين تفتحها تلاقيها متبطنه من جوه بقماش ستان احمر مطرز عليه دعوه الفرح و اسمها هى و مازن و شيكولاته مطبوع عليها صوره مرام و مازن بس كارتون صافى تمد ايدها و تاخدها
صافى / سورى انا مش هبقى موجوده فلازم اخد حقى
مرام / حلوه اوى بس مش اوفر
شريف يديها بوكس خشب مستطيل زى علب الساعات بس فخم تفتحه تلاقى فيه رساله مبرومه ملفوف برباط اسمر متعلق فيه عمله دهب
صافى / دى افخم طبعا دا دهب صح
مرام / دهب بجد هتوزعوا فكروت الفرح دهب بجد بتهزروا
مرام تبص لمازن صافى تفتح الشيكولاته و تدوقها
مازن / هتبعتى للوزير دعوه عامله ازاى يا مرام الناس دى مينفعش اقل من كدا
صافى / الشيكولاته خطيره جدا بجد
مرام تاخد حته و تدوقها
مرام / فعلا حلوه اوى بس لا انا مش موافقه ان صورتى تنطبع كدا هياكلوا الشيكولاته و يرموا صورتى فى الزباله لا ياعم مينفعش .. بس برده الدهب كدا اوفر اوى و بعدين يعنى هو لو ربطناها بشريط عادى هتعيط
شريف / مهو مش كل الدعوات هيبقى فيها دهب يا مرام الفى اى بى بس
مرام / قصدك بتوع الفتره الصباحيه مش كدا
شريف يبص لمازن
مازن  / اللى بعده يابنى
شريف يطلع بوكس مربع كبير و يديه لمرام
مرام / شكله عادى اوى البوكس التانى احلى كتير
مازن / افتحيه
مرام تفتحه الغطا لفوق تلاقى عروستين عريس و عروسه بيرقصوا اسلو يلفوا و موسيقى تشتغل و على الغطا تلاقى دعوه الفرح مطبوعه من جوه
مرام / الله دا حلو اوى حلو اوى بجد
صافى / و انا كمان عجبنى اوى اوى
مازن / خلاص تمام يبقى ده اللى هيتعمل
مرام / انا عاوزه واحده ليا
شريف / بس كدا انتى تؤمرى
صافى / و انا
شريف يديها البوكس
شريف / خليه معاكى مش هتلحقى انتى الجديد
صافى / ميرسى
مرام / فكرته حلوه اوى و جديده انا فرحت اوى بيه و على فكره احلى بكتير من انك توزع دهب عالناس عشان تيجى تاكل و تتفرج علينا و يمشوا مناقص ننقطهم احنا كمان بالمره
صافى / مفيش حاجه تانى
شريف / لا مفيش دى كانت احسن حاجه عندهم
مرام / اصلا انا مليش دعوه انا دى عجبتنى و عوزاها مليش فيه اصلا
مازن / خلاص نفذ منها للكل
شريف / تمام يعنى الف كويس
مرام / الف ايه
مازن / اه بيتهيالى يكفوا
مرام / الف ايه
مازن / الف علبه
مرام / مش كتير
مازن / بتاخد وقت تبقى زياده احسن متعجز معانا و بعدين انتى لسه مقولتيش انتى عاوزه كام دعوه عندكوا
مرام / مانا معرفش حجم القاعه ايه
شريف / اللى انتى عوزاه
صافى / اه كنت هنسى بص يا شريف القاعه بتاعه الصبح لازم يبقى فى مكان مرام تظبط نفسها فيه و انا هتفق مع البيوتى سنتر ان المايكب ارتيست تفضل معاها طول اليوم عشان لو المايكب او شعرها حصله اى حاجه متروحش بالليل مبهدله يعنى
مرام / تصدقى معاكى حق طب افرضى الفستان وقع عليه حاجه الصبح او اتوسخ او اى حاجه هعمل ايه
صافى / لا دى بقى مش هعرف اساعدك فيها انتى عارفه ان مازن خد الفستان و قالى انه هيبقى اكسيكلوسف ليكى فانا منفذتش منه تانى بعد الفرح بقى هبقى ابعت الموديل للورشه
مازن / و تلبس نفس الفستان تانى ليه متنزل و تنقى احسن فستان هى يعنى مرام ملهاش نفس تنقى فستان فرحها يعنى كل حاجه انا اللى اخترهالها يعنى
صافى / ايه اللى انا سمعته ده ؟.... حضرتك عاوز تقولى ان مرام هتلاقى فستان فرح احلى من الديزاين بتاعى .. لا لا لا انا الموضوع ده جرحنى اوى و محتاجه علبه شيكولاته من دى عشان اقدر انساه
مازن يمسك شريف من البدله
شريف / ليه الغباوه دى
مازن / بهت عالبت يخربيتك اللى كانت بتاكل بالجرام عاوزه بوكس شيكولاته
مرام / خساره فيها و لا ايه على فكره انا كمان عجبتنى و عاوزه منها
مازن / مهى دى نفس الشيكولاته اللى انتى بتحبيها اصلا بس الكوفر متغير مخصوص عشانا
مرام / بجد تصدق مخدتش بالى
صافى / اتاخرنا على فكره
مازن / طب يلا تعالوا اوصلكوا
شريف / انا هوصلهم .. روح انت خلص المشوار اللى قولتلك عليه امبارح
مازن يبان على وشه الضيق مرام تاخد بالها
مرام / مشوار ايه
شريف/ حاجات للشغل متاخديش فبالك يلا بينا و لا ايه
صافى / يلا يا بنتى اتاخرنا بجد
مرام تشاور لمازن يبتسملها و يمشوا و مازن يطلع التليفون
مازن / صباح الخير ازى حضرتك ..... مسافه السكه حاضر .. سلام
مازن يحط الموبايل فى جيبه و يمشى
...........................
