السكه شمال بقلم / لولو_محمد ( كامله )

الحلقه ١٩٣

(((((((السكة شمال ))))))))
#لولو_محمد
الحلقه 193
سلامه / محمود يا استاذ محمود
محمود / نعم يا سلامه
سلامه / جرا ايه يا حوده بقى ده اسمه كلام برده
محمود / عاوز ايه يا سلامه انا راجع تعبان و مش شايف قدامى
سلامه / انا حلفتلك مليون مره ان الكلام طلع من بقى زى محصل و لا قولت ست مرام نازله لوحديها و لا اى حاجه من اللى اتقال
محمود / حوار و اتقفل
سلامه / امال انت و مازن باشا زعلانين مننا ليه بس و لا سلام و لا كلام طب دا المعلم فى الرايحه و الجايه يكدرنى و انا و ربنا معملت حاجه
..................................
محمود / خلاص يا سيدى ليك عليا هكلم مازن و نبقى نيجى يوم نلعب قهوه عالطاوله يووووه طاوله معاك عالقهوه بقولك مش شايف قدامى
محمود يسيبه و يمشى يقابل مازن داخل من الناحيه التانيه شايل اكياس كتير
محمود / هات اساعدك
مازن / حماتك بتعشقك مرام بتعمل كبده فوق و ناويين نتعشى و ندفى
محمود / و لا شايف قدامى يادوب انام شويه و لما اصحى الفجر بقى ابقى اقعد ازاكر
مازن / مش انا قولتلك مش هتقدر و امشى على الجدول بتاعنا ترتاح
محمود / بص يا مازن مدام مش عاوز تمشى المرتب مع الجدول يبقى هروح كل يوم و اشتغل اوفر تايم بدل الوقت اللى بيضيع فى الكليه
مازن / انت جايب دماغك دى منين حقيقى انا عمرى مشوفت كدا
محمود / يا سيدى انا متعودتش اخد فلوس منغير متعب فيها
مازن / طب و فى الامتحانات هتعمل ايه بقى ان شاء الله هتعوض ازاى بقى
محمود / هاخد شهر المراجعه اجازه منغير مرتب و ابقى ارجع من اول الاجازه تمام
مازن / اصحاب العقول فى راحه اطلع اطلع
محمود / هى لسه هتعمل الكبده و لاعملتها خلاص
مازن / هههههههههههههههه اطلع اطلع
.................................
فى شقه شريف يوم سفر صافى
شريف ياخد الشنطه و ينزل و الست و البنات بيعيطوا
صافى / كفايا بقى بجد انا مش بستحمل الحاجات دى خالص
الست / تروحى و تيجي بالف سلامه اتغذى كويس و اول متوصلى كلمينى
صافى / باذن الله
تقى / هتوحشينى خالص
شيماء / هو انتى بجد لازم تسافرى
صافى / معدتش عاوزه اسافر والله
الست / توكلى على الله يا بنتى و شوفى مستقبلك و ان شاء الله ترجعى تلاقى الدنيا كلها جاهزه عالفرح
صافى تبتسم و تحضنهم
رؤى / لا انا مش شاطره فى السلام و مش عاوزه اعيط انا لو فتحت مش هقفل
صافى تبتسم و تحضنها
صافى / انتوا احلى اخوات فى الدنيا بجد انا بحبكوا اوى يلا سلام
الكل يحضنها حضن اخير
الست / كفايا احضان بقى البنت هتتاخر عالطياره
تقى / يارب تروح عليكى و ترجعى تانى
صافى تحضن تقى اوى و تبتسم للكل و توصل للباب و ترجع تحضن الست تانى الست تطبطب عليها و صافى تنزل تلاقى شريف واقف يفتحلها الباب تركب
صافى / هما علاطول كيوت كدا و لا انا النهرده ايموشنال بزياده
شريف / مش كنا كتبنا الكتاب كنت حضنتك انا كمان زيهم دلوقت
صافى تبتسم و تركب و شريف يقفل الباب و يبتسم و يروح يسوق
.......................
