السكه شمال بقلم / لولو_محمد ( كامله )

الجزء الثامن و العشرون

((((((((((السكة شمال))))))))))
#لولو_محمد
الحلقه الثامنه و العشرون
انس / بقولك ايه الدنيا والعه بره فمن فضلك بلاش الاسلوب ده معايا
نورا/ خير يا انس
انس /  هيجي منين الخير انتى مقولتليش ليه ان نيفين حامل
نورا / انا معرفش انها مقالتلكش اصلا
انس / مقالتش زياد اللى قالى و بيقولى انه ابنى و لازم اتصرف و حوار كدا انتى عارفه انى مليش فيه
نورا / تيبكال انت
..........................................
انس / هو ايه يا نورا انتى عوزانى اعمل ايه يعنى احنا ننبسط اه لكن ندبس لا و بعدين اشمعن انا هو عشان مازن عاوز يخلع اللبس انا
نورا / والله لو مقتنع بالكلام ده خلاص مازن قال تعمل تحليل لو طلع ابنه هيشيله بس لو مطلعش
انس / يطلع و لا ميطلعش انا مش هشيل حاجه
نورا / انت جاى تقولى انا الكلمتين دول ليه
انس / عشان توصليهم للاتنين سواء مازن او نيفين
نورا / و انت ايه القطه كلت لسانك
جرس الباب يضرب
نورا / مين تانى ايه اليوم ده
نورا تروح تفتح تلاقى راجل كبير
نورا / افندم عاوز ايه
الراجل يزقها و يدخل
الراجل / ايه ده انا جيت فوقت مش مناسب و لا ايه
الراجل يبص لنورا
نورا / اطلع بره بدل مطلب البوليس
الراجل / هتطلبى لابوكى البوليس
نورا / انت مش ابويا
الراجل/ وليد ابو المجد والد نورا او بمعنى ادق زوج امها
انس / اهلا وسهلا انا انس زميل نورا فى الكليه
وليد / اقعد اقعد صحاب نورا هما صحابى اقعد
انس / لا انا كنت ماشى اصلا اتشرفت بمعرفتك عن اذنك
انس يمشى و نورا تبص لوليد
وليد / و انتى كمان وحشانى بس الفرق بقى ان انا عندى صوره ليكى جنب السرير بصحى انا و ماما كل يوم نبص عليها و نبوسها
نورا / انت عاوز ايه
وليد / بصراحه يا نورا انا كنت فاكرك كبرتى و عقلتى لكن اللى عملتيه النهرده مع ماما ده زعلنى اوى و انتى عارفه ان زعلى وحش
نورا / اطلع بره بيتى
وليد يقوم يقف
وليد / اللى انا جبتهولك
نورا / خده و ابعد عنى
وليد / و الهدوم اللى انتى لبساها دى مش انا اللى جيبهالك برده اخدها هى كمان و لا ايه اعقلى كدا و بطلى هبل
وليد يحرك شعر نورا على وشها تزقه بايديها الاتنين فصدره
نورا / ابعد عنى
وليد يمسك ايديها
وليد / انتى فاكره نفسك ايه انتى و امك منغيرى و لا حاجه تشحتوا
نورا / طظ فيك و ففلوسك اللى انت منغيرها و لا حاجه اوعى سبنى
نورا تفلت من ايده
وليد / انا مش فاهم انتى كرهانى كدا ليه اعتبريها ليله زيها زى غيرها و انتى ما شاء الله لياليكى كتير
نورا تضربه بالقلم يردهولها تقع فى الارض
وليد / انتى بتمدى ايدك عليا يا بت الكلب ايه نسيتى نفسك نسيتى فضلى عليكى و على امك انا اللى لمتكوا مالزباله انا اللى عملتكوا هوانم و يوم متاخدى نفسك تمدى ايدك عليا انا دانا هربيكى
وليد يضرب فيها و هى تصرخ لحد متفقد الوعى يقوم يقف و يوصل للباب و يفتحه و لسه هيمشى يلف وشه يبص عليها نايمه فى الارض يقفل الباب تانى و يدخلها
.......................
