السكه شمال بقلم / لولو_محمد ( كامله )

الحلقه ٨٣

(((((((((((السكة شمال ))))))))))))))
#لولو_محمد
الحلقه الثالثه و الثمانون
مرام / مازن خلينا اصدقاء احسن
مازن / هدحك عليكى و لا على نفسى انا بحبك و عاوزك و مينفعش اكون اى حاجه تانيه غير كدا
مرام / مازن
مازن / انا هبعتلك صورنا سوا شوفى لو فى اتنين لايقين على بعض اكتر من كدا قوليلى
مرام / يا مازن لو سمحت
مازن يبعت الصور لمرام صمت
مازن / ساكته يعنى ... على العموم انا قولتلك كدا كدا هحفظ السوره و لما اجى اتقدملك تانى و اسمعها ابقى ارفضينى و هتقدملك تانى و ارفضينى و هفضل اتقدملك و ترفضينى لحد متستسلمى و توافقى
مرام / اللى يريحك انا هقفل بقى عشان ورايا مزاكره
مازن / ماشى مع السلامه
مازن يقفل و يقعد يحفظ
.............................
فى المطبخ عند مرام
مرام واقفه بتبص عالصور عالموبايل سميحه تدخل
سميحه / بتعملى ايه يا مرام
مرام / هاه ؟؟
سميحه / فى حاجه ؟؟
مرام / لا يا تيته مفيش انا هعمل تارت
سميحه / ماشى يا قلبى اعملى
سميحه تطلع بره و مرام تقعد تبص للصور تانى و بعدين تتنهد و تحط الموبايل عالرخامه و تبدا تشتغل
..............................
فى الكليه
مرام واقفه مع بنت
البنت / اتفضلي الدبله اللى طلبتيها
مرام تفتحها تلاقي دبله منقوش عليها من بره بكتابه بارزه بتحدى العالم و انا وياك و من جوه كتابه بارزه لجوه مرام
مرام / حلوه اوى بس للاسف جت متاخره
البنت / غريبه امال هو واقف هناك بيبص عليكي ليه شكله مستنينى امشى
مرام تبص وراها تلاقي مازن واقف مبتسم تقفل العلبه و تحطها في شنطتها
مرام / ثوانى و جايه
البنت / بصي انا هروح اقعد فالمدرج براحتك بقي
مرام / تمام
مرام تروح ناحيه مازن و تطلع علبه من شنطتها و تديهاله
مرام / الف هنا
لبني و زياد يعدوا يشوفوهم سوا
مازن / تسلم ايدك
مرام / مجتش محاضره الصبح ليه
مازن /مانا قولتلك انا باجى بس لو في حاجه مهمه اخلصها و امشي
مرام/ و دراستك مش مهمه
مازن / انا بذاكر فالبيت قولتلك
مرام / انا هروح المحاضره هتعوذ حاجه
مازن / ممكن اوصلك للمدرج
مرام / مفيش مشكله تعال
مازن و مرام يمشوا سوا
.....................
