السكه شمال بقلم / لولو_محمد ( كامله )

الحلقه ١٧٧

((((((السكة شمال )))))))
#لولو_محمد
الحلقه 177
صوت سميحه / مرام مرام
مرام تروح لسميحه تقابلها فى الصاله
سميحه / فى ايه يا مرام
مرام / مفيش يا تيته وقعت الحلل و انا بسخن لما مازن الاكل
سميحه تبص تلاقى مازن خارج من المطبخ يروح يحضنها
سميحه / حمد الله عالسلامه
مازن / الله يسلمك يا ست الكل اما انا بقى جبتلك شويه هدايا هتشوفى بقى الواد مازن بيحبك قد ايه
مازن قعد فى الارض و فتح الشنطه و طلع الهدايه و سميحه و مرام واقفين يبصوا لبعض و مبسوطين
.......................................................
فى الشركه عند مازن
شريف / صلاه النبى احسن و انت قولتله ايه بقى
مازن / هقوله ايه يعنى قولتله فرحى على مرام فى الاجازه و اللى عاوز يجى يشرفنى و مشيت
شريف / ربنا يصبرك على ما بلاك يابنى والله
مازن / يا عم انا فنعمه هعوز ايه اكتر من كدا
شريف / على رايك الحمد لله على كل حال احسن من غيرنا بكتير هتقول لمرام
مازن / لا طبعا اصل هتفرق فى ايه هشيلها من ابويا زياده بص احلى حاجه فمرام لو قولتلها مش هحكى مبتسالش بتقدر و بتثق فيا
شريف / مرام بنت عاقله و بتحبك
مازن / صحيح كنت هنسى استنى
مازن يفتح دولاب المكتب و يطلع شنطه هدايا كبيره جدا يفتحها و يطلع منها علبه صغيره يديها لشريف
مازن / انا قولت مرجعش من دبى بايدى فاضيه دى عشانك
شريف / شكرا بس مكنلهاش لازمه
شريف يفتحها يلاقى ساعه فخمه جدا يبص لمازن باعجاب
شريف / دانا طلعت غالى عندك اوى
مازن / و انت عندك شك يا متخلف و دول بقى شويه حاجات بسيطه للبيت لماما و البنات
شريف / عندى فى البيت ؟
مازن / اه على الله يعجبوهم بس بصراحه استلفت ازازه برفيوم منهم لما عمتو مديحه احرجتنى انى نسيت اجيب لمروه حاجه فلمينا الليله
شريف / عادى يابنى و لا كنت تاخدهم كلهم بس صدقنى الست دى هتجلط محمود فيوم من الايام
مازن / ههههههههههههههه يا سيدى من عشمها انا برده سقطتها
شريف / مازن
مازن / يعنى هقول ايه يا شريف مرام بتعتبرها امها عدنها حماتى يا اخى عشان الورد
شريف / ايوه عشان الورد قول كدا
مازن / عشان الورد قولى بقى حوار العروسه خلص على ايه
شريف / اتقفل و مش هيتفتح تانى
مازن / احسن انا اصلا محبتش البنت
شريف / هههههههههههه و انت تحبها ليه انا اللى هتجوز مش انت
مازن / ههههههههههههههههه ماشى يا جزمه صحيح فى موضوع عاوز اتكلم معاك فيه بس احنا صحاب تمام
شريف / استر يارب خير
مازن / انا عاوز افتح صيدليه
شريف / فهمت
مازن / ساعات ذكائك الزياده ده بيعملى مشاكل والله
شريف / هههههههههههههههههههههه
مازن / قولت ايه
شريف / انت قولت اننا صحاب
مازن / ده بزنس برضه و انا اكيد هكسب من وراه يعنى
شريف / و طبعا فارق اوى الملاليم اللى هيدخلهالك المشروع المصيرى ده
مازن / قولت ايه يعنى