فى شقه محمود
محمود / مستحيل انتى خلاص اتجننتى بجد معدش عندك مخ
مرام / مانت هتبقى معايا
محمود / لا انا تعبت بجد يا ماما يا تيته حد يجى يشوف البت دى
مرام / بتبيعنى يا محمود
محمود / لا بشتريكى يا هبله بمنعك انك تعملى حاجه تسيئلك
مرام / هو احنا يعنى هنبقى لوحدينا هو انا مش كلمته قدامك و قال انه جايب المحامين بتوعه دول و قاعدين بيتكلموا و عاوزنا
محمود / يا سلام و انا اش ضمنى انه جايب المحامين بتوعه و بعدين هو يعنى خلاص مفيش غير بيته منقعد فى اى كافتريا ميجى هنا
مرام / قال مش عاوز يتكلم قدام امل او طنط امينه
محمود / طب الجزء بتاع اى كافتريا
مرام / يووووه بقى هيعمل ايه يعنى ايه هى اقصى حاجه ممكن يعملها يعنى
محمود / يا ماما بقى تعالى شوفى البت دى طهقت و ربنا
مديحه تدخل
مديحه / فى ايه يا محمود
محمود / قوليلها
مرام / هقولها على فكره انا مبعملش حاجه غلط عشان اخاف
محمود / اتفضلى المايك معاكى
مرام / دلوقت مازن جايب المحامين فشقته و عاوزنا واضح ان فى مصيبه قالى هاتى محمود و تعالى و هو مش هينفع يجى عشان مينفعش يتكلم قدام امل او طنط
مديحه / يا ساتر يارب انا قولت مالاول مناخيرك اللى حشراها فكل حاجه دى مش هيجى من وراها غير الخراب
مرام / انا يا عمتى طب والله زعلت هو اصلا مفيش غير تيته اللى بتفهمنى فى البيت ده
محمود / يا شيخه بقى اسطوانه كل مره انا عارف احنا مستحملينك ليه اصلا
مرام / بقى كدا ماشى
مرام تمشى
مديحه / دلعها بقى ماسخ انا مش فاهمه ستك بتسكتلها ليه
محمود / مش هتسكتلها المرادى اكيد يعنى
..............................
فى شقه مازن
مازن فى المطبخ بيتكلم فى التليفون شريف يدخل مازن يشاورله يستنى
مازن / ايوه يا تيته معاكى  ... اقسم بالله بقالنا فوق التلت ساعات بنبص فالورق و نتكلم و مش عاوزين ناخد اى قرار من غيركوا .... يا سلام متيجى حضرتك و طنط مديحه كمان يعنى ..اقولك انا هبعت لحضرتك العنوان تيجى انتى و مرام لا انا هبعت العربيه تجيبكوا خليه هو بدماغه دى .... خلاص اللى تشوفيه مع السلامه
مازن يقفل و ينفخ
شريف / مالك
مازن / محمود الغبى ده مش عاوز مرام تيجى و لا يجى بيقول نتقابل بره احسن
شريف / عنده حق
مازن يبصله
شريف / مش معنى انى بشتغل عندك انى اغشك احنا فالاول و الاخر صحاب
مازن / قول و خلصنى مزاجى مش رايق
شريف / اصلا الغريب ان هى اللى تكون موافقه
مازن / امك ست طيبه و هتزعل عليك على فكره
شريف / هههههههههههه خلاص يا عم انا اقصد ان يعنى ايه اللى يجيبها شقتك معاه هو لا ابوها و لا اخوها فاى حد هيشوفها داخله معاه عماره و طالعين لواحد عاذب و معلش يعنى بسمعتك هيفهمها حاجه واحده بس اقولك الاكبر ايه يضمن انك فعلا جايب محامين و مش جايب صحابك و ناوين على حفله يعنى
مازن / ايه اللى بتقوله ده انا عمرى معمل كدا اصلا
