السكه شمال بقلم / لولو_محمد ( كامله )

الحلقه ١٣٤

(((((((السكة شمال)))))
#لولو_محمد
الحلقه ١٣٤
شريف / متسبهاش مع شيطانها تقول زعلنى و مش هاين عليه يراضينى دول امخاخهم فسافيسرى هتقلب بغم و الموضوع يكبر
مازن / بعتلها كذا رساله مبتردش عليا
شريف / هما فى الاسبا دلوقت جتلها مكالمه تليفون خلتها طايره مالفرح
مازن / من مين
شريف / معرفش انا كنت فاكرها منك بس لما قولت مبتردش عليا فغالبا ممكن تكون تيته انا اصلا بطمن عليها من صافى
مازن يهز راسه
مازن / فبالى حاجه كدا ممكن يعنى تحنن قلبها عليا
شريف / استر يارب خير
مازن / هقولك
................................
فى الاسبا
صافى و مرام بيعملوا باديكير لرجليهم و صافى بتورى مرام صور عالموبايل
صافى / و دى بقى مامى
مرام / بسم الله تبارك الله ايه ده على كدا انتى شبه باباكى دى ملكه جمال دى و لا ايه
صافى / اخص عليكى و انا وحشه و لا ايه على فكره انا واخده منها كتير
مرام / ههههههههههههههه بهزر معاكى انا بقى حته من ماما تحسى كدا فوله و اتقسمت نصين مختش من ابويا الله يرحمه الا اسمه
صافى / الله يرحمهم بس تيته بتاعتك دى زى العسل
مرام /هى اللى ليا فالدنيا حاجه محصلتش مفيش حد مبيحبهاش
صافى / دى حقيقه روحها حلوه اوى بس معقول ملكيش قرايب تانين
مرام / ليا عم بس مش فاكره اخر مره شوفته امتى
صافى / ليه كدا
مرام / اتخانق مع تيته على ورث بابا دا لو اعتبرنا ان العشرتلاف جنيه دول ورث يعنى المهم حلف مهو داخل بيتنا تانى و من يومها مسمعتش عنه حاجه
صافى تبصلها مرام تبتسم
مرام / اصل بابا اصلا الله يرحمه كان سباك على باب الله كان عايش مع ماما فى شقه ايجار و عنده محل صغير فيه شويه حاجات لزوم شغله يعنى المهم لما اتوفى طبعا انا ليا النص و عمى ليه النص لان ماما كانت اتوفت الاول المهم عمى باع كل حاجه و فضى الشقه و المحل و صفى كل شغل بابا و كل ده جاب عشر تلاف جنيه المفروض انا خمسه و هو خمسه بس تيته بقى لقته بيديها الف و نص بس
صافى / ازاى يعنى
مرام / بيقول مصاريف العزا و الدفنه و كدا يعنى
صافى / وقتها تلت تلاف و نص عزا
مرام / و اشيلهم لوحدى هو مش ابويا هو خد الخمسه بتوعه مقفولين ملوش دعوه كفايا وقفته يعنى
صافى / اللهم احفظنا الحمد لله انى مليش عمام
مرام / لا استنى احنا كنا عايشين فشقه ايجار قديم المفروض قانونى انى اعيش فيها انا و تيته بما انى الوريثه عمى اخد من صاحب البيت فلوس خلو رجل عشان يسلمه الشقه مع انى كنت سبتها اصلا و روحت اعيش مع تيته لما تيته عرفت بقى اتخانقت معاه و قالتله ان ربنا مش هيباركله شتمها و بهدل الدنيا و هددها انه هياخدنى و ان مينفعش اتربى معاها و انه اولى بيا بس طبعا دا كلام معملش اى حاجه
صافى / لا الحمد لله انك ملكيش قرايب
مرام / و انتى يا صافى ملكيش قرايب خالص
صافى / لا مليش بابا كان وحيد و ماما قولتلك تركيه اصلا فكل عيلتها بره هناك و بصراحه لما خسرنا فلوسنا مقدرتش انسجم وسطيهم فرجعنا مصر تانى يعنى انتى عارفه مهما كانوا بيحبوكى محدش هيستحملك
مرام / فاهمه قصدك
تليفون مرام يرن تبصله و تتنهد
صافى / متردى عليه يا بنتى
مرام تبص لصافى بحزن
صافى / لو لسه زعلانين من بعض اهو بيحاول يصالحك اهو يعمل ايه اكتر عاوزه ايه اكتر من كدا متضيعيش حب زى ده من ايدك
مرام / مليش عين اكلمه
صافى / مفيش حاجه اسمها كدا ردى عليه بقى
التليفون يسكت
مرام / اهو سكت
التليفون يرن تانى
صافى / ردى بقى خلى عندك دم الله هاتى انا هرد
صافى تاخد الموبايل و ترد
مازن / اخيرا .. مرام انا ..
