السكه شمال بقلم / لولو_محمد ( كامله )

الجزء 26

((((((((((((السكة شمال))))))))))
#لولو_محمد
الحلقه السادسه و العشرون
الامين يدخل و معاه اتنين ستات ضخام ضاربين بعض
الامين / ادخلى يا وليه منك ليها
الظابط / جرا ايه يا وليه منك ليها هو مورايش غيركوا فام القسم ده و لا ايه مش هنخلص بقى دخلهم الحجز لحد مفوقلهم
الامين ياخد الاتنين الستات و يمشوا
الست / هو مش المفروض كان خد هايدى و امل بالمره
...........................
امينه تبص للست هاديه و مبتسمه الظابط يبص لامينه و يمدلها ايده
الظابط / بطاقتك عشان المحضر
امينه تبص لامل امل تهز راسها لا و الدموع تنزل من عنيها
الظابط / حضرتك انا مش قدامى اليوم كله لو هتعملى المحضر هاتى بطاقتك و لا انتى معكيش بطاقتك لا دى فيها حكايه تانيه بقى
راجل 2/ انا شايف ان حضرتك معاك حق فالاول و الاخر الاتنين زى بناتنا حرام مستقبل واحده فيهم يضيع بسبب موقف اهبل زى ده انا هسحب المحضر و اتنازل
الظابط يبص لامينه
امل / و احنا كمان هنتنازل
امينه تبص لامل
الظابط / تمام اللى تشوفوه تقدروا كلكوا تتفضلوا
الكل يطلع هايدى تقرب من امل
هايدى / يا خساره طلعتى جبانه كنت محضرالك حفله محترمه فى الحجز يلا فرصه تانيه سلام
هايدى تمسك ايد مامتها و يمشوا كلهم و امل و امينه واقفين
..............................
فى الشقه عند مرام
مرام واقفه فى المطبخ قدامها تورته ايسكريم بتحط فوقها بولات ايسريم سميحه تدخل
سميحه / خلصتى اختراع و لا لسه
مرام / مهو انا مش واقفه طول اليوم امبارح اعمل فيها عشان تفشل
سميحه / طب هندوق و لا ايه
مرام / هحطها فى الفريزر تمسك اخر مره بس قبل كل ده هصورها
سميحه / طب ممكن نتغدى طيب و لا ايه انا غلطانه انى استنيتك
مرام / ههههههههههههههههههه هو الاكل يبقاله طعم منغيرى يا تيته يا عسل انتى
سميحه / هروح اتوضى و اصلى العصر
مرام / ادعيلى
سميحه تمشى
............................
في الشارع عند امل
واد صايع ماشي معاه عيل صغير
تيفا / واد يا حمو بتعمل ايه هنا يابن الجزمه
حمو / ايه ده تيفا عاش من شافك يا راجل بتعمل ايه هنا
تيفا / دي منطقتي
حمو / تعرف بت اسمها امل غباشه ساكنه هنا
تيفا / اه فالبيت ده ايه نويت تتلم و لا ايه
حمو / لا يا عم دا حوار مصلحه
تيفا / مصلحه فمنطقتي و كمان لواحده من بنات حتتي انسي انت عاوز تركبني العيبه و لا ايه
حمو / ياعم هيطلعلك فيها لقمه حلوه اصلها مزعله ناس كبار و عاوزين يقرصوا ودنها بس
تيفا / كام يعني
حمو / عشر برايز ليك منهم بريزتين
تيفا / خمسه و اعمل نفسي مش واخد بالي اقل هقول لمجدي و انت و مزاجه بقي
حمو / استبينا لما تيجي بقي شاورلي عليها
تيفا / اقعد ... لا متقعدش جايه هناك هى و امها اهى
حمو لسه هيقعد يقوم و يوشوش الواد الصغير الواد يجى يكب مايه على وش امل تصرخ اسعد الجزار يقف
اسعد / هات الواد ابن الكلب ده يا صاصا
امينه / انتى كويسه يا امل
امل تهز راسها اه
اسعد / عيال ناقصه تربيه
حمو يقرب من امل
حمو / احمدى ربنا يا حجه انها مايه عاديه مش ميه نار لحسن ولاد الحرام كتروا اوى
حمو يمشى و امينه و امل واقفين مذهولين امينه تزق امل جوه البيت
.................................
