السكه شمال بقلم / لولو_محمد ( كامله )

الحلقه ٩٢

((((((((((السكة شمال )))))))))
#لولو_محمد
الحلقه الثانيه و التسعون
صافى / الله حلو اوى و متاكده انك لما تخلص الايديت هتبقى احلى
مازن / متقلقيش هبعتهملك النهرده
صافى / ربنا يخليك ليا انا هروح اكمل اكل بقى احسن انا مكلتش حاجه من الصبح من كتر التوتر اللى كنت فيه
صافى تمشى و مازن يروح يخبط عالباب
مازن / مرام
مرام / ثوانى و لا اقولك ناديلى صافى و لا اى حد يساعدنى
مازن يفتح و يدخل يلاقى مرام بشعرها
مازن / ينفع انا
مرام تبصله مازن يقفل الباب و يبصلها و يبتسم
..........................
مرام / بتقفل الباب ليه
مازن / افرضى شريف و لا حد مالشباب معدى يشوفك يعنى
مرام / اه صح ممكن تفكلى الرباط
مرام تدى لمازن ضهرها يفكلها شعرها
مرام / انت بتعمل ايه
مازن يبصلها و يبتسم
مرام / جبتك يا عبد المعين وسع انا غلطانه اصلا
مرام تيجى تعديه يمنعها
مازن / انتى زعلانه منى صح
مرام / لا ليه
مازن / مرام انا بحبك
مرام / تيته مستنيانى فالبيت
مازن/ لا انتى بتكدبى انتى عاوزه حجه عشان تمشى من هنا عشان ادايقتى ماللى حصل
مرام / متعملش فيلم يا مازن مفيش حاجه حصلت بالعكس انا استمتعت جدا كمان و عشت تجربه جديده و كمان اكيد تيته لما تشوف الصور يعنى هتفرح اوى خصوصا صورتى بالفستان ده
مازن / انا اسف
مرام تبصله
مازن / انا مقدرش اغير الماضى
مرام / عارفه بص هو يمكن عشان الموضوع كلو جديد عليا
مازن / لفى خلينى افكلك الرباط
مرام تلف مازن يجيب شعرها على قدام و يفك الرباط
مازن / ريحه شعرك حلوه اوى
مرام / شامبو لسه مستحميه الصبح
مازن / لو جبت تقدير الترم ده تتجوزينى
مرام تبعد و تبصله تلاقيه مبتسم
مازن / ايه
مرام / شكرا اطلع بقى انا هكمل
مازن / طب مش هتردى عليا
خبط عالباب مرام تبتسم مازن يروح يفتح و يطلع يلاقى بنت 1
بنت 1/ اه سورى مكنتش اعرف انك هنا عالعموم هرجع وقت تانى خدوا راحتكوا
بنت 1 تبص على مرام و شعرها مفكوك على كتافها
بنت 1/ مش قولتلك منغير الحجاب احلى
بنت 1 تمشى مرام تبص لمازن و تروح تقفل الباب بنفسها
مرام / اتعودى دى هتبقى حياتك بعد كدا و لسه ياما هتشوفى
مرام تروح تغير هدومها
...............................
فى كافيه عند نورا
على يدخل و يقعد نورا تشاور لزميلتها تشوفه و زميلتها تروح تصبله القهوه و هو بيبص على نورا و بعدين يقوم و يروح لنورا و يقف قدامها مبلم
نورا / فى ايه
على / عاوز اتكلم معاكى
نورا / دا مكان شغلى ترضى اجيلك الشغل و اعملك كدا
على / تعالى لو ده هيخليكى تكلمينى انا بشتغل فى الشركه اللى فاول الشارع
نورا تبص الناحيه التانيه
على / هعدى عليكى لما تخلصى
نورا / انت بتضيع وقتك عالفاضى
على / هعدى عليكى
على يطلع فلوس فجيبه و يروح يحاسب و يمشى زميلتها تروح تضربها فى كتفها و تغمزلها و هى بتدحك
.............................
