السكه شمال بقلم / لولو_محمد ( كامله )

الحلقه ١٧٢

((((((((((((((السكة شمال ))))))))))))
#لولو_محمد
الحلقه 172
توفيق / الله انت مش مناسبهم و مديهم بنتك و داخله خارجه عليهم مجابوش راجل غريب بيتوه فوسطيهم طب مازن و قولنا كاتب كتاب و جبنا شويه مايه و بلعناها صاحبه بقى بات هنا بمناسبه ايه
اسعد / اللهم طولك يا روح
اسعد يجى يمسك فى توفيق راجل كبير يمنعه
الراجل الكبير / اعصبك يا معلم ....الله يرحم اما كنت بتقف عالناصيه تدايق فى الخلق و تعاكس فى الرايحه و الجايه دلوقت هتعلمنا العيب
توفيق / وقتها كنتوا رجاله و بتقفولى لكن الباشا بياكلنا يبقى نحشر اللقمه فى زورنا و نتكتم
اسعد / كلمه كمان و قسما بالله
توفيق / و لا تحلف و لا تعصب روحك انا اللى فزورى رجعته و سايبهالكوا و ماشى اياكش تولع بيكوا بلا قرف
اسعد / قرف اما يشيلك زرعه نجسه ... اتفووووو
....................................
فى فيلا صفوت
مازن واقف فى الجنينه بيبص عالفيلا من بره و ساكت زعتر يجى يجرى عليه ينط يحضنه
مازن / و انت كمان واحشنى يا صاحبى ... حقك عليا انا عارف انى مقصر فى حقك اوى ... عامل ايه هنا لوحدك ... معلش هو فمكان تانى احسن بكتير من هنا ... كنت بفكر اجوزك اجيبلك كلبه حلوه كدا تسلى وحدتك دى ... ايه رايك اجيبهالك على زوقى و لا انت ليك راى تانى يا خلبوص انت ... ههههههههههههه ... انا مش قادر ادخل جوه يا زعتر ... مش قادر ادخل و هو مش فيها ...   اعمل ايه يا زعتر ... تيجى معايا ... ههههههههههههههه اى حاجه انت راشق فيها صح تعال
مازن يدخل هو و زعتر الكلب يطلع يجرى على اوضه مازن و مازن واقف فى الهول بيبص عالمكان بحزن نادين تدخل
نادين / البقاء لله يا مازن بيه مجتش فرصه مناسبه نعزى حضرتك
مازن / و نعم بالله انتوا عاملين ايه هنا
نادين / هنعمل ايه يعنى البيت زى محضرتك شايف بقى مهجور بنضفه و كل حاجه بس كل ركن فيه بقى .... والله كلنا بندعيله راح فجاه و قطع بينا كلنا
مازن يبتسم بحزن زعتر ينزل مازن يمسكه مالطوق بتاعه و يقعده
مازن / لو احتاجتوا اى حاجه لو ناقصكوا اى حاجه كلمونى علاطول انتوا شغلكوا فى البيت ده مش هيتاثر باللى حصل
نادين / تعيش يا مازن بيه
مازن / عن اذنك
نادين تهز راسها و تمشى و مازن يطلع فوق مع زعتر
............................
