السكه شمال بقلم / لولو_محمد ( كامله )

الحلقه ٤٧

(((السكة شمال )))))))))))
#لولو_محمد
الحلقه السابعه و الاربعون
مرام / هى حلوه اوى فعلا بس انا اصلى عمرى مقبلت هديه من حد خصوصا لو غاليه اوى كدا انا اسفه بجد
احمد / امال اصدقاء ايه بقى انتى بتشتغلينى و لا بتاخدينى على قد عقلى
مرام / والله ابدا هى حلوه و عجبتنى بس انا مش هقدر اخدها
احمد / اللى يريحك تقدرى تروحى تشوفى شغلك
...................................
مرام / هو انت زعلت
احمد / ايه زعلت دى هو احنا اصحاب عشان تكلمينى كدا انتى مش عاوزها رسمى نمشيها رسمى
مرام / عن اذنك
مرام تيجى تمشى احمد يمسكها
احمد / استنى هنا انتى صدقتى و لا ايه متبطلى رخامه بقى
مرام / الله
احمد / مش عوزه تاخديها متاخديهاش بس انا عاوز اهاديكى بحاجه قوليلى انتى اهاديكى بايه
مرام / اكتر من كدا مانت مهادينى فعلا و يعالم هقدر ارد جمايلك دى و لا لا
احمد / رجعنا للقرف تانى يا بنتى بلاش الكلام ده انتى ايه عايشه فجو قديم اوى
مرام / انا ؟؟؟
احمد / اه رفضتى تلبسى فستان انا شاريهولك و دلوقت مش عاوزه الساعه مرام اوعى تكون المشكله فيا انا
مرام / ابدا والله طب احلفلك بايه عشان تصدق الفستان تحفه و الساعه كمان تحفه بس انا مقدرش اقبل هديه انا مقدرش اردها و دى شكلها غاليه اوى
احمد / اه فهمت طب انا عندى فكره
مرام / اتفضل
احمد / الساعه دى تمنها خمسين جنيه ايه رايك تشتريها
مرام / دى بخمسين جنيه !!!
احمد / بتاعتى و انا حر ابيعها بالتمن اللى يعجبنى هاتى خمسين جنيه و خديها
مرام تبصله
احمد / انا عندى شغل و عاوز امشى انتى بتفكرى فى ايه هاتى خمسين جنيه اقولك انا هخصمهم من مرتبك يلا مبروك عليكى اشوفك مره تانيه بقى سلام
احمد ياخد شنطته و يمشى و مرام واقفه مذهوله و العلبه فيها الساعه فايدها
..........................
فى الشقه عند سميحه
سميحه / بكره ترجعيهاله
مديحه / لا يا حجه ملكيش حق
سميحه / انتى بتقولى ايه بقى ساعه زى دى بخمسين جنيه
مديحه / ان مكانتش اللماظ حر ميبقاش اسمى مديحه
مرام / لا اللماظ ايه ممكن تكون اكسسوار بس اللماظ لا
سميحه / اللماظ و لا مش اللماظ احنا ناخد منه هديه بمناسبه ايه اصلا بقولك ايه يا مرام انا كل يوم قلبى يقفل من ناحيه الجدع ده عن اليوم اللى قبله
مرام / و ياترى سى مازن قالك ايه المرادى
سميحه / و ايه دخل مازن فى الموضوع ده
مرام / مانا مش فهماكى فاتحه بابك لمازن و تستقبليه و تاكليه لكن واحد محترم زى مستر احمد مشوفناش منه غير كل خير قافله قلبك من ناحيته
سميحه / والله انا ليا باللى بشوفه من اللى قدامى
مديحه / هو مازن يعنى ملاك انتى نسيتى اللى عمله فى محمود و لا نسيتى البت المايعه صحبته و اللى قالته لمرام
سميحه / دى مش صاحبته دى خطيبه اخوه
مديحه / خطيبه اخوه ؟؟ دى صحبه اخوه قال خطيبه اخوه قال هما دول بتوع خطوبه يلا ربنا يستر على وليانا اسكت يا لسانى اسكت يا لسانى
سميحه / برده خرجنا مالموضوع الاصلى و دخلنا فى موضوع مازن و مش مازن
