السكه شمال بقلم / لولو_محمد ( كامله )

الحلقه ١٧٩

((((((السكة شمال))))))
#لولو_محمد
الحلقه ١٧٩
زياد / والله انا شايف انه احلى واحد فكل اللى انتى قيستيهم
لبنى / خلاص هلبس ده و امرى لله
لبنى تدخل جوه بنت تجيب لزياد فستان قصير منفوش كب اسود بيلمع
زياد / تحفه تمام هاخده
البنت تهز راسها و تبتسم و ثوانى و لبنى تطلع لابسه هدومها و البنت التانيه وراها شايله الفستان
لبنى تروح تبص على الفساتين تانى و تقلب فى فساتين المش محجبات و بعدين يبان على وشها علامات خيبه الامل و تبتسم لزياد و يمشوا
...................................
فى شقه مرام تانى يوم
صوت خبط طبله على الباب سميحه تفتح مازن اول ما يشوفها يقوم بايسها من خدها و يدخل
سميحه / هههههههههههههههه ادخل ادخل تلاقيك كان نفسك حد تانى يفتحلك حد احلى شويه
مازن / و هو فى احلى منك يا قمر انتى امال مزتى فين
سميحه / الله مش مكنش فى حد احلى منى من شويه
مازن / متخلطيش الاوراق يا تيته لو سمحتى المهم فين مزتى
مرام تطلع من المطبخ و شايله صينيه عليها اكل
مازن / دانا حماتى بتحبنى بقى
سميحه / مرام صممت محدش فينا واكل الا لما انت تيجى
مرام / اتاخرت ليه
مازن / كنت بشتريلك هديه صغيره يارب تقبليها
مازن يدى لمرام فستان فى كيس مش مبيين ملامحهه و شنطه هدايا
مازن / عديت خطفتهم فى طريقى و انا جاى
مرام / مقولتلك عندى طقم حلو
مازن / و ماله نقى الاحلى فيهم و اللبسيه المهم الاكل الجامد ده للاكل و لا للفرجه
مرام / للفرجه هههههههههههههههههه اقعد اقعد قبل ما يبرد
.........................
فى فيلا زياد
لبنى تطلع من الحمام تلاقى الفستان الاسود على سريرها و جنبه كارت تمسك الكارت و تقراه
لبنى / مقدرتش اتخيل ان واحده غيرك تلبسه و عندى امل كبير يجى يوم و اشوفك لبساه بحبك زياد
لبنى تمسك الفستان و تبصله باعجاب و تحطه عليها و تبص على نفسها فى المرايه و تبتسم
.........................
فى فيلا سوزى
شباب كتير و بنات اكتر عمالين يدحكوا و يرقصوا
هانيا / انا عيد ميلادك ده بخططله من السنه اللى فاتت والله
سوزى / يا سلام اشمعن يعنى
هانيا / اهو عشان المقلب بتاع كل سنه
انس / هههههههههههههه لا بس بتاع السنه اللى فاتت كان جامد لا و البت جايه جاهزه بجردل البويه معاها
شادى / والله الواد اسلام صعب عليا
انس / يا عم دا جبله و طلع استحمى و غير و لا كان حاجه حصلت و نزل كمل الحفله عادى
هانيا / صحيح يا سوزى انتوا سبتوا بعض ليه
سوزى / يا بنتى كبرى مخك طول اوى اصلا
هانيا / التغير مطلوب برضه هههههههههههههههههههههههه
سوزى / عن اذنكوا مازن و مرام جم هروح اسلم عليهم
سوزى تروح ناحيه مازن و مرام لابسه نفس الفستان بتاع لبنى لكن اوسع شويه عليها و شكله حلو على طرحه دهبى
سوزى / ايه القمر ده انتى جايه تغطى عليا فى عيد ميلادى و لا ايه
مرام / اكيد لا طبعا مقدرش ... كل سنه و انتى طيبه
مرام تدى لسوزى شنطه هدايا
مازن / كل سنه و انتى طيبه
مازن يدى سوزى شنطه هدايا
