السكه شمال بقلم / لولو_محمد ( كامله )

الحلقه ١٣٧

(((((((((((السكة شمال ))))))))))
#لولو_محمد
الحلقه 137
زياد / بنات بنات بنات مونى متقصدش الموضوع كدا خالص على فكره
سوزى / و لا تقصد ماخوها اللى بيصرف علينا
مونى / انا مقولتش كدا
لبنى / و لا تقولى هو فى ايه يا سوزى هى مش دى الحقيقه اه كلنا معزومين بس مازن اللى عازمنا و بيتهيالى عيب اوى انه يعزمنا و ميجيش و بعدين واحد و مراته بيتفسحوا ايه يجبرهم يقعدوا معانا يعنى خليهم ينبسطوا
كامل / غريبه اوى انتى يا لبنى من ثوانى انتى اللى فتحتى الموضوع و سالتى ليه مش عاوزين يقعدوا معانا و دلوقت انتى اللى بتبرريلهم
............................
لبنى / الاعتراف بالحق فضيله ايوه ادايقت فى الاول انهم مش عاوزين يقعدوا وسطنا بس برده لازم اديهم العزر
انس / يا قلبك الكبير يا لبنى
زياد / طب هنتحرك و لا هنفضل نتكلم كتير
مروان / انا عن نفسى هتحرك انا جاى انبسط و الحوارات دى بتقفلنى الصراحه
زياد / يبقى يلا بينا
.................................
فى اوضه مرام
صافى / دلوقت الحبايه تشتغل و تبقى كويسه
مرام تنام عالسرير و تهز راسها
مازن / مروحتيش معاهم ليه يا صافى تنبسطى
صافى / معاهم ؟؟ هنبسط باماره ايه اذا كانت مونى نفسها مش مبسوطه
مازن / ليه مهى مع كامل و انجى
صافى / ايوه بس واضح انها كانت معشمه نفسها باكتر من كدا
مازن / هبقى اراضيها انا
صافى / متاكده انك هتعمل كدا .. انا هنزل افطر انا بقى مش محتاجه منى اى حاجه تانى
مرام / تسلمى حبيبتى تعبتك معايا اوى
صافى / تعبك راحه يا قلبى تليفونات بقى سلام
صافى تخرج و تقفل الباب وراها
مرام / دماغى هتنفجر مالصداع
مازن / انتى خدتى حبايتين مينفعش تاخدى اكتر
مرام / مازن
مازن / قلب مازن
مرام / ممكن كفايا كدا و ننزل مصر
مازن / طبعا ارتاحى انتى دلوقت و ننزل بالليل لما تفوقى كدا و تجمدى شويه
مرام / طب الباقيين هيزعلوا
مازن / هقولهم انك تعبتى و نزلنا
مرام / ربنا يخليك ليا يارب
مازن / اطفيلك النور تنامى شويه
مرام / و هتقعد فى الضلمه يعنى
مازن / لا هستاذنك انزل اخلص حوار كدا مع شريف و اشوفهم لو هينزلوا معانا يلحقوا يجهزوا نفسهم يعنى منفاجئهمش
مرام / تمام يا حبيبى مفيش مشكله
مازن يبوس راس مرام و يسيبها و يطلع بره
................................
