السكه شمال بقلم / لولو_محمد ( كامله )

الحلقه ٣٢

((((((((((((((السكة شمال ))))))))))))
#لولو_محمد
الحلقه الثانيه و الثلاثون
لبني / تصدقي انا غلطانه اصلا الشلا عمرها مهترجع زي مكانت انتي هتسافري و مازن قافش مع انس اتفرقنا بجد
مازن / ميمكن دي حاجه كويسه
زياد / يابني انت بتقول ايه
مازن / اصلا الواحد زهق كل يوم نفس العيشه نفس التفاهه فالاخر تبص وراك تلاقي نفسك معملتش اي حاجه
........................................
زياد / بالسرعه دي داحنا لسه بنقول يا هادي
لبني / وانتي يا نونو ايه رايك
نورا / رايي اننا نفسنا زهقنا مش مازن بس بصي كدا علي اخر كام مره اتجمعنا فيهم الملل كان الراعي الرسمي للمكان
لبني / طب متيجوا نغير جو فاي حته
مازن / هتفرق فايه نفس اللي بنعمله هنا هنعمله هناك
لبني / انتوا متغيرين خالص علي فكره مالكوا ايه الكابه دي
نورا/ انا خلاص مسافره كمان كام ساعه انسي بقي اقولك تعالي معايا نقفل الشنطه جوه
لبني / تعالي
لبني و نورا يقوموا زياد يقوم يقعد جنب مازن
مازن / لا
زياد / هو ايه اللي لا هو انا لسه فتحت بقي
مازن / هو لا
زياد / لا يعني
مازن / احلفلك يعني عشان تصدق
زياد / و لا مسكت ايدها حتي
مازن / و لا حتي عبرت ببقي عن اعجابي حتي
زياد / اخيييييييييييييي الله يخيبك
مازن / اكتر من كدا يابني قولتلك مفيش فايده
زياد / انت اللي مش عاوز قول بقي كدا
مازن / طب اعمل ايه
زياد / انا اللي هقولك دانت الملك يا ميزو 
مازن / تصدق قفلتني عن اذنك
مازن يقوم
.....................
في شقه مرام
مرام نايمه جنب سماح تليفونها يرن تاخده و ترد و هي نايمه
مرام / الو
صوت شاب / هو انا صحيتك اسف اوي معقول بتنامي بدرى كدا
مرام تفتح عينها و تبص رقم غريب
مرام / مين معايا
الشاب / لا والله ازعل مش كل مره هعرفك بنفسي من اول و جديد لحقتي تنسيني
مرام تقفل السكه
مرام / انا ناقصه غتاته امك عالصبح
سميحه / مين يا مرام
الشاب يتصل تاني
مرام / طب والله لريحك و اهزقك ....الو في ايه يا
الشاب / انا احمد الذهبي يا مرام بتاع الحفله و المنتدي
مرام / اه اهلا و سهلا انا اسفه
احمد /انا اللي اسف كنت فاكرك سجلتي رقمي و مكنتش اعرف انك بتنامي بدرى الساعه لسه مجتش اتناشر
مرام / معلش صاحيه بدرى و عندي كليه الصبح خير في حاجه
احمد / انا كنت متوقع انك هتكلميني عشان نشوف هتبدئي امتي
مرام / انا عندي امتحانات و مش هفضي غير كمان اسبوعين
احمد / مفيش مشكله يا ستي شوفي فاضيه امتى و نتقابل و نتكلم فالتفاصيل و بعد اسبوعين استلمي ايه رايك
مرام / مش فاهمه
احمد / شكلك لسه نايمه علي العموم انتي وراكي ايه بكرا بعد الكليه
مرام / مفيش
احمد / خلاص هعدي عليكي في حاجه محتاج رايك فيها
مرام / حاجه ايه
احمد/ اعتبريها مفاجاه عاوز اشوف اول رد فعل ليكي هيفرق معايا ها هتخلصي امتي
مرام / والله حضرتك فاجاتني و انا لازم ابلغ اهلي الاول
احمد / خلاص هكلمك بكره و نحدد المعاد سوا و اسف اني صحيتك و ياىيت بقي للمرادي تسجلي رقمي
مرام / باذن الله تصبح علي خير
احمد / و انتي من اهله
مرام تقفل السكه
سميحه / مين ده
مرام / رجل اعمال عاوزني اشتغل معاه فالصيف و عاوز رايي بكره فحاجه مفاجاه
سميحه / غريب اوي هو في كدا
مرام / اصلا انا و محمود مضيين عنده استمارات عشان نتمرن فشركته فالاجازه و كان حاضر حفله التخرج اللي نظمناها و كان مبهور اوي
سميحه / كدا وضحت بقي علي العموم يمكن رزق و جايلك شوفي يمكن فيه خير ليكي
مرام / باذن الله
.................