صافى / انا صافى يا مازن مرام جوه بتغسل شعرها
مازن / اه ... ازيك يا صافى
صافى / مرام بتغسل شعرها لما تخلص هخليها تكلمك
مازن / طب تمام بصى انا حجزت برايفت بول لو تحبوا يعنى نقضى باقى اليوم
صافى / دى فكره حلوه اوى تعرف احنا خلاص بنفنش اهو و هنروح نلبس علاطول
مازن / تمام سلميلى عليها بقى لما ترجع
صافى / اعتبره وصل
صافى تبص لمرام بتابع باهتمام
صافى / سلام يا مازن سلام و ميرسى على فكره الاسبا فكره ممتازه جايه فوقتها حقيقى استمتعنا جدا
مازن / طب الحمد لله انكوا انبسطتوا …صافى
صافى / ايوه يا مازن
مازن / قوليلها ان انا بحبها ماشى
صافى / هههههههههه حاضر
مازن /سلام
صافى تقفل
صافى / لو مكلمتيهوش هخاصمك الواد على اخره بجد صعب عليا جدا بيقولك بحبك يا جبله هو مقالش جبله بس انا بقولهالك 
مرام تبتسم و تبص الناحيه التانيه صافى تتنهد و تزغدها بدحك
..............................
على حمام السباحه
مازن قاعد عالكرسى و بيعلب فى الموبايل و شريف واخد الحمام رايح جاى يقوم يتنشف و يقعد قدام مازن و يمسك العصير و يقعد يشرب بمنتهى البرود
مازن / انهى نوع من الصحاب انت
شريف / امممم خلينى افكر انا من النوع الفاتح للشهيه صافى لسه قيلالى كدا
مازن / تعرف مرام بتقولى انى اكتر انسان مستفز فى الدنيا واضح انها متعاملتش معاك
شريف / هههههههههههه مقدرش عالحمار جاى يتشطر على شريف
مازن / كتر خيرك
شريف / طب تمام معلش حقك عليا قولى بس انا اقدر اعمل ايه هو انا مش عملت كل اللى انت طلبته
مازن / مش كفايا
شريف / ايوه يعنى اعمل ايه مهو انا مبفهمش فى الحاجات دى اصلا و انت عارف شغل الرومانسيات و المحن ده تخصصك انت اعمل ايه
مازن / معرفش بقى اتخنقت و مفيش اى حاجه تانى فى دماغى
شريف / طب فكرت تواجهها تتكلم معاها فيس تو فيس يعنى بدل شغل الرسايل و الجوابات بتاعتك دى
مازن / فكرت طبعا بس عاوز اسيبها اخر حاجه
شريف / والله المفروض كانت دى تبقى اول حاجه بس نقول ايه كل واحد و دماغه بتريحه 
مازن يبصله تليفون شريف يرن رساله يبص
شريف / طلعوا مالاسبا و رايحين الاوضه يعنى قدامك ماكسيمام عشر دقايق تقرر فيهم هتعمل ايه
شريف ينام على الكرسى و يمسك كوبايه العصير و يقعد يشرب يبص على مازن باصصله و بعدين يقوم و يمشى
...........................
