السكه شمال بقلم / لولو_محمد ( كامله )

الحلقه ١١٥

((((((السكة شمال )))))
#لولو_محمد
الحلقه ١١٥
محمود / انتى لازم تقدرى موقفى كان شكلى فانله قدام امى و تيته و هما بيسالونى عليها
مروه تدحك
محمود / بتدحكى
مروه / كان شكلك فانله
محمود / انا تعبان يا مروه انا اللى زيى بيخرج و يتفسح مع صحابه انا بزاكر و اشتغل و اخد بالى من امى و تيته و مرام و دلوقت انتى انا فى مليون حاجه فدماغى
مروه / و عشان كدا بحبك عشان انت راجل بجد تعرف انا جالى عرسان كتير قبلك بس انا كنت عاوزه راجل عارف قيمه نفسه مش من بتوع فلوس بابا و ماما راجل ابدء معاه حياتى و نبنى بتنا سوا و نبقى مع بعض عالمره قبل الحلوه انا مش زعلانه منك انا زعلت عشان زعلتك
محمود يبتسم
............................
مروه / حقك عليا انت معاك حق
محمود / طب اعمل ايه انا بقى و اقول ايه ربنا ميحرمنى منك ابدا يا مروه
مروه / و لا يحرمنى منك تعرف انا عملت تارت و كنت ناويه ابعتهولك صلح هقوم اجيبهولك تدوقه و تشوف بقى بتاعى بقى و لا بتاع مرام
محمود يتبسم و مروه تروح المطبخ
.........................
فى امريكا فى الكافيه
على يدخل نورا تبص الناحيه التانيه و ترجع تبصله يروح يقعد و يطلب من زميلتها و عينه عليها شويه و تقلع المريله و تدخل جوه المطبخ يقوم يروح الحمام و فالخباثه يعدى للمطبخ و يدور عليها لحد ميلاقيها قاعده ورا الكفيه
على / هو انتى بتهربى منى ليه
نورا / هو انت مبتزهقش ليه
على / عشان انا مش عارف ازهق لو قادر مكنت عملتها جايلى ايه يعنى انا من الشحطته دى كل شويه يعنى
نورا / يابن الحلال افهمهالك ازاى انا مش البنت اللى فخيالك انا اسوء بكتير مما تتخيل انا واحده شمال ارتحت واحده زباله ابعد عنى و شوفلك واحده نضيفه زيك
على واقف و ساكت
نورا / ارتحت يعنى دلوقت هديت كدا
على / لا
نورا / اللهم طولك يا روح على انت عاوز ايه عاوز تتسلى و عاوز جد و لا عاوز ايه
على / انتى شايفه اى تسليه فوضعى ده
نورا / تقدر تقول لاهلك انك بتحب بنت شمال واحده كانت مدمنه و مصاحبه تقدر
على واقف وساكت
نورا / خلاص نزلت من نظرك و ارتحت ابعد عنى بقى سبنى اعيش انت ايه مبتفهمش ابعد عنى
نورا تسيبه و تدخل جوه
...............................
