السكه شمال بقلم / لولو_محمد ( كامله )

الحلقه ٥٥

((((((((((((((((((السكة شمال )))))))))))
#لولو_محمد
الحلقه الخامسه و الخمسون
اسعد / الكلام ده حقيقى يا حجه
الكل يبص على سميحه ماسكه قلبها و بتتوجع مرام تقعد تحت رجليها
مرام / تيته مالك
سميحه تبص لمرام بتعب مازن يجرى يمسكها
مازن / تيته انتى كويسه .... اسعااااااااف
................................
فى المستشفى عند مديحه
تلت بنات بيعيطوا و مديحه قاعده تطبطب عليهم فى حضنها و محمود واقف بيتكلم فى التليفون و ينفخ
مديحه / متنشفوا كدا يا بنات الله هتبقى كويسه ان شاء الله
بنت 1/ انا خايفه عليها اوى يا خالتو
مديحه / متخافيش بقولك الدكتور طمنا
بنت 2/ انتى السبب انتى اللى زعلتيها
بنت 3/ انا هو كل حاجه عليا انا
بنت 1/ ايوه انتى فضلتى تردى عليها لحد معليتى عليها السكر
مديحه / مش كدا يا بنات عيب احنا فمستشفى
بنت 3/ انا قايمه و سايبه المكان هنا خالص
بنت 3 تقوم تمشى مديحه تبص لمحمود يروح وراها
محمود / احلام استنى رايحه فين
احلام / فاى داهيه تاخدنى يمكن كلكوا يرتاحوا
محمود / و ايه اللى هيريحنا يعنى فكدا ماحنا هنحتاس ساعتها ازاى نرجعك من هناك
احلام تبصله
محمود / سخيف صح
احلام تبتسم
محمود / معلش اصلى مش فالمود فاللشت منى
تيجى نشرب حاجه فوق فالكافتريا
احلام / مليش نفس
محمود / طب ممكن تيجى معايا اجيبلى قهوه عشان انا بنام على روحى و انا واقف
احلام / ماشى
................................
فى مستشفى خاصه فخمه اوى
مرام قاعده تعيط فى الهول و ناس كتير حواليهم من اهل الحاره منهم ست قاعده حاضنه مرام مازن يدخل مرام تبصله
مازن / هتبقى كويسه متقلقيش
مرام تعيط اكتر
مازن / الدكتور قال عمليه بسيطه جدا و هتخرج زى الفل متخافيش
مرام / انا مليش غيرها مليش حد فى الدنيا غيرها
ست / اخص عليكى يا مرام امال احنا روحنا فين
مرام تبص للست و تسيب المكان و هى بتعيط و تمشى مازن يروح وراها
مازن / مرام مرام استنى
مرام / انا مش طايقه الناس دى مش طايقه حد مش طايقه نفسى
مازن / انا مقدر اللى انتى فيه انا عارف هتبقى كويسه متخافيش
مرام / كل ده بسببى انا كلو بسببى
مازن / و انتى مالك و مال الموضوع ده اصلا دا بسبب توفيق و العيال الصيع اللى كانوا معاه
مرام / لو كنت روحت الكليه لو كنت جيت على نفسى و روحت الكليه
مازن / انتى عيانه يا مرام انا اصلا مستغرب انك واقفه بدل مترتاحى
مرام / ارتاح هو انا هشوف راحه بعد كدا
مازن / انتى ليه ملومتنيش على اللى حصل
مرام تبصله
مازن / لو مكنتش جيت مكنش كل ده هيحصل
مرام / لا كان هيحصل لو مكنش انت كان هيبقى غيرك كان هيبقى حاجه تانيه المهم انه كان هيحصل
مازن / ليه بتقولى كدا
مرام / عشان توفيق ده حيوان لو مش ليا مش لغيرى هو بيعمل كدا عشانى امه نفسها جتلنا البيت و قالت لتيته ولاد الحرام كتير الجواز ستره تقصد ايه هاه تقصد ايه
مازن / طب اهدى و كله هيتحل
مرام تقف تكح كتير شريف يدخل و يناولها ازازه ميه تشرب و تشكره
مرام / شكرا
شريف / العفو .. مازن
مازن / امشى يا شريف امشى
