السكه شمال بقلم / لولو_محمد ( كامله )

الحلقه ٣٦

(((((((((((السكة شمال ))))))
#لولو_محمد
الحلقه السادسه و الثلاثون
مرام / خير
نيفين / ابعدى عن مازن يا مرام
مرام / ايه ؟؟؟
نيفين / صدقينى دا لمصلحتك مش هيجيلك من وراه غير المشاكل
مرام / ثوانى بس انتى فاهمه
نيفين / انا عارفه انك بنت كويسه و انك بتساعديه انه ينجح بس صدقينى هى بتبدا كدا مبرر عادى انكوا تتعاملوا سوا وواحده واحده هتلاقى نفسك جزء من عالم كبير انتى مش قده عالم كل اللى فيه مبيعملوش حاجه غير انهم ياذوكى و يلعبوا بيكى لحد متقعى و ساعتها هيقفوا يدحكوا عليكى
.......................................
مرام / نيفين انا
نيفين / انا كنت زيك فيوم مالايام و انبهرت بالعيشه و الفلوس و الفسح و الاحاسيس اللى متتوصفش دخلوا حياتى فاكتر وقت كنت اتمنى فيه كلمه حلوه حتى لو بالكدب غيروا حياتى كنت حاسه انى طايره فسابع سما لحد موقعت على جدور رقبتى فسابع ارض و صدقينى محدش فكر حتى يبص وراه يطمن عليا
مرام تبصلها
نيفين / انا نصحتك و انتى اعملى اللى تشوفيه صح عن اذنك
مرام / نيفين استنى لو سمحتى
نيفين / نعم
مرام / هو انا اقدر اعملك اى حاجه
نيفين تبتسم
نيفين / خدى بالك من نفسك و شكرا يا مرام عن اذنك
نيفين تمشى و محمود و سعد يدخلوا
محمود / مالك فى ايه وشك قلب كدا ليه كانت عاوزه ايه دى
مرام / معرفش امشى يلا
.........................................
فى شقه محمود
مديحه / ها عملت ايه طمنى
محمود / الحمد لله تمام
مديحه / والله مالصبح و انا بدعيلك و قريت سوره يس يجى اربع مرات
محمود / اهو دعاكى ده اللى نفعنى والله يا ست الكل ايوه كدا
مديحه / وانا ليا غيرك يا حوده ادخل غير هدومك على مسخنلك تاكل
محمود / هوا
محمود يدخل الاوضه و يفتح الشباك يلاقى مروه بتلم الغسيل فى البيت اللى فوق محل اسعد تبتسمله و تدخل جوه يبص يمين و شمال ثوانى و باب الاوضه يخبط
محمود / ادخلى يا ماما
مديحه تفتح الباب
مديحه / الله انت لسه مغيرتش
محمود / هو انا لحقت
مديحه / طب يلا الاكل اتحط
محمود / ماشى ثوانى و هجيبلك
مديحه تمشى محمود يبص مالشباك تانى مروه تطلع البلكونه شايله طبق غسيل تانى يبتسملها و يقفل الشباك و يطلع طقم يلبس و يطلع فى الصاله يلاقى مديحه بتحط طبق جلاش و طبق رز و فى عالسفره طبق تورلى محمود يقعد
محمود / بسم الله من النظر كدا دا مش جلاش تيته مين بقى اللى عامله
مديحه / مروه بنت المعلم اسعد كنت عندهم النهرده و هى بتعمله فلما خلص بعتتلى طبق
محمود / كنتى عندهم ليه خير فى حاجه و لا ايه
مديحه / اه امها تعبانه بعيد عنك و عن السامعين كنت بطمن عليها انت عارف امك طول عمرها ام الواجب و الاصول
محمود / طبعا يا ست الكل
مديحه / عوزاك بعد متاكل تبقي تاخد حاجه و تروح تطمن عليها حتى عشان خاطر المعلم
محمود / اه طبعا باذن الله اكيد
محمود يبص الناحيه التانيه و يرجع يبتسم و يكمل اكل 
.........................
