السكه شمال بقلم / لولو_محمد ( كامله )

الحلقه ٨٧

((((((((((السكة شمال ))))))))
#لولو_محمد
الحلقه السابعه و الثمانون
لبنى / مبروك
مرام / الله يبارك فيكى عقبالك
لبنى / حلو فستانك زهير مراد ؟؟
مرام / معرفش
لبنى / اكيد متعرفيش حلو الجو عجبنى تجديد برده القاعات الفخمه و الحاجات الكلاسى بقت ممله اوى
مرام / نورتى
لبنى / عارفه
صوت زغاريط من الشقه التانيه البنات كلهم يجروا على مرام و هى مبتسمه اوى و سميحه تيجى هى و مديحه
سميحه / مبروك يا مرام
.................................
مرام / سمع
سميحه / منغير و لا غلطه
مرام تبتسم اوى
لبنى / هو فى ايه
سميحه / الماذون بيكتب الكتاب هتيجى
صافى / لا يا طنط سورى خلي مرام مفاجاه شويه هاتولها الدفتر تمضى هنا
سميحه / ماشى عن اذنكوا
سميحه تمشى و صافى تاخد مرام و تقفل عليها الاوضه
صافى / مبروك
مرام / الله يبارك فيكى عقبالك
صافى / عارفه انا جبتك هنا ليه
مرام / لا بصراحه
صافى / عشان عوزاه يشوفك هنا هتبقى مراته بقى فكى الطرحه خلينى اعملك شعرك بسرعه
مرام / يابنتى برده انتى مبتزهقيش مالزن
صافى / بليز يا مرام
مرام / عشان خاطرى انتى اهدى بقى كدا و انسى انك مايكب ارتيست دلوقت و خلينا نشوف الناس اللى بره دول
باب الاوضه يتفتح و لبنى تدخل
لبنى / ايه قافلين على روحكوا ليه
صافى / عادى بنتكلم
لبنى / بتنامى هنا يا مرام
مرام / فى مشكله
لبنى / لا ابدا يعنى كنت هتوقع ايه يعنى
صافى / على فكره
لبنى / عجبنى فستانك يا صافى صحيح زوقك اتحسن كتير
مرام / امال ماهى فين مش كان اولى انها تيجى هى كمان
لبنى / هههههههههههههههههههههههه ماهى تيجى الاماكن دى و لا عشان خاطر مازن و لا عشان خاطر مليون واحد زى مازن اصلها بتخاف مالاوبئه
مروه تدخل
مروه / وباء اما يلهفك جرا ايه يا بتاعه انتى
مرام / مروه عيب دى برضه فبيتنا اخرها ايه هتاخد واجبها و تمشى
مروه / مش سامعه بتقول ايه
مرام / تقول اللى تقوله المهم ان اللى بيتنفذ هو اللى بيبسطنا احنا و لا ايه يا لبنى
لبنى / و بيبسطنى انا كمان يا مرام امال انا جايه ليه
صافى / اه صح
لبنى / لا حقيقى انا فرحانه اوى ان مرام هتتجوز مازن عقبال متجيبيلنا بيبينو صغير يملا علينا الدنيا بس ياريت يكون شبه مازن و لا انتى ايه رايك
مرام / لسه بدرى عالكلام ده
لبنى / ليه انتوا مش بتكتبوا الكتاب
سميحه تدخل ووراها شريف و اسعد و محمود
سميحه / هتمضى
مرام تمضى
شريف / هتوكلى المعلم اسعد صح
مرام / اه
مرام تمضى و تبصم و شريف ياخد الدافتر و هو مبتسم و محمود واقف بيبص عليها و هى قاعده عالسرير و الكل بيحضن فيها و يبوس لبنى تحط ايدها على كتفه
لبنى / هارد لك
محمود يسحب كتفه من تحت ايدها و يمشى و هو بيبصلها بقرف و صوت الزغاريط يملا المكان ثوانى و صوت مازن بره بيتكلم
مازن / ايه يا جماعه هو انا مش هتكافئ بعد كل ده و لا ايه
مامه شريف / جوه مستنياك
صافى تطلع ووراها البنات و لبنى لسه واقفه مازن يدخل يبص على مرام تقوم تقف و لبنى بتبص عليهم
صافى / فى حاجه يا لبنى
لبنى / لا مفيش مبروك
لبنى تطلع بره و صافى تقفل الباب مرام تروح تفتحه مازن يمسك ايدها تتخض
مازن / مبروك
مرام / هفتح الباب
مازن / طالعه حلوه اوى بس و انا جوه لما ملقتكيش كنت بقول اكيد مدام مش قاعده مع الرجاله هلاقيها بشعرها