شريف / هقولها و هى تقرر الموضوع ده ميخصنيش خالص
مازن / انا متاكد انها هتوافق خصوصا لما تبقى الصيدليه تحت البيت
شريف / يااااه دانت مخطط لكل حاجه بقى
مازن / متنباش رخم
شريف / ماشى
مازن / اخبار رؤى ايه
شريف / كويسه مالها ايه ناوى تفتح مشروع ايه بقى تساعد بيه رؤى بالنسبه لتقى صحيح غالبا هتفتح اتيليه لانها متقمصه روح صافى اوى اليومين دول و مبهدلانا اسكتشات رسم و اللوان
مازن /ههههههههههههههههههه والله تقى دى العسل اللى فيكوا
شريف / انا قولتلها عاوزه تصممى عيشى لكن موديلينج اقطع رقبتك نزلت عليا بشعار مفى هدوم محجبات و انى شايفه وحشه و اقل من البنات التانيه
مازن / بكره تكبر و تعقل
شريف / كبر مخك
مرام تخبط و تدخل
مرام / طولتوا اوى ايه من لقى اصحابه نسى احبابه و لا ايه
شريف / انتى هتجيبى حمارتك جنب حمارتى و لا ايه
مرام / يا سيدى كلها حمير
مازن / ههههههههههههههههه احنا مش هنتغدى و لا ايه انا واقع يا جدعان
شريف / اقسم بالله و انا انا هطلب حاجه
مرام / لا لا متطلبش الحجه سميحه عزمانا على اكله محشى من بتوعها
شريف / انا معزوم صح
مرام / طبعا
شريف / حبيبتى يا تيته طب ايه مش هنروح و لا ايه
مازن / هههههههههههههههه يلا قوم
..........................................
فى فيلا زياد
لبنى / انا لسه قافله مع طنط فريده دلوقت
زياد / و قالتلك ايه
لبنى / اقنعت اونكل ابراهيم انه يسكت و يسيبك تكمل خطتك طبعا مقالتلوش حاجه هى فهمته ان فى ناس هتظبط و تخطط و كلو هيمشى تمام و هتحاول تسحب منه مبلغ محترم بس طبعا لو خطتك الجهنميه فشلت
زياد / مش هتفشل
لبنى / مرام مبتتصرفش على كيفك مبتعرفش تتوقع رد فعلها على اى حاجه و اهو عرفت اللى هيحصل و مكلمتش مازن و لا منعته مالسفر و لا حتى
زياد / هو الحجاب اللى على راسك ده غطى شعرك و لا غطى مخك
لبنى / قصدك ايه
زياد / مرام لعبتها صح اوى انتى فاكره مرام سكتت ليه مرام خلته يحس بقيمه بعدها عنه جننته مرام من يوم معرفت مازن و هى ممشياه صح جدا سياسه شوق و لا تدوق مكنتش بترد عليه عشان تجننه تخليه ملهوف يرجع يطمن عليها مرام مش هبله و لا سازجه زى مانتى فاكره
لبنى / و اخرتها
زياد / اخرتها زى كل حاجه فى حياتنا هتمشى بس زى ماحنا عاوزين
لبنى / و ان معرفتش
زياد / فى مليون حاجه فى دماغى لو ربنا بيحبها هتنجح من اول مره عشان كل مره واحده فيهم هتفشل اللى بعدها نهايتها اسوء
لبنى / اما نشوف انا طالعه انام عشان تعبانه
زياد / ايه مش عاوزه تشوفى انا جبتلك ايه معايا من دبى دانا مسبتش حاجه مجبتهالكيش
لبنى / ينفع ناجلها للصبح فعلا مصدعه و تعبانه جدا
زياد / ايه يا لولا هو انتى كمان هتتعاملى معايا بطريقه مرام و لا ايه
لبنى / والله انت فايق و رايق عن اذنك
لبنى تسيب زياد و يطلع فوق و هو واقف بينفخ
......................................
