السكه شمال بقلم / لولو_محمد ( كامله )

الحلقه ١١٧

((((((السكة شمال))))))
#لولو_محمد
الحلقه ١١٧
مرام / صحيح يا خالو انت مش ناوى تغير الموضوع ده
صفوت / هههههههههههههههههههههه انا انسى يا ماما انا خلقت كالطير احلق فى السماء قفص ايه اللى ادخله برجلى انا هو انا اتجننت
مرام / سامع اللحق نفسك بقى
مازن / انا ادخل بس و بعدين نتكلم لكن انا موقفنى عالباب لا منى جوه و لا منى طاير
مرام / يا عينى و ايه اللى جابرك
مازن / فى عصفوره حلوه اوى جوه شغلانى يا تدخلنى ليها يا اخدها انا و اطير لكن لوحدى مينفعش
صفوت / و ايه كمان يا حنين
مازن / احنا ايه اللى جابنا هنا
مرام / هههههههههههههههههههههههههه
مازن / قلبى يا ناس
صفوت / قلبه يا ناس
مرام تبصلهم الاتنين و تضرب كف على كف و هى بتدحك
...............................
فى الشركه
شريف / طب تصدق جدع بس انا لو منك كنت خدتها فحته لوحدكوا يعنى مرام مبتنبسطش فالجو ده انت هتاخدها تفسحها و لا تنكد عليها
مازن / ههههههههههههههه لوحدنا تعرف تنقطنى بسكاتك
شريف / للدرجادى
مازن / و اكتر انا على شعره اقسم بالله بعانى
شريف / احسن خليك تتربى
مازن يبصله شريف يدحك
مازن / مونى و صافى هيبقوا موجودين مرام هتنبسط اكيد
شريف / صافى جايه ؟؟
مازن / اه لبنى عزماها اصلا و مرام هتاكد عليها النهرده
شريف / طب و محمود
مازن / هقوله
شريف / مش هيرضى
مازن / تبقى جت منه
شريف / دى حقيقه دا لو جه معاك هتبقى نكد رسمى
مازن / بقولك هو انا مطلوب منى اى حاجه تانى النهرده
شريف / لا كدا كتر خيرك كنا فين
مازن / طب انا هخطف رجلى مشوار كدا صغير قبل مروح هتعوز حاجه
شريف / متحرمش
مازن / هات محمود فايدك ماشى
شريف / كنت هعدى على صافى اجيبها
مازن يبصله
شريف / هوفق امورى متشلش انت هم روح يلا شوف اللى وراك
مازن يهز راسه و يمشى
...................................
فى الفيلا
مرام واقفه فى المطبخ و فى بنت معاها بنت تانيه تدخل
بنت 2/ لبنى هانم بره بتسال على حضرتك
مرام باستغراب / لبنى ؟؟
مرام / كملى معلش ثوانى
مرام تقلع المريله و تطلع تقابل لبنى فى الهول تاخدها بالحضن
لبنى / ايه انتى مصدقتى مشيتى و لا ايه
مرام / هههههههههههه معقول لحقت اوحشك
لبنى / بصراحه لا بس بينى و بينك طنط فريده روحها فمنخيرها النهرده قولت يا زوغان
مرام / هههههههههههههههههه تنورى
لبنى / بقولك ايه متلبسى و تيجى نخرج فى اتيليه واحده صاحبتى قالتلى عليه منزل حاجات تحفه
مرام / مش هينفع النهرده ورايا غدى معلش ممكن بكره ايه رايك
لبنى / غدى ايه اللى تعمليه يا بنتى انتى لسه فاكره نفسك فى الحاره فوقى و بصى حواليكى انتى هنا فى ملكه و حواليكى الخدم يشوفوا طلباتك ناقص تقولى انك هتنضفى كمان بجد انا مشوفتش كدا
مرام / انا بحب اطبخ انتى ليه مكبره الموضوع و بعدين على راى المثل اقرب طريق لقلب جوزك معدته
