السكه شمال بقلم / لولو_محمد ( كامله )

الحلقه ٥١

(((((((((((((السكة شمال ))))))))))))))
#لولو_محمد
الحلقه الواحد و الخمسون
مرام تطلع مالحمام و تقعد عالكنبه فى الصاله تسرح شعرها وواضح انها بتتالم و هى بتتحرك تجيلها رساله واتس تمسك الموبايل
مرام / مساء الخير ؟؟
مرام تستغرب توصل رساله تانيه
مرام / انا مازن عملالى بلوك فاكره
مرام تدحك توصل رساله تالته
مرام / سورى لو الوقت كان متاخر بس انتوا بترغوا مالصبح و تليفون تيته حاليا غير متاح و كنت عاوز اطمن عليكى
رساله رابعه
مرام  / طب ممكن تخلى عندك دم و تطمنينى عليكى طيب
................................
مرام تدحك بصوت عالى توصل رساله صوره سيلفى مازن قاعد مبتسم و ماسك الموبايل متوصل بالشاحن توصل رساله
مرام / بتقولى عنى مستفز متعرفيش انتى بقى قد ايه انا زنان
مرام تضحك بصوت عالى و تيجى تكتب و بعدين تمسح توصل رساله التانيه التالته الرابعه بسرعه بسرعه رسايل ورا بعض
مرام / عامله ايه عامله ايه ايه ده كلو خمستاشر مره عامله ايه يا راجل
رسايل رسايل رسايل  مرام تبتسم الفجر ياذن تبص فى الموبايل و تقوم تقفل النت و تدخل الحمام تتوضى
...........................
فى بيت مازن
شريف / هو انا لازم افضل قاعد جنبك مينفعش ادخل انام جوه
مازن / متدخل هو انا حايشك
شريف / لا حقك طبعا حقك طب على فكره بقى لو عملتلك بلوك متزعلش
مازن / معملتوش لحد دلوقت
شريف / الفجر اذن انا هصلى و اخش انام
مازن / طب اتوضى يلا هتوضى بعدك
شريف / هتصلى هتتهور و تركعها
مازن يبصله
مازن / فى ايه يا شريف هو انا كافر يعنى و لا ايه
شريف / استغفر الله بس مش بعاده يعنى
مازن / مش هرد عليك
شريف يمشى و يروح الحمام و مازن عمال يبعت فى رسايل
مازن / والله بلوك شويه عليك ياد يا مازن طب اهو
مازن يبعت رسايل اكتر
.................................
فى شقه مرام
مرام تسمع حركه عالسلم تروح تفتح الباب تلاقى محمود لسه راجع مالصلاه
مرام / صباح الخير
محمود / صباح النور ازيك عامله ايه دلوقت
مرام / كويسه الحمد لله فطرت ؟؟؟
محمود / لا
مرام / كويس استنى هجيبلك ساندوتشين
مرام تدخل و محمود يقف عالباب يبص عليها
مرام / ادخل تيته فى الحمام
محمود / كنت عاوز اقولك حاجه
مرام / خير قول
محمود / انا اسف
مرام / على ايه ؟؟؟
محمود / بصى انا مكنش قصدى انا بس اتفاجات بالمنظر و عقلى اتشل ساعتها بس مش عارف هو
مرام تروح ناحيه محمود تديله ساندوتش
مرام / انت بتتكلم عن ايه
محمود / كان المفروض انا اللى اقلعلك الجاكت مش هو
مرام / سمى و كلك لقمه عشان تلحق تلبس عشان منتاخرش انا هدخل اللبس 
محمود / انتى هتروحى
سميحه تطلع مالحمام
سميحه / صباح الخير يا محمود
محمود / صباح الخير يا تيته ... انتى هتروحى
مرام / ايوه هروح انت متخيل لو مروحتش هيحصل ايه
محمود / هتروحى ازاى انتى مش قادره تمشى اصلا انتى مش شايفه نفسك
مرام/ مانت هتبقى معايا و لا ايه
مرام تدخل تلبس
محمود / مرام محتاجه ترتاح
سميحه / راحتها هتكلفها صداع هى فى غنى عنه
محمود / انا هروح اللبس
محمود يجرى على شقته
...........................
