السكه شمال بقلم / لولو_محمد ( كامله )

الحلقه ٥٤

(((((((((((((((السكه شمال ))))))))))))
#لولو_محمد
الحلقه الرابعه و الخمسون
فى شقه مرام
مرام تعطس و تكح
محمود / دا فجاه كدا
مرام / بجد مش عارفه صحيت مالنوم النهرده بموت بجد
سميحه / والله عملتلها تلاته لمون دافى بعسل نحل لحد دلوقت و ابدا مفيش فايده
محمود / طب منروح نكشف يا مرموره مستنيه ايه
...............................
مرام / دور برد عادى هاخدله مضاد حيوى و كل حاجه هتروح ان شاء الله عالصبح و هبقى كويسه
محمود / طب خدتى
مرام / هااااتسى هاخد يا محمود هاخد هقوم ادور عليه و اخد
محمود / هتدورى لسه انا هنزل اجيبلك شريط خشى ارتاحى
مرام / ماشى
.............................
فى فيلا ماهى
ممدوح / اهلا اهلا يا مازن سامع عنك اخبار زى الفل بجد انا مبسوط منك اوى
مازن / شكرا
ابراهيم / انا لو كنت اعرف انك لو شديتله ودنه هيتعدل كدا كنت خليتك تشدهاله من زمان هههههههههههههههههه
ممدوح / انت هتقومه عليا و لا ايه دا مازن دا حبيبى
مازن / طبعا
فريده / اما ماهى بقى عملالنا حته اكله هتاكلوا صوابعكوا وراها
مازن / ما شاء الله هناكل من ايد ماهى النهرده نجهز الانتينال و لا نطلب الاسعاف علاطول
ماهى / هههههههههههههههههههه اخص عليك طب والله رجلى وجعتنى مالوقفه على راس الشيف عشان كل حاجه تطلع برفكت
مازن / يا حرام مجابولكيش كورسى ليه بالمره و لا اقولك ركبى كاميره فى المطبخ و وصليها بموبايلك و اشرفى من سريرك
ماهى / هههههههههههههههههه حلوه الفكره دى اكيد هعملها عشان هحتاجها الفتره الجايه
ماهى تبص لفريده و يبتسموا
فريده / على فكره يا ابراهيم ماهى مجهزالنا مفاجاه مقولكش هموت و اقولهالك بس لما هتسمعها منها حاجه تانيه
ماهى / مش دلوقت يا مامى
فريده / يلا بقى يا ماهى قولتى لما مازن يجى
ماهى / متكسفنيش بقى
مازن حواجبه تترفع و ووشه يقلب قرف
فريده / مبروك يا ابراهيم اخيرا هتبقى جد
ابراهيم / الكلام ده حقيقى يا مازن
مازن / مازن مين ؟؟ و انا اش عرفنى انا
ماهى / ايه يا مازن كفايا غلاسه لحد كدا بقى انا قولت لمامى كل حاجه هنخبى لحد امتى
مازن / هههههههههههههههههههههههههه انتى قولتلهم انك حامل
فريده / ههههههههههههههههه مكدا كدا كنا هنعرف
مازن يبص لمونيكا مونيكا مصدومه و مازن بيدحك و يقلع الدبله و يحطها قدامه فى الطبق و سط ذهول للكل
مازن / اونكل ممدوح انا كان يشرفنى انى اتجوز بنت حضرتك طبعا بس قضا اخف من قضا اهو برده حضرتك هتبقى جد
ابراهيم / انت بتقول ايه يا مازن
مازن / ايه يا بابا بتقولك حامل اتجوزها ازاى يعنى
ماهى / فى ايه يا مازن
مازن / انتى هتستهبلى بروح امك
ابراهيم / احترم نفسك يا مازن
مازن / مش لما تحترم نفسها هى الاول ايه يا حلوه حملتى ازاى بالانشطار و لا انتى اخترعولك حاجه جديده
ماهى / كل ده عشان قولتلهم قبل مانت تاذنلى هتنكر كل حاجه
مازن / انا مش فاكر اخر مره لمستك امتى انتى هتستهبلى بت انا عارف انك هبله بس مش للدرجادى اقولكوا احنا نطلع كلنا عند الدكتور ان طلعت حامل نعمل تحليل دى ان ايه و نشوف
ماهى / انت بتستغل انه مبيبانش فى الشهر الاول مش كدا بتماطل عشان بطنى تبان و اتفضح صح
مازن / دانتى بجحه اوى انتى ليكى عين تتكلمى اصلا