فى فيلا صفوت
صفوت / انا هروح السجل المدنى و اغير تاريخ ميلادى و اخليه النهرده
مرام / ههههههههههههههههههههه
صفوت / لا حقيقى انتى متعرفيش انتى بقيتى اغلى عندى من الكلب ده
مازن / ايه يا خالو مش قدامها طيب احنا ستر و غطا على بعض
صفوت / لا يا حبيبى فوق سترك و غطاك جنبك اهى المهم ايه رايكوا بقى بالمناسبه السعيده دى نطلع نسهر سهره حكايه و لا انتوا عاوزين تطرقونى و تقضوا اليومين دول سوا بصراحه لو ناويين تبقوا جدعين لو مكانكوا هعمل كدا
مرام / هههههههههههههههههههه هو احنا نطول يا خالو بس معلش العشا عندى النهرده انا اللى هعملكوا احلى اكل
صفوت / مش بقولك عيد ميلادى بس اوعى تعمليلى تارت من بتوعك انا ممكن اروح فيها من كتر الفرحه
مرام / هههههههههههههه بعد الشر
مازن / انتى هتصدقى و لا ايه دا حلنجى اكتر منى دا هو الاستاذ
صفوت / انا برده الاستاذ يا استاذ مش شايف مجايبك
صفوت يمسك ايد مرام و يلفها مرام تدحك و مازن يشدها منه
مازن / حيلك حيلك انت قد اللفه دى
صفوت / اقسم بالله مقدها
مرام / متبطلوا انتوا الاتنين بقى الله هو انا وقعت فين
مازن / وقعتى فحوبى يا قمر ... سامح حوبى انا اركن على جنب كدا
صفوت / دى اخرتها طب اتفضل يا خويا عالمطبخ انت اللى هتحضر العشا و لا احنا مش قد المقام و لا هى لازم يعنى تكون ايطاليه و لا فرنسيه عشان تطبخلها
مازن / ايه يا خالو موصلتش بنا لكدا يعنى
صفوت يقلد القرموطى
صفوت / ايوه اتلم عشان انت سيديهاتك عندى ماشى و ممكن اسيحلك هنا و افشكلك ام الجوازه دى
مرام / ههههههههههههههههههههههههههههههههه
صفوت / تعالى انتى كدا يا مزه معايا ناخد و ندى فكلمتين على مالبتاع ده يحضرلنا لقمه ناكلها
مازن / هتلف تلف و ترجعلى على فكره
صفوت ياخد مرام و يمشوا و مرام كل شويه تبص على مازن و مازن واقف مبتسم
صفوت / انا بقى هحكيلك كل ذكريات طفولته المشرده عشان تلاقى زله تمسكيها عليه انتى حبتيه ازاى ده مش كنت انا اولى طب دانا حتى ابان اصغر منه
مرام تبص على مازن يحدفلها بوسه تتكسف و هى فمنتهى السعاده
...............................
فى شقه نيفين
والده نيفين بتكلم ابوها فى التليفون
الست / يعنى ايه يا سامح خلاص هيفنشوك
سامح / انا اللى هسيب الشغل و بلغته بكدا
الست / طب يعنى دا جزاتنا اننا فتحناله بتنا دا ايه الغلب دا ياربى
سامح / المشكله مش فيه المشكله انه بيقولى لو هتسيب الشغل اكتب ممانعه خمس سنين هو العمر فيه كام خمس سنين
الست / يادى البخت المايل و بعدين
سامح / انا تعبت امال  انا بكلمك ليه انا لو نزلت مصر هبدا مالصفر و القرشين اللى محوشينهم هيفتحوا مشروع يا عالم فالوضع ده هينجح و لا هضيعهم و لو فكرت انه وضع مؤقت و حاولت ارجع بعد الخمس سنين دول هبقى اتنسيت هنا و هرجع مالصفر تانى اعمل ايه
الست / هتعمل ايه يعنى امرنا لله ربنا عالظالم
سامح / انتى هتقولى لنيفين
الست / لا طبعا انا مقدرش احملها هم زى ده و اشيلها مسؤليه حاجه ملهاش ذنب فيها
سامح / خلاص امرى لله بكره اروح امضى الممانعه و انزل نهائى و الارزاق على الله
الست / حسبى الله و نعم الوكيل حسبى الله و نعم الوكيل
...............................
