السكه شمال بقلم / لولو_محمد ( كامله )

الحلقه ١٥٠

((((((((((((((السكة شمال ))))))))))))))))
#لولو_محمد
الحلقه 150
صافى / قولى انت لو ده اخر يوم ليك فى مصر هتعمل ايه
شريف / اخر يوم ؟؟ اخر يوم خالص يعنى مش هترجعى تانى ؟؟ قصدى يعنى مش هرجع تانى
صافى / لا طبعا اقصد يعنى على الاقل هتقعد فتره على مترجع يعنى هو ده اللى اقصده
شريف / اه فهمت اممم على العموم بيتهيالى هاخد جوله سياحيه سريعه يعنى ممكن الاهرامات الحسين مثلا مركب فى النيل امممم يعنى حاجه كدا
صافى / شكله هيبقى يوم ممتع اوى
شريف / تمام خلاص اتفقنا تحبى اعدى عليكى بكره الساعه كام ؟
............................
صافى / يناسبك امتى
شريف / سبعه كويس
صافى / سبعه الصبح ؟؟
شريف / امال سبعه بالليل
صافى / ههههههههههههههههه مش شايف انه بدرى اوى يعنى
شريف / يادوبك نروح نفطر و بعدين نتفسح و بعدين نتغدى عشان نكمل فسحه عشان تلحقى تروحى تتعشى و تكملى سهرتك مع البنات
صافى / هههههههههههههههههههههه اوك تمام
شريف / بتعملى ايه دلوقت
صافى / و لا حاجه انا لسه مقفله الشنطه و كل حاجه خلصانه كدا بقى هقفل الشقه و انام عشان اللحق اصحى بدرى
شريف / هتنامى بدرى كدا
صافى / اممم مش عارفه انا اصلا مش جايلى نوم ممكن اسهر ساعه او اتنين كمان
شريف / و ناويه تعملى ايه فى الساعتين دول
صافى / هههههههههههههههههههه مش عارفه انت عندك افكار
شريف / والله فى فدماغى فكره واحده مش عارف هتعجبك و لا لا
صافى / ههههههههههههههههه طب ايه ناويه تقولها و لا ايه
شريف / ههههههههههههههه يعنى نقعد نرغى شويه فى التليفون
صافى / اممم استنى ثوانى .... موبايلى اربعه و ستين فى الميه بيتهيالى ممكن يستحمل الساعتين دول اوك تحب نرغى فى ايه
شريف / انك هتوحشينى مثلا
صمت
شريف / هتوحشينا كلنا طبعا يعنى انتى الفتره اللى فاتت تقريبا احتليتى حياتنا يعنى كل الحوارات حتى هنا عندى فى البيت تقريبا كانت عنك يعنى لسه لحد دلوقت بيتكلموا عن يوم مبيتى هنا
صافى / انا كمان انبسطت اوى وسطيكوا مكنتش متخيله انى هلاقى جو اسرى حلو اوى كدا بجد حسيت انكوا اهلى مامتك ست زى العسل ربنا يشفيهالك يارب و يخليها و لا اخواتك كانهم اخواتى انا عمرى مخدت على حد بالسرعه دى
شريف / و هما كمان عمرهم ماجمعوا على حد كلهم حبوكى جدا ...
