السكه شمال بقلم / لولو_محمد ( كامله )

الحلقه ١٩٤

(((((((((السكة شمال ))))))
#لولو_محمد
الحلقه 194
شيماء / و هيفرق معايا فى ايه بدل متتجوز و يجرالك حاجه و اشيل انا ذنبك 
راجل يدخل معاه روجته شيماء تقوم تبص فيها و تجبله الحاجه و الشاب متابعها و مبتسم
شيماء / ميه خمسه و اربعين
الراجل يحاسبها و يمشى
الشاب / طب و انتى يا دكتوره ايه رايك فى الموضوع
شيماء / رائي فى ايه الجواز بوجه عام و لا انه بيقصف عمر الرجاله
الشاب / هههههههههههههههههههه لا بصفه عامه
شيماء / والله معرف كنت اسالنى  من كام شهر يمكن كنت اعرف ارد
الشاب / هههههههههههههههههههه بتكلم جد
..........................
شيماء / بجد والله معرفش بص كل اللى اعرفهم و اتجوزوا طبعا فى الاول كانت الحياه بقى لونها بنبى و انا جنبك و انت جنبى و بالتدريج بتتحول بالتدريج للاسود بقى بدرجاته مع المسؤليه و العيل و الهم و القرف ودا على مستوى الاتنين رجاله و ستات لكن لو قولت لواحده او لواحد منهم نموت الطرف التانى او اتخيل انه مات ممكن يتقهر لمجرد الفكره ابسط مثال بابا الله يرحمه كان علاطول بيتخانق مع ماما كانت ليهم خناقه شهيره اوى اول كل شهر بس لما مات ماما تعبت اوى و قعدنا فتره طويله انها هتحصله و يمكن لو مكناش احنا صغيرين و فرقبتها كانت حصلته فعلا و دا ينطبق على حالات كتير اوى اعرفها
الشاب / يعنى الجواز حلو اهو
شيماء / لا مهو برده الامثله دى عالجيل القديم انما الجيل الجديد الوضع مختلف شويه يعنى البنات بقوا مستقلين اكتر و الشباب متواكلين اكتر
الشاب / دا ظلم على فكره
شيماء / والله دا الاحصائيات مش كلام من عندى بص كدا على معدلات البطاله فى البنات و الشباب و شوف البنات بتشتغل من و هى عندها كام سنه و فى كام بنت عندها مشروعها الخاص و فى كام شاب عالقهوه مستنين فرصه يعنى
الشاب /  بس فى شباب بتلف طول الوقت على شغل و برده مش بيلاقى او بيلاقى شغل ميكفيهاش و لا يفتح بيت
شيماء / ربنا يرزق الجميع
الشاب / ملخص الحوار انك حياديه فموضوع الجواز
شيماء / يعنى تقدر تقول كدا
تقى تدخل شايله حافظه اكل
تقى / ماما بعتالك دى مدام مش عاوزه تطلعى تتغدى
شيماء تاخد الحافظه و تبص للشاب
شيماء / شكرا يا تقى
تقى تطلع شيماء تفتح الحافظه يلاقوا محشى كرنب و نص فرخه
شيماء / نفسى اقولك حماتك بتحبك تفتكرنى بدعى عليك
الشاب / فى الجو ده احب حماتى و بنت حماتى و عيله حماتى كلها لو حكمت
شيماء / ههههههههههههههه طب يلا بسم الله
.............................
فى مخزن كبير
الميكروباص يقف و تنزل اسراء تلاقى سعيد مستنيها و شباب تانين ينزلوا نورا مغميين عنيها يشدوها و هى بتقاوم
نورا / سيبونى يا ولاد الكلب اوعوا عاوزين منى ايه
الشباب ياخدوا نورا جوه
اسراء / هما هيعملوا فيها ايه
سعيد / متشغليش نفسك بيها تعالى اما نقعد نشرب حاجه على ميخلصوا
اسراء / سعيد انا مش مرتاحه للى بيحصل ده و لا للمكان ده طب لما هروح اقولهم ايه فى البيت
سعيد / هتقوليلهم انك قدرتى تهربى من ايدين المجرمين الاشرار اللى خطفوكى هههههههههههه
اسراء / طب و هى
سعيد / هتهرب برده بس مش دلوقت
اسراء / بلاش يا سعيد عشان خاطرى
سعيد / حبيبتى الملاك مش قادره تستحمل تشوف حتى واحده زباله زى دى بتتربى هو انا بحبك من شويه تعالى بس انتى كدا معايا
سعيد ياخد اسراء اوضه فاضيه فيها جنبه عريضه و ترابيزه عليها ازازه خمره و كاسين و مكسرات اسراء تبصله يبتسملها
............................
