السكه شمال بقلم / لولو_محمد ( كامله )

الحلقه ١٧٥

(((((((((السكه شمال )))))))))))
#لولو_محمد
الحلقه 175
فريده / اهدى يا زياد احنا لازم نستغل الموضوع ده لمصلحتنا
زياد / يعني ايه اهدى هو عاوز منى ايه يعني عاوزنى اعيش طول عمري مرماطون عند مازن و تقوليلي اهدى دانا اروح فيه فداهيه
لبني تنزل من فوق بتجري
فريده / مش هيحصل انا مش هسمحله المهم انت لازم تتصرف لازم تمنع مازن من السفر اعمل اى حاجه
زياد / ازاى و امتى
لبني / فى ايه؟
………………
فريده / دى الطريقه الوحيده
زياد / لا في مازن لازم يسافر بس الاهم ان مرام تعرف اللى بيحصل من وراها
فريده / انت مجنون انت متخيل ان مازن ممكن فعلا يشترى مرام و يبيع العز دا كله
زياد / ايوه متاكد
لبني / فى ايه يا زياد ماله مازن
فريده / دى فرصه واحده يا زياد لو مازن طلقها ابراهيم هيبيعله كل حاجه انا و انت هنبقي فى الشارع دا حتى مونى هيرميلها قرشين و يسكتها مينفعش نجازف مفيش حد بيحب خد للدرجه دى اسمع كلامى
زياد / مازن مش هيطلق لو على رقبته مش هيطلق
لبنى / يطلق مرام ؟؟ ليه ؟؟
زياد / اقفلى يا ماما اشوفك الصبح سلام دلوقت سلام
زياد يقفل
لبني / فى ايه قلقتني
زياد / ابراهيم الكلب عاوز يكتب كل حاجه لمازن قصاد انه يطلق مرام
لبني / طب و انت و مونى و مامتك
زياد / الخبر الحلو انه هيخلى مازن يبيعله كل حاجه لو صمم على مرام عشان يثبتله انها هتسيبه لو افتقر
لبني / خبر حلو ازاى هيطلقها و ياخد كل حاجه طبعا
زياد / مستحيل مازن بيحبها
لبني / مفيش حد بيحب حد للدرجه دى
زياد / انا بحبك للدرجه دى
لبني / عشان محلتكش حاجه لكن لو انت مكان مازن مكنتش هتقول كدا
لحظه صمت
لبني / كنت هتطلقني و لما تاخد كل حاجه هتردنى تمثيليه بسيطه تكسب بيها كل حاجه
زياد / لا مازن و لا مرام بالذكاء ده لحسن الحظ الفكره هنا ان لو مازن فعلا باع كل حاجه
لبني / مش هيحصل
زياد / انا عاوزك تكلمى مرام
لبني / انا ؟؟ ليه
زياد / فهميها اللعبه القذره اللى بتتلعب من وراها عرفيها ان مازن مسافر يبيعها و هيقبض تمنها غالى اوى خليها تحارب عشان حبها خليها تخليه يتمسك بيها اكتر
لبني / و انا اعمل كدا ليه
زياد / عشان لو معملتيش ده انا و انتى قريب اوى هنبقي فى الشارع بنشحت و ساعتها انتى هتبقي قبلى في الشارع
لبني تبص لزياد
لبنى / هو يعنى لو اونكل ابراهيم عرف ان انا اللى بوظتله خطته هيسكتلى
زياد / خلينا نسيب الموضوع ده لبعدين المهم دلوقت تعملى اللى بقولك عليه
لبني / تمام هحاول بس الوقت دلوقت اتاخر اكلمها اقولها ايه افرض مازن كان بايت عندها افرض كانت بتكلمه
زياد / مفيش حل تاني لازم مجازف مازن مسافر معايا بكره الصبح مفيش وقت
لبني تهز راسها و تجيب التليفون
...................