قدام اوضه مرام
مرام / لا بس انا لسه عند رايي احلى حاجه كانت المساج الواحد حاسس ان
صافى تفتح الباب و يدخلوا يلاقوا الاوضه كلها بلالين عالارض و بلاليين هليوم طايره فالسقف وورد فكل حته
صافى / واو
مرام تفضل تبص يمين و شمال و هى متنحه و تحط ايديها عالورد و تقرب منه تشمه و هى فدنيا تانيه خالص
صافى / مرام انا لو منك مسامحوش ابدا
مرام تبصلها
صافى / حاجه من اتنين ياما هيفضل يراضى فيكى كدا العمر كله و تبقى انتى الكسابه ياما هيسيبك و اخده انا و ساعتها انا هبقى كسبانه
مرام تدحك
صافى / لو فضلتى مخصماه هقتلك
صوت خبطه بسيطه عالباب صافى و مرام يبصوا وراهم مازن
صافى / بيتهيالى نسيت حاجه فى الاسبا هروح اجيبها
صافى تعدى من جنب مازن و هى مبتسمه و مرام باصه فى كل مكان عالبلاليين و الورد
مازن / ممكن ادخل
مرام / اتفضل
مازن يدخل و هو متردد
مرام / مفاجاه حلوه اوى
مازن يقرب منها و يبوس راسها
مازن / انا اسف والله مهعمل كدا تانى
مرام / مازن انا مش زعلانه منك
مازن / امال مش بتكلمينى ليه مش بتردى عليا ليه
مرام / زعلانه من نفسى ..بربيها .. مش عارفه فين العقاب فيوم زى الحلم زى النهرده بس اعمل ايه
مازن / اصلا احنا معملناش حاجه غلط .. احنا معملناش حاجه اصلا ... حتى لو كنا عملنا مكنش غلط .. و فجميع الاحوال مكنتش غلطتك
مرام / لا غلطتى يا مازن كل حاجه كانت غلطتى انا
مازن / انا خلفت وعدى
مرام / محصلش انا اللى اذنتلك انا اللى ضعفت
مازن / انا اللى ضغطت عليكى
مرام / انا اللى شجعتك بالاستغمايه فى الفيلا و الرقص قدامك بالمنظر ده و مجي عندك و نومى جنبك كل ده كان غلطى
مازن / انتى وثقتى فيا لانى وعدتك انتى قولتيلى انك خايفه تضعفى و انا اديتك الامان و فالاخر استغليتك انا الغلطان مش انتى
الاتنين فى نفس الوقت
مرام / كان المفروض ابقى اقوى من كدا
مازن / كان المفروض ابقى اقوى من كدا
مرام و مازن يبصوا لبعض و يبصوا فى الارض
مازن / طب ايه رايك ننسى اللى حصل كلو يعنى ايه رايك تدينى فرصه تانيه تدى لنفسك فرصه تانيه و المرادى حتى لو ايه حصل اوعدك انى عمرى مهما حصل لو ايه جرى مش هيكون غير زى موعدتك مرام انا تعبان جدا من امبارح بجد مش طايق نفسى مش طايق حد  مرام انا بحبك والله العظيم بحبك
مرام / و انا كمان .. مهو اللى تلاقى اللى يعملها كل ده عشان يراضيها و متحبوش تبقى حيوانه اوى بصراحه ههههههههههههههههه
مازن يمسكها من دقنها و يرفع وشها و هى بتدحك لعنيه
مازن / صافيه لبن
مرام تهز راسها
مرام / حليب يا قشطه
مازن / انا هطلع بره اللبسى المايو و تعالى نقعد عالبول
مرام / تمام حاضر
مازن / هستنى بره
مرام / طيب ماشى اخرج
مازن / متتاخريش بقى ماشى
مرام / هههههههههههههه مازن
مازن / اسف اسف تمام
مازن يحدفلها بوسه بايده و يبتسم و يطلع بره يلاقى صافى عالباب
صافى / لو مسامحتكش انا ممكن اسامحك عادى
مازن يدحك
صافى/ يا خساره سامحتك يلا هدخل اللبس عن اذنك
صافى تدخل و تقفل الباب
.............................