ممدوح / بس كفايا
الكل يقف
ماهى / يا دادى والله
مازن / انا اسف عاللى هقوله ده قبل متعيب فتربيتى يا اونكل ياريت تشوف تربيه بنتك الاول
ماهى / اوعى تفتكر انى هسكت على اللى انت بتعمله ده
مازن / اعلى مفخيلك اركبيه بس اتعلمى الاول عشان وقعه كمان زى دى و رقبتك هتنقطم
ابراهيم / انا بجد مصدوم ماللى بسمعه ممدوح بيه ياريت حضرتك
مازن / انا ماشى
مازن يمشى
مونى / استنى يا مازن استنى
فريده/ الكلام اللى بيقوله مازن ده صحيح يا ماهى مازن ملمسكيش
ماهى / كداب احنا كنا مع بعض و اسالى لبنى و زياد كنا بنبات فى الاوضه اللى تحت فى الفيلا عشان ميقدرش يطلع فوق
مونى / و ياريت تفتكرى ان رجله كانت فالجبس و عامل حادثه
ماهى / اش فهمك انتى فالحاجات دى عشان تتكلمى فيها اصلا اخوكى فاكرنى نيفين و عاوز يعمل معايا زى معمل معاها بس انا مش زيها انا مش هنزل اللى فبطنى عشان الاستاذ يتسلى يومين
فريده تصرخ ابراهيم يقعد عالكرسى
ابراهيم / انا مش مصدق دا اكيد كابوس كابوس
مونى / متصدقهاش يا بابا متصدقهاش دى كدابه مازن معملش حاجه حتى خطوبتهم كانت تمثيل عشان هى قالت لكل صحباتها و العيله و مكنش عاوز يحرجها و قالها فتره و نفسخ بس هى عاوزه تدبسه
فريده / مين نيفين دى و ايه علاقه مازن بيها
مونى / يا ماما صدقينى دى كدابه
ماهى / اسالى لبنى يا مامى هى عارفه كل حاجه و زياد كمان كلهم عارفين
مونى / انا مشوفتش فحياتى احقر منك
ماهى / دادى ارجوك ارجوك قول حاجه انت عارفنى كويس
ممدوح يضرب ماهى بالقلم
ممدوح / اخرسى بقى اخرسى انا ... انا بجد مش عارف اقول ايه
ابراهيم / انا اللى مش عارف اقول ايه انا اسف اسف اوى
فريده / متقلقيش يا ماهى يا حبيبتى احنا معاكى
مونى / دى كدابه يا ماما
فريده / بس يا مونى بس
ابراهيم / يلا يا فريده يلا مونيكا عن اذنك يا ممدوح بيه
ابراهيم و فريده و مونى يمشوا
ماهى/ بابا انت لازم تعرف
ممدوح يسيبها و يمشى
.......................................
فى فيلا مازن
مازن /انت هتصدق واحده زى دى بمناسبه ايه 
ابراهيم /بسيطه نسال زياد و لبنى
مونى / يا بابا ماهى دى بنت مش كويسه و انت متعرفش هى عملت ايه مع مازن و هو اتفق معاها انهم مش هيبوظوا الفرح و هيعمل اللى هى عوزاه و يمثلوا انهم يتخطبوا على انها هى اللى تفسخ عشان كرامتها بس هى عاوزه تدبسه باى شكل
فريده / اطلعى على اوضتك هارمونى انتى صغيره عالكلام ده
مونى / انا مش صغيره انا شاهده على اللى حصل و من حقى اقول رايى
ابراهيم بزعيق
ابراهيم / على اوضتك يا مونى
مونى عنيها تتملى دموع و تجرى على فوق و عين مازن معاها
ابراهيم / يعنى المره الوحيده اللى قولت انك عملت حاجه صح تبقى دى اخرتها انت متخيل ان الشغل بينى و بين ممدوح بيه ممكن يستمر بعد اللى حصل
مازن / و ده ذنبى يعنى قولى المفروض اعمل ايه واحده ملمستهاش بتقول انها حامل اعمل ايه اركب ارايل و لا اعمل ايه
ابراهيم /  عيل مش متربى
مازن / معاك حق انا متربتش لكن الست هانم اللى حضرتك بتتخانق معايا عشان فسخت خطوبتى منها ام الشرف مش كدا
ابراهيم / انت فاكر نور دى تهمنى ابدا انا داخل مع ابوها صفقه العمر مليارات يا مازن مليارات
مازن / انا مش عاوز فلوس مش هبيع نفسى عشان الفلوس
ابراهيم / فقرى زى امك
