السكه شمال بقلم / لولو_محمد ( كامله )

الحلقه ١٠٠

(((((السكة شمال ))))))))
#لولو_محمد
الحلقه المئه
مازن / لا مشوفتوش بس صحيح بقى انتى كنتى ناويه تعملى الاكل و تاكلى فى الخباثه و لا كنتى هتصحينى
مرام / لا كنت هصحيك بس بعد مخلص تفطر و تنزل تصلى الفجر
مازن / تمام
مازن يبص على مرام يلاقيها بترص الفلفل فالطاسه باهتمام يستغرب يقرب من وراها يلاقيها بترسم على البيض بحبك بالفلفل
مازن / و انا كمان
مرام تتخض و تلخبط البيض
مازن / ههههههههههههه طب ليه قله المزاج دى يعنى
مرام / عشان انت رخم
مازن / لا مش رخم انتى اللى رزله على فكره طب لعلمك بقى مش هاكل منه هتعمليلى غيره
...............................
مرام / البيض خلص
مازن/ هنزل دلوقت اجيب كرتونه بيض
مرام / الفلفل خلص
مازن / متستفزنيش يا بت بدل منزل اجيبلك السوق كلو
مرام / الانبوبه فضيت رجلى بتوجعنى مش قادره اقف حاسه بصداع و زغلله و دوخه
مازن / يا خبر ابيض طب تعالى اما اسندك لحسن تقعى
مازن يحاول يحضن مرام تزقه
مرام / انت هتستهبل و لا ايه
مازن / هى جت عليا يعنى
مرام /ههههههههههههههههههه
مرام تفضى البيض فى الطبق و تطلع عيش و تسخنه مازن يعلق عالكاتيل و يحط فيه مايه و يشغله
مازن / المهم هتقوليها امتى بقى
مرام / قصدك على بحبك
مازن يبصلها و يرفع حاجبه
مازن / ايه فين مين ازاى قولتى ايه تانى كدا سمعينى
مرام / هههههههههههههههههههههه
مازن / انتى هتستهبلى كنتى بتقولى ايه انتى من شويه 
مرام / بحبك يا مازن
مازن / قوليها تانى كدا اتاكد انى سمعتها صح
مرام / بحبك يا مازن
مازن / مهو حاجه من تلاته ياما انا لسه نايم عالكنبه و كل ده حلم و هصحى دلوقت و انا بتقلب اقع فى الارض
مرام / هههههههههههههههههههه
مازن / ياما انا خبطت راسى جامد فالعربيه و دى تهيات ياما انتى خبطتى راسك فى العربيه
مرام / كانت خبطه جامده اوى بس مش فراسى فقلبى
مازن / سلامه قلبك
مرام / لو كان جرالك حاجه منغير مقولهالك كنت هعيش ازاى
مازن / دا تفكير كويس جدا و تعرفى بقى احنا ممكن نستغل الموضوع ده اننا نعمل ايه نسرع حوار الفرح ده و نخليه اول يوم فالاجازه ليه بقى قولى ليه
مرام / هههههههههههههههههههه ليه
مازن / عشان محدش ضامن عمره شوفى انتى بقى لو كان جرالى حاجه قبل الفرح كنتى هتعيشى ازاى
مرام / ههههههههههههههههههههههه بعد الشر عنك دانت مشكله
مازن / ضميرك كان هيانبك بشكل ياريتنى كنت اتجوزته ياريتنى كنت حضنته ياريتنى كنت
مازن يقرب من مرام
مرام / العيش يادى النيله عجبك كدا الرغيف اتحرق منى
مازن / اقسم بالله انا اللى بولع هنا و مفى حد يطفينى
مرام / ههههههههههههههههههه متبطل طمع بقى مانا قولتلك بحبك ايه مش كفايه عليك للدرجادى عادى يعنى
مازن / هى مش عادى بس طبعا ميمنعش انى طماع و مبشبعش من حبك
مرام تحضنه و هو مصدوم و بعدين يحضنها
مرام / انا بحبك يا مازن بحبك اوى كمان
صوت اذان الفجر مرام و مازن يتعدلو
مرام / شوفت فضلت ترغى لحد مالفجر اذن اتفضل كل البيض حاف عشان تلحق الصلاه
مازن / شبعت
مازن يروح الحمام يتوضى و ينزل و مرام واقفه مبتسمه سميحه تفتح الباب و تطلع
سميحه / صباح الخير يا مرام صاحيه بدرى ليه
مرام / جعت
سميحه / امال مازن فين
مرام / نزل الصلاه
سميحه / اما ادخل اتوضى عدينى
سميحه تدخل الحمام و مرام لسه واقفه عينها عالباب و مبتسمه
..............................