فى العربيه عند مازن
مازن / هتفضلى ساكته كدا كتير
مرام / بسال نفسى يا ترى فى كام واحده غيرهم فى كام مره تانيه همر بنفس الموقف ده
مازن / هما غيرانين منك
مرام / منى انا ؟؟ الفلاحه اللى متسواش
مازن / ايه اللى بتقوليه ده
مرام / مش دا رايهم فيا دا راى كل اللى حواليك فيا وصوليه شحاته فلاحه معقول هى دى اللى مازن اختارها ها ها ها
مازن / اديكى قولتيها هى دى اللى مازن اختارها راى الباقىين مش مهم
مرام / و لحد امتى لحد امتى هسد ودانى و اغمض عينى و اعمل كان مفيش حاجه حصلت لحد امتى هما مش هيسكتوا عمرهم مهيسكتوا كل يوم هيطلعلى واحده جديده و كل يوم حاجه جديده تحرقلى دمى
مازن / ميولعوا انتى مديالهم قيمه ليه انا سبتهم كلهم و اخترتك انتى
مرام / بعد ايه اخترتنى بعد ايه
مازن / بعد مشوفتك يا مرام اعمل ايه يعنى انتى ليه مصره تعذبى نفسك و تعذبينى كدا
مرام تبص الناحيه التانيه
مرام / لو كان الوضع معكوس
مازن يركن العربيه و يسيبها و ينزل يروح يقف بعيد و مرام عينها عليه مدايق تضرب الكلاكس يبصلها و يرجع يركب و يسوق
مازن / انا بحبك بحبك انتى و بس سبت الدنيا كلها و اختارتك انتى بقدملك النهرده و بكره و بعده و اللى باقى من عمرى هو ده كل اللى عندى هو ده كل اللى اقدر عليه بس لو ده مش كفايا بالنسبالك
مازن يبص لمرام يلاقيها بصاله يسكت
مرام / سكت ليه
مازن / مش قادر اقولها
مرام / نسيب بعض؟؟
مازن / دا على جثتى مش هيحصل
مرام تبتسم و تبص الناحيه التانيه
مازن / انا عارف ان مش سهل عليكى انا عارف انتى حاسه بايه
مرام / لا مش حاسس
مازن / قادر اتخيل خلاص
مرام تتعدل فى الكرسى و تنفخ
مازن / انا اسف
مرام تبصله
مازن / اسف على كل كلمه وحشه سمعتيها اسف على كل واحده عرفتها قبلك اسف انى مش قادر اغير اللى فات و اسف انى برده مش هقدر اخفف من ديقتك دى انا اسف
مرام تبص قدامها
مازن / انا عارف انى دخلت حياتك لخبطتها بس انتى دخلتى حياتى عدلتيها يا مرام
مرام تبصله
مازن / انا لاول مره فحياتى سعيد لاول مره فحياتى عندى سبب اقوم عشانه الصبح عندى سبب اعيش عشانه عندى هدف عاوز اوصله هدف حقيقى لاول مره احس
مرام / تحس بايه
مازن / باى حاجه حتى لو كانت الخوف اول مره خوفت كانت عليكى خايف اخسرك خايف يجرالك حاجه اول مره احس حتى بالزعل زعلت عشان مش قادر اكون جنبك بالفرح عشان بقيت جنبك اول مره احس بكل حاجه كانت معاكى و بسببك و عشانك انتى مليتى الفراغ اللى فروحى كملتينى و مش هسمحلك و لا هسمحلك و لا هسمح لجنس مخلوق انه يفرقنا فاهمه و لا لا
مرام تبتسم
مازن / اللى حصل النهرده مش المفروض انه يدايقك بالعكس دا حصل عشان انتى قهراهم عشان انا سبتهم و اختارتك انتى عشان انتى ستهم و تاج راسهم و اقل ضوفر فرجلك برقبتهم كلهم انتى مرام نور الدين ست البنات كلها انتى حبيبتى فهمتى و لا لا
مازن يركن العربيه و ينزل هو و مرام و يتمشوا لحد البيت و هى مبتسمه بخجل و بتحاول تداريها
مازن / انا هروح عشان اخلص حاجه صافى زاكرى و خلصى اللى وراكى و نامى و اعملى كل حاجه عشان هتصل بيكى
مرام تهز راسها مازن يجى يمشى مرام ماسكه ايده يبصلها باصه فالارض و ماسكه فايده و فجاه تحضنه يتخض و يبتسم و يحضنها
مرام بصوت واطى اوى / بحبك
مرام تسيبه و تطلع تجرى على فوق و تفتح الباب و ترزعه و مازن واقف مبتسم و مصدوم و سعيد
...............................