فى الشركه
فى مكتب صفوت
شريف قاعد عالمكتب مازن يدخل
مازن / ايه يا عم زن زن زن زن فى ايه
شريف / الورق ده لازم يتسلم بكره و الباشا منفضلى
مازن / ههههههههههههههههههه للحظه حسيت ان خالو بيتكلم
شريف / ياريتنى كنت ربعه الله يرحمه
مازن / ورينى الورق
شريف يدى لمازن الورق و مازن بيمضى منغير ما يقرا
شريف / المفروض تبطل الطبع المهبب ده و تبص تشوف انت بتمضى على ايه
مازن / يعنى هراجع وراك اما انت عبيط صحيح
شريف / برده يا مازن المفروض تستنصح شويه
شريف موبايله يرن
مازن / صافى
شريف / ثوانى
شريف يطلع بره و يرد
شريف / خير ... و انت لسه مستنى اقولك تعمل ايه متتعامل يا حيوان و ابعتلى مكانك انا جايلك
شريف يقفل يبص يلاقى مازن وراه
مازن / فى ايه
شريف / مفيش حاجه بص انا همشى و لما هرجع هكلمك تمام
مازن / فى ايه يا شريف
شريف / بعدين
شريف يمشى و مازن واقف مش مرتاح
............................
فى مخزن عند نورا
نورا عنيها متغميه مربوطه فى كرسى واحد يلطشها قلم تتقلب بالكرسى
نورا / لو لمستوا شعره من اللى كانت معايا هتدفعوا تمنها غالى اوى
الشاب يعدلها و يحاول يفك عنيها
نورا / فكر تانى قبل متخلينى اشوف ملامحك عشان صدقنى هتندم بعدها
شاب تانى يلطشها قلم تتف دم
نورا / هههههههههههههههههههه متسترجل يلا و تضرب عدل
الشاب 1/ عاوزانا نسترجل معاكى من عنينا
الشاب 2 يفكها من عالكرسى و يزقوها فى الارض و اديها مربوطه ورا ضهرها و شاب واحد يمسك رجليها و التانى يقطع بلوزتها فجاه يلاقوا حد بيجر الشاب التانى من رقبته لورا فى الارض الاول يبص وراه كريم يديله بالرجل فوشه
.................................
فى الاوضه عند سعيد
اسراء قاعده مع سعيد و هى مش مرتاحه يصبلها كاس و يعزم عليها تهز راسها لا
اسراء / هو ايه المكان ده يا سعيد
سعيد / دى خلوه واحد صاحبى عاملها استاذنته فيها النهرده
اسراء / انا مش مرتاحه هنا انا عاوزه امشى
سعيد / هتمشى تروحى فين انتى عاوزه تبوظى كل اللى علمناه و بعدين الفرصه دى مش هتتكرر تانى
اسراء / هما هيعملوا فيها ايه
سعيد / يادى النيله احنا فى ايه و لا فى ايه
اسراء / سعيد انا عاوزه امشى
سعيد / و اهون عليكى انتى عارفه انا استنيت تبقى فى حضنى بقالى قد ايه
سعيد يحاول يحضنها تقوم تقف
اسراء / لا يا سعيد احنا متفقناش على كدا
سعيد يقوم وراها 
سعيد / ليه يا سوسكتى هو مش انتى بتحبينى زى مانا بحبك
اسراء / لا بس انت قولتلى انك هتكلم اخويا و تطلبنى منه
سعيد / و مين قالك انى هعمل غير كدا يا بت دانتى مراتى
سعيد يحاول يحضنها تانى تزقه و تحاول تفتح الباب تلاقيه مقفول
اسراء / افتح الباب ده يا سعيد
سعيد / اووووف يخربيت الفصلان و بحبك يا سعيد و بثق فيك يا سعيد فين بقى الله
اسراء / هنا يا سعيد فى الزريبه دى انا عوزاها تبقى فى بيتنا
سعيد / يا عبيطه مش مهم المكان المهم اننا سوا انا و انتى و بس هتبقى ليله عمرك مهتنسيها
اسراء / لا
سعيد / هو ايه اللى لا لا لا يعنى اتخطفتى و روحتى سليمه يعنى
اسراء / قصدك ايه
سعيد يشقلها البلوزه تلطشه بالقلم يردهولها فساعتها يوقعها فى الارض
سعيد / جرا ايه يا بنت الكلب انتى هتنسى نفسك و لا ايه هو اكمنى مش عاوز اتغابى عليكى
اسراء تبصله بصدمه
........................