فى الكليه
مرام و محمود داخلين المدرج يلاقوا لبنى و شلتهم واقفين يبصوا عليهم و يدحكوا مرام تبتسم و تدخل و هى رافعه راسها الكل يتجمع حواليها
مرام / هههههههههههه ايه دانا لو راجعه مالحجاز مش هتستقبلونى كدا
بنت 1/ بجد انتى متعرفيش انا قلقت عليكى قد ايه
مرام / على ايه يعنى الموضوع مكنش مستاهل و انا دخلت بالليل و كتبت عالفيس عادى يعنى
محمود / مخلاص بقى يا جماعه الدكتور زمانه جاى
شاب / انا حاجزلكوا متقلقوش
سعد يدخل
سعد / انت برده اللى حجزت
الشاب / انت مش قولتلى هات كشكول زياده عشان احجز بيه
محمود / طب نقعد و بعدين نتكلم بقى
يروحوا يقعدوا لبنى و الشله يدخلوا يقعدوا ورا و هما بيتودودوا و يدحكوا
بنت 1/ كانوا بيقولوا انك سرقتى صاحب المطعم اللى كنتى بتدربى عنده فى الاجازه
مرام / طب انا سرقت هيسيبونى بالسرعه دى
بنت 2/ ماحنا لما قولنالهم كدا قالوا انهم لما ضربوكى فى الحجز طلعتى الفلوس عشان كدا سابوكى
مرام / اما كانت علقه هههههههههههههههههههههه
الشاب / ايه ده هما ضربوكى
مرام / ياعم قالولى لازم ادخل الحجز لحد موكيل النيابه يجى و دخلت من هنا و عينك متشوف الا النور بيقولوا عليها ترحيب باين بس كانوا وصايه عجنونى
بنت 1/ بتهزرى
مرام / ابدا اربع ستات جتت زى اللى بيجوا فى الافلام بيضربوا الرجاله دول مخدتش فى ايدهم غلوه
بنت 2/ هى سايبه و لا ايه
الشاب / يا بنتى فى الحجز يعنى اتحطت فى الزنزانه مع المجرمين مش مع دكاتره و مهندسين مستنيه منهم ايه يعنى
محمود / و فالاخر الظابط اعتزر خفت هى لما اعتزر
مازن يدخل فى المدرج و هو بيلعب فى الموبايل مرام تبص عليه و تبتسم محمود يبص وراه و يرجع يبص لمرام
الشاب / عارفه لو كان حد ظبط العسكرى بعشرين جنيه و لا حاجه كان خد باله منك
مرام / حاضر هبقى اعمل كدا المره الجايه
محمود / مره تانيه ايه فال الله و لا فالك
مرام / ههههههههههههههههههه اهو مش يمكن حد يدايقنى احب اطبق عليه اللى اتعلمته فى الحجز دا طلع فى ضرب جديد نزل السوق و انا معرفش
الكل يدحك بصوت عالى مازن يبص عليهم و يبتسم يخبط فى زياد
زياد / اللى واخد عقلك
مازن / ايه ده انت بتعمل ايه هنا
زياد / يا عم هى جت عليا بص حواليك دا الدفعه كلها هنا
مازن يبص حواليه
مازن / صحيح ايه الناس دى كلها دول لو بيفرقوا لحمه مش هيحضر العدد ده
زياد / طب تعال اقعد
مازن يعد و يفضل يبعت فى رسايل
زياد / بتكلم مين
مازن / بلعب
زياد / طب متخلينى اللعب معاك
الدكتور يدخل يتفاجئ بالعدد و الكل يدحك
...................................
