السكه شمال بقلم / لولو_محمد ( كامله )

الحلقه ٦٠

((((((((((((((السكة شمال ))))))))))))))
#لولو_محمد
الحلقه الستون
معتز / مفيش حاجه فتشلى يابنى الناس اللى هنا بسرعه
احمد / افندم ازاى
معتز / بعد اذنك ورينى جيوبك
احمد / انت بتقول ايه انت
معتز / افتشك انا و لا اخلى العساكر يفتشوك و لا تحب حضرتك تيجى معايا نفتشك فى القسم بمعرفتنا
احمد / اتفضل فتش بس اقسم بالله
معتز يحط ايده فى جيب احمد يطلع قطعه حشيش كبيره
.....................
معتز / ايه ده يا احمد بيه مش احمد بيه برضه ليك حق تتعصب لما تسمع كلمه تفتيش اتفضل معانا
احمد / البتاع ده مش بتاعى البتاع ده حد حطهولى فى جيبى انا مش هسكت
معتز / انا لو منك اتصل بوزير الداخليه عشان يلحق يتصرف اتفضل معانا
العساكر يشدوا احمد على البوكس و مرام و مديحه فوق يزرغطوا كل البنات وراهم تزرغط
معتز / اسف يا مازن بيه بس غصب عنى والله
مازن / و لا يهمك اتفضل
محمود / احسن اللهم لا شماته ابن الكلب
مازن / يلا خد جزاءه خلينا نرجع للناس
...........................
فى الفيلا
مازن و مونيكا يدخلوا زياد ينزل من فوق
مونيكا / ههههههههههههههههه لا والله
مازن / زى مبقولك كدا
زياد / الله ايه المفاجاه الحلوه دى
زياد يسلم على مونى و مازن
مونى / مش تبارك لمازن
زياد / مبروك على ايه
مازن / انا قريت فتحه مرام
صمت
زياد / هههههههههههههههههههههه لا حلوه دخلت عليا هههههههههههههه
مونى / انت فاكرنا بنشتغلك والله كنا عندهم فالبيت و عملنا فرح
زياد / مرام مين مرام اللى معانا فى الكليه مرام قمر الدين دى
مونى / نور الدين
زياد / و انا ايه اخر من يعلم
مازن / كل حاجه جت فجاه
زياد / جت فجاه لدرجه ان مونى تيجى من دبى و اخوك اللى هنا ميعرفش و لا صحيح مانا مش اخوك
زياد يطلع
مازن / انا هكلمه
مونى / اوك انا هبقى فى اوضتى
مازن يهز راسه و يطلع وراه
.........................
فى شقه مرام
مرام و محمود بيلموا فى الازايز الفاضيه و اطباق الجاتوه الفل
مرام / اه يا عضمى يانا اووووف بقى هو فى ايه
مديحه / يا بنتى مانا قولتلك روحى نامى انا هكمل
مرام / هانت خلاص
سميحه / بس والله كان يوم حلو
احلام / بس هو مين الجدع اللى اتقبض عليه ده و قعدتو تزرغطوا
مرام / ده راجل واطى و ابن كلب
محمود / بس مش حاسه ان الموضوع غريب شويه
مرام / قصدك ايه
محمود / يعنى حسيت ان الموضوع متلفاله
مرام / احسن عشان يحس باللى عمله معايا ابن الكلب الواطى الزباله الدون
محمود / مش قصدى انا اقصد يعنى مين اللى بلغ البوليس و مين اللى حطله الحشيش تفتكرى احمد عرف منين ان النهرده قرايه فاتحتك عشان يجى تفتكرى مازن عزمه
مرام / اهو نظريه المؤامره اشتغلت هى يابنى ميولع انت مش وكيل النيابه خلى البوليس يشوف شغله اما لو كنت اعرف كنت اجرتله سته سبعه بلطجيه يوجبوا معاه فى الزنزانه
تليفون مرام يرن
مرام / دى مونى
احلام / مش مازن يخساره
مديحه / روحى كلميها و اتصاحبوا على بعض و قربى منها
مرام تبتسم و تاخد الموبايل و تمشى و محمود يكمل لم و هو ساكت و بيبص لامه
........................