فى شقه مروه
الست / انا قولتلك ان كل ده هيحصل
مروه / دا محمود كان ركبه مليون عفريت
اسعد / و انتى ايه اللى خلاكى تحكيله بس
الست / و هو فى حاجه فى الحاره دى بتستخبى ان مكنش هيعرف من مروه هيعرف من غيرها و يمكن كدا احسن اهو بدل مينزل بكره و حد يقوله ماللى فى الشارع و لا يطقش فى توفيق نفسه اهو ينزل عامل حسابه بدل متقوم خناقه منعرفش نطفيها
اسعد / الواحد مبقاش عارف يلاقيها منين و لا منين انا داخل انام ورايا شغل كتير الصبح و انتوا كمان ناموا عشان تروحوا مالنجمه تساعدوا الحجه سميحه و الناس اللى هتيجى
مروه / منغير متقول يا بابا والله كنت متفقه مع طنط مديحه على كدا اصلا
اسعد / عالبركه تصبحوا على خير
اسعد يقوم الست تشد مروه ناحيتها
الست / اسمعى انا عوزاكى تتنصحى معايا عشان اللى بيحصل ده مش عاجبنى حماتك دى ست طيبه و كل حاجه بس برده مش واخده اى حد و انتوا حاليه فى الخطوبه و انتى شيلاها بالمنظر ده امال بعد الجواز هتعمل فيكى ايه
مروه / اعمل ايه يا ماما مهى اللى طول الوقت طلبات انا تقريبا من يوم مخدت الاجازه بصحى مالنوم اروحلها و امشى لما محمود يروح و ياريت حتى بقعد معاه و لا بكلمه
الست / يعنى مرام بنت سلامه تدلع على حس جوزها و بنت المعلم اسعد تخدم بصى انتى تلزقى بكره لمرام تشتغل اشتغلى تهنكر هنكرى مش تنجح هيا و يطلع عين ابونا احنا مانتى نجحتى ياختى حد عبرك و فرق ساقع حتى
مروه / الله مش انتوا اللى قولتوا انى نقل و مرضيتوش حتى تدونى حلاوه النجاح
الست / ياختى بلا وكسه هو احنا اللى هنديهالك امال المحروس خطيبك و الست هانم امه يعملوا ايه امال مخطوبه ازاى هو اكمنى ساكته فاكرين انهم عدلين طب قسما بالله لولا غلاوه محمود ده عند ابوكى
مروه/ فى ايه يا ماما انتى عمرك متكلمتى عن محمود كدا مش هو ده اللى كنتى طول الوقت بتقولى الدكتور محمود و هيبقى دكتور فى الجامعه و هينقلنا نقله تانيه و الدكتور راح و الدكتور جه كانه خريج طب دلوقت مش عاجب
الست / و مين قال مش عاجب طب دا محمود ده احسن واحد فى الحته كلها بس امه بقت شايفه نفسها اوى علينا من ساعه ما سى مازن ده حط رجله وسطينا و منفوخه اوى
مروه / عشان الورد يا ماما
الست / انتى الورد هنا يا عين امك عززى نفسك كدا شوفى مرام بتعمل ايه شوفى مخليه اللى اسمه مازن ده يلف حوالين نفسه و يتمنالها الرضا ترضى ازاى شوفى بتعمل ايه بتكلمه ازاى بتدلعه ازاى اتعلمى منها
مروه / حاضر يا ماما هلزقلها بكره
الست / على الله تفلحى مش اروح الاقيهم قاعدين كلهم يدحكوا و انتى الفلبينيه بتاعتهم
مروه / يعنى اروح اولعلك فيهم يعنى الله
الست / لا اتخمدى خشى اتخمدى عندنا ليله بكره خشى انجرى
مروه تبص لامها و تدخل اوضتها
.....................................
فى شقه سميحه
مرام نايمه عالسرير فى الصاله و باصه للمروحه فوق راسها سميحه تفتح باب الاوضه و تطلع تقعد جنبها مرام تتقلب على جنبها و تبصلها و يبتسموا لبعض
سميحه / طلعوا كام نجمه
مرام / هما ايه دول
سميحه / النجوم اللى انتى سيبانى جوه و سهرانه تعديهم هنا لوحدك ايه لحق يوحشك
مرام تبتسم سميحه تنام جنبها و تتنهد
سميحه / طب متكلميه انتى تقلانه عليه ليه
مرام / اكلمه اقوله ايه
سميحه / شوف البت ياختى كلميه و اول مهتسمعى صوته الكلام هيجى لوحده الله يرحم اما كنتوا حياله قرايه فاتحه لما كنتوا بتسهروا للفجر تتكلموا
مرام / وقتها كل حاجه كانت متغيره لا انا مرام بتاعه وقتها و لا ده مازن
سميحه / و ليه الحزن ده بس لو كل واحده فرحها اتاجل تعمل كدا ...