فى شقه نيفين
ابو طلال / كل اللى طلبتيه انا نفذته باذن الله كتب الكتاب بيكون الخميس الجاى
سامح بيبص لمراته و بيبص لنيفين
ابو طلال / الاوراق كلها جاهزه ليه التاخير
نيفين / ممكن الخميس اللى بعده
ابو طلال / و انا مش هرد كلامك و من هنا للخميس اللى بعده هحجزلك فى اكبر بيوتى سنتر فى البلد عشان تكونى اجمل و احلى عروسه
نيفين تبتسم و امها قاعده مخنوقه
ابو طلال / انا هقوم اشوف مصالحى و اشغالى و هاجى على معاد الفرح ياريت يا سامح تكون كل حاجه جاهزه خلى علاقتنا ترجع طيبه مثل ما كانت
سامح يهز راسه ابو طلال يبص لنيفين و يبتسم و يمشى سامح يترزع عالكرسى و يمسك دماغه
الست / اموت و اعرف عرفت مكانك هناك ازاى انت مش قولتلى انك مستخبى عند ناس واثق فيهم
نيفين / ابو طلال قالى انه عارف مكانه من اول يوم و سابه لحد مانا احدد موقفى
الست / حسبى الله و نعم الوكيل فيه اشوف فيه يوم يارب اعمل ايه بس ياربى اعمل ايه
نيفين / انتى ليه مكبره الموضوع اوى كدا اهى جوازه زيها زى اى جوازه و مش يمكن يسعدنى
الست / دا اكبر من ابوكى
نيفين / و ايه يعنى يعنى هما اللى فسنى عملولى ايه عن اذنكوا انا داخله انام صاحيه من بدرى
نيفين تدخل
الست / انت هتسكت عالكلام ده يا سامح هتسيب البت تروح مننا كدا بالساهل
سامح / اعمل ايه يعنى هاه اعمل ايه انتى عارفه عشان يسبنى انزل معاه مضانى على ايه انا لو معملتش اللى هو عاوزه انا و انتى هنروح فستين داهيه دا مضانى على اعتراف انى انا و انتى بنتعاون مع الجماعات الارهابيه عارفه يعنى ايه
الست / و انت ازاى تمضى على حاجه زى دى
سامح / كنت هعمل ايه يعنى لو مكنتش مضيت كان هيموتنى و بعدين انا كلمت نيفين و قالتلى انها موافقه و ان محدش ضاغط عليها اعمل ايه
الست / متعملش هنعمل ايه يعنى حسبى الله و نعم الوكيل يارب حسبى الله و نعم الوكيل
................................
فى اللوبى
شريف / انا برده شايف كدا احنا لو نزلنا مصر اتفسحنا اقل فسحه هتبقى ارحم مالهم اللى بنشوفه هنا كل يوم بصراحه
مازن / خلاص هكلم صافى و نشوف هى فين صحيح
شريف / فالجيم مالصبح انا كنت رايحلها بس انت قولت عاوزنى جيتلك
مازن / باجى عليك انا عارف
شريف / جدا بصراحه هههههههههههههههههه
مازن / فى حوار عاوزك تجبلى قراره بس منغير محد ياخد باله
شريف ينتبه
مازن / مرام كانت مخطوبه قبلى لحد انا عاوز اعرف هو مين و كل حاجه عنه و عن اهله
شريف / و ايه اللى فكرك بالموضوع ده دلوقت انتوا خلاص دخلتكوا قربت
مازن / لا لا مش اللى فبالك دا مجرد فضول
شريف / لو عاوز نصيحتى اللى انت كالعاده هتسمعها و ترميها فى البحر انسى
مازن / ياعم هو انا حاطه فى دماغى انا بس عاوز اعرف مين ابن الهبله اللى يرفض واحده زى مرام
شريف / اااااااه
مازن / امبارح و هى سكرانه هلوست ازاى سابها بصراحه دا عيل دلدول و ابن كلب و امه حيوانه و هانت تيته جامد
شريف / طب و انت هتعمل ايه
مازن / و لا حاجه انا بس عاوز اعرف ابن مين فى مصر يعنى اكيد اتجوز دلوقت عاوز اشوف مين اللى لاقت بجنابه يعنى لقى مين احسن من مرام يعنى
شريف / مازن انت بتحب المشاكل صح
مازن / مدايق يا شريف
شريف / من ايه من واحد لو مكنش عمل كدا كان زمانه متجوز مرام دانت المفروض تشكره انه سبهالك
مازن / طب افهمك ازاى الموضوع فضول مش اكتر عاوز اشوف شكله بيشتغل ايه مراته وضعها ايه مش هعمله حاجه والله
شريف / بص اربط الحمار مطرح ميعوز صاحبه حاضر هحاول اعرفلك
مازن / منغير محد يحس
شريف / هى اول مره يعنى حاضر منغير محد يحس اول حاجه هعملها لما انزل مصر هجيبلك قرار الموضوع ده
مازن / تمام انا هطلع بقى ابص على مرام و انت روح يا سيدى الجيم و اسف انى عطلت جنابك
شريف / اسف ايه بس يلا ربنا يصبرنى
مازن / ههههههههههههههههههه يصبرك انت ماشى
مازن يسيبه و يمشى و شريف واقف مبتسم
.........................