فى اوضه زياد
لبنى / انت قاصد
مازن / متدخليش بنا
لبنى / مرام اللى قالتلك تعمل كدا صح انا عرفه الاشكال دى كويس .. وواحده واحده هتوقع بنكوا
مازن / هى مش زيك
لبنى / و دى حقيقه هى متقدرش تكون زيي البيئه الشحاته
مازن / زياد انا كنت رايح لسه اتقدم و نشوف شروطهم شريف اللى قال لمونى انا مقولتش لحد غير خالو
زياد / مش فارقه مبروك
مازن / انا مكنتش عاوز احطك فى مشاكل مع بابا
زياد / انت مقولتلوش .. انت بتهزر انت مقولتلوش
مازن / لا مقولتلوش و انا و هو متخانقين عشان سبت ماهيزفت
لبنى / هههههههههههههههههههههههه اما هبله
مازن يبصلها
لبنى / طنط فريده حكتلى و هى بتسالنى عن نيفين
مازن / و ياترى قولتيلها ايه بقى
لبنى / قولت الحقيقه طبعا
مازن / و يا ترى قولتيلها ان والدتك المصونه هى اللى بعتت التحاليل لماهى و وقعت بينى و بينها
لبنى / افندم
مازن / ايه قولت حاجه غلط انا
لبنى / شكلك راجع مرهق و بتخلط الورق انا بقول تروح ترتاح
مازن / بص يا زياد انت لو مكنتش فارق معايا كنت قولتلك و خدتك معايا و ساعتها انت و بابا بقى و طنط فريده تصطفوا مع بعض انا مقولتش لمونى شريف اللى قالها
لبنى / و هو شريف بيعمل حاجه من دماغه برده
مازن / اه عمل و اسالى مونى
لبنى / و احنا هنسال وراك مصدقينك طبعا
مازن / زياد
زياد / عادى يا مازن انا مش زعلان مبروك عليك انا بس كان نفسى فواحده انضف شويه
مازن / انت بتدايق لو حد اتكلم على لبنى مرام بالنسبالى مش اقل
زياد / دى مش مننا
مازن / و ايه المشكله
زياد / مش هتعرف تتاقلم علينا هتخنقك و تخنقنا
مازن / دا مش راى مونى فيها خالص بالعكس حبتها
زياد / عشان هى و مونى زى بعض عم الناظر
مازن / و دى مش حاجه وحشه مش احسن مالهبله التانيه اللى راحت تقولهم انا حامل
زياد / على العموم الايام بنا و هنشوف هيحصل ايه
مازن / ماشى انا بكره معزوم عند خالو انا و هما بعد الكليه لو تحبوا تيجوا يعنى
لبنى / ايه دلوقت معدتش خايف على زياد من غضب اونكل ابراهيم الساحق
مازن يبصلها و يمشى
لبنى / مش قادره اصدق حقيقى مش قادره اصدق
زياد / الحوار ده هيخلص اسرع بكتير من حوار ماهى
لبنى تبصله يبتسملها
...............................
فى اوضه مرام
مرام / بالسرعه دى
مونى / بليز يا مرام بقى
مرام / ايوه بس انا بقالى كذا يوم مروحتش و فايتنى كتير اوى
مونى / طب مفيش وقت فاضى فنص اليوم
مرام / اه فى ساعتين من اتناشر لاتنين فاضى و بعدين عندى سيكشن و خلاص اخلص
مونى / خلاص تمام حداشر و نص هكون عندك فى الكليه
مرام / اتفقنا
مونى / المهم بقى انا عاوزه اقولك حاجه بس بليز اوعدينى انها تفضل بينى و بينك
مرام / اكيد
مونى / لبنى
مرام / مالها
مونى / اوعى تثقى فيها لبنى كل هدفها هيبقى انها توقع بينك و بين مازن
مرام / متوقع
مونى / انتى متعرفيش هى عملت ايه مع ماهى
مرام / بخصوص ماهى
مونى / ماهى دى بنت شريك بابا فى الشغل و طبعا بابا كان بيحاول يضمن ان تعبه مش هيروح فالارض خصوصا انها بنته اونكل ممدوح الوحيده
مرام / يعنى مازن مكنش بيحبها
مونى / يحبها ايوووو لا طبعا مستحيل صحيح قوليلى مازن قالك بحبك و لا لسه اول ميقولها لازم تقوليلى فاهمه