مرام / ساعات بحس انه فاق و رجع و ساعات تانيه بحس انه لسه فى التوهه بتاعته دى بس مش مهم والله مش ده اللى فارق معايا اللى فارق معايا انى بعيد انى مش قادره اساعده و لا قادره انسيه همه ده مازن عامل زى عسكرى لسه تحت التمرين و فجاه الحرب قامت و لقى نفسى عالجبهه لوحده و هو حتى مش عارف السلاح بيتمسك ازاى
سميحه / الله يعينه بس مازن مش ضعيف اوى كدا هو يمكن رجله لسه بتلق فى الارض بس صدقينى مش هياخد وقت خالص و هيفاجاك هيبقى حاجه محصلتش
مرام / اكتر من كدا
سميحه / هههههههههههههههههههههه يا بت
مرام / ههههههههههههههههه
تليفون مرام يرن تبص فيه و تبص لسميحه
سميحه / هااااايح اقوم انا بقى و اسيبك مع الحاجه اللى محصلتش بس ابقى سلميلى عليه
مرام / ههههههههههههههههههه ماشى يا تيته ماشى
سميحه تدخل جوه و مرام ترد
مرام / الو
مازن / صحيتك و لا ايه
مرام / لا يا قلبى صاحيه بس كنت بتكلم مع تيته شويه بتسلم عليك
مازن / الله يسلمها عامله ايه
مرام / هعمل ايه يعنى نايمه مكانى فى الصاله و عماله اتقلب هى دى بقى نومه العازب اللى بيقولوا عليها
مازن / هههههههههههههههههههه شكلها هى
مرام / مش كنت خليتك جنبى قولى بقى فى حضن احلى من حضنى
مازن / ههههههههههههههه يعنى انا مش عاوز اقولك انى نايم فى حضن زعتر دلوقت فمش عارف اقول ايه ههههههههههههههههههههه
مرام / للدرجادى ماشى يا عم الله يسهلوا زعتر
مازن / لا اكيد مفيش حضن احلى من حضنك بس يعنى راعى حبيبك الغلبان المايه فى ايديكى و ميزو عطشان
مرام / ههههههههههههههههههه انت عند خالو الله يرحمه
مازن / ايوه فى اوضتى هناك مش هتصدقى عانيت قد ايه عشان اوصل للاوضه اصلا دخولى الفيلا مكنش سهل و لولا زعتر يمكن مكنتش عتبتها
مرام / اممممم بص هو صعب اوى عليا يعنى انت عارف بس انت ممكن تنقل زعتر العماره بتاعتك يعنى و لا مينفعش
مازن / لا مينفعش زعتر متعود عالجنينه و الخضره و اللعب و بعدين الفيلا دى مهمه جدا برضه و زعتر احسن حد يحميها انا حتى ناوى اجيبله كلبه حلوه كدا يولف عليها و يملولنا البيت هنا زعاتير صغننه
مرام / يا فرحتى
مازن / هههههههههههههههههههه يا جبانه
مرام / مازن انا فى حاجه كدا كنت بفكر فيها
مازن / خير يا قلبى
مرام / هو انت ممكن تغير اوضه النوم بتاعتك ان شالله السرير حتى انا كنت فرحانه انى مش هعيش فى الشقه دى انا عارفه انها غاليه عليك و صدقنى والله هى غاليه عندى انا كمان بس الاوضه دى بتتعبلى نفسيتى معلش
مازن / حاضر نعدى بكره و ننزل ننقى احلى اوضه نوم
مرام / يا سيدى اى اوضه نوم حتى لو هتاخد اوضه من اى اوضه فى الفيلا حتى لو اوضتك دى انا راضيه مش فارق معايا الفكره بس