فى المدرج
مرام تروح تقعد و فى جنبها مكان فاضى مازن يحط حاجته مرام تبصله
مازن / دا مكان حد
مرام تبص للى جنبها تهز راسها لا
مازن / ممكن اقعد
مرام / مازن لو شافوك قاعد جنبى الكل هيبدا يتكلم
مازن / كدا كدا بيتكلموا فاديهم حاجه حلوه يتكلموا عنها
مرام / مازن
مازن / ايه مكان فاضى و انا هقعد ايه احضر مش عاجب اغيب مش عاجب اعملك ايه
مرام / متعملش اتفضل اقعد
مازن يقعد و يطلع التارت
مازن / هتسلى على مالدكتور يجى
مرام / الف هنا
لبنى و زياد يدخلوا
زياد / صباح الخير
مازن / صباح النور تعال افطر احلى تارت من ايدين احلى شيف
مرام تبتسم
لبنى / بلاش يا زياد لحسن يكون دا سبب حب مازن فيها يعنى سحراله فى الاكل و لا حاجه اسالنى انا عالحاجات دى
مرام / شكلك فاهمه فالموضوع ايه هى دى الطريقه اللى وقعتى بيها زياد
مازن يشرق من كتر الدحك مرام تبصله و تطلع مايه من شنطتها و تديها لمازن و تسيب الشنطه عالبنج مفتوحه العلبه تقع منها
مرام / اشرب اشرب سلامتك
مازن / ملكه قصف الجبهات بلا منافس ايه يا لبنى القطه كلت لسانك و لا ايه
لبنى / فى حاجات الواحد لو رد عليها يبقى بيهين نفسه
مرام / و فى حاجات الواحد لو سكت عنها بيفتكوكى هفا و يتطاولوا عليكى
لبنى / منك نستفيد يلا يا زيزو
زياد يجى يمشى يشوط العلبه تتفتح يوطى يجيبها مازن يشوفها
زياد / بتحدى العالم و انا معالك بتاعه مين دى
مرام / بتاعتى شكرا
مرام تاخدها و تحطها فى الشنطه و زياد و لبنى بمشوا
مازن / كنتى ناويه تديهانى امتى
مرام تبصله
مازن / حلوه على فكره
مرام / دى مش ليك
مازن / مين غيرى بتتحدى العالم معاه
مرام / مازن بطل انا قولتلك ان مفيش نصيب خلاص اسكت بقى
مازن / و انا قولتلك انى زنان و مش هسكت
مرام / الدكتور جه الحمد لله اخيرا
مازن باصص على مرام و هو مبتسم و مرام عامله نفسها مش فارق معاها و تفتح الكشكول و تظبط الاقلام و تركز فى المحاضره
مازن / ماشى ادلعى براحتك
مرام تبصله هو يبص لقدام و يعمل مركز تنفخ و تبص قدامها
...................................
فى جنب عند لبنى و زياد
لبنى / شوفت بتتكلم معايا ازاى
زياد / انا قولتلك مينفعش تعملوا فمرام حاجه الا لما مازن يرجع لحياته القديمه و يتلهى قولتى نضرب عالحديد و هو سخن
لبنى / كنت فاكره ان عندها كرامه مكنتش اعرف انها هتروح تعيطله بالسرعه دى
زياد / طبعا هتعيطله امال يعنى هتسيبه يطير من ايديها
لبنى / قصدك ايه امال سابته ليه مالاول
زياد / بتغلى نفسها يتعب عشانها عشان ميبعهاش بسهوله
لبنى / و العمل
زياد / خليه يوصلها و بعدين هيرميها زيها زى غيرها
لبنى / انت اتجننت
زياد / لو مرمهاش بمزاجه هيرميها غصب عنه و ساعتها صدقينى كسرتها هتبقى اكبر بكتير من كل الهبل اللى انتى مضيعه وقتك فيه ده
لبنى تبص على مرام و مازن مركزين و ترجع تبص لزياد مركز معاهم
لبنى / انت بتفكر فى ايه بالظبط
زياد / بفكر فاخويا اللى بخسره عشان هبل ايه يعنى لما يشبط فى مصاصه اديهاله هياخدله لحستين و يزهق
لبنى / انت عاوزنى استحمل مرام لحد ميتجوزها
زياد / لا مش شرط يتجوزها مش شرط ابدا
لبنى / ازاى يعنى
الدكتور / انتوا الاتنين اتفضلوا بره
كل المدرج يبصوا على لبنى و زياد و هما خارجين
............................
فى جنب الناحيه التانيه
بنت 1/ شايفه قاعدين جنب بعض ازاى
بنت2/ خدت بالى بس هى مش كانت سابته باين
بنت 1/ تسيب مين دا شوال فلوس على رجلين
بنت 2/ حقه انا عارفه عاجبه فيها ايه
بنت 1/ بيقولوا طلب منها تساعده يلم المنهج علقته
بنت 2/ تعلق مين دا معلق نص بنات مصر دى هتعرف تعلقه دى لبخه
بنت 1/ مهو متخافيش الا مالسهونه دى
بنت 2/ بيضالها فى القفص جتنا نيله فى حظنا الهباب
بنت 1/ الدكتور بيبص علينا اسكتى
................................