مازن يقفل الباب بالمفتاح و يحط المفتاح فجيبه و يقرب و يفك لمرام الكاب يوقع فى الارض
مرام / اتلم الناس هنا و بعدين مالك ابعد شويه انت قريب
مازن / فكى الطرحه
مرام / لا
مازن / انا بقيت جوزك فكيها
مرام / انت اتجننت الناس بره
مازن / بقولك فكى الطرحه هو انا بقولك اقلعى الفستان
مرام / انت قليل الادب
مازن / صبرنى يا ولى الصابرين انا جوزك
مرام / لسه
مازن يمسك دبوس الطرحه مرام تمسك ايديه يسحب ايده
مازن / متخلينيش احلف مانا خارج من هنا الا لما تفكى الطرحه
مرام / ياربى الناس دى كلها بره هتقول ايه انت مجنون
مازن / و ادى قاعده خليهم يتكلموا زمان بقى كل واحده سارحه فخيالها اللى بتقول بيبوسها و اللى بتقول بيحضنها و اللى بتقول
مرام / بطل قله ادب بقى
مازن يقلع جاكت البدله و يرميه عالسرير و يفك الجرافات و يفتح اول زرارين مالقميص
مرام / انت بتعمل ايه
مازن / باخد راحتى مش متعود عالبدل
مرام / انت هتودينى فداهيه انا عارفه
مازن / الوقت بيعدى على فكره
مرام / ماشى بس خليك فاكر
مرام تفك الدبوس و تحطه عالتسريحه مازن يقوم يقف و يبص عليها و هى بتفك طرحتها و تقلع التربون يمد ايده و يفكهولها تلفله يعدلهولها و ينزله على وشها
مرام / وسع بتعمل ايه
مازن مبيردش و باصصلها
مرام / افتح الباب بقى عشان خاطرى
مازن / تدفعى كام
مرام / هديك اللى انت عاوزه بس اعقل انا مالى بس و مال الجنان ده
مازن / ادى المفتاح اهو خديه
مازن يمد ايده لفوق تمد ايدها و تشب و تقرب و يناوله بين ايديه الاتنين مرام تحاول تجيبه و ترفع ايديها الاتنين يعديه من تحت باطها و يشدها من ضهرها عليه و يبوسها تزقه يقع يسند عالتسريحه و الحاجه اللى عليها تقع
مرام / انت اتجننت
مازن / هو انتى سبتى فيا عقل
مرام / والله لقول لتيته والله لوديك فستين داهيه والله
مازن / للمره المليون انا ... جوووووزك
مازن يعدل هدومه فثوانى و يفتح الباب و يطلع بره و سط صوت دحك و زغاريط كتيره مروه و البنات يدخلوا و لبنى واقفه عالباب بتبص على مرام بغل
مروه / كنتوا بتعملوا ايه
صافى / قولتلك اعملك شعرك عشان تبقى تسمعى الكلام
مرام واقفه مش عارفه ترد و بتهرب بعنيها منهم و بتحاول تدارى ربكتها سميحه تدخل
سميحه / جرا ايه يا بنات الكل تحت انتوا هتفضلوا هنا و لا ايه
صافى / طب يلا يا مرام
مرام / هلبس الطرحه و احصلكوا
الكل ينزل و صافى تشد لبنى و تقفل الباب وراها
مرام / ازاى تعملوا فيا كدا ازاى تسيبونى معاه فى اوضه لوحدنا
سميحه / ههههههههههههههههههههههه ليه هو عمل ايه
مرام / الحيوان المتخلف قليل الادب والله لوريله والله
سميحه / باسك
مرام تبص لسميحه
سميحه / هههههههههههههههههه الله مش عروسته
مرام / تيته
سميحه / اما قليل الادب دانا هنزل دلوقت املص ودانه قليل الادب ده هجيبه من قفاه كدا و اشتيكه لخاله اقوله ازاى ابن اختك المتربى يبوس مراته
مرام تبصلها
سميحه / هههههههههههههههههههههه يوم كتب كتاب امك بقينا نشد فيها عشان يبوسها من راسها و هى زيك كدا ابدا لحد مخليناه يبوسها و فضلت طول الفرح مكسوفه ووشها زى الطمطايه
مرام تبتسم
سميحه / يلا بقى الناس مستنياكى تحت
مرام / هلبس الطرحه اهو
سميحه / حصنتك بكلمات الله التامه من شر كل شيطان و هامه و من شر كل عين لامه لولولولولولولولولولولى
مرام تبص لسميحه و تبتسم بخجل
..................................