فى النادى
انس / بتهزرى
لبنى / انا عمرى جبتلك اخبار مضروبه
انس / يابنت الايه يا نيفين وقعدت عليه ازاى دى
لبنى / الكفيل بتاع باباها
انس / ههههههههههههههه قال و كانت عامله عيله و غلبانه و عايشه علينا دور الضحيه مهى طلعت سهنه اهو
لبنى / انا اصلا عرفت مالعياده اللى سقطنا فيها الممرضه انا كنت مظبطاها انها لو رجعت تبلغنى فلما كلمتنى اتصلت بنيفين قال يعنى بطمن عليها و تخيل مشغوله اوى بتجهز للفرح اصله الخميس الجاى عقبال عندى
انس / هههههههههههههههههههههه يا بنت الكااااااااالب
لبنى / ناوى على ايه ... اوعى تكون ناوى تعمل حاجه كدا و لا كدا
انس / و انا وش ذلك برده طب دى نوفى حتى حبيبتى عشره سنه و نص معقول هنسى كل ده فلحظه طب حتى يبقى عيب
لبنى / هههههههههههههههههههههههههههههههههه
.............................
فى فيلا ابراهيم
مازن / لا متقلقش حضرتك اصلا كدا كدا انا مش هسمح تحتكوا بيهم معنديش استعداد اقضى الهانيمون بتاعى براضى فى اهل مراتى و انتوا متتوصوش بصراحه
ابراهيم / اتكلم بادب يا مازن
فريده / هو ميقصدش و بعدين انا قولتلك انه اكيد زعلان ... انا والله يا مازن عاتبته جامد على الكلام اللى قاله لمرام حتى اساله
مازن / ملوش لزوم هى اصلا مش زعلانه اصلا هى مش فارق معاها حد غيرى مدام انا كويس معاها مش مهم
ابراهيم / سامعه بيقول ايه مطبعا ابوك و اهلك يهموها فى ايه مهى علشان كدا جايه على هوا خالك وواحده واحده هتنسيك ابوك و اخواتك
مازن / لا حضرتك مرام مبتعملش كدا و لا حتى بتفكر فى كدا لو كانت دى دماغها مكنتش جت مخصوص عشان تراضى حضرتك مع انها عارفه انك هتهزقها الحقيقه يا بابا انا كنت منتظر ان حضرتك تخيب ظننا كلنا و تفاجئنى و تحسسنى انك مهتم بيا بس كالعاده مفيش جديد
ابراهيم / انا عاوز مصلحتك احنا لسه عالبر و تقدر تفلت
مازن / انا مصلحتى معاها بابا الموضوع ده بالنسبالى حياه او موت وجود مرام فى حياتى هو كل حاجه منغيرها هموت
ابراهيم / الحياه مبتقفش على واحده
مازن / و حضرتك اثبت ده كويس بس للاسف انا مش زيك
مازن يقوم يقف
مازن / حضرتك طلبتنى عشان تاكد عليا انك متحتكش باهل مرام فى الفرح و انك مش مسؤل عن رد فعلك ناحيتهم و انا طمنتك ان الفرح هيبقى فترتين معازيم حضرتك لوحدهم و اهل مرام لوحدهم و مرام تفهمت الموضوع ده بس طبعا حضرتك لو حبيت تحضر مع ابنك و تشرفه قدام نسايبه اكيد هكون شاكر جدا لفضلك عن اذنكوا عشان انا ورايا مشاوير كتير جدا النهرده
مازن يمشى و ابراهيم يبص لفريده و يشاور على مازن
فريده / كلو هيبقى تمام اديله شويه وقت بكره يزهق منها هو واخد الموضوع معاك عند مش اكتر
ابراهيم / بيقولى انى اثبت ان الحياه مبتقفش على واحده بيرمى كلام عليا الافندى ميعرفش هو حاجه جاى بعد العمر يحاسبنى
فريده / متاخدش على كلامه اذا كنت انا مدايقتش اهدى كلو هيتصلح اهدى انت بس
ابراهيم يهز راسه و فريده ماسكه فى ايده
....................................