في شقه مرام
مرام / ليا حق اقلق و لا لا
سميحه / ليكي بس انتى برده ليكى عقل هو السؤال بقي هل شوفتي من مازن اى حاجه من اى نوع تدايقك يعنى فمره عدى حدوده معاكى بكلمه بحركه بتلميح
مرام / ميقدرش اصلا دانا كنت نفخته
سميحه / هههههههههههه يعنى محصلش طب هل انتى ممكن علاقتك بمازن تعدى المرحله دى باى شكل
مرام / مستحيل طبعا هو الترم يخلص و كل واحد يروح لحاله ولولا حوار امل مكنش هيبقي في بنا تعامل اصلا
سميحه / طب قلقانه من ايه بقي
مرام / انتى مشوفتيهاش و هي بتتكلم يا تيته  انا بجد مدايقه اوي
سميحه / اقولك كلميه متقوليلوش انها كلمتك اساليه ايه اللي حصل مع اللي اسمها نيفين دي و خليكي فاكره انها من العيال الرزلين اللي انتي متخانقه معاهم ممكن تكون بتوقع بنكوا عشان تبطلي تساعدي مازن و يفضل خايب زيهم
مرام / مفتكرش
سميحه / خلاص اساليه و اقطعي الشك باليقين
مرام / تعرفي يا تيته انا نفسي افهم انتي ليه مبتعمليش زي اي ام طبيعيه و تقوليلي اعمل ايه و معملش ايه و تريحيني مالحيره و القرف ده
سميحه / عشان انا مش امك ههههههههه انا صحبتك و مقدرش اتحمل مسؤليه قراراتك و الواحد مبيتعلمش ببلاش و انتي مش صغيره كفايا و لا اقول كمان
مرام / كفايا كفايا اما اقوم ازاكر احسن
سميحه / جدعه متخليش حاجه تعطلك او تشغلك عن مستقبلك قومي
.......................
في شقه مازن
مازن يقفل الكتاب و يمسك الموبايل و يكتب حاجه
و يستني مفيش ياخده و يدخل المطبخ يعمل قهوه ثواني و تليفونه يرن يسنده بكتفه و يكمل قهوه
مازن / ايوه يا زيزو خير
زياد / بتعمل ايه
مازن / بعمل قهوه اعملك
زياد / ايه الخفه دي بقولك نيفين كانت واقفه مع مرام و احنا مروحين
مازن / و المطلوب
زياد / انا ببلغك و خلاص انت بقي تشوف المطلوب و اعمله
صوت نوتيفيكاشن مازن يصب القهوه فالفنجان و يبص عالموبايل
مازن / اقفل دلوقت
مازن يبص فالموبايل و يصور الفنجان و هو مبتسم ثواني و جرس الباب يضرب يروح يفتح يلاقي شريف معاه مجدي
مازن / اهلا اتفضلوا اتفضلوا تشربوا ايه
مجدي / يدوم العز يا باشا
شريف / دي ريحه قهوه دي
مازن / اه ادخل المطبخ اعمل اتنين علي مكلم انا و المعلم مجدي فحوار كدا
شريف / تمام
شريف يدخل و مازن يحط دراعه حوالين مجدي و مجدي بيبصله باستغراب و يدخلوا يقعدوا جوه
مجدي / شريف باشا قالي انه عاوزني فمصلحه بس الحقيقه مقاليش انها تخصك
مازن / هتفرق معاك يعني لو تخصني مكنتش هتيجي
مجدي / لا يا باشا العفو
مازن / بص انا مليش فاللف و الدوران انا عاتب عليك
مجدي / انا برده يا باشا ليه هو انا اللي ضربت اخوك
مازن / دانت شايل بقي
مجدي / لا مش النظريه
مازن / بص عشان انا عارف ان وقتك ديق فهجيب مالاخر  انا عارف انك اشتغلت مع ناس كتير اوي بس انا غيرهم اولا ايدي فالفلوس فرطه اوي