فى المكتبه تانى يوم الصبح
مازن قاعد بيبص فالساعه مرام تدخل
مرام / متاخرتش اوى كدا يعنى
مازن / مش مشكله عندى تلت اساله
مرام / اتفضل اسال
تليفون مرام
مرام / ثوانى لازم ارد
مرام تقوم تقف فى جنب و ترد
مرام / الو ازى حضرتك استاذ احمد
احمد / طب دى بدايه مبشره اولا لانك سجلتى النمره اخيرا بس ليه استاذ دى بقى هههههههههههههههه مش عارف ليه قفلتنى من نفسى
مرام / امال اقول لحضرتك ايه
احمد / بتدايقى لما بقولك يا مرام
مرام / لا عادى مهو اسمى هههههههههههههه
احمد / خلاص قوليلى احمد مهو برده اسمى
مرام / مش عارفه مش حاسه انه صح
احمد / ليه هو الاحترام فالالقاب بس يعنى على فكره كل اللى بيشتغلوا معايا كدا بيقولولى احمد هو صحيح قدام الناس لازم يعملوا منظر عشان محدش يتكلم بس بنا و بين بعض بنتعامل كاننا اسره مع بعض و ده الطبيعى يعنى انا شغال معايا ناس اكبر منى فالسن و يمكن اكبر من والدى كمان تفتكرى ينفع يقولولى استاذ احمد او احمد بيه بحسها عيب اوى مش عارف انتى ايه رايك
مرام / مش عارفه
احمد / خلاص يبقى تعملى اللى يريحنى انا هقولك احمد و انتى قولى مرام منغير استاذ منغير حضرتك منغير اى فروقات تمام
مرام / طب معلش انا الوضع ده مش هيريحنى انا يعنى مش واخده عليه
احمد / خلاص اعملى زيهم قدام الناس قولى مستر احمد عادى بينى و بينك متخنقنيش بليز قوليلى احمد عادى ممكن
مرام / هحاول بس موعدكش
احمد / كدا احسن كتير
مرام / هو ايه
احمد / قولتى موعدكش مش موعدش حضرتك المهم انا راجعت جدولك لقيتك هتخلصى الساعه اتنين
مرام / جدولى ؟؟؟ هو اصلا الدراسه واقفه الاسبوع ده انا فالمكتبه بخلص شويه حاجات
احمد / اه و الحاجات دى مينفعش تتاجل
مرام / للاسف الفتره دى حضرتك عارف ضغطه الامتحانات
احمد / حضرتك تانى ماشى لحد متاخدى عليها بس
مرام / هههههههههههههههه ماشى بس على العموم انا فعلا من بعد اتنين هكون فاضبه
احمد / خلاص هعدى عليكى اخدك
مرام / طب محضرتك تقولى العنوان و انا اجى عادى
احمد / و ليه التعب انا كدا كدا هكون عندك بخلص حاجات هاخدك فى طريقى
مرام / هو
احمد / اسف اوى يا مرام انا مضطر جدا اقفل ينفع اكلمك كمان شويه
مرام / مفيش مشكله
احمد / مع السلامه
مرام / سلام
مرام تبص وراها تلاقى مازن ساند على رف و مربع ايديه تتخض
مرام / ايه انت واقف هنا من امتى
مازن / خلينى اخمن دا احمد الدهبى صح
مرام / عرفت منين
مازن / بالخبره
مرام / والله طب ممكن نكمل بقى
مازن / مرام هو حد قالك قبل كدا انك بتحبى تحطى نفسك فمشاكل بجد
مرام / الحقيقه اه محمود كتير جدا و عمتى مديحه كتير برده بس محمود كتير اوى جدا ..اوى ..جدا
مازن يبتسم
مرام / اخر سؤال
مازن / ايه مينفعش انا
مرام / انت ليك تلت اساله
مازن / طب كان ايه السؤال الاول اصلا
مرام / هو ده احمد الذهبى ده كان السؤال الاول كدا خدت التلت اساله بتوعك يلا نخلص
مازن / لا انتى بتخمى على فكره ذات ايذ نوت فاير