فى الاستوديو
مازن يدخل يلاقى صافى و البنتين لابسين يبتسم و يمسك الكاميرا و يصور البنتين يروحوا يلبسوا و صافى تروحله و تبصله بخبث
مازن / فى ايه
صافى / شكلك صالحتها
مازن / روحى غيرى يا صافى خلينا نخلص لسه الايديت هياخد شغل
صافى / بقى كدا هتخبى عليا ماشى
صافى تمشى مازن يبص يلاقى شريف قاعد باصصله و حاطت رجل على رجل
مازن / افندم انت كمان
شريف / مفيش قال يعنى هتحكيلى
مازن / مالكوا فى ايه هو ايه يعنى اللى حصل
شريف / صيع عليا صيع
مازن / لا اله الا الله هو انت قاعد ليه يا شريف موراكش حاجه تعملها
شريف / لا فاضى
مازن / فقولت تتسلى عليا مش كدا على العموم
شريف / لا لا لا متكملش خلاص يا عم ربنا يهنى سعيد بسعيده انا قايم
شريف يقوم يطلع بره مازن يدحك و هو بيضرب كف على كف
..........................
فى امريكا
نورا خارجه مالكافيه تمشى على يجرى وراها
على / نورا نورا
نورا تقف
نورا / افندم
على / انا عارف ان وراكى شغل و عارف انك مش فاضيه
نورا / طب كويس
على / ممكن طيب اوصلك اتمشى معاكى لحد هناك
نورا تبص الناحيه التانيه
على / ارجوكى
نورا / اتفضل يمكن تهدى و تبعد عنى اتفضل
على و نورا يمشوا
على / بصى انا فكرت كتير فالكلام اللى انتى قولتيه المره اللى فاتت بس انا والله مش كدا خالص و صدقينى حاولت اسيبك على راحتك و ابعد بس مقدرتش نهائى مقدرتش
نورا / انا مش البنت اللى انت متخيلها مش هيجيلك من ورايا غير تعب القلب صدقنى
على / ماشى
نورا / هو ايه اللى ماشى
على / اتعبى قلبى
نورا/ لا اله الا الله
على / هعدى علكى بعد الشيفت
نورا تسيبه و تدخل المحل
............................