فى شقه شريف
شريف قاعد عالسرير بيتكلم مع مامته و الباب مفتوح
الست / طب والله فكره حلوه مالك انت بقى مقفول ليه
شريف / مش مقفول بس
الست / هو يعنى زى مقالك مش هيكسب من وراها
شريف / يا ماما مازن لو عاوز يعمل مصانع ادويه هيعمل هتفرق معاه حته صيدليه و كمان تحت البيت
الست / يعملك ايه الواد ده عشان ترضى
شريف / ميعملش انا معترضتش و كمان حوار تحت البيت كمان طمنى اكتر اهى احسن ما تشتغل عند الغرب بس
الست / انت كرامتك وجعاك حاسس انه بيعمل ده عشان يساعدك
شريف / و هو بيعملها لاى سبب تانى يعنى
الست / انا عارفه انك نفسك عزيزه بس انتوا صحاب و اخوات قبل اى حاجه
شريف / انتى بصيتى عالهدايا اللى هو جايبهالنا
الست / اه بصيت
شريف / فى حد بيهادى اخوه او صاحبه حاجات زى دى برده يا ماما جايبلهم دهب لكل واحده خاتم دهب
الست / دا غير ازايز البرفيوم و الساعات
شريف / انا مكنتش شوفتها وقت ما اخدت منه الشنطه بس مخنوق من ساعه مشوفتهم و مقدرش اخلى البنات يقلعوهم بعد مفرحوا بيهم
الست / يعنى لو كنت شفتهم كنت رجعتهمله
شريف / ايوه طبعا انا عارف انه ميقصدش انا عارف ان قصده يفرحنى بس انا مش هقدر اردله الحاجات اللى بيعملها معايا دى كلها مش هقدر اجبله هديه غاليه زى دى هو بيعمل معايا كدا عشان يدينى فلوس من غير ما يجرحنى بس فى الحقيقه بيجرحنى حتى لو مش هقدر اعاتبه حتى لو مش هقدر اقوله ده بس بيجرحنى
الست / اقولك على حاجه بس حاول تفهمنى
شريف / قولى يا ست الكل يمكن تريحينى شويه قولى
الست / مازن محلتوش حاجه يقدمهالك غير الفلوس بس انت عندك تقدر تقدمله حاجات كتير هو محتاجها يعنى انت لو ادتله فلوس او ساعه او برفان او اى كانت الهديه مش هتفرق معاه لانه عنده كتير لكن انت عندك حاجات كتير هو محتاجها تقدر تهاديه بيها عندك حاجات هو محتاجها اكتر زى انك تبقى صاجبه بجد انك تسنده انك تبقى جنبه انك تستجدع معاه انا و انت عارفين ان مازن كل اللى حواليه شياطين و هو تايهه وسطيهم و الموضوع زاد لما خاله مات اكبر هديه ممكن تقدمها لمازن دلوقت هى انك تقف جنبه و تحميه من كل الديابه اللى طمعانين فيه دول
شريف / يا ماما انا اللى عليا لمازن كتير اوى انا لو عشت طول عمرى اخدمه مش هوفيه انا لما هعمل كدا مع مازن مش هبقى بهاديه هبقى برد جزء بسيط جدا من اللى عليا ليه
تقى تدخل
تقى / على فكره انت و ابيه مازن مش صحاب
الست تقوم ناحيه تقى تحاول تخرجها بره
الست / اش اخششك انتى يا بت فى الكلام مش هتبطلى الخصله الزفت اللى فيكى دىى انجرى على اوضتك و بطلى تلميع اكر
تقى / اسمع يا ابيه انا هقولك حاجه تسمعها تسمعها متسمعهاش انت حر
الست / يا تقى متعصببنيش عليكى عالمسا
شريف / سبيها يا ماما قولى يا تقى