مجدي / و دا عز الطلب تحت امرك يا باشا
مازن / محمود و اهل بيته
مجدي / مالهم يا باشا
مازن / يخصوني من اول الحجه سميحه لحد امل بيته ميتلمسش
مجدي / منغير متقول يا باشا انت هتوصيني علي اهل حتتي
مازن / و مدام مش محتاج وصايه مش كان اولي تاخد اخوك و تطلعوا تعتزروا للست سميحه و تقولها متخافش علي بنتها محدش هيتعرضلها تاني
مجدي / انت بتقول ايه يا باشا الاستاذه مرام دي بت حتتي و اصلا الموضوع كله اتفهم غلط توفيق اخويا كان بيستفسر عن العربيه اللي نازله منها
مازن / الكلام ده ميخصنيش هستني حد يبلغني انكوا روحتوا قولتوا الكلمتين دول للحجه سميحه هتعرف و لا اشوف غيرك
مجدي / تشوف غيري ازاي لامؤاخذه
مازن / مفتكرش انك عاوز تعرف اجابه السؤال ده
شريف يطلع و يحط صينيه القهوه مازن يقوم يفتح الدرج و يطلع رزمه فلوس و يحطها قدام مجدي
مازن / دا عربون
مجدي يبص للفلوس و يبص لمازن
مازن / انا معايا رقمك خليك متاح عشان لما احتاجلك
و خليك فاكر مفيش داعى ان حد يعرف اننا بنشتغل سوا انا هستاذنكوا هقوم عشان ورايا شغل خدوا راحتكوا
مازن يقوم و شريف يقعد
شريف / مش اي حد يشتغل مع مازن بيه علي فكره
مجدي هو فين الشغل ده و لا مؤاخذه
شريف / هو في احلي من كدا شغل يا راجل و لا انت غاوي شقي عالفاضي
مجدي / علي قولك انا هستاذن انا بقي
شريف / نورت
مجدي ياخد الفلوس و يمشي شريف يقوم يدخل جوه يلاقي مازن بيزاكر
شريف / طب و لزمته ايه مدام مش هيعرفوا انك عملت كدا
مازن / مبعملوش عشان يعرفوا
شريف / ايوه مدا اللي بساله بتعمله ليه بقي
مازن / بشتري رجاله
شريف / مش دي نوعيه الرجاله اللي تشتريها يا مازن دا يبيعك و يبيع ابوه عشان الجنيه
مازن / اديك قولتها الجنيه و دا بقي اسهل نوع تشتريه سبنى ازاكر بقي
شريف / امشي ؟؟
مازن / ههههههههههه عاوز تقعد تزاكر معايا خليك انا مش نازل النهرده
شريف / لا اقعد ازاكر فين دانا مصدقت اتخرجت سلام
مازن يدحك و شريف يمشي
..............
فى شقه محمود
محمود / مهو يا تركزى يا تقومى انها نظام تضيع الوقت ده مليش فيه
مرام / زهقت بقالنا كتير قاعدين
محمود / طب متيجى نشربلنا كبايتين شاى فالبلكونه نفصل بيهم
مرام / لا مش عاوزه
محمود/ امال عاوزه ايه
مرام / مش عارفه
محمود / مالك يا مرام فى ايه
مرام / بص انا مش هعطلك زاكر انت و انا هقوم اللعب فى المطبخ شويه يعنى هفصل بطريقتى و بعدين نبقى نكمل
محمود / ماشى لو ده هيريحك بس وانتى بتلعبى فالمطبخ متنسيش كبايه الشاى بتاعتى بقى فطريقك
مرام / شاى شاى شاى ايه
محمود / احنا اسفين يا ست الكونتيسه مش عاوزين حاجه
مرام / هههههههههههههههههه لا هعملك
مرام تمشى و محمود يضرب كف على كف و هو بيدحك
.............................