فى شقه مرام
سميحه / يعنى انبسطتى
مرام / يعنى لما مازن يبعت الصور هوريهالك
سميحه / ربنا يسعدكوا كمان و كمان مع انى حاسه ان فى حاجه
مرام / حاجه ايه
سميحه / انا اللى مربياكى قولى فى ايه
مرام / فكل مره حد من اللى حوالين مازن بيشوفنى بيقعدوا يبصولى كدا هى دى هى دى اللى مازن اختارها دى فلاحه دى شحاته هو انا يعنى لازم اقلع و ابين حسمى عشان اعجبهم اصلا مين قال انى عاوزه اعجبهم
سميحه / ميتفلقوا بعيد عننا دول مقهورين منك عشان سابهم و اختارك انتى
مرام / ايوه يا تيته بس برده الواحد بيدايق
سميحه / فاكره الفلوس اللى كنت هديها لمازن بدل العمليه
مرام / ايوه
سميحه / خديها و اشتريلك بيها لبس جديد مالغالى و اتشيكى قدامهم و اتانتكى
مرام / ايه يا تيته الكلام ده دانا كنت فكراكى جبتى دهب بدل اللى بعتيه
سميحه / انا كنت شيلاهم لجهازك بس دلوقت ملهمش عازه مازن مش محتاجهم
مرام / ايوه بس برده هاخد الفلوس دى كلها اجيب بيها لبس
سميحه / الله مهو بصراحه انتى لازم تشرفيه وسط اصحابه و ناسه اكيد هو كمان لما بيسمع الكلام ده بيدايق حتى لو مبينش و يمكن يا مرام يكون عاوز يفاتحك فى الموضوع و محرج او خايف يحرجك او تحرجيه او تزعلى منه
مرام / لا مفتكرش مازن عمره معلق على لبسى
سميحه / والله فكرى و اتكلمى معاه و شوفى هيقولك ايه
تليفون مرام يرن مرام تبص لسميحه
سميحه / انا رايحه لعمتك اشوف عملوا ايه فحوار الدبيحه خدى راحتك
سميحه تمشى و التليفون لسه بيرن فايد مرام لحد ميفصل و مرام قاعده تبصله يتصل تانى متردش برده تجيلها رساله عالواتس مترضاش تفتحهاو تبتسم بخجل و تحط الموبايل جنبها و تقعد تفكر
/////////////////////
مرام / متردى عليه ... لا اكيد هيتكلم فى اللى حصل ... يا سلام و هو ايه اللى حصل مهو جوزك ... لا طبعا دلوقت انتى اديتيله الاذن هيقعد بقى فى الرايحه و الجايه يحضن ... عادى قوليله مش هنكررها ... اصلا انتى اللى غلطتى .. اصلا
/////////////////
صوت اشعار عالفيس مازن مشير اغنيه يا مالى عينى لتامر حسنى و كاتب عليها كان نفسى اغنى بس ارواح الناس مش لعبه بس دى الكليمات لبتوع الباقه  : يا مالى عينى .... حياتى وقفه عليك من حبى فيك الله يعينى حبك عاملى مشكله متشوفلى حل فيها حبيبى شوف طريقه قلبى الحقيقه جاب اخره منى مش انت برده عايزنى ليك طب يلا احنا فيها نار نار نار نار جوه منى قايده نار نار نار نار جوه و اعمل ايه حبيبته و مستنى يحس بيا و يرحم عذابى ماللى انا عايش فيه نار نار نار نار جوه منى قايده نار نار نار نار جوه و اعمل ايه حبيبته و مستنى يحس بيا و يرحم عذابى عذابى ماللى انا عايش فيه ... يا مالى عينى نار نار نار .... يا مالى عينى ............تفاصيل فيك انت اه منك انت حليت سنينى ريحلى قلبى عوضلى تعبى سايبنى ليه بعانى و لا غيرك لازمنى و انت فاهمنى يا مالى عيني اللى زيك يجى مره و صعب يجى تانى نار نار نار نار جوه منى قايده نار نار نار نار جوه و اعمل ايه حبيبته و مستنى يحس بيا و يرحم عذابى ماللى انا عايش فيه نار نار نار نار جوه منى قايده نار نار نار نار جوه و اعمل ايه حبيبته و مستنى يحس بيا و يرحم عذابى عذابى ماللى انا عايش فيه