فى اليخت
لبنى / الجو حلو جدا
مونى / كان هيبقى احلى اكيد لو مرام و مازن كانوا معانا بس نعمل ايه بقى
لبنى / نصيبنا كدا معلش ملحوقه
زياد / و هى لبنى يا مونى كانت قالت لمرام متجيش و لا حتى لمازن هما اللى عاوزين يخلعوا مننا ميتحججوش بقى بصافى عادى يعنى ياما قفشنا مع بعض حصل ايه يعنى
انس / انا بقول كدا والله اصل مستحيل يعنى يجهزوا المركب بنفسهم و ميجوش الا لو كان فى خطه تانيه اعظم فدماغهم
فادى / زى ايه يا فتك
انس / اهو بقى ربنا يهنى كل سعيد بسعيدته هههههههههههههههههههههه
مروان/ دانت مشكله
كامل يدخل
كامل / ايه يا شباب الاكل هيبرد مش هتيجوا تاكلوا ولا ايه
زياد / لا ازاى بس دانا واقع يلا يا قلبى
لبنى تبتسم و تقوم معاه و الكل ينزل تحت سفره مفروده و انجى و هانيا قاعدين مونى تروح تقعد جنب انجى و يتوشوشو
مونى / هو ده اللى اتفقنا عليه ثوانى و تنداينى
انجى / اعمل ايه كل ماجى اطلع اناديكى هانيا دى تقولى ساعدينى لما تقريبا خلتنى وضبت معاها الاكل كلو
مونى / مش عارفه زياد طايق الاشكال دى على ايه
انجى / بقولك ايه انتى الغلطانه مازن مش طالع كان المفروض منطلعش
مونى / زياد كان هيزعل
انجى / يبقى خلاص حاولى تستمتعى بقى كلى يلا كلى
.................................
عالبول
مازن و مرام و صافى يدخلوا شريف فى المايه يشاورلهم
مازن / اخبار المايه ايه عندك
شريف / بشعه اوعى تنزل
مازن / ههههههههههههه ماشى .... البول هنا مش عميق هيبقى ليكى طول تعالى
مازن ينزل المايه و يمد ايده لمرام تمسكها و تنزل بالراحه المايه واصله تقريبا لصدرها
مرام / هاااااح ساقعه
مازن / ههههههههههههههههههه
صافى تنط فى المايه
صافى / اووووف اخيرا الواحد نزل المايه فى الرحله دى
مرام / مانتى مرضيتيش تنزلى البحر
صافى / مبنبسطش فى البحر انا الرمل و كدا بيدايقنى
مرام / يلا يا ستى انبسطى
شريف يقرب منهم
شريف / شكلكو ضحك عليكى بشويه البلالين كنتى اتقلى عليه شويه كان عنده اكتر صدقينى
مازن / اه يا ..
شريف يعوم و مازن يعوم وراه لحد اخر الحمام يغرقه و مرام و صافى بيدحكوا
صافى / مهو اللى يقول كلمه حق فى البلد دى يبقى وحش هههههههههههههههههههه
مازن يسيب شريف و يروح ناحيه صافى شريف يطلع بره
مازن / كنتى بتقولى ايه بقى يا صافى
صافى / دانا مالصبح بقولها دا مازن ده زينه الشباب اوعى يا مرام اوعى تبعدى عنه اوعى تسبيه حتى اسالها
مرام  / هههههههههههههههه على يدى
فجاه شريف يدخل و ماسك مدفع مايه و عمال يرش مايه على مازن
مازن / لو مسكتك هنفخك
شريف يجرى بره و مازن يطلع يجرى وراه زى العيال الصغيره و مرام عماله تدحك هى و صافى على منظرهم
...........................