سوزى / تعبت نفسك اوى كان كفايا هديه مرام
شريف / كل سنه و انتى طيبه
شريف يديها شنطه هدايا
سوزى / ترى جونتيه ميرسي يا شريف
مازن / هو زياد مجاش و لا ايه
سوزى / زمانه جاى انت عارف لبني بتاخد وقت طويل اوى فى اللبس
مازن/ لا و انتى اللى بتلبسي هوا
سوزى / ههههههههههههه طب والله بجهز من قبل العصر
مازن / و بتتكلم كمان
سوزى / قوليلى يا مرام انتى بتاخدى وقت في اللبس
مرام / بصراحه ساعات لما ببقي مضطره اكوى لكن النهرده لا الفستان و الطرحه كانوا مكويين لبست علاطول
سوزى / عشان كدا بقي اصل شعرى لوحده ممكن ياخد ساعه ساعه و نص على الاقل لكن انتى بتضربي الطرحه و تنزلى
مرام / واحده من مميزات الحجاب
سوزى / بصراحه الله يعينك دا لبني بتشتكى منه اوى
مرام / هى لسه مش واخده عليه بس
سوزى / ممكن
لبني و زياد يدخلوا لبني لابسه الفستان الاسود و عامله شعرها الكل يتجمع حواليهم و مرام واقفه مصدومه
هانيا / يخربيتك احلويتي اوى عن اخر مره شوفتك
سوزى تلفها
سوزى / و انا اللى كنت مطمنه انى مره من نفسي هبقي اجمل واحده
انس/ ايوه بقي فوكيها خدتى ايه مالخنقه اللى كنتى فيها دانا كنت بدات اقلق عليكى لنصحى الصبح نلاقيكي ربيتي دقنك و لا حاجه
لبني / ايه هى الحفله عليا و لا ايه خلاص يعني تجربه و راحت لحالها
زياد / بس دا ما يمنعش انك حلوه فكل حاجه
لبني تبص على مازن تلاقيه باصصلها و على وشه ابتسامه استهزاء يوطى على مرام يوشوشها
مازن / بصراحه كنت مراهن نفسي انها هتقلعه بدرى عن كدا
مرام / انا زعلت عليها اوى
مازن / انتى طيبه اوى
زياد يوطى على لبني يوشوشها
زياد / الحمد لله انك غيرتى الفستان كان هيبقي شكلكوا نكته اوى
لبني تبصله و يروحوا يسلموا على مازن و مرام مازن يحط ايده حوالين وسط مرام و فى تبادل نظرات بين مرام و لبني نظرات حزن من مرام و كره من لبني
مرام / ليه كدا يا لبني
لبني / بزمتك مش كدا احلى
مازن / ملناش دعوه يا مرام
زياد / اصلا الجو حر اوى يمكن لو كانت بدات في الشتا الموضوع كان اختلف خالص و يمكن كانت كملت
انس / فال الله و لا فالك كدا احسن كتير من طبعا
لبني / بتبصيلي كدا ليه
مرام / مببصش
لبني / لا قولى رايك براحتك انا اصلا مبيفرقش معايا راي الناس فيا انا بعمل بس اللى يريحنى
مرام / اهم حاجه تكونى مرتاحه ... عن اذنكوا
مرام تنسحب و تروح تقف عالبول و مازن يبتسملهم و يروح وراها
انس / والله انا كنت خايف تنشر المرض بتاعها ده وسطينا
شريف / هو الحجاب مرض يا انس
انس / مش بالمعنى يعني بس احنا عدينا الدارك ايدجز من قرون يعني و الحجاب ده بقي حاجه يعني
زياد / انا شايف انه حريه شخصيه و بعدين يعني مفيش حد هنا غريب يعني انا زى جوزها و انتوا زى اخواتها فمش فارقه يعني
شريف يبتسم و يروح ناحيه مرام و مازن
هانيا / دلوقت يروح جرى يقول لمازن
انس / و انا قولت ايه يعني ما يقوله هخاف يعني
سوزى / على رايك اصلا بت غلاويه اوى عاوزانا كلنا نلبس زيها عشان تبان وسطينا جدعه يا لبني انها معرفتش تغسلك دماغك
.............