فى الفيلا
مازن يرص السفره و مرام تدخل تقف جنبه
مرام / اممممم ريحه حلوه اوى
مازن / اصله معمول للغاليين
مرام / اما خالو حكالى شويه حاجات
مازن / ياريت ميكونش هز صورتى اللى بنعدل فامها بقالنا قرن من الزمن
مرام / ههههههههههههههههه انت عارف يا مازن انت صورتك عامله زى ايه
مازن / ايه
مرام / زى البازل كل يوم بركب حته و الصوره توضح
مازن / و طلعت ايه فى الاخر
مرام / طلعت قلبى يا ناس
مازن / قلبى يا ناس
مرام / هههههههههههههههههههههههه
صفوت يدخل
صفوت / شوف يا اخى الواحد يعمل البدع عشان يظبط المزه و يجى الواد ده يخطفها عالجاهز بس له حق مانا قاعد معاكى ساعه جوه معرفتش اطلع الدحكه الحلوه دى منك
مرام تتكسف
مازن / هناكل و لا هتفضل تسبلها كدا كتير انا على شعره و اخدها و امشى عشان بدات اقلق منك
صفوت / هو دخول الحمام زى خروجه و لا ايه يا ولد عاوز انت تمشى امشى انما القمر ده
مازن / اللهم طولك يا روح تعالى هنا يا بنتى اما نشوف اخرتها فى خالى ده جرا ايه يا حج انا بدات اغير
صفوت / و ايه الجديد مانت من يومك بتغير منى يعنى
مرام / بس بصراحه حقه طبعا
مازن / نعم ياختى
مرام / ايه انت هتخوفنى و لا ايه لا يكون فعلمك انا فحمى الكبير
مازن / هى بقت كدا طب مفيش اكل يلا يا بت اطلعى نامى
مرام / انت هتهددنى بالاكل بتاعك ده دانا حالا ادخل اعمل احسن منه لصفصف حبيبى
مازن / لا بقى هى حصلت لصفصف
صفوت / ههههههههههههههههههههههه عشان تعرف انك مش قدى
مازن / عيب يا خالو دانا ابن اختك حبيبك
صفوت / عشان خاطرها بس اقعد كل
مازن / ليك يوم يا كبير ليك يوم ماشى
الكل يقعد و مرام مبسوطه
.................................
فى امريكا فى شقه
على واقف بيضرب جرس الباب سعيد يفتح
سعيد / على صح خير فى ايه نورا جرالها حاجه
على / لا الحمد لله نورا كويسه بس انا محتاج اتكلم مع حضرتك انا اسف طبعا انى جيت منغير معاد بس فعلا مش قادر انا اسف تانى
سعيد / اتفضل خير
على يدخل و يقعد و هو متوتر
سعيد / تشرب حاجه
على / لا شكرا انا اسف تانى لو كنت جيت فوقت مش مناسب
سعيد / لا مفيش مشكله انت عرفت مكانى منين
على / الحقيقه سالت فكذا مكان و كذا حد لحد موصلت للمستشفى و من هناك قدرت اوصل لهنا لفيت لفه حلوه الحقيقه بس الحمد لله انى وصلت اخيرا
سعيد / كنت طلبتها من نورا هى عارفه العنوان
على / اه بخصوص نورا هو حضرتك تعرفها من امتى
سعيد / من اول مرجلها نزلت على امريكا والدها شغال معايا فى المستشفى دا من اشهر دكاتره جراحه التجميل هنا
على / طب هى ليه مش عايشه معاه
سعيد / انت عاوز ايه بالظبط
على / الحقيقه انا عاوز اعرف الحقيقه عاوز اعرف كل حاجه ليه بتبعدنى عنها كدا ليه بعدتك عاوز اعرف عن حبيبها اللى فمصر عن عيلتها الغنيه اوى اللى سابتها فمصر و جت تعيش العيشه دى عاوز اعرف كل حاجه فى مليون سؤال و لحد ملاقى اجابه انا مش هرتاح
سعيد / و اش عرفك انى هريحك
على / مسبتش باب مخبطتش عليه
سعيد / طب متسالها هى
على / اجابتها مبتريحنيش بالعكس كل سؤال بتجاوبه بتفتح مليون سؤال تانى فدماغى انا تعبت
سعيد / انا الحقيقه مش عارف اقولك ايه انت سبت الدنيا كلها و جتلى انا عشان اكلمك عن نورا
على / بيتهيالى انك اكتر واحد له مصلحه انك تقولى الحقيقه كامله عشان ابعد عنها
سعيد / انت واخد عنى فكره وحشه اوى
على / هى ليه قالت عن نفسها شمال هى كانت مدمنه فعلا
سعيد / هى قالتلك ده
على / اه
سعيد / اسهل حاجه ممكن اعملها انى اقولك اه و اكرهك فيها عشان اضمن انك تبعد بس للاسف لا ضميرى و لا اخلاقى هتسمحلى انى اعمل كدا
على / طب قولى الحقيقه فهمنى