فى اوضه مرام
مازن يفتح الباب بالراحه و هو شايل كيس و يدخل يلاقى مرام نايمه يحط الكيس عالكومدينو جنبها تفتح عينها و تبصله يبتسم و يقعد جنبها
مازن / عامله ايه دلوقت
مرام / احسن كتير الدوا جاب نتيجه
مازن / الحمد لله انا جبتلك بقى شويه شيكولاتات على شيبس و جبتلك كمان شويبس رمان اللى انتى بتحبيها
مرام / قلبى يا ناس
مازن / ههههههههههه
مرام تتعدل فى قعدتها مازن يشغل التليفزيون و يفرد نفسه جنبها و يحط دراعه حواليها تحط و يديها الكيس تفتح و تاخد واحده
مرام / دى زى اللى كنت جبتهالى فى مصر
مازن / اه مانا عارف انك بتحبيها
مرام / انا اى شيكولاته دايسه انت قولت لشريف و صافى اننا ماشيين
مازن / قولت لشريف بس صافى فى الجيم شريف هيكلمها
مرام / و قالك ايه زعل
مازن / ابدا دا فرحان جدا بيقولى اقل فسحه فى القاهره هننبسط فيها اكتر من هنا
مرام تنفخ
مازن / هى الشيكولاته مش جايبه نتيجه و لا ايه
مرام / كنت بفكر اكلم صافى تجبلى حاجه اللبسها عشان اروح اللم حاجتى بس افتكرت انها فالجيم
مازن / بالسرعه دى زهقتى منى مش انا امبارح سرقت قلبك
مرام تبصله باستغراب
مازن / انتى ناسيه امبارح قولتيلى كدا و انتى حضنانى
مرام/ امتى ده
مازن / قدامهم كلهم تحت فى اللوبى ههههههههههههه دانتى عملتى عمايل
مرام تتعدل فى قعدتها
مرام / انت بتشتغلنى صح
مازن / والله ابدا دانتى قولتى لانس انت عيل تافه و زعقتى فلبنى و زياد بتقولى للبنى مازن بيحبنى فاهمه
مرام تغطى بقها بايدها و هى فتحاه مالصدمه
مازن / بصراحه كنت ماسك نفسى عن الدحك بالعافيه
مرام / اكيد زعلانين منى دلوقت بيقولوا عنى ايه
مازن / اللى يزعل يزعل متشغليش بالك
مرام / اما موقف بس تعرف يستاهلوا عشان يبقوا يحطولى خمره تانى و اقولهم العصير مر محدش مصدقنى بيلسع يقولولى انتى اول مره تدوقيه و لا ايه احسن
مازن / هههههههههههههههههههههههه بالراحه طيب
مرام / يعنى لما ارجع و يسالونى عملتى ايه و انبسطتى و لا لا و احكيلنا بقى عملتى ايه هحكى ايه و لا ايه و لا ايه و لا ايه
مازن / ههههههههههه حقك عليا معلش غلطتى دى بعد كدا هاخدك فمكان لوحدينا
مرام / والله كنا هننبسط اكتر
مازن / تعرفى انا عارف ايه اللى هيفرفشك
مرام / ياريت والله
مازن / اغنيلك
مرام / ههههههههههه فعلا هو ده اللى ناقص فى الرحله دى
مازن / ههههههههههههه اخص عليكى طب تصدقى بايه
مرام / لا اله الا الله
مازن / كانوا بيتحايلوا عليا اغنيلهم
مرام / بينافقوك يا عم هو انت كل حاجه تصدقها مش عاوزين يجرحوا مشاعرك بس
مازن / و انتى تهون عليكى مشاعرى تجرحيها كدا طب دانا كنت ناوى اغنيلك اغنيه رومانتيكيه عميقه
مرام / عميقه !!