بعد المحاضره
مازن / هتروحى
مرام / اه هتعوز حاجه
مازن / لا يلا تعالى اما اوصلك
مرام / لا معلش مره تانيه
مازن / انا تعبت من كتر مبخطفك ايه مبتزهقيش و لا الموضوع عجبك
مرام / هههههههههههههههههه جد بقى
مازن / انا نزلت مالبيت و جيت خلينى اروحك
مرام / انت مغناطيس مشاكل عارف كدا
مازن / زيك بالظبط
مرام / ههههههههههههههه لا بجد انت مصمم تبان معايا فكل حته عشان الكل يتكلم فارجع ادبس فيك تانى صح
مازن / مش هى دى الخطه بالتحديد بس مدام هتدبسى فيا معنديش مانع
مرام / ههههههههههههههههههههه انت مشكله
مازن / صحيح مونى مخصماكى كلمتنى تشتكى منك و انا حججى خلصت انتى مبترديش عالبنت ليه
مرام / مش عارفه ارد اقولها ايه
مازن / انا مقولتلهاش انك اتهورتى و سبتينى هتزعل اوى البنت
مرام / اتهورت
مازن / طبعا هو انا اتساب دانا لقطه
مرام / والله
مازن / ايوه طول بعرض حليوه و كمان بغسل المواعين ممكن تحتاجى اكتر من كدا ايه
مرام / بتعرف تولد
مازن / ايه القهر ده و بعدين مانا لو حتى دى هعملها انتى لزمتك ايه بس عالعموم لو مش عاوزه تولدى بسيطه
مرام / والله ازاى بقى 
مازن / انا ممكن اتجوز واحده تانيه تولد بدالك عادى يعنى
مرام تسيبه و تمشى
مازن / بهزر بهزر يا نكديه بهزر
مرام / الله متروح تتجوز اللى تولدلك
مازن / و ان مكنتش عاوز ام لاعيالى غيرك
مرام / ممكن شويه كنت هتتجوز عليا
مازن / بستفزك ايه معدتش مستفز و لا ايه شكلى اتحسدت باين
مرام / الكليه كلها بتبص علينا
مازن / معزورين
مرام / انت مغرور
مازن / ليا حق واقف مع اجمل بنت فى الجامعه متغرش ليه
مرام ترتبك و تسيبه و تمشى
مرام / انا ماشيه
مازن / طب اخطفينى انتى
مرام تقف و تبصله
مازن / و غلاوه الدبله اللى فشنطتك اللى مش عاوزه تديهانى دى تخطفينى
مرام / اه بتاعتك كنت عملاهالك هديه مخصوص و كنت هعملهالك مفاجاه
مازن / ماشى اديهانى و انا هعمل نفسى اتفاجئت
مرام / الكلام ده قبل مكل واحد يروح لحاله و للاسف مجتش غير النهرده
مازن / شكلها غاليه
مرام / الغالي للغالى
مازن يبتسم بذهول
مرام / تعال هخطفك
مرام تمشى و مازن يجرى وراها و هو فمنتهى السعاده
...........................
عند كشك بيعمل سندوتشات شوارع
مرام / بس هنا
مازن / فى ايه هنا
مرام / ده سر ميعرفوش غيرك
مازن / قولى
مرام / تيته مانعه اكل الشوارع فانا كل متهف عليا اجى هنا من وراها و اكل و مقولهاش و محدش فالدنيا يعرف انى بعمل كدا ماعدا دلوقت انت انا اصلا حاولت كتير اعملها بس انا مهما عملت الكبده عمرها مبتبقى زى بتاعه الشارع معرفش بيحطولها ايه جربت مليون طريقه بس برده فى حاجه ناقصه
مازن / متعه انك بتعملى حاجه غلط الممنوع مرغوب
مرام / نفسى رايحالها اوى عشان كدا كنت بحاول ازوغ منك عشان اجى و اجربها
مازن / تمام استنى هنا هنزل اجيبلنا
مرام / متاكد ان بطنك تستحمل
مازن يبصلها باستهزاء و ينزل
...................................
