السكه شمال بقلم / لولو_محمد ( كامله )

الحلقه ١١٣

((((((((((((((((السكة شمال )))))))))
#لولو_محمد
الحلقه 113
فى الاوضه اللى جنب اوضه مازن
مازن يدخل يفتح الدولاب
مازن / هتلاقى هنا بجامات و هدوم شوفى حاجه مريحه و اللبسيها
مرام / بتاعه مين دى
...............................
مازن / يعنى مش حد معين للظروف اللى زى دى اى حد مضطر يبات
مرام / و قمصان النوم دى كمان لاى حد هيبات
مازن يقفل الدولاب
مرام / واضح انى مش اول واحده تبات عالسرير ده
مازن / لا انتى اول واحده تبات عالسرير ده عشان كل اللى كان المفروض يبات هنا مكنوش بيباتوا عالسرير ده يعنى ما
مرام / انت عاوز تنقطنى و لا انت ايه حكايتك
مازن / اهدى و نامى و ارتاحى و لو عاوزه اجيبلك هدوم من اوضه مونى مفيش مشكله
لبنى تدخل و معاها بجامه فكيستها
لبنى / مرام دى جديده ملبستهاش لو تحبى يعنى تلبسيها اتفضلى بيتهيالى هتبقى حلوه عليكى يلا تصبحى على خير
لبنى تمشى
مازن / ها هتعملى ايه
مرام / ممكن بليز بكره نروح فيله خالو
مازن / ممكن اوى لو عاوزه نمشى دلوقت مفيش مشكله
مرام / لا تمام هنعدى النهرده عشان ميدايقوش بس بليز قول ان خالو اللى صمم و كدا عشان محدش يكلمنى
مازن / من عنيا حاضر
مرام / شكرا
مازن / هسيبك تغيرى هدومك لو عوزتى اى حاجه انتى عارفه توصلى لاوضتى ازاى ماشى ههههههههههههههه
مرام / متفكرنيش
مازن / تصبحى على خير
مازن يمشى و مرام تفتح الحمام و تروح تقفل الباب التانى بالمفتاح و تروح تقفل باب اوضتها بالمفتاح و تقعد عالسرير تنفخ
.............................
فى شقه محمود
سعد / و اخرتها طيب
محمود / بقولك ايه يا بتاع انت لو هتفرسنى روح روح فبيتكوا
سعد / مقدرش عالحمار
محمود / و الهانم مصدقت
سعد / حقها هتبات فين هى
محمود / هنا
سعد / هنا ؟؟
محمود / اه هنا تبات هنا و احنا نروح هناك
سعد / فرقت فى ايه فرقت فى ايه ياسطى مهى كانت هنا و الحرامى دخل من هنا و احنا كنا هنا برده فرقت ايه
محمود / و الجزمه التانيه اللى نزلت فى نص الليل دى تغفلنى انا فاكرها هنا و تروح
سعد / ياعم انت متحمد ربنا لو مكنوش مشيو ربنا يعلم كان ايه اللى حصل
محمود / انا بفكر اتصل اطمن عليها
سعد / ياعم ميمكن نايمه بعد كل اللى شوفناه النهرده
محمود / كان المفروض تكلمنى لما توصل على الاقل كان المفروض تطمنى
سعد / نام يا محمود استهدى بالله و نام اللى انت بتعمله ده ممنوش فايده هى مع جوزها و حط تحت جوزها دى مليون خط ربنا يسامحك بقى على للى انت بتعمله ده
محمود / اللى انا بعمله يسامحنى انا على اللى انا بعمله عملت ايه رد قولى عملت ايه
سعد / انت عارف
محمود / لا انت عارف عارف كويس هو دخل وسطينا ازاى عارف ازاى فضل يدحلب و يتسحلب لحد موصل للى هو فيه
سعد / و عارف انها بتحبه و عارف انها اتجوزته و رقصت معاه فى كتب الكتاب قدام الحاره كلها و عارف كمان ان انا و انت كنا موجودين فى الفرح
محمود / كان المفروض ابقى انا مكانه