باب اوضه شريف يخبط و يتفتح بالراحه و تقى تدخل راسها
تقى / ماما بتقولك العشا جاهز .. انت بتكلم مين .. صافى .. هات
تقى تدخل تشد من شريف الموبايل
تقى / ازيك يا صافى وحشتينى جدا
صافى / و انتى كمان يا تقى
تقى / هو احنا مش هنشوفك قبل متسافرى و لا ايه تعرفى انا رسمت رسمه فستان كنت عاوزه اخد رايك فيها
صافى / بجد
تقى / استنى بقى متبقاش رخم الله .. معلش شريف واقف جنبى بصى انا هروح اكلمك فى اوضتى احسن
شريف / الموبايل يا جزمه
تقى تطلع مالاوضه و تروح اوضه اخواتها
تقى / خلاص خلاص وزعته
صافى / هههههههههههههههههه
تقى / بقولك لما عجبتك الرسمه بتاعتى نزلت اشتريت كراسه رسم و عملت شويه موديلات حلوه اوى ممكن تستفيدى منها
صافى / اكيد طبعا ايه رايك لما اجى بكره
تقى / ايه ده انتى هتيجى بجد
صافى / شريف عزمنى ابات معاكوا يعنى اخر يوم ليا فنعمل سليب اوفر و مرام تيجى و نرقص و نفرفش و كدا
تقى / الله استنى اما اقول لشيماء دى هتفرح اوى
تقى تكلم اخواتها
تقى / صافى هتيجى تبات عندنا بكره تانى
شيماء تشد منها التليفون
شيماء / ازيك يا صافى بجد اللى تقه بتقوله ده
صافى / هههههههههههه ايه رايك
شيماء / دا احلى خبر سمعته فى حياتى
اختهم تشد منها النليفون
اختهم / ازيك يا صافى وحشتينى جدا
صافى / ازيك يا رؤى عامله ايه هههههههههههههههه
رؤى / الحمد لله بقولك فاكره حزام الرقص اللى قولتلك عليه انا لقيته الكلبه شيماء كانت مخبياه فى شنطه جهازها
شيماء / والله كنت ناسيه ايه هو انا هحلفلك ميه مره
صافى / هههههههههههه خلاص تمام و انا كمان هبقى اجيب البوكس بتاعى و نرسم بقى و نولعها
رؤى / قشطه
صافى / بس هتعمليلى الكيكه بتاعتك قدامك وقت لبكره بالليل اهو
رؤى / تمام اتفقنا
شريف يدخل و يشد منهم الموبايل
شريف / تمام كفايا كدا بقى يا بنات و شكرا يلا كل واحده تشوف اللى وراها عشان انا للاسف مضطر انزل
شريف يقفل باب الشقه و ينزل
شريف / واضح انى مش هعرف اتكلم فالبيت
صافى / هههههههههههههه انت عندك احلى اخوات فى الدنيا
شريف / و دى حقيقه للاسف مهما حاولت مش هقدر انكرها مطلعين عينى بس مقدرش اعيش من غيرهم
صافى / ربنا يخليهملك بس انت رايح فين
شريف / مش عارف ملقتش طريقه تانيه اسحب بيها الموبايل منهم الوقت ديق
صافى / ههههههههههههههههههههه على فكره متلمش عليهم واضح انها جينات عندكوا 
شريف /  ايه دى
صافى / الاوفر دوز كيوتنيس
شريف يفتح باب العربيه و يقعد فيها و يقفل الباب تانى و يفتح الشباك و يفضل قاعد
شريف / دى اقل حاجه عندى
صافى / هههههههههههههههه يا راجل
شريف / امال مشوفتنيش انتى و انا صغير
صافى / لا الحقيقه شوفت
شريف / الكلاب متقوليش انهم فضحونى
صافى / و قالولى على كل زكريات طفولتك المشرده
شريف / كنت عارف انهم مبيستروش
صافى / لا متقلقش مفيش حاجه محرجه انا برده استغربت ازاى طفل و ملوش زكرى واحده ممكن يتكسف منها
شريف / عادى يعنى انا اصلا واد محصلتش ايه المشكله
صافى / هههههههههههههههه لا يا شيخ يعنى دا مش مامتك مثلا و لا حاجه
شريف / قصدك يعنى ان ماما بتحلى البضاعه عشان شافتك عروسه حلوه اوى ليا
صافى / مثلا
شريف / مش هتكلم غير قدام المحامى بتاعى
صافى / ههههههههههههههههههههههه صحيح روحت فين
شريف / قاعد فى العربيه مستنى الفرج
صافى / بتتكلم جد
شريف / اه والله فتحت العربيه و قعدت فيها هروح فين يعنى
صافى / ليه كدا على فكره بقى ادايقت
شريف / ليه هو انا اشتكتلك
صافى / بص خلاص كفايا كدا هاتلهم حاجه حلوه و اطلع اقعد معاهم و انا هقفل الشقه و انام و نتقابل بكره الصبح بدرى ماحنا لازم نبقى مفوقين
شريف / امرى لله حاضر
صافى / يلا سلام يا شيكو
شريف / سلام يا .. انتى بيدلعوكى بيقولولك ايه صحيح
صافى / انت تحب تلدعنى تقولى ايه
شريف / باربى
صافى / بعشقها حلو جدا حبيته
شريف / ماشى يا باربى يلا تصبحى على خير
صافى / و انت من اهله سلام
شريف يقفل و يروح السوبر ماركت و يعبى حلويات كتير و يطلع يديها لتقى تاخدها و تجرى على اوضه اخواتها و هى بتدحك منغير حتى شكرا و يروح هو يقعد جنب امه
الست / خلاص هتسافر متتقدملها يابنى يمكن تقعد
شريف يبصلها و يبتسم و يقوم يبوس راسها و يدخل اوضته
..............................