مرام / مستر احمد اول مطلب منى اتعين عنده قالى ان مازن كان دفعته و بيغير منه و بيعمل كل اللى يقدر عليه عشان ياخد الموظفين بتوعه و يشتريهم عشان يوقعه فى الشغل و على يدك اخر حاجه نسرين لما سربت ملف العقد بتاعى لمازن اللى المفروض ده ميحصلش عارفه مازن دفعلها كام عشان تخون مديرها فى الشغل و تشتغل جاسوسه لحسابه اقولك الاكتر من كدا مازن عرض عليا مليون و نص فالشهر عشان اسيب احمد و اشتغل عنده
مديحه / يا لهوى مليون و نص
مرام / ايوه مليون و نص تفتكرى هشتغل عنده ايه يا عمتى مقابل مليون و نص فالشهر يعنى خمسين الف جنيه فالليله الواحده
صمت
مرام / ساكتين ليه سكتى ليه يا تيته مش ده مازن اللى انتى بتفتحيله بيتك
سميحه / مازن قالك كدا من باب الهزار لما قولتيله ان احمد هيدفعلك مليون جنيه فالشهر لانه عارف انك بتهزرى هو خايف عليكى بيقولى احمد ده مش كويس و هو قالى لو مرام محتاجه لشغل هيجبلك شغل و حكالى
مرام / هو مازن ده ساحرلك يا تيته انا بجد مش قادره اصدقك انا داخله انام عن اذنكوا
مرام تدخل اوضتها
مديحه / خمسين الف جنيه فاليوم يا لهوى
سميحه تبص لمديحه و تضرب كف على كف
مديحه / الله دا الوقت اتاخر خالص انا هقوم انام بقى عشان صاحيه بدرى تصبحى على خير يا حجه مديحه تقوم و هى ماشيه تاخد العلبه معاها و تقفل الباب وراها و سميحه قاعده مدايقه
...........................
فى الشركه عند مازن تانى يوم
صفوت / عاش من شافك يا وحش
مازن / زعلان منك و مونيكا كمان زعلانه منك
صفوت / عشان محضرتك صح
مازن / يا خالو مونيكا ملهاش اى دخل باى حاجه بينك و بين بابا كان لازم تكون موجود
صفوت / و مين قالك ان مشكلتى كانت مع ابوك انا مشكلتى كانت مع امها فريده هانم طوسن
مازن / برده مونيكا ملهاش دعوه
صفوت / ينفع تروح مكان مانتش مرغوب فيه انا متعزمتش
مازن / لا جاتلك دعوه
صفوت / يعنى اروح هناك و لما يسالونى ايه اللى جابك اقولهم ابن اختى العيل الصغير عزمنى
مازن / تسلم والله يا خالو
صفوت / و بعدين تعال هنا يا ولد انت ايه اللى انت هببته ده الشربتلى ملقتش غير بنت الشربتلى مش ده الراجل اللى مسح بيك الارض قدام الناس كلها السنه اللى فاتت و قال انك فاشل و عار على عيله منتصر
مازن / يا خالو الموضوع ان
صفوت / انا طول الوقت عاوزك تصلح علاقتك بابوك طول الوقت بشجعك على ده لكن مش بالطريقه دى مش على حساب نفسك اقنعك ازاى تنتحر بالطريقه البشعه دى
مازن / يا خالو دا حوار و صدقنى هيفكس ان مكنش فكس فعلا فمتقلقش و بعدين دانت لسه قايلها انا ابن اختك العيل الصغير هو فى عيل صغير بيتجوز برده يا خالو
صفوت / و انت فاكر انك هتقدر على ممدوح الشربتلى هتدحك عليه يعنى لحد مبوك يخلص مصلحته و بعدين تفسخ الخطوبه
مازن / تعرف عنى كدا برده انا بلعب بمشاعر البنات المرهفه و استغلهم لاغراضى الدنيئه
صفوت / انت هتشلنى يا ولد ايه الاستفزاز ده