فى شقه مرام
سميحه / فى ايه يا مرام لبني كانت عيزاكى فى ايه
مرام / مش عارفه
سميحه / يعني ايه مش عارفه وشك مخطوف من ساعه مكلمتك و قاعده مسهمه فى ايه يا بنتى طمنينى عليكى
مرام / تفتكرى يا تيته مازن بيحبنى بجد تفتكرى مستعد فعلا يبيع الدنيا و يشترينى
سميحه / انا مش فاهمه حاجه ايه اللى جاب الموضوع ده فى دماغك
مرام / انا خايفه اوى يا تيته خايفه و مش عارفه اعمل ايه
سميحه / طب واحده واحده و فهمينى ايه اللى حصل و لبنى قالتلك ايه عشان اعرف اشور عليكى انما كدا مينفعش
مرام / هقولك
....................
فى شقه صافى
صافى تجيلها رساله عالواتس تقوم تجرى تفتحها تلاقي صوره سيلفي لشريف قاعد عالسرير و ماسك ساندوتش و جنبه عروسه باربي ماسكه ساندوتش و مكتوب
شريف / احلى هديه دى و لا ايه
صافى تكتب
صافى / هى باربي بتاكل ايه اوعى يكون فسيخ
شريف / معاكى حق مش مقامها باربي تاكل كفيار سيمون فيميه انما فسيخ يع
صافى / على فكره باربي ممكن تاكل تونه عادى و لا هو لازم فسيخ
شريف/ مش لازم
صافى / انت قولت انك بتحب الفسيخ لكن سالت باربي بتحب ايه
شريف / باربي بتحب ايه
صافى تكتب / بتحبك انت
صافى تمسح علاطول و تكتب
صافى / انت شبهتنى بالفسيخ فبعتهولك تاكله لكن انت بالنسبالى مش فسيخ عشان اكلك
صافى تمسح و تنفخ
شريف / هو الموضوع صعب اوى كدا
صافى / بفكر الله
شريف / هههههههه فكرى
صافى / بص انا مبحبش الفسيخ تمام
شريف / تمام
صافى / بس انت بتحبه
شريف / اه
صافى / انا بحب البطيخ
شريف / بطيخ !!!
صافى / اه شكله ناشف بس من جوه طرى و مسكر
شريف / بس مكعبر
صافى / طب مالفسيخ رحته وحشه و متكلمتش المهم انك بتحبه صح
شريف / فهمتك
صافى / انا بحب البطيخ
شريف / و انا كمان على فكره
صافى / دانت مش عاتق بقي
شريف / ههههههههههههه هو احنا بنتكلم واتس ليه
صافى / معرفش
تليفون صافى يرن تفتح فيديو كول
شريف / ازيك
صافى / اكلت
شريف / تؤ
صافى / ليه
شريف / مش عارف
صافى / انت مش قولت بتحبه و متقدرش تقاومه مش انت قولت كدا
شريف / لو اكلته دلوقت هيتعبنى ساعات الواحد لازم يقاوم الحاجه اللى بيحبها عشان ميتعبش
صافى / ساعات الاكل لما بيتساب كتير بيبوظ
شريف / يمكن حد تانى ياكله على فكره ناس كتير اوى بتحب الفسيخ
صافى / بس انا بعتاهولك انت هتسيبه و تاكل حاجه مبتحبهاش
شريف / لا هنام خفيف عشان عندى شغل الصبح
صافى / تمام تصبح على خير
شريف / و انتى من اهله
صافى تقفل و تبص قدامها عالترابيزه في طبق فيه بطيخ تزقه بعيد و تقوم
...............