شريف / يا عم انا عارف بس هى اش عرفها يعنى لو انت عيل زباله و استغليت الحوار ده و ناويت تعمل ده سى محمود اللى معاها ده هيمنعكوا امال لو مكنتش حاكيلى انك ضاربه كذا مره تسميها ايه دى
مازن / عادى يعنى
شريف / اعزرنى بت هبله اصلا انها تحشر نفسها فمشكله زى دى اكبر هبل اصلا هى جايبه الثقه دى فيك منين اساسا
مازن / لا مفتكرش ممكن تقول واثقه فنفسها
شريف / مش بقولك هبله يابنى دى لو بتفهم متتعاملش معاك اصلا
مازن / اه يا جزمه يا شريف هو انا وحش اوى كدا
شريف / هههههههههههههههههههه صدمتك و لا ايه انت صاحب صاحبك اه بس انا و انت عارفين كويس انت ايه يا مازن فمتعملش متفاجئ يعنى
شريف يفتح التلاجه و ياخد ازازه عصير مانجو و يصب فكبايه
شريف / هو فى منجه دلوقت
مازن / تصدق قفلتنى
شريف / ليه
مازن / عشان معاك حق ابقى صب للناس اللى بره دول
مازن يطلع بره و شريف يخلص الكبايه
شريف / من عنيا
...................................
فى شقه نورا
نورا نايمه عالارض هدومها متقطعه ووشها كله دم تفوق و هى بتتالم تحاول تقوم متقدرش تزحف بالعافيه لحد متوصل للتليفون و هى بتعيط
نورا / ايوه يا بابا ازيك .... انا كويسه انا عاوزه اجيلك .... لا ابعتلى انت التذكره ... مش عاوزه منهم حاجه مش عاوزه حاجه عشان خاطرى ... مفيش حاجه ... حاضر لما اجى حاضر ... شكرا ... مع السلامه
نورا تحط التليفون جنبها عالارض و تفرد نفسها و تعيط
........................
فى شقه مازن
جرس الباب يضرب شريف يقوم يفتح يلاقى سميحه و مديحه و مرام و محمود يدخلوا محمود اول ميشوف مازن
محمود / انا هنا غصب عنى
مازن يبتسم و يبص الناحيه التانيه و يرجع يبصلهم
مازن / اتفضلوا
سميحه / فى ايه يابنى طمنى
مازن يبص للمحامى
المحامى / مازن بيه ورانى فيديو الحقيقه انا لازم اكون صريح معاكوا الفايده الوحيده مالفيديو هى انه ينتشر و يحولها لقضيه راى عام لكن المحكمه مش هينفع تاخد بيه وان خدت فسهل يطعن عليه لنقص فى الاجراءات القانونيه زى انه متصور منغير اذن نيابه
مرام / يا سلام
مازن / الموضوع اكبر من كدا انا طلبت من شريف انه يجيب اكبر معلومات عن هايدى و اهلها عشان نقدر نتعامل هايدى مش بس باباها مستشار خالها يبقى مساعد وزير الداخليه
محمود / فهمت كدا
مازن / خالها جالى المكتب عند خالو فى الشركه طبعا هو مقالش انه خالها بس كلمنا بصفه وديه و قال كلام لازم تعرفوه
محمود / منغير متكمل
مازن / لا لازم اكمل بصى يا مرام انا معاكى للاخر عوزانا ننزل الفيديو و نعملها قضيه راى عام و نمشى فى السكه للاخر انا معاكى بس المشكله ان فى ناس هتعمل المستحيل عشان تحمى كراسيها حتى لو هيشوهوا سمعه امل و سمعتك الراجل قال لخالى ان انتوا بتزاولوا مهنه بدون ترخيص بتبيعوا مواد غذائيه بعيد عن عنين وزاره الصحه
مرام / هو دى جريمه بعمل اكل فبيتي و ببيعه ناس كتير بتعمل كدا دلوقت