شريف / متاكد
مازن / ايوه امشى
شريف يمشى و مرام تقعد على اقرب كرسى
مازن / شريف جاي لاخته عريس النهرده و انا كنت متفق معاه انى مش هطلب منه حاجه بس نسيت و كلمته يجى و اكيد مامته و اخواته محتاجين الف حاجه منه النهرده
مرام تبصله
مرام / ربنا يتمملها على خير
مازن / متشيليش هم توفيق تانى انا هتعامل معاه
مرام تبصله و تبص الناحيه التانيه و تتنهد احمد يجى من اخر الهول مازن يقوم يقف و يروحله
مازن / انت بتعمل ايه هنا
احمد / جاى اقوم بالواجب زياره مريض
مازن / امشى
احمد / وسع يا مازن دى مستشفى يا بابا وسع
احمد يزق مازن بالراحه مازن مبيتحركش
احمد / لو فاكر انى خايف مالورق اللى معاك تبقى غلطان روح سلمه للنائب العام وسع من طريقى
مرام تدخل
مرام / انت بتعمل ايه هنا عاوز منى ايه تانى انت كمان
احمد / دا مكنش عيش و ملح حتى
مازن / امشى يا مرام امشى
احمد / فى بنا عقد عشان تسيبى الشغل لازم تبلغينى قبلها بتلت شهور
مرام تبصله
احمد / انا سبتك الفتره اللى فاتت تفوقى من اللى كنتى فيه و تراجعى نفسك
مازن / انت لو ممشيتش من هنا دكاتره المستشفى كلهم مش هيعرفوا يعالجوا اللى هعمله فيك انت فاهم
احمد / انا قولتلك انا جاى اعمل الواجب و ماشى و عملته اشوفك فالمطعم يا مرام سلام
احمد يمشى و مرام تقعد على اقرب كرسى و تعيط و مازن يحاول يهدى نفسه
مازن / على فكره احمد ده اهبل و لا يقدر يعملك حاجه و انا هتعامل معاه
مرام تبصله و تمسح دموعها يقعد جنبها
مازن / متخافيش
مرام / و انت عاوز منى ايه انت كمان
مازن / انا مش زيهم ماشى
مرام تعيط تانى
مرام / انا اسفه بس انا خلاص معدتش عارفه حاجه انا بجد تعبت اوى خلاص مش قادره
اسعد يروح ناحيه مرام و يقعد جنبها
اسعد / انا اسف
مرام تبصله
اسعد / حقك عليا يا بنتى حقك علينا كلنا متزعليش
مرام / انا مش زعلانه منك يا معلم انا مش زعلانه من حد انا كل اللى يهمنى ان تيته تقوم بالسلامه و اى حاجه تانيه مش مهم
اسعد / مازن يا بنى معلش دقيقه على جنب
مازن / هرجعلك
مازن يقوم هو و اسعد
...............................
فى جنب فى مستشفى مرام
اتنين ستات بيتودودوا
الاولى / ياختى ليها حق دى تلاقيها شايله هم هتدفع مصاريف المستشفى دى ازاى
التانيه / طول عمرك خايبه
الاولى / يا بت والله تلاقيها غاليه خالص مش شايفه بتبرق ازاى دى
التانيه / و هى تدفع حاجه من جيبها مش شايفه الجدع اللى واقف جنبها هناك بيقولوا متقدملها و هيخطبها راكب حته عربيه انما ايه اكيد هو اللى هيدفع
الاولى / و ايه اللى يخليه يدفع هى كانت لسه اتخطبتله يعنى ميمكن بعد ميدفع تفشكل
التانيه / عشان الورد ياختى و بعدين دا تلاقى الفلوس دى بالنسباله ملاليم بيقولوا زميلها فى الكليه
الاولى / بتهزرى
التانيه / بتقع واقفه بنت الايه وقعته ازاى دى نفسى افهم
الاولى / حقه الواد ميتعيبش مفيهوش غلطه عقبال ميجى لبنتى واحد زيه كدا
التانيه / ياختى الحاجات النضيفه دى مبتجيش للى زينا جتنا نيله فى حظنا الهباب
الاولى / على رايك بلا وكسه
...................................