مازن / على الاقل خدت منها حاجه عن اذنكوا
فريده / استنى يا مازن بابا ميقصدش
مازن يبصلها
فريده / مازن افهم بابا مبيقولش تتجوزها هو بس بيقولك سايس امورك بس لحد مالموضوع يتم هو ده اللى هو قالهولك قبل متخطبها مقالكش تخطبها قالك سايس امورك مش اكتر
مازن / و انا معترضتش و خطبتها و كنت مستعد اتجوزها لحد مالموضوع الزفت ده يخلص و اطلقها بعدها و كل واحد يروح لحاله بس اللى حصل ايه قوليلى الهانم مدت ايدها عليا و شتمتنى و شتمت مونيكا و برده دوست على كرامتى و كملت فى التمثيليه السخيفه و اتفقت معاها و قولت هى تسبى بكرامتها و تيجى منها بس لحد كدا و لا بقى لا انا مش للبيع انا مش محتاج لكل ده
ابراهيم / اتكلم عدل يا ولد هو انت هتنسى نفسك و لا ايه
مازن / انا اسف
ابراهيم / انا هتكلم مع ممدوح بيه و انا متاكد ان ماهى عملت كدا عشان انت بتضغط عليها تفشكل بس انا متاكد انها بنت ممتازه انا متاكد ان
مازن / يووووووه اعمل اللى يريحك بس انا بره الليله دى
مازن يجى يمشى
ابراهيم / انت يا ولد رايح فين استنى هنا انا لسه بكلمك
مازن / انا اسف
ابراهيم / مازن انت ابنى الوحيد كل ده هيبقى ملكك انا عاوز مصلحتك عاوزك تكبر عاوزك تبقى زيي
مازن / مش عاوز ابقى زيك انا مش عاوز ابقى زيك زياد نفسه يبقى زيك ساعده هو
ابراهيم / زياد مش ابنى
فريده تتعدل فوقفتها ابراهيم يبص عليها و يحس باللى عمله
ابراهيم / زياد غالى عندى فغلاوتك و احيانا بيكون اكتر بس زياد مش هيورث كل ده انت الفلوس اللى هسيبهالك دى لازم تكون قدها خالك اللى انت مسنود عليه و فاردلى صدرك كدا مش هيعيشلك العمر كله انا مش هعيشلك العمر كله و ساعتها كل اللى بنيته هيتهد و دا هيبقى بسببك
مازن / و جوزاى من واحده شمال مبطقهاش ده اللى هيحافظ على كل ده
ابراهيم / عمرك مهتفهم هتفضل طول عمرك غبى انا مش عارف انا عملت ايه فدنيتى عشان يجيلى ابن زيك
صمت
فريده / اطلع ارتاح فاوضتك يا مازن النهرده كان يوم طويل بالنسبالك و بكره نتكلم
مازن يطلع
ابراهيم / انتى عارفه انى مكنتش اقصد
فريده / عارفه كان يوم صعب عليك انت كمان ارتاح و بكره هتلاقيلها حل
ابراهيم / ربنا يخليكى ليا
فريده تبتسم
....................................
فى الشقه عند محمود
محمود / ايه اليوم ده ياربى هنسافر دلوقت ازاى طيب
مديحه / هنروح الموقف و نسافر
محمود / بقولك مرام عيانه
مديحه / لا اله الا الله يعنى اسيب اختى اللى دخلت المستشفى و اقعد جنب مرام عشان دور برد فى ايه يا محمود مالك اقولك خليك ياخويا جنب مرام انا هسافر لوحدى وسع اما اخش اللبس
محمود / خلاص حاضر هاجى هاجى
محمود يدخل يلبس و هو بينفخ
.........................
فى الفيلا عند مازن
مونى / انا ملحقتش اقعد معاك
مازن / مونى بليز انا مش طايق نفسى دلوقت
مونى / طب بليز انت خليك النهرده اليوم لسه فاوله تعال نخرج و نغير جو و سافر الصبح
مازن / مش طايق نفسى بقولك مش طايق نفسى
مونى / طب ماشى خد حاجتك و روح فاى اوتيل النهرده و الصبح سافر و انت كدا هتبقى بعيد عن بابا و برده فضلت معايا عشان خاطرى يا مازن بليز بليز بلييييييز
مازن يبصلها
مونى / بليز
مازن / ماشى خشى هاتى حاجتك و يلا بينا
مونى / ياااااااى
............................