مازن / ههههههههههههههههههه بهزر معاك يا خالو الله فى ايه اصلا الحوار كله فاكس هخلص بيه مالزن و القرف و بعدين شوفت بقى شوفت اخره المزاكره بتعمل ايه لما كنت السنه اللى فاتت فاشل و صايع و ضايع كانت الحياه لذيذه ازاى شوفت بقى اخره زنك عليا عشان افلح عملت فى بنت اختك العيل الصغير ايه
صفوت / متبس بقى مكنتش كلمه قولتها
مازن / هههههههههههههههههههههههه بقولك ايه يا احلى خال فى الدنيا متشغلش بالك انت انا هعرف اظبط امورى كويس كالعاده يعنى
صفوت / مهو ده اللى قالقنى كالعاده دى بتطلع نفسك من كل مصيبه تحط نفسك فغيرها لما هموت ناقص عمر بسببك
مازن / ناقص عمر ايه بس يا خالو دانت اللى يشوفك يقول اصغر منى ايه جو جديد ده و لا ايه
صفوت / انا مش قادر افهم انت جايب البرود دا كلو منين
مازن / من كارفور عامل عليه اوفر جامد اوى
صفوت / اطلع بره يا جزمه
مازن / ههههههههههههه شوفت بقى انا ليه مكنتش باجى ازورك كتير خايف على صحتك يا خالو والله
صفوت / اقسم بالله مفى حاجه بتصبرنى عليك قد دمك الخفيف ده طالع لخالك يا جزمه
مازن / و هو فى حاجه بوظتنى غير انى طالعلك
صفوت / اخرس يا قليل الادب
مازن / ههههههههههههههههههههههه
........................................
فى الشركه عند احمد
شاب يفتح باب مكتب احمد لمرام
احمد / جيتى فوقتك بصى انا محتاس حوسه ميعلم بيها الا ربنا و محتاج راى انثوى من حد اكون واثق فيه
مرام / راى انثوى يا زين مخترت فى ايه خير
احمد / بصى انتى عارفه انى مشيت نسرين و ده كان دورها و طبعا اللى جه مكانها زى مانتى شايفه شاب فملوش فالحاجات دى خالص فملقتش قدامى غيرك اخد رايها اقعدى
مرام / ماشى تمام تاخد رايى فى ايه بقى
مرام تقعد عالكنبه و احمد قاعد عالكرسى جنبها احمد يفتح اللاب
احمد / دول تلت فيلل عاوز اختار منهم واحده هما تقريبا نفس المساحه و نفس السعر فرق حاجات بسيطه
مرام / و مكانهم
احمد / لا تقريبا نفس المنطقه انا بس عاوزك تبصى فى الصور كدا فكل فيلا و تقوليلى ايه اكتر واحده فالتلاته عجبتك عشان عاوز اشترى واحده
مرام / اوك ماشى
احمد يفتح اول صوره
مرام / حلوه اوى
احمد يقلب الصوره اللى بعدها و اللى بعدها و اللى بعدها
مرام / الجنينه بتاعه التانيه احلى و حسيت انها اكبر و رسمه حمام السباحه كمان جديده مش دايره و لا مستطيل
احمد / طب نشوف بقى الصور من جوه
مرام / كئيبه اوى اقلب
احمد  يقلب
مرام / لا لا لا ايه الفرش ده و ايه الالوان دى الفيلا دى وحشه جدا
احمد / دى نفس الفيلا اللى كنتى مبهوره بجنينتها
مرام / ايوه الجنينه كانت حلوه و ترد الروح بس الفرش اللى جوه بجد كئيب اللواناته و حتى الانتيكات تحس انك داخل بيت اشباح
احمد / طب مالفرش يتغير دى سهله
مرام / مش عارفه متفتح فيلا تانيه يمكن تكون احسن
احمد / اوك
احمد يفتح الصور مرام تشد اللاب عليها احمد يقوم يروح يقعد جنبها عالكنبه الناحيه التانيه تستاخر سنه صغيره و احمد متابعها
مرام / دى حلوه احسن مالتانيه بكتير
مرام تبص لاحمد تلاقيه باصصلها و عنيه فعنيها و قريب اوى منها تقوم تروح ناحيه تلاجه منى بار و تفتحها