سعد / روحت خطبت ليه يا صاحبى هاه لو هو وحش و دخل البيت طمعان فى مرام و لا هياذيها انت بقى بتعمل ايه هاه روحت خطبت بت مبتحبهاش ليه بتغيظ بيها مرام و لا طمعان فى ابوها
محمود / اللزم حدودك
سعد / انا عارف حدودى كويس ياريت انت يا محمود تعرف حدودك عشان انا تعبتلك سلف
محمود / اطلع بره بيتى
سعد يبصله
محمود / سمعتنى اطلع بره
سعد يقوم يمشى و يرزع الباب وراه ثوانى و تليفون محمود يرن يرد
محمود / افندم
مروه / انا شوفت سعد ماشى قولت اكيد صاحى
محمود / خير يا مروه عاوزه ايه
مروه / عامل ايه و مرام عامله ايه
محمود / بتسالى عنها يعنى كتر خيرك يا ست مروه
مروه / يا محمود انا اتخانقت انا و صافى و بعدين
محمود / صافى مشيت قبلك انتى سبتيها لوحدها و مشيتى مهنش عليكى حتى تنبهى حد فينا انك مشيتى نزلتى الشارع فى الوقت ده لوحدك
مروه / مالباب فالباب انا يادوب عديت الشارع و بعدين على راى ماما قدر الله و ما شاء فعل نصيبى عشان الحرامى ميتعرضليش انا كمان
محمود / الحمد لله
مروه / هى مرام راحت عند مازن صحيح
محمود / اه ماحنا معرفناش نحميها كل واحد راح شاف حاله و سبناها لوحدها
مروه / انا مكنتش اعرف ان الامور هتوصل لكدا
محمود / لو مكنتيش مشيتى حتى لو الحرامى كان دخل عليكوا كان هيبقى لينا حجه نخليها حتى عندكوا
مروه / انت مكنتش هتدايق لو الحرامى دخل و انا هناك
محمود / انا كنت هنا الحرامى مهوبش ناحيه شعره من مرام مكنتش هسمحله يهوب نحيتك مكنتش هسمحله
مروه / انا اسفه
محمود / انا اللى اسف يا مروه حقيقى اسف تصبحى على خير
محمود يقفل مروه تحاول تتصل تانى ميردش تتصل تالت تلاقيه غير متاح تحط التليفون و تقعد تعيط
....................................
فى اوضه مرام
مرام قاعده عالسرير فاتحه الدولاب و باصه عالهدوم و بتعيط تقوم تجيب كل الهدوم و ترميها فى الارض و تروح تفتح باب الحمام عند مازن و تايد النور يصحى و يقوم يقعد تكون هى دخلت جابت كل الهدوم اللى فالارض و رمتها جنبه عالسرير
مرام / قوم روحنى
مازن / ممكن تهدى
مرام / انا مش قادره اقعد هنا قوم روحنى
مازن / طب انتى جبتى الهدوم تعالى نروح اوضتك
مرام / مهياش اوضتى مهياش انت اصلا ازاى تعمل فيا كدا
مازن / طب انا عملت ايه طيب
مرام / انا تعبت صدقنى بحاول بس مش قادره تعبت
مازن / انا اسف اهى
مرام تروح تفتح دولاب مازن و تطلع هدوم حريمى و ترميها فى الارض و هى بتعيط و مازن واقف بيبص عليها و هو حزين
مرام / انت حتى مهنش عليك ترميهم مهنش عليك تنضف المكان اللى هاجى فيه مهنش عليك تعملى حساب لاحساسى
مازن / لانى مكنتش اعرف انك هتيجى هنا اصلا انا مدخلتش هنا من زمان انا نفسى مكنتش اعرف انى هاجى هنا
مرام / انا عاوزه اروح انا مش قادره ابصلك دلوقت
مازن / ماشى تعالى اوديكى عند خالو
مرام / صح معاك حق مانا اتجوزتك عشان اجرى انضف وراك فكل الاوض و يعالم بقى فين كمان
مازن / انا عمرى مخدت واحده عند خالو دا بيت ماما و تيته مقدرش اوسخه
مرام / انت مقتنع بنفسك و ده ايه بيت مين و شفتك مش كانت بتاعه مامتك انت بتبرر لنفسك كل حاجه عندك مبرر لكل حاجه