مازن / اه طالعه مالشرخ الجوانى كدا
مرام / تصدق انا متاكده ان غناك هيبقى ارحم ماللى انت بتقوله ده
مازن / بجد ؟؟ يعنى اغنى
مرام / مراتك بقى و استحملك مهو محدش كامل برضه
مازن / عارفه .. من يوم مقبلتك انتى و احتل هواكى مدينتى و بقيتى فلحظه اميرتى ايوه اميرتى اميرتى و عارفه ..انا نفسى تكونى حلالى و حبيبتى و ام عيالى و نعيش العمر انا و انتى بس انا و انتى انا و انتى انا و انتى
مرام بصاله و هى مبتسمه
مازن / انا هفضل طول العمر معاكى مهما الايام طالت وياكى هو انا مجنووووون
مرام / لا ابدا
مازن / علشان انساكى اه يا اول فرحه تمسح دمعه عينى
مازن يمسك ايد مرام و يعديها على خده و يبوسها فى قلب ايدها من جوه
مازن / استغرب ليه طولتى عليا لا متجاوبيش استنى شويه اصل انا بردان دفيلى ايديا و خدينى فى حضنك و بوسينى على جبينى
مازن ياخد مرام فى حضنه و يبوس راسها مرام مبتعدلش نفسها
مازن / هو اكيد محمد رحيم لو سمعنى بغنيها هيقتلنى بس لما هيعرف انى بغنيهالك انتى هيعذرنى صح ؟؟
مرام ترفع راسها تبصله
مرام / على فكره انت صوتك فعلا مش وحش يعنى مبتظبطش العرب شويه و بتنشز فيها بس غالبا حلو و احساسك حلو فيها اوى كمان
مازن / دا عشان بغنيلك انتى بس
مرام تبتسم اكتر
مرام / طب بطلت ليه غنى كمان
مازن / طب متغنيلى انتى
مرام / مش خساره فيك ... احم احم انا بعشقه للدنيا ايوه هقولها انا متفائله بيه دى فرحه الدنيا و ما فيها جاتلى فيه و بدعى ربنا كل يوم يخلينى ليه
مازن / امين
مرام / انا بعشقه بكون ضعيفه بشوفه انا بستقوى بيه  ده حد مالنوع اللى مره بتلاقيه انا حبه نفسى طول ما هى ملك ليه
مازن يغنى معاها
مازن و مرام / ملكنى بكل احساسى فاكرنى تملى مش ناسى بقى الى و هو ده ناسى مليش بعديه فى وقت ما يجى قدامى بتبدا كل احلامى و تحضن صورته ايامى
مرام و مازن فى نفس الوقت
مرام / بموت انا فيه
مازن / بعيش انا بيه
مرام تدحك
مازن / كدا احلى مش كدا غنيها كدا احلى كتير
مرام / فى وقت ما يجى قدامى بتبدا كل احلامى و تحضن صورته ايامى و اعيش انا بيه
مازن / قلبى يا ناااااس الله
مرام / ههههههههههههههههههههههه
الباب يخبط
مازن / و كالعاده
مازن يتنهد و يقوم يفتح يلاقى صافى
صافى / ايه يا عم فينك اخبارك و اخبار المزه ايه
مازن / اتفضلى
صافى تدخل
صافى / ايه انتى لسه فى السرير متقومى كدا يا بنتى تتنشطى و لا حاجه
مرام / قاعده مستنيه حضرتك تخلصى الجيم عشان تجبيلى غيار مالاوضه
صافى / بس كدا من عنيا انا هنزل دلوقت اخد دوش سريع و اطلعلك غيار و اللم الحاجه هنسافر امتى صحيح
مازن / انا هلم حاجتى دلوقت اهو لما تجهزوا نمشى
صافى/ طب قولت لمونى بدل متزعل اننا مشينا منغير منسلم عليها
مازن / هكلمها دلوقت انا متاكد انها هتقدر الموقف
مرام / كانت مدايقه اوى امبارح بتقول اننا سيبينها مع الجروب ده لوحدها و هى محرجه من تصرفاتهم قدام كامل
مازن / بصوا انا هكلمها و اقترح عليهم ينزلوا معانا و افسحهم فى مصر بقى فسحه جامده يعوضوا بيها باقى اجازتهم
مرام / دى فكره حلوه اوى كلمها
صافى / و انا هنزل بقى اعمل اللى قولتلك عليه عشان نبقى جاهزين تمام
مرام / تمام
صافى تمشى و تقفل الباب وراها و مازن يروح البلكونه يتكلم فى التليفون
...........................
فى السفارى
لبنى / ههههههههههههههههه كمان
زياد / بقولكوا ايه احنا جايين ننبسط لو هما هيرتاحوا فى مصر خلاص تهمنا راحتهم و بعدين يعنى متنسوش انهم وراهم فرح يجهزوله يعنى نكمل احنا رحلتنا
هانيا / بصراحه احسن احنا اول مره نطلع رحله و تبقى كلها مشاكل اوى كدا
مونى / معلش اديكوا هترتاحوا عن اذنكوا
مونى تقوم كامل و انجى يقوموا وراها
لبنى / ايه يا هانيا ده مش تاخدى بالك ان مونى قاعده اكيد جريت تقول لمازن دلوقت
هانيا / و انا قولت ايه يعنى
هانيا تقوم ورا مونى
..........................