مرام / قالى
مونى / يااااااااااهو بجد اى كانت بيليف ايت فينالى
مرام / هههههههههههههههههههههه فى ايه يا بنتى
مونى / كنت متاكده انه بيحبك على فكره مازن عمره مقالها لحد ...غيرى طبعا
مرام تبتسم
مونى / اه ماهى بقى يا ستى قالت لكل الناس ان مازن هيتقدملها يوم خطوبتى بابا و العيله و مامتى كل الناس و عشان الفرح ميبوظش و تعمل مشكله مازن اتفق معاها انه يمثل و ده اللى حصل كل اللى حصل كان تمثيل راحت هى بقى لماما و قالتلها انها حامل
مرام تصرخ و تكتمها
مونى / تخيلى البجاحه طبعا مازن قلب الترابيزه و قالها مع نفسك و قفش مع بابا و اونكل ممدوح و نزل مصر
مرام / ازاى تقبل تعمل كدا فنفسها
مونى / عادى مكنتش متوقعه منها اقل من كدا انتى اصلك متعرفيهاش
مرام / اللهم احفظنا
مونى / بليز يا مرام بليز متسمحيش لاى حد يوقع بينك و بين مازن انتى الوحيده اللى هتقدر تسعده بجد بليز اوعدينى
مرام / مونى انا مقدرش اوعدك بصى انتى اصلا متعرفيش كل حاجه انا و مازن
مونى / انا عارفه انكوا مختلفين بس سو وات ديفرانس ايذ جود
مرام / لا مش حوار مختلفين بس احنا هههههههههههه زى مدبسين فبعض
مونى / مازن يدبس نو واى ممكن اصدق انك مدبسه فيه بس مازن لا امال قالك بحبك على اساس ايه
مرام / مش الفكره بس المفروض انى متفقه معاه ان بعد بكره اقوله ان كنت موافقه و لا لا بس لحد دلوقت
مونى / موافقه طبعا متهزريش و مفيش بعد بكره دلوقت موافقه و قرينا الفاتحه و لبستى الشبكه و عملنا الفرح و خلاص هو صحيح انتوا ليه مرقصتوش فيرست دانس و كدا انتوا معندكوش الحاجات دى
مرام / دى قرايه فاتحه رقص ايه لا طبعا
مونى / على فكره مازن بيعرف يرقص حلو جدا
مرام / هههههههههههههههههه انتى بتقولى ايه يا مونى
مونى / انا اقصد انه مش هيدوس على رجلك يعنى فعادى يعنى ايه المشكله
مرام / ههههههههههههههههههه لا انا اقصد مينفعش يعنى ازاى يحط ايده عليا و كدا لا طبعا
مونى / ههههههههههههههههههه استمرى على كدا دانتى هتربيه ههههههههههههههههههه
مرام / انتى بتدحكى عليا
مونى / ابدا والله بدحك عليه هو
الباب يخبط و مازن يدخل
مازن / بتعملى ايه
مونى / ثوانى .. بكلم مرام
مازن / يا شيخه بقا انا بقالى ساعه بحاول اكلمها و انتى اللى شاغله الخط هاتى
مازن ياخد منها التليفون
مازن / اوعى تصدقيها فاى حاجه قالتها عنى ماشى
مرام / بجد مع انها كانت بتقولى انك بتحبنى و انى لازم مسمحش لاى حاجه تفرق بنا
مازن / لا صدقيها صدقيها دى اختى و عمرها مبتكدب ابدا
مرام/ ههههههههههههههههههههههههه
مازن / هتعملى ايه بكره
مرام / هروح الكليه و بعدين اروح اغير هدومى و نيجى عندكوا نتغدى و نتفرج عالفيلا زى مخالو قال
مازن / هعدى عليكى الصبح اخدك
مرام / مش متاكده مالموضوع ده مش عاوزه ندخل الكليه سوا
مازن / ليه يعنى
مرام / مش عارفه لسه مش جاهزه بيتهيالى محدش هيسكت
مازن / هو عالعموم فات الكلام عالموضوع ده لان اريج كتبت على جروب الدفعه و نزلت صوره لينا
مرام / ايه !!!! امتى ده
مازن / من ربع ساعه تقريبا
مرام / اااااااه حد يقتلنى بقى هو فى ايه
مازن / ههههههههههههههههههههههه بعد الشر عنك فى ايه يا بنتى مالك اوفر كدا ليه