فى شقه سعيد
سعيد / مكنش العشم يا صاحبى كدا متسالش على اخوك اللى مرمى
كريم / مش لما تبقى صاحب يستاهل الاول
سعيد / انت بتقول ايه يا كريم و ايه اللون ده
كريم / الفيديو ده جالى واتس اتفرج كدا و قولى ايه رايك
سعيد / مش محتاج اتفرج انا عارف اللى فيه
كريم / عارف يعنى انك فعلا بترمى بلاك على نورا
سعيد / لو انضربت ربع الضرب اللى انا كلته كنت هتقول كل اللى بيملوهولك بالحرف و منغير كلام متبص لمنظرى شايف انا عامل ازاى و لا انت مش شايف غير الفيديو المضروب ده
كريم / قصدك ايه
سعيد / قصدى تسال عنه ست الحسن و العفاف اللى اخوك بلانا بيها سلطت عليا حبيبها الاولانى خطفونى و نزلوا فيا ضرب و مسابونيش الا لما قولت كل اللى هما عاوزينه و مكفاهمش قلعونى هدومى و رمونى قدام البيت عشان اتزل اكتر
كريم / و هى هتعمل معاك كدا ليه ان شاء الله
سعيد / فتح مخك يا كريم و متبقاش عبيط زى اخوك الكبير اللى زى دى بتصطاد فى المايه العكره رسمت على اخوك جو التوبه و العفاف و دلوقت بتسحبكوا واحد ورا التانى و لما ملقتش معايا رجا قالت تزيحنى من طريقها خالص
كريم / انت عرفت منين حكايه نورا اصلا و ان ليها حبيب قديم و الكلام ده كلو
سعيد / الجدع اللى خطفنى يا عم قالى
كريم / يعنى عاوز تقنعنى انك متعرضتلهاش عالسلم خالص
سعيد / لا اله الا الله متسال يا عم اسراء اختك مهى شافت كل حاجه بعينها و سمعت انا كنت بقولها ايه متخلينيش اقول اللفاظ بقى انا تعبان و مش قادرلك
كريم / مش عارف ليه يا سعيد انا مش قادرلك خصوصا ان نص القصص اللى انت حاكيها في الفيديو دى انت حاكيهالى عن مغامراتك الزباله اللى ياما قولتلك هتوديك فى داهيه
سعيد / ياعم احلفلك بايه عشان تصدق الناس دول ضربونى و خلونى اقول الكلام ده
كريم / و هما يعرفوا منين الكلام ده عشان يخلوك تقوله بص يا سعيد انا مش مصدقك
سعيد / بكره الايام تثبتلك يا صاحبى مين حبيبك و مين عدوك و ساعتها متجيش تعيطلى عشان البت دى مش تمام
كريم / انا مقولتش لابوك على حاجه مع انه لو فكر ثانيه واحده هيعرف انك بتكدب اصل انهى حرامى ده اللى هيرميك قدام بيتك دا حنين اوى
سعيد يبص لكريم
كريم / بص يا سعيد انا جتلك بالادب و عملت حساب لرقدتك دى و عملت حساب كمان للعشره و العيش و الملح صونهم انت كمان عشان انا قلبتى مش هتعجبك بالاذن يا صاحبى
كريم يمشى و سعيد قاعد بيغلى يمسك الموبايل و يرن
سعيد / عاوز اقابلك ضرورى
اسراء / انا هروح بكره الكليه
سعيد / تمام هقابلك هناك اقفلى بقى قبل محد عندك ياخد باله 
اسراء / سلام يا قلبى
سعيد / سلام .... اما نشوف بقى يا ست نورا انا ..و لا انتى
....................
فى المطار
مرام تحضن صافى اوى
مرام / هتوحشينى اوى اوى اوى
صافى / لو جدول الامتحانات نزل و عملتوا الفرح مع اجازه الكريسماس هنزل احضر و ارجع تانى
مازن / للاسف لسه مفيش اى اخبار فى الموضوع ده بس مفتكرش الامتحانات بتبقى فى اخر واحد
صافى / اوف بقى
مازن / سبيها لله حتى لو بعتلك تنزلى ويك اند و ترجعى علاطول او اى حاجه هتتدبر باذن الله
صافى / انتى مش ناقصك اى حاجه
مرام / ربنا ما يحرمنى منك
صافى / هتوحشونى اوى
شريف / هنفضل نسلم كدا لحد مالطياره تفوتك
صافى تبصله
صافى / هتوحشنى اوى بجد انت و رخامتك
شريف / لا متخافيش مش هحرمك منها و اللى مش هيوصل فى التليفون هحوشهولك
صافى / لا انا مش قادره بقى والله هعيط
مرام / متنشفى يا بت فى ايه مالك كدا يلا للخلف در معتدل مارش اجرى عالطياره
صافى تبصلهم و تاخد شنطتها و تمشى و يعملولها باى باى و شريف واقف متابعها مازن يحط ايده حوالين رقبته
مازن / انجز بقى فنفسك عشان تبعتلها بسرعه
شريف / انت بتقول فيها انا تقريبا لقيت الشقه خلاص و كلمت الراجل
مرام / بالسرعه دى
شريف / هى شقه ايجار جديد فى نفس العماره من حسن حظى العقد بتاعها هيخلص فشهر سته و اتفقت مع الراجل ميجددش و يديهانى
مرام / حلو اوى مفتكرش هتلاقى مكان احسن من كدا
شريف / طبعا فرق دورين بس
مازن / و من هنا لشهر سته تكون ظبط انت كل حاجه ستاير بقى و نجف و سجاد و عفش و كلو
شريف / و لا هشغل نفسى باى كلام فاضى من ده انا فى معايا جيش حريم هيقوموا بالواجب و زياده
مرام / صحيح فدى معاك مليون حق ربنا يخليهملك
مازن / لو احتجت اى حاجه
شريف / لا متقلقش معنديش غيرك اتلاجئ عليه
مرام / طب هنفضل هنا
شريف / انا هستنى لما الطياره تطلع لو عاوزين انتوا تمشوا
مازن / لا اخاف اسيبك لوحدك فى الظروف دى
شريف / ههههههههههههههههههه خفه
..........................