فى الشركه عند احمد
احمد / و هو بعتك ليه ليه مجاش بنفسه
شريف / مش فاضى و على العموم هو قايلى كام حاجه ابلغهالك و همشى عشان لسه فى كام مشوار عاوزنى اروحه
احمد / طب مكان قال الكلمتين فى التليفون و متعبش المرمطون بتاعه
شريف / ههههههههههههههه مقبوله منك اصلى مقدر قد ايه انت غيران انك مش قادر تلاقى حد يشتغل معاك تقدر تثق فيه المهم مازن بيقولك لما يبقى بيتك من ازاز متغيرش هدومك فى الصالون
احمد / حقه بس انت بقى قوله ..
شريف / تانى حاجه بقى بيقولك لو قربت من مرام تانى مش بس هيفضحك بالورق اللى بعتهولك لا دا هينشر غسيلك الوسخ كله
احمد / خلصت ؟؟؟
شريف / اه خلصت كنت عاوزنى اقوله ايه بقى
احمد / قوله مخلصتش
شريف / هو قالى انك هتقول كدا و قالى ارد عليك و اقولك اعلى مفخيلك اركبه و دلدل رجليك سلام
شريف يقوم و يمشى و احمد بيغلى يضرب الجرس السكرتير يدخل
احمد / عرفتى مكان الحيوانه دى و لا لسه
الشاب / عرفت حضرتك بس مش فمصر دى فامريكا
احمد / انت مالك انت هى فين انت تدينى العنوان و تطلع بره و انت ساكت
الشاب يحط العنوان عالمكتب و يطلع بره
...................................
فى المكتبه
محمود / يا بنتى لو تعبانه منروح
مرام / يا سيدى مش تعبانه اتخنقت
سعد / بس كنت هموت مالدحك لما الدكتور قعد يتكلم بكل ثقه اننا اتعلمنا من الترم اللى فات هههههههههه البقف فاكر ان الناس دى كلها حضرت عشان خايفين يجيب امتحان صعب زى الترم اللى فات
محمود يزغده
مرام / هههههههههههههههه ميعرفوش انهم جايين يتفرجوا على رد السجون اللى فالدفعه
سعد / انا بهزر على فكره
مرام / عارفه و انا كمان اصلا انا بيتهيالى ان مش دفعتنا بس اللى حضرت النهرده مش بعيد يكونوا جم مالدفعات التانيه و الكليات التانيه
محمود / مرام
مرام / تعرف لو كانوا زادوا اتنين كمان اتنين كمان و كانوا هيطلعونى فى التليفزون
سعد / مرام
مرام / و يمكن كانوا حطونى فى متحف و لموا مالناس تزاكر عشان يجوا يتفرجوا عليا
سعد / عن اذنكوا
سعد يمشى
مرام / هو مشى ليه
محمود / انتى كويسه
مرام / كل الناس دى كان نفسها تشمت فيا يا محمود كل الناس دى
محمود / ميمكن كل الناس دى كانوا بيطمنوا عليكى يا مرام
مرام / يمكن
محمود / متيجى نروح احسن
مرام / لا طبعا مش هروح الا لما اليوم يخلص هما جم عشان يشفونى خليهم يشفونى خليهم يشفونى و انا واقفه على رجلى و لا كان فى حاجه حصلت اصلا مفيش حاجه حصلت اصلا عشان ادارى منها
محمود / ماشى
مرام / تيجى نروح الكافتيريا
محمود يبصلها
مرام / عاوزه اكل بطاطس محمره كاتشب كتير
محمود / انتى بتتكلمى جد