مرام / و انت فارق معاك ايه
مازن / انتى اللى مكبره الموضوع اوى عادى مكدا كدا هيعرفوا
مونى / بالنسبه لموبايلى يعنى عاوزين ترغو سوا هات الموبايل ارغى مع خطيبى انا كمان
مازن / اقفلى هكلمك من عندى مونى عاوزه الموبايل
مرام / اوك سلام
مازن يدى الموبايل لمونى
مازن / ثانك يو
مونى / يو ويلكوم بس على ايه
مازن / على كل اللى عملتيه النهرده
مونى/ لا لو على كدا فثانك يو انت عشان البنت دى زى العسل و انا حبيتها مووووووت
مازن / انا مقولتلكيش مش عشان مش عاوزك تعرفى انا مقولتلكيش عشان مش عاوز ادخلك فى مشاكل مع بابا
مونى / اى كان هاندل داد
مازن / و كامل كان هاندل هيم تو
مونى / متقلقش عليه هقولهم انه مكنش هيعرف احنا رايحين فين و هخليه بره الصوره و بعدين متقلقش انت عليا اقلق على نفسك انت عارف ان بابا مش هيسكت و معرفش ممكن يعمل معاها هى ايه مرام اقصد
مازن / مش هيقدر يعملها حاجه انا مش هسمحله
مونى / يعنى لو عرفت انه رافضها هتكمل معاك
مازن / انا هتكلم معاها و هشرحلها الوضع
مونى / جود لاك ويذ ذات
مازن / تصبحى على خير
مونى / تصبح على خير
مازن يقوم يبوس راس مونى و يطلع بره
........................
فى اوضه مرام
مرام بتكلم مازن فى التليفون
مرام / كنت هنام
مازن / و اهون عليكى
مرام / بجد مرهقه جدا دا غير انى هصحى الصبح بدرى
مازن / اوك ماشى هعدى عليكى الصبح زى متفقنا
مرام / اوك
مازن / تصبحى على خير
مرام / مازن معلش ثانيه
مازن / ايوه
مرام / هو انت اللى عزمت احمد
مازن / ههههههههههههههههههههههه لا دى حكايه تعرفى انا دلوقت اتاكدت ان احمد اشترى توفيق مش هتصدقى اصلا اللى حصل
مرام / ايه اللى حصل
مازن / احمد كان بيحاول يلبسنى قضيه حشيش عشان يبوظ الليله
مرام / بتهزر
مازن / توفيق لما حضنى حسيت انه بيحطلى حاجه فجيبى بس مرضتش اعمل اى رد فعل لحد مشوف اخرتها
مرام / افرض البوليس كان جه بدرى قبل ماحمد ميجى افرض كانوا فتشوك ساعتها
مازن / لا مانا كنت هتصرف و ارميها فالرمل او اى حاجه بس الفكره انى كنت مستنى اجيب اخره
مرام / انت جايب البرود ده منين
مازن / ههههههههههههههههههههه المهم يا ستى اول ماحمد دخل اتاكدت انه عاوز يشوفنى و انا بيتقبض عليا رميتهاله فجيبه بس
مرام / احسن يستاهل هو اصلا عاوز منى ايه الحيوان ده بجد مش قادره اصدق
مازن / هو مبيعملش كل ده عشانك
مرام / يا سلام و اللى عملو فيا فى الحجر و المطعم و كل ده
مازن / كل ده كان عشانى انا هو بيكرهنى انا
مرام / يا سلام
مازن / من و احنا صغيرين احمد بيغير منى جدا و بيحاول ياخد منى اى حاجه بتاعتى كل ما يشبط فعاضمه برميهاله لحد مجه يوم كان فيه فرابعه و اخت شريف كانت فى اولى لسه و قامت مشكله كبيره جدا و خناقه فى الكليه ملهاش اول من اخر انتهت بانى ضربته و تقريبا تقدرى تقولى انى قلعته هدومه فى الكليه قدام الدفعه كلها
مرام / بتهزر
مازن / لا مبهزر اللى يقرب من اهلى انا ممكن اقتله لما كنت بتشبط فى بنت شمال اعرفها كنت برميهالك بس نهله بنت محترمه جدا و اخت اعز اصحابى و زى مونيكا بالنسبالى فمكنش ينفع اسكتله لانه زودها اوى فقولت اربيه