على حمام السباحه
مرام / الواحد بيدايق برضه
مازن / مش بقولك طيبه
مرام / ربنا يحفظنا من الفتن المشكله ان كلهم بيشجعوها
مازن / هى اصلا مش مقتنعه بيه
مرام / كل حاجه فاولها صعبه كانت صبرت شويه
شريف يدخل
شريف / شكلها حفله ممله بفكر اروح
مرام / و انا كمان اتخنقت اوى
سوزى تدخل
سوزى / يلا شباب نطفي الشمع
مازن / جايين .... نطفى الشمع و نمشي تمام
مرام تهز راسها و يدخلوا يلاقوا تورته كبيره و عليها صوره لسوزى بتدحك يقفوا يغنوا هابى بيرث داى تو يو و لبني عينها على ايد مازن حوالين وسط مرام زياد يحط ايده حوالين وسطها تبصله يبتسملها و سوزى تهف الشمع و الكل يسقف
سوزى / عذاب كل سنه انى اقطع صورتي
زياد / وسعى اقطعها انا عادى
سوزى / شرير
انس / هات يابني السكينه دى اقطع شويه دانا مش هخلى لوشك ملامح
هانيا / يا جماعه متشيلو الصوره و تقطعوا عادى
سوزى / شوفتى المجرمين عملوا في صورتى ايه
مازن / موال كل سنه و تقولي اخر مره اطبع صورتى عالتورته و ترجعى تعمليها تانى برده
سوزى / المرادى شادى اللى جابهالى هديه
هانيا / معاد المقلب
مازن / لا يا حلوه لما نمشي
هانيا / لا يا مازن ازعل منك
مازن / اتفلقي يا بيضه انتى و جنانك كل سنه
زياد / يا عم اللى يفرس ان الجنان ده بيطلع في عيد ميلاد سوزى بس انما عيد ميلادها بيعدى سليم
انس / كيد نسا بعيد عنك
هانيا / بيحاولوا يوقعوا بنا يا قلبي
سوزى / سبيهم يحاولوا اصلا انا الفقره دى اكتر حاجه بحبها فعيد ميلادى بنقعد ندحك عليها من السنه للسنه
مرام / انا هستاذنكوا اقعد الكعب وجعلى رجلى
هانيا / جديده و لا ايه
مرام / ايوه
سوزى / طب ما تقلعيها يا بنتى خالص احنا هنا احلى حاجه فينا اننا بناخد راحتنا اى حاجه تريحك اعمليها
انس / ما بلاش لحسن يغمى علينا و لا حاجه هههههههههه
مرام / لا الشراب مقطوع
شادى / هههههههههه الله مانتى بتعرفي تهزرى اهو
مرام / عادى يعني
مازن ياخد طبقين
مازن / قطعوا انتوا بقي براحتكوا احنا هنروح نقعد عالبول في التراوه
هانيا / السوينج الجديده تحفه متاكده ان مرام هتحبها
سوزى / و طبعا كدا كلنا عرفنا مين اللى جابتهالى هديه
هانيا / اناااااااا
الكل يدحك و مازن ياخد مرام و يروحوا يقعدوا عالمرجيحه جنب حمام السباحه
مازن / عيال مجانين
مرام / ربنا يهديهم
مازن / او ياخدهم
مرام / متدعيش على حد لا تكون ساعه استجابه
مازن / طب يارب الفرح يارب الفرح ياري الفرح
مرام / ههههههههههههههههه
لبني و زياد يدخلوا لبني تقعد جنب مرام
لبني / طب ما تدحكونا معاكوا
لبني تقلع الشوز و تنطرها من رجلها في الارض
لبني / اووووف الشوز عورتنى حاجه قرف
مرام / معلش ابقي حطى لزقه سيليكون جواها عشان متعوركيش
لبني / منك نستفيد
زياد / بقولك يا مازن عاوزك في حوار
مازن / عن اذنكوا
مازن و زياد يروحوا بعيد
مازن / ابعد من كدا نروح نتكلم في شقتي بقي مش سر حربي هو
زياد / بقولك الواد اللى ضرب شريف بالمطوه
مازن / انا كنت فاكر ان المحضر اتحفظ سرقه
زياد / مانا بعتله زياره محترمه نطقته الواد واكل جامد عشان كدا مرضاش يفتن على ابن الكلب اللى اجره
مازن / مين احمد
زياد / شهاب
مازن / يابن الكلب يا واطى
زياد / انا مرضيتش اتكلم قدام شريف
مازن / لا ما تتكلمش احنا هنخلص الموضوع ده من بره بره
زياد / اعتبره خلص و متشغلش انت بالك مش هتسمع اسمه تانى
مازن / اصلي يا زيزو
زياد / في حوار تاني عاوزك فيه
مازن / خير
............