مرام تبتسم و تفتح اليوتيوب و تقلب فى الاغانى لحد متلاقى اغنيه شيرين انا مش بتاعه الكلام ده تشيرها : انا مش بتاعه الكلام ده انا كنت طول عمرى جامده انا مش بتاعه الكلام ده انا كنت طول عمرى جامده و المرادى ايه جرالى انا ليه مسلمالك انت ازاى ملكت حالى خلتنى مشتقالك و المرادى ايه جرالى انا ليه مسلمالك انت ازاى ملكت حالى خلتنى مشتقالك انا واحده غيرى دا مش تفكيرى بتغير مالنهرده فى حاجه لقيتها فيك عمرى مقابلتها عمرى مقابلتها مش عارفه اوصفها ليك انا بس بحسها  فى حاجه لقيتها فيك عمرى مقابلتها عمرى مقابلتها مش عارفه اوصفها ليك انا بس بحسها انا اى حاجه مخوفانى بحس بعكسها انا مش بتاعه الكلام ده انا كنت طول عمرى جامده انا مش بتاعه الكلام ده تشيرها : انا مش بتاعه الكلام ده انا كنت طول عمرى جامده و المرادى ايه جرالى انا ليه مسلمالك انت ازاى ملكت حالى خلتنى مشتقالك و المرادى ايه جرالى انا ليه مسلمالك انت ازاى ملكت حالى خلتنى مشتقالك انا واحده غيرى دا مش تفكيرى بتغير مالنهرده
مرام تحط الموبايل جنبها يرن تبصله و متردش تجيلها رساله و اتس تفتحها
مازن / معقول نمتى والله لسه مخلص .... انتى مخصمانى بقي و لا ايه
صوت نوتيفيكاشن مازن شير اغنيه قاظم الساهر قولى احبك و يكتب عليها نلعب ماشى الكلمات : قولى احبك كى تزيد وسامتى فبغير حبك لا اكون جميلا قولى احبك كى تصير اصابعى ذهبا و تصبح جبهتى قنديلا  قولى احبك كى تزيد وسامتى فبغير حبك لا اكون جميلا قولى احبك كى تصير اصابعى ذهبا و تصبح جبهتى قنديلا الان قوليها قوليها الان قوليها و لا تتردى بعض الهوى لا يقبل التاجيلا ساغير التقويم لو احببتنى امحو فصولا او اضيف فصولا و سينتهى العصر القديم على يدى و اقيم عاصمة النساء بديلا  ملك انا لو تصبحين حبيبتى املو الشموس مراكب و خيولا لا تخجلى منى فهذا فرصتى لاكون بين العاشقين رسولا قولى احبك كى تزيد وسامتى فبغير حبك لا اكون جميلا
مرام تدحك و تشغل الاغنيه و هى مبتسمه و بعدين تفكر و تروح تشير اغنيه الليسا جوايا ليك  و تكتب عليها الكلمات : جوايا ليك احساس بيكبر كل يوم العين تنام و القلب عمره مجاله نوم من كتر شوقى و لهفتى شايل هموم جوايا ليك احساس بيكبر كل يوم العين تنام و القلب عمره مجاله نوم من كتر شوقى و لهفتى شايل هموم رتحتلك احساس غريب بحسه لما ببصلك و بحنلك لو حتى جنبى فحضن قلبى بحنلك سلمتلك اغلى ما عندى حتى قلبى فتحتلك جوايا ليك احساس بيكبر كل يوم العين تنام و القلب عمره مجاله نوم من كتر شوقى و لهفتى شايل هموم عمرى انا محتاجه كل نظره حنينه روحى انا الثانيه فبعادك بكام مليون سنه قلبى انا لما بتبعد عنى بيكون مش هنا جوايا ليك احساس بيكبر كل يوم العين تنام و القلب عمره مجاله نوم من كتر شوقى و لهفتى شايل هموم
شريف يشير اغنيه و انا عامله نفسى نايمه و يعمل منشن لمرام و مازن و يكتب والله ابغى اللعب معاكوا بس استحى
مرام تدحك مازن يعمل كومنت
مازن / نفسى الاقى سبب واحد مقنع انى اعرفك مش لاقى
شريف / طبعا حقك يا عم من لقى احبابه بقى الله يسهلوا