فى المخزن
كريم يقوم نورا من الارض الشاب التانى يجيب عصايه و يحاول يضربه يزق نورا تقع تانى و يفادى الشاب 2 شاب واحد يجيب عصايه تانيه و يضرب كريم على ضهره يقع فى الارض فجاه اتنين بدى بيلدينج يدخلوا يضربوا نار فى الهوا الشابين يرموا العصيان و يقفوا و كريم يقوم بالعافيه يفك نورا و يخليها ورا ضهره
نورا / اسراء فين
كريم / معرفش
صوت صريخ من اوضه جوه نورا تجرى عالاوضه و كريم وراها و الرجاله موجهه المسدسات عالاتنين الشباب كريم يبص تانى عليهم سابوهم يعدوا نورا تحاول تفتح الباب
كريم / مين دول
نورا / هنعرف بعدين الباب مقفول
كريم يكسر الباب يلاقى سعيد بيحاول يغتصب اسراء يشده من فوقيها و ينزل فوقيه بالرجول و نورا تقوم اسراء تدارى فى حضنها و هى منهاره من العياط
نورا / انتى كويسه
اسراء / الحيوان الواطى ابن الكلب
كريم / ملقتش غير اختى يابن الكلب هى حصلت يابن الكلب والله مانت خارج منها عايش
كريم يخنق سعيد نورا تقوم تشده من فوقيه
نورا / كفايا يا كريم هيموت فى ايدك
كريم يزقها تقع فى الارض و يرجع ينزل فيه ضرب تانى و يخنقه تانى
كريم / اوعى اللى زى ده مش لازم يعيش مووووت
نورا / كفايا يا كريم كفايا هتودى نفسك فى داهيه سيبه
سعيد يقطع النفس كريم يقوم يقف و يبص على اسراء تجرى تترمى فى حضنه
اسراء / ابيه
كريم / انتى كويسه
اسراء تهز راسها اه و هى بتعيط نورا تروح تجس نبض سعيد
اسراء / مات ؟؟
نورا / لا عايش ... احنا لازم نمشى من هنا
الاتنين البدى بيلدنج يدخلوا كريم يشد نورا ورا ضهره
راجل / فى عربيه برا هتوصلكوا مكان متحبوا و احنا هنتعامل هنا
كريم / انتوا مين و عاوزين مننا ايه
نورا / اهدى يا كريم
نورا تمسك ايد اسراء و تطلع بره و كريم يمشى وراهم و هو بيبص على الراجل
كريم / مين دول يا نورا
نورا / اكيد تبع شريف كنت عارفه انه مش هيسيبنى
اسراء / شريف مين
نورا / دى حكايه طويله هحكيهالكوا لما نروح
اسراء / ماما لو شافتنى كدا ممكن تروح فيها هنعمل ايه يا ابيه
نورا / حتى لو جبنالك لبس تانى هتسال غيرتى فين و ليه الحقيقه هى احسن حاجه
كريم لسه عمال يبص يمين و شمال و مش مستوعب اللى حصل
كريم / مش قادر اصدق انه عمل معايا كدا
نورا / اهدى الحمد لله انها عدت على خير
راجل يفتح باب العربيه نورا و اسراء يركبوا و كريم يركب قدام الراجل يركب العربيه و يطلع بيهم
نورا / هو انتوا كنتوا ماشيين ورايا
الراجل / اوامر شريف بيه اننا منشيلش عينا من عليكى
كريم / مين بقى شريف بيه ده
نورا / سكرتير مازن لما سعيد كان بيدايقنى اتصلت بيه و طلبت مساعدته
اسراء / مازن ده
نورا / ايوه هوه مكنش قدامى حل تانى .. و انت عرفت اننا هنا ازاى
كريم / مشيت وراكوا من ساعه مخرجتوا من البيت
اسراء / ليه
كريم / مش عارفه ليه
اسراء / انا معملتش حاجه هو اللى .....
كريم / هنبقى نشوف الموضوع ده بعدين
تليفون الراجل يرن
الراجل / ايوه يا باشا ... لا كلو تمام سعادتك ... فى الطريق للبيت
الراجل يدى لنورا التليفون
نورا / الو ... انا كويسه كلنا كويسين الحمد لله ... شكرا اوى ... الحمد لله ... سلام
......................