مازن / كان عندى بس دلوقت لا معدش معدش فى حاجه تبرر اللى كنت بعمله و لا عارف حتى ابصلك بقول لنفسى انا مش مسؤل عن اى حاجه قبلها انا مخنتهاش بس فنفس الوقت عازرك عشان الايه لو معكوسه مكنتش سامحتك انا عارف ان ده مش عدل و عارف ان اللى بطلبه منك تقيل عليكى صدقينى بس انتى طول عمرك احسن منى
مرام تبص الناحيه التانيه و هى بتعيط يحاول يلمسها تزقه
مرام / متلمسنيش ... هو الوجع ده مش هيخلص يعنى انا اتجوزتك و انا عارفه مينفعش احاسبك يعنى انا ليه مدايقه كانى لسه عارفه حالا و لا كانى دخلت عليك لقيتك مع واحده
مازن / دا مش هيحصل اوعدك
مرام / طب انت حاسس بيا فاهمنى قولى ان معايا حق قولى انى مش ظلماك و ليا حق ادايق
مازن / حقك
مرام / طب ليه
مازن / عشان انتى بتحبينى و بتغيرى عليا
مرام تبصله
مازن / انا اسف انك فكل حته و كل شويه تلاقى حاجه تفكرك بانا كنت ايه بس ربنا وحده اللى يعلم انا اتغيرت قد ايه اتغيرت عشانك
مازن ياخد مرام فحضنه و هى متمنعوش و بتعيط
مازن / انا اسف والله حقك عليا
مرام / ليه معملتش هنا مكان نضيف زى شقتك هو مش ده برده بيت مامتك
مازن / صدقينى كان نفسى بس للاسف ابويا وسخ المكان ده من زمان اوى و ساعتها كنت اصغر و اضعف من انى اتكلم كنت بشوفها بتنام مكانها بشوفها لابسه لبسها و مجوهراتها و المره الوحيده اللى اتكلمت مشونى مالبيت
مرام تبعد و تبصله
مازن / كنت صغير بس لسه فاكر لحد دلوقت و كانها محفوره جوايا
مرام / و مع كدا بتحب ابنها كانه شقيقك
مازن / جه عليا وقت مكنتش بحبه كنت بكرهه خصوصا لما مشيت و لما دخلنا المدرسه كنت بشوفه هو فين و اضربه كنت بطلع فيه غلى لحد فيوم ما طنط فريده جت البيت مع مونى و مع زياد و قعدت اتكلمت معانا انتوا كنتوا اكتر ماللى اخوات ايه اللى جرالكوا يوميها مكنتش سامعها قد مكنت ببص على مونى البنت اللى بتمشى و كل شويه تقع قد ايه كانت حلوه خدت بالها راحت جابتها و حطتها فحضنى قالتلى دى اختك حبيتها من اول لحظه قالتلى اتصالح مع زياد انتوا اخوات انت و هو اخوات و الباقى مجرد علاقات افتكروها كويس و اللى ينسى التانى يفكروا و بقت جملتى انا و هو كل منتخانق بسبب اى حد واحد يقول انا و انت اخوات و التانى يقوله و الباقى علاقات
مرام / و فضلتوا اخوات من يومها
مازن يروح يقعد عالسرير
مازن / لما خالو جه قالتله يخرج العيال من القرف ده ان زياد ملوش ذنب لانا و لا هو و لا مونى لينا دعوه بكل القرف ده انا كنت بكره بابا اوى بكره اوى و خالو كان دايما يتكلم عنه وحش انه قتل ماما و ان طنط فريده جت خدت مكانها و ان زياد اخد مكانى كنت بكرهم اوى قالتله ان دول هيبقوا عيلتى و ان خالو مصمم يطلعنى يتيم و انه مش هيعيشلى العمر كله على الاقل يضمن انه لما يموت مكنش وحيد و سابت الاتنين و مشيت قالتله اخوات مازن عنده اقتلهم لو ده هيرجع ماما يعنى او هيريحه و مشيت طبعا مونيكا فتحت فالصريخ لما مامتها مشيت لقيت خالو بيشيلها من عالارض و يسكتها و قعد يتكلم معايا كتير اوى يوميها و زياد يوم بعد يوم كان بيثبتلى انه اخ يستاهل كان جنبى فكل الاوقات كنا بندافع عن بعض و نعمل كل حاجه سوا و مونى الحقيقه كانت زى الحلقه اللى بتربط بنا لو فكرنا نخاصم بعض مونى متكلمناش احنا الاتنين لحد منتراضى