فى شقه مازن
مازن و نورا قاعدين على ترابيزه السفره و معاهم شاب
الشاب / الحته دى لو فهمتها كل اللى جاى هيبقى سهل
نورا / انا تعبت هقوم اجيب حاجه اشربها
مازن / كفايا كدا النهرده
الشاب / اللى تشوفه
مازن / على تليفون برده
الشاب / تمام
الشاب يمشى و مازن يقفل الباب نورا تطلع مالمطبخ معاها عصير
نورا / انت بجد ناوى تزاكر
مازن / اه مش هينفع تطلع هى رابعه و افضل انا فتالته عمرها مهتبصلى ساعتها
نورا / طب مننجح زى كل سنه
مازن / الراجل اللى اسمه الصواف ده مش هينجحنى مانتى عارفه على الاقل لازم ازاكر مادته
نورا /  طب متخليك فى ملخص ليله الامتحان
مازن / متهبطينيش بقى دا حتى المنهج سهل و مش اول مره نسمعه يعنى
نورا / بقيت تتكلم زى ماما بتقولى دانتى من كتر مسقطتى المفروض يعينوكى معيده
مازن / ههههههههههههههههههه عندها حق احنا بقينا فاهمين فالمنهج من الخبره فين عصيرى
نورا / ملكش روح هات لنفسك ههههههههههههههههههههه
جرس الباب يضرب مازن يروح يبص مالعين و ينفخ و ياخد نورا و يدخلوا جوه
نورا / مين
مازن / نيفين احلقيلها يلا نقعد جوه
مازن و نورا يدخلوا جوه
.................
فبيت مرام
مرام تفتح الباب و شايله طبق عليه قطعه تورته ايسكريم تقابل امل و امينه طالعين السلم
مرام / ولاد حلال عامله تورته جلاس فالبيت لازم تدوقوها ... ايه اللى بلك كدا يا امل
امل تطلع و متردش مرام تبص لامينه امينه تسيبها و تمشى مرام تستغرب و تروح تخبط على مديحه محمود يفتح
محمود / انا كنت متاكد انك مش هتقدرى على بعدى اكتر من كدا
مرام / ههههههههههههههههههه انت خارج و لا ايه
محمود / نازل للمعلم اسعد عاوزنى
مرام / طب كل دى الاول
محمود / هى دى اللى انتى عماله تعجنى فيها من امبارح
مرام / تصدق خساره فيك هات
محمود / عليا الطلاق مهو راجع
مرام / لما تتجوز ابقى طلق هاته
مديحه / مين يا محمود
مرام / انا يا عمتى بعتالك حته تورته متديش محمود منها حاجه
مديحه / ههههههههههههههههههه يخرب عقلك يا مرام
محمود / اكتر من كدا دى ضايعه ... انا نازل عشان متاخرش سلام
مرام / و التورته
محمود / عنيلى منابى
مرام / لو اتبقى بقى سلام
محمود ينزل و مرام تدخل تقعد مع مديحه
................................
فى شقه امل
امينه تدخل على امل الاوضه نايمه فى السرير تروح تقعد جنبها تلاقيها بتعيط تمسح بايدها دموعها امل تقوم تقعد
امينه / تاكلى حاجه
امل تبصلها و متردش
امينه / على فكره انا مش هسكت الموضوع مخلصش على كدا انا هروح بكره الصبح المدرسه و
امل تقوم و تسيبها امينه تبص عليها و تبص فى الارض باب الشقه يخبط امينه تقوم تفتح تلاقى مرام ماسكه طبق فيه تورته
مرام / عملاها بنفسى امال امل فين
امينه / ادخلى يا مرام امل فى الحمام
مرام تدخل تقعد امينه تروح تخبط عالحمام
امينه / امل حبيبتى مرام بره بتسال عليكى ... جيبالك التورته اللى بتحبيها فاكره لما قولتيلى اجيبهالك فى عيد ميلادك السنه اللى قبل اللى فاتت ... مرام بقى عملتهالك اطلعى يلا قبل متسيح ... امل ... امل انتى مش بتردى ليه ... امل ... امل
مرام تروح تقف جنب امينه
امينه / امل مبتردش
مرام تخبط
مرام / امل ؟؟ انتى كويسه ؟؟ امل ... امل
امينه / افتحى بدل مهكسر الباب افتحى يا امل
مرام تجرى تطلع البلكونه
مرام / محمووووود محمووووود
محمود يطلع مالمحل و يبص لفوق
مرام / تعال بسرعه اللحقنا
محمود و اسعد يطلعوا يجروا و يدخلوا امينه بتحاول تفتح الباب اسعد يدى الباب كتف التانى التالت يتفتح امل فى الارض قاطعه شراينها
.............................