مرام / و شريف رد فعله كان ايه
مازن / لا مكنش موجود يوميها لحسن الحظ كان قتله
مرام / احمد كان حكالى انكوا كنتوا بتتنافسوا بس قالى انك كنت بتسرق الموظفين بتوعه و ان شريف فالاصل كان بيشتغل عنده
مازن / و قالك ايه كمان عنى
مرام / مش حاجه مهمه
مازن / ههههههههههه بجد بجد قال ايه
مرام / قالى ان باباك دخلك مدرسه دخلى و خالك خدك منها و رباك
مازن / و ايه كمان
مرام / مفيش
مازن / ماشى بخصوص بابا اه حصل انا فعلا دخلت مدرسه داخلى بس مده شهر واحد لحد مخالو عرف و خدنى و عشت معاه
مرام / و مامتك كان رايها ايه فالموضوع ليه وافقت عشان كنتوا مسافرين
مازن / لا ماما مكنلهاش راى للاسف مكنتش موجوده ساعتها نرجع بقى لحوار شريف شريف كان صاحبى الانتيم من اول يوم فى الكليه واد جدع و ابن حلال و صاحب صاحبه نفسه عزيزه عليه جدا بصراحه ملوش زي فاى حاجه اتعرض لظروف وحشه احمد استغلها و انا مقدرتش اشوفه بيعمل كدا فصاحبى فساعدته بس لكن مش بسرق موظفينه و لا الكلام ده هو بيعين ناس واطيه زيه فسهل انك ترشيهم بقرشين عشان يدوكى الورق اللى تمسكيه على احمد لما يفكر يقل معاكى زى بالظبط منسرين عملت و ادتنى الورق اللى ضغطت بيه عليه عشان تخرجى مالحبس ايه نمتى منى و لا ايه
مرام / لا بسمعك ايه هى بقى الظروف دى اللى اتعرضلها شريف و ساعدته ازاى
مازن / لا معلش دى حاجه تخص شريف لازم استاذنه قبل محكيهالك او هو يبقى يحكيهالك لو حب المهم عاوزه تسالى عن ايه تانى
مرام / تزعل منى لو قولتلك انى للحظه حسيت انى عروسه لعبه و فى اتنين عيال بيتخانقوا عليها و اللى خدها هيطلع لسانه للتانى
مازن / اه ازعل
مرام / خلاص مش هقول
مازن / ههههههههههههههههه مرام انتى غاليه اوى عندى انا عارف انك مبتثقيش فيا بس فيوم مالايام هتثقى و هوريكى حاجه هتثبتلك ان ثقتك كانت فى محلها
مرام / حاجه ايه
مازن / لما تثقى فيا الاول
مرام / اااااه انت هتلعب معايا اللعبه دى لا متحاولش
مازن / هههههههههههههههههههههههه لعبه ايه
مرام / اللى هو الفضول عشان اقولك بثق فيك فانت تقولى لا مش هيحصل
مازن / هو بالكلام لا مش بالكلام الثقه مش بالكلام
مرام / امال بايه بقى يا مازن باشا
مازن / بالفعل
مرام / فاهمه يعنى ايه بقى اللى المفروض اقدمه لجنابك عشان تصدق انى بثق فيك
مازن / انتى جيتى شقتى عارفه فى اوضه مقفوله بالمفتاح مش عارف انتى خدتى بالك منها و لا لا
مرام / شوفت اوضه مقفوله و انا داخله المطبخ
مازن / اه هى دى بصى انا عايش لوحدى
مرام / كنت حاسه كمل يا حبيبى كمل
مازن / اكمل ايه
مرام / لا كمل
مازن / لا مش هكمل هو ايه اللى كنتى حاسه كنتى حاسه بايه
مرام / عايش لوحدك و عاوز حد يسليك و تعالى افرجك عالاوضه و سكه ماما بتموت و نفسها تشوفك قبل متموت دى و كدا لا على فكره مش هيحصل
مازن / ههههههههههههههههههههههههه
مرام / ادحك ادحك
مازن / انتى اللى دماغك شمال انا مكنتش هقول كدا خالص و بعدين ايه جو الافلام القديمه اوى دى بس مش هزعل منك انتى لسه متعرفنيش انا مبدحكش على بنت عمرى و لا باخد من حد حاجه غصب عنه انا مش احمد
مرام / ماشى كمل كنت بتقول ايه
.........................