السكه شمال بقلم / لولو_محمد ( كامله )

الحلقه ٨٩

(((((((((((((((السكة شمال ))))))))))
#لولو_محمد
الحلقه التاسعه و الثمانون
سميحه تدخل اوضه مرام و مازن يقعد بس مش على بعضه و كل شويه يبص عالباب جنبه و يرجع يتعدل تانى سميحه تطلع من جوه
سميحه / صحيت هخش الحمام اغسل وشى و اعمل الفطار و الشاى على متلبس
مازن / تسلمى يا تيته
سميحه تدخل الحمام و مازن قاعد كل شويه يبص فى الساعه سميحه تطلع مالحمام تدخل المطبخ مازن يقوم يقف يتفرج عالصور فمكتبه التليفزيون و كل شويه يبص عالباب و بعدين يروح يبص على صوره ملزوقه على باب الاوضه مكان الازاز و ايده بالراحه تتحط على اوكره الباب فمحاوله يائسه منه انه يقاوم يخبط بصابع واحد من ايده التانيه مرتين بالراحه مفيش صوت يفتح الباب بالراحه و يبص يلاقى مرام نايمه عالسرير بالعكس رجليها عالارض و لابسه كاش قصير  حمالات فيروزى يقفل الباب تانى بسرعه
مازن / لا من حيث ضار بالصحه فهو ضار جدا جدا بالصحه لا مهو الموضوع ده ميتسكتش عليه انا مش هسكت اشهد ان لا اله الا الله
...............................
مازن يرزع عالباب مرام تقوم مفزوعه تفتح تلاقيه فوشها تدخل و ترزع الباب تانى سميحه تطلع من جوه و مازن يروح يقعد و على وشه ابتسامه كبيره سميحه تطلع مالمطبخ
سميحه / فى ايه يا مازن
مازن / كنت بستعجلها بقالها ياما بتقلع قصدى بتلبس
سميحه / خضيتنى
مازن / انتى نمتى تانى و لا ايه
مرام تفتح الباب و هى لابسه الاسدال و بتبص لمازن شظرا و هو مبتسم تدخل و ترزع الباب تانى يدحك بصوت عالى سميحه تفتح الباب و تدخلها
سميحه / فى ايه يا مرام هتتاخروا يا بنتى صحيتك من بدرى لسه ملبستيش
مرام / مش رايحه فحته
سميحه / ليه بقى ايه اللى حصل مانا صحيتك و قومتى و روحتى وقفتى قدام الدولاب و طلعتى الطقم اهو عالسرير ملبستيهوش ليه بقى
مرام / مفيش يا تيته خلاص
سميحه / هى الحاله جتلك كل متعيشولكوا يوم حلو تقلبيها نكد تانى يوم و لا ايه انا تعبت منكوا و خليكى فاكره الزعله الاولانيه ادبستو و اتقرت فتحتكوا زعلتوا روحتى لبستى الدبل زعلتوا اتكتب كتابك الزعله دى هتبقى دوخله يا روح قلب ستك
مرام / تيته
سميحه / انا رايحه اشوف الاكل اللى عالنار فكيها هاه فكيها
سميحه تطلع بره و مرام تضرب الارض برجلها
مرام / دا ايه ده هبص فوشه ازاى بعد مشافنى كدا الله اوووووف بقى
...............................
فى الصاله
سميحه تحط الاكل و مازن يقعد ياكل مع سميحه و كل شويه يبص فى الساعه مرام تطلع مالاوضه لابسه طقم خروج بطرحته و تقعد بعيد و متبصش على مازن اللى باصصلها و مركز معاها و مبتسم
مرام / انا جاهزه على فكره
سميحه / طب مش هتاكلى و لا ايه
مرام / لا مش جعانه
مازن / ليه طب دانا حتى نفسى اتفتحت اوى
مرام تبصله شظرا
مازن / احلى فطار والله اكلك يا تيته
مرام تبص الناحيه التانيه و هو مبتسم
سميحه / الف هنا يا حبيبى دانا اعملك كل يوم
مازن / اكيد مانا هبقى اجى كل يوم
مرام تبصله يبتسم تقوم تدخل الحمام
سميحه / خف
مازن / هو انا عملت حاجه
سميحه / والله انت مهتجيبها لبر
مازن / مراتى و لا مش مراتى
سميحه / ماشى يا خويا ورينى بقى هتفك البوز ده ازاى
مازن / متقلقيش انتى بس و سبيها عليا
سميحه / ههههههههههههههههههه اما نشوف
.................................