فى الليفنج عند مازن
نورا / يخربيت الملل الفيلم ده شوفته مليون مره
مازن / معلش عشان خاطرى بحبه
نورا / فيلم اهبل اوى سيده القصر ده
مازن / فاتن حمامه و عمر الشريف فيلم اهبل
نورا / لا طبعا مش قصدى انا اقصد القصه بتاعه الفيلم يعنى مفيش الكلام ده هو خلاص زهق منها بيشوف غيرها حامل بقى مش حامل كل ده كلام اهبل اصلا تعرف حتى بعد الجواز و الخلفه الراجل بيوحشه احساس انه الواد المز الجامد اللى البنات بتجرى وراه
مازن / طب و ايه يعنى مهو ده اللى حصل فعلا هو زهق عشان كدا رجع بدرى من شهر العسل و رجع لحياته القديمه
نورا / لا بس اتعدل فالاخر و اتصلح حاله و عاشو هابلى ايفر افتر
مازن / و دا مستحيل يحصل صح
نورا / اه طبعا هو مؤقتا ممكن لكن فتره قد ايه شهر سنه اتنين بعد كدا لازم يخونها
مازن / انا رايى انا الراجل لما بيحب بجد مبيشوفش واحده غيرها
نورا / الراجل مبيحبش يا مازن انا و انت عارفين كويس ان فى حاجات تانيه عند الرجاله اهم بكتير مالحب و العبط ده
مازن / ماحنا مش حيوانات يعنى
نورا / عاوز تقنعنى انك ممكن يجى عليك يوم تعيش لبنت واحده بس
مازن يسكت
نورا / شوفت
مازن / اه هيجى اليوم ده فيوم من الايام
نورا / فى الاخره و عليك خير ههههههههههههههههههههه
مازن / المهم انه هيجى ههههههههههههههههههه
.......................................
فى المستشفى
امينه بتعيط و سميحه بتطبطب عليها
امينه / حبيبتى مستحملتش
سميحه / الحمد لله قدر و لطف
امينه / الحمد لله
مديحه / بس الحق يتقال البت معزوره مش سهل ابدا
امينه / قال و انا اللى وخداها للقسم و عامله سبع رجاله فبعض و هجيبلها حقها وقفت زى الكتكوت المبلول قدام الظابط حسبى الله و نعم الوكيل
الناحيه التانيه مرام واقفه بتعيط و محمود واقف جنبها
محمود / احنا بقينا فغابه و الفقير اللى زينا ملوش فيها مكان .. شوفتى هى دى لو كانت بنت وزير و لا حتى بنت ممثل كان اتعمل فيها كدا مش حقها كان زمانه رجع لكن احنا طظ فينا نولع تعرفى احنا لو بلطجيه و لا مجرمين يمكن كان حالنا بقى احسن من كدا ذنبها ايه البنت اليتيمه دى تتعرض لموقف زي ده فالسن ده تفتكرى حتى لو طلعت مالمستشفى هتقدر تروح المدرسه و تكمل عادى و لا هتحاول تموت نفسها تانى
مرام تسيبه و تمشى
...............................
فى شقه مازن
مازن نايم جنب نورا قدام التليفزيون تليفونه يرن ياخده يحطه على ودنه و يرد و هو نايم
مازن / الو
صوت مرام بتعيط
مرام / انا اسفه لو صحيتك
مازن يقوم يقعد
مازن / مرام !!
مرام / انا عمرى مطلبت من حد حاجه انا اصلا مش هطلب منك حاجه انا بس
مازن يقوم يطلع بره
مازن / انتى بتعيطى ولا ايه
مرام / لا مبعيطش خالك طلب منى انى ازاكرلك
مازن / طب اهدى عشان افهم ممكن
مرام / و انت شايفنى بشد فشعرى خدمه قصاد خدمه عاوزنى اساعدك يبقى تساعدنى
مازن / طب اساعدك فى ايه مش فاهم
مرام / بص هو موضوع ميخصنيش اصلا هى صاحبتى و جارتى و صاحبتى بنوته فاولى ثانوي
مازن / هو انتى فين
مرام / فى المستشفى
مازن / طب انا جايلك فالطريق انا عالسلم اهو
مازن يفتح باب الشقه و يطلع و يقفله وراه
مرام / هتيجى فين ؟؟ فالمستشفى !!!