لبنى / هههههههههههههههههههههههههه انتى بتصدقى فى الحاجات دى على العموم احب اصلحلك معلوماتك اقرب طريق لقلب جوزك حاجه تانيه اهم من معدته بس شكلك لسه مجربتيش
مرام / الاكل عالنار عن اذنك
لبنى / انتى يا بنتى استنى زعلتى و لا ايه
مرام / بصى يا لبنى انا بحاول استوعب انكوا اتربيتوا فبيئه غير اللى اتربيت فيها بحاول اتقبل ده و هنا انا مش بتكلم عن الحلال و الحرام عشان ده المفروض مفيهوش كلام بس بتكلم عن حاجه تانيه فهمانى
لبنى / قصدك عنى انا و زياد يعنى بصى هو الجواز ايه مش اشهار يعنى هما زمان كانوا بيتجوزوا ازاى قبل السجل المدنى و كدا هل فى حاجه بتقول ان الجواز لازم تحكمه قسيمه و ماذون و كدا و لا الجواز اساسه الاشهار بما انك بقى بتتكلمى فى الحلال و الحرام
مرام تبصلها و ساكته
لبنى / مفيش مخلوق يعرفنا الا و عارف ان انا و زياد متجوزين اما بقى لحوار الرسميات فدى مش للى زينا دى للى زيك عشان تضمنى انتى حقوقك لو لاقدر الله حصل فى الامور امور لكن انا و زياد مفيش بنا الكلام ده بس فنفس الوقت اقولك انك اتجوزتى بماذون و شهود و اشهار يعنى المفروض انك على كلامك انتى الصح عملتى ايه بقى
مرام / انا مقولتش
لبنى / بصى يا مرام انا مقدره جدا المكان اللى اتربيتى فيه و العادات و التقاليد بتاعه المجتمع الرجعى بتاعنا ده بس مش مهم ان انا اقدر المهم انتى تقدرى اللى مازن بيعمله عشانك
مرام / قصدك ايه
لبنى / هههههههههههههههههههههههه انتى متخيله مازن بيتحفل عليه ازاى مازن كان كل ليله فى حضن واحده دلوقت بعد متجوز بقى بيحضن المخده انتى متخيله هههههههههههههههه الرجاله بعد الجواز بتقلع هو اللى بيلبس هههههههههههههههههه
مرام / بيتهيالى ان خصوصياتى انا و مازن مش مجال لحكاوى الناس و اللى بيحصل بينى و بين مازن مش لبانه كل واحد فاضى يمدغ فيها شويه و يتفقها فى بق التانى
لبنى / ايووووو
مرام / بالظبط حاجه مقرفه مش كدا هو الوضع كدا انا و مازن لما بيتقفل علينا الباب مفيش تالت بيعرف ايه اللى بيحصل جوه
لبنى / افهم من كدا
مرام / و مفيش حد هيعرف اللى حصل الوضع ده من يوم متجوزت مازن و هيستمر لاخر يوم لينا سوا و للاسف انا مش هقدر ارضى فضولكوا
لبنى / ياترى قولتى الكلمتين دول لمازن
مرام / مفتكرش ان مازن رايه مختلف عن رايى مازن حتى لو من بره يبان زيكوا بس هو من جوه زيينا احنا البيئه الرجعيه اللى بتحكمها العادات و التقاليد مازن راجل شرقى غيور جدا على اهل بيته للاسف يا لبنى كل السنين اللى تعرفوا فيها مازن مقدرتوش تشوفوا حقيقته و بالنسبه لحوار انكوا عارفين اننا مدخلناش فدا المفروض زى مبتقولوا باى ديفولت لاننا يادوب مكتوب كتابنا انا ممنعتش مازن عنى انا قدامه اهو ببات فنفس المكان معاه تحت نفس السقف و لو حب هنبات فى نفس السرير بس زى مقولتلك مازن راجل شرقى بتحكمه العادات و التقاليد و مفيش حاجه هتحصل الا لما نعمل الفرح ياريت اكون نهيت معاكى الموضوع ده عشان زى مقولتلك الاكل عالنار