فى شقه توفيق
توفيق يفتح الباب و يدخل يبص يمين و شمال مفيش حد
توفيق / اما .. اميره
اميره تطلع مالاوضه بتلف الطرحه و لابسه عبايه خروج
توفيق / على فين العزم ان شاء الله
اميره / رايحه ازور امى
توفيق / طب اغرفيلى لقمه قبل متنزلى
اميره / رايحه لامى كانت فى المستشفى النهرده و امك عندها و انا عديت عملتلكوا لقمه فى السريع و ريحالهم عالعموم الاكل عندك فى الحلل و انت مش نغه يعنى
توفيق / والله و طلعلك صوت يا قطه
اميره / و ضوافر كمان فاوعى من وشى متاخرنيش
توفيق / و ان موعتش شكلك حنيتى لعلق زمان يا اميره
اميره / شكلك حنيت لرقدتك يا تيفا
توفيق يفك حزام بنطلونه و يسحبه و هى واقفه مبتتهزش
توفيق / اصلها كانت حلوه و هخليكى تجربيها دلوقت عشان تتاكدى 
توفيق يرفع الحزام الباب يتفتح و مجدى يدخل اميره تجرى عليه
مجدى / فى ايه
توفيق / مراتك ناقصها ربايه
مجدى / انت كنت هتضربها و لا ايه فى ايه يا توفيق انت ايه اللى جرالك هبت منك و لا ايه
توفيق / بترد الكلمه بكلمه و حاجه اخر قله ادب
اميره / كدب كل اللى حصل انى قولتله الاكل فى المطبخ يغرف و ياكل عشان اللحق اشوف امى كانت فى المستشفى
مجدى / روحى عشان متتاخريش
اميره تمشى و هى بتبص على توفيق مجدى يروح يقعد و يشاور لتوفيق يقعد توفيق يشد كرسى و يقعد
توفيق / على فكره كدابه مراتك بتعايرنى بربطك ليا قولتلك هتقوم اللى يسوى و اللى ميسواش عليا
مجدى / ليها راجل تشتكيله
توفيق / و هو كان الراجل ده عملى حساب امال لو مكنتش انت اللى شمتها فيا
مجدى / دى اختك الصغيره يلا تشمت فيك ليه مش هى دى اللى كانت بتخدمك فى رقدتك و انت مكسور و لا نسيت يا تيفا
توفيق / الله الغنى عن دى خدمه تقطيم و حرقه دم
مجدى / عالعموم ان مكنتش عجباك خدمتها فاتعود تخدم نفسك يابن ابويا عشان هى هتروح تقعد يومين عند امها لحد متقوم بالسلامه و بعد كدا هتاخد امك و العيال و يطلعو كام يوم مصييف فانا و انت هنخدم روحنا لحد ميرجعوا
توفيق / و انا طبعا اخر من يعلم
مجدى / يا عم هى جت كدا اتفقوا الصبح فى المستشفى مانت لو تبطل الهباب اللى بتبلبعه ده هتصحى و تفوق و تحس بينا انما انت بقيت حاجه اخر استغفر الله العظيم نوم لحد العصر و طول الليل الله اعلم انت فين و لا مع مين و لا بتهبب ايه و لا ورشه بتنزل و لا شغله بتكملها فالح بس كل يومين تميل على امك تاخد منها قرشيين
توفيق / انا مبطلبش من حد حاجه هى اللى بتدينى
مجدى / فوق لنفسك يا توفيق الشغل اللى كنا بناكل منه بخ بلح الراجل باعنا معدش قدامنا غير الورشه هى اللى فاتحه البيت ده لو اتقفلت دى كمان
توفيق / بقولك ايه انت اللى رابط نفسك بالراجل ده الشغل على قفا من يشيل و باضعاف اللى كنا بناخده و اسهل انت بس اللى مش عاوز تفتح مخك