فى المطار فى دبى
مازن ياخد شنطته و عمال يتصل بحد
زياد / ايه يابنى لسه برده مبتردش يمكن نايمه ابعتلها رساله قولها انك وصلت و خلاص
مازن / يمكن بس هى علاطول بتقوم تصلي الفجر و كمان المفروض كانت راحت الشركه بس انت صح اكيد نايمه
زياد /هو انتوا شديتوا مع بعض امبارح اتخانقتوا يعني
مازن / لا نهائي بالعكس انا موصلها البيت و طول الطريق دحك و هزار عادى الطبيعي بتاعنا
زياد / و مكلمتهاش من ساعتها
مازن / لا روحت يادوب لميت الحاجه و  بعتلها رساله اكلمها مردتش قولت اكيد نامت فنمت
زياد / كدا الموضوع يقلق كلمها على رقم تيته او محمود اتصل بمحمود
مازن / اقوله ايه
زياد / اطمن على مرام قوله مرام مبتردش لتكون تعبانه و لا حاجه
مازن / متقلقنيش تعبانه ايه كانت زى الفل
زياد / طب تعال و نبقي نطمن عليها لما نوصل الفيلا لحسن انا مطبق و مش قادر اقف
مازن / لا انا مش هتحرك الا لما اطمن عليها
زياد / يا عم يعني هترجعلها يعني
مازن / اه لو حكمت هركب اول طياره و ارجعلها انت بتهزر و لا ايه
مازن يتصل بمحمود
مازن / ايوه يا حوده صباح الخير فينك
محمود / فى الطريق رايح للشركه خير
مازن / نزلت !!! اصلى كنت عاوز اكلم مرام و مبتردش
محمود / نايمه لسه كنت عندهم من شويه تيته غلبت معاها تصحيها و هى ابدا سبتها و نزلت
مازن / تمام طمنتنى يعنى تيته صاحيه
محمود / اه صاحيه فى البيت هى اللى فتحتلى
مازن / اصلها هى كمان مبتردش
محمود / مش عارف والله
مازن / المهم هما كويسين يعنى
محمود / اه زى الفل متقلقش انت خالص
مازن / تمام تمام خلاص يا حوده شكرا
مازن يقفل
زياد / اطمنت عليهم
مازن / ايوه
زياد / بس غريبه دى من امتى مرام نومها تقيل اوى كدا خصوصا انكوا مكنتوش سهرانين سوا يعنى
مازن / يمكن مرهقه و لا حاجه عادى الفتره اللى فاتت مكناش بنام اصلا انا نفسى نمت امبارح نومه اهل الكهف و لولا انت صحتنى غالبا الطياره كانت هتروح عليا فعادى
زياد / على رايك متعرفش ابوك عاوزنا فى ايه
مازن / علمى علمك يارب بس يكون خير مونى كلمتنى و قالتلى انه قالها تيجى بس هى مش جدولها مضغوط اوى اليومين دول
زياد / الله يعينها
مازن / امين
..................................
فى شقه سميحه
سميحه / انا لو منك كنت ارد عليه
مرام / اقوله ايه
سميحه / كلميه عادى
مرام / انا خايفه اوى يا تيته
سميحه / من ايه هو انتى لسه هتعرفى مازن النهرده
مرام / لا اعرفه بقالى كتير بس مننكرش ان مازن مش مظبوط بعد موت خالو صفوت انا خايفه يسيبنى بجد
سميحه / متحطيش فى دماغك و يمكن لبنى بتشتغلك يمكن قالتلك كدا مقلب و لا حركه من حركاتها
مرام / و هى هتعمل كدا ليه
سميحه / معرفش بس اللى شوفناه منها و اللى حكيتيهولى عنها يقول انها تعمل و تعمل و تعمل كمان
مرام / معاكى حق بس كلنا عارفين ابراهيم بيه و بيحبنى قد ايه يعنى ده تصرف عادى منه يعملها
سميحه / بصى لو اتصل تانى كلميه زمانه قلقان عليكى و اتكلمى عادى و اى كان قراره اكيد هيكون ده النصيب و لا ايه و يمكن ربنا يخلف الظنون و كل ده يطلع عالفاضى و لا ايه
مرام / ممكن
.......................