مرام / سو ايذ لايف يلا النهرده عملتلك اساله اكتر يمكن تاخد فرص اكتر
مازن / كل السنين دى و متعلمتش انى مثقش فالبنات بجد حرقتى دمى مش طايقك
مرام / ههههههههههههههه معلش محدش بيتعلم ببلاش
مازن / لو سمحتى مش وقتك انا مدايق دلوقت
مرام / مازن ممكن تبقى جد بقى
مازن / لو جاوبت هيتحسب
مرام / ههههههههههههههههههههههههههههه
مازن يبتسم
مرام / هديك سؤال بونص من عندى اتفضل اسال سؤال واحد بس فكر كويس قبل متسال
مازن / احمد عاوز منك ايه
مرام / ده السؤال
مازن / اه
مرام / عاوزنى اتمرن عنده فى الشركه فى الاجازه
مازن / احنا لسه مخدناش الاجازه
مرام / اتفقنا انه سؤال واحد بس
مازن / و انتى مجاوبتيش هيعدى عليكى ياخدك مالكليه بمناسبه ايه انا مكنتش بتسنط انا كنت قايم اشوفك اتاخرتى ليه و سمعت بالصدفه و الله
مرام / مصدقاك شغل
مازن / احمد !!! من امتى
مرام / معرفش ممكن بقى تبطل اساله بره المنهج و تخلص
مرام تدى لمازن ورق
مازن / نورا سافرت الفجر مذاكرتش حاجه جديده بس هحل الاجزاء اللى زاكرتها قبل كدا ماشى
مرام / ماشى حل اى حاجه
مازن يحل و مرام تطلع كتاب و تقرا فيه
مازن / تقبلى نصيحه من صديق
مرام / مين الصديق
مازن / سكت
مرام تبتسم من ورا الكتاب
مرام / اتفضل قول
مازن / احمد مش بيجي من ورا خير
مرام / قالولى نفس الكلام عليك و شوف سبحان الله مبسمعش كلام الناس و لازم اجرب بنفسي
مازن / ماشى جربى بنفسك طب معلش سؤال اخير
مرام / مش هنخلص صح
مازن / اخر سؤال وعد
مرام / وعد
مازن / وعد مش هفتح بقى لحد منخلص اخر سؤال
مرام / اتفضل
مازن / ليه مسمعتيش كلامهم ليه بتساعدينى مش يمكن هما صح ليه بتجازفى
مرام / من تمنتاشر سنه كنا فالبحر انا و تيته و ماما و بابا و خالو و جدوا الله يرحمهم
مازن / الله يرحمهم
مرام / خالو زى اى شاب فسنك دلوقت كدا كان بيعوم مع صحابه و دخلوا جوه خالص و فجاه السحب على بابا طلع ماما و انا تيته كانت شيلانى خالو كان بعيد مش عارف يطلع فجدوا جرى عليه و الموج كان عالى اوى و الاتنين فجاه اختفوا
مازن يتعدل فقعدته
مرام / طبعا انا كنت صغيره جدا تيته هى اللى حكتلى الموضوع ده قالتلى انها بتصحى كل يوم الصبح تندم انها وقفت عالشط تبص عليهم و مدخلتش وراهم مع انها مبتعرفش تعوم بتقول يمكن لو كانت دخلت كانت شدت خالو او جدوا يمكن كان حد منهم طلع حتى لو هى اللى راحت مكانه بتقولى ان الواحد يحاول و يموت و هو بيحاول احسن بكتير من تانيب الضمير مش يمكن لو كنت حاولت كانت كل حاجه اتغيرت فهمت حاجه
مازن / فهمت
مرام / انا بجازف عشان انا شيفاك بتحاول و بتزاكر و عاوز تنجح يمكن لو مساعدتكش متكملش و ترجع تلعب تانى و تسقط انا مش هخسر حاجه بس يمكن ضميرى يانبنى ساعتها دا غير انى كدا كدا بزاكر يعنى مش بتضرنى فى حاجه
مازن / شكرا نكمل شغل بقى
مرام / ياريت
مازن يكمل حل و مرام تقرا فى الكتاب
.......................................