لبنى / بتعجبنى دماغك اوى يا مرام قدرتى فوقت بسيط اوى تفهمى دماغ مازن و تعرفى تروضيه عرفتى تعملى اللى بنات كتير ملهمش عدد بيحاولوا يعملوه من سنين بس مفيش واحده فيهم قدرت تنجح فيه برافو بجد مش هتصدقى انا مبهوره بيكى قد ايه
مرام / هعتبر ده مدح و اقولك شكرا
لبنى / هو مدح فعلا و مدح صريح و ملوش اى تفسير تانى غير انه مدح قوليلى بقى عامله اكل ايه و لا انتى مش ناويه تعزمينى
مرام / لا ازاى عامله محشى و مكرونه بشاميل و رقاق باللحمه المفرومه و بط
لبنى / كل ده لا دانا اكلم زياد و اخليه يجى بقى
مرام / ينور طبعا
لبنى تبتسم باسطناع و تروح فى جنب و مرام تدخل المطبخ
.....................................
فى محل مجوهرات
مازن واقف بيتفرج على حاجات ينقى كوليه جميل و يمسكه فى ايده فى بنت بتبيع تطلعله واحد تانى
مازن / لا بيتهيالى ده احلى انتى ايه رايك
البنت / جميل اوى فعلا
مازن / انا هاخده بس عاوز اعمل سلسله محجبات تكون باسم مازن بشكل لذيذ و فصوص حاجه رقيقه بس فخمه
البنت / اكيد حضرتك سبلى رقم تليفون حضرتك و اول مالديزاين يجهز هنكلم حضرتك تدينا الاوك النهائى للتنفيذ
مازن يفتح محفظته يطلع كارت شخصى و يطلع الكريدت كارد بتاعته و يديهم للبنت
البنت / تمام
.........................
فى الشركه
سعد / طب اشمعن دى انا مش معزوم فيها
محمود / انا اش عرفنى
سعد / هو ايه اللى اشعرفك
محمود / متتغاباش بقى يا سعد الله
سعد / ماشى يا عم ماشى حقك ماللى على على
محمود / اللهم طولك ياروح انا اصلا مش عاوز اروح
سعد / متروحش اروح انا
محمود / روح يا سعد روح املا كرشك
سعد / جرا ايه يا عم مبالراحه فى ايه بهزر معاك
محمود / انت فاكره عازمنى و ماكد عليا و مخلى شريف يستنانى مخصوص عشان سواد عنيا عاوزنى اشوفها فبيته عشان يبقى امر واقع
سعد / انا اصلا حمار و استاهل ضرب البلغ انى بتكلم معاك اصلا انت عاوز تنقطنى تشلنى فوق يا غبى الموضوع امر واقع فعلا رضيت مرضيتش امر واقع هى اتجوزت و انت خطبت فركش فوق بقى بدل مانت شكلك مش هتسكت الا لما هتخرب عالبت و لعلمك ساعتها برده مش هتبص فى وشك بالعكس دى لو بصت هتبص عشان تتف فخلقتك وسع انا مروح بلا هم
سعد يمشى و هو بينفخ يخبط فى شريف
شريف / فى ايه يا سعد
سعد / مفيش انا مروح
سعد يمشى
شريف / انتوا اتخانقتوا و لا ايه
محمود / عيل دنى متاخدش فى بالك زعل انه متعزمش
شريف / ههههههههههههههههههههه انت بتتكلم جد و لا بتهزر
محمود / هو كان بيهزر بس انا قفلته يعنى هبقى اراضيه انا متشغلش بالك
شريف / طب ايه لسه وراك حاجه و لا يلا
محمود / يلا
.........................................