عند المخزن
عربيه شريف تركن و ينزل منها يلاقى عربيه مازن بتركن وراه و ينزل منها
شريف / بتعمل ايه هنا
مازن / معرفش قولى انت
شريف / بعدين
شريف يدخل المخزن و مازن وراه يلاقى سعيد و الاتنين التانين مربطين شريف يروح يدى سعيد بالرجل يوقعه على ضهره
شريف / هو احنا مش اتفقنا انك تتربى ايه مش قادر على بعدى
مازن عمال يبص عالمكان يمين و شمال و مش فاهم
شريف / بعتوا لابوه
الراجل / ايوه فى الطريق
شريف / والله لندمك عاليوم اللى اتولدت فيه يابن الكلب والله لوريك
شريف يشد مازن و يروحوا فى جنب
مازن / مين ده
شريف / عيل متخلف بص هو موضوع و خلص
مازن / و انا معرفش عنه حاجه ليه
شريف / عشان نورا مش عوزاك تعرف
مازن / نورا !!!
شريف / نورا نزلت مصر عايشه عند ناس كويسين
مازن / و ليه مقولتليش يا شريف مش قولتلك اى حاجه تخص نورا تقولى
شريف / هى مش عوزاك تعرف اعمل ايه و بعدين مهى معاها رقمك
مازن / و هى عامله ايه
شريف / زى الفل مش ناقصها اى حاجه الحيوان ده كان بيدايقها و احنا ظبطناه و فى عربيه ببودى جارد بتمشى وراها تاخد بالها منها متقلقش انت
مازن / مش متخيل انها تكون فى مصر و انا معرفش
شريف / نورا دلوقت مخطوبه و عايشه عند اهل خطيبها لو تحب تبوظلها حياتها تقدر تشغل قلبك الحنين و تكلمها و ياريت و انت بتكلمها تبقي تتخيل مرام بقي برد فعلها تمام الموضوع خلص
مازن / بتزعق ليه خلاص فهمت هتعمل معاه ايه ده
شريف / والله انا حبسته قبل كدا و نزلنا فيه ضرب لما صعب عليا و مشيته لقيته محرمش فقولت مبدهاش بقى نجيب ابوه يستلمه و نمضيهم على وصلات امانه محترمه و نخليه يعزل مالمنطقه عشان لو لاقدر الله محترمش نفسه يبقى عالحبس بقى
مازن / انت مالك طرى فى عقاباتك كدا ليه
شريف / لا والله على العموم احنا فيها يا مازن بيه اتفضل قولى ايه العقاب المناسب
مازن / مش عارف مفيش حاجه فى دماغى دلوقت اصلا مش عارف افكر
شريف / تصدق انك لو متعدلت لاتصل بمرام تظبطك
مازن / هى جنازه و تشبع فيها لطم يا شريف خلاص والله مهكلمها
شريف / الله دانت طلعت بتخاف بقى
مازن / على راى خالو الله يرحمه مفيش راجل عاقل مبيخافش من مراته
شريف / هههههههههههههه كان بيقول ضرر
مازن / عليك و على معرفتك
عربيه تركن و ينزل منها راجل يقابل شريف
الراجل / فين ابنى سعيد ابنى فين
شريف / جوه اتفضل
الراجل يجرى على جوه و ووراه مازن و شريف
.......................