فى شقه سميحه بعد شويه
محمود / ازيك يا تيته عامله ايه
سميحه / الحمد لله يا محمود اخبار المعلم اسعد ايه الاكل كان حلو
محمود / والله كان حلو بس اكيد مش احلى من اكلك يا ست الكل امال مرام مجتش لسه و لا ايه
سميحه / لا اتكلمت و قالت احتمال تتاخر شويه
محمود / و دا ليه بقى ان شاء الله هو كان من باقى عيلتها عشان تقعد كل ده احنا قايلين ساعتين بالكتير صح و لا لا
سميحه / لا يا محمود هى اتصلت و قالت ان فى واحد كدا اسمه احمد الدهبى باين هيعدى عليها عشان شغل
محمود / شغل ايه ده
سميحه / معرفش مش انتوا مقدمين استمارات باين عنده فى الشركه قالتلى كدا امبارح
محمود / اه بس دا فاجازه نص السنه و بعدين هى مقالتليش ليه عالموضوع ده
سميحه / مهو اتصل بيها بالليل و كلمها و الصبح انت كنت روحت المحل عند المعلم اسعد فتلاقيها عشان كدا مقالتلكش 
محمود / بجد طيب متعرفيش هتيجى امتي
سميحه / لا مسالتهاش بصراحه
محمود / البت مبتتسالش هترجع امتى و الراجل كل تلت ثوانى مكلمه انت فين و بتعمل ايه هى البلد دى حالها باظ من شويه
سميحه / هههههههههههههههههههههههههه دحكتنى يا حوده اعملك شاى
محمود / تسلم ايدك انا نازل عن اذنك
محمود يمشى
..................................
قدام الكليه
احمد واقف لابس كاجوال و ساند على عربيه هامر سودا مرام تطلع تقف عالرصيف و متعرفوش يروحلها
احمد / ههههههههههههههههههه لا والله كدا كتير بجد مش كل شويه تنسينى يعنى
مرام / ههههههههههههههههههههه اسفه معرفتكش بالتيشيرت
احمد / ايه لازم اللبس بدله طول الوقت يعنى و لا ايه يلا بينا
مرام / معلش مش هتقولى هنروح فين طيب
احمد / متخافيش مش هخطفك اركبى
مرام تركب مازن يطلع مالكليه و يسلم على احمد
مازن / ازيك يا احمد
احمد / الحمد لله ازيك يا مازن بتعمل ايه هنا
مازن / دى كليتى انت نسيت و لا ايه انت اللى بتعمل ايه هنا
احمد / جاى اخد مرام كان نفسى اوى نقف و نكاتش اب بس معلش هنتاخر فرصه تانيه عن اذنك
احمد يركب و يمشى  و مازن يركب عربيته و يمشى وراهم
مازن / دانا اللى هكاتشاب من دمك انت و البلوه اللى معاك حاضر
...............................
قدام شركه كبيره
وليد يطلع و يركب عربيه و السواق يقفل الباب و يطلع شويه و عربيه تافل عليه و ينزل منها خمس رجاله جتت جتت و يشدوه براها و ينزلوا فيه ضرب واحد منهم يوطى عليه
الراجل / الباشا الكبير بيسلم عليك و بيقولك شوفلك حد على على قدك
الرجاله يركبوا العربيه و يطيروا و السواق واقف مش عارف يعمل ايه
...........................