فى شقه توفيق
تيفا / اعتزر لمين و لا مؤاخذه متقولى حاجه ياما
مجدى / ياض افهم الباب اللى يجيلك منه الريح سده و استريح يا اهبل
تيفا / و دا من امتى بقى ان شاء الله انت مش بذات نفسك قايلى انك هتروح تخطبهالى بعد متخلص الامتحانات ايه اللى جد بقى
مجدى /اللى جد ان فى مصلحه فى الحوار و هناكل منها لقمه حلوه فهمت
تيفا / مش فاهم
مجدى / فاكر الواد اللى جه الحاره و ضربك
تيفا / اه واللى انت قولت هتجيبلى حقى منه و ادى وش الضيف
مجدى / الواد ده طلع باشا كبير اوى و حكايه بس ايه حكايه حكايه يعنى
تيفا / متلخص يا مجدى عشان انا بنام منك
مجدى / ماشى فاكر الجدع ابو بدله اللى جاب عربيته تتصلح هنا و خدنا شركه كدا نبص عالعربيات اللى فيها
تيفا / اه فاكره ماله دا راخر
مجدى / اهو الجدع ده بيشتغل عند مازن بيه
تيفا / هو كمان بقى بيه متقولى حاجه بقى ياما
مجدى / ياض افهم احنا خدامين لقمه العيش و الجدع ده لقمته مغمسه
تيفا / تغور من وشه دا بدل متعلم عليه جاى تقولى اروح استرضاهم
مجدى / متقولى حاجه ياما الله
الست / اقول ايه يا مجدى بتحط ايدك فايد اللى ضرب اخوك و علم عليه قدام الحته كلها و دلوقت عاوزنى اقول
مجدى / ماشى ياما اتفضلى
مجدى يطلع رزمه الفلوس و يحطها قدام امه
الست / ايه كل دول
مجدى / تمن كرامه ابنك
تيفا / لا يا شيخ فكك منى انت قايلى اصبر للاجازه و هتخطبهالى مليش فيه
الست / مخسرناش حاجه
تيفا / يعنى ايه ياما
الست / يعنى مش الباشا عاوزك تروحلها اليومين دول و احنا كنا ناوين نروحلها الاسبوع الجاى خلاص خير البر عاجله
مجدى / انتى بتقولى ايه ياما
الست / هو اداك الفلوس ليه مش عشان توفيق يروح لسميحه و يعتزرلها على اللى عمله طب مهو كدا كدا كان هيراضيهم لما يروح يخطب البت مرام
مجدى / يا حجه انا وانتى عارفين كويس ان مرام مش هتوافق فايه لزمته بقى
تيفا / امال كنت بتقولى استنى للاجازه ليه بتنيمنى
مجدى / اه عشان تنزل من على ودانى و تبطل زن
تيفا / شايفه ياما شايفه ابنك و عمايله
الست / مش هنخسر حاجه يا مجدى مفيهاش حاجه بت يا اميره يا اميره
اميره تطلع من جوه
اميره / ايوه يا حجه خير
الست / روحى للحجه سميحه و قوليلها هعدى عليها اشرب معاها كبايتين شاى
اميره / حاضر
اميره تدخل جوه تجيب طرحه تحطها على راسها و تنزل و تيفا يجى يمد ايده عالفلوس مجدى ياخدها و يحطها فى جيبه
تيفا / هى بقت كدا ماشى
.............................