مازن / فاهم خلاص حاضر من عنيا
مرام / تسلملى عنيك يا احلى مازن فى الدنيا
مازن / بفكر بكره اكلم تيته فى موضوع الفرح
مرام / مانا قولتلك هتقول ايه و الناس هتقول ايه مازن مينفعش و انا قولتلك نعمل زفه عربيات و خلاص و حتى منغير زفه عربيات انا والله مفى حاجه فارقه معايا
مازن / و انا قولت لا
مرام/ هى بكام الارض اللى بتنور دى
مازن / معرفش بس هتفرق فى ايه يعنى بتسالى ليه
مرام / يعنى مدام قفلت معاك اوى كدا احنا نجيب بلاطتين تلاته ماللى بينوروا و نحطهم فى الاستوديو عندك مثلا و لا هنا و لا فى اى حته و اللبس الفستان و نرقص عليهم سلو و خلاص
مازن / ههههههههههههههههههههههههههه والله انتى عسل
مرام / عارفه عارفه بس دا مش موضوعنا دلوقت
مازن / هههههههههههههههههههههه لا متواضعه متواضعه يعنى
مرام / الله مش فاهمه يعنى متغرش ليه يعنى مش انت بتحبنى
مازن / بحبك
مرام / خلاص هعوز ايه بقى تانى
مازن / قلبى يا ناس
مرام / بس تصدق لو قولتلك عاوزه
مازن / اؤمرينى
مرام / عوزاك جنبى
مازن / على عينى والله
مرام / لما ربنا يجمعنا فى بيت و يتقفل علينا باب واحد ساعتها بس مش هبقى عاوزه اى حاجه تانيه من الدنيا
مازن / كنت بتكلم مع شريف بقوله فمره انى حاسس ان فى مؤامره كونيه ضدى كل مقرب منك تبعدنا عن بعض
مرام / فاكر لما قولتلى كل ما بنبعد بنقرب اكتر
مازن / هههههههههههههههههه طبعا فاكر بس هو له وجهه نظر تانيه بيقولى اللى بيجى بالساهل بيروح بالساهل و انتوا كل ما هتتعبوا عشان توصلوا لبعض بعدكوا هيكون اصعب
مرام / ربنا ميجيب بعد دانا مصدقت
مازن / هانت
مرام / يارب على فكره فى موضوع كنت عوزاك تكلم تيته فيه
مازن / خير
مرام / تيته مش عاوزه تيجى معانا
مازن / ليه
مرام / بتقول بيتى و مش بيتى
مازن / الله امال كانت موافقه و متفقه مع خالو
مرام / بتقول انها وافقت بس مكنتش هتقعد اقامه دايمه يعنى كانت هتفضل رايحه جايه و ان دى حتتها و جرانها و انها مش هتقدر تبعد عنهم و بتقول كمان انها عندك هتبقى لوحدها و اننا هنسافر و هنتفسح و كدا كدا هترجع فليه الشحطته دى
مازن / فهمت خلاص انا هكلم معاها بكره
مرام / ياريت يا مازن انت عارف انى مبقدرش ابعد عنها دا هى اللى ليا يا مازن
مازن / والله يا مرام هى اللى لينا هو انا يعنى ليا غيرها انا كمان لا بكره بجد هكلمها
مرام / ربنا يخليك ليا يا احلى مازن فى الدنيا
الفجر ياذن
مازن/ ايه ده بالسرعه دى
مرام / هههههههههههههههههه دا على اساس انك مكلمنى الساعه كام يعنى
مازن / ههههههههههههههههههه خلاص يا عم الحج اعصابك قومى يلا صلى و ادعيلى
مرام / ههههههههههههههههههه سلام يا قلبى سلام
مازن / سلام
...................................