فى اوضه شريف
شريف / بس انتى فعلا فنانه يا صافى
صافى / ميرسى
شريف / تعرفى ان اكتشفت ان اخواتى عمليلنلك فولو عالانستجرام
صافى/ بتهزر
شريف / لا والله بتكلم جد خصوصا شيماء
صافى / دى العروسه
شريف / ايوه عقبالك
صافى / فال الله و لا فالك
شريف / اخر واحد قال الجمله دى دايب فشوشته دلوقت كان جدع طيب و ابن حلال اسمه مازن تسمعى عنه
صافى / الوضع مختلف
اذان الفجر
شريف / ينهار ابيض دا الفجر ده
صافى / اكيد مش العشا يعنى
شريف / انا محستش بالوقت خالص انا بجد اسف جدا
صافى / على ايه
شريف / يعنى انى فضلت ارغى معاكى كل ده انى سهرتك انا
صافى / انا استمتعت كتير بالكلام معاك
شريف/ شكرا على جبر الخواطر يا ستى
صافى / لا حقيقى اكيد لو مكنتش مستمتعه كنت هعتزر او اقفل او اتحجج باى حاجه
شريف / طب انا للاسف لازم اقطع المتعه دى و اقوم اتوضى عشان انزل اصلى
صافى / ممكن تدعيلى
شريف / بايه
صافى / اى حاجه حلوه تيجى فبالك
شريف / ماشى تصبحى على خير
صافى / و انت من اهله
..........................
فى المسجد عند مرام
مازن جنب محمود جنب اسعد فوسط ناس كتير يسلموا و يقعدوا
اسعد / حرما ...حرما
مازن / جمعا
محمود / جمعا
اسعد / فرصه سعيده يا مازن باشا طب والله فرحت بشوفتك
محمود / معلش يا معلم اصلهم عملوا حادثه امبارح و لما جم كان الوقت اتاخر و مسكنا فيه يبات
راجل / دا ان ماشيلتوش الارض نشيله فوق روسنا من فوق
مازن / الله يخليك دا من زوقك انا هستاذنكوا انا عشان
اسعد / والله متحصل انت هتفطر معانا الاول
مازن / لا اصل
الراجل / ايه انت هتستكبر تاكل معانا و لا لقمتنا مش على هواك لا والله نزعل
مازن / استغفر الله هو انا اطول هو الحكايه بس
محمود / عيب الرجاله الكبيره تتحايل عليك
الراجل / ههههههههههههههه احنا بنهزر معاه يا محمود خلاص احنا بقينا اهل
مازن / والله دا احساسى انا كمان
اسعد / احنا نطلع عالقهوه نفطر و نحبس بالشاى و بعدها اقطعك فالطاوله و اشفيك فالدومينو
مازن / ههههههههههههههههههه انت صحيح قد ابويا يا معلم بس معلش انت كدا وسعت منك عشان دول ملعبى
اسعد / هههههههههههههههه هنشوف
مازن / نشوف
الراجل / خلاص بينا عالقهوه يا رجاله
............................
فى بلكونه مرام
مرام تفتح البلكونه لابسه اسدال ابيض و تطلع تبص يمين و شمال لحد متشوفه قاعد عالقهوه مع الرجاله تقف و تسند عالحيطه و تبص عليه و هى مدايقه و تنفخ
........................