فى المطبخ عند مرام
مرام واقفه بترب بيض سميحه تدخل و فايدها الموبايل بيرن
سميحه / متردى عالواد يا مرام سورنى الله
مرام / كنسلى كنسلى
سميحه / كنسلت و بيتصل تانى
مرام / يوووووووه ادى اخره اللى يمشى ورا كلامك صداع و مش هنخلص منه
سميحه / انا مش قولتلك قطمه احسن من نحته و انهى الموضوع و كلميه
مرام / اكلمه فى ايه يا تيته انا من اول يوم قولتلك الواد ده مش هيجى من وراه غير المشاكل
سميحه / الله مش انتى اللى روحتى كلمتيه فحوار امل و طلبتى مساعدته مش انتى اللى وعدتيه انك هتساعديه فى الامتحانات دلوقت بقيت انا اللى شورتى عملالك صداع
مرام / انا اسفه يا تيته مش قصدى
سميحه / انا عارفه و يا بنتى انا لو عليا اقولك نفضها سيره بس مينفعش نقفل بابنا فوش حد قصدنا فى خدمه و عشمان فينا خصوصا بعد اللى عمله
مرام / و هو كان عمل ايه يعنى اتوسطلها فموضوع النقل مهو برده
سميحه / مش هنفتح فاللى فات بصى لو مش ناويه تساعديه ردى عليه و قوليله مش هساعدك عشان يلحق يتصرف و يشوف حد تانى حتى لو هو وحش احنا مش وحشين يا بنتى
مرام / ماشى لما يتصل تانى هقوله
صور نوتيفاكشن كتير ورا بعض مرام تمسك الموبايل تلاقى صور كتير ورا بعض تكتب
سميحه / هو ؟؟؟
مرام / اه خلص نماذج الامتحانات و بعتلى حلها هخلص الكيكه دى و هبص فيهم و ابعتله الصح
سميحه / شوفتى عدى الاسبوع ده يا بنتى و لو قلقانه كلميه و انهى الموضوع
مرام تهز راسها جرس الباب يرن سميحه تروح تفتح
سميحه / اهلا ازيك يا اميره عامله ايه اتفضلى اتفضلى
اميره / خالتى الحجه ام مجدى بتستاذن يعنى تيجى تشرب معاكى كبايتين شاى لو فاضيه يعنى
سميحه / الله و هى محتاجه استاذن تتفضل فى اى وقت بيتها و مطرحها طبعا اهلا و سهلا بيها
اميره / يدوم عزك يارب طب انا هروح ابلغها بقى
سميحه / ماشى و انا فى انتظارها
اميره / بالاذن
اميره تمشى و سميحه تقفل الباب مرام تطلع من جوه
مرام / مين
سميحه / دى اميره مرات مجدى الحو بتستازن عاوزين يجوا يشربوا معانا شاى
مرام / و دول عاوزين مننا ايه يعنى
سميحه / حطيتى الكيكه فى الفرن
مرام / اه
سميحه / خلاص سبيها و روحى عند عمتك مديحه كملى مزاكره مع محمود و انا لما تخلص هجيبلكوا منها و متشغليش بالك النهرده غير بمزاكرتك مفيش حاجه هتنفعك ماشى
مرام / ماشى
سميحه تفتح باب الشقه و مرام تمشى
..............................
فى شقه مازن
جرس الباب يرن يروح يفتح يلاقى ماهى عالباب
ماهى / ازيك
مازن/ الحمد لله اتفضلى جيتى امتى
ماهى / لسه واصله يادوب حطيت هدومى فى الاوتيل و جيتلك علاطول
مازن / تشربى ايه
ماهى / اشرب ايه بقولك لسه واصله و انت عارف ان اكل الطيارات مبيعجبنيش تعال ننزل نتغدى فاى حته
مازن / طب منخليها دليفرى انا قايلك ان عندى امتحانات
ماهى تحط ايدها على راس مازن مازن ينزل ايدها
ماهى / ايه ده انت سخن و لا ايه امتحانات ايه يا مازن من امتى الكلام ده
مازن / معلش هانت على العموم هتلاقى المنيوهات فالدرج مكانها انتى مش غريبه البيت بيتك عن اذنك
مازن يسيبها و يدخل جوه تقف مكانها ثوانى و بعدين تدخل وراه
ماهى / دا الموضوع بجد بقى
مازن / هو ايه
ماهى / خلاص خلاص على العموم انت عارف ان مصلحتك تهمنى و انا مش عاوزه اعطلك طبعا
مازن / كويس
مازن يمسك كتاب و يقرا فيه
ماهى / ياااااه دانت زعلان بجد بقى على العموم هصالحك
ماهى تروح تقعد جنب مازن و تنزل الكتاب و تحاول تبوسه يقوم من جنبها
مازن / فى ايه يا نور انا مش زعلان انا عندى امتحان و عاوز ازاكر و قايلك فى التليفون الكلام ده
ماهى / و انا مش عاوزه اعطلك عن اذنك
ماهى تقوم و تمشى صوت باب الشقه بيترزع مازن يقعد مكانه و هو بينفخ
...............................