فى شقه شريف
شريف بيلبس و يسرح شعره الباب يخبط و مامته تدخل
الست / بسم الله تبارك الله ايه الحلاوه دى تقولش عريس
شريف / ههههههههههههههههههه من بقك لباب السما اعيش و اشوفها يارب
الست / ياخويا العطله من عندك انوى انت بس و توكل على الله و انت هتلاقي نفسك متجوز و مخلف اتنين و التالت فى السكه
شريف / التالت فى السكه ههههههههههههههه
الست / ايه انت هتعملى بقى بتوع تحديد النسل و تنظيم الاسره و اتنين و بس و الكلام الفاضى ده و لا ايه لا يكون فى علمك انا عاوزه احفاد اتلخبط فى اساميهم من كترهم
شريف / ان شاء الله يا ست الكل هيجى يوم باذن الله و البيت ده يتملى عيال و يخلوه مورستان و منبقاش عارفين ننزلهم من فوق النجف و الستاير و لا نطلعهم من تحت السرير هستاذن انا بقى عشان هتاخر
الست / بقولك يا شريف
شريف / بصى لو عالرحله مفيش مشكله انا قولت لتقى الفلوس موجوده بس مش هينفع يطلعوا لوحدهم و انا مش فاضى فشوفى ظروفك و ظبطوا سوا
الست / رحله ايه يا شريف انا عوزاك فى حاجه تانيه خالص
شريف / خير يا ست الكل
الست / طب اقعد
شريف يروح يقعد
الست / طبعا انت اتعشيت امبارح مالفسيخ الانجليزى اللى بعتته صافى
شريف / ههههههههههههههه لا دا مصرى على ابوه هو بس عامل فيها ابن ناس
الست / الله
شريف / مش مهم مش مهم كملى
الست / البت صافى دى بت عسل
شريف / ماما لو سمحتى اجلى موضوع الجواز ده شويه تمام انا ورايا حاجات اهم دلوقت و الاهم ان ورايا شغل مهم جدا و هتاخر عليه يلا عن اذنك
شريف يبوس راس مامته و يخطف مفاتيحه و موبايله من عالتسريحه و ينزل يجرى
الست / ربنا يصلحلك الحال يابنى
..................................
فى فيلا ابراهيم
ابراهيم / اهلا اهلا اتارى دبى نورت
مازن / منوره باهلها يا بابا ازيك
ابراهيم / اتحسنت كتير لما شوفتكوا النهرده بقى وضبت حته بروجرام فسحته هتخلينا ننسى نفسنا و لا انتوا كنتوا مخطتين لحاجه تانيه ههههههههههههههههههههه
مازن يبص لزياد
مازن / لا والله يا بابا انا مش مخطط لاى حاجه
ابراهيم / يا ولد هههههههههههه عليا برده الله يرحم
مازن / فتره و عدت
زياد / انا هروح اشوف ماما فين اسلم عليها وحشتنى اوى
ابراهيم / هتلاقيها فوق بتلبس ... تعال يا مازن عاوزك فى موضوع
زياد يقف بعيد و مازن و ابراهيم يدخلوا المكتب و ابراهيم يقفل الباب بالمفتاح زياد يطلع فوق يخبط على مامته
فريده / ادخل
زياد يدهل
فريده / عملت ايه
زياد / انا مش فاهم مرام دى جنس ملتها ايه
فريده / ليه
زياد / تعرف امبارح انه هيتنازل عن كل فلوسه او يتنازل عنها و ميهنش عليها تتصل بيه تحزره
فريده / يعنى ايه
زياد / معرفش انا هتجنن لا و الباشا خد ابنه و قفلوا الباب عليهم بالمفتاح
فريده / و احنا هنقعد هنا حاطين ايدينا على خدنا اوعى كدا انا نازلالهم
فريده تقوم و تمشى و زياد وراها
............................