قدام المستشفى عند مرام
احمد يروح يركب عربيته توفيق يخبطله عالازاز و هو مبتسم اوى احمد يفتح الشباك و يديله فلوس
احمد / متبطلش عاوزها تولع يا توفيق
توفيق / اللى تؤمر بيه يا باشا بس يعنى معلش الجدع اللى اسمه مازن ده
احمد / متقلقش منه خالص انا هشغله و ابعده عن طريقك خالص
توفيق / لا مقصدش بس اصله يعنى بيقول انه خاطبها
احمد يبص لتوفيق
توفيق / والله يا باشا قال كدا فى الخناقه
احمد / و انت صدقت مازن خاطب بنت واحد من اكبر رجال الاعمال فى دبى اسمها ماهينور الشربتلى هيبص لمرام دى على ايه وسع
توفيق يوسع و احمد يطير بالعربيه
توفيق / لا كدا الموضوع كبير بقى و اللعب هيحلو حلو حلو اوى يا ست الحسن ماشى
.............................
فى المستشفى عند محمود
احلام / بقولك اكبر منى بتمن سنين تمن سنين يا محمود يعنى هو من جيل و انا من جيل تانى خالص انت ليه مش عاوز تفهمنى
محمود / يا احلام اصل ده مش مبرر يعنى انتى عارفه لو قولتى مبحبوش مش قبلاه اقتنع لكن فكره السن دى مش عارف
احلام / هو خلاص شبع مالدنيا و عاوز يستقر الدنيا اللى انا لسه مشوفتهاش يا محمود انا عاوزه واحد يكون بيحب الخروج و الفسح ياخدنى و يسفرنى و اعيش الحاجات اللى اتحرمت منها
محمود / و انتى اش ضمنك انك لو خدتى واحد من سنك هيعمل معاكى كدا معلش يا احلام اصلا هو مين عنده وقت و لا فلوس يعمل كدا دا الواحد بيروح البيت يرمى جتته عالسرير ميت من كتر السحله اللى بيبقى فيها طول اليوم
احلام / بتتكلم زى ماما
محمود / لانها و للاسف بتتكلم صح انتى فاكره انى منفسيش اعيش الدنيا اللى بتقولى عليها دى نفسى بس للاسف متلجم بلجام حديد اسمه الفقر اللى زينا مبيعشوش الدنيا يا احلام اخرهم يشوفوها من بره بس
احلام / ايه اللى انت بتقوله ده
محمود / بقولك ان التمن سنين دول فرق ممكن يكونوا اختصروا عليكى تمن سنين من عمرك انتى
احلام / متجوز واحد قد ابويا بقى و اختصر باقى عمرى
محمود/ مقصدش انا اللى اقصده انه اشتغل و سافر و اتغرب و عمله قرشين كويسين يقدر بيهم يعيشك الدنيا اللى انتى عوزاها لكن لو خدتى واحد من سنك او من جيلك زى مبتقولى يعنى هيبقى لسه فاول حياته معوش فلوس فكل اللى هيعمله انه هيسحلك معاه لحد متقدروا تدخلوا باب الدنيا اصلا انتى فاهمه قصدى
احلام بتبص الناحيه التانيه
محمود / احلام افهمينى بس العريس لو مفيهوش اى عيوب تانيه اتكلمى معاه و قوليله على احلامك ميمكن هو كمان معش الدنيا دى و مستنيكى تعيشيها معاه و تنسيه السحله اللى شافها عشان يوصلك ميمكن هو ده اللى هيسعدك البنات ترفض عريس عشان مبيصليش عينه زايغه مش قبلاه لكن عشان اكبر منها بتمن سنين ازاى يعنى
احلام تبصله بحزن و هو بيلعب فى الموبايل 