قدام بيت مرام
مازن و مرام خارجين مالبيت و هى عفاريت الدنيا بتتنطت فوشها  و سابقه مازن تلاقى مجدى وواحد كمان مسندين توفيق بيبص عليها تقف مازن يحصلها و يمسك ايدها و ياخدها و يروحوا ناحيه العربيه يفتحلها العربيه يركبها و يقفل الباب و يلف الناحيه التانيه يركب و يمشى
مرام / هو اليوم بيبان من اوله فعلا
مازن / متحطيهوش فدماغك و متديلوش اكتر من حجمه
مرام / بعد كل اللى عمله
مازن / متسبيش الحمار و تتشطرى عالبردعه اللى عمل معاكى كدا كان احمد و ماهى هو كان مجرد اداه
مرام تبصله
مرام / هو عاوز منى ايه هو مش هيتهد بقى فاضل ايه تانى
مازن / مرام اهدى
مرام / ازاى اهدى ازاى و فى حيوان حاطتنى فدماغه بالشكل ده
مازن / اهدى عشان انا جنبك و ده اخره و اصلا كدا كدا هو دلوقت بيتربى و صدقينى زمانه بيضرب نفسه مليون جزمه على اللى عمله
مرام / يا سلام
مازن / اللى زى دول مفيش غير حاجه واحده بس بتوجعهم يا مرام
مرام / و هى ايه بقى
مازن / جيوبهم و انا هخليه يبيع هدومه بس انت شيلى كل الهبل ده من دماغك و متفكريش فيهم
مرام / سهل عليك تتكلم
مازن / بصراحه اه عشان الحاجه الوحيده اللى قادر افكر فيها الكاش الفيروزى اللى كنتى لبساه و انتى نايمه
مرام تبصله بغضب
مازن / مش قولتلك لابسه حاجه هتعجبنى
مرام / انت قليل الادب
مازن / هههههههههههههههه و ايه الجديد مانا فعلا قليل الادب و معاكى هبقى عديم الادب كمان لو حكمت هههههههههههههههه
مرام / ماشى يا تيته
مازن / و تيته مالها بالموضوع هى يعنى كانت هى اللى طلعت من اوضتها بالجمال ده كله عشان تسرق اللى باقى من عقلى
مرام /ممكن تتلم بقى
مازن / لمينى
مرام / هزعلك
مازن / اكيد مش هيكون اكتر من زعلى انك بعيد عنى
مرام / ابتدينا و مش هنخلص بقى فاليوم ده 
مازن ساكت و سايق و هو مبتسم اوى تبص عليه
مرام / متبطل استفزاز بقى
مازن / هو انا اتكلمت
مرام / قال يعنى محتاج تتكلم عشان تستفزنى
مازن / تعرفى ان العصبيه دى هتخليكى تعجزى بدرى
مرام / لو مش عاجبك احنا لسه عالبر روح خدلك واحده من ذوات الدم البارد
مازن / ليه هتجوز سلحفه
مرام / على الاقل مبتعجزش
مازن / لا انا بحب الدم الحامى السخن زيك يا قمر
مرام تبص الناحيه التانيه و تبتسم و تداريها و مازن واخد باله
....................................