فى الفيلا عند زياد
شاب قاعد و انس و زياد و لبنى قاعدين
انس / انا زهقت كفايا كدا النهرده
انس يقوم الشاب يبص لزياد
زياد/ و انا كمان تعبت بصراحه و مخى قفلت و هموت مالجوع
الشاب / طب ناخد رست ساعه و نكمل
زياد / و مالو تشرب ايه بقى و لا اقولك احنا عاملين اسكالوب بانيه حكايه هخليهم يجيبولك
الشاب / لا مش جعان والله
زياد / عيب انت فبيتنا يا راجل ثوانى
زياد يقوم
لبنى / انا مش فاهمه احنا بناخد كل الهبل ده ليه اصلا
الشاب / هانت معلش
لبنى / هههههههههههه عن اذنك
لبنى تقوم تروح لزياد المطبخ بيتكلم مع بنت
لبنى / امال انس فين
زياد / معرفش تلاقيه هنا و لا هنا
لبنى / فلتت نورا مالقرف ده و ريحت دماغها
زياد / انتى بتقولى فيها
لبنى / تعرف والله لولا مازن و اللى بيعمله مكنتش اهتميت
زياد / ليه عمل ايه
لبنى / انت بتهزر و لا مش واخد بالك طول ممازن بيسقط محدش بيكلمك لكن بقى لو البيه نجح و لا الكارثه الاكبر يجيب تقدير هتلاقى مليون مقارنه
زياد/ انتى مصدقه انه بيزاكر بجد و بعدين هى اول مره يزاكر يعنى المهم فالاخر يدخل الامتحان
لبنى / هيدخل دا مبيكلمناش حتى شوفته امبارح كان بيعاملنا ازاى و متقولش قافش من انس دا كان ناقص يطردنا يابنى
زياد / ادينا بنزاكر اهو خلاص
لبنى / اعمليلى عصير لو سمحتى و هاتيهولى عالبول
البنت / حاضر تؤمرى
...............................
فى عربيه احمد
احمد / دا ايه حكايته ده
مرام / مين
احمد / مازن ماشى ورانا من الصبح
مرام تحاول تبص
احمد / متبصيش متديلوش اهميه هو مازن كدا طول عمره بيحب يكون مركز الاهتمام فكل حاجه
مرام / معرفش بصراحه
احمد / انا اعرفه من زمان انسان لا يطاق بصراحه دا حتى باباه مستحملوش و رماه فمدرسه داخلى لولا خاله خده ورباه
مرام / معقول
احمد / ايوه انتى متعرفيش الموضوع ده ... بصراحه ليكى حق انتى اصلا مالك و ماله انتى واحده متفوقه و هو انسان فاشل وصلنا يا ستى
احمد يركن العربيه قدام شركه كبيره و واحد يجرى يفتحله الباب
الراجل / اهلا احمد بيه
احمد ينزل و مرام تنزل و الراجل يركب العربيه و يمشى
احمد / اهلا بيكى فى منزلى المتواضع
مرام تبص على المبنى متشوفش اخره و تدخل مع احمد و طول الطريق الناس بتقف و تسلم على احمد لحد ميركبوا اسانسير
مرام / مكل الناس بتقولك احمد بيه اهو
احمد / عشان قدام الناس بس قولتلك شكليات يعنى مش اكتر
مرام / هو احنا جايين هنا ليه
احمد / امال كنتى فاكره هتشتغلى فين
باب الاسانسير يتفتح و احمد يتحرك و مرام وراه راجل يفتحله مكتب
الراجل / اهلا احمد بيه
احمد / صباح الخير يا عم فاروق احلى قهوه بقى ماشى
الراجل / تؤمر
احمد / قهوتك ايه يا مرام
مرام / لا ميرسى مش عاوزه شكرا
احمد / لا القاعده هنا بالمشاريب خليهم اتنين عصير يا عم فاروق اصل احنا قعدتنا طويله
................................