فى الحاره تانى يوم فى شقه مرام
سميحه قاعده هى و اخوات شريف و امه و مرام و مروه
الست / هنا احسن كتير احسن منبقى قاعدين و اللى داخل و اللى خارج يبص علينا خليهم ياكلوا براحتهم بس تسلم اديكوا الاكل كان حلو اوى
سميحه / الف هنا البركه فى شريف و الطباخين اللى جايبهم
مروه / و محمود يا حجه مش هو اللى وقف على ايديهم
سميحه / و محمود طبعا هو فى زى محمود طب دا محمود ده راجلنا من صغره ربنا يحرسه و يحميه
مرام / امين
بنت تخبط عالباب شيماء تجرى تسلم عليها
شيماء / اتاخرتى كدا ليه يا بنتى
البنت / والله على موصلت دانا تهت يجى خمسين مره بس الحمد لله وصلت اخيرا
شيماء / هههههههههههههههه تعالى تعالى ... مى صحبتى الانتيم
مرام / مى !!! اهلا اهلا يا نهار ابيض يا نهار ابيض على فكره شيماء بتحكى عنك علاطول
مى / بجد بتقول عنى ايه البت دى انا مش واثقه فيها هههههههههههههههههههههههه ازى حضرتك يا طنط
مى تسلم على الست و مروه تشد مرام فى جنب
مروه / مين مى دى كمان
مرام / مقالتلك صحبتها
مروه / فهمت بس يعنى شريف و قولنا صاحب مازن الانتيم و اعتبرناه فرد مالعيله هو و اهله لكن كمان اخته تعزم صحبتها ؟؟ معزموش الجيران بالمره ليه
مرام / عيب يا مروه دى ضيفتنا
مروه / اهلا وسهلا اهلا وسهلا نورتى يا مى ايه يا شوشو هى جايه تقعد هنا مش تاخديها الناحيه التانيه تاكل و لا ايه
مى / لا اكل ايه ميرسى انا دايت
مروه / امال جايه ليه
مرام تزغدها
مرام / هى تقصد يعنى ان دى ليله و القاعده هنا بالمشاريب ملناش فيه لازم تاكلى حاجه
شيماء/ هو اصل الحقيقه انا كنت وعدت مى اننا نخرج سوا فقولتلها تعدى عليا هنا و نطلع من بره بره
مروه / يعنى لففتيها مصر كلها و توهتيها عشان تمشوا مكنتوا اتقابلتوا بره
مرام تزغد مروه تانى
مرام / ههههههههههههه خلاص يا مروه متزعليش هتاكل هتاكل قومى يا مى دوقى حتى الحلو طب دانا بعمل حلويات حكايه
شيماء / قومى انا هاجى معاكى متتكسفيش
مرام / تتكسف ايه ازعل انتى اول مره تشرفينا و تعملى حسابك الخروجه فكست انا مصدقت قابلتك و اتعرفت عليكى
مى / لا تفكس ايه ابوس ايدك دانا بتنشف عالخروجه دى من اول الاجازه و كنت هقتلها لما قالتلى ان طلعلهم مناسبه فجاه
شيماء / يا بنتى والله مهتلاقى احلى من دى خروجه
مروه / طبعا  اكل و شرب و دحك هو فى احلى مننا ناس تقضى معاهم وقتك و لا ايه يا مرام
مرام / هههههههههههههههههه طبعا تعالى يا مى انا كمان مكلتش تعالى ناكل سوا
مرام و شيماء و مروه ياخدوا مى تقى تبص لامها هى و اروى و يقوموا جرى وراها الست تدحك
الست / ههههههههههههههه بصراحه انا جايبه مى هنا و عملنا عليها الفيلم دا كلو عشان شريف يشوفها نفسى افرح بيه اوى يا حجه
سميحه / شريف طيب و ابن حلال و يستاهل كل خير راجل و سيد الرجاله
الست / ادعيله يا حجه بخته مايل فى الدنيا اوى و الهم على كتافه تقيل شال المسؤليه بدرى من بعد ابوه الله يرحمه الواد لا بيرتاح و لا بيتهنى و من هم لهم
سميحه / بدعيله والله من غير متقولى و بعدين شريف قدها و قدود
الست تبتسم
.......................