عند المرجيحه عند مرام
لبني / قولى اللى جواكى بدل مانتى قاعده تفركى كدا
مرام / مفيش حاجه
لبنى / عشان الحجاب يعني
مرام تبصلها و ترجع تبص قدامها تانى
مرام / دا موضوع يخصك لوحدك محدش بيتحاسب مكان حد
لبني / و ايه كمان يا شيخه مرام
مرام / انا لا شيخه و لا حاجه انا بس كنت فرحتلك اوى انا خايفه عليكي
لبني / من ايه اصلا الحجاب مش فرض دا عرف
مرام / لا غلطانه و لو تحبي اجبلك كتب فى الموضوع ده
لبني / ما احبش انا مرتاحه كدا
مرام / الحمد لله
لبني / و ياريت توفرى نظراتك دى لنفسك انا فى غنى عنها
مرام / اسفه
لبني / انا هقوم اجيب حاجه اشربها
لبني تقوم تقابل شريف
لبني / مازن و زياد واقفين هناك
شريف / شكرا
لبني تدخل جوه تلاقيهم متجمعين حوالين بوله و بيدحكوا
هانيا / احسن احسن
لبني / في ايه
سوزى / شادى الضحيه المرادى
هانيا / فاضل الحكم نحكم بايه نحكم بايه
لبني / لازم تبقي حاجه صعبه
شادى / بالراحه عليا دانا حبيبك
لبني / و لا اعرفك
انس / في فدماغى حاجه بس هتودينا فداهيه هههههههههههههه
.............
فى الجنينه عند مازن
مازن / الموضوع ده اتقفل يا زياد
زياد / ابوك برده يا مازن هتفرح يعني لو جراله حاجه
مازن / اكيد لا طبعا و انا اللى عندى قولته يجهز العقود و انا امضيها بس فنفس اللحظه اللى همضيله فيها همضى لمرام
زياد / هى مرام عرفت
مازن / متعرفش حاجه و مش هقولها
شريف / اصلا مش هتقبل
زياد / غريبه اوى مرام دى بس انا لو منك اقولها تشوف حتى رد فعلها ايه مش يمكن ابوك معاه حق الناس الكبيره دول برده ليهم نظره
مازن / لا ملوش خصوصا فموضوع مرام ملوش
شريف / انا بقول ان ده لا وقته و لا مكانه الكلام ده
مازن / و انا برضه بقول كدا
زياد / براحتك
............
ناحيه مرام
مرام قاعده على المرجيحه و ماسكه الطبق في ايدها و باصه فيه تحطه جنبها و تتنهد و تقوم تتمشي على حمام السباحه شادى يجي من وراها و يركبها الهوا تصرخ و تلف بسرعه و ترزعه بالقلم على وشه يرن و الكل واقف عند الباب مصدوم
شادى / انتى بتمدى ايدك عليا انتى هتنسي نفسك يا بنت ال...