سعيد / ماشى هقولك نورا والدها ووالدتها منفصلين من زمان جدا ووالدتها اتجوزت ووالدها جه امريكا هنا و عاش حياته و هى بقى فالنص بين هنا و هناك بس معظم الوقت مع والدتها اللى جوزها بالمناسبه رجل اعمال كبير جدا مالتى مليونير مكنش بيبخل عليهم بحاجه و عايشين فاحسن عيشه و نورا كانت من الناس الدحيحه لحد فيوم و هى فثانوى والدتها راحت تحضر عيد ميلاد صحبتها و سابتها فى الفيلا تزاكر بس زوجها الواطى استغل غيابها و اعتدى عليها
على يتعدل فى قعدته سعيد يبتسم ابتسامه مكسوره
سعيد / كل ده مكنش المشكله المشكله ان نورا جريت على حبيبها شاب مصرى مستهتر و بتاع بنات بس هى كانت بتحبه اوى و معجبه بيه كان قدها صديق الطفوله خدها و راحوا المستشفى و عملوا محضر والدتها ادخلت و ضربتها قدام الكل و كدبتها و اتهمتها انها بنت مستهتره و بتاعه علاقات و قفلوا الموضوع على كدا نورا كلمت ابوها و جت هنا امريكا عشان مكنتش قادره تعيش مع امها و الحيوان ده فنفس المكان نفسيتها كانت فى الارض و حياتها و احلامها كانت بتقوم مالنوم مفزوعه على كوابيس لا بتاكل و لا بتشرب و لا بتنام لحد فيوم واحده من صديقات ابوها بما انه جراح تجميل فاقولك انه كان بالبلدى خاربها المهم واحده منهم ادتها حبايه و قالتلها ان دى هتريحها و فعلا نورا ارتاحت اوى عالمخدرات و حاجه تجر حاجه لما ادمنت كانت بتنسى نفسها بالسم كانت فاكره انها جايه هنا هتلاقى اب لكن الحقيقه كانت غير كدا خالص
على / يعنى ابوها سابها تدمن
سعيد / لا خالص الراجل قالها انها حره فحياتها بس لو عاوزه تكمل فى القرف ده تروح تجيب تمنه من فلوسها هو مش بيشتغل و يتعب عشان هى تبعزق فلوسه يمين و شمال
على / هو فى ايه
سعيد / هههههههههههههههههه فى انها سمعت كلامه بدل مياخدها مصحه تتعالج بدل ميهتم و لو مره واحده فحياته رماها بايده فحضن الديلر و انت بقى تخيل الباقى بس هى مطولتش كتير مازن .. اه دا اللى هى بتحبه فمصر جه وراها امريكا هنا لما عرف بس هى مستحملتش يشوفها بالمنظر ده قطعت شراينها
على / و ابوها فين امها
سعيد / متفوق يا على ابوها مين و امها مين هو بعد اللى عملوه هيسالوا عنها لولا مازن جابها عندنا المستشفى كان زمانها اصلا ان مماتتش منتحره كانت هتموت اوفر دوز او عيل مدمن مالعيال الزباله اللى كانوا محوطينها قاتلها كدا كدا كانت ميته هتفرق فى ايه
على / يعنى ايه
سعيد / المهم فالمستشفى قامت خناقه كبيره بين مازن و ابوها و جه خال مازن من مصر رجل اعمال كبير برده و حلو الموضوع و نورا اتنقلت مصحه و مازن كان مقيم معاها تقريبا و بعدين خدها و رجع بيها مصر
على / بصفته ايه
سعيد / بصفته الشخص الوحيد اللى اهتم نورا عاشت مع مازن و خاله فبيتهم فتره لحد مدخلت مع مازن فعلاقه هى كانت عارفه ان مازن عمره مهيتجوزها بس كانت بتحبه و هو كان بتاع بنات فكانت نتيجه منطقيه جدا شويه و اتنقلت لشقته و شويه و خدتلها بيت لوحدها و هو بقى بيتنقل من علاقه لعلاقه و هى مش قادره تنساه و برده مش قادره تبقى معاه سابت مصر كلها و رجعت امريكا تانى لابوها يمكن المرادى يحن علاقتى بيها زادت و حبتها جدا لانى طبعا كنت عارف حكايتها مالاول دا غير انى عشت عمرى كله هنا من ام امريكيه اصلا ووالدى توفى و انا صغير فمعنديش العقليه الشرقيه المتخلفه دى الحمد لله بس هى بقى رفضت تتجوزنى فسخت الخطوبه و رجعت تترمى فحضنه تانى بس واضح انه متغيرش عشان هى مقعدتش كتير و رجعت هنا تانى بس المرادى مراحتش لابوها المرادى زى مانت شايف بتحاول تبنى لنفسها حياه و تبعد عن الكل
على ساكت و باصص فى الارض
سعيد / السؤال بقى انت بعد معرفت الحقيقه ناوى تعمل ايه
على يبص لسعيد
سعيد / ناوى تحارب و تحاول تطلع مازن من قلبها و لا ناوى تنسحب بكرامتك
على / انا اسف انى جتلك منغير معاد انا هستاذن
على يقوم و يمشى و سعيد يهز راسه و يقوم يدخل جوه
..............................