تقى / مفيش بين الصحاب الكلام ده محدش بيفكر هو ادانى فانا اديته كل واحد بيعمل اللى يقدر عليه من سكات يعنى تمارا صحبتى لما بروحلها بتعامل كانى فى بيتى و هى لما بتيجى مفيش انا عزمتك المرادى انتى اعزمينى عادى المهم ننبسط و خلاص انت بتتعامل مع ابيه مازن بحساسيه و هو اكيد هيحس بده و ده هياثر على علاقتكم
الست / طب والله اول مره تقولى حاجه عدله يا تقى
شريف / بس ان كان حبيبك عسل يا تقى
تقى / بس انت مطلبتش منه حاجه
الست / صحيح خد الحكمه من افواه المجانين
شريف / هههههههههههههههههه تعالى هنا يا بت
تقى /  والله لو ضربتنى على قفايا
شريف / تعالى بس تعالى
تقى تروح ناحيه شريف يحضنها
شريف / شكرا بس بطلى تلميع اكر اتفقنا
تقى / انتوا اللى صوتكوا عالى انا مالى انا
شريف يقلب راسها و يرزعها على قفاها
تقى / ايه الظلم ده ربنا عالمفترى
شريف / بتدعى عليا يا بت
شريف ينيمها عالسرير و ينزل فيها زغزغه و تقى بتصرخ دحك
تقى / بقول المفترى المفترى هههههههههههههههههههههههههه يا ماااااامااااا
الست / احسن كل يوم من دا
رؤى و شيماء يدخلوا
شيماء / انتوا بتعملوا ايه
شريف يسيب تقى تقوم تجرى
تقى / طب والله لاكل الكيكه بتاعتك اللى فى التلاجه هاه
تقى تجرى عالمطبخ و شريف قاعد بيدحك
شريف / افندم اؤمروا خير
شيماء / احنا جينا على صوت الدحك بس قولنا نيجى نشوف فى ايه
شريف يبص عالخواتم فى ايديهم
شريف / مفيش هنام دا بعد اذنكم يا هوانم طبعا
الست / يلا يا بت انتى و هى سيبوا اخوكوا يرتاح
رؤى / خلاص خلاص
رؤى و شيماء يطلعوا بره شريف يقوم وراهم و يقف عالباب
شريف / البرفيوم ده ميتحطش بره البيت
شيماء / انا كنت بجربه بس والله بشوف رحته
شريف / تمام تصبحوا على خير
شريف يدخل و يقفل الباب
الست / طب والله رحته حلوه اوى
رؤى / انا بتاعى رحته احلى تعالى اما اشممك
الست / تعالوا
الست تاخد رؤى و شيماء و تدخل اوضه و تقى تدخل شايله طبق كيك بتاكل فيه
الست / يا بنت المفجوعه
تقى / قولتلك مليون مره متشتميش نفسك
الست / صبرنى يارب
تقى / تاخدى حته
شيماء / متبس بقى يا مستفزه
تقى / بسيت
الست / بنات ... منغير زعل الخواتم دى مش ليكوا البرفانات و الساعات اللبسوهم براحتكوا بتوعكوا تنبسطوا بيهم يا رب بس الخواتم انا عوزاهم 
رؤى / بس ابيه ادهالنا
الست / و انا مقولتش حاجه بس ... يعنى اخوكى لو محتاجه تستخسريه فيه
رؤى و شيماء يقلعوا الخواتم و يدوهم للست
تقى / طب نلبسها حبه طيب اوريها لصحباتى و بعد خديه ماشى
الست / ماشى اللبسوهم بس اوعوا يضيعوا بس امانه لو فيوم قولت هاتوهم مفيش واحده تزعل
الست ترجع للبنات الخواتم
شيماء / يا ماما و من امتى زعلنا عالحاجات دى خليه من دلوقت
الست / انا من يوم مبوكوا مات و انا بحوش كل قرش و اقسمه عليكوا عشان نحوش جهازكوا بس اخوكوا بيكبر و لو فضل مبقيكوا على نفسه كدا هيفوق يلاقى نفسه زى صفوت بيه الله يرحمه راجل عجوز و فاته سن الجواز و يعيش وحيد لاخر عمره