فى اوضه مازن
مازن بيرتب شنطته و مرام بتساعده
مرام / بس انا مبسوطه اوى انهم هيجوا معانا
مازن / تفتكرى المفروض اتصل بزياد كمان ابلغه و لا مونى هتقوله و لا ايه لحسن يزعل
مرام / معرفش انت شايف ايه
مازن / انا مش شايف حاجه انا جعان
مرام / بصراحه و انا و بعدين انا مش هفضل طول اليوم اكل فحلويات يعنى كدا سنانى هتوجعنى
مازن / سلامه سنانك يا قلبى
مرام / طب متخليهم يبعتولنا حاجه نكولها هنا
مازن / القمر عاوز ياكل ايه
مرام / امممم اندومى
مازن / هاكلك الاحلى منها استنى عليا
.........................
فامريكا عند نورا
نورا تسلم الشيفت بتاعها و تطلع فالشارع تلاقى على يقفوا الاتنين قصاد بعض و هى ساكته
على / خارجه بدرى خمس دقايق
نورا / الشغل خفيف
على / وراكى حاجه
نورا / خير
على / يعنى لو ينفع نتكلم .. شويه
نورا تبص الناحيه التانيه
على / انا كلمت اهلى عنك
نورا تبصله
على / انا كنت فمصر اجازه والدتى كانت جيبالى عروسه و انا رفضتها و حكتلها عنك
نورا / قولتلها ايه
على / كل حاجه مهو انا اصلى عرفت كل حاجه مازن و جوز امك كل حاجه
نورا / و قالتلك ايه
على / هتقول ايه يعنى المهم انا عاوز ايه
نورا / و انت عاوز ايه يا على
على/ عاوز فرصه .. فرصه واحده بس صدقينى حاولت ابعد مقدرتش حاولت و نزلت مصر اجازه و حاولت اخطب و عملت كل حاجه و برده مقدرتش لقيت نفسى برجعلك تانى
نورا / حتى بعد
على / انا منكرش ان الموضوع مدايقنى بس مش عارف يعنى لو انا كنت ارتبطت بواحده امريكيه يعنى و كان ليها بويفريند قبلى مثلا هعمل ايه
نورا / و ليه متاخدش واحده محترمه من بنات بلدك
على / مانتى من بنات بلدى برده يا نورا
نورا / على انت شاب كويس اوى و نضيف على انا بجد
على / مترديش عليا دلوقت فكرى ادى لنفسك فرصه بصى فتره خطوبه اتعرفى عليا من قريب اكتر و انا كمان اتعرف عليكى من قريب اكتر يمكن لما اقرب منك محبكيش يمكن الصوره اللى رسمهالك فى خيالك تتمسح
نورا / تتمسح بعد مكون انا حبيتك
على يبتسم اوى
نورا / ايه ؟؟
على / دا معناه ان فى امل تحبينى
نورا / انت فاهم قصدى
على / بصى يا نورا انا مش مستعجل بس انتى اجدع واحده اجدع حد اصلا قابلته فى البلد دى و انا يعنى مش عدل اوى محدش فينا كامل و على فكره انا سالت شيخ و قالى ان يمكن ربنا حطنا فى طريق بعض عشان نبدا مع بعض بدايه صح لحياتنا و نستر بعض هنا
نورا تبص الناحيه التانيه و ترجع تبصله
على / فكرى مش هتخسرى حاجه .. دلوقت تسمحيلى اوصلك محل الفيديو
نورا / سبته
على / ليه
  نورا / اتخانقت مع صاحب المحل و سبت المحل دلوقت بشتغل فى اتيليه
على / طب ممكن اوصلك الاتيليه ده
نورا / ممكن
على يبتسم و يمشى جمب نورا و هو سعيد
........................
فى اوضه مازن
باب الاوضه يخبط مرام لابسه خروج تروح تفتح تلاقى لبنى سانده عالباب و مبتسمه
لبنى / كنتى ناويه تمشى منغير متسلمى عليا
مرام / معلش اصل لحظات الوداع بتاثر فيا
لبنى تبص لمرام و تدحك
لبنى /بس انا مكنتش هعاتبك عاللى عملتيه امبارح
مرام / انتى اللى تعاتبينى اما صحيح انتى جايه ليه يا لبنى
لبنى / اخص عليكى انا جايه اصبح عليكى مش احنا سلايف برده و لا ايه
مرام / اولا انتى جايه بدرى اوى جربى تيجى تانى بعد اسبوعين و لاحاجه و بعدين متقلقيش اكيد مازن هيبقى يعزم زياد ابقى تعالى معاه
لبنى / هاجى يا مرام اوعدك انى هكون اول حد يجى يصبح عليكى اوعدك
......................