مرام / مرام ممكن اخد ميه
احمد / اكيد اتفضلى ...تفتكرى لو شوفتى الفلل دى عالطبيعه احسن و لا الصور احسن انا بقول نروح نشوفها انا و انتى يعنى
مرام تروح تقعد عالكرسى مكان ماحمد كان قاعد و تعدل اللاب احمد يستاخر و يروح يقعد مكانها
مرام / هو ده ملف الفيلا التالته صح انا بقول اشوفها الاول يمكن منحتاجش نروح و طبعا الراى الاول و الاخر ليك انت
مرام تفتحه و تقلب فى الصور
مرام / حلوه دى واسعه كمان اوى بص السلم هنا عامل ازاى
مرام تبص لاحمد تلاقيه باصصلها
مرام / الشاشه هنا على فكره
احمد / انا حافظ الصور دى قوليلى انتى رايك اخد انهى واحده
مرام / هو لو هتغير العفش و ووش دهان يبقى التانيه حلوه اوى لو هتاخدها على وضعها كدا يبقى التالته شغاله
احمد / خلاص قومى يلا بينا
مرام / على فين
احمد / نشوفهم عالطبيعه مش يمكن الصور دى تسويق و هى حاجه تانيه خالص
مرام / اوك
احمد و مرام يقوموا يمشوا
.......................
فى مكتب مازن فى الشركه
شريف يدخل
شريف / اتفضل يا سيدى الملف بتاع الجامعه
مازن / ورينى
شريف / الملف ده ممكن تطير فيها رقاب كميه رشاوى على حبايبنا مقولكش 
مازن / كويس هنحتاجه
شريف / دا اخر ورقه معانا ضد احمد نسرين مشيت و الواد الجديد اللى جه مكانها لسه مش لاقيله سكه
مازن / الغربال الجديد له شده و بعدين ايه يا شريف مفيش تجديد خالص مش لازم تطور من ادائك شويه مره مديره مكتبه المره الجايه الفراش حد فالامن يعنى مشى امورك
شريف / هحاول حاضر
مازن / اخبار مرام ايه
شريف / الله سالت على مرام اهو
مازن / عادى يعنى و فيها ايه
شريف يقعد و يحط رجل على رجل
شريف / لا طبعا انا شلت الموضوع ده من دماغى انت اصلا كان عندك حق احمد لو نجح ابقى خسرت الرهان و لو خسر ابقى كسبت و انا كدا كدا هقعد اتفرج هو انا خلفتها و نسيتها عشان اللحقها يعنى هى مش صغيره انا عاوز الملف عشان ادايق احمد بس مش اكتر لكن مرام ملهاش دعوه بالموضوع ده
شريف يبص لمازن يلاقيه قاعد باصصله يتعدل فى قعدته
شريف / احم اسف
مازن / انا برده قولتلك ان جدتها غاليه عندى و ان كنت بعمل حاجه فعشان الست دى متتبهدلش فى اخر ايامها
شريف / ايوه طبعا معاك حق مفيش جديد مالمطعم للبيت و مالبيت للمطعم مفيش غير النهرده راحت الشركه بدل المطعم
مازن / ليه
شريف / معرفش صحيح انت اديت لتيته الهديه اللى جبتهالها من دبى
مازن / لا مروحتلهاش لسه
شريف / امال هتروح امتى
مازن / مش عارف كل يوم اجل
شريف / ليه
مازن / مرام عرفت انى خطبت
شريف / اوبااااااااااااااااااااا
مازن / عملت لايك للفيديو الزفت اللى بتقدم فيه
شريف / ليك حق طبعا تاجل و متروحش
مازن / بس هروح بكره اخر كلام
شريف / صح كدا انا لو منك اروح
مازن / وله منين ليك حق تاجل و منين لو منى تروح مترسى على بر
شريف / ههههههههههههههههههه اعملك ايه مانت كل حياتك مكلكعه عقلى خلاص هنج منك
مازن / انت هتجيبها فيا لا يا حبيبى انا مستلمك كدا لاسع
شريف / حبيب قلبى تسلم والله
.....................................
