السكه شمال بقلم / لولو_محمد ( كامله )

الحلقه ١٤٩

((((((((((((السكة شمال ))))))))
#لولو_محمد
الحلقه 149
مرام تدخل و شريف باين عليه انه مدايق
مازن / ليه عملت كدا
شريف يبصله و يبص الناحيه التانيه
مازن / انت عارف زياد غالى عندى قد ايه لانا هتحمل عليك كلمه و لا هتحمل عليه مليون مره قولتلكوا متقفوش قدام بعض الند بالند كدا انا مش هينفع اقف بينكوا هسيبكوا تاكلوا فى بعض هتاكلوا بعض و هتاكلونى و مش هعرف ادخل
شريف / شهاب قالى
مازن / شهاب دا عيل كداب و ابن كلب عاوز يضرب كرسى فى الكلوب و يوقع بنا
شريف / انت شايف كدا
مازن / انا شايف ان اللى فات نرميه ورا ضهرنا و نركز فى اللى جاى انا عريس و محتاجك جنبى ممكن لو سمحت تنسى كل حاجه فى الدنيا و تركز معايا ان فرحى يكون احسن فرح حصل فى الدنيا ممكن
شريف يهز راسه ايوه مازن ياخده تحت باطه و يدخلوا جوه
.............................................
فى المطبخ
مرام واقفه بتعمل شاى مروه تدخل و معاها موبايل
مروه / مرام مرام شوفتى اللى حصل
مرام / فى ايه ... تشربى شاى
مروه / الفيس مقلوب من امبارح واحده صحبتى اتصلت بيا و قالتلى مصدقتش الا لما شوفت بصى
مرام / فى ايه خير
مروه تفتح الفيس لمرام و توريها فيديو
محمود / رساله لمرام
شريف / البنت البسيطه
مونى / العسوله
صافى / ام اطيب قلب
انجى / الجريئه
كامل / الجدعه
صفوت / ست الكل
محمود / مازن بيحبك
شريف / مازن بيحبك
مونى / مازن بيحبك
صافى / والله بيحبك
انجى / بيحبك
كامل / مازن بيحبك
صفوت / انا بحبك قصدى مازن بيحبك
ناس كتير بصوت عالى / بيحباااااااااااك
مازن / انا بحبك ... لو بتحبنى او بتحب مرام قولها انى بحبها
مازن يغمز و يظهر فيديو للبوكس بتاعه دعوه الفرح و العريس و العروسه اللعبه بيلفوا مرام فى منتهى السعاده
مروه / بصى صفحه مازن كل الناس عاملين يفط و كاتبين عليها مازن بيحبك يا مرام و متصورين جنبها انتى مفتحتيش صفحتك دا كل الناس عملالك منشن
مرام / موبايلى فاصل مشوفتش حاجه
مروه / تصدقى هقتله محمود ده ازاى مقاليش كنت عملت معاهم والله هخاصمه
مرام / لا متخصميهوش مانتى اللى بلغتينى
مرام تيجى تشيل صينيه الشاى مروه تاخدها منها
مروه / عنك انتى عروسه بقى و كدا
مرام تبصلها و تطلع بره تلاقيهم كلهم بره مديحه و سميحه و مازن و صفوت و شريف و محمود ماسكين يافطه كبيره مكتوب عليها مازن بيحبك يا مرام وشها يحمر و تدحك مازن يروح ياخدها فى حضنه تتكسف اكتر
مازن / انا بحبك متخليش حاجه تدايقك
مرام / مفتكرش فى حاجه فى الدنيا ممكن تدايقنى بعد كدا اصلا
صفوت / كانت فكرتى على فكره
مرام / ربنا يخليك ليا
مازن / احنا شغالين عليها من يوم العزومه على فكره بس شيرته امبارح لما قفلت معاكى
مرام / انت مجنون على فكره
مديحه / ربنا يسعدك يا بنتى و يديم على قلبك الفرحه
مرام / تسلمى يا عمتى ربنا يخليكى ليا
مديحه / مازن بيحبك يا مرام
مرام تبص فى الارض
سميحه / مازن بيحبك يا مرام
مروه / بيحباااااااااااك
مرام / خلاص والله عرفت
سميحه / طب ايه
مرام / ايه
سميحه / متقولى حاجه
مرام / بعدين بعدين
مديحه/ يابت خلى عندك دم و قولى الله
مرام / و انا كمان
سميحه / و انتى كمان ايه
مرام / متبقيش رخمه بقى يا تيته الله هو عارف
سميحه / ههههههههههههههههه ربنا يسعدكوا يا ولادى يارب
صافى تدخل
صافى / سورى عالتاخير كنت بخلص شويه حاجات
مرام تروح تحضنها
صافى / ههههههههههههه شكلى فاتنى الحوار كله ... امممم مازن بيحبك يا مرام
مرام / مقولتليش ليه