فى شقه على
ماجده واقفه مع نورا فى المطبخ و نورا بتقلى بانيه و ماجده واقفه بتعلمها
ماجده / لا كدا لونها حلو اوى طلعيها بقى
نورا تطلع و تحط عالمناديل و تحط بدالهم كريم يدخل
صوت كريم / انا جيت
ماجده / حماتك هتحبك العشا النهرده ساندوتشات بانيه من عمايل نورا
كريم يدخل المطبخ
كريم / ايه النظام هنتعشى و لا هنطلع عالمستشفى
ماجده / احكم بنفسك
ماجده تجيب ساندوتش و تحط جواه شريحه و تديه لكريم
كريم / لا تسلم ايدك سبعه تمانيه كماله بقى لحسن اخوكى واقع
نورا / ههههههههههه بس كدا تؤمر
ماجده / يؤمر ايه ما يجى ياكلنا بالمره ... صحيح يا كريم بصيت على سعيد امه كانت زعلانه منك اوى
كريم يبص لنورا
كريم / بصيت عليه
ماجده / لو فى اى زعل بينكوا يابنى خلصوه بعدين لكن الراجل عيان و زيارته واجب ان مكنش حق الصحوبيه اللى بينكوا يبقى حق الجيره و العشره
الزيت يطرطش على ايد نورا
نورا / ااااه
كريم يجرى يجيب تلج
الست / لا لا مش مستاهله قولتلك وطى النار يا نورا حطيها تحت المايه و هى هتعدى
كريم / سلامتك
اسراء تدخل
اسراء / متجمعين عند النبى ان شاء الله
كريم يسيبها و يمشى
اسراء / دا ماله ده ... ايه مش هنتعشى النهرده و لا ايه مكنش حتتين بانيه هتقليهم
ماجده / عقبال متنوى العلام انتى كمان و نشوف هتقليهم فى قد ايه
اسراء / لما ابقى اتخطب زيها ابقى اتعلم عن اذنكوا
اسراء تمشى
ماجده / مش عارفه اعمل فيها ايه عليها و على لماضتها دى
نورا / بكره تهدى و تعقل
ماجده / امين
.........................
فى كليه اسراء تانى يوم
اسراء / يا بنت الكلب اتاريها واقفه بتدحك معاهم فى البلكونه و لا سى كريم ابو قلب حنين اللى مش قادر يشوفها بتتوجع فقعنى والله قومت من مكانى كان هاين عليا
سعيد / اهدى كدا عشان انا مش قادر للقعاد كلمتين هقولهملك و امشى
اسراء / سلامتك يا حبيبى والله لاجيبها من شعرها
سعيد / انتى عبيطه ما ده بالظبط اللى هى عوزاكى تعمليه البت دى خبره و مش سهله بتعرف تلعبها صح و احنا جنبها غلابه دخلت على اخواتك واحد ورا التانى و دخلت على امك متخليهاش تعرف تقلبهم عليكى بقى هتطلعى انتى اللى وحشه فى الاخر
اسراء / امال اعمل ايه
سعيد / زى معملت فيا هعمل فيها
اسراء / هتخطفها و تضربها
سعيد / اضربها ايه هو انا وش ذلك انا بس هصورها و هى بتعترف و ابعت الفيديو ده لاخواتك و امك
اسراء / هتصورها ازاى يعنى ... سعيد بقولك ايه
سعيد / يا بنتى انا مش هضربها هخوفها بس هى اول متشوف نفسها اتزنقت هتقر بكل حاجه و انا هكون مجهز الكاميرات فى المخزن و لما تقر هسربها
اسراء / يا سلام مهى هتروح تقول ان انا اللى ساعدتك
سعيد / متفوقى يا اسراء و انتى مالك بالموضوع انا هقولك تعملى ايه بالظبط و انسيها خالص بعد كدا
اسراء / تمام قول
...............................