تانى يوم الصبح فى فيلا ابراهيم
مازن و صفوت و سميحه و مرام قاعدين فريده تدخل تسلم يقوموا يقفوا
فريده / اهلا اهلا اتارى البيت نور ازيك يا طنط حضرتك مش هتصدقى انا مستنيه اتعرف على حضرتك قد ايه من كتر الكلام الجميل اللى سمعته عنك
سميحه / ربنا يعزك يا بنتى
فريده / اتفضلوا اتفضلوا واقفين ليه .. ايه ده هى امانى مقدمتلكوش حاجه دانا هخرب بيتها
امانى تدخل شايله صينيه عليها عصير تحطها على الترابيزه
فريده / ايه التاخير دا كلو
سميحه / و لا تاخير و لا حاجه دا يادوب كتر خيرك يا بنتى تعبناكى
فريده / متبقيش طيبه اوى مع الاشكال دى يا حجه تلاقيها انشغلت فى الموبايل اصلها مبتسيبوش من ايديها
سميحه / و مين فينا بيسيبه يا بنتى مالكبير للصغير متكبريش الموضوع
سميحه تمد ايدها تاخد كبايه عصير مازن يسبقها يناولهالها تدوقها
سميحه / تسلم ايدك يا حبيبتى حلو اوى تعبناكى
امانى تبتسملها
فريده / مستنيه حاجه يا امانى ؟؟ روحى يا ماما خلصى شغلك لو سمحتى يعنى طبعا
امانى تبصلها و تهز راسها حاضر و تدخل تجرى
فريده / انتى طيبه اوى يا حجه بس صدقينى انا بتعامل مع الاش..
ابراهيم يدخل
ابراهيم / ازيك يا صفوت ازيك يا مازن معلش خلتكوا تستنوا اصلى كنت نايم
صفوت / معلش صحيناك مكناش نعرف انك بقيت بتنام لمتاخر اوى كدا ايه حكم السن و لا ايه
ابراهيم / دانا اصغر منك
صفوت / اثبت .. الحجه سميحه جده مرام لسه راجعه مالعمره و كانت جيبالك هديه صغيره و اهو بالمره تتعرفوا على بعض
ابراهيم / اه العمره اللى زياد دافع تمنها مش كدا
مرام تبص لسميحه
سميحه / اه حبيبى يسلم كانت هديه حلوه اوى منه ... ربنا يباركلك فيه يا حبيبتى
فريده / ميرسى
سميحه تدى شنطه هدايا لابراهيم و واحده تانيه لفريده
فريده / الله دا البرفيوم اللى بحبه عرفتى منين
سميحه / مانا سالت مازن
ابراهيم / و يا ترى بقى يا سميحه هانم و انتى بتسالى مازن قالك كمان تمن علبه البرفيوم بتاعتى كام و لا خليتيه يشتريها ووفرتى تعبك
صفوت / ابراهيم
سميحه / لا الحقيقه خليته يشتريها انت عارف انى قد امك الله يرحمها و اللف و الدوران بيتعبونى فعشان كدا بحب السكك السالكه و الدوغرى و كتر خيره مازن تهمه راحتى ربنا يباركلنا فيه
ابراهيم / طبعا كتر خيره مازن هو انتوا كنتوا هتشوفوا الخير ده كلو الا بسبب مازن
صفوت / تصد...