فى شقه مديحه
ستات خارجه و محمود بينزلهم عالسلم مرام تدخل مى و البنات
ست 1/ الف مبروك يا مرام عقبال البكالوريا
مرام / الله يبارك فيكى عقبال سحر يارب
ست 2/ عقبال الفرح يا حبيبتى
مرام / ان شاء الله
الست 3/ الف مبروك
الستات ينزلوا
مرام / محمود محمود
محمود يطلعلها تانى
محمود / خير
مرام / بص خلى شريف هو اللى يطلع الاكل
محمود / شريف بيخدم عالرجاله
مرام / قوله اى حاجه تعبت من طلوع السلم مامته عوزاه اى حاجه
محمود / هو فى ايه
مرام / متفهم بقى يابو المفهوميه
محمود / قول و الله هههههههههههههههههههه
مرام / متتحرك يابنى
محمود / هبعتهولك هوا
مرام / ههههههههههههههه عالبركه
محمود ينزل يجرى و مرام تدخل جوه و هى بتبتسم تلاقيهم قاعدين عالانتريه مع مديحه و ام مروه و مروه تدخل من المطبخ
مروه / احلى عصير لاحلى مى
مى / ميرسى تعبتى نفسك
مرام / ايه ده عصير قبل الاكل كدا نفسها تتسد ساعدينى يا رورو نشيل الاطباق دى عشان نفضى مكان للى جاى
رؤى و تقى يقوموا يساعدوا مرام يشيلوا اطباق الفل الفاضيه و يحطوها على صينيه و يدخلوا المطبخ
رؤى / تفتكرى ابيه هيعمل ايه لما يشوفها
مرام / روحى يا تقى هاتيلى موبايلى من هناك فى مكالمه مهمه اوى لازم اعملها دلوقت حالا
تقى تجرى
رؤى / هتعملى ايه
مرام / اغرفى شويه طحينه فى طبق خلينا نجهز السفره عشان محدش يحس بحاجه
رؤى / قوليلى بس هتعملى ايه
مرام / هعمل ايه مش شيماء جابت عروسه انا كمان هكلم العروسه اللى عندى و نولعها بقى
رؤى / صافى هتكلمى صافى
مرام / اه
شيماء تدخل
شيماء / بتعملوا ايه
رؤى / مرام هتكلم صافى
مرام تدى لتقى طبق فيه شيبسى و طبق فيه مخلل
شيماء / يا بنت اللعيبه هههههههههههههههههههههههه
شيماء تطلع من المطبخ تحط الاطباق تلاقى شريف داخل شايل صينيه عليها اطباق رز و اطباق لحمه يشوف اخواته و بعدين عينه تيجى على مى مرام طالعه من المطبخ معاها طبق سلطه و طبق طحينه و رؤى وراها
شيماء / اساعدك يا ابيه
شيماء تاخد منه يوطى يوشوشوها
شريف / دانتى هتتعلقى يا بطه
شيماء / و انا مالى هو انا عملت حاجه
شريف / صيعى عليا يا بت صيعى
تقى تدخل
تقى / الموبايل يا مرام
مرام / شكرا .... بقولك يا شريف معلش الاطباق الفل جوه خلصت و الباقى فوق التقفيله مش عارفه اجيبه
شريف يبتسم و يدخل المطبخ
مرام / ايه يا شوشو هى مى هتفضل قاعده مكسوفه كدا مش تقوم كدا تاخد راحتها و تتحرك
شيماء / يلا يا بنتى الاكل هيبرد دا ابيه مطلعه بنفسه
مرام تمسك التليفون على باب المطبخ
مرام / ايوه يا بنتى ايه بتعملى ايه
صافى / مبعملش اخبارك ايه على مفتكرتى ياختى
مرام / دا بدل متباركيلى عالنجاح .... ميرسى يا شريف معلش حله الطحينه دى فضيت املاها عشان الناس لما تيجى
صافى / ايه ده هو شريف عندك
مرام / اه شريف هنا ... صافى بتسلم عليك
شريف يبص لمرام
مرام / ايه تحب تكلمها
شريف / هبقى اكلمها بعدين
مرام / ليه متخانقين
شريف / ماشى حاضر حاضر الليله تخلص و افوقلكوا
مازن يدخل و هو مبتسم
مازن / فى ايه يا بنى طلعت و قولت عدولى ايه النظام هاه
مرام / استنوا هفتح الكاميره
صافى / هاى
مرام / ازيك يا بنتى عامله ايه
صافى / انا تمام فى ايه مالكوا
مرام / احنا نجحنا
صافى / ياااااااهو ايوه بقى ازيك يا مازن هاى شيكو
شريف / اهلا
مرام / انت هتفضل واقف يابنى هات الحله يلا احط للناس ايه
شريف / من عنيا
شريف يدخل ياخد الحله و ينزل
مازن / ايه شاف العروسه
..........................................