المحامى / اه بس لو قدم بلاغ من ناس اكلت من عندك و جالهم تسمم و بكدا تتحاسبى قانونى
سميحه / بس احنا اكلنا نضيف و مفيهوش حاجه
مازن / يا تيته اللى يعملوا كل ده هيستحرموا يطلبوا من عندكوا اكل و يعملوا محضر كيدى يعنى
مديحه / اه بس احنا اصلا مالنا بالموضوع امل هى اللى عاوزه حقها
مازن / امل ملهاش ضهر و الصله الوحيده بينى و بينها هى انتوا فباختصار هما مش هيكلموا امل هما هيكلموكوا انتوا
مرام / و المطلوب
مازن / هو عرض ان هايدى و مامتها يروحوا لامل البيت و يعتزرولها و هايدى هتنقل مالمدرسه و الموضوع يتقفل منغير شوشره
محمود / و انت رايك ايه
مازن / انا قولت مالاول اللى مرام تقوله انا همشى معاها فيه للاخر انا كدا كدا مش هخسر حاجه
المحامى / انا اسف مازن بيه بس لازم اللفت انتباهك للموضوع اللى اتكلمنا فيه
مازن / اه اول حاجه لما القضيه هتبقى راى عام انهم هيحاربونا زى مقولت فاى سجل قديم او حاجه غلط بنعملها هتطلع عشان نفقد المصداقيه صح كدا ؟؟
المحامى / طبعا زى ممازن بيه قال انهم لو ملقيوش عليكوا حاجه هيبقى سهل يلفقوا
مازن / بس انا عندى كتير يعنى كميه محاضر دا غير انى مشهور انى بتاع بنات كدا يعنى
محمود / والله قولت كدا محدش سمعنى
مرام / محاضر ايه
مازن / لا متعديش ههههههههههههههه بس كلها بتخلص فالقسم مبتكملش مانا بردو ليا معارفى
محمود / صحيح و انت هتفرق عنهم ايه
مازن / لا افرق كتير انا الحق كان بيبقى معايا انت متعرفنيش عشان تحكم عليا ماشى
مرام / ممكن لو سمحتوا بص يا مازن المفروض كنتوا تيجوا البيت عندنا و تتكلموا قدام امل عشان الموضوع فالاول و الاخر فايدها
مديحه / و هى هتعوز اكتر من كدا ايه مقالك هتيجى و تعتزرلها فى البيت و تنقل مالمدرسه خالص هى كانت تحلم مش احسن متفضل كدا تعيط
مرام / يعنى تنضرب قدام صحباتها و يعتزرولها فى البيت لا طبعا تعتزرلها قدام الكل فالمدرسه
محمود / هو الهانم مش قادره تفهم الوضع و لا ايه
مديحه / اصلا مدام من عيله واصله اوى كدا بيخشوا حكومى ليه و يقرفوا فالغلابه
شريف / باختصار ابوها راجل جلده و هى اترفدت من تلت مدارس دوليه بسبب مواقف زى دى
مرام / و احنا منقدرش نستغل ده
مازن / زى مهنطلعلهم هيطلعولنا قولت
مديحه / انا بقول نقفل الموضوع محناش ناقصين مشاكل يا مرام
مرام / هى اللى تقول اه او لا مش احنا
مديحه / صبرنى يارب متقولى حاجه يا حجه
سميحه / والله انا برده بقول نخلى امل هى اللى تقرر
مديحه / و لو قالت نكمل هى هتخسر ايه يعنى احنا اللى هنتاخد فى الرجلين بسبب مرام
مازن و محمود بيبصوا لبعض
مازن / و انت رايك ايه يا محمود
محمود / انا رايى ان الباب اللى يجيلك منه الريح سده و استريح
مرام / و انا مقولتش لا بس هى لازم تبقى فى الصوره مش بعد معشمناها نقولها كدا
محمود / انتى اللى عشمتيها لما فكرتى ان البيه ممكن يطلع منه حاجه
مازن / والله بجد !!!