شيماء / امال احنا روحنا فين احنا هنكثف جهودنا الفتره الجايه لحد منلاقيله العروسه اللى تعجبه
الست / كتر الف خيرك لحد كدا عروسته انا لقيتهاله خلاص و ربنا يقدرنى و احط القرش عالقرش لحد مكمل مهرها
رؤى / مين يا ماما
الست / بعدين هقول عشان اخوكوا ميزعلش 
تقى / طب قولى و مش هنقوله
الست / اهو كلهم كوم و انتى يا سوسه كوم تانى خالص يلا انا داخله انام تصبحوا على خير
شيماء / و انتى من اهله يا ماما
الست تطلع من الاوضه و تقفل الباب رؤى و شيماء يهجموا على طبق الكيك فى ايد تقى
رؤى / هاتى حته يا طفسه هتاكليها كلها لوحدك
تقى / مهى فى التلاجه مالصبح و لا هى الكيكه فى ايد تقى عجبه
شيماء / خليهالك اياكش تفشولى
تقى / هبقى اعمل دايت اوعى
تقى تاخد الطبق و تطلع من الاوضه
رؤى / جزمه
رؤى تبص لشيماء
رؤى / تراهنينى ان عروسه ابيه صافى
شيماء / مش محتاجه رهان ههههههههههههههه
رؤى و شيماء يدحكوا و يتودودوا
..................................
فى شقه مرام
مرام نايمه عالسرير فى الصاله و بتكلم مازن فى التليفون و الحاجات اللى مازن جابها منطوره حواليها عالسرير
مرام / بعدين بعدين ابقى اشوفهم بقى
مازن / الله ليه يعنى
مرام / هستعجل ليه يعنى خليهم فى كيستهم كدا لما ابقى اجى افرشهم ان شاء الله ابقى افتح و اتفرج
مازن / مش يمكن مش مظبوطين عليكى و لا حاجه
مرام / هتروح دبى ترجعهم يعنى خلاص
مازن /  طب على الاقل قوليلى رايك فى زوقى
مرام / معقول اعيب على زوق واحد اختارنى برده
مازن / ايه الرخامه دى متفتحى يا بت تشوفى جبت ايه
مرام / ههههههههههههههههه انت عايز ايه يعنى
مازن / مش عايز خلاص ... يا رخمه
مرام /هههههههههههه طب شوفتهم
مازن / مانا عارف
مرام / و عرفت منين بقى ان شاء الله
مازن / ايه مبعرفش لما بتكدبى يعنى
مرام / بس انا مش قدامك
مازن / بحس قرى و اعترفى بتكدبى ليه انتى متعرفيش ان اللى بيكدب بيروح النار
مرام / اصلى عارفه الحوار منغير منقوله هقولك شوفتهم و عجبونى هتقولى انهى واحد عجبك اكتر هقولك الابيض الحرير اللى له روب جبير و فيه لولى ده هتقولى قيستيه هقولك اه هتقولى شكله ايه عليكى هقولك ابقى احكم بنفسك بعدين هتقولى كم انتى قاسيه يا امراءه و هنقعد ندحك و نهزر فقولت اوفر على نفسى السكه دى كلها و انجز
مازن / بس انا مكنتش هقول كم انتى قاسيه يا امراءه
مرام / امال كنت هتقول ايه
مازن / كنت هقول هانت بكره يا ملوخيه تيجى تحت المخرطه و ساعتها بقى انتى عارفه
مرام / يا سيدى من هنا لساعتها يحلها حلال
مازن / مش فارق معاكى يعنى
مرام / هو ايه اللى مش فارق معايا بالظبط
مازن / انك تيجى تحت المخرطه
مرام / هههههههههههههههههههههههههه المفروض اخاف يعنى و لا اعمل ايه
مازن / مش عارف قولى انتى
مرام / اممممم مش عارفه صحيح يا مازن مش انا كلمت مونى النهرده
مازن / بجد امتى
مرام / و احنا فى الشركه لما كنت انت مع شريف كلمتنى