فى الحاره تحت
لبنى واقفه جنب زياد بتولع مالغيظ
زياد / مالك بس يا حوبى اهدى كدا لحسن حد ياخد باله و الموضوع يبوظ
لبنى / عاوزه اروح مش قادره مش قادره اشوف الكلبه دى و هى فرحانه اوى كدا مش قادره اشوفها اصلا
لبنى تبص عالبوابه مرام طالعه مينها فوسط زغاريط الستات مازن يروح عليها و يروحوا سوا عالكوشه و يقعدوا فيها و الناس عماله ترقص و تغنى لبنى تبصلها بغل زياد يحرك وش لبنى ناحيته
زياد / سبيها تدحك بكره تبكى بدل الدموع دم
لبنى تبص عليهم فى الكوشه و تسيب زياد و تمشى تركب العربيه و تسوقها و تمشى و زياد واقف باصص عليها و يرجع يبص على مازن سعيد اوى جنب مرام و يرجع يبص مكان ملبنى مشيت و يروح يقف جنب مازن مازن يقوم يحضنه زياد يحضنه و يقعده
زياد / الف مبروك جدعه عرفتى توقعيه
مرام تبص لزياد و تبتسم
مازن / انا فرحان انك جيت
زياد / معقول محضرش يوم مهم زى ده و لو كنت عزمتنى فى الخطوبه كنت حضرت برده على فكره جرا ايه صحيح انتوا هتفضلوا قاعدين كدا مش هتقوموا ترقصوا و لا ايه انا هروح اكلم الدى جى اخليه يولعها دا فرحك يا عم
زياد يمشى و مازن مبسوط يبص على مرام تبص الناحيه التانيه يجى يمسك ايدها تسحبها يوطى عليها
مازن / و دا زعل و لا كسوف
مرام تبصله
مازن / زعل
مرام تبص الناحيه التانيه
مازن / هبقى اصالحك لما نبقى لوحدنا
مرام / والله العظيم لو قربت منى تانى
مازن / متحلفيش هقرب تانى و تالت و مليون هقرب انا جوزك و هقرب
مرام تبص الناحيه التانيه
مازن / الناس بتبص علينا
مرام / قال يعنى بتعملهم حساب
الدى جاى يشغل اغنيه سلو مازن يقوم يعدل بدلته و يمد لمرام ايده
مازن / انا مبعملش بس انتى بتعملى هيقولوا ايه اتخانقوا يوم كتب كتابهم
مرام تبص عالناس و تمسك فى ايده و تقوم يعدلها الكاب و يفرده و ياخدها و يرقصوا سوا و هى بتحاول متبصش فى عنيه خالص
مازن / على فكره انا مكنتش قاصد
مرام تبصله
مازن / غصب عنى طلعت منى غصب عنى
مرام / و دى بقى بتقولها لكل واحده تبوسها
مازن / لا انتى اول واحده و متقارنيش نفسك بغيرك عشان انتى حلالى يا مرام الكلمه الحلوه اللى بقولهالك باخد عليها ثواب النظره اللمسه
مرام تبص فى عنيه
مرام / انا بحس ان كل حاجه بنا امر واقع خطوبتنا كتب كتابنا كل حاجه امر واقع
مازن / و دى حاجه وحشه
مرام / ايوه وحشه انا عاوزه اختار
مازن / خلاص انا عن نفسى خدت كل اللى انا عاوزه من النهرده انتى اختارى كل حاجه بنا هتمشى زى مانتى عاوزه
مرام تبصله
مازن / بس ابقى حنى عليا يعنى من فتره للتانيه بشويه ثواب متسبنيش لحسن اصدى
مرام تبص الناحيه التانيه و تبتسم و تدارى
مازن / بطلى بخل بقى و بصيلى الاغنيه هتخلص
مرام تبصله
مازن / مش هتقوليلى بحبك بقى
مرام / لا
مازن / كم انتى قاسيه يا امراءه
مرام تدحك بصوت عالى
مازن / اموت انا
مرام / بعد الشر
مازن / قلبى يا ناس
الاغنيه تخلص و زياد و الناس يتلموا حواليهم و يرقصوهم
............................