فى الفيلا عند زياد
زياد نايم عالسرير معاه كوره بيحدفها لفوق و يرجع يشقطها باب الاوضه يفتح و لبنى تدخل ترمى شنطتها على اقرب كرسى و تروح تقعد جنبه و تديه ضهرها و هو يكمل لعب
لبنى / هى كسبت اتجوزته و بقت واحده مننا
زياد / افضلى انتى بصى تحت رجليكى كدا لحد مهتتكفى على وشك
لبنى تبص لزياد يقوم يقعد
زياد / و كانك متعرفيش مازن كانها اول واحده يجرى وراها لحد ميتقضى معاها يوم و لا اتنين و بعدين يجرى ورا غيرها
لبنى / دا اتجوزها يا زياد اتجوزها لو مات دلوقت هتورثه انت فاهم كل ده هيبقى بتاعها
زياد / بعد الشر يا هبله انتى بتتمنى لاخويا حبيبى اللى منغنغنا فى العز دا كله انه يموت انتى متخيله ان مازن لو جراله حاجه انا و لا انتى هنطول شعره ماللى عندنا ده كل ده هيروح لبابا و ساعتها هنشحت انا و انتى و نبقى عبيد عنده نعمل كل اللى هو عاوزه عشان يرميلنا الفتافيت كانها هبه
لبنى تبصله
زياد / صفوت عاوز يكتب لمرام كل فلوسه عشان يضمن ان الجوازه تتم
لبنى تقوم تتفزع
لبنى / نعم هو ايه اللى حصل فى الدنيا هى الناس اتهبلت و لا ايه
زياد / عرفتى ليه لازم نسايس مرام الفتره دى لازم ناخدها فى حضننا و نهدى المسائل
لبنى / الموت اهونلى من انى اطاطى للواطيه دى
زياد / بعد الشر عنك يا قلبى تطاطى لمين احنا بس هنلم الدور هدنه مؤقتا بس لحد ممازن يزهق من لعبته الجديده لحد منعرف نكسبه تانى و نرجعه لصفنا و ساعتها هو بذات نفسه اللى هيجبلك حقك منها
لبنى / بتتكلم بثقه اوى ازاى كدا
زياد / عشان كلنا عارفين ان مازن مبيتعاندش مازن بيحب الحاجه الصعبه لكن بمجرد متبقى فايده هيزهق منها هى يعنى اول واحده تعند معاه
لبنى / و صفوت هنعمل فيه ايه
زياد / خليه يكتبلها كل حاجه خليه يفلس عشان يتهد عننا و كمان خلى مازن يتجوز مرام خليه يشبع منها لحد ميبقاش عندها جديد تقدمه و بعد كدا مرام بذات نفسها هتبوس رجل مازن عشان يطلقها و هتتنازله عن الجمل بما حمل
لبنى / مش هيحصل الكلام ده
زياد / و غلاوه لبنى عندى هيحصل و هخليكى تشوفيه بعنيكى هخليكى تشوفى كسرتها و قهرتها بعنيكى بس انتى مره واحده بس خليكى واثقه فيا
لبنى تبصله
زياد / مفيش حد فى الدنيا دى قلبه عليكى و بيحبك قدى خليكى جنبى تكسبى
لبنى تقعد جنبه و تحضن دراعه يسحبه و ياخدها فى حضنه
................................