فى المكتب
ابراهيم / اقعد يا مازن
مازن و ابراهيم يقعدوا و ابراهيم يطلع ورق من الخزنه
ابراهيم / اسمع انا عارف انى جبتك على ملا وشك و قولتلك سيب اللى وراك و اللى قدامك و انت بصراحه مقصرتش
مازن / مفيش مشكله حضرتك تؤمر
ابراهيم / بصراحه انا فخور بيك اوى الكام يوم اللى فاتو انت اثبتلى انك من عيله منتصر بصحيح حركه الاسهم و توقيعها و لمها مالسوق دى حركه معلمين تلميذ ابوك ههههههههههههههههه
مازن يبتسم
ابراهيم / عشان كدا خلاص انا قررت انى اتقاعد بدرى بقى و ارتاح
مازن / بتتكلم جد
ابراهيم / هو انا يعنى هفضل شايل الهم طول عمرى انا كنت بشتغل لحد مانت تقف على رجلك و اطمن عليك بس اكيد هيجى يوم و اعيش حياتى بقى من حقى ارتاح فى اخر ايامى
مازن / بعد الشر عن حضرتك
ابراهيم / الواحد مكنش عامل حساب للدنيا يا مازن بس لما خالك اتخطف قدام عنينا فوقت عرفت ان الفلوس دى ملهاش اى قيمه مسيرى فيوم هسيبها ورايا و امشى
مازن / يا بابا ايه لزمته بس الكلام ده
ابراهيم / انا لما كنت فى سنك مكنش عندى العز دا كله كنت بفحت فى الصخر عشان اجيب الجنيه بدات مالصفر و يمكن من تحت الصفر كمان بس دلوقت شوف انا بقيت ايه عشان كدا كنت بسيبك تعيش تعيش شبابك اللى انا معشتوش تفرح و تنبسط و تتنطت زى النحله من ورده لورده تشم فى دى و ترقص مع دى تعيش و تنبسط العمر قصير يا مازن بس دا ميمنعش انى كنت خايف عليك خايف اسيبك لوحدك فى اى وقت تغرق كنت عاوز اجوزك بنت ناس يسندوك فى السوق يكبروك عاوزك تبقى اكبر قوه حصلت فى تاريخ الوطن العربى الفلوس يا مازن هى اكبر قوه فى الدنيا دى السياسه نفسها بتمشى بالفلوس انت اللى بايدك تحط القوانين و تشيلها اللى معاه فلوس يا مازن هو اللى بيحكم
مازن / هو حضرتك بتقولى الكلام ده ليه
ابراهيم / بديك ملخص حياتى عشان تكمل بعدى انت اثبتلى انك قدها و انا قررت اعتمد عليك بس دا ما يمنعش انك لو احتجتلى فى اى حاجه انا هكون تحت امرك انا مش هسيبك انا فضهرك و طول مانا عايش يا مازن هكون فى ضهرك ابن ابراهيم منتصر عمر مضهره ينكشف ابدا و لازم تحط دى حلقه فى ودانك كويس اوى
مازن / رنا يدى لحضرتك طوله العمر
ابراهيم / المهم انا فكرت و استخرت و قررت زى مقولتلك انى هتقاعد هاخد اجازه مفتوحه اخد فريده و نسافر نقضى شهر عسل جديد نجدد بيه الشباب اللى راح هروح استرجع شبابى كفايا عليا كدا بيتهيالى انا خلاص اديت رسالتى مونى كلها شهور و تتجوز و تبقى فى بيت واحد من اكبر رجال الاعمال فى الوطن العربى و انت اهو ما شاء الله عليك راجل ملو هدومك و لسه الدنيا قدامك اشوف نفسى بقى
مازن / تمام مدام حضرتك مرتاح للقرار ده ايه المانع
ابراهيم / انا قررت انى اسيل لمونى نصيبها فى الشركه هديلها كام قصر على كام فيلا متنطورين فى كذا حته فى العالم تبقى تتفسح فيهم براحتها وقت ما تحب و برده هسيبلها قرشين حلوين تدلع بيهم نفسها دا غير ان اكيد جوزها مش هيحرمها من اى حاجه