سميحه / تصدق و تؤمن بايه
ابراهيم / لا اله الا الله
سميحه / احنا عمر بتنا ماتقطع منه الخير ابدا تعرف اول مره شوفت فيها مازن ابنى
ابراهيم / ابنك ؟؟
سميحه / امال جوز بنتى يبقى ابنى و اغلى من ابنى كمان حبيبى و عشان خاطره نبلعله الزلط اصله راجل و بيفهم فى الاصول المهم عشان وقتك ووقتى انت عارف ورانا حاجات كتير عشان الفرح مانت عارف يوميها دخل عليا بدحكته الحلوه دى و معملش تكليف فجاه لقيته مشمر كمامه و نازل شيل و حط كان البيت بيته حتى اسالى زياد و لبنى مهم كانوا موجودين معاه يا ست فريده اساليهم كدا لما طبوا علينا فجاه لقونا بناكل ايه الحمد لله احنا الخير فبيتنا من يوم متولدنا و لا عمره اتقطع و باذن الله عمره مهيتقطع عارف ليه يا ابراهيم يابنى عشان احنا بتوع ربنا بنخاف منه و نعمله حساب لا بناذى حد و لا بنتكبر على حد
ابراهيم / نورتى يا حجه انا عارف ان وراكى لف كتير عالجهاز و كدا فاكيد مش هتبقى عاوزه تتاخرى
الكل يقوم يقف مالخضه ماعدا سميحه قاعده و هاديه
مازن / بابا ..
سميحه / استنى يا مازن انا ليا كلمتين مع ابوك نت فاكر انك لما تطردنى تبقى بتهينى غلطان انت بتهين نفسك عارف ليه عشان انت متربتش بس انا مش زعلانه منك انت قد عيالى و العيال ياما بتغلط
ابراهيم / انتى جايه تهينينى فى بيتى
سميحه / صوتك ميعلاش عالاكبر منك و اقعد عدل و انت بتكلمنى ايه الست الوالده الله يرحمها معلمتكش ازاى تكلم الكبار مالك منفوخ على ايه الكفن ملوش جيوب يا ابو مازن و نفس الكفن اللى هيلفنى
مازن و مرام و صفوت فنفس واحد / بعد الشر
سميحه تبصلهم و تبتسم
سميحه / هيلفك متر فمترين قماش و مش هتاخد معاك الا عملك و بعدين لا سمح الله انا مبهيناكش انا بربيك انت دلوقت فمقام ابنى زيك يا زى صفوت بالظبط و بعدين يابنى عيب عليك دا الصغيره اللى فدور عيالك مبتعملش كدا شوفت الفرق بين تربيتى و تربيه الست الوالده الله يرحمها
مازن / كفايا يا تيته
سميحه / معلش يابنى انا عارفه انى جيت عليك كتير بس خلينى افكره لما جه عندنا و هان البت اليتيمه دى احنا عملنا ايه احنا حتى صوتنا معليش عليه دا ادب و اكرام ضيف بس للاسف هو فهمنا غلط افتكره ضعف فحب يزود فجابها بيته و استفرد بيها وسط اهله و هانها تانى و هى عشان متربيه سكتت و قالت مترفعش صوتها عالاكبر منها و دلوقت انا هنا الكبيره انا لو منك اتعلم محدش بيكبر عالعلام يا ابن الاكابر
الكل واقف مصدوم سميحه تقوم تقف فمنتهى الهدوء
سميحه / احنا هنستاذن عشان احنا ورانا لف كتير عالجهاز انتوا عندكوا عروسه مونيكا بنتى ربنا يحميها و يبارك فيها هى فين صحيح مشوفتهاش