مازن / اه مانا مش فاهم حاجه واحده واحده كدا و فهمينى فى ايه ماشى
مرام / تمام ... هو الموضوع بدا لما امل اللى هى صحبتى دى كانت بتلعب فى المدرسه ....
..........................
فى الفيلا
لبنى / يا بنتى اسمعى كلامى لا هيرد عليكى و لا هيعبرك و ان عمل برده مش هيعملك اى حاجه مازن و انا عرفاه
نيفين / العيب مش عليه العيب على صحبتى ست نورا هانم
لبنى / مالها نورا
نيفين / طب هو مش عاوز يقابلنى طب و هى خلاص مصدقت خلصت من نيفين يعنى بالسرعه دى
لبنى / انا مش فاهمه منك حاجه
نيفين / عربيه نورا كانت تحت البيت انا شوفتها و سالت البواب قالى انها فوق
لبنى / زيارتها ليه كترت الفتره دى زياد مره راحله فجاه الصبح لقاها عنده فى البيت
نيفين / هى كدا بانت اوى
لبنى / لا بس نورا و مازن صحاب من زمان
نيفين / ايوه بس هى عارفه ظروفى كل يوم بيعدى
لبنى / كل يوم بيعدى انتى اللى بتضيعيه نزليه دلوقت قبل ميكبر و الموضوع يبقى صعب
نيفين / انا خايفه
لبنى / مهو مستحيل مازن هيتجوزك خليكى واثقه فده هو نفسه هيقولك كدا دا لو رد عليكى اصلا
نيفين / نورا بتقولى دا ابن انس
لبنى / صدقينى يكون ابن مازن ارحم مليون مره من انه يكون ابن انس
نيفين / تعرفى فالاول كان عندى شك هو ابن مين فيهم بس بعد الحركات اللى نورا و مازن بيعملوها دول بقيت احس انها بعدتنى عنه عشان تاخده لنفسها فاكره.. فاكره فى عيد ميلاد زياد قعدت تقولى هو عمره قالك بحبك بكره يسيبك و كلام من ده عشان هى كانت عوزه تاخده لنفسها و عشان كدا هى سابت سعيد
لبنى / يابنتى علاقه مازن و نورا مش زى مانتى فاهمه قولتلك هو البيستى بتاعها اصلا مفتكرش نورا اوبن مايندد اوى كدا انها تسيبه يدخل فى علاقه جديده و هو معاها
نيفين / دى ميبقاش اسمها اوبن مايندد دا يبقى اسمها تخلف
لبنى / هههههههههههههههههههه معاكى حق تصدقى بس المهم انك فهمتيني
نيفين / بس علاقه ايه دى اللى مازن داخلها
لبنى / لا سورى يا نيفين احنا صحاب اه بس اسرار مازن الشخصيه مقدرش اقولهالك زياد يخاصمنى انا مش عاوزه اكون سبب فانه يتخانق مع مازن و انتى عارفه مازن مبيطيقنيش
نيفين / لا لا طبعا مينفعش احطك فى مشاكل اكيد
نيفين تبص الناحيه التانيه
..................................
فى المستشفى
محمود واقف يتكلم مع اسعد يبص يلاقى مازن داخل و معاه شريف و اتنين رجاله يروح ناحيته مرام تسبقه
مرام / شكرا انك جيت دى طنط امينه جارتنا اللى فوقينا تعال اعرفك عليها
محمود يدخل يشد مرام من دراعها و مازن يضايف
مرام / مليون مره قولتلك متعملش الحركه دى بتعصبنى متقولى لو سمحتى يا مرام و لا تناديني و خلاص
محمود / ايوه ايوه ابدئى ابدئى اللحقى بسرعه اقلبى الترابيزه و هاتي الغلط عليا ايه اللى جاب البتاع ده هنا ... انتى اتصلتى بيه لما كنتى بتتكلمى فالتليفون كنتى بتكلمى مازن يا مرام مازن !!!