صافى / و ابوظ المفاجاه الحلوه دى  .... ازيك يا تيته ازيك يا طنط حمد الله عالسلامه
سميحه / اهلا بالقمر ازيك مرام حكتلى على اللى عملتيه معاها
صافى / هى عملتلى اكتر
سميحه / هتسافرى خلاص
صافى / بعد بكره
مرام / هتوحشينى اوى
صافى / و انتى اكتر بقولك ايه بلاش الحاجات دى اجليها لما اجى مسافره مش هعيط من دلوقت انا مليش دعوه
شريف / مرام
مرام تبصله يديها الموبايل
شريف / مكنش ينفع ينزل عالفيس بس مكنش ينفع ميشاركوش
مرام تبص فى الموبايل صوره لمامه شريف و اخواته ماسكين يافطه مكتوب عليها مازن بيحبك يا مرام و تقى شايله قلب احمر تبتسم و تبص لشريف
مرام / شكرا مع انها مش كفايه بس انتوا فرحتونى اوى كلكوا مش عارفه حاسه انى هعيط
مرام تمسح دموعها مازن يجرى عليها ياخدها فى حضنه
مازن / لا عياط ايه قطع يابنى اليافطه دى ادى اللى بناخده من افكارك يا خالو
مرام تبصله و تدحك
صفوت / كل حاجه تجيبوها فيا كدا
مرام / دانت الخير و البركه
صفوت / قلبى يا ناس
مازن  / جملتى دى
الكل يدحك
......................
فى امريكا
فى كافيه
على / يعنى ده قرارك الاخير
نورا / مش حاسه انها هتبقى فكره كويسه يا على انا مضمنش رد فعلى مش عوزاه يبدا حياته معاها بمشاكل خصوصا بسببى مرام بنت كويسه جدا و هو بيحبها و هى كمان بتحبه اوى
على / و انا كمان بحبك اوى
نورا / انت ليه مستحملنى ليه صابر عليا انا لو مكانك اكيد هدايق هغير هعمل اى حاجه
على / مانا مدايق و غيران بس للاسف مفيش فى ايدى اى حاجه
نورا / على فكره مفيش حد بيعمل كدا
على / انا جربت ابعد و مقدرتش اعمل ايه اولع فنفسى يعنى
نورا / بعد الشر
على / هتزعلى عليا يعنى
نورا / طبعا اكيد يعنى
على يبتسم نورا تتنهد
على / مبتفكريش تكملى دراستك يا نورا
نورا / فكرت احول انتساب و انزل عالامتحانات بس نزول مصر صعب اوى بالنسبالى
على / ماديا و لا معنويا
نورا / كلو على انت عارف ظروفى الوضع بالنسبالى صعب انا طالع عينى هنا عشان اجيب مصاريفى و المشكله انى متعوده انى اعيش فمستوى تانى خالص غير ده يعنى شغلتى فى الاتيليه دى لوحدها عذاب
على / يعنى الكافيه الصبح عادى
نورا / كان فى الاول طبعا مدايقه انى بنضف مطرح الناس و كدا بس كنت محتاجاه اوى اللى هو لو معملتش كدا يا هجوع يا هرجع للقرف اللى كنت فيه فكان لازم بس الاتيليه الموضوع مختلف انا اصلا بحب اللبس و كل هدومى كانت سنيهات فانى اشتغل فى الفاشون عاوزه اشترى كل الهدوم عاوزه اقيسها ببقى ماسكه نفسى بالعافيه انى ادى كومنت وحش لزبونه
على / هههههههههههههههههههههههه دا الموضوع صعب جدا
نورا / جدا يعنى اللى هو نفسى اقولك ان الدرس ده بشع عليكى بس للاسف انا لازم ابيعه عشان اقبض اخر الشهر فهبلع رايى و مبروك عليكى جميل جدا و لا بقى لما بلاقى حد منقى طقم مش متناسق غالبا شهر و لا اتنين ماكسيمام و هكمل بمهدئات فى الشغلانه دى
على / هههههههههههههههههههههه
نورا / حقك تدحك طبعا
على / انا عاوز اعرفك باهلى
الدحكه تروح من على وش نورا
على / انا عارف ان الموضوع هيبقى صعب عليكى و عليهم بس انا بعتلهم صورتك امبارح و كنت عاوزك تتكلمى مع ماما
نورا / هقولها ايه
على / مش عارف غالبا لو زى الافلام هتطلب منك تبعدى عنى و تسبينى اشوف مستقبلى هتديكى كلمتين فى جنابك بس انا امى مش كدا انا امى ست ملتزمه جدا و تعرف ربنا فان شاء الله خير
نورا / طب واحده ملتزمه جدا هتقبل بواحده زيي ليه
على / عشان انتى توبتى .. مش انتى توبتى برده و لا ايه
نورا تبص لعلى بيشرب العصير و باصصلها تبص فى الطبق اللى قدامها
....................................