عالقهوه
مازن / هههههههههههههههههه ايه يا معلم دانا حتى ضيف
اسعد / الله مش كان ملعبك من شويه
مازن / و انت هتاخد على كلامى برده
اسعد / ههههههههههههههههههههههه
تليفون مازن يرن يطلعه من جيبه و ملامح وشه تتغير
مازن / عن اذنكوا ثوانى
مازن يروح يقف فى جنب
مازن / عاوز ايه
احمد / بطمن عليك بعد امبارح مدام جت فى الصاج مش مهم تتعوض مش كدا
مازن / كنت عارف انك وراها
احمد / و عارف برده انها قرصه ودن مش اكتر لو كنت عاوز اخلص منك كنت خلصت
مازن / اما انا لو شفتك قسما بالله
احمد / هى مرام واقفه زعلانه ليه انتوا اتخانقتوا و لا مقولتلهاش انك هتقعد عالقهوه تلعب مع الرجاله بس تعرف اللون الابيض بيليق على مرام اوى عقبال متلبسهولك يا ميزو هههههههههههههههههه
مازن يبص على بلكونه مرام يلاقيها واقفه زعلانه اول معنيها تيجى فعينه تشاورله
احمد / شاورلها مالك واقف متنح كدا ليه
مازن يبص يمين و شمال و بعدين يطلع يجرى ناحيه شقه مرام
احمد / الاذيه مفيش اسهل منها يا مازن
مازن / و مدام انت عارف كدا بتستفزنى ليه
احمد / انسى و انا هنسى و خلينا زى مكنا
مازن يضرب الجرس على مرام بجنون مرام تدخل تفتح يدخل و يقفل البلكونه
احمد / متخافش عليها اوى كدا اللى بيعمل مبيهددش يا ميزو انا بس بثبتلك انى لو عاوز هوصل
مازن / والله العظيم 
احمد / اهدى و متخوفهاش و فكر فى اللى قولتهولك
جرس الباب يضرب
احمد / متخافش دا محمود تلاقيه قلق لما شافك بتجرى افتحله متلطعوش يلا سلام يا ميزو
مازن يفتح الباب بالراحه يلاقى محمود
محمود / فى ايه يابنى ايه اللى حصل
مازن / مفيش حاجه
محمود / يا سلام يعنى ايه مفيش حاجه
سميحه تطلع مالمطبخ
سميحه / فى ايه يا ولاد
مازن / عن اذنكوا هدخل الحمام
مازن يدخل الحمام و مرام عينها عليه
محمود / دا ايه الدماغ دى دا الراجل تحت اتخض انزل اقوله ايه معلش اصله اتزنق
سميحه / متلم لسانك اللى عاوز قطعه ده عيب دا ضيف
محمود / حقك عليا انا نازل
محمود يجى ينزل يقابل ابراهيم عالسلم
محمود / اهلا مش الباشا برده
ابراهيم / قالولى ان مازن هنا
مرام / اتفضل
ابراهيم / مازن هنا
مازن يطلع على صوته
ابراهيم / انت كويس
مازن / الحمد لله
سميحه / اتفضل اقعد
ابراهيم واقف عمال يبص يمين و شمال
مازن / مره تانيه انا متاكد ان بابا تعبان مالسفر و عاوز يرتاح
ابراهيم / هى دى شقتكوا مش التانيه 
مازن / حضرتك جاى تطمن عليا صح و لا جاى لحاجه تانيه
ابراهيم / لو سمحتى يا ... ممكن كبايه مايه اصل انا مش واخد عالاماكن المقفوله دى نفسى بيتكتم
سميحه / افتح البلكونه يا محمود
مازن / لا متفتحوهاش اصلا انا و بابا كنا ماشيين
مرام تدخل شايله كبايه مايه ابراهيم ياخد منها بق و يكبها فوش مرام
محمود / انت اتجننت
محمود يحاول يتهجم على ابراهيم و مازن يحوشه و يزقه بعيد و مرام واقفه باصه فى الارض و سميحه مصدومه
ابراهيم / انتى جيبالى مايه مالحنفيه يا حيوانه انتى عاوزه تسمينى فاكره انك هتورثى حاجه فوقى
مازن / ابوس ايدك كفايا بقى تعال نمشى ارجوك بقى
مرام / انا اسمى مرام نور الدين الاولى على دفعتى و بشتغل و اصرف على نفسى من و انا فثانوى لا عمرى مديت ايدى لحد و لا بصيت لفلوس حد
ابراهيم يبتسم بسخريه
مرام / انا لو كنت عاوزه الفلوس كنت وافقت على فلوس خالو صفوت