فريده / بايته عند صحبتها
سميحه / انجى ؟؟ و ماله عالعموم دى هديتها لما تيجى باذن الله ياريت تديهالها يلا يابنتى يلا
سميحه تتحرك ناحيه الباب و مرام وراها و مازن واقف باصص على ابوه و ساكت صفوت يدحك
صفوت / ههههههههههههه اطلع بره يا مازن خلينى اتكلم مع ابوك كلمتين
مازن واقف باصص لابوه
ابراهيم / اطلع بره يا مازن يا ابنى يا زينه الرجال ياللى كنت واقف و شايف ابوك بيتهزا قدامك و ساكت
فريده / ابراهيم لو سمحت انت اللى غلطت
ابراهيم / مسمعش حسك بدل قسما عظما يكون ده اخر يوم ليكى فى البيت ده
فريده تبص لابراهيم و تطلع فوق
صفوت / اسمع يا ابراهيم انت هنتنى المره اللى فاتت لما احرجت مرام مع انك واعدنى انك هتعملى حساب و حاولت تهنى تانى لما طردت الست المحترمه اللى جايه معايا
ابراهيم / و هو مقوم الاشكال دى علينا غيرك
صفوت / والله انت مفى فايده فيك
صفوت يمشى و مازن لسه واقف بيبص على ابوه
ابراهيم / الباشا ممشيش ليه هو كمان
مازن / انا بحبك حتى لو انت عمرك محبتنى انت ابويا و بحبك
ابراهيم / لو بتحبنى طلقها
مازن / مقدرش
ابراهيم / ليه ايه يمنعك ماسكين عليك ايه لوين دراعك ازاى قولى انا ابوك هنجيك منهم
مازن / بحبها ... انا عملت المستحيل عشان اتجوزها ... طلعت عينى عشان اتجوزها ... حضرتك عاوزنى اطلقها بالبساطه دى ... طب ادينى سبب واحد يخلينى اتخلى عن سعادتى و اعيش تعيس العمر كله عشان اثبت لانسان مبيحبنيش انى بحبه
ابراهيم / مبحبكش ؟؟ ازاى تقول كدا ازاى تفكر فى كدا طبعا هو ده اللى هما عاوزينه خالك و الكلبه اللى
مازن / بابا لو سمحت لو هتغلط فى مرام انا مش هستحمل بقى كفايا
ابراهيم / جبتلى واحده مالشارع تهزانى فبيتى
مازن / انا متاكد ان حضرتك لما هتهدى و تراجع نفسك هتكتشف ان حضرتك اللى هزاتنا كلنا النهرده عن اذنك
مازن يمشى و ابراهيم واقف ينفخ
....................................
فى مركب فى النيل
صافى / انت ليه بتكرهنى كدا
شريف / انا ؟؟ ايه خلاكى تقولى كدا
صافى / يعنى تخلينى اشوف مصر بالجمال ده و انت عارف انى هسيبها تانى يوم
شريف / كان لازم اعمل كدا عشان توحشك و تيجي تزوريها تانى و ساعتها نشوفك
صافى / يعنى ايه يعنى هو انت مش هتكلمنى و انا هناك ايه هتقطع معايا و لا ايه
شريف / اكيد لا يعنى بس انتى هناك اكيد هتبقى مشغوله و فرق توقيت و كدا يعنى و بعدين التكنولوجيا دى مبتاكلش عيش يعنى برده بيبقى فى حاجه ناقصه
صافى / زى ايه يعنى مهنا انا قدامك صوت و صوره و هناك برده صوت و صوره فرقت ايه يعنى
شريف / لا لو عالفرق فالفرق كبير ميفهمهوش الناس البسيطه اللى زيك
صافى / بسيطه !!