فى شقه اسراء
ماجده تلطش اسراء بالقلم و نورا تروح تحوش بنهم و اسراء تعيط
ماجده / ياريتنى مت قبل مشوف اليوم ده حسبى الله و نعم الوكيل فيكى
اسراء / والله مكنت اعرف انه هيعمل كدا هو قالى هيجيب دليل انها وحشه
ماجده / غورى من وشى مش طايقه ابصلك غورى
اسراء تجرى على جوه
كريم / انا نازل
ماجده / على فين
كريم / انتى فكرانى هقعد هنا فى البيت
ماجده / ايوه هتقعد هتقعد ديدبان هنا عالباب لحد مارجع
كريم / و انتى رايحه فين دلوقت
ماجده / مسمعش نفس اوعى من وشى
كريم / استنى بس
ماجده / بقولك وسع
نورا / يا طنط اهدى والله العظيم هيتربى المرادى بجد صدقينى
ماجده / اوعى تفتكرى ان حوارك خلص على كدا انتى بقى ليكى حساب تانى خالص انتى لسه بتكلمى الناس دى انتى مش قولتيلى ان كل علاقاتك القديمه انتهت
نورا / ابدا والله خلينى بس اشرحلك
ماجده / تشرحيلى ايه و تهببى ايه
نورا / لما محدش فيكوا صدقنى ابواب الدنيا اتسددت فوشى لقيت شريف بيتصل بيا و الله هو اللى كلمنى قولتله على سعيد و هو اتعامل معاه
كريم / لو مكنوش مراقبينها ربنا واحده اللى يعلم كان هيحصلنا ايه احنا التلاته
ماجده / انت بتدافع عنها
كريم / ايوه بدافع منبقاش غلطانين و بنكابر انا اللى دخلت الكلب ده البيت و انتى مركزتيش مع بنتك اللى خدتهالهم و نصبتلها الكمين فى ايه كلنا غلطانين
ماجده تبص لكريم و لنورا و تفتح باب الشقه و ترزعه وراها كريم يفتح الباب يلاقيها واقفه عالسلم ماسكه فى الترابزين تزق كريم و تدخل جوه تانى على اوضتها و تقفل الباب يدخل و يقفل الباب نورا تبص لكريم و تدخل اوضه اسراء تلاقيها بتعيط تروح تقعد جنبها
اسراء / انا مكنتش اعرف
نورا / عارفه اهدى موقف و عدى
اسراء / ازاى بس
نورا / الحمد لله انها جت لحد كدا الحمد لله
اسراء / انا اسفه اوى يا نورا
نورا تتنهد و تاخد اسراء فى حضنها
.........................
فى المخزن
الراجل يضرب سعيد بالقلم
الراجل / يا حيوان يابن الكلب
شريف / ابقى ربيه فى البيت براحتك دلوقت خلص خلينا نمشى
الراجل / انتوا عاوزين ايه
شريف / بسيطه احنا اتكلمنا مع ابنك بالادب قبل كدا و مجابش نتيجه فقدامك حل من اتنين يا تستلم اللى هيتبقى منه يا تدينا شويه ضمانات انك هتربيه و تحطه تحت عنيك
الراجل / لا من جهه هربيه فانا هعيد تربيته من اول و جديد
مازن / مش بالكلام
شريف يطلع عقد ووصلات امانه الراجل ياخدها منه
شريف / اتفضل
الراجل / ايه ده ... لا طبعا مستحيل امضى عالهبل ده
مازن / خلاص تمام اشتغلوا يا رجاله
اتنين بودى جارد ينيموا سعيد فى الارض و يجيبوا منشار كهربا وواحد يشد ايد سعيد
سعيد / لاااا بابا
الراجل يحاول يدافع عن ابنه اتنين بودى جارد تانين يمسكوه
مازن / ابنك مد ايده على واحده من عيلتى و الايد دى هتتقطع
الراجل / خلاص همضى همضى
الرجاله تسيبه يمسك الورق و يمضى
مازن / وصولات الامانه دى هتفضل معايا طول مهو نضيف هتفضل فى الحفظ و الصون لو قل ادبه انت و هو هتتربوا فى السجن و الشقه تفضى فى خلال يومين و المنطقه كلها متعتبوهاش تانى مفهوم و لا لا
الراجل / مفهوم مفهوم
شريف / تروحوا للحاجه ام على و تقولولها انكوا بعتولهم الشقه تعويض عن قله ادب ابنكوا و تراضوهم و تبوسوا رجليهم لو مسامحوكوش احنا مش هنسامحكوا
الراجل / تمام حاضر سيبوه بقى
الاتنين الرجاله التانين يسيبوا سعيد يجرى يستخبى فى حضن ابوه زى العيال الراجل ياخده و يمشى
شاب 1/ و احنا
شريف / مين انتوا ... يلا يا رجاله
شاب 2/ طب فكونا طيب انتوا هتسيبونا مربطين كدا يا باشا
شاب 1 / يا باشا يا بيه
مازن و شريف و اللى معاهم يمشوا و يسيبوهم مربطين فى الارض
............................
فى شقه مرام
مرام تليفونها يرن تطلع مالمطبخ ترد
مرام / ايوه يا شريف ازيك ... بجد ... اه فهمت ... لا تمام تمام ... اه هكلمه ... تمام متقلقش انا هعرف اتصرف ... شكرا ... سلام
مرام تقفل سميحه تبصلها
سميحه / مالك يا مرام مال وشك قلب كدا ليه
مرام تبص لسميحه و تتنهد
...............................