ابراهيم / خالو ... انتى هتنسى نفسك يا بنت السباك
مازن / لو باقى ليا عندك ذره غلاوه واحده كفايا
مرام / سيبه ... و ماله السباك مجرم ؟؟حرامى؟؟ قتال قتله؟؟ مهى شغلانه شريفه يعيبه ايه السباك المره اللى فاتت اللى حضرتك جيت فيها هنا حذرتنى من مازن قولتلى انه هيلعب بيا لكن مازن جه فوسط الناس كلها و طلب ايدى و دفع مهرى و اتجوزنى على سنه الله و رسوله المرادى حضرتك جاى بتقول انى طمعانه فى فلوسه بس يا ترى المره الجايه هتقول ايه
ابراهيم / انتى متخيله انى ممكن اجي المكان الحقير ده مره تانيه
مازن / يارب خدنى بقى انت جاى ليه فهمنى جاى ليه
سميحه / اسكت يا مازن عيب
ابراهيم يبصلها
ابراهيم / جيت اطمن عليك و اوريك معرفه لمامه الشوارع بتودى لفين و زى مقولتلك المره اللى فاتت مسيرى هاجى استلم جثتك مالمشرحه
مازن باصص فى الارض و كاتم جواه
محمود / اللهم طولك ياروح
ابراهيم / انا اطمنت عليك
ابراهيم يمشى و مازن لسه باصص فى الارض
محمود / لا برافو يا سيد الرجاله حقيقى برافو
محمود يمشى و يخبط مازن فكتفه و يرزع الباب وراه
سميحه / الحمد لله انها كانت مايه ساقعه اهو تجيب طراوه ههههههههههههههههههه
مازن يبص على سميحه تبتسمله
مرام / تصدق مطلعتش وحشه
مازن يبصلها
مرام / الواحد مكنش يعرف ان الحمام بالمايه الساقعه منعش اوى كدا
مازن / انا اسف
مرام / مالك فيك ايه
مازن / تعبت
مرام / و دا يجى ايه جنب زلزال اتنين و تسعين
مازن يبتسم
مرام / انا هموت مالجوع استنيتك افطر معاك و الباشا عمال يلعب طاوله تحت
مازن / كنت بتقطع مالمعلم اسعد
مرام / هههههههههههههههههههههه و كمان بتخسر اورى وشى للناس فى الحاره ازاى يا كسوفك يا مرام يا كسوفك
مازن / كان بيقرص عالزهر على فكره
مرام / ماشى ماشى خش حضرلى فطار بقى على مغير البجامه دى نقيت عليها يا خويا كانت عجباك ادينى هقلعها اهو
مرام تزق مازن فكتفه بالراحه يبتسم بالعافيه تدخل جوه
سميحه / امبارح طول الليل بتخطط فطريقه حلوه تقولك بيها بحبك
مازن يبصلها و البسمه ماليه وشه
سميحه / فكها و اللحق اعملها فطار قبل متقلب عليك تانى
مازن / هههههههههههههههههههه
مازن يروح يبوس راس سميحه
مازن / انا اسف اوى
سميحه / معلش له عذره برده اقولك هدخل انا احضرلكوا الفطار انت مدايق و النفس بيبان فى الاكل وسع
سميحه تدخل المطبخ و مازن يمسك التليفون و يتصل بحد
..............................
فى الشركه
صفوت بيتكلم فى التليفون
صفوت / انت ملكش دعوه خالص بالموضوع انا هتصرف ..... يابنى هتصرف الله ......راجل ابن راجل يعمل حاجه هو زى مقالك اللى بيعمل مبيهددش هو بس بيخوفك
شريف يدخل صفوت يشاورله يقعد
صفوت / انت بتهزر يا مازن لا طبعا النهرده الموضوع ده هيتقفل ...وعد والله مهتسمع عنه تانى ... يا حبيبى هى يعنى مرام مش غاليه عندى دى بقت اغلى منك .... خلاص تمام تمام .... محمد رسول الله
شريف / خير فى ايه
صفوت / اهو احمد بيلعب عملت ايه فالورق اللى قولتلك عليه
شريف / اهو لسه خلصان حالا
صفوت / حلو اوى حددلى معاد بقى مع هباب البرك اللى اسمه الدهبى و كلمه و خليه يجى يقابلنى
شريف / يجى يعمل ايه
صفوت / شريف حبيبى مش هتبقى انت و هو عليا اسمعوا الكلام و متتعبونيش
شريف / حاضر حضرتك عن اذنك
صفوت / اتفضل
شريف يمشى
.........................