فى الحاره
عربيه مازن تركن و ينزل مازن و شريف و من ورا مرام و صافى و يدخلوا الحاره توفيق قاعد عالقهوه و عينه مع مرام و مبتسم تمسك ايد مازن جامد و يعدوا و مازن مبيبصش عليه حتى اسعد يشوفهم يجرى عليهم
اسعد / الف مرحب اتارى الحته نورت مش تقولوا انكوا جايين كنا فرشنا الارض ورد و لا اى حاجه
مازن / هتتفرش يا معلم عشان الحجه جايه بالسلامه بكره
اسعد / طب والله لدبح حاجه
مازن / و يمين على يمين ليندبح يا معلم يلا خلى الناس تاكل ... ظبط مع المعلم يا شريف حاجه كدا زى المره اللى فاتت بتاعه سلامه محمود بس على كبير
اسعد / طول عمرك ابو الواجب
مازن / نستاذن احنا بقى
اسعد / طب الاول اقعد اشرب حاجه من زمان مشوفناكش و لا اتونسنا بيك
مرام / خلاص خليك هطلع انا و صافى نوضب كل حاجه و انتوا ابقوا حصلونا
شريف يفتح البوابه لمرام و يديها ميداليه مفاتيح
شريف / المفاتيح الجديده عشان الشقه فوق المفتاح اتغير
مرام / تمام شكرا عن اذنكوا
مرام و صافى يدخلوا و شريف يقفل وراهم و يروح هو و مازن و اسعد يقعدوا عالقهوه منغير ميبص على توفيق اللى عينه عالبوابه و شريف مركز معاه
..........................
فى شقه نيفين
نيفين قاعده بتسرح شعرها توصلها رساله تفتحها
انس / الف مبروك فرحتلك من قلبى ليكى معايا هديه قابلينى فى النادى بكره عشان اقدر اديهالك ... ملحوظه لو مجتيش هبعتهالك عالبيت
نيفين / ايه الحيوان ده عاوز منى ايه تانى
نيفين تتصل غير متاح تتصل غير متاح تقوم تلبس و تنزل
................................
فى شقه مرام
صافى / بيتهيالى كدا كلو تمام
الباب يخبط تروح تفتح تلاقى مازن و شريف
مازن / ايه الاخبار
صافى / انا رتبت الدنيا هنا و بيتهيالى مش ناقص حاجه مرام لما تيجى بقى تشوف فاضل ايه
مازن / تيجى منين
صافى / بترتب الشقه هناك
مازن يروح يخبط و شريف يدخل يقعد مع صافى
صافى / تشرب حاجه
شريف / لا لسه شارب بس ممكن نطلب اكل ايه رايك
صافى / والله انا جعانه جدا هتبقى فكره حلوه اوى
شريف / عالبركه
.......................