صافى / اعمله بلوك يا مازن
مازن / بزمتك مش صح
شريف / هى بقت كدا كلكوا عليا خلاص
مرام تدحك تليفونها يرن تبصله و ترد
مرام / الو
مازن / بوظ اللعبه دانا كنت جهزت لسته طويله اوى
مرام / بجد
مازن / بس ممكن نكملها فى التليفون لو تحبى
مرام / لا مش مشكله
مازن / مبترديش عليا ليه
مرام / مانا رديت اهو
مازن / اه مانا واخد بالى انا بتكلم عن قبل كدا
مرام / مانا رديت اهو
مازن / ماشى هخلينى انا الكبير و اعديها بس متكرريهاش
مرام / مانا رديت اهو
مازن / انتى علقتى و لا ايه
مرام / هههههههههههههههههه
مازن / وحشتينى اوى
مرام / ماشى
مازن / هو ايه اللى ماشى بس تعرفى العيب مش عليكى العيب عليا انا انى عشمت نفسى ان ابو الهول يتنطق
مرام / ههههههههههههههههههه انت طماع اوى
مازن / جدا
مرام / طب و انا اعملك ايه
مازن / متسمعى كلام القيصر و تقوليها بقى
مرام / مانا قولتها
مازن / محصلش
مرام / انت بقى اللى مختش بالك
مازن / تستاهلى اللى يجرالك بقى احم احم قولى بحبك بصوت عالى قولى بحبك يا حبيبى يا غالى
مرام / ههههههههههههههههههههههه
مازن / انتى بتعذبينى انا و الله ذنبى ايه انا فالنشاز ده
مرام / الله مش انت اللى بتغنى
مازن / طب متغنيلى انتى
مرام / صوتى وحش
مازن / احكم بنفسى
مرام / طب هبعتلك اغنيه احسن
مازن / عشان خاطرى اغنيه واحده بس
مرام / اغنى ايه طيب
مازن / اى حاجه قولى اى حاجه
مرام / امممم طيب احم احم حبيبى و لا علاباله شوقى اليه و لا شاغل باله انادى عليه و ليالى كتير افكر فيه و احن الليه و انا مالى
صمت
مازن / كملى سكتى ليه
مرام / مش حافظه الباقى و بعدين متبقاش طماع بقى
مازن / انا كدا طماع طب دانتى حتى بخيله عليا اوى دانا خسيت النص بسببك يا شيخه
مرام / اخص عليا خلاص تعال بكره و انا اعملك كل الاكل اللى انت بتحبه
مازن / تؤ انا مش عاوز الاكل ده انا عاوز اكل مالتانى
مرام / مبعرفش اطبخ غير ده
مازن / غريبه مع انك سويتينى عالاخر
مرام /هههههههههههههههههههه
مازن / هو احنا ممكن نتكلم فيديو
مرام / لا
مازن / ليه لابسه حاجه برده هتعجبنى
مرام / متبطل قله ادب بقى الله
مازن / ههههههههههههههههههه لا اله الا الله
مرام / محمد رسول الله
مازن / يا بنتى الفيديو هيبقى على وشك بس
مرام / طب دا اللبسله حجاب و لا افتح عادى و لا ايه
مازن / و لما اشتمك يعنى حجاب ايه يام حجاب انا معايا قسيمه جواز امال انا كنت بحفظ السوره دى كلها ليه
مرام / خلاص بالراحه بسال بس ثوانى
مرام تفتح الكاميره
مازن / انتى نايمه عالسرير
مرام / لا عالكنبه فى الصاله  صحيح خلصت حاجه صافى
مازن / اه و بعتتها بس على فكره انا شلت صورك منهم و خليتهم يعيدو تانى الكام فستان بتوعك
مرام / للدرجادى
مازن / طبعا حبيبتى بتاعتى لوحدى مش هسيب انا صورك مع كل من هب و دب يكبر و يصغر و يزوم و يركز فتفاصيلها يعنى
مرام / بس عشان كدا
مازن / طالعه فيهم شبه الملايكه خصوصا ففستان الفرح انا اشتريته منها على فكره لو تحبى تاخديه تعينيه عندك الا لو انتى عاوزه واحد تانى
مرام / هو حلو اوى بس بجد بقى هو ده السبب الوحيد و لا فى حاجه تانيه
.............................