فى كافيه تانى فى مصر
مازن قاعد نيفين تدخل تقعد و هى ملهوفه
نيفين / طمنى عملت ايه
مازن / الفلاشتين اتحرقوا خلاص و الموضوع اتقفل
نيفين / الحمد لله ... مازن انا مش عارفه اشكرك ازاى
مازن / انا كان ممكن اقولك ان الموضوع خلص فى التليفون بس انا طلبت انك تيجى عشان انا عاوزك فى موضوع مهم
نيفين / خير
مازن / اللى انتى بتعمليه دا غلط اللى انتى عملتيه غلط من الاول بس ....كدا غلط
نيفين / انا عارفه انى غلطت بس انا كنت صغيره و انت عارف بابا و انس كان
مازن / انا مبتكلمش عن اللى فات انا بتكلم عن جوازك و عن الدكتور اللى روحتيله
نيفين / انت عرفت منين
مازن / حوار الدكتور .. زى مكل الناس عرفت انك حامل .. و زى مكلهم عرفوا انك سقطتى
نيفين / لبنى ؟؟ بس انا مقولتش للبنى انى روحت للدكتور انا مقولتش لمخلوق
مازن / نيفين دا مش موضوعنا
نيفين / هى عاوزه منى ايه هى بتعمل كدا ليه انا مش قادره افهم
مازن / نيفين .. الموضوع انتهى خلاص لا انس و لا لبنى و لا اى حد من الجروب عندنا هيكلمك انا وعدتك بس انتى هتتجوزى مينفعش تبدئى حياتك بكدبه زى دى
نيفين / انت متعرفش حاجه ماشى
مازن / اكيد بس دا مجرد راي .. نيفين انتى مغصوبه عالجوازه دى
نيفين / لا بمزاجى .... الموضوع كبير و معقد ... هو يبقى كفيل بابا و جه مصر اجازه و عجبته بس طبعا بابا رفض فقلب عليه و كان هيحبسه هناك و مضاه على ورق مكنش قدامى حل تانى
مازن / نيفين لو عوزانى ادخل
نيفين / يا مازن مش هتفرق كتير انا فكرت فيها و حسبتها يعنى انا كنت مستنيه ايه اكتر من كدا بعد كل اللى حصل و هو بما انه واطى و ابن كلب اوى كدا فاكيد يستاهل واحده زباله زيي
مازن / و اخرتها انتى كدا بتضيعى اللى باقى من عمرك
نيفين / هو كدا كدا ضايع مش هتفرق صدقنى و بعدين متقلقش عليا قعدتى وسطيكوا و عشرتى معاكوا خلتنى اتعلم حركتين تلاته و اهو يمكن
مازن / بصى يا نيفين انا عارف انى مش الشخص اللى يدى نصايح و انى انا كمان ازيتك زيهم و انى كنت وحش جدا معاكى بس خلينا نتفق انك لو احتجتى لاى حاجه انا عمرى مقفلت بابى فوش حد
نيفين / عارفه و عشان كدا انت اول واحد كلمته
مازن / تشربى حاجه ؟؟
نيفين / انا فرحى يوم الخميس تحب تيجى
مازن / هشوف مرام لو فاضيه هنيجى حاضر
نيفين تبتسم و تقوم تسلم على مازن و تمشى و مازن يقعد يكمل فنجان القهوه بتاعه
........................................