  عالسلم قدام شقه مديحه
محمود بيفتح باب الشقه سميحه تفتح الباب
سميحه / الله انت جيت يا محمود امال مرام فين
محمود / هى لسه مجتش
سميحه / هى مش كانت معاك فى الكليه
محمود/ كانت فى الكليه بس مكنتش معايا كانت مع مازن شوفتها بتركب معاه العربيه
سميحه / طب خلاص مش مشكله
محمود / مش هتتصلى تطمنى عليها
سميحه تدخل الشقه و محمود وراها
سميحه / لا هتلاقيهم هيلفوا شويه و يرجعوا
محمود / انتى ازاى واثقه فيه اوى كدا شايفه فيه ايه بتحبيه على ايه
سميحه / شايفه فيه نفس اللى بشوفه فيك
محمود / بالبساطه دى اللى عاش معاكى سنين و ربتيه على ايدك تساويه بواحد معرفه يومين و ياريته عدل
سميحه / وقف جنبنا فكل موقف مرينا بيه من يوم معرفناه متاخرش ثانيه لا عننا و لا عن غيرنا
محمود / و المقابل
سميحه / مش كل الناس احمد الدهبى و بعدين اهدى بقى يا محمود بطل غيرتك اللى ملهاش سبب دى
محمود / دا حتى مش خطيبها
مازن يدخل و مرام وراه
مازن / اسفين عالتاخير ازيك يا محمود
محمود يبصله من فوق لتحت و يمشى
سميحه / اتاخرتوا ليه يا ولاد قلقتونى عليكوا
مرام / مفيش الطريق كان زحمه
سميحه / مش مشكله على العموم انا عامله شويه فته كوارع نفسى هفتنى عليها اوعى يا مازن تكون مبتحبهاش
مازن / ازاى بس دانا قتيلها النهرده
سميحه / هروح اغرفلكوا
سميحه تدخل المطبخ مرام تبص لمازن و يدحكوا
..............................
فى شقه مازن
شريف / ههههههههههههههههههههه دانتوا مسخره
مازن / انا بموت و انت بتدحك بطنى بتقطع يا متخلف
شريف / احسن احسن ادى اخره الطفاسه متقولوا الحقيقه
مازن / هو الدوا الزفت ده مش هيشتغل بقى
شريف / هيشتغل هيشتغل بس انت كلت كل ده ليه
مازن / اتحدتنى و فضلت تستفزنى لحد مكلت ست سندوتشات
شريف / و طبعا عشان متقولوش انكوا كالتو بره كملتوا فته كوارع عند تيته سميحه
مازن / و كل ماجى اقوم يا اخى تيته تقولى متخلص طبقك انت واكل بره و لا ايه شكلكوا واكلين بره انت مش عاجبك فتتى لما مسحت ام الطبق
شريف / معلش معلش هو الحب بهدله يا صاحبى
مازن / بدا يشتغل اهو الحمد لله
تليفون مازن يرن رساله يفتحها
مازن / دى مرام .... اخبار بطنك ايه لا اوعى تكون تعبتك بعد العك ده ازعل من نفسى اوى ها ها ها
مازن يبص لشريف
شريف / كنت عارف انها هتربيك اقولك ابعتلها صورتك و ابتسم
مازن يبصله و يتعدل فى قاعدته و يظبط هدومه و شعره و يطلعلها لسانه حته صغيره و ياخد سيلفى و يبعتهالها
شريف / ها قالت ايه
مازن / مردتش
توصل صوره ايد مرام لابسه الدبله فى ايدها مازن يبتسم توصل رساله تانيه
شريف / ايه ؟؟
مازن / هتدخل تنام
شريف/ طب و احنا مش هنام و لا ايه
مازن / كنت عاوز اتكلم معاك
شريف / ياعم انت فيك حيل تتكلم انت بتتنفس بالعافيه
مازن / انت هتعمل ايه
شريف / فى ايه
مازن / بخصوص اريج هتقولها الحقيقه
شريف / و انا مالى بيها هى يعنى صغيره
مازن / اه صغيره و يمكن كمان  اهلها ضاغطين عليها
شريف / انت اللى بتقول كدا مش دى اللى انت كنت بتقول عنها مش مظبوطه و مش عجباك
مازن / اه قولت بس انت كمان كنت بتدافع عنها انت تعرفها اكتر منى انا بس كنت معترض على جرئتها معاك و انها يعنى انت فاهم قصدى
شريف / كان معاك حق كانت فاكره تحت القبه شيخ و لما لقت نفسها هتتورط خلعت حقها و انا مقدرش اللومها
مازن / و انت عامل ايه
شريف / زى اى حاجه فحياتى يا مازن هتعب شويه و بعد كدا هاخد عليها
مازن / هى الخسرانه مش انت
شريف يبتسم و يبص الناحيه التانيه
...............................