فى الفيلا
مرام و البنتين التانين يرصوا الاكل مرام تحاول تبص يمين و شمال على لبنى متلاقيهاش و تلاقى باب القاعه اللى فيها رسومات مامه مازن متوارب تروح تفتح تلاقى لبنى بتتفرج عالرسومات
لبنى / تعالى
مرام تدخل
مرام / الاكل جاهز و كلهم على وصول
لبنى / تعرفى انا و مازن مكناش علاطول ناقر و نقير كدا كان لينا وقت علاقتنا فيه كويسه و كنا فيه اصدقاء
مرام تبصلها و لبنى تتنهد
لبنى / انا قضيت طفولتى هنا لعبت فكل ركن فى البيت ده حفظاه اكتر من بتنا و من الفيلا عندنا حتى الرسومات دى انا حفظاها كل رسمه تعرفى انك لو شلتيهم و لخبطتيهم انا اقدر ارجع كل واحده لمكانها الاصلى
مرام / بجد
لبنى / تحبى تجربى
مرام / لا و على ايه مصدقاكى
لبنى / انا و مازن علاقتنا مباظتش الا لما ارتبطت بزياد كان لازم اختار بين الحب و بين الصداقه لو انتى مكانى كنتى هتختارى ايه
مرام / هختار الحب
لبنى تبتسم
مرام / انتى و زياد لايقين على بعض اوى و هو بيحبك جدا و مبيستحملش عليكى كلمه
لبنى / زياد مستعد يخسر الدنيا عشانى و اللى يزعلنى بينسفه حتى لو كان اقرب الناس ليه
مازن يدخل
مازن / انتوا بتعملوا ايه هنا
لبنى / مبنعملش ... يااااه دانا جعانه اوى عن اذنكوا
لبنى تمشى
مازن / كانت بتعمل ايه دى بتبخ سمها تانى عشان توقع بنا
مرام / ابدا قولى بقى اتاخرت كدا ليه
مازن / والله مسافه السكه المهم تعالى
مازن يشد مرام قدام مرايه متعلقه عالحيطه و يخلى وشها للمرايه و يطلع الكوليه و يلبسهولها مرام تفتح بقها مالانبهار
مرام / دا عشانى انا
مازن / دا حاجه بسيطه على تعبك النهرده يارب يعجبك
مرام تبصله
مرام/ يعجبنى ؟؟ يعجبنى ؟؟ انت بتهزر صح دا رهيب دا حلو جدا
مازن / ياااااه لا دانا كل يوم اجيبلك واحد بقى مدام عجبك اوى كدا
مرام / مش هو اللى عجبنى على قد مالمفاجاه عجبتنى انك افتكرتنى
مازن / انا علاطول فاكرك
مرام / انت احلى و اجمل زوج و حبيب فى الدنيا
مازن / طب ايه كرش جوزك مش هيدلع و لا ايه
مرام / الاكل جاهز والله يلا بينا
مرام تيجى تقلع الكوليه صافى تدخل
صافى / انتوا هنا و احنا بره هنموت مالجوع الريحه .. وااااااو
مرام تسيب الكوليه متقلعوش و صافى تجرى تتفرج عليه
صافى / تحفه ايه ده
مرام / مازن جبهولى هديه ايه رايك
صافى / اوووووف جميل جدا بجد بقولك ايه يا مازن متتاكدلنا كدا ان كانلك اخ توام كدا هنا و لا هنا
مازن / انسى هو ميزو واحد بس و اتحجز خلاص
صافى / مسكينه صافى .... انتى يا بتاعه انتى انا بهزر لتكونى بتغيرى و لا حاجه و تافورى
مرام / ههههههههههههههه من جهه بغير فاكيد بغير بس انا واثقه فحبيبى
صافى / هاااااااااااااااه و مش واثقه فيا قلبى
مرام / مين فينا اللى بتافور دلوقت