فى الفيلا
مرام / لا تصدق احلى مالصور
احمد / يعنى اختار دى
مرام / اه دى حلوه بس ممكن تغير شويه حجات كدا هتبقى احلى
احمد / الا قوليلى منفسكيش تسيبى الحاره
مرام / الصراحه نفسى و خصوصا الفتره دى بس تيته بقي مش راضيه
احمد / حتى لو هتعيش ففيلا زى دى
مرام / زى دى
احمد / اه ايه مالك مستغربه كدا ليه
مرام / انا عمرى معيش ففيلا زى دى
احمد / غريبه كنتى بتقنعينى بيها من ثوانى و دلوقت مش عجباكى
مرام / مقولتش كدا هى عجبانى بس انا مش جو فلل و كدا انا بحب حاجتى تبقى على قدى يعنى شقه صغيره كدا كبيره اوضتين و صاله اعرف انضفها يعنى و اخد بالى منها
احمد / اه انا كنت فاكرك طاموحه و بعدين مهو هيبقى فى خدم ينضفولك
مرام / و ده ايه علاقته بالطموح انا اه نفسى يكون عندى مشروع كبير بس هعيش فين ده ميفرقش معايا و بعدين معلش يعنى هى الخدامه هتنضف زى مانت مبتنضف كلو شغل شقلب و اقلب عشان تلحق تخلص الفيلا دى كلها
احمد / يعنى عاوزه تقنعينى ان لو عندك فيلا زى دى مش هتعيشي فيها و تجبيلك شقه صغيره
مرام / والله ده تفكيرى دلوقت يمكن لو ربنا كرمنى و بقت عندى رايى يتغير لان اكيد على مهيبقي عندى فلا زى دى هيكون بقى عندى عيال عاوزه لكل واحد اوضه و اوسع عليهم عشان برضه مكنش بكدب عليك
احمد / ماشي تعالى يلا نطلع نتفرج عالاوض اللى فوق
مرام / لا مش مشكله كانت حلوه فالصور انا بقول كفايا عشان اللحق المطعم
احمد / ليه خايفه يخصمولك اليوم انتى مع المدير يا هبله
مرام / لا بس انا بحب شغلى و كل يوم بتعلم حاجه جديده فغيابى خساره ليا
احمد / عشان كدا عجبانى
احمد يحط ايده على ضهر مرام تتحرك و تمشي
احمد / تعالى اوصلك
مرام تهز راسها ماشي
.............................
تانى يوم فى الشركه عند مازن
مازن قاعد بيبص على اللاب الباب يتفتح و صفوت يدخل
صفوت / لا انا اكيد مت و فالجنه
مازن / بعد الشر عنك يا خالو فى ايه بس
صفوت / قولى الاول قبل مرسم امال و تحطمهالى على صخور الواقع المظلم انت بتعمل ايه عاللاب
مازن / لا مش حاجه مهمه ببص عالميزانيه
صفوت / يااااه ؟؟ و ياترى ليه بقى
مازن / انا شايف ان فى حاجات بنصرف عليها فلوس كتير اوى ملهاش لزمه بيتهيالى ممكن نحطها فى حاجه تانيه
صفوت / لا كدا بقى تطلبلنا فنجان قهوه عشان اقعد و اسمع و افهم انت عاوز تقول ايه و لا نخليها شربات بقى
مازن / انت هتحفل عليا و لا ايه يا خالو انا بس مبحبش حد يطلب منى حاجه و اكسفه
صفوت / و ياترى مين بقى الكونتيسه اللى هتكسفها
مازن / شوف سوء الظن طب ايه رايك ان كلهم رجاله
صفوت / لا يا راجل طب اقعد كدا واحده واحده و احكيلى انت ناوى تعمل ايه
مازن / السيفيهات اللى جبتها امبارح قالولى ان فى زياده فى عدد الموظفين اصلا و بتفكروا تسرحوا ناس
صفوت / حقيقى فى عماله زايده اوى عندنا فى الشركه و شغلهم ممكن اوى اى حد يقوم بيه فوق شغله امال احنا بندفع مرتبات ليه