فى شقه مديحه
مروه بترتب سرير محمود و مرام بتلمع المكتب
مروه / بس لسه فاضل الفستان بس محمود قالى لما ماما تيجى بالسلامه و نطمن عليها ننزل نظبط كل حاجه
الباب يخبط مرام تروح تفتح تلاقى مازن
مازن / ايه الاخبار
مرام / كلو تمام روقنا الدنيا مش فاضل بقى غير شويه حاجات كتبتها لمحمود فورقه و اديتها لمروه يجيبها بقى من اى حته
مازن / هاتيها نجيبها دلوقت ليه نستنى محمود و نتعبه مفيهاش حاجه
مرام واقفه بتشد فكم البلوزه الشمال كانها بتدارى حاجه مازن ياخد باله
مازن / فى ايه
مروه تطلع من جوه
مروه / انا خلصت كدا كلو هنا تمام ... ازيك يا مازن
مازن / الحمد لله يا مروه ازيك مكنتش اعرف انك هنا
مروه / لما شوفت مرام مالبلكونه جيت جرى اساعدها
مرام / تعالى اقعدى معانا هناك
مروه / بلاش تلاقى صافى لسه زعلانه منى
مرام / متبقيش هبله بقى دا صافى قلبها ابيض
مروه / خلاص ماشى
مروه تطفى النور و يروحوا هناك
شريف / انا طلبت بيتزا ازيك يا مروه
مروه / ازيك يا شريف ... ازيك يا صافى ياريت متكونيش لسه زعلانه منى
صافى / مكنتش زعلانه منك اصلا
مرام / مش قولتلك
مازن / بقولك يا شريف فى ورقه طلبات على مالاكل يجى معلش اتعبك تظبطهالنا
شريف / اوى اوى
مروه تبص لمرام تهز راسها تطلع الورقه من جيبها و تديها لشريف
شريف / طب مسافه السكه انا
شريف يمشى و مرام و صافى و مازن و مروه قاعدين و مرام بتدارى كمها و مازن مركز معاها اوى يقوم يدخل الحمام يغسل وشه
مازن / مرام ... ممكن تناولينى فوطه
مرام تجرى تدخل تجيب فوطه مالدولاب و تجرى على مازن تناوله يمسك ايدها تشدها
مرام / اعقل صافى و مروه بره و مروه متفهمش فى الحاجات دى هتروح تقول للدنيا كلها مازن كان زانق مرام فى الحمام
مازن / بتدارى ايه منى
مرام / بعدين لما نبقى لوحدنا
مازن / هيحصل ايه هاه ؟؟
مرام / اتلم بقى يقولوا ايه
صوت صافى من بره
صافى / و انتى جوه اعمليلنا شاى احنا فى البلكونه
مرام تبص على صافى تلاقيها بصالها تغمزلها و تدخل ورا مروه البلكونه
مازن / جدعه اوى البت صافى دى
مرام / انا عارفه انك مش هتهدى الا لما تودينى فداهيه
مازن / و ماله مانا هاجى معاكى
مرام تشمر كمها شويه راسمه تاتو اسم مازن معكوفه و متشكله مازن يمسك ايدها و يبوسها مكان التاتو
مرام / قالتلى عالفرح هتروح بس احنا اصلا كنا بنجرب يعنى هيطلع شكلها ايه و هتبقى ترسمها تانى قبل الفرح بس مش هنا
مازن يشبك صوابعه فى صوابع مرام و عينه فعينها
مازن / امال فين
مرام / هتبقى تعرف وقتها
مازن / و معرفش دلوقت ليه
مرام / وسع خلينى اللحق اعمل الشاى هيقولوا اتاخروا ليه
مازن / هتبقى تقوليلى يعنى
مرام تفك ايد مازن و تبصله بخجل
مرام / لا بس هبقى اسيبك تدور عليه
مازن يسند ضهره عالحيطه و هو مبتسم مرام تسيبه و تدخل المطبخ و عند الباب تبص عليه و تدحك  جوه
...............................
قدام محل البقاله
محمود يدخل يسلم على شريف
محمود/ ازيك يا شريف ايه الاخبار لما مروه قالتلى انكوا هنا مصدقتش ايه المفاجاه الحلوه دى طب مقولتش ليه فالشركه الصبح
شريف / محدش كان يعرف مرام قررت انها تيجى ترتب البيت و تشوف لو ناقصه حاجه فجينا كلنا
محمود / انا والله عملت على قد مقدرت اصلا بس صاحبك فى الحاجات دى خيبه انت بتعمل ايه
شريف / بجيب شويه طلبات
بتاع الدليفرى يوصل شريف يوقفه
شريف / اوردر باسم مازن منتصر
الشاب / ايوه
شريف / تمام هنا شكرا
الشاب يديله العلب و شريف يحاسبه
شريف / خلى الباقى عشانك
الشاب / شكرا
الشاب يمشى و البقال يطلع شايل حاجات كتير اوى محمود ياخدها منه
الراجل  / 370 جنيه
محمود يحاسب و يمشى مع شريف
توفيق / ميا مسا يا استذه
محمود يبصله من فوق لتحت و يمشى توفيق يقوم وراه
توفيق / مخلاص بقى ميبقاش قلبك اسود احنا برده ولاد حته واحده
محمود / عاوز ايه يا تيفا
توفيق / ياعم بمدك ايدى الله
محمود / معلش زى مانت شايف شايل
توفيق يمد ايده يشيل عنه محمود يحرك ايده
توفيق / كنت هساعدك
محمود / الله الغنى
توفيق / و ماله حقك ... منورين يا بهوات
توفيق يبص على شريف يبتسمله من تحت الدرس و يمشى هو و محمود عالبيت
توفيق / ابقى سلملى عالعروسه .... و العريس
..........................................