فى الفيلا
مازن بيكلم مرام فى التليفون
مرام / انت عاوز تروح
مازن / انا عاوز ابقى معاكى انتى شوفى ظروفك ايه
مرام / انا بقول انها مش هتبقى فكره لطيفه يعنى هنروح بصفتنا ايه
مازن / زمايلها فى الكليه عادى
مرام / بلاش يا مازن مش عارفه
مازن / خلاص تمام
مرام / لو عاوز تروح انت
مازن / و اروح منغيرك اعمل ايه ماجى اقضى الوقت ده معاكى و خلاص
مرام / سبها لله من هنا للخميس ربنا يحلها
مازن / تمام
مرام / بقولك يا مازن
مازن / قلب مازن
مرام / انا مدايقه اوى بسبب سفر صافى بجد
مازن / مستقبلها
مرام / عارفه بس هتوحشنى اوى
مازن / ايه رايك تروحيلها بكره تقضى معاها اليوم كلو و تشوفى لو ناقصها حاجه و كدا
مرام / مش عاوزه ابقى عازول
مازن / مش فاهم
مرام / اصلى بيتهيالى يعنى انها متفقه مع شريف يقضوا اليوم سوا
مازن / اهاااااااااااا
مرام / ههههههههههههههه والله شريف ده جزمه
مازن / متستعجليش على رزقك
مرام / هو كلمك فى حاجه
مازن / اكيد لا طبعا بس يعنى هو انا تلميذ
مرام / ازاى دانت الاستاذ يا استاذ
صفوت يدخل الفيلا
مازن / بقولك ايه هكلمك بعدين خالو جه و كنت عاوزه فى حوار كدا
مرام / تمام يا قلبى سلام
مازن / سلام
مازن يقفل و يروح لخاله
مازن / حمد الله عالسلامه ايه النظام هاه هاه هاه
مازن يغمز لخاله
صفوت / يابنى اقسم بالله شغل ههههههههههههههههه
مازن / و انا هصدقك
صفوت / فاكر البنت اللى كنت حكيتلك عنها اللى جت تستثمر فى مصر و معرفتش تمشى فى الروتين و القرف ده
مازن / اه جميله باين مالها
صفوت / هى دى خلاص بنفنش فى التراخيص بتاعتها و باذن الله هتبدء شغل قريب اوى
مازن / طب تمام فين المشكله بقى
صفوت / مفيش مشاكل الحمد لله مش فاضل بقى غير شحن المكن و الحاجات اللى هى مستورداها و طبعا شركتنا اللى هتقوم بالموضوع فكنا بنمضى العقود و بنتفق عالاسعار
مازن / و طبعا انت قلبك كبير و جاملتها
صفوت / دى قد عيالى يا حيوان
مازن / بهزر معاك يا خالو فى ايه مالك قافش كدا ليه
صفوت / مش قافش مرهق جدا هموت و انام
مازن / بعد الشر عنك يا خالو  دانت الخيط و البكره 
صفوت / تصبح على خير يا مازن
مازن / و انت من اهله يا خالو و انت من اهله يا حبيبى
صفوت يطلع لفوق و مازن يمسك الموبايل و يتصل مشغول
مازن / بترغى مع مين و سيبانى لوحدى يا كلبه .... اذا فهو زعتر
مازن يطلع الجنينه و يقعد يلعب مع زعتر
.................................