فى الشركه
فى اوضه الاجتماعات فى شاب بيعرض بريزنتاشن فيه بار شارت و مرام و مازن قاعدين مركزين وسط ناس كتير منهم صفوت
صفوت / شكرا يا عزت اتفضل اقعد
راجل 1/ يا صفوت بيه الوضع فمصر مش مستقر لمشروع جديد زى ده و دى مخاطره كبيره البلد كل يوم بحال و الاسعار بتتغير يوم عن التانى و دى الحكومه يعنى لو الاسعار اتغيرت محدش هيعبرنا معلش يا صفوت بيه مش هنصرف عليهم من جيبنا يعنى
صفوت / طب و المطلوب
راجل 2/ بس احنا منقدرش منشتغلش مع الحكومه كدا نخسر كتير المشروع ده مش مجرد شغل للشركه و بس لازم ناخد بالنا من حاجه زى دى
صفوت / انا شايف اننا ناخد راى الشباب ايه رايك يا مازن
مازن / والله انا شايف انه مش بطال يعنى هو الشاب فى اول حياته هيعوز ايه اكتر من كدا له هو و مراته يعنى اهو باب يتقفل عليهم يعنى
صفوت / واضح ان الكلام مش عاجب الاستاذه مرام
مرام تنتبه الكل باصصلها ترتبك شويه
مرام / بصراحه اه ... هو .... واضح اوى ان اى كان اللى درسته فى الكليه مش كفايه وواضح ان فى حاجات كتير اوى مفهمتهاش
صفوت / طب مسالتيش ليه لو تحبى نعيد و تسالى فى اللى مفهمتيهوش
مرام / لا هو اصل ...انا ليا راى بغض النظر يعنى اى حاجه
مازن / قوليه
مرام تبص لمازن
مرام / اه اى شاب فاول حياته بيبقى عاوز باب يتقفل عليه هو و مراته و انا عن نفسى على فكره عايشه فى شقه اوضه و صاله بس دى مش شقه يا مازن دى لو تربه هتبقى احسن من كدا
صوت همهمه
عزت / انا اسف يعنى بس احنا الحكومه محددانا بمساحه ارض و نسبه لاندسكيب محدده و مطلوب نسلم عدد معين من الشقق حضرتك متوقعه ايه غير كدا و بعدين ميحمد ربنا هو كان لاقى اصلا
صوت دحك مرام ترتبك اكتر و مازن باصص على عزت بضيق و فى ايده قلم جاف عمال يخبط بيه عالترابيزه بكل هدوء
مرام / طب هى الحكومه برده محددانا بارتفاع اقصد لازم العماره تكون خمس ادوار بس مينفعش عشره كدا بيتهيالى ضاعفنا مساحه الشقه و فنفس الوقت حافظنا على كل الحاجات التانيه اللى حضرتك يعنى قولتها دى
عزت / اسف بس حضرتك عارفه فرق تكلفه انشاء عماره خمسه عن عشره
مازن يسيب القلم يقع عالترابيزه و يتعدل عالكرسى و يحط ايده على ضهر كرسى مرام و يبص لعزت
مازن / حتى لو هى متعرفش فانا متاكد انك المفروض تكون عارف لان ده شغلك انت
عزت / مازن بيه احنا مرتبطين بمعاد مناقصه و
مازن / انا متاكد انك لو بتشتغل زى مبتتكلم هتقدر تقدم بريزنتاشن تانى فيه الفرق بين الفكرتين فى اسرع وقت يومين كفايا مش كدا
عزت / حضرتك عاوزنى اعيد الشغل كلو من تانى معمارى و انشائى و اقدم مناقصه جديده فيومين
مازن / لو مش هتقدر قول دلوقت و انا متاكد ان فالشركه هلاقى غيرك يقدر
صفوت / مازن .... بشمهندس عزت من احسن المهندسين فى الشركه و هو تعب جدا فى المشروع ده و معاه فريق ممتاز من المهندسين
مازن / اكيد طبعا و عشان كدا انا واثق انهم هيقدروا يخلصوه تانى فيومين و متاكد اكتر ان المرادى مش هيكون عندنا اى ملاحظات مش كدا يا بشمهندس