الناحيه التانيه عند مروه
مروه قاعده جنب ماماتها
مروه / عاجبك كدا كلهم بيرقصوا و انا قاعده
الست / اتلمى بدل مابوكى يدبحك
مروه / طب هروح اقف جنب محمود
الست / هتروحى تقفى وسط الرجاله متهدى بقى يقولوا عليكى ايه
مروه / حاضر حاضر
مروه قاعده عماله تفرك و تبص على محمود واقف مع سعد
سعد / هو انت بتعاندها و لا بتعاند نفسك
محمود / بعمل زيها
سعد / لا يا صاحبى مش بتعمل زيها هى خدت اللى يحبها و بكره تحبه لكن انت اه خدت اللى بتحبك لكن انت بقى هتعمل ايه
محمود / لا يا سعد مش موضوع حب هى خدت اللى يرفعها و انا كمان خدت اللى يرفعنى
سعد / و انت هتجيب مازن للمعلم اسعد
محمود / معلش بكره اللى عطاه يعطينى
سعد / فوق يا محمود فوق يا صاحبى قبل متخسر نفسك
محمود يبصله سعد يسيبه و يمشى محمود واقف بيبص على مرام بتدحك جنب مازن على اخرها و الكل بيرقص و فرحان يبص الناحيه التانيه يلاقى مروه قاعده بتبص عليه و مبتسمه يبتسم و يروحلها يقعد جنبها
محمود / ازيك يا طنط
الست / ازيك يا حبيبى
محمود / ايه يا ست العرايس قاعده يعنى مقومتيش مع صحباتك
مروه / اصلى مليش فى الجو ده
محمود / و لا انا
مروه تبصله محمود يوطى عليها
محمود / بس لما تبقى ليلتنا ان شاء الله هيبقى ليا
مروه تبص الناحيه التانيه و تبتسم بخجل محمود يسيبها و يقوم
...................................
حوالين العرسان
الكل فرحان و عملين دايره حوالين مازن و مرام و هو ماسكها من ايدها و بيرقص معاها و هى بتهز كتافها و هو بيلفها و بعدين الكل يدخل و يرقصوا وسطهم صافى تحضن مرام
صافى / كان نفسى اكمل للاخر بس سمحينى انا ورايا سفر بكره الصبح
مرام / طب عشر دقايق كمان
صافى / والله مرتبت حاجتى بس مقدرتش اتاخر على مازن و عليكى بليز سامحينى
مرام تحضنها و تهز راسها تمام
صافى / اكيد هنتقابل تانى هبقى ابعت اى حد ياخد حاجتى من فوق
مرام / تمام سلام
صافى تمشى ناحيه عربيتها على ناصيه الحاره فوسط عربيات كتير و فى عربيه ساده عليها تقف تبص يمين و شمال تلت شباب يروحوا ناحيتها
الاول / خير يا ست الكل اوعى يكون عندك مشاكل
صافى / العربيه دى قافله على عربيتى و انا عاوزه اطلع
التانى / يا خبر هتسبينا و تمشى بالسرعه دى طب دا حتى عيب علينا
التالت / بس لو مستعجله احنا معانا ميكروباص ممكن ناخدك فى اى حته
صافى / لا ميرسى انا هشوف دى
صافى تحاول ترجع الفرح الشاب التانى يشدها
التانى / استنى بس رايحه فين
صافى / انت اتجننت و لا ايه ازاى تمسك ايدى كدا انا هوديك فستين داهيه
الاول يفتح مطوه
الاول / طب ايه رايك انك هتيجى معانا و خلص الكلام على كدا
شريف يدخل يمسك ايد صافى التانيه و يسحبها وراه