مجدى / ايدى على كتفك ورينى سكته و انا اقفش فيه بايدى و سنانى
توفيق / ادينى بس فرصه يومين تلاته اظبط كل حاجه و هتلاقينى جاى ارسيك عالحوار
مجدى / ماشى يا توفيق
توفيق / بقولك ايه متجيب اى حاجه كدا لاخوك 
مجدى / كان على عينى اخر ميه جنيه فجيبى دافعها فالمستشفى بس النهرده فى زبون هيستلم عربيته لما يدفع هشوفك باى حاجه
توفيق / و لما انت معكش فلوس هيطلعوا المصيف ازاى يعنى و بعدين انت تدفع فى المستشفى باماره ايه مابنها الحلوف يدفعلها
مجدى / باماره العيش و الملح و الجيره يا سى توفيق الست عملت عمليه و كل واحد حط اللى يقدر عليه نسيبها تموت يعنى
توفيق / متموت و لا تنحرق احنا مالنا هى كانت من باقى عيلتنا دا ايه الغم ده
مجدى / تصدق انت خساره الكلام معاك بص يا توفيق مالاخر كدا عاوز فلوس اشتغل غير كدا متحاسبنيش بودى فلوسى اللى بجيبها بشقايا و تعبى فين بالاذن .. حتى اللقمه اللى الواحد جاى يطفحها بتسموا بدنه عليها دا ايه الهم ده
مجدى يرزع الباب وراه و توفيق واقف بيغلى يشوط طبق فاكهه عالترابيزه على اخر دراعه و يقف يفكر ثوانى و يدخل اوضه اميره و يفتح الدولاب و يفتح علبه الدهب و ياخد خاتم و ينزل
توفيق / عشان تبقى تتربى يابنت الكلب
..........................
بالليل فالمنتجع
مازن و مرام بيتمشوا على البلاج و ماسكين ايدين بعض
مرام / عشان خاطرى متقولوش انى قولتلك
مازن / مبيتبلش فبقه فوله
مرام / صدقنى فرحت اوى و اتفاجات كمان و بصراحه كنت محتاجه اوى لاى حاجه ساعتها نفسيتى كانت فى الارض
مازن / مش عاوزين نفتح الموضوع تانى
مرام / احسن برده .. شوفت ولاد الكلب طلعوا بيتاجروا فى المخدرات
مازن / يلا خدوا جزائهم
مرام / شوفت اللى بيجى علينا مبيكسبش انا برده ليا نظره لما شوفتها مرتحتلهاش
مازن / و لا انا
مرام / بس البت صافى دى جبل اقسم بالله تعرف امبارح تقولى ايه بطلى عياط متحسيسنيش انى تنحه
مازن / هههههههههههههههههههههه 
مرام / ولا لبنى اعوذ بالله ايه البت دى قال ايه ياما دقت عالراس طبول و دى حياتنا سم
مازن / مرام
مرام تبصله
مازن / تعرفى ايه اكتر حاجه حبتها فيكى
مرام تبتسم و تتحمس
مازن / انك نضيفه اوى من جوه مبتخافيش غير ماللى خلقك اه غشيمه شويه لسانك طويل حبتين بس جدعه المشكله ان دنيتنا دى بتنقى اللى زيك عشان تديهم على دماغهم و تكسرهم لازم الواحد يبقى عارف امتى يميل للريح تعدى عشان ميتكسرش
مرام / يعنى اشوف الغلط و اسكت و لا ارد الغلط بغلط
مازن / لا كدا و لا كدا بس اخد الحق حرفه و الدنيا اللى عايشين فيها دى ماشيه شمال و دا مش سكتك خالص مش هتسلكى فيه
..........................