عزت / ايوه بس حتى و لو اكيد التكلفه هتكون ازيد و احنا مطالبين نقدم اقل سعر
مرام / بس دى مش شقق مين يقدر يعيش فحاجه زى دى
راجل 3 / اوضه و صاله و حمام و مطبخ مش احسن ميفضل عايش جنب امه ادينا هنجوزه و بعدين مدام هيتامر كدا ميروح يشترى من معاه احنا خلفناهم و نسيناهم و لا ايه فى ايه يا صفوت بيه
مرام / هو يعنى هياخدها ببلاش ماكيد هيدفع فلوس
راجل 1/ ايوه بس دا مبلغ رمزى دى شقق مدعمه من وزاره الاسكان هو لو فكر فى اى شقه بره هيدفع اضعاف مضاعفه
مرام / بس هو برده انسان و له كرامه يا فرحتى بجناين حوالين البيت و انا شقتى مفيهاش مكان احط فيه سرير صغير لابنى عملنا ايه
راجل 3/ لما يبقى يخلف يبقى يشترى غيرها و يوسع علي نفسه ميوجعش دماغنا
مرام / و هو لو كان معاه كان خد عندكوا ليه يعنى هو الواحد بيشترى شقه كل يوم
راجل 3/ ابقى قولى الكلام ده للحكومه مش لينا
مرام / بس
راجل 3/ انتى بنفسك قولتى ان اللى درستيه مش كفايا و قولتى رايك و سمعناه بس كمان لازم تفهمى ان دى فلوس ناس
مازن / فلوسها هى
الراجل يبص لمازن
مازن / دى فلوسها هى و هى حره تكسب جنيه بدل تلاته هى حره حتى لو هتخسر برده هى حره
مرام / انا اكيد ميرضينيش الخساره بس
مازن / بس انتى بتتكلمى صح
صفوت / انا كمان مقتنع جدا برايك يا مرام و متاكد ان على اخر الاسبوع بشمهندس عزت و الفريق اللى معاه هيقدمولنا المقترح بتاعك و مقارنه بين الاتنين و انا متاكد ان الفرق مش هيكون فى حدود مقبوله مش كدا يا بشمهندس
عزت / باذن الله حضرتك
صفوت / تمام فى اى حد تانى يحب يضيف حاجه ... تمام
الكل يقوم و صفوت و مرام و مازن لسه قاعدين
مرام / انا
صفوت / انا فخور بيكى جدا على فكره
مرام تبتسم
صفوت / الواحد من كتر قاعدته عالمكتب بيبص فالورق نسى ان الدنيا اكتر بكتير من مجرد ارقام فى حاجات تانيه لازم ناخدها فى حسابنا
مازن يبص لمرام و يبتسم
صفوت / ها هتعزمونى عالغدى فين بقى النهرده انا جعان جدا و لا انت كنت ناوى على حاجه هاه ...هههههههه
مازن / هو اكيد كنت ناوى بس عشان خاطرك هعزمكوا على احلى اكله سى فود ايه رايك 
صفوت / طب متيلا بينا مستنين ايه
..........................
فى الفيلا عند زياد
لبنى تدخل على زياد  المكتب تلاقيه بيكلم حد فى التليفون
زياد / لا انا عاوزك تخلصلى الموضوع ده فى اسرع وقت .... اه ... تمام ... سلام
زياد يقفل
لبنى / بتكلم مين
زياد / حبيبتى صباح الخير
لبنى / معقول سبتنى نايمه كل ده
زياد /  كنتى زى الملايكه و انتى نايمه مقدرتش اصحيكى
لبنى تبتسم
زياد / حوبى بقى تحب تتفسح فين النهرده
لبنى / مقولتليش كنت بتكلم مين
زياد / كنت عاوز اجهز لتيته سميحه هديه محترمه تليق بيها
لبنى وشها يقلب زياد ياخدها فى حضنه
زياد / اتفقنا على ايه
لبنى / تمام
زياد يبتسم
..............................