مرام /  طب و شقتك طب دى اتوسخت غصب عنك و شقتك مفكرتش فمره انك بتوسخ مكان مامتك عاشت فيه اشمعن يعنى الاوضه دى اللى حافظت عليها و الباقى لا
مازن / الاتيليه كان مقفول محدش كان معاه المفتاح و بابا مكنش عايش فمصر قد كدا و مكنش عنده سبب انه يهتم اصلا مكنش بيهتم بالمكان و هى عايشه هيفرق فى ايه بعد متموت و فيوم اتخانقت مع خالو عشان جبت واحده الفيلا هناك خالو كان مانع الموضوع نهائى حتى هو لما كان يحب يخبص كان بيخبص فى اى فندق هو اللى علمنى اعمل كدا قالى لو وسخت المكان مش هيجو فيه تانى هيسيبونا الكلمه نفسها حسستنى انها ممكن تكون لسه موجوده هى لسه مسابتنيش روحت على اكتر مكان كانت بتقضى فيه وقتها و فتحته كانى مستنيها كنت فاكر انى لما هفتح الباب هلاقيها بتاخدنى بالحضن مثلا المكان كان مترب و مبهدل ازاى امى عايشه فمكان بالقذاره دى فضلت طول الليل لحد الصبح انضف و ارتب و اجيب اللوح على جنب عشان انزلها و انقلها الفيلا عند خالو مع الحاجات اللى هو محتفظ بيها لحد مدخلت الاوضه اخر مكان جمعنا سوا
مازن الحزن يملا وشه مرام تحط ايدها على ضهره
مازن / نضفته و روقته و لقيت فيه اجنده فالاول كانت صور ليا و ليها و كدا و رسومات قولت اتفرج يعنى شويه لقيت كتابه مكانلهاش حد تشتكيله فكانت بتحكيلى انا ههه كانت بتشتكيلى من بابا و اللى بيعمله سطر يجر سطر و انا النار جوايا بتزيد و كرهى لابويا بيزيد الراجل اللى ساب امى و اهملها لحد مماتت و مبكاش عليها و راح اتجوز بعدها الراجل اللى رمانى و مسالش عنى لحد موصلت لاخر صفحه كنت وصلت لمرحله انها بتتمنى الموت هى كانت عاوزه تموت كانت تعيسه لدرجه انها شايفه الموت ليها راحه لما قريت الصفحه دى فهمت
مرام / فهمت ايه
مازن / ان امى انتحرت كانت كاتبه اعتزار ليا كانت كاتبه فاخر سطر سامحنى انى سبتك لوحدك فدنيا مفيهاش مشاعر و اهم حاجه فيها الفلوس فالاول مفهمتش بس فهمت انها كانت عارفه انها هتموت كنت بستغرب الاول هى ليه متصلتش باى حد بالاسعاف بنناه اللى هى خالتها يعنى ليه مكلمتش البواب ليه فضلت مكانها مستنيه بابا
مرام / كان نفسها هو اللى يلحقها
مازن / ايوه و كان الدنيا مفيهاش غيره تعيش عشانه لو عاوزها هيلحقها لو مش عاوزها و مش مهتم يبقى مفيش حاجه تانيه تستاهل تعيش عشانها و لا حتى انا
مازن الدموع تنزل على وشه يمسحها و يبص لمرام
مازن / مش ابويا بس اللى باعنى دا هى كمان هى كمان باعتنى لما نزلت كل حاجه و فرشت الشقه  وقتها كنت مقرر انى عاوزها تمشى انا كمان هبيعك زى مبعتينى هنساكى و هنسى ابويا و هنسى الدنيا كلها هعيش لنفسى بس هنبسط و اخرب الدنيا و اعيش انا هعيش
مرام / و بعدين