محمود / بتفكرينى باعلانات التوظيف مطلوب حديث التخرج خبره خمس سنين ازاى معرفش بس هو احنا عاوزين كدا صحيح هم يدجك و هم يبكى
احلام / انت بتعمل ايه
محمود / بحاول اطمن على مرام كانت عيانه محدش بيرد
احلام / مرام دى دفعتك صح
محمود / اه
احلام / قدك يعنى
محمود يبصلها
احلام / يمكن نايمه او ناسيه موبايلها صامت
محمود / ممكن
احلام / يمكن لو ماما اتكلمت معايا زيك كدا و سمعتنى مكنش كل ده حصل
محمود / انتى فى حد فى حياتك يا احلام
احلام تتصدم مالسؤال
احلام / ايه ؟؟ ايه السؤال ده ؟؟ حد !!! حد زي مين؟؟؟
محمود / معرفش انا طبعا مقصدش حاجه بس زى مبقولوا كراش حد معجبه بيه يعنى زميلك فى الكليه جارك كدا يعنى حد يكون لافت نظرك
احلام ترتبك
احلام / لا طبعا ايه اللى انت بتقوله ده انا مش بتاعه الحاجات دى اصلا
محمود / انا مقصدش والله انا بس كنت بفكر يمكن تكونى معجبه بحد عشان كدا يعنى
احلام / انا مسمحلكش على فكره
محمود / انا اسف انا اسف خلاص
احلام تبص الناحيه التانيه و تتنهد و ترجع تبص لمحمود و ترجع تبص الناحيه التانيه
..................................
فى المستشفى عند مرام
مازن / هو تهزيقكوا لينا فى الحاره مكنش كفايا جاى حضرتك تكمل عليا هنا
اسعد / ابدا والله يابنى مقصدش
مازن / امال ايه اللى حضرتك بتقوله ده
اسعد / انا اقصد يعنى انك لسه مبقتش خطيبها رسمى و احنا اولى بيهم
مازن / بيتهيالى عملتوا عشانهم بما فيه الكفايه و عمايلكوا هى اللى وصلتنا لهنا اصلا
اسعد / مهو اللى ميعرفك يجهلك يابنى هيعرفوا منين يعنى محدش قال انها اتقرا فتحتها و لا اى حاجه
مازن / يقولو  ايه هو فرح دا يادوب ربط كلام و اتفاقات يشوشورا على نفسهم منغير داعى يعنى
اسعد / مش القصد يابنى بس احنا مشوفناش حد من اهلك و لا اى حاجه ده اللى اقصده و انت سيد من يفهم فى الاصول
مازن / انا اهلى مسافرين و مفيش فمصر حد من اهلى غير خالى فكنا مستنين ينزلوا فاول اجازه عشان نعلن الخطوبه و نمشيها رسمى بس نقول ايه بقى فى العقول الشمال
اسعد / حقك علينا يابنى معاك حق
مازن / والله الكلام ده حضرتك تقوله للست اللى بين الحياه و الموت دى و بعدين الكلام ده ميتقالش على واحده عاشت عمرها كلو وسطيكوا دانتوا اللى مربينها يعنى والله عيب عليكوا اللى حصل ده بكره اى حد يتكلم على بناتكوا و مش هتعرفوا تسكتوهم ساعتها متزعلوش
اسعد / والله معارف اقولك ايه يابنى
مازن / متقولش يا معلم متقولش انا باذن الله تيته تقوم بالسلامه و هجيب اهلى و نلبس الدبل عالديق و لما اهلى ينزلوا نبقي نعمل الخطوبه الكبيره بقى بيتهيالى دا هيخرس الكل و لا ايه
اسعد / عداك العيب يابنى
مازن / عن اذنك يا معلم
..........................