صافى / جعانه و انا لما بجوع بقلب دراما كوين علاطول و الريحه بره اوووووووف يا مرام اوف
شريف و محمود يدخلوا ووراهم زياد و لبنى
صافى / شوفتوا مازن جاب لمرام ايه هديه
لبنى / وااااو تحفه فعلا شكله غالى
زياد / مش تعبت فالاكل لازم تتكافئ
لبنى / لو على كدا بقى لازم اتعلم الطبيخ هههههههههههههههههههههههههه
شريف / خليكوا انتوا فى الكوليه و انا هخلينى فى الاكل اللى بره ربنا معاكوا ههههههههههههههههه
شريف يمشى و الكل بيدحك و محمود واقف بعيد و مبتسم بحزن مرام بتقلع الكوليه و تحطه فى العلبه
مرام / يلا بقى الاكل هيبرد حرام عليكوا تعبى يلا
الكل يتحرك و محمود يبدا يبص عاللوح مرام ترجعله
مرام / دى رسومات مامه مازن فنانه مش كدا
محمود / جدا
مرام / تعال كل انا عاملالك الاكل اللى انت بتحبه
محمود / مبروك العقد
مرام / مفاجاه حلوه اوى مش كدا انا فرحت بيها جدا
محمود / الغالى للغالى
مرام / انت عارف ان الحاجات دى متفرقش معايا لو كان فاجانى بورده برده كانت نفس الاحساس
محمود / انا عارف
مرام / يلا ناكل بقى
محمود / يلا
..................................
عالسفره
الكل يقعد على السفره مليانه اكل
صفوت / انا متاكد انى هتخانق مع تيته سميحه لما ترجع مالعمره اصلى اكيد مش هستغنى عن الاكل ده كلو و ارجع للاكل القديم تانى بالسهوله دى
مرام / ههههههههههههههههههههه دانا اعمل و ابعتلك يا خالو انت تؤمر
صفوت / حبيبه خالو قولولى بقى ها نويتوا تسافروا امتى
مازن / انا كلمت مونى و قالت هتوصل على اول الاسبوع فاحنا غالبا هيبقى فى الرنج ده برده
زياد / ايه ده بجد و لا دى تهيات المحشى و لا ايه
مازن / لا بجد ايه رايك بقى فى المفاجاه دى
زياد / اكيد النهرده يوم سعدى انا قولتلك قولها مش هترفض ... و كان عاملنا فيلم و لا و مش هينفع و مره تانيه مهو الحوار سهل اهو
مرام / صافى انتى طالعه معانا صح
صافى / بصى انا كنت متردده بس مدام مونى و انتى اكيد طالعه وش
مرام / هههههههههههههههههههههههه
محمود / انتوا طالعين فين
مازن / احم انا كنت هكلمك فى الموضوع ده بس بعد الغدى بس خالو بقى فتح الموضوع احنا طالعين كلنا المصيف الاسبوع الجاى يعنى اختى جايه هى و خطيبها و احنا و انت و شريف و صافى و الشله يعنى
محمود / و انا؟؟
مازن / انت مالعيله يا محمود
محمود يبص فى الطبق و يبص لمرام و يحاول يدارى ضيقته
مرام / ايه رايكوا فى الرقاق محدش بياكل منه ليه دوق كدا يا خالو هيعجبك اوى
صفوت / كفايا يا مرام بجد مش قادر
مازن / كل كل و ابقى عوض فى الجيم
صفوت / قول لنفسك يا حبيبى ههههههههههههههههههههههههههه
الكل بيدحك و محمود عينه على مرام و مخنوق
.............................