فى شقه مرام
سميحه قاعده بتصبع كفته عالارض و مرام قاعده عالكنبه تزاكر
سميحه / و اخرتها
مرام / بتكلمينى يا تيته
سميحه / امال بكلم روحى
مرام / ايوه يا تيته خير
سميحه / بقولك و اخرتها اخرتك انتى و مازن ايه
مرام / مش فاهمه
سميحه / مينفعش تروحوا و تيجوا سوا و انتى قالعه دبلتك الناس تقول ايه مهواش لعب عيال هو يعنى
مرام / فهمت
سميحه / اسمعى يا بنتى ان كنتى عوزاه فهو كل يوم يجى و يرمى نفسه تحت رجليكى و ان مكنتيش عوزاه سبيه يمشى
مرام / مانا قولتله يمشى هو اللى مش عاوز
سميحه / لانه مش حاسس انك مش عوزاه عماله توديه و تجيبيه شويه تصديه و شويه تحنى عليه
مرام / انا يا تيته
سميحه / خرجتى معاه ليه طب امبارح كانتى فمشكله و مجبوره النهرده بقى خرجتى معاه ليه قاعده كل شويه تبصى فى المويايل ليه
مرام تنزل تقعد عالارض جنب سميحه
سميحه / انتى بتحبيه و انتى عارفه ليه غاويه تعذبى نفسك و تعذبيه
مرام / انتى علاطول معاه كدا علاطول شيفانى غلطانه كدا لو محستيش انتى بيا مين يحس
سميحه / مانا حاسه بيكى هو انا بتكلم غير عشان حاسه بيكى
مرام / انا قولتله يبعد قولتله مفيش نصيب هو مش راضى عمال يقرب كل محاول انساه يطلعلى تانى و يقرب اكتر مالاول محاصرنى فكل حته فالكليه و النت و حتى فى الحلم مش عارفه اهرب منه
سميحه / حتى فى الحلم ؟؟
مرام/ يوووه بقى
سميحه / ههههههههههههه طب متديله فرصه دا واد يتيم ينوبك فيه ثواب
مرام / نفسى بس ... يا تيته انا خايفه مهو اكيد كل اللى عمله ده مش هيعدى منغير حساب و انا و عيالى بقى اللى هيدفعو التمن مش كدا افرضى خلفت بنت هيجى واحد و يلعب بيها زى ملعب ببنات الناس
سميحه / مش هقولك زيه هو مجبرش حد على حاجه و لا دحك عليهم عشان هو غلطان بس هقولك انه تاب نساعده و لا نسيبه يرجع للى هو فيه
مرام / مهو لو رجع يبقى متابش
سميحه / انا هسالك سؤال واحد و مش هستعجل على جوابك هسيبك تفكرى براحتك مع نفسك عشان انا عودتك مدخلش فى قراراتك انتى كبيره و عارفه الصح مالغلط و عارفه اكتر مصلحتك فين
مرام / اتفضلى
سميحه / هتبقى مبسوطه مع مازن اكتر و لا منغيره
.................................................