فى المستشفى عند محمود
محمود / يووووه بقى هو فى ايه
مديحه / يمكن خرجوا و نسيوا الموبايلات فى البيت
محمود / هتخرج و هى عيانه يعنى
تليفون مديحه يرن
مديحه / دى الحجه ام مروه .... الو ايوه يا حجه ازيك ... الحمد لله ياختى ... مالها الحجه سميحه ... لا انا سافرت عند اختى السكر على عليها و نقلوها المستشفى ... لا معرفش هو ايه اللى حصل .... يا مصيبتى امتى الكلام ده
محمود / فى ايه يا ماما
مديحه / خناقه ... ياربى ايه اليوم ده ... طب متعرفيش هى عامله ايه ... لا كتر خيرك انا لو عرفت حاجه هبقى اقولك ... سلام سلام
محمود / فى ايه يا ماما تيته حصلها حاجه
مديحه / بيقولوا كان فى خناقه كبيره فى الحاره و ستك وقعت و هى بتحوش عن خطيب مرام
محمود / اخر جمله ايه تانى معلش
مديحه / و النبى يابنى مفاهمه حاجه
محمود يمشى
...............................
فى المستشفى عند سميحه
سميحه نايمه عالسرير و مرام قاعده جنبها و ماسكه ايدها و بتعيط
سميحه / انا كويسه والله يعنى اقوم ارقصلك عشان تصدقى
مرام / انتى مش متخيله انا كنت عامله ايه
سميحه / الحمد لله قدر و لطف
مرام / و لا ولاد الكلب بتوع الحاره دول انا مش فاهمه الناس دى ايه يقتلوا القتيل و يمشوا فى جنازته انا مرضتش اخليهم يدخلولك على فكره مشتهم كلهم
سميحه / يا بنتى مش هما دا الصايع توفيق و الصيع صحابه هو الحركات دى هتخيل عليكى
الباب يخبط و يتفتح مازن يدخل
مازن / انا جبت اكل اكيد جعانين
مازن يدخل يشد الترابيزه عالسرير و يحط عليها الحاجه
مازن / الدكتور قالى ممنوع عليكى اى حاجه فيها دهون او ملح كتير جبتلك شوربه و فراخ مسلوقه و اما مرام بقى جبتلك زيها عشان عيانه اما انا بقى مش عيان فجبتلى مكرونه بشاميل و فراخ مشويه
سميحه / تسلم ايدك
الباب يخبط و يتفتح شريف يدخل
شريف / السلام عليكم ازيك يا تيته عامله ايه دلوقت
سميحه / الحمد لله يابنى تسمع و تسلم
مازن / ايه يابنى اللى جابك
شريف / الناس مشيت جيت
مرام / طب ايه الاخبار نقول مبروك
شريف / ناس كويسين على الله توافق بقى
سميحه / ربنا يتمملها على خير
شريف / يارب تسلمى يا تيته
مازن / تعال اقعد كلك لقمه حماتك بتحبك
شريف / تفتكر ... على العموم انا كلت مع الناس فالبيت
مرام تاكل سميحه و مازن و شريف ياكلو البشاميل مازن يسيب الشوكه و يروح يشد علبه الشوربه من مرام
مازن / كلى انتى و الشوربه سخنه انا هاكلها
مرام / انا مش جعانه
مازن / لو عينك فى المكرونه كليها بس لو سخنتى انا مش هسهر جنبك
مرام / الف هنا انا فعلا مش جعانه هات اكلها انا
سميحه / و لا انتى و لا هو انا هاكل نفسى كل واحد يكمل اكله انتى مفطرتيش كليلك لقمه انا كويسه والله و انت كمان يا مازن نفس الكلام لو سمحتوا
مازن / ماشى
مرام / انتوا ازاى هاديين اوى كدا هو انتوا مش حاسسين باللى بيحصل حوالينا
مازن / الحاجه الوحيده اللى شايفها بتحصل قدامى هو ان الاكل بيبرد
مرام / معاك حق و انت خسران ايه يعنى
مرام تقوم تطلع بره مازن ينفخ
مازن / هى علاطول نكديه كدا عن اذنكوا ثوانى
مازن يقوم وراها
................................