مرام / هعزمك
محمود / انتى جايبه القوه دى منين
مرام / معرفش
محمود / هروح اجيبلك البطاطس لما ارنلك اطلعيلى على باب المكتبه
مرام / ماشى
محمود يقوم و مرام تطلع الموبايل و يادوب تفتح النت اصوات نافوره نوتيفيكاشن تقلب المكتبه
الامين / الصوت
مرام / سورى
مرام تعمل الموبايل صامت بسرعه مازن يلف الكرسى و يقعد جنبها و يفضل يبعت فى رسايل مرام تبصله و تبص لموبايلها بينور
مرام / مسكين شريف هياخد بلوك
مرام تمسك الموبايل و تعمل بلوك مازن يبتسم منغير ميبصلها و يفتح موبايله و يغير الشريحه و يبعت رسايل تانى مرام تبصله يطلع من جيبه شويه شرايح يحطها عالترابيزه
مازن / و فى غيرهم فى البيت و المحلات مليانه اما نشوف اخرتها
مرام تنفخ
مرام / شكرا
مازن / انتى بتكلمينى ؟؟؟ لا مش هرد عليكى  اشمعن انا يعنى مترديش عليا و انا ارد من اول مره
مرام / انا مش زنانه
مازن / مفيش بنت مش زنانه دا فدمكوا
مرام / على كدا انت بنت
مازن / انتى بتجيبى الردود دى منين
مرام تبتسم
مازن / عامله ايه
مرام / انت شايف ايه
مازن / لو مكنتش عارفك كنت قولت انك كويسه جدا بس مناخيرك بتقول انك متعصبه جدا
مرام / ايه ؟؟؟
مازن / ايه لما بتتنرفزى مناخيرك بتفتح زياده و تقفل بسرعه
مرام / لا طبعا ايه الهبل ده
مازن / اهو بيزيد
مرام / مش هسيبك تشتغلنى
مازن / براحتك
مرام / عالعموم انا كويسه و لعلمك انا لا متعصبه و لا حاجه
مرام تغمض عنيها و تفتحها و تبص لفوق
مازن / ثانيه ثانيه قولى كدا انك بتحبى لبنى
مرام / ايه ؟؟؟
مازن / جربي بس
مرام / بحب لبنى
مرام تكرر نفس الاكسبريشن 
مازن / هههههههههههههههههه شكرا
مرام / استفدت ايه بقي
مازن / عرفت لما بتكدبى بتعملى كداهو
مازن يقلدها
مرام / ذكى اوى حضرتك
مازن / اتعصبتى اهو
مرام / مستفز
مرام تلم حاجتها و تقوم و مازن يقوم وراها
مازن / هو اى تلكيك انا عملت ايه
مرام / هو كدا افترا
مازن / افترا ؟؟
مرام / كل الهم ده عشان قولتلك شكرا عرفت ليه بقي مبردش عليك
محمود يدخل
محمود / فى ايه
مرام / مفيش يلا
محمود ياخد من مرام الحاجه و يديها باكت بطاطس و يمشوا
مازن / اوصلكوا ؟؟
محمود / لا
مرام ترجع لمازن
مرام / و محمود بقي لما بيتنرفز بيعمل ايه
مازن/ و انا اركز مع محمود ليه ... سورى يا محمود
مرام / امال بتركز معايا ليه
مازن / هو كدا افترا هههههههههههههه
مرام / عاوز تشوف افترا اهو
مرام تدعك باكت البطاطس فهدوم مازن و على وشه ابتسامه زهول 
مرام / احسن يلا يا محمود
مرام تشد محمود و يمشوا و مازن يطلع وايب و ينضف هدومه
..........................