فى الفيلا عند مازن
فى اوضه مازن قاعد على سرير و جنبه مرام و بيتفرجوا على صور و يدحكوا
مرام / ههههههههههههههههههههههه انت كنت قلبوظه اوى
مازن / اه تيته بقى الله يرحمها كانت بتزغطنى و لا خروف هتدبحه عالعيد
مرام / ههههههههههههههههه بس كنت عسل اوى يالهوى على خدودك عاوزه تتاكل
مازن / ماحنا فيها عادى
مرام / راحت خلاص و طلعت مكانها دقن و خنشرت و بقيت حاجه كدا استغفر الله العظيم ليه يا زمان مسبتناش ابرياء
مازن / غصب عنى والله هو خالو السبب
مرام / ليه عمل ايه
مازن / اتخانقت مع عيال فالمدرسه و ضربونى خالو طبعا خدنى النادى و بدات اتمرن عشان ادافع عن نفسى و خسيت و مش عاوزك تتخيلى كميه الخناقات بين خالو و تيته الفتره دى هى عاوزه تغذينى و هو عاوزنى قوى بس هو كلامه اللى مشى طبعا عشان هى للاسف مطولتش كتير
مرام / الله يرحمها
مازن /  بتفكرنى بتيته اوى زكرياتى عنها كانت طيبه زيها كدا
مرام / استنى ايه الصوره دى
مازن / فى الثانوى حزرى فزرى مين دى
مرام / مين . لا نورا
مازن / اه
مرام / شكلها اتغير خالص
مازن / دى اخر صوره لنورا قبل الحادثه بتاعتها
مرام / حادثه ايه
مازن / حوار طويل كدا و هنقعد نعيط فيه احنا الاتنين عدى خلاص
مرام / بس هى اتغيرت خالص احلوت كتير بصراحه دانا معرفتهاش هنا
مازن ساكت
مرام / هى اخبارها ايه صحيح تعرف
مازن / كويسه بتشتغل فى امريكا دلوقت و حياتها احسن كتير من حياتها هنا
مرام / هو مين اللى كان ضاربها
مازن / جوز امها الحيوان
مرام تهز راسها و تبص الناحيه التانيه
مازن / انا ضربته على فكره
مرام تبصله
مازن / مش انا يعنى استنيت لما سافرت و بعدته ناس يضربوه انا اصلا بكرهه و مش طايقه
مرام / هو سؤال مش وقته خالص يعنى هو انت و نورا كنتوا
مازن / ليه بتسالى الاجابه هتفرق معاكى
مرام / لا
مازن / خلاص متساليش
مرام / بيتهيالى انت كدا جاوبت
مازن / مفيش حاجه فحياتى ندمان عليها قد نورا دخلت حياتى فوقت هى مدمره فيه و انا كنت صغير مش فاهم هى كانت كل اللى محتجاه حد يطبطب عليها يخرجها ماللى كانت فيه مكنتش مستنيه منى كدا
مرام / طب ليه مصلحتش غلطتك
مازن / انا معملتش حاجه كل حاجه جت ورا بعض انا كنت بحاول اساعدها انا مستغلتهاش ربنا وحده اللى يعلم هى غاليه عندى قد ايه بس مكنش فايدى حاجه اعملهالها نورا بالنسبالى فغلاوه زياد احنا متربيين سوا كانت زى اختى
مرام / انا مش فاهمه التفاصيل بس حاسه من كلامك ان الموضوع كبير
مازن / تعرفى انا كنت فاكر ان اسوء حاجه ممكن تحصل للانسان ان امه تموت لكن لما شوفت نورا اكتشفت ان الاسوء ان امك تموت فنظرك و انت عايش ان اهلك يكونوا عايشين بس انت فالاصل يتيم