شريف / مهو عكس عميقه سطحيه و تافهه فقولت اقول بسيطه احسن
صافى / و كعاده شريف هستنى منه ايه يعنى
شريف / انتى بتكلمى نفسك يا حول الله يارب يا صغيره عالهم يا بنتى
صافى / يا راجل
شريف / يا باربى
صافى تبتسم
صافى / انا مش عاوزه اسافر
شريف يبتسم
صافى / عمرى متخيلت ان الحلم اللى سعتله سنين و اتمنيته و دعيت ربنا كتير اوى انه يتحقق لما يجى مكنش فرحانه بيه خالص كدا و كانه مش حلمى بس انا مليش احلام تانيه هو ده كان حلمى الوحيد مليش هدف تانى لو مسافرتش هحس انى ضايعه تايهه مش عارفه ... اعمل ايه
شريف / يبقى تسافرى
صافى / مانا مسافره اهو
شريف / ايه ده هو عرق النكد طلع فى التراكوه كمان
صافى / ايه
شريف / امال بيسوءوا سمعه الست المصريه ليه مكلو محصل بعضه اهو
صافى / انت بتقول ايه انت
شريف / انتى زعلانه ليه دلوقت
صافى / مش زعلانه
شريف / كدا تمام اوى
صافى / انت مجنون صح قولى الحقيقه مجنون ؟؟؟
شريف / يعنى على راى مازن و هو الجنان وحش
صافى / جنانهم حلو
شريف / بمناسبه التراكوه
صافى / تانى ماشى مالهم التراكوه يا شيكو
شريف / متقوليلى حاجه تركى على زوقك
صافى / و انت بتفهم تركى يا شريف
شريف / لا
صافى / يارب ارحمنى ... طب عاوزنى اكلمك تركى ليه يا شريف
شريف / مهو مش لازم افهم يعنى يبقى سيم بنا كدا
صافى / ماشى اى حاجه حاضر اممممم ايكى فار سان بالفى مش بالاف فار
شريف / ايكى فار سان
صافى / تمام قولى انت بقى حاجه
شريف / كان على عينى يا شابه هو العربى و الانجليزى بزك فيه مانتى عارفه انى تعليم مجانى
صافى / تصدق و تؤمن بايه
شريف / لا اله الا الله
صافى / اجدع ناس التعليم المجانى دول اه والله
شريف / كم انتى عظيمه اعظم عظمات الستات ... بقولك ايه انا جوعت متيجى نرجع بقى و لا انتى ايه وضعك
صافى / هههههههههههههههههه تصدق كنت بدات اشك فيك و اقول معقول قعد الفتره دى كلها منغير اكل
شريف / مانتى اللى فاشله واحده غيرك عارفه انها طالعه رحله كانت جهزت شنطه سندوتشات مش فاهم انا والله واخدك معايا ليه
صافى / ههههههههههههههههههههه تصدق فعلا طلعت انا الغلطانه معلش تعال على نفسك و استحمل
شريف /  مستحمل هعمل ايه يعنى مقداميش اختيارات
صافى / يلا نرجع يا شريف بدل مخلى السمك ياكلك النهرده يلا يا بابا يلا
شريف يبصلها و يبتسم و يشاور للراجل يلف و يرجع بيهم
...........................
فى شقه سميحه
سميحه قاعده فى الاوضه مع مازن و قافلين الباب
مازن / انا والله يا تيته ما زعلان منك
سميحه / بس انا زعلانه
مازن / هو الغلطان دا طردك من بيته انا كل يوم بقيت بقلق هيعمل ايه فى الفرح قدام الناس و المعازيم
سميحه / ههههههههههههه طب والله انت غلبان طب تصدق و تؤمن بايه
مازن / لا اله الا الله
سميحه / انت فاكر ان ابوك هيحضر الفرح يعمل مشاكل ..ابدا .. دا هيحضر و يستقبل المعازيم و مش بعيد يتحزم و يرقص كمان
مازن / ههههههههههههه
سميحه / اللى ابوك عمله النهرده ده حلاوه روح كل اللى بيعمله حلاوه روح و بينى و بينك انا عزراه مش عشان مرام تتعيب فشر قطع لسانه اللى يقلل من بنتى
مازن / قطع لسانه مليون مره
سميحه / بس كل اب بيبقى نفسه يحس ان له كلمه و راي على عياله
مازن / و انا لما اختارلى واحده نضيفه تصونى و تربى عيالى ابقى  غلطت
سميحه / يابنى مقولتش كدا انا بس ..
............................