فجاه شادى يلاقي نفسه فى حمام السباحه و مازن فوقيه بيغرقه و شريف بيحاول يحوش بنهم لبني تجري على زياد و مرام واقفه بتابع اللى بيحصل و هى مصدومه و مش عارفه تتصرف
لبني / اعمل حاجه يا زياد دول هيموتوا بعض
زياد ينط في المايه هو و انس و يتحكموا في مازن و يفصلوهم عن بعض
شادى / انا كنت بهزر كان مقلب و كنت بهزر هى اللى غم و قفيله
مازن يحاول يفلت منهم
مازن / سبونى عليه ابن الكلب ده
شادى / انا مش هرد علي اللى انت عملته ده عشان العشره و العيش و الملح اللى بنا ... انا ماشي
شادى يطلع من المايه
شادى / على الله تنبسطى يا ست هانيا
شادى يمشي
هانيا / و انا مالى هو انا اللى اخترت الرهان
سوزى / بس انتى اوفر اوى يا مرام فعلا الموضوع مكنش مستاهل رد الفعل دى امال لو كان باسك بقي كنتى عملتى ايه
مرام / و يهزر معايا و لا يحط ايده عليا بصفته ايه
مازن يطلع من المايه و يمسك مرام من ايدها و يمشي و شريف وراه زياد و انس يطلعوا
زياد / هو ايه اللى حصل
انس / يا عم بت اوفر فكل حاجه حاجه تخنق نكدت علينا فى السخنه و نكدت علينا هنا
سوزى / فعلا ايه يعني عمل ايه هو
لبني / كلنا عارفين اسلوبها من ايام السخنه ايدها سابقه لسانها
هانيا / يا جماعه مازن كمان غلطان على الاقل كان سمع اللى حصل مش يدخل يضرب علاطول كدا
انس / فرهدنى ابن الجزمه انا عارف بيجيب الصحه دى منين
لبني / يلا نروح يا زياد
سوزى / لا يا لبني و الله ازعل
لبني / معلش مصدعه والله
سوزى / اجبلك اسبرينه طيب او تحبي تطلعى ترتاحى فوق شويه
زياد / معلش يا سوزى متعوضه انا كمان غرقان مايه و اكيد مش هقعد كدا
سوزى / تمام
لبني / كل سنه و انتى طيبه
سوزى / و انتى طيبه
لبني و زياد يمشوا
...............
فى عربيه مازن
شريف سايق و مازن قاعد جنبه و مرام ورا و ماشيين فى صمت رهيب شريف يحاول يكسر الاجواء
شريف / لا بس انتى رزعتيه كف مخبرين ربي امه ... اصلي يا مرام هههههههههههههههه
شريف يبص على مرام في المرايه يلاقيها باصه في الارض و زعلانه يزغد مازن اللى باصص من الشباك و الغضب هينط من عنيه يبصله يغمزله ورا يتنهد
مازن / انتى كويسه
مرام / ايوه و انت
مازن / انا كويس مالى يعني مبلول شويه بس
مرام / انا مش هروح اى مناسبه تخص اصحابك تاني انا مبعرفش اندمج وسطيهم و دايما بقلبها نكد
مازن / هما اللى ولاد كلب انا غلطان اننا روحنا اصلا
شريف / معلش بس فضول يعنى هو عمل ايه
مازن / يفرق ايه يعنى يهزر معاها بمناسبه ايه هو ماشى اما وريته مبقاش انا مترباش هو كفايا افوقله بس
شريف / اهدى بس ما انت ظبطه دا لولا لحقتك كنت غرقته
مازن / اياكش يموت و لا يروح فى فستين داهيه تاخده
مرام / هو معملش حاجه خضنى بس و انا كنت سرحانه و المكان كان هادى اوى فاتفزعت
مازن / انا شوفت كل حاجه يا مرام مش محتاجه تكدبى عشان تهدى الموضوع
مرام تبص فى الارض تليفون مازن يرن مازن يبص فيه و يحدفه على اخر دراعه عالتابلوه
شريف / مين
مازن / زياد .. بس انا مليش مزاج اتكلم مع حد دلوقت سوق سوق خلينا نروح
شريف / ادينى سايق
....................................
فى الفيلا عند زياد
زياد يطلع من الحمام لابس البرنص و بينشف شعره بفوطه يلاقى لبنى واقفه فاتحه الدولاب و بتقلب فيه يروح يحضنها من ضهرها
زياد / بتعملى ايه عندك
لبنى / بطلعلك بجامه تلبسها
زياد يلفها ليه
زياد / وحشتينى اوى
............................................