فى الجنينه بعد الاكل
الكل قاعد بيشرب شاى
صفوت / والله الواحد متقلش فى الاكل كدا من سنين و لا الطعم بصراحه تسلم ايدك يا مرام
مرام / الف هنا
مازن / ده بقى اللى بيسموه النفس الاكل لما بيتعمل بحب بيطلع احلى طعم و لا ايه يا قلبى
مرام تبتسم
صافى / انا بجد فرحانه اوى بحوار المصيف ده
مازن / اهو نضمن ان اخر اسبوع ليكى فى مصر هيبقى دلع
صافى / هتوحشونى اوى
مازن / انتى صدقتى انك هتخلصى مننا ولا ايه احلمى على قدك يا ماما
مرام تبص بعيد تلاقى محمود واقف بيتكلم فى التليفون تقوم تروحله تلاقيه بيكلم مروه
محمود / لا اكيد بكره هعوضك .. خلاص تمام ... هكلمك تانى سلام ... سلام
محمود يقفل
مرام / عاوزين نتكلم
محمود يبص عليهم و يرجع يبصلها
مرام / مازن كلم تيته و تيته وافقت و انا لسه عارفه الصبح يعنى مكنتش اعرف لما كلمتك امبارح
محمود / مفيش مشكله
مرام / هتيجى صح
محمود / انا ورايا شغل يا مرام و اكيد فسحه زى دى هتكلف
مرام / مكلهم معزومين
محمود / هو عشان كلهم براشوتات ابقى زيهم بصى يا مرام ان كان حبيبك عسل متلحسوش كله و انا مش هقبل ان يجى يوم يقولك انا كنت بصرف عليكى انتى و جرانك
مرام / مازن مش واطى كدا
محمود / انتى مراته لكن انا ايه يجبلى ساعه سنيه و عربيه و يعينى بمرتب زى ده و انا لسه بدرس و كمان يعزمنى على مصيف فى مكان زى ده مين بيعمل كدا يا مرام
مرام / مازن بيعمل كدا هو بينبسط لما بيبقى كل اللى حواليه مبسوطين
محمود / ملاك مازن ده مش كدا
مرام / محدش ملاك بس هو غلبان و طيب حتى لو مبيبانش عليه بس هو كدا جواه خير كبير اوى بيسعد كل اللى حواليه و كريم كدا و مبيستخسرش حاجه فحد
محمود / يمكن
مرام / يعنى هتيجى
محمود / لا مش هقدر
مرام / هتسبنى لوحدى وسطيهم يعنى
محمود / هههههههههههههههههههههههه انتى لوحدك هنا اهو وسطيهم من اول امبارح و لا انتى مش واخده بالك سنه الحياه العصفور لازم يطير و يسيب العش و بعدين يعنى انتى عوزانى ابعد عن مروه اسبوع بحاله و لا مازن هيعزمها هى كمان
مرام تبص الناحيه التانيه
محمود / انا هكلم المعلم اسعد و نظبط مصيف برده بس لما امى ترجع عشان تنبسط هى كمان و ممكن تيجى انتى و تيته معانا و اه طبعا مازن كمان لو حب ينور احنا برده اهله
مرام تبتسم
محمود / يلا نروح وسطيهم عشان محدش يتكلم و يقول سايبنا و بيتودودوا لوحدهم
مرام تهز راسها و تمشى هى و محمود يرجعوا وسطهم
.................................
بالليل فى الفيلا عند حمام السباحه 
لبنى / ايه رايك يا مرام
مرام / والله دى حاجه ترجعلك
لبنى / دى بتبقى تحفه هتنبسطى اوى صدقينى
مازن / جدا واحده محجبه و مبتعرفش تعوم هتنبسط جدا ببول بارتى
لبنى / يا سلام عاوز تقنعنى اننا هناك مش هتنزل الميه خالص يعنى يا ستى لو عالمايو بسيطه دلوقت مايوهات المحجبات اشكال و اللوان و فكل المحلات
زياد /مازن معاه حق هى فعلا مش هتنبسط
لبنى / ليه
زياد / لما نروح هقولك
لبنى / لا قول دلوقت
زياد / خلاص يا لبنى بقى
لبنى / لا انا مصره عاوزه افهم
زياد /  عشان اللى حصل السنه اللى فاتت مثلا
........................