محمود / ايه غلطت
مازن / على فكره انا مش فارق معايا حاجه و مهما عملوا مش هيقدروا يعملولى حاجه .. اه نسيت اقول اول حاجه هيطلعوهالى انى معايا جنسيه امريكيه
محمود / كدا وضحت
مازن / للمره المليون القرار ليكى يا مرام و اى كان انا معاكى للاخر انا كدا كدا مش هخسر حاجه زى مقولت فلو انتى عندك استعداد تكملى انا معاكى بس لو كملنا مفيش طريق للرجوع لازم تبقى فاهمه
محمود / انت كلامك متغير عن يوم مكنا فى المستشفى ساعتها كنت شايف ان الموضوع سهل و طالع بينا السما ايه هى المصالح بتتصالح و لا ايه
مازن / مش هرد عليك
محمود / ليه معندكش رد
سميحه / اهدى يا محمود
محمود / مانا هادى مش هو اللى دخلنا السكه دى مالاول لا الحقيقه مش هو هى
مازن / مالاخر يابنى انا كنت ناوى اكمل لحد مهما جابوا سيرتكوا
محمود / يلا يا جماعه
محمود يقوم يقف و مديحه تقوم و مرام قاعده تبص لمازن و سميحه قاعده تبصلها
مديحه / يلا يا مرام
مازن / كلمى امل و اللى انتى شيفاه صح انا همشى معاكى فيه للاخر
مرام / انا لما كلمتك كنت فاكره انك هتكلم وزير التعليم العالى و لا المحافظ زى مجبتهم فى الحفله
مازن / محمود قالها المصالح بتتصالح و كل واحد عاوز يضمن كرسيه
مرام تبص الناحيه التانيه جرس الباب يضرب شريف يروح يفتح يلاقى نورا معاها شنطه هدومها يبص لمازن يقوم جرى
مازن / فى ايه مالك
نورا / انا اسفه انى جيت منغير معاد بس
مازن / خشى جوه نتكلم
نورا تدخل تلاقى مرام و محمود بيبصولها تشاورلهم و تدخل اوضه مازن
مازن / عن اذنكوا ثوانى و راجع نكمل كلامنا
مازن يدخل ورا نورا محمود و مديحه يقعدوا و شريف يدخل الشنطه و يقفل الباب
شريف / تشربوا حاجه
سميحه / كتر خيرك يابنى
مديحه / يا حجه عقلى البت متخليهاش تودينا كلنا فداهيه
محمود يوطى على مرام يوشوشها
محمود / جياله بشنطه هدومها و عالاوضه عدل القيامه هتقوم بكره و لا ايه
مرام / تعرف تخلينا فحالنا
..................................