تانى يوم فى شقه مرام
جرس الباب يضرب سميحه تبص جنبها تلاقى مرام نايمه تروح تفتح الباب تلاقى مازن
مازن / صباح الخير اسف لو كنت صحيتك
سميحه / لا كنت صاحيه تعال ادخل
مازن يدخل و يقعد
سميحه / انا مخصماك
مازن / انا عارف انى مقصر فى حقك بس كانت شويه ظروف كدا
سميحه / مبروك رجلك اتصلت كتير اطمن عليك مكنتش بترد
مازن يبتسم
سميحه / خلاص خلاص اللى فات مات شكلك فيك اللى مكفيك احكيلى مالك
مازن / عادى قفشت مع بابا عشان فسخت الخطوبه
سميحه / معلش بكره يهدى
مازن / انا عملت كل اللى عليا اصلا تصدقى انها عشان تدبسنى فيها قالتلهم انها حامل و انا اصلا ملمستهاش
سميحه / يا نصيبتى
مازن / لا و بابا زعلان اوى
سميحه / هههههههههههههههههههههه
مازن / انتى بتدحكى يا تيته
سميحه/ حقك عليا يابنى صحيح هم يدحك و هم يبكى
مرام تطلع من جوه لابسه الاسدال
مرام / صباح الخير خير
مازن / انا مكنتش اعرف انها هنا .... كنت فاكرك فى الكليه ... مالك شكلك تعبان
مرام / دور برد ايه مبتعييوش عندكوا
مازن / انا ماشى هبقى اجيلك وقت تانى يا تيته نكمل كلامنا 
مرام / لا خليك خد راحتك انا كنت داخله الحمام و داخله اكمل نوم اعملكوا شاى
مازن / ملوش لزوم مش عاوز اتعبك
سميحه / اعملى اعملى
مرام تدخل جوه
مازن / هى عندها ايه
سميحه / زى مقالتلك دور برد
مازن / كشفت ؟؟
سميحه / مش مستاهله محمود امبارح نزل جابلها مضاد حيوى مهو اللى منيمها كدا
صمت
سميحه/ عندى جوه كيكه برتقان هتاكل صوابعك وراها اجيبلك منها
مرام تطلع مالمطبخ تحط الصينيه و تدخل جوه و تقفل الباب و مازن عينه عليها
سميحه / اهى مرام جابت منها
مازن / انا بقول الاحسن اجى وقت تانى
سميحه / اقعد انت مجتش هنا غير عشان عاوز تتكلم و شكل الفتره اللى فاتت كانت صعبه عليك
مازن / فوق متتخيلى
سميحه / طب احكى سمعاك
.............................
عالقهوه فحاره مرام
توفيق / احنا ننصب صوان للرجوله بقى و ناخد فيها العزا
شاب 1 / ليه بس يا تيفا الكلام ده
توفيق / مانتوا قاعدين ساكتين و الباشا طالع داخل على حريمنا منغير احم و لا دستور هو فى ايه مالكوا دانا لما كنت بكلم بت بس فالشارع كنتوا بتاكلونى امال اللى يدخل الشقق و يقعد بالساعات يتعمل فيه ايه و لا اكمنه بيه ابن بيه نضربله تعظيم سلام
راجل / الكلام اللى بتقوله ده تطير فيها رقاب يا توفيق و اللى بتتكلم عنهم دول اشرف مالشرف
توفيق / و انا كنت فاكر كدا و روحت اطلبها رفضت لكن دلوقت الباشا فوق عادى بلاش انا خالص تقدر تقولى الجدع ده بيعمل ايه فوق فبيت مفيهوش راجل و مش اول مره يجى
شاب 2/ اصلا دى مش اول مره فاكرين لما كانت فى عربيه بتاخدها و تجيبها فالاجازه و لا العربيه الفخه اللى كانت بتنزل منها و لما تسالوها تقول شغل
توفيق / و زعلتوا منى لما سالتها مين الواد اللى كنتى نازله من عربيته
شاب 3 / دى مدوراها بقى
راجل 2/ اتلم ياض منك له و اعرفوا انتوا بتتكلموا عن مين
توفيق / جرا ايه يا حج طب عالاقل خاف على بنتك اللى طالعه نازله عليها بحجه انها بتديها تدروس يعالم بتعلمها ايه فالدروس دى
راجل 2/ احترم نفسك ياله
شاب 2/ هو دا اللى هما عاوزينه يعملوا فيها ملايكه و هما مدورينها و احنا نطقش فبعضينا
شاب 4/ و مش بعيد بكره لما ريحتهم تبان يلطوا الحاره كلها و بناتنا اللى فيها كلهم يطلطوا