فى شقه على
نورا قاعده بتزاكر اسراء تدخل شايله اتنين نسكافيه تعزم على نورا بواحد
نورا / شكرا
اسراء / انا عارفه انك زعلانه منى بس انا مكنتش اعرف انه زباله اوى كدا
نورا / حصل خير
اسراء / هو انتى ليكى علاقه بالناس اللى خطفوه دول
نورا / لا و مكنتش اعرف ان ده هيحصله اصلا
اسراء / اصل التوقيت يعنى قولت انتى
نورا / يلا ربنا يبعده عن سكتنا
اسراء / بقولك ايه متيجى نخرج
نورا / دلوقت ؟؟
اسراء / هنخرج دلوقت نروح فين يعنى دى ماما تعلق رقبينا على باب زويله انا بتكلم عن بكره انا مخنوقه اوى الحيوان طلع يعرف عليا كل دول هان عليه العيش و الملح
نورا / انا قولتلك
اسراء / انا كل اللى مجننى ان مكنش يبان عليه حتى ابيه كريم اتصدم فيه جدا
نورا / غيرى الموضوع و انسيه خالص تجربه و عدت و انا متاكده انك هتتعلمى منها
اسراء / انساه ازاى بس دا اول حب فى حياتى
نورا / بصى ايه رايك نخرج انا و انتى بكره نروح الكوافير صدقينى بتنسى الدنيا هناك
اسراء / منين يا حبيبتى دانا قولت هنروح نقعد فى اى كافيه و عماله افكر ازاى اقنع ماما تدينا فلوس
نورا / انا معايا
اسراء / لا مينفعش
نورا / يا ستى هو مش انا زى اختك انا هعزمك و بكره لما تكبرى و تشتغلى ابقى اعزمينى
اسراء / لا يا ستى ميصحش
نورا / متبقيش غلسه بقى
اسراء / خلاص ماشى بكره انا و انتى نخرج نروح للكوافير بس بقولك ايه انتى تاخدى الاذن من ماما هتوافق لما انتى اللى تطلبى اصلها قافشه معايا هى و ابيه كريم
نورا / حاضر هقولها انا
اسراء / ربنا يخليكى يارب يلا اشربى النسكافيه بقى عشان تدفى
نورا / جميل اوى تسلم ايدك
اسراء / الف هنا
..........................
تانى يوم فى شركه ابراهيم
زياد / الهبل ده ميلزمنيش انا مش هسكت عالقرف ده
بنت / فى ايه بس يا زياد بيه الملفات كلها قدام حضرتك زى مطلبت
زياد / الاستاذ عبد الرؤؤف بيه مستكبر يجبلى الورق بنفسه ليه بقى ان شاء الله فاكر نفسه ايه
البنت / انا معرفش والله حضرتك هو طلب منى ادى لحضرتك الورق و انا جبته يمكن هو بيعمل حاجه تانيه و لا حاجه
زياد / حاجه تانيه على نفسه انا رقم واحد هنا و لما اقوله يجى يسيب اللى وراه و اللى قدامه و يجى انتى فاهمه روحى ناديله و قوليله خمس دقايق لو مجاش قدامى يصفى حسابه و يمشى
لبنى تدخل و البنت تطلع
لبنى / مالك يا بيبى صوتك عالى ليه
زياد / الحيوان اللى اسمه عبد الرؤؤف ده لسه بيتنطت عليا
لبنى / قولتلك كلم مازن
زياد / كلمته قالى انه خاله ايده من اى حاجه تخص ابوه و ان الاحسن اكلم بابا
لبنى / من امتى مازن بيديك ضهره ليك حق تتعصب طبعا
زياد / و الحيوان التانى واكل ودن ابراهيم الكلب و عامل فيها رئيس مجلس الاداره
لبنى / طب و انت متعرفش تشوفله مصيبه تطيره بيها
زياد يبصلها لبنى تحرك كتافها
زياد / لو مجاش دلوقت هيطير
لبنى تروح تقف ورا زياد و تعمله مساج فى كتافه يهدى
..............................