فى مطعم
صفوت / والله هو ميجيش الا بكدا
مازن / فرحان فيا
صفوت / جدا تعرفى يا مرام انا طول عمرى بقول الحب بيربى
مرام تبتسم
مازن / على فكره خالو محضرلنا مفاجاه
مرام تبص لصفوت
صفوت / انا هحجزلكوا شهر عسل تحلفوا بيه طول حياتكوا الاول هتسافروا على باريس عاصمه الحب تقضوا احلى اسبوع شفتوه فحياتكوا هتلفوها حته حته و من هناك على فينيس فى ايطاليا تركبوا مركب و تعيشوا المود و تدعولى من هناك بقى هتطلعوا على براغ الجو الرومانسيى بتاع القصص و الروايات احلى فيو احلى جو احلى اسبوع هتعيشوه فحياتكوا و اخيرا هتركبوا الطياره توصلكوا لتركيا بعد كدا اكيد هوحشكوا و ترجعولى
مازن يسقف و مرام مبتسمه ابتسامه بلهاء كدا
مازن / حبيبى يا خالو والله حبيبى
صفوت / ايه رايك يا مرام
مرام / رايي فى ايه
مازن / فى خطه شهر العسل
مرام / هو مش بدرى اوى عالكلام ده و بعدين انا عمرى مركبت طياره و انا سمعت فرنسا و تركيا و ايطاليا يعنى مش عارفه كتير طيارات دانا من قبل مركبها خفت
مازن / لا متخافيش مانا هبقى جنبك
مازن يقرب من مرام مرام تبص لصفوت بخجل و تبتسم و صفوت مبتسم
صفوت / تمام انتى يا مرام عوزاه ازاى
مرام / معرفش اصلا لسه بدرى اوى فاضل سنه كامله و يمكن اكتر كمان
صفوت / سنه كامله ايه يا مرام حرام عليكى دانا كنت راسم احلام كبيره اوى ان الفرح يكون مثلا فى سبعه تمانيه الجاى بلاش تسعه عشان الدراسه متزنقش عليكوا منغير متكونوا خدتو راحتكوا فى شهر العسل
مرام / لا دراسه ايه و تزنق مين لا مينفعش طبعا يعنى ازاى مينفعش و بعدين
مازن / طب بس بس بس اهدى احنا بس بنتكلم
مرام / فاهمه بس برده اصلا تيته مش هتوافق
صفوت / لو انتى موافقه هى هتوافق
مرام / مفتكرش هقدر اوفق بين الاتنين انا اسفه يا خالو
صفوت / على ايه بس
مازن / سيبها اصل اللى عالبر عوام
مرام / تقصد ايه
مازن / بكره لما تكبرى هتفهمى
صفوت يدحك و مرام بتبص لمازن و هى مش فاهمه يبصلها و يبتسم
..............................
فى شقه سميحه
سميحه / اخص عليكوا كدا تاكلوا بره
مرام / مقدرتش اكسف خالو يا تيته بقى متزعليش
مازن / و بعدين متزعلش كدا يا جميل بكره اخدك و اعزمك على احسن منها
سميحه / لا يا خويا مليش انا فاكل الشارع ده
مازن / صحيح يا مرام وصلتى لانهى ليفل فى السى فود
مرام / اممممم السمك المقلى المشوى السنجارى الصينيه الحاجات دى يعنى بعرف اعملها لكن بقى لو دخلت عالجنبرى فعلاقتى بيه محدوده و مش مرضيه خصوصا بعد مدوقته النهرده فى المطعم بصراحه كان عامله حلو اوى الباقى بقى فحدث و لا حرج محاولتش معاهم حتى
مازن / ليه
مرام / هو ايه اللى ليه عشان غاللين و التعليم مش ببلاش و كمان مكنش حد نعرفه بيطلبهم
مازن / على العموم متشيليش هم سيبيهم عليا انا هبقى اعلمك
مرام / و تعلمنى ليه خليلك حاجه تدلعنى بيها
مازن / بس كدا دانت تؤمر يا قمر
مرام / صحيح انت كنت تقصد ايه بلما تكبرى هتفهمى دى انا مردتش اسال قدام خالو
مازن / كنتى سالتى عادى يعنى مش حاجه و يا ستى اقصد انك بتتكلمى بقلب جامد عشان لسه فالاول كلها فتره صغيره و هتيجى انتى تستعجلينى
مرام / لا يا شيخ
مازن / امال انتى فاكره ايه
مرام / منكرش ان بيعجبنى الواحد الواثق من نفسه بس الصراحه انت كدا فوووووووووووووووو
مرام تعمل بايدها طياره طالعه لفوق مازن يبتسم
مازن / هنشوف
مرام / هنشوف
الباب يخبط مرام تحط الطرحه و تروح تفتح تلاقى محمود
محمود / مساء الخير
مرام / تعال ادخل
محمود / لا انا نازل انا بس كنت جايبلك حسابات الشهر و نصيبكوا رجعيهم لو في حاجه
مرام / ماشى شكرا
محمود / سلام
مرام / سلام
مرام تقفل الباب
سميحه / الواد ده بقى غريب غريب يعنى انا مش عارفه ايه اللى جراله
مازن / سبيه على راحته بيتهيالى كدا احسن للكل
..................................