شاب 1/ هو البنات بس داحنا كمان كرجاله هنلبس طرح و ندارى من الحتت اللى حوالينا اننا اوينهم وسطينا
اسعد / انت بتتكلم فى ايه يا كلب منك له الحجه سميحه و بنتها دول اشرف مالشرف
توفيق / حقك تدافع عنهم طبعا بس تقدر تقولى الباشا اللى عربيته هناك دى بيعمل ايه فوق بقاله اكتر من ساعه معاهم لوحدهم فى الشقه دا حتى صاحبه و امه مش موجودين
اسعد / الحجه سميحه فوق و اتلم بقى بدل متغابى عليك النهرده و اعلقك زى الدبيحه ماشى
شاب 3/ و احنا ايه اللى يسكتنا على كدا احنا نطلعلهم
توفيق / و انا موافق نطلعلهم
اسعد / اتلموا بقى و خلوا ليلتكوا تعدى على خير
مازن يطلع مالعماره و يعدى على اللمه
مازن / السلام عليكم
مازن يجى يمشى
توفيق / على الله يا باشا تكون انبسطت
مازن يقف و يبصله
شاب 1/ الا لا مؤاخذه يعنى انت كنت بتعمل ايه فوق
مازن / و انت مالك كنت بعمل ايه فوق
شاب 2/ يبقى صح بقى و النسوان دى كانت بتغفلنا طول السنين دى طب عليا الطلاق مهم قاعدين فيها
مازن / انت بتتكلم عن مين كدا يابن الكلب انت
اسعد / بس ياض منك له هو مفيش احترام للكبير هنا و لا ايه
مازن / مش سامع بيقولوا ايه
توفيق / طب متقولنا كنت بتعمل ايه فوق صاحبك مش موجود و انت اصلا داخل خارج كدا منغير احم و لا دستور و كان الحاره دى مفيهاش رجاله
شاب 2/ متنطق ياض كنت بتعمل ايه فوق
مازن يمسكه من ياقته و سميحه و مرام يطلعوا البلكونه عالصوت
مازن / اتلم عنى بدل مخلى الدبان الازرق ميعرفلكش طريق جره
توفيق / انت بتهددنا بنفوذك انت فمنطقتنا و احنا على اخر الزمن مش هنركب ارايل عشان البهوات اللى زيك ينبسطوا داحنا نموت احسن
مازن / و انا هنولهالك
مازن يضرب توفيق يوقعه فى الارض و الناس تحوش مازن من فوقيه و يمسكوه
توفيق / و ربنا مهتطلع من هنا حى و ربنا لعرفك مقامك انت و جوز الكلاب اللى فوق دول
سميحه تنزل الشارع
سميحه / اوعوا سيبوه انتوا ايه فى ايه مالكوا  سيبوه سيبوه
مازن / انا باجى للحجه سميحه
توفيق / انت هتستهبل
اسعد / متبس بقى يابن الكلب انت و هو انتوا اتهبلتوا خلاص
سميحه / فى ايه هنا
شاب 3/ الجدع ده كان بيعمل عندك فوق ايه انتى و مرام لوحديكوا فى الشقه
سميحه / اخرس و لا كلمه هى حصلت و لا ايه
شاب 2/ انتى هتعمليهم علينا مخلاص ريحتكوا فاحت يا شويه ....
مازن ينط عليه و ينزل فيه ضرب و الناس تحوش و يضربوا فى بعض
سميحه / بس بس بس بقى بس
مرام تنزل تشد جدتها من وسطهم تعبانه تقعدها على اقرب كرسى

راجل 2/ حد يطلب البوليس يا جدعان اللى بيحصل ده ميتسكتش عليه
شاب 3/ ايوه خليهم يتربوا
مازن / عنكوا انا هطلبهولكوا بنفسى
توفيق / ايوه طبعا عشان تتصل بحبايبك عشان يطلعوك من هنا و نلبس احنا ... اسمعوا يا رجاله احنا مش هنستنى البوليس و هناخد حقنا بايدينا
مازن / حقك من مين هو اى هرى دى خطيبتى
مرام تبص على مازن
مازن / احنا قاريين فاتحه و انا جيت اطمن عليها
توفيق / و احنا هنصدق الكلام ده هو فى حد بيقرا فاتحه فالسر
مازن / و مين قالك انها فالسر كنا هنعمل فرح طبعا بس هى عيانه فاجلنا الموضوع شويه
اسعد / الكلام ده حقيقى يا حجه
الكل يبص على سميحه ماسكه قلبها و بتتوجع مرام تقعد تحت رجليها
مرام / تيته مالك
سميحه تبص لمرام بتعب مازن يجرى يمسكها
مازن / تيته انتى كويسه .... اسعااااااااف
................................