فى شقه على
ماجده / و لزمتها ايه بس المصاريف يا بنتى
نورا / و لا مصاريف و لا حاجه اهو يمكن نقرب من بعض شويه
ماجده / طب استنى خدى خلى دول معاكى
نورا / لا لا انا معايا لو عاوزه ادى اسراء لكن انا معايا والله
ماجده / انا لو اديتهم لاسراء هتخليكى تعزميها و تصرفهم برده لكن معاكى اديكى عزماها و متقلقيش اكيد هديها يعنى بس انا عارفه هديها ازاى
اسراء تطلع
اسراء / انا جهزت
ماجده / خدى يا اسراء خلى دول معاكى
اسراء / تسلم ايدك يا ست الكل
نورا / يلا
اسراء / سلام يا ماما مش هنتاخر
ماجده / لا اله الا الله ابقوا كلمونى كل شويه عشان مقلقش
نورا / تمام حاضر
نورا و اسراء ينزلوا و كريم يطلع من جوه
كريم / صباح الخير يا ست الكل
ماجده / رايح على فين كدا
كريم / رايح الكليه اجيب ورق عشان اللخصه اما اشوف الماستر دى هتخلص على فين امال يعنى ايه الهدوء ده
ماجده / نورا خدت اختك وراحوا الكوافير اهو يمكن يظبطوا المايه بينهم
كريم / نزلوا امتى
ماجده / لسه حالا اعملك تفطر
كريم / لا مستعجل يلا سلام
كريم يفتح الباب و ينزل
ماجده / الله طب استنى اقولك حاجه انا عارفه العيال دول متسربعين على ايه ابقى اكلمه عالموبايل بقى بعدين
..........................
قدام محل كوافير
تاكس يقف و نورا و اسراء ينزلوا
نورا / انتى واثقه ان البنت دى كويسه
اسراء / صحبتى علاطول بتعمل عندها شكرتلى فيها اوى
نورا / طب مش هندخل
اسراء / مصحبتى دى لما عرفت اننا جايين قالت هتيجى استنى ارن عليها اشوفها هى فين
اسراء تطلع الموبايل ميكروباص يقف قدامها بالظبط و يشدها و نورا تحاول تمنعه عنها يشدها هى كمان و الاتنين بيصرخوا و الميكروباص يطلع يجرى
............................
فى الصيدليه تحت بيت شريف
شيماء تدخل تعدى الكاونتر و تدخل جوه تحط كتبها و تطلع روب و تلبسه
شاب / الاجازه خلصت هاه
شيماء / مع الاسف مع الالم بس كانت فتره حلوه الصراحه عقبالك
الشاب / فال الله و لا فالك
شيماء / هههههههههههههه ماشى
الشاب / مش دلوقت خالص لا مش دلوقت خالص يعنى يمكن لما اقفل التلاتين خمسه و تلاتين كدا
شيماء / و جاى على نفسك ليه كدا
الشاب / يعنى اهو اكون زهقت من دنيتى و قررت انتحر
شيماء / اه لو ماما سمعتك دى هتديك دروس فى الحياه و فايده الجواز و قد ايه هو جميل
الشاب / انا والدى اتوفى ووالدك اتوفى و ووفقا للاحصائيات عمر الزوجه اطول من عمر الزوج
شيماء / صاحب ابيه الانتيم مامته اتوفت ووالده عايش عادى و خاله اتوفى مع انه متجوزش و خطيبته والدتها اتوفت قبل والدها و مين تانى يا شيماء مين تانى
الشاب / حالات فرديه و اللى بقولك عليه دا ساينس احصائيات عالميه مش جايبها من حاله و لا اتنين
شيماء / خلاص تمام انت صح
الشاب يبصلها باستغراب
شيماء / ايه لزمته الجدال بقى انت صح و خلاص متتجوزش
الشاب / يعنى مش هتحاولى تقنعينى بالعكس و تغيرى نظرتى للموضوع
شيماء / و هيفرق معايا فى ايه بدل متتجوز و يجرالك حاجه و اشيل انا ذنبك 
راجل يدخل معاه روجته شيماء تقوم تبص فيها و تجبله الحاجه و الشاب متابعها و مبتسم
شيماء / ميه خمسه و اربعين
الراجل يحاسبها و يمشى
الشاب / طب و انتى يا دكتوره ايه رايك فى الموضوع
شيماء / رائي فى ايه الجواز بوجه عام و لا انه بيقصف عمر الرجاله
الشاب / هههههههههههههههههههه لا بصفه عامه
شيماء / والله معرف كنت اسالنى  من كام شهر يمكن كنت اعرف ارد
الشاب / هههههههههههههههههههه بتكلم جد
..........................