مازن / عشان ناس تعيش يا خالو
صفوت / ابن امك ياله
مازن / مش دايما
صفوت / ماشى قولى بقى ناوى تحل الموضوع ده ازاى
مازن / هقلل الفلوس بتاعه الدعايا شويه
صفوت / مازن حبيبى الدعايا بتتخصم مالضرايب فانك تقللها معناه انك مش بس هتقلل دعايا المجموعه اللى طبيعى بتجيب بعد كدا ارباح اضعاف اللى صرفناه و نزود الضرايب بتاعتنا و ندفعها فلوس لموظفين مبيشتغلوش بربع مرتبهم
مازن / طب ميشتغلوا يا خالوا
صفوت / ازاى
مازن / نفتح فروع جديده مشاريع جديده بتحتاج عماله نمول مشاريع صغيره من باب الدعايا و نحط عليها اللوجو بتاعنا فى حاجات كتير اوى ممكن تتعمل و تجيب دعايا برده منغير اعلانات و اغانى و بنات بترقص و كدا
صفوت / طب اعملى بريزنتاشن عن فكرتك كامل التفاصيل و انا هخليك تعرضها الاسبوع الجاى على مجلس الاداره و لو وافقوا انا هنفذه
مازن / دا على اساس ايه انت رئيس مجلس الاداره و المساهم الاكبر و انا تانى اكبر مساهم فى المجموعه نسبتنا عدت الخمسه و سبعين فى الميه و الباقى اسهم مساهمين كدا منظر يعنى
صفوت / مانت لازم تقدر تقنع الناس بفكرتك و لعلمك انا نفسى مش مقتنع فانت لازم تقنعنى بشكل بروفشنال شويه البزنس بتحكمه دراسات جدوى و بروفتس مش المشاعر و لا ايه
مازن / ماشى اتفقنا ... انا هقوم بقى عشان فى مشوار فى السريع لازم اعمله النهرده
صفوت / الله بالسرعه دى
مازن / مانا نقلت الملفات عالكلاود بتاعتى و هبقى اشوفها بعدين هتعوز منى حاجه
صفوت / اكتر ماللى انت فيه ابقى بنهب انت بس خليك كدا
مازن / سلام يا خالو
مازن يمشى و صفوت يبتسم
صفوت / سلام يا حبيب قلب خالو
.............................
عالسلم قدام شقه مرام
مرام تقفل الباب و تيجى تنزل مديحه تفتح الباب و تناديها
مديحه / مرام مرام استنى
مرام / متاخره اوى يا عمتى و مستر احمد مستنى فى المطعم
مديحه / معلش ثوانى خدى الساعه بتاعتك
مرام / الله هى كانت معاكى
مديحه / انا روحت امبارح الصاغه و سالت الساعه زى مقولت مش اكسسوار و لا تقليد دى اللماظ حر اصلى تمنها بالشئ الفلانى 
مرام / انتى بتقولى ايه
مديحه / انتى امبارح رجعتى متاخر ودخلتى نمتى علاطول ملحقتش اقولك و خفت اقول للحجه تعمل مشكله و تخليكى تسيبى الشغل و انتى عرفاها بصى رجعيهاله من سكات قوليله ان جدتك قالتلك مبتاخديش هدايا من شباب
مرام / ايوه يا عمتى بس كدا الموضوع بقى اوفر اوى انا اصلا طول اليوم امبارح بفكر قلبى معدش مرتاح و كمان فى كام موقف كدا بحاول اقنع نفسى انهم مش مقصودين
مديحه / مش فاهمه فى ايه
مرام / معرفش مستر احمد بيتعامل معايا باسلوب معرفش بس .. بس بحس انه بيحاول يشيل الحدود او هو شايلها اصلا بيتعامل كان .. مش عارفه اوصفلك
مديحه / لا فهمينى اكتر
...................................