فى اوضه مازن
مازن / تانى يا نورا و مطلعتيش عالقسم ليه بصى المحامى بره
نورا / ارجوك بقى انا خلاص تعبت
نورا تبص فى الارض و تعيط مازن يقعد قدامها على ركبه و يرفع دقنها تبص فعنيه
نورا / انا كدا كدا مسافره هستنى بابا يبعتلى التذكره و هسافر سبتلهم كل حاجه حتى الهدوم اللى فالشنطه مش هما اللى جيبنهالى انت او هدايا من صحابنا مش عاوزه منهم حاجه و مكنتش عاوزه منهم حاجه
مازن / حقك عليا
نورا / انا مش هيفرق معايا حد هيحصل ايه يعنى ماما هتروح القسم و تكدبنى تانى و تضربنى و تقول انها معرفتش تربى اذا كانت امى مش هتقف معايا هيفرق فايه
مازن / ماشى بناقص القسم بس هو هيتربى يعنى هيتربى
نورا / هو فى ايه بره انتوا بتزاكروا
مازن / لا دا حوار كدا بس سكه مسدوده برده حاجه قرف
نورا / شكلى جيت فوقت مش مناسب بس
مازن / بطلى هبل دا بيتك تيجى فاى وقت
باب الاوضه يخبط مازن يبص يلاقى مرام فايدها معلقتين اكل
مرام / ممكن ادخل
مازن يبص لنورا تمسح دموعها و تبص لمرام
نورا / تعالى
مازن يقوم يقف و يروح ناحيه الباب
مازن / هجيبلك عصير عن اذنكوا خدوا راحتكوا
مازن يطلع بره و مرام تدخل تقعد جنب نورا
مرام / اتعلمتها من مسلسل تركى لما عينك تبقى وارمه مالعياط تحطى عليها معلقه ساقعه
نورا تبتسم
مرام / انتى كويسه
نورا تهز راسها اه
نورا / شكرا
مرام / بصى انا مش فضوليه والله و مش بحاول ادخل فى حياتك بس لو اقدر اساعدك انتى كنتى داخله معيطه جامد
نورا / انا تمام
مرام تبص على وش نورا تلاقى اثر زراق خفيف اوى تحاول تحط ايدها نورا تبعد راسها
مرام / هو انتى حد ضاربك
نورا تقوم تبص فى المرايه و تطلع كريم من شنطه ايدها و تدهن بالراحه و هى بتتالم تدارى الزراق مرام تمسك الكريم ده و تبص فيه
نورا / دا زى فونداشن كدا بيدارى مش بيعالج
مرام / اه فهمت
مرام تحطه تانى
مرام / اصل انا مليش فالمكياج اخرى كحل و روج يعنى
نورا / احسن انتى اصلا حلوه من غيره
مرام / هو انتى اتخانقتى مع اهلك
نورا / حاجه زى كدا
مرام / كان ليا واحده صحبتى اخوها ضربها جامد اصل باباها متوفى و هو شديد شويه بس لما هدى اعتزرلها و راضاها
نورا / مرام انتى مش فاهمه حاجه ماشى
مرام / انا اسفه عن اذنك
مرام تيجى تطلع
نورا / مرام
مرام تبصلها
نورا / متزعليش منى انا اسفه الحقيقه انا مكنتش متخيله انك هتهتمى اصلا
مرام / انا والله بس ... هما كلهم بيقولولى انى لازم ابطل الطبع ده بس انا مبعرفش قولت يمكن اقدر اساعدك لما لقيتك داخله بشنطتك
نورا / تساعدينى
مرام / و ايه يعنى
نورا / تعالى اقعدى
مرام / بصى لو متخانقه مع اهلك ايه رايك تيجى تقعدى عندى
نورا تبصلها
مرام / ايه مش قد المقام طب والله العظيم المراتب القطن اريح مليون مره مالسفنج دى
مرام تقعد عالسرير و تبصلها و تهز راسها لا
مرام / اه والله و احسن تعرفى يوم مبتهبط بتحطيها فالشمس و لا بتجيبى المنجد يزودها بترجع جديده لكن دى فلوس فالارض تبوظ و تترمى
نورا / انتى طيبه اوى يا مرام
مرام / على فكره السرير عندنا واسع و انا مبشخرش و انا نايمه و لا انتى بتشخرى
نورا / ههههههههههههههههههههههههه
مرام / عادى على فكره ابقى احط قطنه فودنى
نورا / انتى بجد عوزانى اجى عندكوا
مرام / حتى لو انتى شيفاه مش قد المقام اكيد هيبقى احسن من انك تقعدى فشقه واحد غريب
نورا / اولا انا يشرفنى انى اجى عندكوا ثانيا مازن مش غريب مازن اعز اصحابى و هو فاتح بيته للاى حد فينا عنده مشكله
................................