شريف / لو جديد فالمنطقه اسال اللى بيجى علينا بيتعمل فيه ايه
الاول / حقك علينا يا باشا مكناش نعرف انها تبعكوا يلا يا رجاله معلش هى ليله باينه من اولها
التلاته يمشوا و هما عمالين يبصوا على صافى
.صافى / ايه الاشكال دى
شريف / كنتى متوقعه ايه لما تلبسى فستان زى ده فحاره زى دى
صافى / افندم و ماله فستانى بقى ان شاء الله
شريف / ملوش حلو من كتر حلاوته لم عليكى الدبان
صافى / على فكره انا مكنتش اعرف عنك انك بتفكر بالطريقه دى انت سايبهم هما و بتلومنى انا
شريف / لا محصلش
صافى / لا حصل انت بتتكلم كانى دخلت عليهم المسجد مصلا على فكره هما اللى غلطانين هما اصلا مش طبيعين و لا حتى اشكالهم طبيعيه
شريف / بالظبط انتى مش جوه كومباوند عليه حراسه حتى المناطق دى فيها ناس ممكن تطمع فيكى فما بالك بقى لما تروحى مكان فيه ناس عايشه عالحشيش و البرشام و تلبسى وسطهم كدا
صافى / شكرا عالنصيحه هبقى اخد بالى المره الجايه
شريف / العفو تحبى اوصلك
صافى / لا شكرا انا هروح لوحدى تقدر تتفضل
شريف / يعنى امشى
صافى / انا اصلا مش فاكره امتى بالظبط قولتلك تعال
شريف / ههههههههههههه بجد
صافى / اه بجد
شريف / تمام عالعموم انا اسف جدا انى ازعجتك و هرجع الفرح عن اذنك
صافى / اتفضل
شريف يمشى صوت كلاب من بعيد بتجرى ورا بعضها صافى تجرى ورا شريف
صافى / شريف شريف استنى
صافى الكعب يتكسر و تقع شريف يرجعلها جرى
شريف / فى حاجه انتى كويسه
صافى تمسك الهيل بتاعها و تعيط
صافى / الهيل بتاعتى اتكسرت
شريف / فداكى المهم انتى كويسه اوعى تكونى اتعورتى
صافى / دا كان جيمى شو جيمى شو جيمى شو
شريف / مين يعنى جيمى شوز ده رئيس مراجيح مولد النبى يعنى 
صافى تدحك شريف يقوم و يمدلها ايده تمسكها و يقومها
شريف / اهو دماغك الناشفه هى اللى خلتك فالاول تكسرى الجيمى شوز بتاعتك اتفضلى بقى اما اوصلك اما نشوف اخرتها
صافى تسند عليه و تمشى تزك
شريف / هتعرفى تمشى فى الجيمى شوز بتاعتك دى و لا هتقعى تانى و توقعينى معاكى
صافى / شو يا شريف شو دا شوز ديزاينر
شريف / شو ؟؟ ماشى شو شو انا مالى
شريف يركب صافى العربيه
صافى / ميرسى
شريف يروح يركب و يطلع
...............................
فى شقه لبنى
لبنى قاعده تعيط و ميار حضناها
ميار / حبيبتى اهدى مفيش حاجه تستاهل
لبنى / مش قادره انتوا ليه مش حاسين بيا بموت والله يا ماما بموت
ميار / بعد الشر يا قلبى ان شالله هما
لبنى / هى دى هى دى اللى فضلها عليا هى دى اللى ملت عينه بعد كل السنين دى بعد كل ده هى دى
ميار / فوقى لنفسك مازن مش هينفعك
لبنى / انا بحبه بحب مازن مازن و بس انتى اللى اجبرتينى على زياد انتى اللى اجبرتينى
...............................