فى الشركه عند مازن
شريف / ههههههههههههههههههههههه دى طلعت مجنونه
مازن / عسل
شريف / عسل بالكاتشب بس شهاده حق بت جبل
مازن / عملت ايه مع الزفت
شريف / زى مانت قلتلى بالحرف حتى هو زى الاهبل كانه كان قاعد بيتفق معانا هيقول ايه
مازن /  يلا فداهيه
شريف / انت هتبات هنا و لا ايه مش هنروح
مازن / اروح فين
شريف / ايه السؤال ده
مازن / روح انت انا زهقان
شريف / حوار خطوبتك جه على دماغك و طير المزز و لا ايه هههههههههههههههههههه
مازن / تصدق انا نسيت الموضوع ده خالص فكرنى الصبح اكلمها عشان اخلص مالهم ده
شريف / و بعد متفسخ ناوى على ايه
مازن / على ايه فى ايه عادى يعنى المهم انى اكون خلصت ماللزقه اللى اسمها ماهى دى صحيح انت سالتلى على نورا زى مقولتلك
شريف / ياخبر نسيت اقولك خالص دا من يوميها يا جدع
مازن / قول
شريف / نورا مش عايشه مع باباها زى مانت قولت لا دى ماجره اوضه فشقه مع بنتين كمان و بتشتغل فى كافيه الصبح و فمحل فيديو بالليل
مازن / طب جبتلى رقمها
شريف / اه الرقم اللى كلمتك منه ده كان سنترال و دى ارقامها رقم الكافيه و نادى الفيديو و كمان الشقه اللى هى قاعده فيها و ده بقى الكبيره رقم موبايلها هناك
مازن / لا برنس بصحيح
شريف / مازن لو عاوز نصيحتى متكلمهاش
مازن / انا بس عاوز
شريف / عاوز تطمن عليها بس هى مش عوزاك تطمن عليها هى مش عوزاك فحياتها و هى رتبتها خلاص ايه لزمته بقى انك تلخبطهالها بتليفون
مازن / افرض كانت محتاجه حاجه
شريف / انت اخر واحد نورا ممكن تطلب منه حاجه
مازن / نورا متربيه فى فلل و قصور و عمرها مشالت طبق من مكانه عاوز تقنعنى انها
شريف / هى حره فحياتها هى عاوزه تبعد عن كل ده سبها تبعد سبها تبنى لنفسها حياه يمكن يتصلح حالها ليه مصرين تفضلوا فى القرف اللى انتوا عايشين فيه ده ليه مش قادرين تقتنعوا ان فى حياه تانيه بره
مازن يبص لشريف
شريف / انا اسف انا عارف انى اتعديت حدودى بس انت عارف قد ايه انا خايف عليك
مازن / خايف عليا من ايه
شريف / هو ايه اللى من ايه انت بتضيع حياتك يا مازن انت شاب ذكى و وسيم و رياضى و عندك كل مقومات الشاب الناجح انت مش ناقصك اى حاجه بس مصر انك تكون كدا
مازن / هو يعنى الدراسه هى اللى هتعمل منى بنيادم
شريف / مش الدراسه يا مازن الكيان
مازن / يادى كلام خالو ده بقى بص ماشى انا اصلا زهقت مالكليه و حواراتها و زى مانت شايف ناوى انجح و اتخرج عشان اخلص منها ففكك منى بقى
شريف / طب و باقى الحاجات
مازن / باقى حاجات ايه
شريف / البنات اقصد
مازن / يادى النيله فام الحوار ده هو انت امى يا شريف هو كل محد يشوفنى يقولى بنات بنات دانا نسيت شكلهم يا اخى من كتر نبركوا و زنكوا
شريف / يا راجل بالسرعه دى نسيت لا ليك حق
مازن / للمره المليون انا لا بسقيهم حاجه اصفره و لا بعشمهم بالجواز و لا بدحك عليهم فى حاجه كلو بمزاجهم هما عاوزين ده انا مالى
شريف / و مرام كمان عاوزه ده
مازن / و ايه دخل مرام فى الموضوع هو انت شوفتنى
شريف / كل الرسايل دى من موبايلى ليها ليه طيب عاوز منها ايه مش الرهان خلص و خلصنا عاوز منها ايه تانى بتدخل حياتها ليه متسبها فحالها
مازن / انت ازاى تكلمنى بالطريقه دى و بعدين انت
شريف / قبل متكمل و تعك انا ماشى
شريف يمشى و يرزع الباب وراه
مازن / هو ايه القرف ده
.............................
فى شقه مرام
سميحه تدخل الاوضه تلاقى مرام ممدده عالسرير و صاحيه
سميحه /الله انتى لسه منمتيش يا مرام
مرام / مش جايلى نوم خالص
سميحه / امال بتعملى ايه فى الاوضه كل ده مكنتى قعدتى اتفرجتى معانا عالمسرحيه دانا كنت هموت مالدحك
........................