مازن / مقدرتش وصلت لحد الاوضه دى و مقدرتش فضلت واقف على باب الاوضه زى الصنم هو انا فعلا مستعد انها تمشى طب لو مشيت هعرف ارجعها تانى هو انا زعلان منها اوى للدرجادى هو انا كمان هبيعها زى مابويا باعها مليون سؤال و انا واقف عالباب ماسك الاوكره بايدى مفوقنيش غير خبطه واحده معايا على كتفى بتقولى مش هتخش و لا ايه قفلت الباب و خدتها الاوضه التانيه و من يومها قررت ان اسيب و لو اوضه تجمعنى بيها و طبعت صورتها و حطيتها عالحيطه بس بعد فتره دخلتى انتى حياتى
مازن يبص لمرام و ياخدها فى حضنه
مازن / خدتك و عرفتك عليها
مرام تبتسم و هو كمان و تمسح دموعه بايديها
مازن / حبتك اوى على فكره
مرام / هههههههههههههه
مازن / مجنون صح
مرام / مش عارفه هو ده جنان و لا رومانسيه
مازن / اليوم اللى دخلت فيه بتكوا عشان اطلبك اليوم ده خدت على نفسى وعد انى مش هسمح انك تعيشى و لا لحظه وجع ماللى عاشتها امى عارف انى للاسف بوجعك برده بس بحاجات تانيه بس انا عمرى مهبطل احاول
مرام تحضن مازن اوى دبوس الطرحه يشكه
مازن / اااه
مرام تقوم
مرام / فى ايه
مازن / حاجه شكتنى انتى حاطه ايه فدماغك دى هههههههههههههههه
مرام تفك الطرحه و تحط الدبابيس عالكومدينو جنب السرير و مازن متابعها و مبتسم تحط الطرحه عالكومدينو جنب الدبابيس وشعرها كحكه تحضنه تانى و تبص على كوم الهدوم فى الارض
مرام / هتعمل ايه فى القرف ده
مازن يتنهد و يقوم يجيب شنطه سفر كبيره و يفتحها و يحط فيها الهدوم مرام تقوم تساعده و على ميخلصوا مرام شعرها يبوظ و يفك مالتوكه شويه تفك التوكه خالص و تعمل الكحكه من اول و جديد و مازن متابعها مرام تاخد بالها تتكسف 
مرام / ايه بتبصلى كدا ليه
مازن / فى علاقه بينى و بين شعرك مش قادر افهمها
مرام تفك شعرها و تحركه يمين و شمال ينزل على وشها و هى مبتسمه
مرام / شعرى ده
مازن يقوم يمسك مرام من ايدها و يشدها يدخلها الحمام
مازن / على اوضتك يلا يا ماما على اوضتك عشان منرجعش نعيط كلنا
مرام / بالراحه طيب فى ايه بالراحه الله
مازن يجيب الطرحه و الدبابيس و يحطهم فى ايد مرام و مرام مسخسه مالدحك دبوس يقع جنب رجل الكومدينو منغير مياخدوا بالهم
مرام / ههههههههههههههههه طب بالراحه طيب
مازن / اقفلى الحمام من عندى لو هعمل على نفسى متفتحليش انا غلطان اصلا انى جبتك معايا يلا
مرام تدخل و تقفل باب الحمام من جوه و تقف وراه و كل واحد واقف فى ناحيه و الباب فاصل بينهم و كل واحد منهم ايده عالاكره 
مرام / مازن
مازن / بلا مازن بلا زفت بقى انتوا تحلموا و انا يطلع عينى
مرام / هههههههههههههههههه
مازن / متدحكيش بدل مجيلك
مرام / قفلت الباب خلاص ادحك براحتى نيا ها ها ضحكات متقطعه شريره ههههههههههههههههه
مازن / هانت بقى بينى و بينك باب بس
مرام / انا بحبك اوى على فكره
مازن / مش قدى على فكره
مرام / انت ازاى بتعمل كدا
مازن / بعمل ايه
مرام / دخلتلك زى البركان خرجت زى موج البحر
مازن / مانتى ولعتى فيا برده
مرام / تصبح على خير
مازن / و انتى من اهله
مرام تدخل تنام عالسرير و هى فمنتهى السعاده
..........................