في شقه مرام
سميحه تفتح الباب مجدي و توفيق و امهم و اميره يدخلوا
سميحه / اهلا اهلا اتفضلوا ثواني هصب الشاي و اجي اقعدوا اقعدوا البيت بيتكوا اتفضلوا
سميحه تدخل جوه و هما قاعدين بيبصوا لبعض و مجدي بينفخ سميحه تطلع تحط الصينيه عالترابيزه فيها الشاي و كيكه فسرفيس و اطباق صغيره و شوك و تحط الكيكه في الاطباق
سميحه / ولاد حلال مرام لسه عملاها يادوب طلعتها مالفرن
الست / متتعببش نفسك احنا مش غرب الله امال فين ست البنات
سميحه / دي عند عمتها بتزاكر مانتوا عارفين ادعيلها والنبي يا حجه
الست / بدعيلها و غلاوه مجدي و توفيق بدعيلها بس يعني احنا مكناش هنطول يعني كلمتين و رد غطاهم متقومي تناديها يا اميره
اميره تقوم
سميحه / خير ياختي في ايه
مجدي / خير يا حجه متتخضيش خير طبعا ان شاء الله
مرام تدخل مع اميره ووراهم محمود يسلم عالرجاله
مجدي / اول هام احنا جايين نعتزر عن سوء التفاهم اللي حصل من كام يوم ده
توفيق / وربنا مكنت بعاكسك انا بس ادايقت لما شوفت العربيه فكنت عاوز افهم و الحق يتقال انا غلطت مكنش المفروض اتصرف كدا بس انا راجل حر و دمي حامي
مرام / معلش يعني و انت يخصك فى ايه يعني
توفيق يقوم يقف و يتكلم بحماس
توفيق / لا طبعا يخصني و يخصني و يخصني و يخصني كمان متقولي حاجه ياما
الست / انتوا واقفين كدا ليه متستهدوا بالله و تقعدوا الله دا الكلام اخد و عطا
مرام / علي العموم مفيش داعي للكلام خلاص حصل خير موقف و عدي
محمود / لا معلش بس سؤال هو اشمعن دلوقت جاي تعتزر
مجدي / لو عالغلط فانا اعتزرت من يوميها و شديته و كان علي يدك و قدام الناس بس هو احنا كنا محرجين مالست سميحه يعني فقولنا نستنا اما الموضوع يهدي شويه نيجي نراضيها
سميحه / وزي ممرام قالت حصل خير موقف و عدي المهم ميتكررش
تيفا / بصي يا ست الكل هو من جهه ميتكررش فانا يمين عظيم ابدا مهيحصل تاني هو انا لو كنت قاصد حاجه كدا و لا كدا كان زماني هنا النهرده متقولي حاجه ياما الله
الست / بصي يا ست سميحه اللي فات مات و منفتحوش تاني احنا ولاد النهرده و مرام دي بنتي زيها زي اميره بالظبط و اتمنالها الرضا ترضي
توفيق / بس هي ترضي
…………………………