بره الاوضه
مازن / احم احم
مرام تنفخ مازن يقعد جنبها و الاتنين بيبصوا قدامهم
مازن / بصى
مرام / بص انت انا فكرت فى الموضوع كويس اوى انت زى مقولت اننا قارين فاتحه عشان تفض الخناقه دى سهل اوى انك تقول انك سيتنى بسبب اللى حصل او اهلك اجبروك بسبب اللى حصل و هنجيب اللوم عليهم و كل حى يروح لحاله و خلاص
مازن / و لو مكنتش عايز كل حى يروح لحاله اعمل ايه
مرام تندهش
مرام / يعنى ايه يعنى
مازن / يعنى ايه اللى هيحصل لو كنت عاوزها بجد مش عشان فض خناقه لو كنت معجب بيكى بجد و كنت عاوز اخطبك بجد  
مرام / انت بتهزر صح
مازن / انا جد على فكره فالموضوع ده و اتفقت مع المعلم اسعد ان اول ما تيته تخرج مالمستشفى هنيجى انا و خالو نطلبك رسمى
مرام / انت بتقول ايه لا طبعا مينفعش انت اتجننت و لا ايه
مازن / من حقك ترفضى طبعا بس على الاقل ادينى فرصه قربى منى اتعرفى عليا و بعدين قررى امال عملوا الخطوبه ليه مش يمكن فكرتك تتغير عنى مش يمكن يعنى يكون فى نصيب
مرام / انت متخيل انت بتطلب منى ايه الخطوبه مش تجربه دخول البيوت مش لعبه بص انا كنت مخطوبه قبل كدا و فسخت مينفعش ادخل فى علاقه تانيه لمجرد التجربه و انا متاكده انها هتفشل و ساعتها انت برنس محصلش نصيب لكن انا الناس هتقول عنى ايه بقى ان شاء الله
مازن / ايه التخلف ده عادى يعنى مفيش نصيب يعنى هتربطى حياتك بحياه واحد يتعسك لمجرد ان الناس متقولش كانت مخطوبه مرتين و فسخت متتخطبى خمسين مره لحد متلاقى الراجل المناسب براحتك مش احسن متصيعى معاهم فى الشوارع
مرام / اه صح لحظه انا اصلا بجادلك فى ايه انت اصلا خاطب
مازن / مين قال كدا
مرام / هو ايه اللى مين قال انا قابلت خطيبتك فالكليه  و احمد قال انه حضر خطوبتك انا نفسى شوفت فيديو و باركتلك عليه ايه كل ده كان حلم
مازن / لا الحقيقه كان كابوس بس الحمد لله كل واحد راح لحاله مكنش فى حاجه اصلا و لعلمك تيته عارفه تفاصيل الحوار من اوله تقدرى تساليها
مرام / انت متخيل انى هضيع ثانيه من عمرى فالكلام عنك
مازن / هو انا وحش اوى كدا
مرام / فوق متتخيل بص يا مازن انا و انت دفعه واحده شوف انت عندك كام سنه و انا عندى كام سنه و مش بس كدا شوف انت سمعتك ايه و انا سمعتى ايه احنا كل حاجه و عكسها انا و انت مننفعش سوا انا الابيض و انت الاسود
مازن / ملك الالوان على فكره
مرام تنفخ
مرام / عقلى مش متقبل الفكره اصلا
مازن / مش مهم عقلك يقبلها المهم قلبك يقبلها
..................................