فى اوضه لبنى
زياد نايم عالسرير و لبنى واقفه فى البلكونه مداريه بتبص على حمام السباحه و مازن رايح جاى عوم و على وشها ابتسامه مازن يطلع مالبسين و ينشف نفسه و يشرب عصير على كرسى و بعدين يلبس تيشيرت و يدخل تتنهد و تدخل تلاقى زياد صحى و قاعد باصص عليها تتفزع
لبنى / خضتنى صحيت امتى
زياد / لسه حالا مالك كنتى سرحانه فى ايه
لبنى / مفيش هنعمل ايه فالهم اللى احنا فيه ده
زياد / ياربى الواحد مبيلحقش حتى يفطر حاضر هقوم اشوف
زياد يقوم يدخل الحمام و لبنى تبص تانى على حمام السباحه و تتنهد و تدخل
............................
فى اوضه مازن
مرام لابسه الطرحه و تدخل السرير مبهدل و الهدوم فى الارض
مرام / ان مبطلتك الطبع المعفن ده مبقاش مرام
مرام تروح تعدل السرير زياد يدخل
زياد / اسف انا
مرام / مازن تحت من بدرى
زياد / اه انتى بتعملى ايه فى ناس شغلتها توضب الحاجات دى
مرام / الكركبه بتعصبنى خلاص عالعموم خلصت
زياد / ياريت تكونى ارتاحتى هنا مش متخيله احنا كنا سعدا بوجودك قد ايه
مرام  / شكرا
زياد / ايه الشنطه دى
مرام / معرفش ابقى اسال مازن
مرام تعدى زياد عشان تطلع مالاوضه
زياد / متعدى مالحمام اسرع
مرام / مقفول من جوه عن اذنك
مرام تطلع بره زياد يروح يشيل الغطا من عالسرير و بعدين امانى تدخل معاها ملايات نضيفه
زياد / فى حد روق الاوضه دى
امانى / لا والله يا زياد بيه انا لسه حتى جايبه الملايات النضيفه اهو عشان اغيرها
زياد / طب و اوضه مرام هانم
امانى / لا لسه برضه انا يادوب خلصت الفطار و حطيته عالسفره و لسه طالعه اغير الملايات و اروق الاوض
زياد / ماشى
زياد يبص فى الارض فى حاجه بتلمع يروح يلاقى دبوس ابره بتاع مرام يشيله و يقلبه فى ايده و يمشى يطلع بره يروح ناحيه اوضه مرام يخبط محدش يرد يفتح الباب
زياد / مرام ... الفطار جاهز تحت ... مرام
زياد يدخل ميلاقيش حد يدخل الحمام يمسك الفوط ميلاقيش غير فوطه واحده مبلوله متعلقه يروح يشيل الغطا من عالسرير يروح يفتح الدولاب يلاقيه فاضى خالص يفكر ثوانى و يرجع اوضه مازن
امانى / فى حاجه يا زياد بيه
زياد / خليكى فشغلك
زياد يفتح دولاب مازن و يبص عليه و يروح ناحيه الشنطه يفتحها و يبص فيها
زياد / فى واحد ليله باظت امبارح متعوضه
امانى / بتقول حاجه يا زياد بيه
زياد / هو انتى تعرفى عنى انى بحب اكرر كلامى قولتلك خليكى فى شغلك ايه مبتفهميش
امانى / انا انا اسفه افتكرتك والله بتطلب منى حاجه حقك عليا
زياد يقفل الشنطه و يمشى و يرزع الباب وراه
امانى / يجيك و يحط عليك توب علينا مالهم ده يارب بقى
.............................
عالسفره تحت
فريده و لبنى و مرام عالسفره مازن يدخل يقعد جنب مرام
مازن / صباح الخير
فريده / صباح النور مزاجك رايق يعنى
مازن / مرام معايا تحت سقف واحد هعوز ايه تانى
فريده / ههههههههههههههههههه بركاتك يا مرام
مرام تبتسم
مازن / انا كلمت خالو هنفطر و اطلع اللبس و نروحله قلق جدا طبعا بعد معرف اللى حصل امبارح
فريده / مانت غلطان يا مازن مكنش المفروض تقلقه خلاص عدى و فات انسى
مازن / كان هيعرف فكل الاحوال مفيش حاجه بتستخبى على خالو محضرتك عارفه
فريده / صحيح باباك اتصل
.........................