فى شقه صافى
صافى بتتكلم فى التليفون
صافى / انا تقريبا قفلت الشنط خلاص عشان منساش حاجه
مرام / متاكده
صافى / ايوه و بعدين هو انا يعنى مهاجره فصحره مهناك كل حاجه يعنى اى حاجه هنساها هشتريها من هناك مدام معايا ورقى خلاص كل حاجه تانيه تعدى
مرام / تمام تمام
صافى / كان نفسى اوى احضر فرحك
مرام / هبقى ابعتلك الفيديو و الصور
صافى / و انا كمان هبقى اكلمك كتير اوى من هناك
مرام / تمام ناويه على ايه بكره بقى
صافى / مفيش
مرام / بتهزرى مفيش ازاى هو شريف مكلمكيش فى اى حاجه يعنى متفقتوش على حاجه
صافى / لا هو المفروض يكلمنى فى حاجه
مرام / معرفش بس انا كنت فاكره ... اممم مش عارفه غريبه اوى دى
صافى / ايه الغريب فى الموضوع انتى لسه بتفكرى فى الحوار الاهبل ده يا بنتى مليون مره قولتلك مفيش بينى و بين شريف اى حاجه اصلا
مرام / خلاص خلاص نتقابل بكره بقى و نقضى اليوم سوا مدام خلصتى كل حاجه يعنى نعمل السليب اوفر بتاعتك دى و نشغل اغانى و نرقص و ننبسط و نولعها ايه رايك
صافى / دى احلى فكره خرجت من احلى بنت تعرفى .... لحظه معايا وايتنج ... شريف
مرام / طب اقفلى و ردى عليه و بعدين كلمينى
صافى / اوك
صافى تقفل و ترد على شريف
صافى / هاى ازيك
شريف / انا تمام و انتى اخبارك جهزتى كل حاجه و لا لسه فى حاجه ناقصه انا خدت بكره اوف عشان لو فى حاجه ناقصه
صافى / امممم
شريف / ايه اتاخرت اوى و لا ايه
صافى / لا الحقيقه انا خلصت كل حاجه
شريف / امممم طيب انا كدا خدت الاجازه عالفاضى و لا ايه انا معنديش اى نيه اروح للشركه بكره انا تقريبا بوست ايد محمود عشان يغطى مكانى
صافى / ههههههههههههه اممم ممكن تدينى خمس دقايق و اكلمك تانى
شريف / طبعا
صافى /سلام
صافى تقفل و هى فرحانه و تتصل بمرام
مرام / متقوليش عاوز يقضى معاك اليوم و ناويه تفكسى ليا و مش عارفه تفتحى الموضوع ازاى لانكم مفيش بنكوا اى حاجه و انتوا مجرد اصدقاء بس
صافى / هههههههههههههههه لا مش عاوزه افكسلك و لا حاجه انا بس هتاخر عليكى شويه لو يعنى ذاتز اوك يعنى
مرام / دا هو ده الاوك بعينه
صافى / هروح ارد عليه و هكمك تانى
مرام / ان شاء الله فى المشمش بكره بقى و عليكى خير
صافى / هههههههههههههههههههه اوك يلا سلام
مرام / سلام
صافى تقفل و تكلم شريف تانى
صافى / يا ترى غيرت رايك و لا لسه
شريف / هههههههههههههههههه عرفتى تفضيلى مكان وسط معجبينك الكتير اللى عاوزين يودعوكى بكره
صافى / انا مش محظوظه اوى ان يبقى فى ناس كتير فى حياتى مفيش غير مرام ..و انت طبعا
شريف / ايه ده انا كدا مالنخبه
صافى / هههههههههههههههههه
شريف / تمام تحبى تعملى ايه بكره بقى فى اخر يوم ليكى فى مصر
صافى / امممم مفيش حاجه فى دماغى مرام كانت اقترحت اننا نعمل سليب اوفر و كدا
شريف / دى فكره حلوه جدا اخواتى هيفرحوا بيها جدا ممكن تعمليها عندنا فالبيت تقفلى شقتك و تجيبى شنطتك و تيجى تباتى معاهم هنا و مرام تيجى و الصبح اوصلك المطار
صافى / انا كنت فاكراك واخد اليوم اجازه
شريف / حصل ... اااااااااه ايوه انا كنت بتكلم عن بالليل يعنى
صافى / اااه لا تمام تمام كدا تمام اوى
شريف / طب مقولتيش بقى تحبى تقضى اليوم ازاى
صافى / قولى انت لو ده اخر يوم ليك فى مصر هتعمل ايه
شريف / اخر يوم ؟؟ اخر يوم خالص يعنى مش هترجعى تانى ؟؟ قصدى يعنى مش هرجع تانى
صافى / لا طبعا اقصد يعنى على الاقل هتقعد فتره على مترجع يعنى هو ده اللى اقصده
شريف / اه فهمت اممم على العموم بيتهيالى هاخد جوله سياحيه سريعه يعنى ممكن الاهرامات الحسين مثلا مركب فى النيل امممم يعنى حاجه كدا
صافى / شكله هيبقى يوم ممتع اوى
شريف / تمام خلاص اتفقنا تحبى اعدى عليكى بكره الساعه كام ؟
............................