مرام / اه كنت بكلمه فيها ايه يعرف المحافظ ووزير التعليم العالى هو يقدر يجيبلها حقها
محمود / و الله الحدايه بتحدف كتاكيت هى يا مرام بطلى بقى بطلى تحشرى مناخيرك فى اللى ميخصكيش انتى مبتشبعيش مشاكل
مرام / يخصنى
محمود / المصالح بتتصالح يا مرام تفتكرى ان الوزير و لا خاله و لا حتى هو هيعبرك و يدخل نفسه فمشاكل عشان خاطر امل و لا حتى عشان خاطرك دول يودوكى البحر و يجيبوكى عطشانه انتى ايه مبتفهميش
مرام / مش هسيب باب الا لما اخبط عليه
محمود / مش ده يا مرام مش ده ابوس ايدك متجننيش بقى
مرام / انت وعدتنى
محمود / وعدتك بايه اشوفك بتاذى نفسك و اسكت
مرام / لا انت وعدتنى انك
محمود / تعرفى مفيش فايده خلاص انا زهقت اعملى اللى انتى شيفاه صح انتى اصلا مبتعمليش الا اللى انتى شيفاه صح مبتسمعيش لحد فبراحتك اعملى اللى تعمليه بقى
مرام / عن اذنك يا محمود
مرام تمشى و محمود واقف ينفخ يبص وراه يلاقى مازن و اللى معاه قاعدين مع امينه بيتكلموا معاها يروحلهم
راجل 1/ يعنى معملتيش كشف طبى
امينه / معملناش حاجه فضلنا واقفين متزنبين كتير اوى لحد مهما جم دخلوا قعدوا حتى مكتبلناش محضر اول مسمع اسم المستشار كل حاجه وقفت
مازن / و عملو للتانين محضر
امينه / لا بس هما كان معاهم تقرير طبى كانوا جايين جاهزين و ناس كبيره و بدل
مازن / ايه يا اساتذه ايه الصح اللى يتعمل
راجل 1/ والله يا مازن بيه انا شايف ان الموضوع بسيط جدا يعنى حضرتك الموضوع لو كان حصل فى مكتب الناظره كان هيبقى صعب لكن دا حصل فى الفصل قدام الناظره و المدرسه و شوف حضرتك بقى كام بنت يعنى حتى لو الناظره نفذت كلامها و فعلا خدت الانسه امل اليوم ده غياب سهل جدا اننا نثبت ان امل كانت حاضره اليوم ده بشهاده زميلاتها فى الفصل
راجل 2/ بعد اذنك يا محمد بيه مش البنات بس كمان باقى المدرسات فى اليوم الدراسى و الفسحه اكيد فى ناس كتير اوى فى المدرسه شافو امل فى اليوم ده 
راجل 1/ والله انا رايى اننا نقدم بلاغ فى الاداره التعليميه ضد اداره المدرسه لان البنت كانت فى عهدتهم و نبدا من هنا ايه راى حضرتك يا مازن بيه 
مازن / دا شغلكوا انتوا يا اساتذه و انتوا اللى تفهموا فيه اللى تشوفوه صح اعملوه
مرام / طب موضوع ميه النار ده ايه اللى يضمن اننا لما نقدم بلاغ او اى حاجه انهم مش هيجوا ياذوهم فعلا
امينه / اصلا البت هايدى دى قالت انها كانت مجهزه فى الزنزانه حفله لامل بس محدش سمعها 
مرام / انا مش فاهمه يعنى ايه لو واحد ضرب واحد نحط الاتنين فالزنزانه دى يعنى انا انضرب و كمان اتحجز لحد متعرض عالنيابه و اقعد وسط المتهمين و كمان ممكن ابات
محمود / بيزهقوا الناس فمتشتكيش فيخفوا من عليهم الشغل
مازن / انا رايى اننا منضيعش وقت اكتر من كدا حضراتكوا عرفتوا الموضوع كله بيتهيالى ياريت تبدئوا تتصرفوا و تتعاملوا
الاتنين رجاله يقوموا
راجل 1/ اطمن يا مازن بيه عن اذنك
مازن يهز راسه و يمشوا
امينه / هقوم ابص على امل
امينه تقوم تدخل الاوضه و محمود عينه على مازن مازن يرفع عينه يبص على محمود و يبتسم
محمود / انا هروح اجيب شاى حد يشرب
مديحه / هاتلى معاك
محمود /تيجي معايا يا مازن 
مازن / اجى مجيش ليه تعال
محمود و مازن يمشوا
مديحه / سبحانه الهادى من امتى ده
سميحه / انتى اللى اتصلتى بمازن يا مرام
مرام / اه انا
مديحه / يا حزنى مش محمود شوف و انا اللى فاكره
سميحه / ربنا يستر بقى
................................