مازن / خير
مرام / بتسال عن تاريخ الفرح او اى حاجه عشان تعرف تظبط امورها و تنزل بتقولى هنزل فى نفس اليوم احضر الفرح و اسافر تانى و طبعا مش مصدقه اننا منعرفش هنخلص امتى بتقولى ازاى
مازن/  معلش مهى مدرستش حاجه فى مصر خالص متعرفش النظام اصل بره يا قلبى بيبقوا عارفين خطه الترم من اول يوم فى الدراسه يعنى جدول الامتحانات كل حاجه بتبقى معروفه و متحدده 
مرام / ااااه امال انت ليه درست فى مصر عشان خالو الله يرحمه
مازن / بنسبه كبيره ايوه و اساسا ليا مين بره انا كل صحابى كانوا هنا هسافر ليه يعنى اه ممكن اسافر اتفسح اصيع لكن استقر بره مش جوى خالص و بعدين انا مش هتكسف اقولك انى اكتر انسان بتاع مشاكل ممكن تقابليه فى حياتك دا مفيش مكان روحته الا و عملت فيه مشكله دا حتى الاماكن المختلفه جوه نفس البلد عملت فكل حته مشكله برضه
مرام / هههههههههههههههههههههه دانت مشكله بقى
مازن / لا دانا فى المشاكل اعجبك اوى بس والله مش بمزاجى يعنى بس انتى معايا بقالك فتره كويسه انك تعرفى انها بتجيلى لحد عندى من غير مبذل فيها اى مجهود مرزق من يومى
مرام / هههههههههههههههه انت هتقولى دانت من جهه مرزق فانت مرزق اوى فى الموضوع ده
مازن / و مع كدا لسه عاوزه تكملى معايا
مرام / والله يا مازن مش هكدب عليك حاولت كتير اخلع كتير اوى اوى يعنى من اول يوم كمان من ساعه المشروع لحد وقت قريب كنت كل اللى بحاول اعمله ازاى ابعد عنك ازاى اخرجك من حياتى بس كل محاولاتى كانت بتنتهى انى بحبك اكتر
مازن / مش قولتلك كل منبعد اكتر بنقرب اكتر
مرام / ايوه معاك حق بس اقولك حاجه انا بحمد ربنا كل يوم على كل المشاكل اللى قربتنا من بعض دى كل حاجه حصلت فى حياتى كنت فكراها وقتها وحشه و زعلت بسببها طلعت فى الاخر بتوصلنى ليك لو مكنتش حصلت يمكن مكناش اتقابلنا لو مكنتش عيت فثانوى لو كنت جبت مجموع و دخلت طب زى مكنت بحلم طب لو كانت خطوبتى كملت طب لو مكنتش دخلت المشروع الزفت ده معاك ههههههههههههههه لسه بقول عليه زفت طب لو مكنتش تيته عملت العمليه و ادبست فيك كل حاجه كل حاجه
مازن / مش هيجى عليكى يوم و تندمى
مرام / عمرى انا بحبك لدرجه انى مستعده ادخل فى مشاكل اكتر من دى مليون مره بس ابقى معاك
مازن / هو انا المفروض معايا دكتوراه فى الكلام الحلو بس انا مش لاقى رد اقوله
مرام / قولى بحبك
مازن / مش كفايا
مرام / انا راضيه
مازن / بحبك
مرام / و انا كمان بحبك اوى اوى كمان
اذان الفجر
مازن / و كالعاده هتسكت شهر زاد و هيقوم شهريار يصلى و ينام ساعه
مرام / تصبح على خير ابقى ادعيلى
مازن / هى دعوه واحده من يوم مشوفتك و انا بدعيها يارب بقى البت دى تبقى مراتى و يتقفل علينا باب واحد يارب بقى يارب
مرام / هههههههههههههههههههههههه يارب يلا سلام
مازن / سلام
مازن يقفل و مرام تتنهد و تقوم
................................