مازن الحزن ماللى وشه مرام تطبطب على ضهره بالراحه يبصلها
مازن / انا ماذتهاش او على الاقل مكنتش اقصد
مرام تحضنه يحضنها
مرام / اهدى خلاص اهدى
مازن يتنهد
مازن / والله حاولت عملت كل اللى اقدر عليه والله حاولت
مرام / خلاص مدام انت عملت اللى عليك خلاص و بعدين مهى كويسه اهى و عايشه حياتها و انت اهو متابع اخبارها و بتطمن عليها
مازن / هى ملهاش اهل يا مرام ملهاش حد لابوها و لا امها ليهم لازمه
مرام / انا والله قولتلها تيجى تعيش معايا هى مرضيتش
مازن / انتى طيبه اوى يا مرام
مرام / كانت بتقولى مينفعش فى الزمن ده
مازن / معاها حق
مرام / انت كمان شايف كدا
مازن / خليكى زى مانتى متحطيش فدماغك
مرام / الله ايه التناقض ده
مازن / مش تناقض هو بس انتى مش قادره تفهمى الدنيا على حقيقتها لسه بس دا عاجبنى احتفظى ببرائتك دى و ان كان عالدنيا فسبينى انا اشيل همها
مرام تبتسم و تبصله ياخدها فى حضنه
مازن / هنا مفيش اوضتين بحمام مشترك انا هبقى للاسف فى الاوضه اللى جنبك
مرام / هو احنا لما نتجوز هنقعد فى انهى اوضه
مازن / احنا لما نتجوز هناخد الفيلا دى كعب داير مش هسيب خرم ابره دانا هنتقم
مرام / اطلع بره يا مازن
مازن / انا بقول لما نتجوز يعنى مش دلوقت
مرام / هههههههههههههههههههه
مازن / و ادفع المهر و نكتب الكتاب و اقعد احفظ انا مفيش مخلوق شوفى مفيش مخلوق قدر يدحك عليا و يغفلنى زيك كدا بس ماشى ماشى لكل جواد كبوه
مرام / ههههههههههههههه ايوه اقعد انت عدد كدا و انا هنام لما تيجى تقوم بقى ابقى اقفل الباب و النور وراك
مرام تسيب مازن و تتعدل فى السرير و تتغطى و تنام
مازن / طب و ان مكنتش عاوز اقوم
مرام تبصله و تلف الناحيه التانيه و تديله ضهرها يلعب فى شعرها
مرام / بس بجد عاوزه انام منمتش امبارح كويس هناك و مش قادره
مازن / والله بحاول اقوم بس رجليا مش مطوعانى
مرام / خلاص اقعد فى هدوء
مازن / ايه ده بجد
مرام / انت عاوز ايه يا بتاع انت هاه عاوز ايه
مازن / هتدينى يعنى
مرام / هديك فسنانك انا عاوزه انام
مازن / بداها بدرى اوى يا بنت سلامه نور الدين ماشى ماشى
مرام تقوم تقعد فوق الغطا و تربع
مرام / افندم يعنى عاوز ايه
مازن / لا و على ايه نامى يا ختى نامى الله يهديكى تعالى كدا
مازن ينيم مرام فالسرير و يغطيها و يقعد جنبها يلعب فى شعرها
مرام / اقصهولك
مازن / حرام عليكى
مرام / مانا هديهولك هو انا هرميه
مازن / و هى ايه قيمه التاج منغير الاميره اللى لبساه يا مزتى
مرام / طب سبنى انام بقى والله مقادره افتح عينى بقي
مازن / طب متنامى
مرام تغمض و مازن يلعب فى شعرها تفتح
مرام / انت مش هتقوم من هنا صح
مازن / لا
..........................