فى شقه مرام
مرام تطلع مالاوضه لابسه لبس خروج
مرام / انا جاهزه كنت بتكلم مين
مازن / خالو .. انتى لابسه كدا ليه
مرام / هنخرج
سميحه تطلع شايله صينيه اكل مرام تساعدها يحطوها عالترابيزه
سميحه / هتروحوا على فين مفيش خروج قبل مالصينيه دى تتمسح
مرام / بعدين بقى يا تيته روحى افطرى مع عمتى احسن
مازن / خلينا النهرده يا مرام لو سمحتى مش قادر
مرام / مش قادر و لا خايف
مازن يبصلها
مرام / مين اللى كان بيكلمك ساعه مجيت مفزوع
مازن / مرام
مرام / انا خارجه هتيجى معايا و لا تقعد مع تيته ... يابنى متخافش مش هتبقى لوحدك انا هبقى معاك
مرام تحط ايدها على كتف مازن و هو باصصلها
مرام / لا بص انا الراجل الجبان محبوش ابدا ابدا
مازن / لا لا لا جبان مين داحنا جامدين اوى و نعجبك اوى
سميحه / هههههههههههههههههههههههه
مرام / تعال معايا
مرام تمسك ايد مازن و يمشوا و تشاور لسميحه و تقفل الباب
سميحه / يعنى هاكل كل ده لوحدى رزقك يا مديحه طول عمرك مرزقه
..............................
عالسلم
مرام نازله و لسه هتطلع مالباب مازن يمسك ايدها يوقفها
مرام / فى ايه تانى
مازن / هنروح فين
مرام / عاوزه اروح الكرار بتاعك
مازن / لا يا شيخه
مرام / ايه مش جاهز و لا ايه
مازن / لا مستغرب كلو فيوم واحد كدا تقوليلى بحبك
مرام / اها
مازن / و كمان تثقى فيا فيوم واحد والله لو اعرف كنت اجرت ناس يعملوها فينا من زمان
مرام / اذكى اخواتك لا طبعا انت ناسى انك وعدتنى امبارح خلاص و انا مصدقاك
مازن / احمد هو اللى كلمنى كان شايفك و انتى واقفه بطريقه ما كان شايفك
مرام / ميشوفنى اعمله ايه يعنى هيعمل ايه هينشنى طلقه قناصه يعنى و ماله اموت شهيده بس قبل مموت لازم اشوف الكرار
مازن / قولتلك قبل كدا متجيبيش سيره الموت تانى لو سمحتى
مرام / كنت فكراك مبتخافش منه
مازن / ايوه دا كان زمان لما كانت حياتى لوحدى اللى تخصنى لما مكنش عندى حد اخاف عليه و لا مسؤل منى انا لا هستحمل انك تتاذى و لا ان يجرالك حاجه خصوصا لو بسببى
مرام / كلو مقدر و مكتوب محدش بيعيش اكتر من عمره و انا مش خايفه اه امبارح اتخضيت بس دلوقت مش خايفه و انا معاك مببقاش خايفه مش بيبقى فارق معايا حاجه و لا فارق معايا حد انا مش هحط راسى فى الرمل و استخبى من عيل سيس زى ده متخفش بقى معاك راجل الله
مازن يبتسم
مرام / لا دانت مستقل بيا اوى على فكره بكره تيجى معايا النادى عشان تشوف مراتك و هى .. هى ايه بقى
مازن واقف مبتسم و بيتفرج عليها و هى بتقلده
مرام / انا قولتلك بحبك عاوز ايه اكتر من كدا عشان متخافش الله
مازن / ممكن بوسه تشجعنى شويه
..............................