مازن / تمام
ابراهيم / و انا هكتب القصر ده باسم فريده و برده هديها قرشين كويسين جدا تبدا بيهم مشروع كويس لو حبت اما الشركه فانا هنقلها باسمك هى و باقى نصيبك من الممتلكات و الرفايع
مازن / ايه ؟؟
ابراهيم / زى متقول هوزع ورثى وانا عايش بس ما يمنعش انى هسيبلى قرشين فى البنك اعيش منهم مانا مش على اخر الزمن همد ايدى اخد المصروف حتى لو من ابنى
مازن / و مين قال لحضرتك اصلا انى هقبل بوضع زى ده بص يا بابا حضرتك لو عاوز تتقاعد ده حقك بس انك توزع ورثك دلوقت انا مش شايف له اى لزمه
ابراهيم / يا سيدى انا هرتاح كدا انا مش عاوز اى مشاكل تحصل بعد ما اموت خلى كل حاجه تبقى واضحه للكل
مازن / يا بابا بعد الشر عنك اصلا لسه بدرى على الكلام ده
ابراهيم / انا عارف انك بتحب مونى بس الفلوس بتغير النفوس يا مازن هيجى يوم و تقف لكامل و لا لزياد انا كدا بحط كل واحد عند حده
مازن / صدقنى يا بابا الكلام ده مش بس سابق لاوانه دا ملوش اى لازمه اصلا لا كامل و لا زياد يفرق معاهم الحاجات دى و لا حتى انا
ابراهيم/ الا اخبار البنت اللى اسمها مرام ايه طلقتها زى ماتفقنا و لا لسه سايبها على زمتك
مازن يبص لابراهيم باستغراب
.............................
فى الشركه عند مازن فى مصر
شريف قاعد فى اجتماع و فى واحد بيعرض بريزنتاشن
الشاب / و دا هيضمنلنا زياده فى الانتاج بنسبه 35% خلال الست شهور الاولى بس من تشغيل خط الانتاج و فى خلال سنه كامله هتوصل الزياده دى ل 100% عند تشغيل خط الانتاج بكامل طاقته و كفاءته اما بقى بالنسبه للعماله فالفكره دى بتضمن لينا
شريف توصله رساله على موبايله يفتحها يلاقى فيها صوره لصافى حلوه جدا من الفوتوسيشن يتعدل فى قعدته و يبص يمين و شمال بارتباك توصله صور تانيه ورا بعض ورا بعض
شريف/ انا اسف بس هستاذن ثوانى
شريف يقوم و يطلع بره و يتكلم فى التليفون
صافى / اول ما استلمت الصور مقدرتش امنع نفسى ابعتهالك علاطول ايه رايك بزمتك مش انفع ملكه جمال
شريف / تنفعى و نص طبعا
صافى / تعرف اول مسلمتها البروفيسور هنا طلب منى اعدى عليه فى الشركه بتاعته عاوزنى اشتغل معاه دا تانى اوفر يجيلى موديلينج فاسبوع واحد شوفت مش قولتلك انا هنا فدانيه تانيه خالص يابنى
شريف / ربنا يوفقك بجد فرحتلك اوى
صافى / بس للاسف برده رفضت قولتله انا عاوزه اركز فى دراستى و فى الديزاينينج الموديلينج دى هوايه لكن مش كارير و عرض عليا انى اتمرن عنده
شريف / ما دا كويس جدا برده
صافى / ايوه بس هنا فى مشكله انا وعدت مدام شنايا انى هتمرن عندها
شريف / انا بقول تستنى يومين تلاته يمكن تلاقى عروض احسن و لا حاجه بقالك كام يوم هناك و بيقطعوا بعض عليكى امال لو كملتى سنه هيعملوا ايه هتقوم حرب عالميه تالته بسببك
..........................